ترفيهمسلسل علشان بحبك أنا

مسلسل “علشان بحبك أنا” الحلقة التاسعة

الحلقة التاسعة


منار معرفتش تنام كانت بتفكر في اليوم الحلو اللي قضيته مع عمر وفي لمسه ايده لايدها كانت مبسوطة اوي

عمر كمان معرفش ينام طول الليل يساءل نفسه ليه منار كدبت عليه ومقالتلوش انها كانت بتحب وياترى هو مين ولسه بتحبه ولا نسيته لا اكيد

منسيتوش دة اخر حاجة كتباها عنه قبل خطوبتهم على طول ازاي هتلحق تنساه طيب لو هي بتحبه متجوزوش ليه طيب هي وافقت تتجوزني ليه

الف سؤال وسؤال في دماغ عمر كان مضايق اوي من مناروقعد يفتكر من اول ما خطب منار لغاية دلوقتي عمرها ما قالتله انها بتحبه واما قالها انه

 

مش عايز انهم يطلقو هي رفضت وقالت لا وصممت بعد مدة يطلقو طيب ياترى ليه هل هتتجوز حبيبها الاولاني عمر كان مضايق كمان من نفسه انه

بدء يتشد لمنار وهي بتحب حد تاني كان حاسس بجرح كبير اوي وقال لنفسه انا كنت امين معاها من الاول وقولتلها مشاعري ليه هي مصارحتنيش

منار صحيت من النوم ملقتش عمر استغربت انه مشي من غير ما يصحيها

منار:الو

عمر:ايوة يامنار

منار:انت فين

 

عمر:انا في المستشفى

منار وهي مستغربة من التغيير دة:طيب مصحتنيش ليه احضرلك فطار

عمر:لا مفيش مشكلة انا قلت اسيبك ترتاحي عشان عارف انك كمان مش هتروحي الشغل النهاردة وهتقعدي مع مامتك

 

منار:طيب هستناك تيجي تتغدى معانا

عمر :ان شاء الله مع السلامة

 

منار اتضايقت من اسلوب عمر معاها وانه مختلف تماما عن امبارح بس قالت لنفسها يمكن حاجة مضايقاه في الشغل لما يجي هتسأله

عمر كان سرحان ومضايق جداا من نفسه انه بدء يتشد لمنار ومنها لانه حاسس انه خدعته واتجوزته وهي بتحب واحد تاني

 

معتز:عمر….عمر

عمر:ها ….ايوة

معتز :هههههه اهو كدة بدء يبان عليك الجواز بقولك ايه كريم وايمن كلموني امبارح

عمر:بجد جم امتى

معتز :لسه امبارح وعزمنا على الغدا النهاردة انا قولتلهم انا هاجي انما عمر بقى خلاص متجوز ههههههه ههياخد مخالفة لو جه

عمر حس انه فعلا عايز يغير جو مع اصحابه

 

عمر:لا انا هاجي عايز اشوفهم وحشتني قعدتنا مع بعض

 

منار:الو

عمر:ايوة يامنار بقولك انا مش هقدر اجي على الغدا النهارة

منار :ليه

عمر :اصحابي نازلين اجازة وعزمني على الغدا

منار بخيبة امل:طيب وهتتاءخر

عمر:مش عارف بس في الغالب هنسهر سوا

منار بحيرة وهي مش عارفة عمر ايه اللي مغيره:ماشي

 

منار كانت محتارة ايه ياترى اللي غير عمر بالشكل دة مكنتش لاقيه سبب خالص للتغيير دة

 

منار:الو

سلمى:ايوة يامنار ازيك

منار:االحمد لله ازيك انتي ياسلمى

سلمى:الحمد لله ايه مجتيش النهاردة ليهمنار:اجي فين؟

سلمى:ايه يبنتي انتي نسيتي النهاردة خطوبة هالة

منار فعلا كانت ناسية:اه تصدقي داانا نسيت خالص

سلمى :طيب هتعملي ايه؟

منار :اكيد ان شاء الله هاجي انتي عارفة هالة بالذات بتزعل لما بتعزمنا على حاجة ومش بنروح كمان عشان هي بصراحة مبيفوتهاش واجب

