ترفيهمسلسل خلف هذه الجدران

مسلسل خلف هذه الجدران الحلقة الثالثة عشر (الجزء الثاني)

” الحلقــــ(13) ــــة ” من مسلسل “خلف هذه الجدران ” (الجزء الثاني )

**********
**********

ياربي ع المحلسة بتاعتك يا اماااااااني ههههههههه ال ما عندناش اغلى من والدة حضرتك هههههههههه

بقولك ايه يا هااااااااااالة ,خليكِ في حالك يا حبيبتي

انا في حالي يا ست اماني , انا مالي يختي , اتمحلسي اتمحلسي , ربنا يجعل محلستك بفايدة ههههههههه

هههههه هيجعلها بفايدة , بس اطلعي انتي منها , بقولك ايه , معلش يا هلولة يا حبيبتي , ادخلي انتِ مع دكتور عصام غرفة العمليات بدالي مع تغريد زميلتنا , عشان انا مش فاااااااضية

ماشي يا ستي , هدخل بدالك , عشان لما اكون مزنوقة في مرة وعايزة امشي بدري ولا حاجة تعملي الشغل بدالي

ههههههه انا عنيا ليكِ يا هااااااااااالة امووووووووه , عن اذنك يا قمر

**************************************************************

ها يا امي , ايه رأيك في الاوضة دي ؟ مريحة ولا انقلك اوضة تانية ؟

لا تانية ولا تالتة , كلها زي بعضها , ناوي تقعدني هنا قد ايه ؟

هههه يا امي انت لسة واصلة يا حبيبتي , على العموم مش هأخرك ان شاء الله , اسبوع ع الأكثر

ايه ! اسبوع يعني ايه ! يا ابني حرام عليك , انت كدة بتعذبني يا عصام , انا مش برتاح غير في بيتي وانت عارف كدة كويس , ولو شايف اني تعبانة اوي لدرجة الموت يبقى سيبني اموت في بيتي

يا امي بعد الشر عليكِ ,هاتي ايدك الجميلة دي ابوسها , اموووووووووه ., بالله عليكِ ما تقوليش كدة , انت بخير والله بس انا عايز اعملك فحوصات شاملة , طب تعرفي ان كتير اوي من الاثرياء لازم يجو عندنا يعملوا فحوصات شاملة كل ست شهور ؟ ههههه يعني بيحبوا يطمنوا على نفسهم

ايوة , خايفين من المرض والموت ومتشعبطين في الدنيا بإديهم وسنانهم وكأنها دايمة , لا يغني حذر من قدر يا ابني , وعلى العموم انا جيت هنا عشان اريحك

هههه ربنا يريح قلبك يا ست الكل , طيب انا عندي عملية دلوقتي وبعدها هجيلك عشان اعمل الازم , ده ريموت التليفزيون , اتفضلي

اعمل بيه ايه ؟

هههه اتفرجي ع التليفزيون عشان ما تحسيش بالملل

معايا مصحفي , هو انيسي , الحمدلله

ربنا يزيدك ايمان يا امي , اهي اماني جاية اهيه

هههه غرفة العمليات جاهزة يا دكتور عصام , اتفضل حضرتك وسيبني مع الحاجة

اوكيه , طيب يا امي لو عوزتي أي حاجة اطلبيها من اماني , هي الممرضة المسؤولة

طيب يا ابني , متشكرة يا بنتي على اهتمامك

ههههههه ازاي بقى , ده حق حضرتك علينا , حضرتك ما تعرفيش غلاوة دكتور عصام عندنا والله

مممم جزاكِ الله خيرا يا بنتي , على العموم تقدري تتفضلي دلوقتي , انا مش محتاجة حاجة

طيب لو عوزتي حاجة , اطلبيني على الرقم ده , هكون قدامك في غمضة عين هههههه اهو الرقم

بارك الله فيكِ يا بنتي , ممممم نضارتي فين عايزة اقرأ الورد القرآني , اهيه , الحمدلله

ممم هو حضرتك هتقرأي قرآن ؟؟؟؟؟؟؟

ان شاء الله

طيب ممكن اطلب من حضرتك تدعيلي بالهداية , انا مش بمسك القرآن ولو حتى في رمضان

لا حول ولا قوة الا بالله , ليه بس كدة يا بنتي ! وياترى بتصلي ؟

مممممممم لأ

كمااااااااااااااان !!!!!!!! اللهم لا حول ولا قوة الا بالله , حد يا بنتي يستغنى عن الصلاة ! حد يستغنى عن المتعة الكبيرة دي ! حد يرفض يلبي نداء الخالق العظيم ! ليه بس كدة ؟

والله انا ساعات بصلي لكن اوقات بقطع , يعني , يمكن عشان ظروف شغلي ومواعيدي الملخبطة

اهي كلها حجج واهية يا بنتي , اللي عايز يصلي ويلتزم بالصلاة بيلتزم , على فكرة انا في شبابي كنت بشتغل وعمر الشغل ما عطلني عن تأدية صلاتي في معادها وحتى لو حصل ظرف طارق واتأخرت بحاول بكل جهدي اسرع عشان أأدي صلاتي

ممممم ماشاء الله , هو حضرتك كنتي بتشتغلي ايه ؟

كنت بشتغل مدرسة لغة انجليزية واستمريت في شغلي سنين بعد زواجي , وعلى فكرة تزوجت وانا لسة في الكلية , كنت لسة في سنة تانية , وخلصت دراستي وكان معايا عصام وهاني , يعني كنت بدرس ومسؤولة عن زوج وبيت واولاد ومع ذلك ما قصرتش في صلاتي وعلاقتي بربي بفضل الله , لاني كنت دايما واضعة ربي وعلاقتي بربي في مقدمة حياتي لانه اعز واغلى من الزوج ومن الاولاد ومن النفس , بنتقرب الى الله واحنا طامعين في القبول وبندعي انه يقبلنا في زمرة المحبين , لكن بقى اللي عايز يتحجج بيلاقي الف حجة ويقول مش فاضي اصلي

