مسلسل “علشان بحبك أنا” الحلقة الخامسة

الحلقة الخامسة

تك تك تك

منار قامت من النوم مفزوعة بصت لاقت نفسها مش في اوضتها

 

“اه دة انا في بيتي انا وعمر ياريت كان كل اللي حصل دة حلم”

تك تك تك

منار:ايوة

عمر:احم ….معلش يامنار ممكن تفتحي

منار: ثانية واحدة

منار فتحت الباب وهي مش عايزة تشوف عمر

منار وهي بتبص لفوق مش عايزة تشوفه:ايوة

عمر بص لمنار لاقاها لسه لابسة فستان الفرح والكحل سايح على وشها من كتر العياط وعنيها حمرا

عمر كمان منامش طول الليل وكان رايح جاي قدام اوضة منار كان خايف عليها هي ملهاش ذنب في حاجة واللي عمله مش سهل وكان بيسمع

صوت عياطها اللي بتحاول تكتمه فكر يخبط عليها بس كان عارف ان اي كلام منه هيزود جرحها

عمر:انا اسف يامنار بس عايز اقولك ان ماما ومامتك وبابا ومازن هيجولنا النهاردة بعد العشا

منار اضتيقت لانها مش مستعدة خالص للمقابلة دي

منار:مين اللي قالك انت كلمتهم

عمر :لا بس ماما بعتتلي رسالة بكدة انهم هيجو عشان….احم يباركولنا ومامتك جايبة حاجات…….الصباحية

عمر كان مكسوف جدااا وهو بيقول كدة

منار اتضايقت لكن مفيش مفر لازم هتقابلهم

عمر:منار انا قولتلك اي قرار هتاخديه انا موافق عليه انا مستعد اقولهم اللي حصا واتحمل تبعاته انا……….

منار بحزم:عمر مش لازم تقول اي حاجة ولا بعرفو اي حاجة

عمر استغرب من كلام منار مكنش متوقع كدة

طيب ليه

منار:بص ياعمر اينعم انت اللي غلطان وانا مليش ذنب في اللي حصل بس مقدرش احط اهلي واهلك في الموقف دة وانت عارف وصدمة زي دي

مش هتبقى سهلة عليهم للاسف انت مضطر تعيش معايا لفترة على مااقدر امهد للطلاق

عمر :اللي تشوفيه يامنار

قفلت منار باب قوضتها وهي مش عارفة عملت كدة ازاي ولا قالت لعمر الكلام دة ليه مش عارفة هي عملت كدة عشان مامتها ولا عشان تفضل

جنب عمر اطول وقت ممكن ولا بتديله فرصة يحبها ولا ايه

 

عمر رغم اللي قالو لمنار امبارح كان حاسس براحة كبيرة لما منار قالت انها هتفضل معاه شوية مكنش عارف سر الراحة دي ايه هل عشان اعفته

من المواجهة والموقف الصعب قدام اهله واهلها ولا عشان فعلا عايزها تفضل ولا عشان احساسه بالذنب ناحيتها مكنش عارف بس اللي متاءكدمنه

انه مبسوط بالقرار دة

 

منار كانت قاعدة في اوضتها محتارة تلبس ايه مكسوفة من عمر خصوصا بعد وضعهم الحالي فكرت تلبس لبس خروج او عباية بكم لكن مامتها

هتزعل لانها مجهزلها فستان الصباحية وكمان محدش غريب حماها واخوها وخايفة لو لبسته عمر يفكر انها بتحاول تلفت انتباهه لكن في الاخر

قررت تلبسه وقالت لنفسها عمر كدة كدة مش واخد باله منها ولا من وجودها اساسا

تك تك تك

عمر:احم منار ممكن ادخل اخد هدومي عشان الحق اغير هدومي قبل ما يجو احم .انا من امبارح بالبدلة

منار:دقيقة واحدة هخلص لبس واطلع وابقى ادخل البس براحتك

عمر كان محرج جدا من منار هو عارف ايا كان الوضع اللي هما فيه بس هي شرعا مراته بس هو حاسس باحراج وهما مع بعض لوحدهم

 

منار :انا خلصت اهو اتفضل والبس وانا هروح اجهز الحاجة اللي هقدمها

عمر بص لمنار لاقاها لابسه فستان فيروزي غامق لغاية الركبة وصندل عالي يااااه اول مرة يشوف شعرها اسود ليل وطويل وحاطة مكياج هادي

عمر حس كائنه اول مرة يشوفها

منار وشها احمر ومبقتش عارفة تعمل ايه وهي شايفة عمر بيبصلها اوي كدة

عمر: ط…يب عن اذنك

ودخل عمر الاوضة وقفل الباب

منار راحت ترتب الاوضة اللي كان نايم فيها عمر عشان محدش يحس بحاجة دخلت الوضه وقلبها بيدق اول مرة ترتب حاجات تخص عمر احساس

حلو اوي لكن ياخسارة

 

ترررررن تررررن

عمر:اهلا ياماما اتقضلي

وفاء:لولولولي صباحية مباركة ياعريس

فادية:لولولولولي الف مبروك ياعريس

عمر:اهلا ياطنط فادية اتفضلي

محمود:ازيك ياحبيبي صباحية مباركة

مازن:ابو نسب حبيبي الف مبروك ياعمر

عمر:الله يبارك فيك يامازن اتفضلو

 

منار:السلام عليكم

لولولولولولي لولولولولي

وفاء:اهلا بمرات ابني القمر الف مبروك ياحبيتي اموووه اموووه

منار وهي عنيها في الارض:الله يبارك فيكي ياطنط

فادية وعنيها كلها دموع وبتحضن منار الف مبروك ياحبيبتي ربنا يسعدك يبنتي منار وهي في حضن مامتها كانت عايزة تبكي وتبكي وتحكيلها على

كل حاجة

منار وصوتها مخنوق من الدموع :الله يبارك فيكي ياماما

مازن :الف مبروك يامنار البيت بصراحة وحش اوي من غيرك

منار :الله يبارك فيك يا مازن عقبالك انت كمان

محمود:الف مبروك يبنتي نورتي عليتنا ومن النهاردة اعتبريني والدك ولو الواد دة زعلك انا هقرصلك ودانه

منار:ربنا يخليك ليا عمي والله حضرتك في غلاوة والدي الله يرحمه

وفاء:هههه وهو يقدر يزعلها طيب خليه يجرب بس

مازن :يابختك بحماتك يامنار على الله بقى اما اتجوز ماما تعامل مراتي زي طنط وفاء كدة

فادية:اما تبقى ياخويا مراتك حلوة ومؤدبة وبنت ناس زي بنتي هبقى زي وفاء ههههههه

وفاء:وانت هتجيب زي منار منيين دة كانت واحدة وخلاص وابني فاز بيها

محمود:ربنا يديم المحبة والمعروف بينا

منار كانت حاسة بغصة في قلبها لانها عارفة ان الفرحة اللي العيلتين فيها مش هتدوم “ليه كدة ياعمر .ليه”

عمر كمان كان بيحاول يضحك معاهم لكن ابوه وامه كانو صعبانين عليه اوي مش عارف لو عرفو الحقيقة هيبقى رد فعلهم ايه

 

محمود:يالا بقى انتو لسه عايزين تقعدو العروسة للعريس يالا نسيبهم يرتاحو

منار:خليكو شوية ياعمو انتو منورينا والله

وفاء:لا كفاية عليكو كدة عشان نبقا ضيوف خفاف هههوتستقبلونا على طول

فادية :تصبحي على خير يامنار ادخلي ياحبيبتي انتي وجوزك اتعشو انا حضرتلك الاكل على السفرة وبكرة طنطك وفاء هتطلعلك اكل

منار:ربنا يخليكي ليا ياماما امووووووه

مازن:منار امانة في رقبتك ياعمر من بعد ما بابا الله يرحمه اتوفى وهي كانت امانة في رقبتي وحافظت عليها وصونتها دلوقتي هي بقت مراتك خلي

بالك منها منار طيبة وغلبانة خليك حنين عليها ولو يوم زعلتك قولي لكن متزعلهاش الفرق بيني وبينها صغير لكن انا بعتبرها اختي وبنتي خلي بالك

منها

عمر حس انه صغير اوي وانه وحش اوي بعد كلام مازن حس انه غدر بصاحبه

 

منار:احم ….عمر ماما مجهزة العشا تعالى كل

عمر كان سرحان في كلام مازن ومسمعش منار بتقول ايه

منار بتكلم نفسها”اكيد بتفكر فيها هو انا ايه هوا ولا حاجة”

منار:ياعمر….عمر

عمر:ها ….ايوة يامنار

منار بغيظ:بقولك ماما مجهزة العشا تعالى اتعشى

عمر :طيب وانتي

منار:لا انا ماليش نفس

عمرباصرار: وانا مش هاكل لو انتي مكلتيش

منار كانت عايزة تقوله لا بس للاسف هي ضعيفه اوي قدامه

منار:حاضر

 

منار واقفة في المطبخ بتغسل الاطباق وهي سرحانة في وضعها هي وعمر

تك تك تك

عمر:ممكن اساعدك

منار:لا شكرا انا قربت اخلص

عمر:منار ممكن نتكلم شوية

منار:خير فيه حاجة اكتر من اللي قولتهالي امبارح .لسه عايز تكمل عليا

عمر:يامنار افهميني والله انا ما قصدت اضايقك ولا كنت حابب اننا نبقى في الوضع دة

منار:خلاص ياعمر ماانا قولتلك اديني فرصة لغاية ما امهد لماما اننا هنطلق

عمر :ومين قالك اني عايز اننا نتطلق

منار وهي متعصبة :ايه…امال حضرتك كنت تقصد ايه بالكلام اللي قولتهولي امبارح

عمر وهو بيحاول يهديها :انا اللي قولتهولك امبارح كنت اقصد بيه اننا ناخد على بعض اكتر وندي بعض فرصة نفهم بعض اكتر وان مشاعري

.احم….تجاه مروة حتى لو لسه موجودة فهي ملهاش اي اهمية لانها خلاص اتجوزت وانا كمان اتجوزت وعايز ابدء حياة جديدة لكن امبارح قلت

الكلام دة لاني بقالي سنين بحبها وكل حاجة كنا مخططينها سوا فصعب عليا …….منار ارجوكي افهميني

منار بنفاذ صبر:طيب والمطلوب مني بقى ايه دلوقت

عمر:انك متزعليش وتديني فرصة استرجع نفسي فيها واشيل الماضي كله من قلبي وعقلي واتأقلم على الوضع الجديد

منار:اسفة ياعمر انا مش استبن لحد ولو انت مش بتحبني ومش عايزني فانا كمان زيك وكرامتي عندي فوق اي حاجة عن ائذنك.

دخلت منار اوضتها وهي مش عارفة اللي عملته دة صح ولا غلط على قد ماا هي عايزة تعيش مع عمر حياة طبيعية ويجبها زي ما بتحبه بس فكرة

ان ممكن عمر ميحبهاش ويفضل على ذكرى مروة معذباها مخلياها حاسة بجرح في كرامتها وقلبها كمان مبقاش مستحمل اي محاولات لجذب عمر

ليها ولا حمل اي جرح تاني.

 

عمر فضل طول الليل يفكر في كلام منار وبيقول لنفسه انها فعلا عندها حق ازاي بعد اللي عمله فيها منتظر منها انها تسامحه وتفهمه وكمان تصبر

عليه لغاية ما ينسى تجربته الاولى خصوصا ان جوازه تقليدي (طبعا عمر ماحسش ابدا قبل كدة ان منار بتحبه لانه كان كل تفكيره في مروة وكمان

عشان منار خجولة وكلامها معاه دايما في حدود)عشان كدة ادى عذر لمنار في كلامها انها مش مجبرة تستحمل عشانه كان عايز فعلا ينسى مروة

بس مكنش حابب يبدء قصة جديدة مع منار قبل ما يخلص من حكايته القديمة

———–———-———————-————

ونكمل في الحلقة القادمة ماتنسوش تعلقوا علي الحلقة في صفحة مدام طاسة والست حلة