مسلسل “علشان بحبك أنا” الحلقة الثالثة

الحلقة الثالثة

ومرت الايام ودخلت منار الجامعة لكن ازاي تنساه وهي بتشوفه تقريبا كل يوم سواء في الجامعة او في المواصلات حاولت كتير تنساه لكن مقدرتش كانت بتشوفه مع البنت اللي بيحبها اسمها مروة شكلها حلو لكن استايل لبسها وكلامها مش شبه عمر خالص متحررة جدااا دايما تشوفها بتكلم دة وتهزر مع دة وساعات تشوف عمر بيتخانق معاها لكن بيرجعو يتصالحو كانت بتحاول تلتهي عنهم باءي طريقة شغلت نفسها في المذاكرة اكتر واكتر لغاية ما عمر اتخرج وهي بقت في سنة ثالثة حست بارتياح انها خلاص مش هتشوفهم مع بعض تاني في الجامعة كفاية العذاب اللي هي فيه ولبنى كمان مكنتش بتجيب سيرته نهائي مع منار عشان تنساه لكن منار عمرها ما قدرت تنساه بالعكس كل يوم تحبه اكتر من الاول

تررررررن تررررررن

فادية:اهلا ياوفاء اتفضلي

وفاء اهلا يافادية انا جاية اعزمك على خطوبة عمر

فادية :الف مبرروك ياحبيبتي لولولو لي

منار :خير ياماما بتزغرطي ليه

فادية:عمر خلاص خطب

منار متفاجئتش لانها كانت عارفة انه هيخطبها اول ما يتخرج

لكن كان صعب عليها اوي تتقبل انه خلاص ضاع منها كان لما بيتخانقو كان غصب عنها بتتمنى انهم يسيبو بعض لكن دلوقتي خلاص

منار :الف مب…روك ياطنط

وفاء:الله يبارك فيكي ياحبيبتي..عقبالك

فادية:امال مالك ياوفاء مش فرحانة ليه دا ابنك البكري واول فرحة

وفاء:والله يافادية مخبيش عليكي انا مش مبسوطة ولا مرتاحة للجوازة دي خالص

فادية:ليه بس كدة ياوفاء هي مش البنت دي دكتورة زميلته زي ما قولتيلي

وفاء:ايوة لكن لما روحنالهم وشفناهم مرتحتش لاهلها خالص ناس مش شبهنا يافادية البت لابسة ضيق وبجحة كدة وامها من اللي بيتكلمو بالعين

والحاجب وابوها بقى ممنوش لازمة امها هي الامر الناهي

فادية:طيب وعمر الملتزم موافق على الكلام دة

وفاء :ماهو بيقول انه بعد الخطوبة هتتغير وهتلبس محتشم هي قالتله كدة فادية: والاستاذ محمود رائيه ايه في الكلام دة

وفاء:انتي عارفة يافادية محمود سايب كل واحد براحته هما برضه مش عاجبينه وقال لعمر الكلام دة لكن في النهاية لما لاقاه متمسك بيها قاله

خلاص يبني دة اختيارك وانت حر

فادية:ربنا يهدي الحال هتعملي ايه طالما عايزها خلاص هو حر

وفاء:والله يافادية انا كان نفسي ياخد واحدة مؤدبة بنت ناس كويسين عشان هو طيب وابن حلال لكن يالا النصيب

وفاء قالت الكلام دة وهي بتبص لمنار اللي حست انها انكشفت راحت قايمة بسرعة

منار:عن اذنك ياطنط هدخل اريح شوية

وفاء:اتفضلي ياحبيبتي”

اخ منك ياعمر مش كنت خدت البنت المؤدبة دي وريحتني”

 

فادية:يلا يامنار خلصتي لبس ايه كل دة هوانتي العروسة يالا يبنتي هنتاءخر مازن قاعد يضرب كلاكس لما ايده ورمت

منار”حاضر ياماما جاية اهو”

منار بتحاول تمسك نفسها وتدعي ربنا يعديها من المحنة دي بعد شوية هتشوف حب عمرها مع واخدة غيرها وهو بيلبسها الشبكة وفرحان بيها

كان نفسها متروحش لكن ازاي لازم تروح عشان محدش ياخد باله

 

وفاء:اهلا يافادية اهلا يامازن عقبالك ياحبيبي اهلا يامنورة ياحبيبتي ايه القمر يابخته اللي هتكوني من نصيبه اتفضلو ياجماعة شرفتونا

 

العرايس وصلو ياجماعة لولولولولولي

 

“اه ياقلبي يارب اقف معايا يارب”

 

منار قاعدة مش حاسة باءي حاجة حوايها حاسة كائنها متخدرة وهتصحى على الالم الرهيب

منار:ماما يالا ولا ايه انا صدعت

فادية :وانا كمان يالا بينا
 

 

تررررن نررررن

فادية :اهلا ياام العريس اتفضلي

وفاء:انا قلت اجبلك حتة من التورتة لائنك مشيتي بدري امبارح تعالي يامنار ياحبيبتي الا قوليلي ايه الحلاوة بتاعة امبارح دي كل شوية الاقي شاب

من العيلة جاي يسائلني عليكي

منار:انتي عارفة ياطنط اني مبفكرش في حاجة الا دراستي وبس

وفاء:ربنا يكملك بعقلك ياحبيبتي

فادية:الا قوليلي ياوفاء عمر كان قاعد ضارب بوز ليه كدة وشكله مش مبسوط مع ان العروسة ما شاء الله عليها مبطلتش رقص طول الحفلة

وفاء:ماهو دة السبب اما راح يجبها من الكوافير اتفاجئ بفستانها مفتوح زي ما شوفتي واتخانق معاها لغاية ما بعتت اختها جبتلها الشال الشيفون

اللي رمته في نص الحفلة دة وطبعا عمر كان منبه عليها متقومش من الكوشة لكن هي طبعا مسمعتش كلامه

فادية :ربنا يهديها

وفاء :انا بعد الحفلة دي وانا متأكدة انهم مش هيكملو مع بعض

وهتتفركش

وعدت الايام على منار وهي بتحاول تنساه وتشغل نفسها بدراستها كانت كل سنة بتجيب امتياز بتحط كل طاقتها في المذاكرة عشان متفكرش فيه

حتى لما كانت بتسمع عن المشاكل اللي بين عمر وخطيبته وبين اهله واهلها كانت بتقول لنفسها زي كل مرة في الجامعة مهما يتخاصمو بيتصالحو

وتاني

تك تك تك تك

منار :ادخل……. لبنى حبيبتي ايه المفاجاءة الحلوة دي

لبنى:اعمل ايه لاقيتك مش بتسائلي قولت اسأل انا

منار وحشاني والله ها كلية الاعلام عاملة معاكي ايه

لبنى:ماشي الحال كويسة بقولك ايه عايزة اقولك على حاجة

منار :هههه ايه بتحبي؟

لبنى : ههههههه لا حب ايه انتي عقدتيني

عمر فسخ خطوبته

منار:ايه بتقولي ايه…طيب وانا مالي هو حر

لبنى:ماانا عارفة بس قلت اعرفك يلا سلام

منار:استني هنا رايحة فين ……سابها ليه

لبنى :اصلا من ساعة ما خطبها وهما في مشاكل من اول لبسها اللي رفضت تغيره لاسلوبها في الكلام مع زمايلهم في المستشفى حتى حفلة

الخطوبة بعدها قعدو كتير متخانقين دة غير طبعا مامتها دايما تتشرط وتعلى صوتها على ماما كل ما نشتري حاجة تتاءمر عليها وتغيرها لغاية

امبارح اتخانق معاها على صورة ليها حطتها على الفيس وهي لابسة ضيق راحت مزعقة فيه وقالتله انت اصلك هتفضل طول عمرك متخلف راح

ضاربها بالقلم وسابها ومشي وطبعا احنا مكناش نعرف الموضوع دة لاقينا مامتها بتخبط علينا وهاتك يازعيق لماما وان ماما هي اللي وزت عمر

يعمل كدة عشان مروة هي اللي تسيبه وترجعله الشبكة لكن دة بعدنا الشبكة من حقنا والكلام دة راح عمر معلي صوته عليها وطردها وقالها بنتك

متلزمنيش قالتله احسن وطبعا مروة قافلة موبايلها وعمر حالته النفسية زي الزفت.

منار:عادي يا لبنى ياما مشاكل كتيير بتحصل في الخطوبة وبتتحل وتعدي اصلا عمر ومروة متعودين على كدة من ايام الجامعة على طول يتخاصمو

ويرجعو

لبنى :لا بس المرة دي معتقدش خالص لانه اعتذر لماما كتير وان هو اللي حطها في الموقف دة ومهما كان بيحبها بس كرامة ماما عنده اهم والكلام

دة.

منار:عموما ربنا يوفقه عمر يستاهل كل خير

لبنى ضحكت وهي بتخبط منار في كتفها “هههه بس الخير الوحيد اللي اعرفه اسمه منار ههههه “

بعد ما مشيت لبنى منار قعدت تفكر ياترى ممكن حلمها يتحقق لكن حتى لو سابو بعض هو شكله لسه بيحبها وقررت متديش نفسها امل تاني عشان

خلاص قلبها مبقاش يستحمل اي جرح تاني

 

عدت سنة من بعد ما عمر ساب مروة لكن هي كانت ملاحظة ان عمر لسه منساش بقى مكتئب ومموت نفسه شغل الصبح في المستشفى وبالليل في

العيادة خصوصا لما عرف ان مروة اتجوزت وسافرت مع جوزها كانت منار حاسة بيه لانها جربت يعني ايه حبيبك يبقى مع حد تاني

فادية:منار عايزاكي في موضوع

منار:تحت امرك ياماما خير

فادية:علي ابن عمك عايز يتجوزك

منار:ايه……… لا انا مش موافقة

فادية:ليه يامنار انتي السنة دي في اخر سنة وهو ما شاء الله عليه دكتور وعيادته شغالة كويس وهو مؤدب وانتي عارفة عمك من يوم ما والدك

الله يرحمه اتوفى وهو مراعي ارضنا ومراعينا ومش مقصر

منار: عارفة والله ياماما بس……..

فادية : بس ايه يامنار انتي فيه في حياتك حد

منار مش عارفة ترد على مامتها تقولها ايه عمر في قلبها لكن مش في حياتها مش حاسس بيها ولا بوجودها بس مش هتقدر ترتبط بحد تاني

وقلبها مع عمر

منار:لا حد ولا حاجة بس انتي عارفة ان ان شاء الله انا بحلم اتعين في الجامعة وعلي في المنصورة وانا مقدرش اسيب هنا ولا اضحي بتعييني في

الجامعة

فادية: براحتك يامنار انا مش هغصب عليكي بس هستنى اليوم اللي تيجي تصارحيني فيه بالحقيقة.

———–———-———————-————

ونكمل في الحلقة القادمة ماتنسوش تعلقوا علي الحلقة في صفحة مدام طاسة والست حلة