هي هتبقى فين

سلمى :هي عاملاها كدة على الضيق في النادي

منار:تمام ان شاء الله هروح

سلمى:خلاص ماشي نتقابل هناك

منار:ان شاء الله

 

منار احتارت تعمل ايه تقول لعمر يجي معاها ولا هيحرجها ويقولها انا هقعد مع اصحابي ولا هيزعل لو راحت لواحدها بعد تصرفاته الغريبة النهاردة بقت مش عارفة رد فعله هيبقى ايه

عمر:الو

منار:احم عمر كنت عايزة استاءذنك في حاجة

عمر:خير

منار:النهاردة خطوبة الدكتورة هالة زميلتنا وكنت عايزة اروح

عمر :براحتك عادي اللي انتي عايزاه اعمليه

منار وهي مخنوقة من اسلوب عمر:ط…يب مش هتيجي معايا

عمر:لا مش هقدر انا هقضي اليوم مع اصحابي

منار وهي دموعها نازلة:ماشي اللي تشوفه

 

منار قفلت مع عمر ودموعها مش بتوقف من اسلوب عمر ومش عارفة ليه بيعاملها كدة دة حتى مسألهاش الخطوبة فين ولا هتروحي مع مين

ومين هيوصلك “ليه كدة ياعمر بعد ما ادتني امل انك تحبني تحسسني اني مليش قيمة ومش مهمة عندك طيب ليه حرام عليك اللي بتعمله فيا دة”

 

عمركان مضايق من اسلوبه مع منار بس فعلا مكنش عايز يتكلم معاها ولا يروح معاها في مكان لانه لسه مش عارف يعمل ايه يواجها بالكلام اللي

قراه ولا يستناها تصارحه

 

معتز:ايه ياولاد الحلاوة دي انتو تخنتو كدة ليه

كريم :هههههه الكبسة بقى

عمر:هههه لا واضح

ايمن:عقبالك طالما اتجوزت يبقى هتكرش زينا

كريم:هههه اكيد ومحدش يبقى احسن من حد

ايمن:صحيح ياعمر انت اتجوزت مين

عمر وهو مضايق من الكلام في الموضوع دة:جارتي وزميلتنا في نفس الوقت بس اصغر مننا بثلاث سنين

كريم:بصراحة ياعمر انا بعد ما عرفت انك انت ومروة سيبتو بعض توقعت انك مش هتتجوز خالص

معتز :هههههههه وداوني بالتي كانت هي الداء

كريم :هههه عقبال ايمن ما يلاقي اللي تداويه

عمر:ليه هو ايمن بيحب من ورانا ولا ايه

معتز :ايه دة هو في قصة حب انا معرفهاش

ايمن :هههههه اوام خليتوها قصة حب

كريم :هههههه من طرف واحد

معتز:ايه دة واحنا كنا فين ساعة القصة

ايمن:هو انت ياخويا كنت فاضي انت وهو انت كنت كل شهر بتحبلك واحدة وعمر كان مشغول بالحب القديم

عمر:طيب احكيلنا عايزين نعرف

ايمن :خلاص حكاية وعدت ههههه انتو ايه الفضول اللي عندكو دة

معتز:لا فيها لاخفيها

كريم:الحكاية ياسيدي ان الاخ كان بيحب بنت معانا في الكلية بس مش دفعتنا لا اصغر بس بت ايه زي القمر بس كانت مؤدبة وفي حالها عمرنا ما

شفناها بتكلم حد من زمايلها الاولاد

عمر:ها وبعدين

ايمن :بس ياسيدي اتنيلت وحبيتها حاولت اكلمها مدتنيش فرصة سوقت عليها كام واحدة من اصحابها تكلمها تقولها اني بحبها وكدة ابدا زعقتلهم

وقالتلهم انا ماليش في الكلام دة انا كنت ساعتها فس خامسه فقولت لصاحبتها تقولها اني مش قصدي العب بيها او امشي معاها انا عايز اخطبها

ردت على صاحبتها وقالتلها انها بتحب واحد وهيخطبها فطبعا كدة خلاص هعمل ايه بتحب واحد تاني خلصت

معتز:ومتابعتش اخبارها بعد كدة

ايمن :بعد مااتخرجت بفترة كنت متابع اخبارها بس مكنتش اتخطبت ولا حاجة فاستغربت بس قولت يمكن فيه حاجة معطلة الموضوع

عمر:ونسيتها

ايمن:انا بصراحة لما قعدت مع نفسي لاقتني مش بحبها الحب اللي يخليني مقدرش انساها تقدر تقول كنت معجب بيها اكتر من حبي ليها

كريم:بصراحة البت كانت مزة ومحترمة في نفس الوقت

ايمن:فعلا بصراحة يابخته اللي هتبقى من نصيبه

معتز :طيب يالا نقوم نروح النادي نكمل السهرة هناك يمكن نلاقي حد من زمايلنا القدام

 

منار لبست وراحت الخطوبة وهي مكتئبة ودماغها مشغولة بعمر

لبنى قابلت منار على السلم

لبنى:واااو ايه يبنتي الحلاوة دي

منار:حلاوة ايه بس

لبنى:ايه معندكمش مرايات تشوفي نفسك رايحة فين بالشياكة دي

منار:رايحة خطوبة واحدة صاحبتي

لبنى:وعمر جاي معاكي

منار بحزن:لا

لبنى :ليه

منار:دة موضوع طويل اما اجي هبقى احكيلك

لبنى بقلق:ماشي يامنار ربنا معاكي سلام

منار:سلام

 

منار طول الخطوبة تفكر في عمر وتصرفاته واما شافت

صحباتها كل واحدة جاية ومعاها جوزها حست بوجع اوي في قلبها وحست بالنقص خصوصا كلهم كانو بيسألوها عليه

 

عمر:ها وانتو بقى لاقيتو عرايس ولا لسه

كريم ههههه اهو بندور

معتز:بصو كدة ياولاد دة شكله فرح ولا خطوبة اهي المناسبات دي بتبقى مليانة عرايس

ايمن :ههههههه تصدق فعلا اما نبص كدة يمكن نلاقي

كريم:ايه دة الحق ياايمن

ايمن :فيه ايه

كريم :بصو هناك كدة اهي البنت اللي كنا بنتكلم عليها من شوية هناك اهي

ايمن :اه تصدق يا كريم هي

معتز :هي فين عندي فضول اشوفها

كريم :اهي اللي لابسة فستان ازرق

معتز:ما تقوم يبني تسلم عليها

ايمن :لا طبعا ليه ياعني

كريم:معتز عنده حق يمكن تكون لسه متخطبتش وتبقى من نصيبك

ايمن :معاكو حق تعالى معايا ياعمر

عمر:لا ياعم روح انت لوحدك

ايمن :لا اصل هعمل نفسي ماشي معاك وشفتها بالصدفة وكريم ومعتز انت عرفهم فضيحة انما انت العاقل ومتجوز كمان ههههه يبقى مفيش شبهة

عمر:هههه ماشي عشان خاطرك انت بس

 

ايمن :بص اهي اللي مديانا ضهرها دي

ايمن :السلام عليكم ازيك يادكتورة

قامت وقفت تشوف مين بيكلمها

عمر وهو مش مصدق:منااار

منار شافت عمر مع ايمن ومش قادرة تستعوب الموقف:عمر انت هنا

ايمن كان واقف شايف الموقف ومش قادر يفهم اللي بيحصل

ايمن بيغمز عمر في دراعه:هو فيه ايه

عمر :احب اعرفك بمنار …….مراتي

———–———-———————-————

ونكمل في الحلقة القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقة القادمة

بقلم الكاتبة :موناليزا

حقوق النشر محفوظة لموقع وصفحة مدام طاسة والست حلة

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى