الحلقه الثانيه والعشرون من مسلسل العروس الهاربة للكاتبة سما عمر
بعد ما قالت كلماتها لها … نظرت الى عيناه وجدتهم يشعو غضباً ويعض شفتاه غيظاًً … فركضت مسرعا خوفا منه .. واتجهت الى حجره كاميليا مره اخرى لكى تتصل بــ أبيها لكى تطمئنه عليها
اما هو فكان يؤدى صلاة الظهر فى المسجد وبعد ما انهى … وجد محمود جالس بجانب بمفرده ذهب اليها مستفسراًً
محمود ايه اللى مقعدك هنا ولوحدك كده
ابدا يا عم ابراهيم زهقان قلت اقعد شويه
يجلس بجواره : مالك فيه ايه
ابدا انا الحمدلله كويس
طب الحمدلله امال زهقان من ايه
بصراحه مش عارف هفضل كده لحد امتى
مش فاهم هتفضل كده ازاى ما انت زى الفل اهو
اقصد عازب يعنى يا عم ابراهيم … كل زمايلى اللى اتجوز واللى خطب واللى مرتبط وانا واقف محلك سر
وليه ما انت كمان دور على بنت الحلال واتقدم ليها
منين بس يا عم ابراهيم ما انت عارف البير وغطاه اللى جاى على اد اللى رايح
يسلام ما تسعى ياابنى اكتر من كده شوفلك شغلانه تانيه بالليل ف اى عياده دكتور + وظيفتك فى المستشفى
ما انت عارف انا ممرض ورادى يعنى طول اليوم فى المستشفى
بسيطه اعتذر عن الليل وخليك الصبح وبس
برده مش هينفع الدكاتره هناك مش هيوافقوا بحاجه زى كده لانى لسه متسبت ما بقاليش كام شهر
لا حول ولا قوة الا بالله … مشكلتك مشكله بس ان شاء الله ليها حل
ازاى بقى وكمان مين ترضى بيا كازوج وانا مش بايدى حاجه وقاعد مع امى
ياخويا البنات كتير واكيد هتلاقى واحده زى ظروفك وهترضى بيك وبظروفك كلها
مين اللى عالم بقى
ربك سبحانه وتعالى عالم الغيب والاعلى والاعلم … قوم صلى ركعتين قضاء حاجه وان شاء الله هيحللك مشاكلك يا محمود
انت شايف كده ياعم ابراهيم
انا مش شايف غير كده … قوم ربنا يرضى عنك وييسرلك احوالك ويرزقك بالرزق الحلال ان شاء الله
ان شاء الله … مفيش اخبار عن ياسمينا
نظر اليه نظره لها معنى : الحمدلله اطمنت عليها لسه كانت معايا على الموبايل
وهى كويسه يعنى ؟؟؟
الحمدلله ياابنى … يلا بقى سيبك من الكلام ده وقوم صلى ركعتين لله
حاضر ياعم ابراهيم حاضر
انا جهزت
وانا كمان جاهزه يلا بينا
استنى هنا يلا بينا على فين
هيكون على فين يعنى على القسم اللى انت هتروحه
هتيجى معايا القسم اللى كله عساكر ومخبرين بلبسك ده
تنظر الى فستانها السورايه التى كانت ترتديه فى حفل زفاف نبيله ولا تزال ترتديه : ماله الفستان اه مقطوع بس انا لبسه الجاكيت بتاعك
لا مش هتيجى معايا بالمنظر ده
امال هاجاى معاك باى منظر انا معنديش لبس هنا
البسى حاجه من هدوم نبيله واكيد مش جديد عليكى
يقول كلامه بنبره عاليه ثم يتركها ويغادر الحجره غاضبا
على فكره يا عمتو ابن اخوكى ده مستفز اوى
ههههههههههههههههه
انتى بتضحكى
بنبره لا تزال تاعبه : مش قادره اضحك اكتر من كده مع انى نفسى … سبحان الله مش هتتغيرو شكلكم كده
يرضيكى يعنى اللى عمله ده
معلش استحمليه يا سيمو ابن اخويا عصبى ونرفز بس طيب وقلبه ابيض زى اللبن الحليب
اه مهو باين
يأتى اليهم مره اخرى وبصوت اعلى : الله الله لسه حضرتك ما لبستيش العسكرى تحت مستعجل خلصينا
تتجه نحوه وتلوح باأناملها الصغيره بغضب قائلا : بقولك ايه الزم حدودك معايا بدل والله
ها كملى والله ايه هتضربينى المره دى ولا هتزودى غلطاتك معايا يلا سمعينى
تدب بقديمها مثل الاطفال ثم تتركه وتركض الى حجره نيبله لكى تجلب لها ثياب وترتديها
يوسف براحه عليها مش ادك
بابتسامه : بصراحه بحب اوى اناقرها واستفزها شكلها بيبقى جميل اوى وبرىء
هههههههه ربنا يسعدك يا حبيبى وينولك كل اللى فى بالك يارب
يزفر زافره قويه … مش باين يا عمتى خلاص كلمت دكتور وهيب وهحجز طيارتى ان شاء الله الاسبوع الجاى هكون فى دبى
ياابنى اصبر ان الله مع الصابرين اذا صبرو
ونعم بالله يا عمتى بس مش هينفع اتاخر اكتر من كده … انا هنزل استناها تحت لما تخلص قوليلها تحصلنى
طيب يا حبيبى
وقبل ما يترك عمته جاءته اخته هدى : ايه يا يوسف ناويت
ان شاء الله يلا سلام
هو ماله يا عمتو
اسالى روحك يا ست هدى
تانى يا عمتو ياسمينا
تانى وتالت يابنت اخويا خفى على البت شويه مش حمل كلامك العنيف ده
عاوزانى اعمل ايه يعنى معاها واقابلها ازاى وهى السبب فى كل حاجه فى حياتنا حصلت من بعد ما شرفت
تانى يا هدى حرام عليكى البنت مستويه وكتر الف خهيرها هتروح مع اخوكى وهتشهد فى صفه عارفه يعنى ايه يعنى هتشه
د ضد جوزها اللى هو السبب فى كل حاجه حصل لاخوكى … وعارفه بكده هتقف هى لوحدها مغلوبه على امرها منه
برافو لا هايله قدرت تانى تضحك عليكو
اقولك انت خساره فيكى الكلام والمناهده … بدل ما تقفى معاها دى تعتبر يتيمه انتى بنفسك شوفتى معامله امها معاها ازاى يعنى محتاجه لرحمه لعطف مش لتجريح كل شويه ولاتفه الاسباب
عمتو كفايه بقى انا مش هقدر اسامحها مش هقدر وخايفه على اخويا وهفضل خايفه وقلقانه عليه لحد اخر نفس فيا
يبقى سيبك منها ومن كرها هى مش ذنبها حاجه دى ارده ربنا … تقدر تقوليلى لو يوم روحتى تودى نيللى بنتك مدرستها ولقيتى المدرسه وقعت وملهاش اى اثر هتقولى قضاء وقدر ولا حد ورا هدمها
تصمت هدى وتشرد بكلام عمتها …. اما هى فكانت بحجره نبيله تبدل ثيابها بثياب خاصه بنبيله … الى ان سمعت طرقه الباب : اتفضل
هدى تدخل اليها وتحاول رسم ابتسامه على شفتاه : عمتى بعتانى ليكى لقيتى حاجه تلبسيها
بتوتر : ايوه لقيت الطقم ده بس مش لقيه طرحه ليه
ثوانى هجبلك طرحه من بتوعى لان نبيله خدت كل طرحها فى اوضتها وكريم قافل على الاوضه
وقبل ما تتركها اوقفتها ياسمينا بــ : مدام هدى انا اسفه ياريت تتقبلى اسفى
تلتفت اليها هدى : لو ليكى اخ وحيد وهو كل حاجه فى حياتك ويعتبر ساندك اكيد هتخاف عليه اكتر منا خايفه ….
صديقينى انا ماليش ذنب
وحتى خلاص قدر اللى وماشاء فعل واللى حصل حصل … وياخوفى من اللى هيحصل بعدين … ثوانى هجبلك الطرحه
معلش انا اسف المدام بتغير هدومها ونازله دلوقتى وهنمشى على طول
اصلها اؤامر وكده اتاخرنا
ثوانى بس مش هنأخرك تانى … اهى خلاص نزلت جيبها يا يوسف هروح اشغل العربيه
يلاحظها يوسف وهى متجه اليهم : انا جاهزه
يلا اتفضلى اركبى
احم حاضر
تصعد السياره بالخلف وبجوارها يوسف لكن يجلس بعيداًً عنها وبجانب عماد الذى خلف المقود يجلس العسكرى
مش كنا قاعدنا هناك احسن بدل التوتر ده
مهى عمتك هى اللى طلبت منا اننا نكمل اسبوع عسلنا
برده انا قاعده على اعصابى وعايزه اطمن عليهم
يتجه نحوها واحاطها بذراعيه ويمسك احدىكفيها ويقبلها : اطمنى خير يا حبيبتى ان شاء الله هتعدى بسلام
يارب يا كريم يارب
وصلوا توا المخفر وقد لحظوا خروج المحامى من حجره وكيل النيابه
انت قلت للاستاذ عادل المحامى
عماد : اه طبعا لازم اقوله عشان يبقى معانا خطوه بخطوه
يتجه نحوهم المحامى بعد ما نظر للفتاه التى كانت تقف بجوار يوسف
انتو اتاخرتو ليه بالشكل ده
عماد : معلش يا متر المهم قريت القضيه
اه قرتها … وان شاء الله سليمه يا دكتور يوسف
يوسف قد لاحظ نظرات المحامى من الحين للاخر لــ ياسمينا فتنحى هامسا لها
شايفه الكرسى اللى هناك ده روحى اقعدى عليه ما تتحركيش من عليه
تنظر اليه متسفهما : مش فاهمه هو انا مش هدخل معاكم جوا
يطلق زافره قويه وبنبره حاده : سمعتى قلت ايه مش عاوز رغى كتير
طيب طيب هروح … وبالفعل اتجهت ياسمينا وجلست على الاريكه
عماد : وانت ايه رايك يا متر
والله الحل والبراءه بايد المجنى عليها يعنى لو قدرت تقول عكس كلام جوزها يبقى ف الحال ده نقول يا دكتور يوسف مبروك البراءه
يوسف ينظر اليها ثم الى المحامى : طيب وافرض اانى مش عاوز اجيب سيرتها فى القضيه كلها ايه اللى هيحصل هتحبس
للاسف اه لان شاهدتها هتكون قصاد شهاده الشهوده وجوزها ذات نفسه
اممممم طيب ربنا يعديها على خير من عنده ان شاء الله
ناوى على ايه يا صاحبى احنا عاوزين نطلع منها هه
قول يا رب انت بس من قلبك يا عماد قول يارب … يعاود النظر اليها ووجدها تتحدث مع احدى الفتيات التى جاءت وجلست بجانبها
يعنى انتى رفعتى قضيه خلع ضده
اه رفعتها بقالى شهرين اهو
اه وايه اللى حصل
خلعته طبعا بس بعد ما مضيت استغناء عن كل حاجه ليا عنده
زى ايه يعنى
القايمه والمؤخر والنفقه والحاجات دى يعنى
اااااااه وبعدين
ولا قبلين ما ادينى اهو قدامك جايه اخلى طرف بقى من هنا عشان اخد ورقه تثبت انى خلعت جوزى
معلش سؤال : هو انتى رفعتى ازاى القضيه من الاول خااالص
هقولك يا حلوه شكلك عايزه تخلعى
بصراحه اه وعاوزه اعرف التفاصيل
يا حميده يا حميده
ايوه يا متولى تعالى ايدى مش فاضيه
مفيش اخبار عن سليم بيه
لا ياخويا من ساعه ما مدير مكتبه جاله من يومين ولا شوفته نزل ولا طلع
غريبه اوى الواحد قلقان ليكون جراله حاجه فوق تبقى مصيبه
صحيح هى الست اللى كانت بتجيله بطلت كمان تجيله من ساعه ما اختفى
فعلا عندك حق ليكونوا سافرو ولا حاجه مع بعض
جايز بس برده يا متولى قلبى مقبوض
يأتيه احدى القاطنين فى الطابق الرابه بجوار شقه سليم الرفاعى
اهلا يا استاذ ناجى
بقولك ايه يا متولى انا شامم ريحه مش كوييسه خارجه من شقه سليم بيه
ريحه ايه
الحق يا متولى ليكون ريحه غاز
لالالا مش غاز ريحه مشكويسه شكله نسى اكل جوه مكشوف وعفن
عفن !!
بصراحه هو بقاله كام يوم ما ظهرش والواحد قلقان عليه
انت معاك نسخه من مفتاح شقته
معايتا طبعا بس افرض يكون مسافر وجه وعرف اننا دخلنا شقته ممكن يقتلنى ده راجل شرانى وانا باتقى شره
والله انا قلتلك وخلاص وانت المسئول بقى اللهم ما بغلت اللهم فااشهد …. ويتركه الساكن فى حيرتهم
ايه رايك يا حميده
ياخويا انا بقول نطلع ونفتح الباب ونشوف يمكن يكون فعلا سايب اكل عفن ويقلب ريحه الشقه
انتى شايفه كده
مفيش حل غير كده ياخويا
ياسمينا … سيمو انتى فين يا بنتى
انا هنا يا بابا
بتعملى ايه يا قلب بابا بس عندك مش قلتلك ما تعمليش حاجه
دول شويه هدوم لقتهم قلت اتسلى واغسلهم
يابنتى ايدك مش واخده على الغسل والكلام ده
هتاخد يا بابا وانا كمان مش بحب اقعد كده من غير ما اعمل حاجه
فكرتينى بستك الله يرحمها كانت كل يومها فى المطبخ نهار وليل
اه منا فاكره انك قلتلى انى نفسى فى الاكل يشبهه
بصراحه جدا وخصوصا الملو خيه بتاعه امبارح … ربنا يديكى الصحه يا حبيبتى
ويديهالك انت كمان يارب يا بابا
قوليلى بقى عمله ايه انهارده
الحمدلله تمام
يارب دايما … الغدا جاهز
اه بس انشر الغسيل وبعدين اجهزه
واكون انا راجعت على درس انهادره كمان
اه صحيح انهارده الخميس ميعاد درسك فى المسجد
ان شاء الله يلا بقى خلصى نشير عشان اكل وانزل للصلاة
حاضر يا احلى بابا فى الدنيا … تطبع قبله حانيه على وجنتيه ثم تتركه ليقوم بتحضير درس اليوم بالمسجد
هما قالوا راجعين امتى يا عمتى
الواد كريم لسه قافل معايا وقالى على بعد العصر ان شاء الله كده بكره هيكونو هنا
ان شاء الله
قولى مفيش اخبار من الاستاذ عادل
الاستاذ عادل مين … ااااااااااااااااه تقصدى المحادى اللى مش محترم
يوسف ليه بتقول كده ياابنى
لانه فعلا يا عمتى مش محترم لما كنا فى القسم من يومين ما نزلش عيناه من على ياسمينا
ههههههه ما تخليش غيرتك تعميك يا يوسف على انه احسن محامى هنا
دى مش غيره وبس يا عمتى انا معرفوش اولا ثانيا فعلا مش محترم ومش كان بيبص على ياسمينا وبس لا كان بيبص على اى بنت هناك كانت بتعدى قدامه
لا حول ولا قوة الا بالله … اقولك دع الخلق للخالق
ونعم بالله …
المهم ايه اخر الاخبار طيب هناك لسه مصمم برده ما تخليهاش تشهد لصالحك
لا مش عاوزها تشهعد لصالحى
حتى لو كانت براءتك على ايدها
حتى لو كانت كده انا مش هفضجها واخلى سيرتها على كل لسان والجرايد تكتب وتقوز عليها دى مهما كانت بنت والبنت سمعه
بارك الله فيك يا حبيبى فعلا اللى خلفش مامتش
ربنا يخليكى لينا انتى يا عمتى
تأتيهم هدى وكانت معها صينيه بها مشروبات دافئه وبعض الكيك
اتفضلوا
يوسف : هو عماد فينه
تحت فى المكتب بيقول عنده ورق لشركه مهم بيتابعه
طيب هروح اقعد معاه
ثوانى يا يوسف كنت عاوزه اقولك حاجه
لو هتقوليلى خلى ياسمينا تشهد لصالحك مش هقعد ولا هسمعك تانى
طيب اقعد بس وخلينى اتكلم
اهى قاعده خير
هى نبيله حكتلك على ياسمينا
مالها ياسمينا
مش عارفه اقولك ازاى بصراحه نبيله قالتلى انها هتتحرج تكلمك وخلتنى انا اقولك
فيه ايه ما تنطقى
ياسمينا لسه بنت يا يوسف
ينظر اليها بغضب وبنبرات حاده وقبل ما يترك الحجره : برضه مش هخليها تشهد يا هدى ياريت تكون وصلتلك رسالتى بعد اذنكم
مش قلتلك هو مصمم ما تنسيش انها زيكم بنت وليها سمعه
عارفه يا عمتى بس خايفه عليه ليرحو فيها وتضيع حياته
أتفاءلى خير يا هدى … ان الله لايضيع اجر من احسن عملا … واخوكى عمل حاجه كتير خير لناس كتير ولياسمينا اكتر لانه ستر عليها ومن ستر مسلماً ستره الله في الدنيا والآخرة …
فهمتى يا بنت اخويا يارب ينورلك بصيرتك ويهديكى لروحك
لو اعرف بتفكر فى ايه يا صاحبى بس
عادى يا عمده سيبك منى وشوف شغلك انت
طيب من يومين صحيح روحت مكتبه الاسكندريه اشوف كتاب معين يساعدنى فى شغل جديد … شوفتلك مين هناك
مين
نوران خطيبتك
تقصد تقول اللى كانت هتكون خطيبتى
مش مهم المهم انها قالتلى انها ندمانه انها سبتك وعاوزه ترجعلك تانى ها ايه رايك
راى ف ايه
فى نوران
عماد انا نازل من فوق متعككن بسبب كلام مراتك وقلت هرتاح عندك هنا … بس اظاهر انها عديتك بطريقتها سلام
اسمع بس يا جو يوسف
ليه بس كده يا يوسف ارجعلها البت بقت انثى بحق وحقيق مش تربل اتش
يهمس بكلماته لنفسه بعد ما تركه يوسف وخرج الى الحديقه
لا يا توفيق انا هتجوز لانا
هتتجوزها ازاى وانت عارف ماضيها السىء والكلام اللى كان بيتقال عليها وعلى سليم ده دى كانت عشقيته
مليش فيه دلوقتى هى معايا وكمان هى ندمت على حياته اللى فاتت ليه بقى ما نسمحاش ونديها فرصه جديده
الكلام ده نفكر فيه لو هنوظفها عندنا بالشكره مش عشان تتجوزها
مهو لو ما وافقتش يا توفيق هتجوزها برده
انت بتتحدانى يا طلال بقى
مش موضوع تحدى موضوع انى بحبها ومش هقدر على بعادها تانى واديك شوفت حالتى كانت شكلها ايه من غيرها
يعنى مصمم
اه وما تنساش انها كانت السبب فى الصفقه اللى اخدناها لمكا سحبت ملف شركه سليم ها عاوز ايه تانى
عاوزك تفكر كويس ممكن تكون لعبه مديرها سليم لينا وهى الطعم اللى هيوقعنا بيه
هى كانت فعلا كده واعترفتلى بكل حاجه وانه فعلا رماها عليا عشان تقولى كل اخبار الشركه
شوفت عمايله معانا وانت برده مصمم تدخلها وسطنا
انا مش هدخلها وسطنا هنا انا هتجوزها وهنسافر نعيش فى اى بلد تانيه بعيد عن كل حاجه هنا
ازاى يعنى انت هتهد الشراكه اللى بينى وبينك عشانها ولا ايه
لالالا محدش يقدر اصلا يفصلنى عنك يا توفيق انت اخويا الكبير برده ومش ناسى مساعدتك عليا زمان ولحد دلوقتى
انت عاوز ايه يا طلال منى دلوقتى
عاوزك ترضى عليها عشان خاطرى هى سافرت قطر وهتستقر هناك وهتبعد عن سليم ودبى كلها وانا هسافر ليها هناك وهتجوزها وهبدأ حياتى معاها من جديد ها قولت ايه
اللى انت شايفه صح يا طلال اعمله مهو اصلا لو حتى اعتراضت انت هتمشى اللى ف دماغك بس ياريت ما تجيش بعد كده وتندم
لا ما تقلقش من الناحيه دى ها هتيجى معايا لقطر ولا ايه
وهو انا اقدر ما اجيش برده كتب كتاب اخويا
(يفتح ذراعيه ليضم بها طلال اخاه )
تمام اوى ربنا ما يحرمنى منك يا توفيق
ولا منك يا طلال … شوف ناوى على امتى وهتلاقينى معاك
حبيب قلبى …..
يخرج من جيبه احدى سلسله بها بعض مفاتيح كثيره خاصه بشقق هذه العقار
ويقرب احدى مفاتيحه الىالشقه التى يطقن بها سليم الرفاعى ليفتحها وتخرج منها رائحه كريهه للغايه
يالهوى ايه الريحه دى يا متولى
شكل كده فيه حاجه عفنت تلاقى سايب اكل بره
وهو برده الاكل هتكون ريحته كده … تلاقي قط ولا حاجه كبيره
الريحه جايه من اوضه النوم تعالى نشوف
وصلوا الى الحجره لينفضوا فزعا …. عندما وجدوه جثة هامدة على الارض وتنبعث منه رائحه كريهه للغايه
