ترفيهمسلسل متخافيش

مسلسل متخافيش الحلقة السابعة والثامنة

 

الحلقة السابعة

احمد كان قاعد مع هنا ومامتها فى البيت
الام : بجد يابنى مش عارفه اشكرك ازاى ربنا يوقفلك ولاد الحلال يارب ويحميك ويبعدعنك الشر
احمد : ربنا يخليكى ياطنط ……….انا معملتش غير الواجب
هنا بتوتر : انت متعرفشى حاجه عن الزفته دى
احمد : لا كلمتنى امبارح ………..هى فالاسكندريه وعاوزانى اروحلها …………..بعد معرفت انى اتصرفت
هنا بخنقه : يعنى انت رايح عندها
احمد : لا طبعا هو انا مجنون …. انا هغير رقم تليفونى وهسافر اى بلد بعيده ………. عاوز اخد منى وابعد عن اى حد يعرفنا عشان كريمه متعرفشى توصلى
قامت هنا من مكانها وهى مضايقه اوى ودخلت اوضتها وجابت لفه ودخلت تانى لاحمد
هنا : اتفضل يا احمد
احمد باستغراب : ايه ده ؟؟
هنا : ده مبلغ عشان اللى عملته عشان وعشان كمان تعرف تكمل دراستك وتصرف على اختك
احمد بضيق: انتى جيبانى عشان كده ………….لو كنت اعرف مكنتش هاجى
وقام يامشى وهو متنرفز
هنا جرت عليه : استنى بس انا مش قاصدى اضايق انا بس فكرت اساعدك زى مانت ساعدتنى
وسكتت شويه وهى بتبصله بحزن : طيب عشان خطرى متزعلشى ممكن تقعد ثوانى ………….ثوانى بس ومتمشيش
هنا بصت لمامتها: ماما تعالى عاوزاكى
احمد قاعد تانى وهنا اخدت مامتها ودخلو جوه
الام : خير يا هنا فى ايه
هنا : ماما انا عاوزه اعمل حاجه وياريت توافقى
الام : قولى
هنا : ايه رايك احمد واخته يقعدو فالشقه بتاعى اللى قصدنا
(الشقه دى باباه هنا اشتراها لهنا عشان تتجوز فيها وتكون جانبه عشان هى بنته الوحيده ومكنشى عاوزه تبعد عنه حتى لما تتجوز )
الام : ازاى يعنى دى شقتك اللى هتجوزى فيها وبعدين نسكن ناس غرب احنا منعرفهمش …………..لا مش هينفع
هنا: ياماما بس اسمعينى …….الشقه مقفوله من سنين وانا مش هتجوز دلوقتى لسه بدرى ………..وبعدين احمد راجل محترم وانتى شوفتى عمل معايا ازاى وهو محتاج اننا نساعده زى ماهو ساعدنى ………….وبعدين هو رافض يا خد الفلوس ……..عشان خاطرى يا ماما
الام : بس
هنا : ماما ………احمد انقذنى من الست الشيطانه دى ومن غيره كان زمان مستقبلى كل ضاع ولا كنت هتجوز ولا كنت هعرف اعيش اصلا …………..عشان خاطرى وفقى
الام : ماشى يا هنا موافقه
وخرج هنا لاحمد عشان متتاخرشى عليه
هنا : احمد اسمع بقى اللى هقوله ……………..زوفكر فيه كويس قبل ما ترفض وتخدك الكرامه
احمد بصلها بانتباه
هنا : انت لسه مش عارفه هتروح فين وبعدين كده هتروح عليك اخر سنه فالكليه ……..فانا فكرت فى فكره انا عندى شقه هنا قصدنا …………..ممكن تاجرها مننا وتعيش فيها الفتره دى انت واختك لحد ما تعرف هتعمل ايه وتخلص كليتك وبعد كده لو عاوز تمشى انت حر ……….هنا المكان بعيد عن كريمه وعمرها هتفكر انها تيجى هنا وخصوصا وهى عارفه انى مت ده احسن واامن مكان ليك ولاختك ………فكر كويس وانا مستنيه الرد منك بكره الصبح …….ماشى
احمد فضل ساكت وهو بيفكر فكلام هنا ومش عارف يقولها ايه
ومشى احمد وهو محتار يوافق ولا لاء وروح البيت وحكى كل حاجه لمنى اخته
منى : انا مش مصدقه احمد انت عملت كده بجد
احمد : كان غصب عنى يا منى …….. المهم دلوقتى انتى شايفه نعمل ايه اقبل عرض هنا ولا نسافر فى اى حتى تانيه
منى : بص يا احمد احنا ممكن نروح لهنا لحد مانخلص السنه دى وبعد كده لو عاوز نسافر نسافر وتكون حتى خلصت وتعرف تشتغل فى اى حته وانا كمان مش هروح المدرسه وهبقى اروح على الامتحانات وخلاص وكريمه اكيد مش هدور علينا دلوقتى عشان هى هتخاف تيجى هنا دلوقتى
احمد : بس انا هجيب فلوس الايجار منين دى المنظقه شكلها غالى اوى وهصرف عليكى ازاى
منى : بص هى اكدي هنا مش هتطلب ايجار عالى هى عاوزه تساعدك وانت اشتغل بليل وربنا هيكرمنا ان شاء الله ………وبعدين على الاقل تبقى مطمن عليا وانا معاهم مش احسن ما نروح بلد غريبه ومنعرفشى فيها حد
احمد : ماشى يامنى ……….انا هكلمها الصبح وقولها اننا موافقين وانتى قومى لمى حاجاتنى عشان نمشى فى اقرب وقت والصبح بعد ما اكلم هنا هرمى الشريحه وهجيب شريحه جديده

الحلقة الثامنة

بعد سنتين

احمد ومنى لسه ساكنين مع هنا فى نفس العماره …ومامة هنا كانت بتعتبرهم ولادها واكتر وكانو بيقولوها ياماما وقدرت تعوضهم احساس امهم اللى ماتت وتديهم الحب والحنان واحمد كان مسؤل عنهم وعن كل طلباتهم وكان راجل البيت
الاسم انهم عايشين فى شقتين بس حياتهم مكانتشى بتنفصل غير وقت النوم
احمد اتخرج وبتقدير جيد جدا وتعين فى شركه محترمه وخلال سنه قدر يثبت نفسه وينجح
وهنا كمان اتخرجت واشتغلت صحفيه فى مجله وكانت بتحاول تنجح وتثبت نفسها فى شغلها عشان تحقق حلمها بانها تكون صحفيه مشهوره
منى كانت بتعتبر هنا اختها وصاحبتها ومثلها الاعلى وعشان كده دخلت كلية الاعلام
هنا واحمد كانو بيحبو بعض بس محدش صرح للتانى بس مشاعرهم كانت فضحاهم من نظراتهم وكلامهم وخوفهم على بعض
وفى يوم
هنا طلعه تجرى على السلام بسرعه وخبطت فى احمد وهو نازل
احمد : ايه يابنتى بتجرى كده ليه
هنا : احمد …..معلشى بجد اصلى مبسوطه اوى
احمد : مبسوطه ليه ؟؟
هنا بتلقائيه مسكت ايد احمد : تعالى معايا هقولكم مع بعض
احمد بص لايد هنا وهى فايده وبصلها بكل حب وعينه جات فعين هنا هنا حست برعشه وسابت ايده بسرعه
هنا برتباك : لو مش وراك حاجه تعالى اطلع معايا ثوانى
احمد بعد محس بكسوف هنا : ماشى ياستى لما شوف اخرت الجنان ده
وطلعو هم الاتنين
منى كانت قاعده مع مامت هنا بيتكلمو سمعو صوت الباب وصوت هنا بزعيق
هنا : ياماما …….يا ماما
الام : بس فى ايه ………..ايه الدوشه دى
منى بتبص لاحمد باستغراب : انت مش قولت عندك مشوار
احمد : لما نشوف المجنونه دى عاوزانا ليه
هنا بتبصله وهى رافعه حاجب : مجنونه ……….المجنونه دى يا استاذ ……….بقت صحفيه مشهوره اوووووووى
احمد بابتسامه : صحفيه مشهور مره وحده ………فين الاثبات
هنا طلعت المجله من شنطتها : وادى الاثبات ………موضوع صحفى باسم هنا عبد الرحمن وكمان صورتى منوره جانبه
احمد مسك المجله باهتمام وهو بيشوف الموضوع وصوره هنا
وجرت منى شدت المجله وشافتها هى والام
الام وهى بتحضن هنا : مبروك يا حبيبتى ……..عقبال مفرح بيكى فبيتك
هنا : بيت ايه بس يا ماما نجاحى ده الاهم
احمد بضيق : مبروك يا هنا
هنا مستغربه ضيقه : الله يبارك فيك
منى : مبروك ياهنا …………..انا نفسى ابقى صحفيه زيك ……..عقبالى يارب
هنا : ربنا يخليكى يامنى ……….قريب ان شاء الله
احمد : انا هدخل الشقه بقى اريح شويه
منى بستغراب : والمشوار
احمد: هتصل الغيه …….انا مصدع وهدخل انام شويه
ومشى احمد وساب هنا مضايقه بعد مكانت مبسوطه
الام : منى روحى شوفى اخوكى لو محتاج حاجه
منى : ماشى ياماما
……………………..……………………..……….
احمد غير هدومه وقاعد سرحان على السرير فى اوضته
منى دخلت قاعدت جانبه
منى : احمد ………..مالك ؟؟
احمد :مفيش
منى : هتخبى عليا انت ليك حد غيرى تحكيله
احمد ساكت ومش بيرد
منى : انا عاارفه انك بتحب هنا
احمد باستغرب : عارفه ؟؟
منى : اه عارفه وماما كمان عارفه
احمد بحزن: يعنى كله عارف وحاسس بيه الا هى
منى : بس انا حسه ان هنا هى كمان بتحبك
احمد: وانا كمان ساعات بحس كده وده بيدينى امل ………..بس اديكى شايفه كلامها اهم حاجه شغلها ونجاحها ومش بتفكر فيه انا تعبت اوى يامنى
منى : كلمها يا احمد ……….الحل الوحيد انك تكلمها …..مينفعشى تفضل سلكت وتتعب نفسك على الفضى
احمد : عندك حق انا هكلمها ويا اه يا لاء وارتاح بقى من التفكير ده
……………………..……………………..……………
وفى اسكندريه
فى فيلا شيك على البحر ست شيك لوى وباين عليها بنت ناس
ماسكه المجله وبتبص على صوره هنا بستغراب وهى بتضغط على المجله وهتقطعها

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى