طريقة عمل مربى البلح

موسم البلح في بدايه الشتا و بيكون كتير و رخيص الثمن و مربي البلح جميله جدا و تستني عند متخزنه لفتره طويله
الطريقه من منتدي فتكات بالصور :
المقادير
2 ك بلح سمان
1ك سكر ابيض عادى
ليمونه
قرنفل لو تحبي
الطريقة
هتقشرى البلح وتفصصيه يعنى تشيلى منه النواه بعد ماتعملى كده ال2 ك هيبقو كيلو وتحطيه فى حلة وتحطى عليه الكيلو سكر
وتسيبيه ليلة كاملة عشان يجيب ميته

والصبح تشغلى عليه نار هادية وتغطيه
وتعصرى عليه نص ليمونة
هتلاقى لونه عمال يبقى غامق
لغاية ماتحسى انه خلاص اتهرا ع الاخر

وساعتها هيبقى لونها بنى غامق
وبعدها تجيبى الخلاط اليدوى وتضربيه فى الحلة وتحطيه فى برطمانات
ولو معندكيش خلاط يدوى اضربيه فى الخلاط العادى
 

وع فكرة انا حطيت عليه 3 قرنفلات
عشان بيديه ريحة حلوة