مسلسل جراح الحب الحلقة السابعة والثامنة عشر

الحلقة 17

ابراهيم : نيرة انا شايفك من امبارح وساكت
نيرة : ع ايه يا انكل
ابراهيم : وشك ماله ؟؟
نيرة بأرتباك : أأأ …. أصل اتخانقت مع صحابى
ابراهيم : يااااه وهى ايد صحابك جامدة كدة
نيرة : اه جدا دة انا مش قادرة
ابراهيم : بس دى شكلها ايد راجل ومعلمة فى وشك
نيرة : وانت عايز تسمى صحابى ددول بنات ههههههه
ابراهيم : ههههههه عندك حق
نيرة : انت بقيت تهتم بينا اوى
ابراهيم : عشان بحبكو ولقيت اللى كنت بعمله دة غلط
نيرة : يارب تفضل كويس كدة ع طول
ابراهيم : ياااررب يا حببتى تسمحيلى اقولك حببتى
نيرة : وتسمحلى اقولك يا بابا
ابتسم ابراهيم وفتح زراعيه لها كى تحضنة
جرت نيرة ف حضن ابراهيم واخذو يبكو سوا
نيرة : نفسى ف حاجات كتير اوى تحصل وترجع زى ماكانت
ابراهيم : طول ماانا موجود اى حاجة عايزاها هنساعد بعض فيها
نيرة : بجد يا بابا
ابراهيم : اكيد يا حببتى واطلبى دلوقتى حالا
نيرة : عايزك ترجع خالد تانى
ابراهيم : بس انا معرفش هو فين
نيرة : اكيد عند صحابو والنبى يا بابا انا بجد هستريح لو رجع وماما كمان هتفرح ونورهان اوى
ابراهيم : هفكر واقولك
نيرة : لا تفكر ايه دة عقبال متفكر يكون ضااع صحابو هيبوظو ويضيعوة
ابراهيم : خلالاص ماشى تيجى معايا النهاردة وندور عليه
نيرة : بجد يا انكل
ابراهيم : بابا بقا
نيرة بابتسامة : بجد يا بابا
ابراهيم : اكيد يا حبيبتى بس متقوليش لحد خليها مفاجاة
نيرة : هيييييييييه هروح البس عشان محاضرة نورهان وبعدين نرجع ونروح ندور عليه
ابراهيم : متتاخريش
نيرة : طيارة
————————-
دخلت نيرة ووارتدت ملابسها وارتدت نورهان ملابسها
ووضعت ميكب حتى تدارى الكدمات فى وجهها
وخرجو سوا وطول الطريق نورهان لا تنطق بكلمة
وصلو الى الجامعة كان هناك يوسف وعمر واقفين ع باب الجامعة
شاورت له نيرة انها توصلها ع محاضرتها ثم تذهب اللى الكافتيريا
وفهم يوسف انما عمر لم يفهم شئ
عمر : فهمت حاجة
يوسف : اه بتقولك هتودى نورهان محاضرتها ومستنياك فى الكافتيريا
عمر : وانت فهمت ازاى
يوسف : 5 فى وشك
عمر : طيب يلا نروح نقعد ف الكافتيريا عقبال ماتيجى
يوسف: تمام
———————–
وصلت نيرة اللى قسم المكفوفين واوصلت اختها اللى السكشن واجلست ع المقعد ثم قالت لها
نيرة : انتى معاكى الموبايل خلى حد يرن عليه وانا اجى اخدك
نورهان : حاضر
نيرة : عايزة حاجة
نورهان : لا شكرا
نيرة : سلام
نورهان : سلام
—————–
وصلت نيرة الى الكافتيريا ثم ذهبت للمنضدة ورحبت بهم وجلست
نيرة : كنت فكراك جاى لوحدك
عمر : لا دة يووسف زميلى مش حد غريب
يوسف : استنى انت بس يا عمر….. ايه يا قمر فين عقابى
عمر : عقاب ايه ؟
نظرت نيرة امامها والقت بهيثم ثم قالت بلهفة حتى ياخذ باله يوسف ويغار
نيرة : عمر انت عايز تقولى حاجة مهمة
عمر : لا انا هستنى لما تخلص المحاضرة وانتى عليكى تجبيها هنا باى طريقة وانا هكلمها
نيرة : يعنى دلوقتى مفيش حاجة نقولها صح
يوسف : ايه يااما هطيرى وانتى قاعدة
نيرة : هستأذن انا دلوقتى
وجرت نيرة الى هيثم
نظر يوسف لها حتى ان وصلت الى هيثم قام سريعا وامسك به عمر وقال
عمر : اقعد والنبى مش ناقصة غيرة
يوسف بعصبية خفيفة : بص عمايلها
عمر : معلش والنبى اصبر انهاردة بس وبعدين اعمل اللى تعمله
اخذ يوسف ينظر لنيرة بحزن
ثم شافتة نيرة وقالت فى نفسها : والله لخليه يغير اكتر
ثم قالت : هيثم تعال نقعد ف كافيه
هيثم : اوك يلا
تفاجئ يوسف من ذهابهم ثم قام وقال : عمر انا رايح اجيب حاجة وجاى
عمر : يابنى استنى حاجة ايه دى
ذهب يوسف قبل ان يتكلم عمر واخذ يراقبهم
دخل هيثم ونيرة الكافية ودخل ايضا يوسف وجلس ع منضدة قريبة منهم
واخذ ينظر لهما ونيرة تضحك وتنظر له بغرور
عدت حوالى ساعة فى الكافيه
امسك هيثم بيد نيرة وقبلها
اتلجلجت نيرة قليلا ثم سحبت يديها بخوف
تفاجى يوسف عندما قبل يديها وعيناه تنسش غضبا
ثم اخرج بهاتفة وبعث لها رساله تحمل ذلك
(( نيرة اللى بتعمليه دة مش هيعاقبنى ودة غلط عليكى انتى بنت ….. انا هطلع برة ومستنيكى ع باب الكافيه تعالى ومتطنشيش بدل ماتخدى علقة تانية وساعتها مش هينفع تروح ولو بكيلو مكياج ))
وصلت الماستدج سريعا قراتها نيرة ثم تفاجات من كلامها وخافت كثيرا ثم قالت : خليك هنا يا هيثم هطلع اعمل حاجة وجايه
هيثم : حاجة ايه ؟
نيرة : خليك هنا متخفش هاجى ع طول
هيثم : اوك
خرج نيرة وبالفعل وجدت يوسف ع باب الكافيه
نيرة : عايز ايه ؟
امسك يوسف بيد نيرة وذهب بها
نيرة : اااى ايدى سبها
يوسف : امشى وانتى ساكتة
نيرة : انت هتودينى فيين ؟؟
يوسف : اسكتى خالص
نيرة : لا والنبى يا يوسف نورهان قربت تخلص مين هياخدها
يوسف : هقول لعمر ياخدها
نيرة : بليز يا يوسف طب قولى هتودينى فين ؟
يوسف : اركبى
نيرة : مش هركب
امسك يوسف بنيرة واغصبها ع الركوب
وركب هو الاخر وساق السيارة
امسك بهاتفة وهاتف عمر
يوسف : من غير مناقشة اول ماارن عليك تاخد نورهان
وتكلمها وروحها البيت نيرة مش هتاخدها
واغلق يوسف
نيرة : احنا هنروح فيييييين ؟
يوسف : هحبسك واضربك واحطك فى اوضة الفيران
نيرة بخوف : يا ماما انا عملتلك ايه ؟
يوسف : من غير سبب اهو مزاجى كدة
نيرة : والنبى يا يوسف والله مش هعمل كدة تانى
يوسف : ششششششش مش عايز صوت
نيرة : طب هى اوضة الفيران دى فين ؟
يوسف : ف جهنم ان شاء الله
نيرة : لالالالالا خلاص يا يوسف والله هعمل اللى انت عايزو
يوسف : لا ماانتى هتعملى اللى انا عايزة بالزوق بالعافية هتعمليه بس لما الفيران ياكلوكى والتعابين
نيرة : ياماما تعابين لا يا يوسف
يوسف : شششششششش
نيرة : يوسف مش هينفع والله انا عندى مشوار ولازم اعملة
يوسف : مع هيثم !
نيرة : انت قليل الادب
يوسف : احترمى نفسك واياكى تقلى ادبك معايا
نيرة : طيب انا اسفة جدا
يوسف : اسفك مش هيفدنى بحاجة
نيرة : طيب اروح مشوارى وجيلك بكرة تحبسنى
يوسف : لا لا لا لا
نيرة ببكاء : اهى هى
يوسف : بتعيطى ليه ؟
نيرة : ملكش دعوة بيا
اوقف يوسف بسيارتة وقال : خلاص مش هوديكى اوضة الفيران
نيرة بفرحة : بجددد
يوسف : اه بس تقوليلى مشوار ايه
نيرة : ماشى
يوسف : واجى معاكى
نيرة : لا انكل ابراهيم جاى معايا
يوسف : وتحكيلى موضوع انكل دة
نيرة : ماشى
يوسف : اتفضلى
نيرة : المشوار اللى هروحة دة لاخويا خالد السنادى ف 3 ثانوى عام وبقالة سنة من يوم ما بابا مات وماما تجوزت بقا صايع وبيشرب مخدرات ومش بيذاكر وبيهرب من المدرسة وشكاوى كتير بتوصلنا فى جوابات من المدرسة وانكل ابراهيم اخر مازهق مسكو ضربو قدامنا كسفو وطردو برة البيت ومن ساعتها عند صحابة وبقا اكتر من الاول
يوسف : لا اله الا الله ….. طيب وانتى هتعمل ايه ؟
ننيرة : محمد رسول الله …. انا اقنعت انكل ابراهيم لغاية ماوافق وهنروح ندور عليه عند صحابة ونجيبة يرجع تانى
يوسف : امممممم تمام انا جاى معاكى
نيرة : مينفعش انكل ابراهيم جاى
يوسف : اتصلى بيه وقوليه انك هتتاخرى واحنا نروح نجيبة
فى نفس اللحظة رن هاتف نيرة وكان المتصل ابراهيم فاجات : الو انكل ابراهيم
ابراهيم : الو نيرة انا عرفت مكان خالد
نيرة : بجد يا انكل
ابراهيم : اه والله وانا بفتش فى اوضتة لقيت نوتة عليها ارقام صحابة اتصلت باول رقم رد عليه والد زميله يحيى انسان محترم جدا وقالى ان خالد عندهم ومتربى احسن تربية وادانى العنوان
نيرة بفرحة : قولى العنوان
ابراهيم : لا مش قولنا هنروح مع بعض
نيرة : اه اه طبعا بس قولى الاول
ابراهيم : شارع ال,……..
نيرة : اوك شكرا جدا
ابراهيم : العفو

الحلقة 18
وبعد فترة من الوقت رن هاتف نيرة وكان المتصل نورهان
نيرة : نورهان رنت عليه
يوسف : كويس هتصل بعمر واقوله يعمل ايه
هاتف يوسف زميلة المقرب عمر واخبرة عما حدث
ذهب عمر الى القسم التى توجد به نورهان تردد قليلا قبل ان يدخل السكشن ثم دخل
عمر : انسة نورهان
نورهان : مييين
عمر : انا عمر متهيألى سمعتى اسمى قبل كدة
نورهان بتردد : انت ال—-
عمر : اه انا اللى اتقدمتلك
نورهان : وحضرتك عايز ايه ؟
عمر : انا جاى اخدك نتكلم شويه فى موضوعنا
نورهان بعصبية خفيفة : تاخدنى فين حضرتك بتهزر….. وموضوع ايه االى نتكلم فيه…. الموضوع دة اتقفل وانا قولت اللى عندى
عمر : اسمعينى يا نورهان
نورهان : مش عااوزة اسمعك فين نيرة هى مجتش كل دة ليه ؟
عمر : حصلت مشكله صغيرة وبتحلها
نورهان بخضة : ايبيبه مشكله ايه حد من اهلى حصله حاجة ؟
عمر : لالالا بعد الشر متخفيش محصلش حاجة من دى
نورهان بأرتياح : الحمدلله …. طيب هى هتيجى امتى ؟
عمر : لا هى مش هتيجى هتخلص مشوارها وهتروح
نورهان : وانا هروح ازاى
عمر : متخفيش انا هوصلك
نورهان : نعممم لا طبعا مستحيل
عمر : انا واخد اذن من اهلك وهم موافقين ممكن بقا نقعد فى كافيه نتكلم شويه وبعدين اروحك
نورهان : كافيه ايه وانا اش ضمنى ان انت هتودينى كافيه
عمر : لالا انا مش كدة خالص حرام عليكى محدش ف حياتى قالى كدة خالص
نورهان : معلش من واجب الاحتياط
عمر : ولا يهمك بس احنا مش هينفع نفضل قاعدين هنا ع الاقل نقعد فى الكافتيريا ولا ايه
نورهان : ماااشى
قامت نورهان وعمر وذهبو للكافتيريا
كانت نورهان ع وشك ان تقع لكن الحق بها عمر مرتين
عمر : طيب لو مفيهاش احراج هاتى ايدك اسندك
نورهان : لا انا كدة تمام
عمر : متخفيش والله مش هكلها
نورهان : لا انا بعرف امشى
وقعت نورهان فى المرة الثالثة
انخض عمر عليها كثيرا ونزل الى مستواها وقال : انتى كويسة
نورهان : اه الحمدلله
عمر : قولتلك هاتى ايدك من الاول
نورهان : معلش ممكن تقومنى
عمر : حاضر
وهووب سندها بيدة وقامت لتذهب امسك يديها وقال : لا لحسن تقعى تانى
نورهان : لا مش هقع سيب ايدى
عمر : والله مش هكلها واسكتى بقا لحسن اشيلك انا مجنون واعملها
استسلمت نورهان وذهبو للكافتيريا
——————-
وصلت نيرة ويوسف فى العنوان الصحيح وبكل سهوله ثم صعدوا الدرجات ووصلو الى باب الشقة المحددة فى العنوان ثم دقو الباب فتح لهم والد يحيى صديق خالد وصاحب البيت (ياسر)
ياسر : انتى اختو صح
نيرة : صح
ياسر : اتفضلى يا انسه …. اتفضل يابشمهندس
نيرة : شكرا
يوسف : الله يخليك
دخل كلا من يوسف ونيرة البيت ثم جلسوا وخرجت من الغرفة سيدة تبلغ من العمر 43 عاما واعتقدو ان هذة السيدة والدة يحيى
وبعد الترحيب والاستقبال العظيم تحدث ياسر قائلا : لما كلمنى ابراهيم زوج والدتك مصدقتش نفسى
نيرة : انا فعلا مكنتش مصدقة
هند والدة يحيى : امال ابراهيم بية مجاش معاكو ليه
نيرة : انا حبيت اختصر الوقت مش اكتر
ياسر : ومين البشمهندش مش تعرفينا
نيرة بتردد : دة دة دة
هند : ايه يا حببتى مالك
نيرة : لا يا طنط مفيش دة دة يوسف
هند : اهلا وسهلا يقربلك ايه ؟
تكلم يوسف سريعا وقال : انا خطبها
صدمت نيرة من رد فعله ولم تسطيع ان تتحدث
نيرة : احم هو …هو فين خالد
ياسر : ثانية واحدة هدخل اجيبة واجى
نيرة : اوك
دخل ياسر غرفة ابنة يحيى وتكلم معهم قليلا ع مذاكرتهم ثم
قال : خالد فى ناس بيحوبك اوى جاين عايزين يشوفوك
خالد : ناس بيحبونى انا معنديش حد بيحبنى
ياسر : لا لا دة فى ناس تانية غيرنا كتير بتحبك
خالد : مين ؟
ياسر : تعال وانت تشوف
خرج ياسر من الغرفة اولا ثم خرج خالد فى حاله فضول ليعرف مين من الزياردة
وتفاجى عندما راى نيرة
نيرة بدموع : خاالد وحشتنى اوى
خالد متفأجى : نيررة
نيرة : اه نيرة تعاال فى حضنى ولا موحشتكش
جرى خالد فى احضان نيرة واخذو يبكوا سويا تأثر والد ووالدة يحيى كثير وايضا تأثر يوسف الذى نزلت من عينة دموع وتذكر اختة حبيبة عندما توفت ثم مسح دموعة سريعا وحب ان يغير المود بمزح ثم وقف بجوار نيرة وقال : انت يااخ كفايه كدة ولا استحلتها
نظرت له نيرة بتعجب
قال خالد : اييه الكائن دة
يوسف : كائن
ثم نظر لجسديه وقال بمزح : اه كائن فضائى ابعد عن البت مبحبش حد يحضن خطبتى
نيرة بابتسامة : فى ايه يا يوسف
يوسف : اضحكى ياختى اضحكى وانت كمان اوعى كدة ايوة كدة تعال سلم عليه بقا
سلم خالد ع يوسف وجاء يوسف ان يحضنة ابتعد خالد
يوسف : ايه يابنى انت بتحضن بنات بس ولا ايه
ضحك خالد من مزحة ثم احتضنة بشدة
هند : اتفضلو اقعدو واحنا نسبكو تتكلموا براحتكو
ذهبت هند ثم ياسر
وجلس خالد ونيرة ويوسف
خالد : فين ماما ونورهان
نيرة : نيرة فى الجامعة وماما فى االبيت بس ميعرفوش حاجة انا قولت اعملها مفاجاة
خالد بتشوسيق : وابراهيم مشى من البيت طلق ماما صح
نيرة : لا تخيل دة هو اللى عرف مكانك وقال يرجعك البيت تانى
خالد بأستنكار : فعلا
نيرة : اه والله وكان جاى ياخدك بس انا سبقتة
خالد : يخدنى فين
نيرة : ترجع معانا بيتنا يا خالد
خالد : انا مش هدخل البيت طول ما اللى اسمة ابراهيم دة موجود فى
نيرة بحزن : لا والنبى يا خالد انا مصدقت الاقيك بليز ارجع بيتك وملكش دعوة بيه
خالد بنرفزة : مستحيل
يوسف : استنى انتى يا نيرة …. تعال كدة يابرنس عايزك … احنا رجاله زى بعض … يرضيك اخواتك البنات يقعدوا مع جوز مامتك فى نفس البيت لوحدهم
خالد : لا طبعا
يوسف : عين العقل يبقى انت مهمتك كراجل ترجع ببتك وتخلى بالك منهم افرص يعنى
قم مال ع اذنة وقال بصوت منخفض : ولا مستنى لما مامتك تنزل من البيت وابراهيم قاعد مع البنات لوحدهم يدخل يغتصبهم
نظر خالد له بشدة : عندك حق انا لازم ارجع البيت
يوسف : ايوة بقا
ثم نظر لنيرة بغرور مصطنع
ضحكت نيرة كثيرا فأعجبت جدا بيوسف
خالد : هدخل احضر شنطتى وهاجى معاكو
دخل خالد مسرعا ليحضر شنطتة
جلس يوسف بغرور ولا ينظر لنيرة
نيرة : انت قولتلتو ايه خليتة يوافق ع طول
يوسف : كلام رجاله ملكيش فيه
ضحكت نيرة بشدة اعجب يوسف بضحكتها كثيرا ثم قال فى نفسه : لازم ادايقها
يوسف : اضحكى براحتك اوضة الفيران مستنياكى
توقفت نيرة عن الضحك
نيرة بزعل : عايزنى اعمل ايه وانا اعملهولك.
يوسف : حاجات كتير مش هتقدرى عليهم
نيرة : لا هقدر قول
يوسف : ولو مقدرتيش ع طول ع اوضة الفيران
اومأت نيرة براسها بااموافقة
يوسف : اولا ملكيش دعوة بهيثم ولا تردى ع موبايلاتة ولا رسايله ولا ع الفيس ولا اى وسائل التكنولوجيا وثانيا تخرجى معايا بكرة ….وثالثا لا ثالثا سبيها شويه عليكى دى صعبة شويه
نيرة : انا موافقة ع الشرط الاول والتانى بس قولى التالت وحتى لو كان صعب هعمله
يوسف باستنكار : لالا مش هتقدرى
نيرة : لا لا هقدر صدقنى
يوسف : تقوليلى بحبك بصوت عاالى
نيرة : نعممم
يوسف : قبل متكملى انا عارف كدة كدة هتدخلى اوضة الفيران
نيرة : طب خلاص بس مش دلوقتى
يوسف : امتى
نيرة : لما احس انى عايزة اقولها هقولها
نظر لها يوسف وقال : ماشى موافق
————————–

.
عمر : وصلى ردك بدون تفكير
نورهان : ايوة
عمر : ايوة اللى هو ايه يعنى
نورهان : مش موافقة
عمر : طب ممكن تفكرى تانى
نورهان : حتى بعد التفكير ردى مش هيتغير
عمر : انتى كدة عايزة تموتينى
نورهان : انا معملتش حاجة تموتك انا مينفعش ولا اتجوز ولا اخلف ولا اى حاجة كفايه مذاكرتى وجامعتى بعملهم بالعافيه وتعب
عمر : انتى بس وافقى وبجد وان شاء الله انا قد المسؤليه
نورهان : انت عارف انت بتقول ايه انا هبقى حمل كبير اوى عليك وانا مبحبش ابقى حمل ع حد
عمر : هيبقى حمل عليه لما ترفضى
نورهان : عايزنى اعمل ايه اوافق اوك انا موافقة بس هفضل طول عمرى مش شيفاك
عمر : تصدقى كدة احلى بكتير ع الاقل مش هنكون بنحب بعض عشان الشكل والمال
صمتت نورهان
عمر : طب ممكن اسالك سؤال
نورهان : اتفضل
عمر : هو اللى حصل دة بسبب حادثة معينة ولا ايه
تحولت ملامح نورهان للغضب وقالت بحزن : حادثة معينة
عمر : احكيلى ايه اللى حصل
فلاش بااااك
بعد نتيجة الثانويه العامه
وفرحة نورهان ونيرة بنتائجهم المبهرة
قررت نورهان زيارة زميلتها سها
وعندما وصلت عند بيتها جاء مكالمة من نيرة وتخبرها بأن تاتى فورا لان والدها مرض فجأة
ذهبت نورهان لتركب اى تاكسى لكى يواصلها عند بيتها وبالفعل ركبت تاكسى وكان السائق رجلا كبير فى العمر ويمشى ببطئ وقالت له نورهان : كتر السرعة الله يخليك
السائق : حاضر
عندما ارتفعت نسبة السرعة بداء الرجل العجوز يشرد كثيرا لاحظت ذلك نورهان
نورهان : انت شاارب ايه ولا عايز تنام
السائق : مش مش شايف حاجة
نورهان : ايييه طيب وقف الفرامر بسرعة
ولكن الرجل العجوز لم يستطيع وقف الفرامر ولا لم يتعود يمشى بهذة السرعة وفجأة ظهرت سيارة كبيرة الحجم امامهم
نورهان : حاسب حااااسب اااااااااه
فى هذا الوقت كان السائق قد خبط فى هذة السيارة دخل زجاج العربيةفى اعين نورهان وفقدت الوعى تماما وسائق السيارة توفى
بااااااك
نورهان بدموع : بس صحيت من النوم لقيت ماما ونيرة قاعدين جمبى والدكتور بيقولهم انى اتعميت ومحتاجة اسافر برة والعمليه محتاجة مليون
اشفق عمر عليها كثيرا ثم امسك بيديها وقبلها وقال : الحمدلله
خجلت نورهان كثيرا وسحبت يديها بهدوء
ابتسم عمر وقال : انا اسف لو دايقتك
نورهان بكسوف : مفيش حاجة
عمر : ها قولتى ايه بقا
نورهان : فى ايه ؟
عمر : موافقة عليه
نورهان بضعف : متضغطش عليه بليز انا مش قد كدة
عمر : ابوس ايدك اضحكى
نورهان : معتقدش ان فى حاجة فى حياتى تضحك
عمر : نورهان بلاش التشاؤم دة انتى هتعملى العمليه قبل الجواز ها ايه رايك
نورهان : وافرض منجحتش
عمر : ياااا متشائمة اوى
ابتسمت نورهان
وابتسم عمر وقال : ايوة كدة اضحكى بفرح لما بتكونى مبسوطة
خجلت كثيرا وصمتت
عمر : هااا قولتى ايه
نورهان : …………
عمر : السكوت علامة الرضا صح
نورهان : لا مش صح انا محتاجة وقت افكر
عمر : اووووف حسى بيا بقا لسه هستنى لغاية ما تردى انا هموت واخرج معاكى ونتفسح
ثم قابل عمر وقال : وااااد يا كامل … يا كاااااااامل
نورهان : بتنادى ع مين ؟
عمر : استنى هتعرفى
نورهان : اوك
جاء كامل وقال : كل حاجة زى ماتفقنا وكله تمام
عمر : فين المايك ؟
كامل : اهووو
عمر : ماشى شكرا يا كامل
كامل : ياباشا انت تؤمر
وذهب كامل
عمر : اسمعى الاغنية دى
نورهان : انت اللى هتغنى
عمر : اه شوفى صوتى عامل ازاى ؟
ياللي شمس الدنيا تطلع لما تطلع ضحكة منك 🙂
حسي بالناس الغلابه اللي زيي بعد اذنك
بطلي تحلوي أكتر واوعي وشك يوم يكشر
واضحكي دايما يا سكر ياللي سابقه بجد سنك
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
ياللي لما بتبقي جنبي بنسى بيكي كل تعبي
ياللي احتليتي قلبي قلبي فرحان باحتلالك
ياللي لما بتبقي جنبي بنسى بيكي كل تعبي
ياللي احتليتي قلبي قلبي فرحان باحتلالك
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
ياللي شمس الدنيا تطلع لما تطلع ضحكة منك
حسي بالناس الغلابه اللي زيي بعد اذنك
بطلي تحلوي أكتر واوعي وشك يوم يكشر
واضحكي دايما يا سكر ياللي سابقه بجد سنك