يااااااااااااااااه ! حضرتك حسستيني اني صغيرة جدا قدام حضرتك

يا بنتي خلي صلاتك اهم ما في حياتك , عمر حياتك ما هتستقيم الا اذا استقامت علاقتك بربك

اهئ اهئئئئئئئ يمكن عشان انا مقصرة عندي كل المشاكل دي في حياتي اهئ اهئ

مشاكل ! انت متزوجة يا …….. اسفة يا بنتي نسيت الاسم

اماني اهئ اهئئئئئئئ انا متجوزة من انسان ما ينفعش اصلا يتقال عليه زوج اهئ اهئ

ايوة , نختار على اساس خاطئ وبعدين نبكي بدموع الندم , ليه اتجوزتيه من الاول ؟ ليه ما سألتيش عنه وعن اخلاقياته من البداية يا بنتي ؟

للأسف ساعات كتير ضغط الاسرة بيكون شديد على البنت اهئ اهئ يقعدوا يقولوا اتجوزي اقبلي , حرام عليكِ سنين عمرك اللي بتعدي من غير زوج واولاد اهئ اهئ وبعدين الواحدة تلاقي نفسها مع راجل بشع ومش عارفة تخلص منه اهئ اهئ انا رافعة قضية طلاق ومش عارفة اخد حكم يخلصني من العذاب اللي انا فيه اهئ اهئئئئئ وهو مش عايز يطلق بشكل ودي اهئ اهئئئئئئئئئئ

لا حول ولا قوة الا بالله , شوفتي بقى ان لو كنتِ اخترتي على اساس الدين والالتزام وحصل بينكو مشاكل ومافيش حل غير الطلاق كان زمانك اتطلقتي من غير محاكم وبهدلة لان المتدين اللي يتقي الله عارف الآية الكريمة اللي بتقول ( ولا تمسكوهن ضرارا لتعتدوا )

ربنا يصلحلك حالك يا بنتي , وياريت تصلي وتصلحي علاقتك بربك , احنا مالناش غيره يا بنتي , الدنيا دي هنسيبها , هنسيبها كلنا وهنقابله , ليه نقابله بجبال من الذنوب تخجلنا من لقائه ! للأسف بنفكر ازاي نعمر الدنيا وبنخرب في الآخرة بكل ما اوتينا من قوة , ياريت تفكري في كلامي , بستأذنك دلوقتي عشان اقرأ الورد بتاعي

اتفضلي حضرتك , متشكرة على النصيحة

العفو يا بنتي , إيييييييييييييييه , ربنا يصلح قلوب العباد اللهم آمين , اعوذ بالله من الشيطان الرجيم , بسم الله الرحمن الرحيم

*************************************************************************

في ايه يا هاني , مالك عمال طالع نازل بالاسانسير كل شوية كدة !

امي امي يا رشاااااااااااااااا

طنططططططططططططططططط , مالها ؟؟؟؟؟؟؟؟؟؟؟؟؟؟؟؟؟

عمال ارن الجرس من ساعة ما جيت ما بتفتحش , قولت يمكن بتصلي , يمكن في الحمام , قولت انزل تاني , برضو ما فتحتش , تلات مرات انزل ارن الجرس بين فترة والتانية وما فيش نتيجة

يمكن خرجت يا هاني

ما انتِ لو عندك شوية دمممممممممم شوية بس ,كنتِ نزلتي كل يوم الصبح تطمني عليها وحتى لو خرجت كان زمانها قالتلك هي رايحة فييييييييييييين , لكن انتِ ولا كأنك عايشة معاها في نفس العماااااااااااااااارة

يووووووووو يا هاني , يا اخي حرام عليك والله اهئ اهئئئئئئئئئئئ يعني مش كفاية من ساعة ما بصحى لحد ما بنام والولاد مش بيبطلوا طلبااااااااااااااااات اهئ اهئ غير طلباتك وطلبات البيت اهئ اهئئئئئئئئئئئئ اه يااااااااااااااني اهئ اهئئئئئئئئئئئئئئئئئئئئ

يا سلاااااااااااااااام ! يعني حضرتك ما بتاخديهومش بالعربية مرتين في الاسبوع تروحي الناااااااااااادي وتقعدي بالساعات مع الست ماهيتاااااااااااااااب ! ما بتاخديهومش كل اسبوع وتروحي لامكككككككككككككككك !!!!!!!!! انا انا ما باخدكيش انتِ والولاد وافسحكو كل اسبووووووووووووع محسساني انك طول اليوم في شغل البيت ومقهووووووووورة

ييييييييي , يعني كمان ما اخرجش ولا اتفسح يا هاااااااااني , وبعدين بصراحة لما بنزل عند طنط مش بلاقي مواضيع اتكلم فيها

والله ! ما تعرفيش تقوليها ازيك عاملة ايه ! ما تعرفيش تسأليها عن خالتي اللي مسافرة اليونان من سنين ! انتو يا ستات ما بتلاقوش مواضيع تتكلموا فيها انتوووووووو !!!!!!!! دانتو الكلام بيزهق منكو ويقولكو ارحمووووووووووني واقفلوا بقكو شووووووووووية , انا نازل اشوف امي

ابقى طمني يا هاااااااااااااني

*************************************************************************

ترررررررررررررررررررررررررن تررررررررررررررررررررررررررررررررررررررررررررررررررررررررررن

يا امي اميييييييييي توووووووووء , اعمل ايه انا دلوقتي , ااه اسأل عصاااااااام , بس عصام ما بيجيش دلوقتي , وماجد مش هنا , لسة في راس غارب , متهيألي لسة ماجاش , مافيش حل غير اني اتصل بعصام في المستشفى

هنزل اكلمه من المحل اللي تحت
ترررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررن

الو

لو سمحتي اكلم دكتور عصام

مين عايزه يا فندم

هاني اخوه

حاضر , دقيقة واحدة

الوووو ايوة يا هاني

ازيك يا عصام , ما تعرفش امي فين ؟؟؟؟؟؟؟؟؟

امك هنا

هنا فين ؟

هنا في المستشفى

اييييييييييييييييييييييييييه !!!!!!! اميييييييييييييييييي ! امي مالهااااااااااااااااااااااا

مافيش حاجة , لقيتها الصبح كدة ضغطها مش مظبوط وصحتها مش عاجباني قولت اجيبها تحت الملاحظة واعملها شوية فحوصات

يا اخي والله العظيم انت ما عندك ريحة الدممممممممممممممممم , يعني ايه تاخد امك المستشفى وما تقوليشششششششششششش ! هي مش امي زي ما هي امكككككككككك

يا اخي اتلخمت ونسيت , حصل ايه يعني ! كنت هقولك لما اروح البيت

اوووووووووووووووف , انا جاي حالاااااااااااااااااااااااااااااااااا

*************************
****************************************************

ايه ده , هو هاني ما طلعش ليه !!!!!!!! ايه ده , مش صوت كلاكس عربيته ده ! مممممممم اما اروح جري ابص عليه من البلكووووووووووووووووووووووونة

مممممممم هو فعلا , رايح فين دددددددده ! رجالة ايه دي اللي يخرجوا من غير إذن ستاتهم ! اووووووووووووف

**************************************************************************

ههههههههههههههههه ايه رأيك في الريستورانت الشيك ده يا نسرينو يا روح قلبي

هههه اهااااااا شيك , حقيقي تري شيك , الاكل كمان سو دليشيس , ثانك يو طنط ع العزومة اللطيفة دي

كان نفسي سرفيناز تيجي معانا , لكن قالتلي انها مرتبطة بغداء مع عضوات الجمعية

ايوة , مامي قالتلي انها هتتغدا مع عضوات الجمعية عشان كمان بينظموا الحفل الخيري اللي بيجمعوا فيه تبرعات لضحايا التزحلق على الجليد في الاسكيمو

ايوة , حقيقي اختي سرفيناز بتقوم بدور اجتماعي هايل على مستوى العالم , كلي يا نسرين , الاكل يجننننننن

اهاااااااا , فعلا يجنن مممممممم

قوليلي , اخبار رامي وايتين ايه ؟

اوفتي بقىىىىىى مش تجيبيلي سيرتهم يا طنطي , ولاد اشقيااااااااا اشقيا ومتعبين

هههههههه تعرفي ان الولد رامي ابنك ده لطيف خالص وهيطلع ولد امور وليه مستقبل هايل مع البنات هههههههههه

هههههههههههههه فعلا امور , بس شقي

وانت مالك ومال شقاوته , هو مش الدادة بتاعته هي المسؤولة عنه ؟

ايوة يا طنطي , لكن حتى الدادة زهقت منه , مش مطيع خااااااااااااااالص , دي بقت تخاف منه وتتجنبه

وايتين ؟

ايتين , شوية كدة وشوية كدة , يعني , شقية بس مش زي رامي , مع ان الاتنين بيعلموا دويتو شقاوة لا يطاااااااااااق

هههههههه ما تيجي تشتغلي معايا ؟

هههههههههههههه اشتغل ! انا اشتغل يا طنطي لولى !!!!!!!!!!

واي نوت ؟ ليه لأ ؟؟؟؟؟؟؟؟؟؟؟؟

نووووووووووووووووووو طنطي لولى نوووووووووووووو , انا مش احب الالتزام والقيوووووووووود , احب ابقى على حريتي في أي وقت , مش ورايا مسؤوليات , على فكرة مامي عرضت عليا كتير اشترك في الجمعيات الخيرية بتاعتها لكن انا قولت نووووووووووو مش نسرينو اللي تجمع تبرعات بتاعة ضحايا وزلازل وبراكين هههههههه

ههههههههه اومال انتِ ليكِ في ايه يا بنت ؟ ولادك ومش طايقاهم , جوزك وسايباه طول اليوم ومالكيش ادنى علاقة بيه , الشغل ومش عايزة تشتغلي , اومال انتِ عايزة ايه ؟؟؟؟؟؟؟؟؟؟

هههههههههه عايزة استمتع بالحياة من غير قيوووووووووووووووود ههههههههه الحياة سو نايس , سو لافلي , احنا ليه نعقدهااااااااااا , انا احب ارقص اغني اتنطط , احب رووووووووكي كيتي ساندي , صاحباتي , الكوافير , النادي , الرحلات , هي دي حياتي اللي بموت فيها يا طنطي لولى ههههههههههه

هههههههههه على راحتك ياروحي , استمتعي , استمتعي براحتك . ايه ده ! معقوووووووووووووووول ههههههههه

في ايه يا طنطي ؟

شايفة الراجل اللي هناك ددددددددددددده ؟

فين ده ؟ اهااااااااا , اللي لابس بدلة سودة وكرافيت نبيتي في بيج ومعاه تلاتة بادي جاردز ؟

ايوة هووووووووو ده ممدوح المنياوي

مين ممدوح المنياوي ؟

هههههه حد ما يعرفش مين ممدوح المنياوي ! ده من اكبر رجال الاعمال في الخاااااااااارج , ده واحد من طلاليقي التسعة على فكرة

ههههه انتِ كنتِ متجوزة الراجل الامور ده ؟ طيب ليه اطلقتي منه طنطي ! مع ان شكله مودرن وسبور ومش معقد

يا حبيبتي زهقتتتتتتتتتتت زهقت منه , تعرفي ان اغلب وقته بيقضيه في الطيااااااااااااارة , على طول يوصل من السفر عشان يستعد للسفر , فترة جوازنا استمرت اربع شهور قضيتها معاه في السفر والطيارات

وااااااااااااااااااو , وحد في الدنيا يسيب راجل بيلف حول العالم بالشكل ده ! دي الحياة معاه متعة حقيقية

حبيبتي انا كمان سيدة اعمال , وشغلي اتأثر سلبيا بسفري الكتير , يعني هو يعلى ويعمل اسم وانا ابقى ولا حاااااااااااااجة ! انتي ترضيها لطنط لولى حبيبتك ؟

هههههه نو طنطي نووووووووووو , وبعدين خلاص انتي اطلقتي منه , لكن قوليلي هو ترتيبه ايه في التسعة ؟

ممممممممممم أُوووووووو نسيت , ريلي نسيت , ممممممم تقريبا الرابع او الخامس , بس مش اكيد

ههههههه هو مين اول واحد اتجوزتيه طنط لولى

اول واحد كان رجل اعمال برضو , اسمه زهدي لاشين

هههههههه اشمعنى يعني فاكرة اول واحد

ههههه عشان اول واحد , الزوج الاول ما يتنسيش

يعني انا لو اطلقت من صاصو واتجوزت بعديه كتير كتير هفضل فاكراه ؟

نووووووووووووو اوعي تقولي كدة نسرين , لالالالالالا ليه تطلقي من صاصوووووو نو حبيبتي نووووووووو مش احبك تخوضي التجارب المريرة دي , استني اهو ممدوح جاي على هنا هههههههههه

**

مش معقووووووووووووووول هههههههههههههههههه لي لي دويدار , الجمال الآخاذ هو هو , السنين ما غيرتكيش , اسمحيلي ابوس ارق ايدين لارق ست شافتها عنيا

هههههه اتفضل

امووووووه , ازيك يا لي لي , اخبارك ايه واخبار شغلك ومشاريعك

ههه تمام كله تمام , ازيك انت ممدوح

كويس كويس اوي . لسة راجع من سويسرا امبارح ورايح روما في طيارة الساعة خمسة الفجر

ههههههههههههه هتفضل كدة طول عمرك يا ممدوح يا منياوي

هههههههه هنعمل ايه , شغل رجال الاعمال متعب , مش تعرفيني بالامورة

نسرين بنت سرفيناز اختي , متهيألي انت ما شوفتهاش قبل كدة

لالالالا اول مرة اشوفها , ازيك نسرين

اهلا عمو

ههههههه بنت اختك بتكبرني هههههههه وانتِ في سنة كام يا امورة

ههههههههههه انا متجوزة وعندي توينز ولد وبنت

يااااااااااااااه هههههه مش باين عليكِ , فين جوزك عشان اهنيه على اختياره الرائع لست جميلة زيك

ههههههه ميرسي

اقعد يا ممدوح واقف ليه

هقعد طبعا , انا اللي هدفع الحساب بتاع الغدا بتاعكو

لالالالالالا انا عازمة بنت اختي

هههههههه وانا عازمك انتِ وبنت اختك , وحشاني يا لي لي , اتجوزتي رقم عشرة ولا لسة ؟ هههههههه

هههههههههه نووووووووووو خلاص , انا اتجوزت شغلي ومشاريعي لاني اتأكدت اني فاشلة في موضوع الجواز ده

هههههههه طيب بمناسبة الشغل , انا بفكر اعمل مشروع اسكان كبير اوي هنا , ابراج ضخمة تتباع تمليك وتحتها محلات فخمة وكبيرة تتباع تمليك برضو , مجال العقارات مربح جدا في مصر , ما تدخلي معايا شريكة يا لي لي

لالالالالالا ابعدني عن مجال العقارات , مش بتاعي , ما بفهمش فيه

مممممم طيب ممكن تساعديني بصفتك ليكِ علاقاتك واتصالاتك

ههههههه انا ممكن اساعدك واخد الكوميشين بتاعي , لان ما عنديش مجاملات في شغلي

وانا احترم فيكِ عدم المجاملات في الشغل , بعيد عن حياتنا الزوجية الفاشلة , احب اقول رأيي فيكِ بصراحة , انك سيدة اعمال هايلة ناجحة جدا

هههههههه ميرسي ممدوح ميرسي , شهادة اعتز بيها من رجل اعمال ناجح زيك ومعروف على مستوى العالم

ههه شكرا , طيب انا هاخد كاس نبيذ قبل الغدا , تحبوا تشاركوني ؟

تاخدي نبيذ نسرين ؟

نووووووو , مش بحبه

اوكيه , انا هاخد معاك ممدوح

اوكيه , متررررررررررر

تحت امرك ممدوح بيه

اتنين نبيذ على ما تحضرولي الغدا اللي طلبته

تحت امر سيادتك ممدوح بيه

***********************************************************************

ممممممم ايه ده , متهيألي الست اللي هناك دي حرم دكتور عصام زميلنا , بس ايه الراجل والست اللي معاها دول ! دول بيشربوا خمرة !!!!!!!!! لا حول ولا قوة الا بالله , لالالالالا اكيد دكتور عصام ما يعرفش الكلام الفارغ ده , مممممممم طيب اقوله ولا ما اقولوش ؟؟؟؟؟؟؟؟؟؟؟

انت بتكلم نفسك يا حمدي يا حبيبي ! ههههههههه

هاااااا ! لالالالا مافيش حاجة يا حنان يا حبيبتي

انت تعرف الناس دول ! اصل انت باصص عليهم ومش عايز تنزل عنيك

أأأأأأ لالالالا ما اعرفهومش , ما اعرفهومش يا حبيبتي , على فكرة انا ما كنتش اعرف ان المطعم هنا بيقدم خمور

خمووووووووووور ! اعوذ بالله , طب قوم يا حبيبي نشوف مطعم تاني

طبعا يا حبيبتي , ده اللي هيحصل , يلا بينا نمشي من المكان الموبوء ده

*

*
**********\\

تن تن تن انا اماني ممكن ادخل يا فندم ؟

اتفضلي يا بنتي

هههههه جيت عشان ادي لحضرتك الحقنة

اتفضلي ادخلي

مممم اااه

بالشفا ان شاء الله يا فندم

الله يخليكِ يا بنتي

***********

امييييييييييييي امييييييييييييييي

هاني ! اهلا يا حبيبي

طيب عن اذنكو

اتفضلي يا بنتي , ايه يا هاني مخضوض كدة ليه , انا كويسة يا ابني

ايه يا حبيبتي امووووووووووه حاسة بإيه يا امي

والله العظيم يا ابني ما في حااااااجة , اخوك الله يسامحه صمم يجيبني هنا , هو انا فيا ايه يعني غير الضغط المتلخبط شوية

معلش يا امي , عصام دكتور وهو ادرى مننا , اكيد شايف ان وجودك هنا احسن

لا حول ولا قوة الا بالله , بكرة ماجد يجي يقلق هو كمااااااااان

يا امي احنا ما عندناش اغلى منك نقلق عليه , يامَا قلقتي علينا وياما سهرتي جنبنا , من حقك علينا نهتم بصحتك يا امي , مهما عملنا والله مش هنوفيكِ حقك

ربنا يخليكو يا حبايبي , ما تقولوش لحد بقى اني في المستشفى , انا مش عايز اتعب الناس معايا

ماحدش عارف غيرنا واكيد ماجد هنقوله عشان ما يزعلش

طيب قوله امي ما فيهاش حاجة , وان عصام جابني بيعملي شوية فحوصات , مش عايزة ماجد يقلق بالله عليك يا هاني

هههههه ايوة يا ستي , اخر العنقود حبيب القلب , ليه غلاوة زيادة في قلبك يا ست ام عصام

هههه شوف الولد ! يا ابني والله كلكو غلاوة واحدة , ازي عبد الرحمن ومنة

بخير الحمدلله , مجننين رشا ههههههه

ههه ربنا يحفظهم ويخليهم يا حبيبي

رشا هتجيلك بكرة ان شاء الله

لالالالا ما تتعبهاش يا حبيبي

لا والله , لازم تجيلك , هو انا عندي اغلى منك يا امي !

ربنا يخليك ليا يا حضرة الظابط ههه

طيب يا امي انا همشي دلوقتي وهعدي عليكي بكرة

طيب يا ابني , روح شوف حالك

****************************************************************************

اوووووووووووف ولما مامتك مش تعبانة يا هاني اخوك صمم يخليها في المستشفى ليييييييييه ! ولا هو عايز يشحططنا وخلااااااااص

رشاااااااااااا , اتكلمي عددددددددددددددددل , ولو كانت امك ان شاء الله هي اللي في المستشفى كنتي قولتي كدة ولا كنتي جريتي ع الشارع وعمالة تعيطي زي المجنونة وتقولي مامااااااااا يا مامااااااااااا

بعد الشر على مامتي يا هااااااااااااني , يا حبيبي انا ما اقصدش , انت عارف اني بحب طنط , لكن دلوقتي انا لما اروحلها هودي الولاد فيييييييييييين ؟؟؟؟؟؟؟؟؟؟؟

بسيطة اوي , تاخديهم بالعربية وتوديهم عند مامتك وبعدين تروحي تزوري امي وبعدين ترجعي تاخدي الولاد وتروحي البيتتتتتتتتتت

مممممممم حاضر حاضر يا سي هااااااااااني حاضر ما هي احكام سي السيييييييد , انا عارفة كان ماله التليفون يعني ! فيها ايه لما اتصل بيها في التليفون وخلصنااااااااا

بتقولي ايه يارشاااااااااااااا ؟؟؟؟؟؟؟

أأأأأ ولا حاجة يا حبيبي , بفكر اخد ورد ولا شيكولاتة لمامتك , اوووووووف حاجة تأرف

*****************************************************************

نسرين , اعملي حسابك النهاردة هتروحي تزوري امي في المستشفى

نووووووووووووووووووو نوووووووووووووووووووووو نوووووووووووووووووووووووووو

نعم يا ست هااااااااااااااااانم !!!!!!!!!! انتي بتهرجي ولا ايييييييييييييه !!!!!!!!! بقولك امي في المستشفىىىىىىىىىىىىى يعني ايه مش هتزوريهاااااااااااااا

اوفتي بقىىىىىىىىىىىى , مش بحب ازور العيانين انااااااااااااااااا ايوووووووووووف , اروح اعملها اييييييييييييه ! يعني هي لما تشوفني هتخففففففف !!!!!!!!! هبعتلها بوكيه ورد وعليه كارت بإسمي واكتبلها اي ويش يو سوون ريكافيري

افندممممممممممممممم ! يا ست انتِ ما عندكيش احساس خاااااااااااااااااالص , يعني ما فيش ادنى تقدير لامييييييييييييييييييي

اوفتى بقىىىىىىىىىىىىى , هي مامتي ولا مامتك !!!!!!!!! مالي انا تدخل المستشفى ولا مش تدخل , يعني عايزني اسيب ماتش التينس اللي هتلعبه هايدي مع المدرب بتاعها واروح المستشفى ازور العيانين !!!!!!!!!!!!!!

تووووووووووووووووء , طب والله العظيم يا نسرين لو ما روحتي ليبقى اخر اللي بيناااااااااا , مش هبقي على عيال ولا سنين عيشناها مع بعضضضضضضضضضضض , استهتارك بامي ده هيكلفك كتيررررر كتير اوووووووووي انا ماااااااااشي

اوووووووووووووووف , امي امي امي , كمان مش هاين عليه يقول مامتي ولا مامّو , عمال يقول امي زي اللي بيبيعوا الفجل , ايوووووووووووف , دا منظر دكتور ده !!!!!!!! فين التليفون اكلم مامي , وحشتني كتير

**************************************************************

تررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررن

اليوووووووووووووو

مامييييييييييييييييييي هههههههههه

هههههههه حياة قلب مامي , هاي نسرين , ازيك ياروحي وازي العفاريت رامي وايتين

هههههههه مشغولين بيتفرجوا على الكرتون , وحشتيني مامي , عاملة ايه ودادي عامل ايه ؟

نايس , كله نايس , اخباراتك ايه واخبارات صاصو

تووووووء صاصو مامته في المستشفى وعايزني ازورهااااااااااااااا

في المستشفى ! اوكيه , ماتت يعني ولا لسة ؟

لا لسة مش ماتت

اوكيه حبيبتي , اول ما تعرفي انها ماتت قوليلي عشان انزلها نعي كبير في التلات جرايد , سرفيناز هانم دويدار تنعي والدة دكتور عصام الشهير بصاصو , وجدير بالذكر ان المذكور يبقى جوز بنت سرفيناز هانم دويدار الامورة نسرين بنت دكتور هشام الحسيني صاحب اكبر مستشفى استثماري في البلد , واهو يبقى منه نعي ومنه اعلان يا روحي و اتنين في واحد , اتعلمت العقلية التجارية من خالتك

انتِ ست عظيمة مامي , يجي صاصو يعرف قد ايه انتِ بتفكري فيه وفي مصلحة المستشفى

خلينا في المهم بقى , بلا امه بلا نعي بلا ارف , عجبتك عزومة الغدا مع لي لي

اهااااااااا هههههههه كان يوم لطيف جدا مامي , وشوفنا ممدوح المنياوي وقعدنا معاه

ههههههه ممدوح المنياااااااااااوي , فعلا راجل لطيف , صديق حقيقي , حتى بعد ما طلق اختي كان بيتصل بينا وبيسأل علينا , هو اتجوز تاني ؟

ما اتكلمناش معاه في احوال اجتماعية , كان بيتكلم مع طنطي لولى في الشغل

هههههه لولى ما بتحبش تضيع وقتها , سيدة اعمال من الطراز الأول

*****************************************************************************************

اقعد يا عبد الرحمن انت ومنننننننننننننة , يا عبد المجييييييييد , سكت العيال دددددددددددي

هييييييييييييييييه هييييييييييييييييييييييه هييييييييييييييييييييييه

انزل يا ولد من ع الطرابيززززززززززززززة

يا بنت هتكسري الفااااااااااااااااااااااااازة , يا عبد المجييييييييييييييد

هيييييييييييييييييييييه هييييييييييييييييييييييه هيييييييييييييييييييييييييييييييييييييييييه

بس يا ولاد بسسسسسس , اسمعوا كلام تيتة , تعالوا يا حلوين تعالوا اقعدوا جنبي هنا

ترررررررررررررررررررررررررررررررررن ترررررررررررررررررررررررررررررررررررررررررررررررررررررررررن

التليفون بيرررررررررررررررن انا اللي هرد يا جدوووووووووووووو

رد يا عبد الرحمن

الوووووووووووووووووووووووووووو

ههههه مين ؟ انت عبد الرحمن

ايوة , مين معاياااااااااااا

انا خالتو دعاء يا حبيبي

خالتو دعاااااااااااااء ! انتِ فين يا خالتوووووووووووووووووو؟

هههههه في الكويت يا حبيبي

هي فين دي

دي بعيدة بعيدة اوي ههههههه

طيب تعالي اتغدي معاناااااااااااااااااا

ههههه ان شاء الله يا قلبي , ازي اختك منة

كويسة , انت عندك ولد عشان العب معاه

ايوة انا عندي صلاح ورغد هههههههه

رغد ! خليها تيجي تلعب معايااااااااااااااااااا

ههههه ان شاء الله يا جميل

انا ماسميش جميل , انا اسمي عبد الرحمن

ههههههههههههههههه ماشي يا حبيبي , تيتة عندك يا عبد الرحمن ؟

ايوة تيتة وجدو عندي ومنة كماااااااااان

طيب اديني تيتة يا حبيبي

حاااااااااااااضر , تيتتتتتتتتتتتتتتتتتة خالتو دعااااااااااااااااااااااء

دعاااااااااء ! يا حبيبتي , انا جاية اهوووووووووووو دعاء ع التليفون يا عبد المجيد

الووووووووو ايوة يا دعاء يا حبيبتي وحشتينييييييييي

ماماااااااا ماما حبيبتي وحشتيني اكتر , عاملة ايه وازي بابا وازي رشا وجوزها وولادها ؟

يعني بتسألي على رشا اوي ! ما بتتصليش بيها ليه ؟؟؟؟؟؟؟

معلش يا ماما , بصراحة انا لسة زعلانة , وهي حتى ما حاولتش تصالحني , كنت منتظرة منها على الاقل بعد ولادة رغد بنتي انها تتصل تباركلي وتبقى فرصة نتصافى , لكن هي حتى ما كلفتش خاطرها تتصل تقولي حمدالله ع السلامة

يا حبيبتي انتِ عارفة رشا حساسة , خافت تتصل بيكي تكسفيها

ومن امتى يا ماما انا بكسف رشا ! بالعكس , طول عمرنا من واحنا اطفال صغيرين وانا اللي بصالحها حتى لو هي الغلطانة , عمري ما كنت اتصور ان فترة الخصام بيني وبين اختي الوحيدة تطول بالشكل ده , رشا قلبها قاسي يا ماما , وانا مش فارقة معاها للأسف

يا بنت انتِ ما تقوليش كدةةةةةةةةة , انتو اختين مالكوش الا بعضضضضضضض , قوليلي هتبعتيلي ايه هدية اول الشهر ؟؟؟؟؟؟؟؟؟؟؟

ههههههههه اللي انت عايزاه يا ماما , تحت امرك يا حبيبتي , مع انك ما سألتنيش على صلاح ورغد

هو انا ما سألتش ! هما عاملين ايه

كويسين الحمدلله

انا مش عارفة ايه الاسم الغريب اللي سمتيه للبنت ده ! ايه رغد ده كمان !

ههههههه يا ماما مش انا اللي سميتها , دي طنط جميلة مرات خالو فواز , لما كانت معايا في المستشفى وفوقت من الولادة لقيتها شايلة البنت وفرحانة بيها وتبوسها وتضحك وتقولها يارغد الله يحفظج يا رغد الله يخليج ههههههههه واول ما شافتني فتحت عيني قالتلي حمدالله على سلامتج يا ام رغد هههههه قولت خلاص رغد رغد ههههههههه

ههههه هي كانت معاكِ في الولادة

اه والله يا ماما , كانت معايا هي وسالمة , ما سابونيش خااااااااالص , حقيقي والله يا ماما طنط جميلة بتعاملني زي سلمى بالظبط , لازم تعزمنا انا وسلمى مرة في الاسبوع بجوازنا عشان نتغدا ونقضي اليوم معاها ههههه بيبقى يوم لطيف وصلاح يلعب مع نايف ابن سلمى

هو ابنها اسمه نايف ! انتو بتجيبوا الاسامي دي منين !!!!!!

ههههههه يا ماما مش كل بلد ليها اساميها ! اسم خليجي جميل , معناه قمة الجبل , او العلو السامي وبيدل على الخير والمحبة والعطاء

ههههه ما شوفناش حاجة من العطاء يعني

هههههه تحت امرك يا ماما

وجوزك عامل ايه في شغله

الحمدلله يا ماما , بيتعب اوي اوي , بس طبعا الحمدلله عايشين كويس اوي ومبسوطين وطارق مبسوط اوووووووووي وحاسس ان تعبه ما راحش ع الارض رغم التعب في الشغل

طيب يا حبيبتي , وعلى كدة بيبعت لامه فلوس

ايوة طبعااااااا , بيبعت فلوس وكمان هدايا كل فترة

وليه يا بنتي المصاريف دددددددددددي ! هي امه دي عايزة تمص دمه وخلااااااااااااص ! مش حرام عليها شقى الولد ! ما تخليش عندها دم وتقول وراه مصاريف وعنده عيااااااااااااااااااااال !

يا ماما ازاي بس ! دي امه حبيبته اللي شربت المر عشان تربيه , ازاي يعني ما يقدرهاش وما يبعتلهاش فلوس !!!!!!! وبعدين سبحان الله كل ما بيبعت لامه ربنا بيوسع رزقه اكتر

ما هو يا حبيبتي اللي بيزيد عندكو باليمين , امه بتاخده بالشمااااااااااااال

ربنا اللي بيرزق يا ماما , اديني بابا اسلم عليه

خد يا عبد المجيد ,كلم دعاء

بنتي حبيبتي ههههههه السلام عليكم . ازيك يا بنتي وازي احوااااااالك

ههههههه وعليكم السلام يا بابا يا حبيبي , وحشتني والله

ربنا يبارك فيكِ يارب , صلاح ورغد وطارق عاملين ايه

كلنا بخير يا حبيبي , عايزين دعواتك بس

بدعيلك والله يا دعاء , ربنا يصلح حالك يا بنتي , مش نازلين مصر قريب ؟

ههه ان شاء الله , لسة ما حددناش , اكيد هبلغكو , هي ممممم هماااااا أأأأ هي رشا سايبة الولاد عندكو ولا ايه

رشا راحت تزور حماتها في المستشفى

معقول ! طنط امينة !!!!!! يا خبر , مالها بعد الشر

عندها شوية لخبطة كدة في الضغط ومشاكل صحية

يا خبر ! والله رغم اني ما قابلتهاش كتير , لكن ما انساهاش ابداااااا , ست من ارقى الناس اللي قابلتهم في حياتي , طيبة وودودة وبشوشة , بحبها اوي

ايوة والله , هي ست ونعم الستات

طب من فضلك يا بابا اديني رقم المستشفى

والله يا بنتي مش معايا , طيب اتصلي كمان ربع ساعة كدة اكون اتصرفت وجبتلك رقم المستشفى او رقم الغرفة اللي هي فيها

طيب يا بابا , هتصل بحضرتك تاني ان شاء الله كمان ربع ساعة , السلام عليكم

وعليكم السلام يا بنتي

************************************************************************

اهلا يا رشا

اهلا بيكِ يا طنط , سلامتك الف سلامة , اتفضلي بوكيه الورد ده عشان حضرتك , هحطه ع الكومدينو

شكرا يارشا , تعبتي نفسك يا بنتي , ما كانش في داعي تيجي

لالالا ازاي بقى يا طنط , كان لازم اجي طبعا عشان اطمن على حضرتك

جزاكِ الله خيرا

وحضرتك عاملة ايه دلوقتي

نحمد الله يا بنتي , احسن الحمدلله

ترررررررررررررررررررررررررررن تررررررررررررررررررررررررررررررررررررررررررررن ترررررررررررررررررررررررن

التليفون بيرن يا طنط , ارد انا ؟

لا يا بنتي , انا هرد , السلام عليكم

وعليكم السلام , ازي حضرتك يا طنط امينة

مين حضرتك يا بنتي ؟

انا دعاء اخت رشا مرات هاني

ياااااااااااااه هههه اهلا اهلا يا حبيبتي , ازيك يا دعاء وازي ابنك صلاح

دعااااااااااااااااااااااء !!!!!!!!!!! متصلة بحماتي عايزة منها ايه دي ؟؟؟؟؟؟؟؟؟؟؟

ههه الحمدلله يا طنط , دلوقتي كمان ربنا رزقني برغد الامورة

ماشاء الله ماشاء الله , ربنا يخليهوملك يا بنتي

المهم طمنيني على صحة حضرتك يا طنط , انا والله لسة عارفة دلوقتي لما اتصلت بماما , اخدت رقم تليفون الغرفة واتصلت على طول عشان اطمن عليكِ , حضرتك غالية علية اوي يا طنط والله

يا حبيبتي يا بنتي ههه والله كلك ذوق يا دعاء , ما توقعتش ابدا اتصال منك

ليه بس كدة يا طنط ! هو انا مش زي بنتك

ههه بنتي والله يا دعاء ., بس يا بنتي ماجاش على بالي انك تهتمي وتتصلي اتصال دولي عشان تطمني عليا

والله يا طنط ولو كنت موجودة في مصر كان زماني عندك في المستشفى عشان اطمن عليكِ , طمنيني عاملة ايه دلوقتي

بخير يا حبيبتي , مكالمتك دي فرحت قلبي خااااااااااالص وحاسة ان التعب راح

هههه ربنا يعزك يا طنط , ان شاء الله هتصل بحضرتك تاني واتمنى قعدتك في المستشفى ما تطولش

ان شاء الله يا حبيبتي , جزاكِ الله خيرا يا دعاء , سلمي على جوزك وخلي بالك من ولادك

ان شاء الله يا طنط , السلام عليكم

وعليكم السلام ورحمة الله وبركاته يا بنتي , في حفظ الله ورعايته , دي دعاء اختك يا رشا

مممممم انا فهمت كدة من اول ما حضرتك رديتي ع التليفون , عاملالي صاحبة واجب اوي

طيبة اختك والله يا رشا , نادر لما الواحد يقابل ناس بالاخلاقيات العالية دي , ربنا يخليكو لبعض يا حبيبتي

ممممم ميرسي يا طنط , طيب انا همشي بقى عشان سايبة الولاد عند ماما

طيب يا بنتي , طريق السلامة

***********************************************************************

اوفتي بقىىىىىىىىىىىىى اديني وصلت عند المستشفىىىىىىىىىى ايووووووووووووف , تعالى ياروكي عشان نخلص من الزيارة الرزلة دي , مالي انا مامته تدخل مستشفى ولا تعيش ولا تمووووووووووووت ايوووووووووووووف يلا يا روكي يلا عشان نخلص من السخافة دددددددددددي

هوووووووووووووووووووو هوووووووووووووووووووووووووو هوووووووووووووووووووووو

***********************
هههههههه الحقي يا اماني , مرات دكتور عصام نزلت من عربيتها وطالعة المبنى اهيه

ايييييييييييييييه ! وايه اللي جابها دي

جاية تزور حماتها طبعا , اومال جاية ليه يعني !!!!!!!!

ممممممم طيب انا هروح جري ع الاوضة اعمل حجتي أي حاجة واشوف علاقتهم ببعض عاملة اززززززززززاي

هههههههه اجري يختي اجري ربنا يوفقك

*******************************

تن تن تن

ادخل

هههه ازيك يا فندم , اخبارك ايه دلوقتي

الحمدلله يا بنتي , ياريت توطي التكيف شوية عشان عالي

بس كدة ! من عنياااااااااااا ههههه طلبات حضرتك اوامر

**

هوووووووووووووو هووووووووووووووو هوووووووووووووووووووووووووو

ايه ده ! ممممممم مرات عصام !

تن تن تن ممكن ادخل

اتفضلي يا نسرين

ممممم سلامتك يا طنطييييييي انا زعلت موت موت لما صاصو قالي انك في الهوسبيتاااااااااااال , اتفضلي تشوكليت , جبتها من محل غالي خاااااااالص

جزاكِ الله خيرا

مممممممم ادخل يا روكي

هوووووووووووووو هووووووووووو هووووووووووووووو

هو حضرتك حرم دكتور عصام

اهااااااا ! انتٍ تعرفيني يا انتي ! اصل انا متهيألي مش شوفتك قبل كدة

انا اماني ممرضة هنا في المستشفى

اهاااااا , جود , جود اماني , شغلانة النيرس دي متعبة كتير كتيرررررر

ههه هنعمل ايه بقى يا مدام , اكل العيش مر

وليه تاكلي عيش ! على فكرة العيش بيتخن , تعرفي ان في واحدة صاحبتي في النادي زادت تلاتة كيلو بحالهم بسبب اكل العيش , لما راحت للدكتور عشان تعمل دايت قالها امنعي العيش امنعي العيش امنعي العيش , تلاتة امنعي العيش , وانتِ كمان امنعي العيش , مع انت انتِ رفيعة مش تخنانة , بس برضو امنعي العيش سواء طعمه مر او طعمه حلو , اتفقنا ؟

هههههه اتفقنا يا مدام , عالم فايقة ورايقة وساحبة كلاب ههههه الله يكون في عونك يا دكتور , دي عايشة في كوكب تاني لوحديها , مش عايزة حاجة تاني يا حاجة ؟

شكرا يا بنتي

اوكيه يا طنطي اقولك باي بقى عشان عندي معاد مع الكوافير

كوافير ! مممممم , طيب , الله يسامحك يا عصام يا ابني

 

—————————————————–

ونكمل في الحلقة الرابعة عشر .. إلى اللقاء في الحلقة الرابعة عشر (الجزء الثاني)

بقلم الكاتبة: هبة نور

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى