معجنات بالعجينة اليابانية او طريقة التانج زو
وهى اصلا مش عجينة هى عبارة عن اضافة خليط زى الباشميل كده لاى عجينة انتى اعتمدتيها ونجحت معاكى
الطريقة دى بتزود نجاح العجينة وتضمن لك الحصول على فطاير طرية جدا وعامله زى القطنة من جوه
ودى بصراحة اول مرة اجربها ونتيجتها تحفة بجد
ده شكل طبق الفطاير
مقادير التانج زو
25 جم دقيق (حوالى 2 معلقة كبيرة)
125 جم ماء (حوالى تصف كوباية)
لاحظوا يا بنات ان الميه 5 اضعاف الدقيق
مقادير العجينة
2ونصف _3 كوب دقيق
2 معلقة كبيرة لبن بودرة
3 معلقة صغيرة سكر
رشة ملح
بيضة
1 معلقة صغيرة خميرة
3 معالق كبيرة زبدة
ماء دافىء للعجن (حوالى نصف كوب
الطريقة
حنجهز التانج زو الاول
نخلط الدقيق والميه على البارد كويس
نرفعه على نار هادية مع التقليب المستمر لغاية ما الدقيق يستوى وده شكله
نغطيه علشان ميعملش قشرة ونسيبه يبرد علشان نقدر نستخدمه
فى العجانة نحط كل المكونات الجافة ( الدقيق + اللبن البودرة+الملح+السكر+ الخميرة)
حنحط 2 كوب ونصف بس من الدقيق ونشوف حنحتاج بقية الدقيق ولا لأ
نقلب المكونات وبعدين نضيف البيضة والتانج زو اللى برد خلاص
اول ما العجينة تلم ننزل بالزبدة قطعة قطعة لغاية ما تمتزج بالعجينة
نشوف حتحتاج دقيق تانى ولا لأ
كده العجينة بقت جاهزة
نغطيها ونسيبها تخمر
نفردها شوفى العجينة باين من شكلها هى اد ايه طرية وجميلة وممتعه فى التشكيل
اول شكل زى السويسرول
حافرد العجينة واحط الحشوة فى الاول (انا حشيت سوسيس وجبنة موتزريلا وفلفل رومى وزيتون
والفه زى الرول
واقفلها زى القرص كده
وبسكينة حامية اقطع من غير ما اوصل للنصف وده الشكل اللى عملته
الشكل التانى
فردت العجينة وحشيتها سوسيس برضه ولفتها زى العيش الفينو
وبسكينة حاعمل فتحات فيها من فوق
عملت كام بيتزا وفطاير بالزعتر
عملت ساندوتشات سوسيس وكيزر صغير محشى لبنة وكروسون بالجبنة
الشكل اللى جنب البيتزا فردت برضه العجينة ولفتها زى الفينو وبعد ما خمرت فتحت فيها فتحة بالطول وحشيتها
وده كان شكل الصينية
حنسيبها تخمر تانى وندهن الوش بالبيض وندخلها فرن سخن على 200
من جوه الفرن
لما خرجت بالسلامة
جربوها حتعجبكم جدا ونتيتجها مضومنة باذن الله
منقول من موقع فتكات
