ترفيهمسلسل يوميات بنت عنيدة

مسلسل “يوميات بنت عنيدة” الحلقة التاسعة

الحلقة التاسعة

ودخلت المكتب وهى سرحانه وقعدت على مكتبها من غير متكلم اى حد

 

واحمد لاحظ انها مش طبيعيه ووقتها وليد كان بيكلم عماد

 

وليد :انت يا بنى مش هتتهد بقى كل يوم اشوفك مع بنت شكل

 

عماد :عادى بقى مهم اللى بيجرو ورايا وبعدين انا خسران ايه

 

وليد : انت كده بتستعبط حرام عليك بنات الناس

 

عماد : انا مضربتش حد على ايده

 

ملك سمعت كلام عماد ومابقتشى عارفه هى بتقول ايه

 

ملك بعصبيه : انت ازاى بتعمل كده انت ازاى تعلق وحده بيك وانت مش بتحبها ازاى بتعرف تمثل بالطريقه دى ازاى تبقى بنات الناس لعبه فايدك

 

وفالاخر ترميها ودور على لعبه جديده وحده كل غلطها انها حبت واحد زيك معندهوش ولا اخلاق ولا ضميرو فرحان اوى بالبنات اللى بتجرى وراه

 

وكل يوم بوش مع وحده جديده وبتقولها كلام حفظه مش حاسه وفالاخر تقول ان هى اللى غلطانه بجد دى حاجه تقرف

 

ومشيت ملك وهى متعصبه ومضايقه وجرى وراها احمد

 

احمد : فى ايه مالك

ملك : ولا حاجه يلا عشان نروح الموقع

ومشت من غير متتكلم

 

وهم فالعربيه ملك كانت سرحانه وفجاءه قطع سرحانه رنت موبايلها

 

بصت ملك لقت اللى بيتصل نورهان

 

ملك بقت ماسكه الموبايل وهى محتاره ترد ولا لاء

 

ومش عارفه تعمل ايه

ملك : السلام عليكم……ازيك يا نورهان ……مالك بتعيطى ليه …….معلشى بس اهدى ……هو اصلا مايستهلشى تعيطي عشانه ……..طيب

خلاص اهدى بقى شويه وانا هجيلك بليل مع السلامه

وقفلت ملك التليفون

 

وفجاءه لقاها احمد بتعيط وعماله تقول انا السبب انا السبب

احمد وقف بالعربيه وبصلها

 

احمد: ملك فى ايه

 

ملك بعياط : انا السبب

 

احمد : طيب اهدى بس كده وقوليلى فى ايه

 

وبعد شويه هديت ملك وحكت لاحمد اللى حصل

 

ملك: انا مش عارفه هعمل ايه معاها دلوقتى ولا هقولها ايه ……. اقولها اللى حبتيه واحد حقير كان بس بيتقربلك عشان يوصلى كان وخدك مجرد

لعبه طيب وهى هتصدقنى ……..انا دماغى هتنفجر مش عارفه اعمل ايه

 

احمد: ملك انا مش عاوزك تحسى بالذنب انتى مكنتيش تعرفى … انتى روحى لصحبتك انهارده وحولى تهديها وقفى جانبها بس متجبليهاش سيره

اللى حصل عشان متاخدشى موقف منك والحيوان ده حولى تتجنبيه لحد ماتخلصى التمهيدى

 

ملك: انا اصلا مش بكلمه ولا ليا علاقه بيه وكده كده مش هبقى اروح الكليه الا فالضرورى عشان الشغل بس انا مش مصدقه اللى بيحصل ده انا

مكنتش احب انى اكون سبب فجرح صاحبتى صدقنى يا احمد انا معملتش حاجه بجد انا مكنتش اعرف انها هتنجرح كده بسبببى

 

احمد : انا عارف انك ملكيش ذنب وانك معملتيش حاجه حاولى تعدى الموضوع ده وكانه محصلشى ولو زعلانه على صحبتك متزعليش مش احسن

مكانت تكمل مع واحد بدون اخلاق ومش بيحبها كويس انها سبته هى الكسبانه صدقينى

 

بصتله ملك والدموع فعنيها : عندك حق ….انا هاروحلها بليل وهحاول اهديها

 

احمد: خلاص بقى فكى كده ولا يهمك يلا بقى عشان نروح نشوف الشغل

 

ولما خلصت ملك شغلها راحت لنورهان شويه وحاولت تخفف عنها وتهديها وطبعا مقلتلهاش حاجه زى ما احمد قالها وهى كمان حاولت تعدى

الموضوع ده وتنساه

 

ويومها بليل احمد كان بيشتغل في اوضته

 

بس هو كان سرحان وعمال يكلم نفسه

 

” هو انا ليه اضايقت من موضوع ملك ده انهارده

 

ماهو انا عندى حق ماهو محمود ده اصلا حيوان

 

بس اد ايه ملك دى طيبه ورقيقه اوى كانت زعلانه ازاى عشان صاحبتها

 

ماهو عادى ماهى صاحبتها برضه

 

فى ايه يا ابو حميد انت وقعت ولا ايه

 

لا وقعت ايه عادى يعنى مفيش حاجه

 

طيب انت كنت مضايق ليه

 

عادى يعنى مفيش سبب

 

اوعى تكون بتغير على ملك

 

اغير لا طبعا اغير ليه وبتاع ايه يعنى اغير”

 

وحاول يخرج الفكره دى من دماغه بس مقدرشى فضل طول الليل يفكر في ملك وانه ممكن يكون بيغير عليها وقد ايه كان نفسه يضرب محمود ده

———–———-———————-————

ونكمل في الحلقة العاشرة  .. الى اللقاء في الحلقة العاشرة

بقلم الكاتبة :ريم أحمد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى