مسلسل عشق بلا قيود الحلقة الخامسة والسادسة

الحلقة الخامسة

لوجين : وصلناا لفين ؟؟
ريان : هااا مش فاااكر … انت محتاجة تغيرى جوو ابعدى عن هنا شوية
لوجين : والله فكرة طيب هروح فين ؟؟
ريان : على شرم مثلا قضيلك اسبوع هناك وارجعى
لوجين : هروح لوحدى
ريان : اتصلى بأسما وخديها معاكى
هنا دخل اسلام وسمع الحوار بينهم
اسلام : السلام عليك
ريان : وعليكم السلام
لوجين : فى حاجة يا اسلام
اسلام : طب ردى السلام ….جيت عشان اخرجك شوية حاسس انك مدايقة اليومين دول
لوجين : سبحان الله ريان كان لسه بيقولى روحى شرم انا هتصل بأسما واقولها تيجى معايا
اسلام : فعلااا طيب بما انك رايحة شرم انا هروح معاكى ميصحش اسيبك لوحدك
لوجين : متقلقش علية انا مش لوحدى
اسلام : ياستى انت مالك انا كمان عايز اغير جووو
ريان : ومالوو انا بردو كنت هقولك روح معاها متسبهاش لوحدها
اسلام ببرود : لا من غير ماتقول كدة كدة انا مبسبهاش فى حتة لوحدها
ريان : طيب هستأذن انا
لوجين : استنى رايح فين ؟!
ريان وهو بيبص على اسلام
ريان : عندى شغل كتير محتاج اخلصة بسرعة عن اذنكم
اسلام : اذنك معاك ياخويا
لوجين : اييهه اللى بتعمله دة
اسلام : وانا عملت ايه ؟؟
لوجين : كان ناقص تاخدة قلمين قدامى
اسلام : هه يارريت
لوجين : يلا يا اسلام انا عايزة امشى
اسلام : احسسن
………
شيماء قاعدة على اللاب توب وفاتحة الفسيبوك وموبايلها رن
امير : سورى يا حببتى متزعليش من اسما انا عارف انها زودتها شوية
شيماء : انا مش زعلانة خلاص
امير : لا بس انا حاسس انك لسه زعلانة
شيماء : طيب اعمل ايه عشان تصدق انى مش زعلانة
امير : اممممم هعزمك على اكله انا هعملها بنفسى واكييد فى بيتنا طبعا
شيماء : معقوله هتطبخ بنفسك
امير : مش بنفسى اوى يعنى انت كمان هتساعدينى ها هتيجى صح
شيماء : مقدرش اقول كلام تانى
امير : مستنيكى ^^
شيماء : اوووكيية
خلصت المكالمة مسكت اللاب لقت ماستدج من شخص ودة الحوار
الشخص : ممكن نتعرف ؟!
شيماء : اكيييد
الشخص : انا اسمى عامر من القاهرة وعندى 26 سنة وانت ؟!
شيماء : انا شيماء من القاهرة برضو وعندى 23 سنة
عامر : تشرفنا
شيماء : الشرف ليا انا
عامر : على فكرة حلوة صورة البروفايل بتاعتك البنوتة دى اجنبية مش كدة
شيماء : ههههه لا دى انا
عامر : مش معقول دى انت
شيماء : اهااا انااا
عامر : انت من اوروبا
شيماء : هههههه صدقنى انا مصرية
عامر : سبحان الله … هو انت مرتبطة ؟!
شيماء بعد تفكيرررر عمييق قررت تقول
شيماء : لا مش مرتبطة
عامر : وانا برضو ….هو ممكن نتكلم فون وكدة ؟!
شيماء : اكييييد
عامر : 01132336198 دة رقمى رنيلى ومش هفتح على فكرة ^^
شيماء : اوكية …. هههههه متخفش معايا رصيد
عامر : معناها هفتح عليكى
……….
اسلام روح بيتة ودخل سلم على ستة وقعد جمبها مدايق
سميحة : ايه ياا اسلام مالك يابنى شايل الهم وقاعد كدة ليه ؟
اسلام : والله ياتيتة مخنووق جدا ونفسى اطفش من البلد دى
سميحة : ليه كدة يابنى طمنى
اسلام : لوجين ياتيتة
سميحة : انت لسه مقولتلهاش
اسلام : وحتى لو مقولتلهاش المفروض تحس شوية اهتمامى بيها يفسرلها اى حاجة خوفى عليها اى مكان بتروحة بكون وراها اعمل ايه تانى انا تعبت
وبداء يعيط
سميحة : لا لا اوعى تبكى انت لوحصلك حاجة انا هبقى لوحدى
اسلام : هو دة اللى خايفة علية عشان مسبكيش لوحدك
سميحة : وانا ليا مين غيرك فى الدنيا
اسلام قام ومسح دموعة وباس ايديها
سميحة : ربنا يخليك ليا يابنى وميحرمنيش منك ابدا … بقولك ايه ياولد روح هات البتاع اللى بتعمل عليها مزيكا اسمة ايه البتار دة وسمعنى حاجة نفسى اسمع صوتك
اسلام : هههه تقصدى الجيتار حاضر هدخل اجيبة واجى
دخل اسلام وخد الجيتار ورجع تانى قعد جمبها وقالها
اسلام : تحبى تسمعى ايه ؟
سميحة : غنيلى حاجة لام كلثوم
اسلام : من عيونى يا لووزة
فجأه موبايله رن بص لستة
سميحة : ميين ؟
اسلام : رقم غريب
سميحة : رد بسرعة
اسلام : الووو
اسما : الو اسلام معايا
اسلام : ايوة انا … ميين ؟
اسما : انا اسما فاكرنى
اسلام : ااااه اسما ازيك
اسما : الحمدلله وانت ؟!
اسلام بأستغراب : تمام … فى حاجة يا اسما ؟
اسما بأرتباك : هااا لا انا كنت كنت بتصل عشان اطمن على دراعك عامل ايه دلوقتى
بص على دراعة وقال
اسلام : تمام الحمدلله متشكر لسؤالك
اسما : الشكر لله … مع السلامة
اسلام : باى
سميحة : ع فكرة البنت دى بتحبك
اسلام : ايييه بتحبنى انا
سميحة : ايوة ومالك اتخضيت كدة ليه ؟
اسلام : لا مفيش حاجة
……….
لوجين روحت البيت
لوجين : بااابىى
ادهم : ايه ياحببتى مجتيش الشركة ليه
لوجين : معلش يا بابى انا زهقانة من الشغل وقررت اخد اجازة من الكليه والشغل واروح شرم
وهنا طلعت سوزان
سوزان : خدى اسلام معاكى
لوجين : ياماما هو اى حتة اروحها اخد اسلام معايا هو انا صغيرة
سوزان : يابنتى طمنينى عليكى انا بطمن لما يكون اسلام معاكى
ادهم : امك معاها حق يا لوجى خدية معاكى مش هتخسرى حاجة اهو منة يخرج ويغير جو ومنة نطمن عليكى
لوجين بأقتناع : اوكية يا بابا … عايزة حاجة تانية ياماما
سوزان : ايوة هتروحى امتى ؟!
لوجين : هتصل بأسما ونتفق
سوزان : مااشى ياحببتى
دخلت اوضتها ولمت شوية هدوم ليها فى شنطة سفر
لوجين : الوو اسما
اسما : ايه يا لوجى انت تختفى فجأة وتظهرى فجأة
لوجين : مش وقتة الكلام دة انت فين ؟!
اسما : هكون فين يعنى مرزوعة فى الفيلا
لوجين : اوك انا جيالك ناااوو
اسما : هستناكى
……..
ريان راح على العيادة
وفضل يفكر كتير
دخلت عليه السكرتيرة وقالتله فى مريضة وصلت فسمحلها تدخل
ريان : انت
الشخص : ايوة انت اتخضيت كدة لييه ؟
ريان : عايزة منى ايه
الشخص : عايزة نرجع تانى انت وحشتنى اوى
ريان : ابعدى عنى رجوع ايه ياامو رجوع انت عايزة بعد اللى عملتية دة ارجعلك
الشخص : بس كل انسان بيغلط وربنا بيسامح انت مش هتسامح
ريان : بس انا مش ربنا … سمعتينى انا مش ربنا واطلعى من حياتى بقااا
الشخص : عشان خاطرى طب لو مش عشان خاطرى عشان ربنا وانا اوعدك مش هعمل كدة تانى
ريان : هه ربنا .. كويس انك عارفة ربنا
الشخص : بطل تتريق عليا كدة
ريان
ريان : انت عايزة بعد اللى عملتية دة وجاية تزعقيلى اقسملك لو مطلعتيش برة حالا انا هضربك واموت واشرب من دمك
الشخص : انا قدامك اهو اعمل فيا اللى انت عاوزة المهم نرجع لبعض
ريان بزعيق : دييييييممممممماااااا معدش فيه رجوع خلاص امشى اخرجى برة
ديما : حااضر
………
سوزان : اتصل باسلام انا عارفة ان لوجين مش هتقوله حاجة
ادهم : لا هتقوله
سوزان : لا مش هتقوله اتصل بية عشان هما هيروحو بعد بكرة
ادهم : حاضر
اسلام : الو يا بابا .. لوجين جرلها حاجة
ادهم : لا ياحبيبى لوجين بخير
اسلام : امال فى ايه
ادهم : عايزك تروح مع لوجين شرم بعد بكرة
اسلام : تمام بس هى مقلتش ليه
ادهم : مفرقتش يا اسلام هدى اللى طلبت منى اقولك عشان تحجز التذاكر وكدة
اسلام : ماشى يا بابا
……..
عند اسما
شيماء راحت وسلمت عليهم وخدها امير على المطبخ وبداء يعمل الاكل وشوية والاكل جهزز وشاله وحطة ع السفرة وبداء ياكلها بايدة ويدلعها وشغل السهوكة اللى انتو عارفينو دة
فى نغس اللحظة جت لوجين والخدامة فتحتلها وداخله ومش فى دماغها انها هتشوفهم واول ماشافتهم
لووجيين :
شيماء اتخضت اول ماشفتها وبعدين حبت تبين انها عادى
شيماء : لوجى حببتى انت جيتى ليه ؟
امير : مالك يا لوجين واقفة كدة ليه ؟
لوجين : هاا لا انا كنت عايزة اسما
امير بينادى على اسما واسما نزلت سلمت عليها
لوجين : انا كنت جاية عشان اقولك نروح شرم واسلام جاى معايا
اسما : بجددد تمام اعتبرينى جاية
شيماء : الله يابيبى ايه رايك نروح احنا كمان
امير : والله انا معنديش مانع ولا ايه ؟
اسما بفرحة : خلاااص كلنا نروح سواا ^^
لوجين : اهاا اكيد انا همشى .. سلام
كلهم : سلام
……
خرجت لوجين والدموع ملت وشها كله من كتر العياط
ركبت العربية ومتعرفش هى بتتصرف ازاى واتصلت بريان
ريان : براحة عشان افهم
لوجين : انا هجيلك على العيادة ارجوك انا محتجالك اوى
ريان : تمام انا فى العيادة
لوجين : ماشى
شوية ووصلت لوجين ودخلتله
ريان : تعالى يا لوجين
لوجين : انا مش عارفة اعمل ايه
ريان : اهدى بس وفهمينى
لوجين حكت كل حاجة لريان وهى بتعيط
ريان بيسمع الكلام وهو حاسس بكل دمعة بتنزل ان فى خنجر بيضرب فى قلبة ويخرج
ريان مش مستحمل
ريان : خلاص والنبى يا لوجين انا مقدرش اشوفك كدة
لوجين مسحت دموعها
لوجين : انا خلاص مش هروح شرم
ريان بعد تفكير
ريان : لا انت هتروحى وكان مفيش اى حاجة حصلت وخليكى ريلاكس تمام
لوجين : بس انا مقدرش اشوفة معاها هتجنن بجد … ريان ممكن اطلب منك طلب
ريان : اتفضلى
لوجين : تعالى معانا شرم
ريان : بسس
لوجين : بليز يا ريان انا محتتجلك جمبى اوى انت لو مجتش معايا انا ممكن يحصلى حاجة بجد
رياان : لالا خلاص انا جاى اكييد
لوجين : بجددد ^^
ريان مبتسم : بجد
……..
عدى يومين
كل حاجة تمام وجهزت وكلهم فى باص الرحله
اسما قاعدة جمب لوجين واسلام
امير قاعد جمب شيماء
وريان واخد جمب لوحدة وكام مدايق من دة كل شوية يبص عليها ويبتسملها ويبص للشباك طلع الهاند فيرى وشغل اغانى رومانسية وقعد يسمع وهو بيبصلها ويبتسم
اسلام : ايه اللى جاب ريان معانا
لوجين : انا اللى طلبت منة يجى
اسلام : وليه بقا
لوجين : عاادى يعنى كلنا خرجنا وقولت اقوله يغير هوا معانا
اسلام : ماااشى يا لووجيين
اسما : اهدو يا جماعة
اسلام : ملكيش دعوة انت
اسما : ……..
……….

الحلقة السادسة
اسلام : ملكيش دعوة انت
اسما بزعل : حاضر
لوجين : ايه دة يا اسلام بتزعقلها ليه
اسلام : اسكتى انت
اسما : خلاص يا لوجين عادى
وفى خلال ساعات وصلو الفندق
طلبو 4 غرف
لوجين : وليه 4 غرف … غرفة انا واسما وشيماء وغرفة ليكو انتو التلاتة
اسلام : انا هاخد اوضة لوحدى
ريان : وانا كمان … وانتو خدوا الاوضة التانية
امير : اوضتى بقا هتبقا ليا انا وشيماء
شيماء : ………
لوجين : اييه ؟
ريان خد باله حاول يهديها
ريان همس ف ودنها : اهدى براحة … خلاص ياجماعة كله ع اوضتة ولما نحب ننزل البحر قولولنا عشان ننزل سوا
طلعت اسما ولوجين على اوضتهم واسلام ع اوضتة وريان وامير وشيماء
……..
اوضة امير
امير : مالك يا قلبى
شيماء : انا خايفة للوجين تقول لماما وخالتو
امير : متخفيش انا هتكلم معاها
شيماء : بجددد
امير : اهااا تعالى اقولك حاجة
شيماء بدلع : لا لما نتجوز الاول
امير : يا عبيطة ماانا هتقدملك وهبقى خطيبك
……….
اسلام دخل اوضتة وفضل يضرب برجله فى السرير والارض
اسلام : انا هوريكى يا لوجين
وغير هدومة ونام
………..
اسما : انا مش مصدقة اخويا يعمل كدة
لوجين بتعيط : وانا مش مصدقة
اسما : خلاص اهدى ياحببتى
لوجين : هتششل
اسما : لا ياحببتى بعد الشر عليكى ادخلى غيرى هدومك ونامى شوية
لوجين : حاضر
……..
ريان دخل اوضتة وغير هدومة وخايف اوى على لوجين خايف يحصلها اى حاجة من تصرفات امير وشيماء وخصوصاانعا مبتستحملش اى حاجة واطمن شوية لما افتكر ان اسما معاها
……….
عدت ساعات وبداو يصحو من النوم
شيماء خارجة من الحمام ولابسة البورنوس وحاطة الفوطة ع شعرها وبتصحى امير
شيماء : حبيبى كفاية نوم ويلا ننزل شوية
امير : الساعة كام
شيماء : الساعة 4ونص
امير : يااه كل دة نوم
شيماء : نمت كتير اوى يلا ادخل هدلك دوش عقبال ماالبس
امير : اوك
……….
اسلام فاق من نومة صحى ولبس وراح خبط ع باب اوضة اسما ولوجين
فتحتله اسما
اسما بأسلوب جاف : نعم
اسلام : هى لوجين لسه نايمة
اسما رجعت لورا وبصت للوجين ولوجين شاورتلها تقوله نايمة رجعت تانى
اسما : اه لسه نايمة
اسلام حس بطريقة كلامها حس بالذنب
اسلام : هو ممكن تنزلى معايا نتمشى ع البحر
اسما مكنتش مصدقة
اسما : اكييد
دخلت خدت الموبابل وشاورت للوجين ونزلت معاه
———-
ريان صحى من نومة ع رنة موبايله بص بيشوف مين لقى لوجين ابتسم و رد
ريان : الوو
لوجين : صحى النووم يا دكتور
ريان : هههه والله لو هفضل نايم واصحى كل يوم ع صوتك الحلو دة هنام كل شوية ^^
لوجين : هههههه
ريان : هههههههه
سكتة شوية واتكلمت لوجين
لوجين : اييه ؟
ريان : اييه ؟؟
لوجين : طب ايه ؟ ^^
ريان : تيجى ننزل
لوجين : ماشى خلص لبس وتعالى
ريان : حاااضررر
………
اسلام : انا اسف
اسما : على ايه
اسلام : حاسس انى كلمتك بطريقة وحشة واحنا جايين فى الباص عشان كدة بتاسف واتمنى تقبلى اعتذارى
اسما : اوكية هقبل بس بشرط
اسلام : ايه هوو
اسما : متتكلمش معايا بالطريقة دى تانى
اسلام : بس كدة من عيونى ^^
اسما مكسوفة : ………..
……..
ششوووية وكلهم ظهرو نزلوا كلهم قعدوا ع الشط وكل شوية لوجين تبص على امير وشيماء وترجع تبص ع البحر تانى وريلن كل دة واخد باله وساكت
امير : لو سمحت يا لوجين عايزك ف كلمتين
بصت لوجين لريان بخوف وبعدين رجعت تاانى لامير
لوجين : اوك
مشى بيها بعيد عنهم
اسلام : تفتكرى عايزها فى ايه
اسما : مش عارفة … انت هتنزل البحر ازاى بدراعك
اسلام : كدة مش هنزل البحر
اسما : مش مهم المهم تقوم بالسلامة ^^
……..
امير : زى ماقولتلك كدة
لوجين : اكيد هى اللى طلبت منك تيجى تقولى كدة صح
اميرر : مش هتفرق مين اللى طلب المهم لو انت عايزة تثبتيلى انك بتعزينى متقوليش لخالتك اوكية
لوجين بصلتة وهى مدايقة : ماشى يا امير مااشى
رجعوا تانى وقعدوا
ريان بيبصلها نظرة معانا انت تمام بصتله وابتسمت وبصت للبحر وقررت تنزل تعوم
نزلت البحر وشيماء وامير نزلوا بس امير خد شيماء بعييددد ولوجين عماله تبص عليهم وهى مدايقة ونسيت انها فى البحر والموجة طالعة عليها لحد ماخدتها
ريان بيبص عليها وخايف يحصلها حاجة فضل باصص لحد ماااشاافها بتغرق اتصدم لما شافها وقلع التيشيرت ونزل البحر شالها وطلع بيها ع الشط
اسلام : ايه دة مالها حصلها ايهةة
ريان وهو بيضغط ع بطنها
ريان : محتاجة تنفس صناعى
اسما : اعملها بسرعةة انت نستنى اما تموت
ريان وهو عايز يلحقها بداء يعملها تنفس صناعى واسلام واقف وهيتجنن لحد ماافاقت لوجين وشافت ريان وقربة ليها من غير ماتفكر ضربتة بقلم
ريان حاطط ايدة ع وشة ومصدوم
لوجين : انت قليل الادب ازاى تعمل كدة
وبتبص حواليها لقت اسلام واسما واقفين
ريان قام من مكانة وطلع اوضتة
اسما : يخربيتك كنتى هتغرقى
لوجين : وايه اللى حصل
اسما : ريان الوحيد اللى خد باله ولحقك وطلعك هنا ولاقاكى محتاجة تنفس صناعى
لوجين وشعرت بالذنب قامت وقفت
لوجين : طب هو راح فين ؟
اسلام : طلع اوضتة اكيد
لوجين : انا هطلعله
اسلام جرى وراها ومسكها من دراعها
اسلام : ازاى هتطلعى لواحد قاعد لوحدة
لوجين : بس انا طالعة اعتذرله
اسلام : لما ينزل اعتذريله ياستى
لوجين : لا مينفعش دة انقذ حياتى
اسلام بعصبية : بقولك ايه بقا مفيش طلوع
لوجين : انت مالك بتتكلم معايا كدة ليه
اسلام : عششان انا بحبك وبغير عليكى ومش هسمحلك تعملى حاجة انا مش عايزها
لوجين بصدمة : لا يا اسلام انا مستهلش حبك ليا
اسلام : ليه بتقولى كدة
لوجين : عشان حبك دة مش من حقى
اسلام : امال من حق ميين
لوجين : من حق اللى بتحبك
اسلام : ميين اللى بتحبنى هى فيين دى
لوجين : دور كويس يا اسلام
اسلام : بس انا مش عايز اى حد ياخد حبى غيرك
لوجين ببكاء : بس فى حد يستهلو اكتر منى
اسلام : وانا مش عايز غيرك انا بح….
لوجين بتقاطعة : متكملش ودور كويس يا اسلام هتلاقى شخص حواليك فى كل حتة وبيتمنى نظرة واحدة منك او لمسة ونفس الشخص اللى انت بتدوس ع قلبة بكلامك اللى زى الدبش … دور حواليك هى موجودة وبتحبك اكتر من اى حد ممكن تتصور انة بيحبك كدة صدقنى انا مستهلش الحب دة
اسلام : فى حد تانى
لوجين : هه والحد التانى دة مش من حقى وانا كمان مش عايزاه
اسلام : تقصدى ع مين ؟
لوجين : مش على حد روح دور على الشخص دة قبل مايضيع من ايدك وساعتها مش هتلاقية تانى
وسابتة ومشيت
فضل محتار ورجع يبص وراه لقى قدامة اسما واقفة بعيد عنة
فضل يفتكر كلام جدتة عليها( البنت دى بتحبك ) و كلامها ( انا اسفة انا السبب فى اللى حصلك دة ) و كلام لوجين ( دور كووويس هتلاقيها معاك فى كل حتة ) فضلت الكلمة دى تتكرر فى ودانة
دورررر كويسسسس
دوررر كوويس
دور كويس
اسلام : لا مش معقول يكونوا يقصدوا عليكى انت لا مستحييل
وطلع يجرى ع اوضتة ودخلها وقفل ع نفسة واترمى ع السرير
……..
لوجين بتخبط ع باب اوضة ريان
ريان بيفتح
ريان : ……
لوجين : ريان انا اسفة
ريان : ……..
لوجين : واالله العظيم مخدتش بالى انا اتصدمت لما شوفتك قريب منى
ريااان : …………
لوجين : تمام
وادتله ظهرها وماشية بتعيط
لحقها ريان
ريان : لوووجين
ابتسمت وبصتله
ريان : خلاص متعيطيش
لوجين : يعنى انت مش زعلان
ريان : لا مش زعلان
لوجين : طب يلا ننزل البحر
ريان : ماشى
نزلوا ولقوا اسما قاعدة لوحدها ومدايقة
لوجين : اييه راح فين اسلام
اسما : معرفش بعد ماكلمك مشفتهوش تانى
ريان : متخافوش اكيد طلع اوضتة ولا حاجة
شوية وظهروا امير وشيماء عمالة تضحك بدلع
لوجين بصت فى الارض وعملت نفسها مش واخدة بالها ولاحظ كدة ريان واتبسط لما لاقها بدات تتعود وتتعامل مع الموقف
………
بليل كلهم متجمعين وقاعدين ع شكل دائرة ومولعين خشب ونار فى النص شيماء عماله تتكلم فى ودن امير وامير يضحك وماسكة فى ايدة ولوجين قاعدة قدامهم وجمبها ريان ومدايقة من اللى بيحصل بس بدات تفهم نفسها لو كان بيحبها مكنش بص لشيماء وبدات تتعامل عادى ودة بداء يدايق شيماء اسلام قاعد سرحان وبيفكر واسما قاعدة جمبة وبتبص عليه
شيماء : احم احم ايه رايكو نلعب لعبة الصراحة
امير : اوكية …. انا هسال الاول
ريان بيبص للوجين : ايه رايك ؟
لوجين : معنديش مانع
اسما : وانا كمان
مفيش غير اسلام اللى قاعد مش مركز
شيماء : اسلااااااام
اسلام : هااا … في ايه ؟
شيماء : سررحاان فى ميين يااا اسلام فى الجو مش كدة
اتدايقت اسما وبصتله
بصلها اسلام وهو خلاص متأكد انها بتحبة ابتسملها
شيماء : الازازة اللى هتيجى عند اى حد فيكو هيتسال كل سؤال من التانى
لوجين : بس قوانين اللعبة عمرها ماكانت كدة
شيماء : معلش يا بيبى لازم احط التاتش بتاعى
لوجيبن : اووووففف
ريان بصوت واطى : اهدى ومتديهاش الفرصة والعبى ولا يهمك وجاوبى ع كل الاسئله تمام
لوجين : تمام
امير : انا اللى هلف الازازة يلا 1 2 3 اووووباااا
الازازة جت عند اسلام
شيماء : انا اللى هسألك الاول
اسلام : اتفضلى
شيماء : اممممم كنت سرحان في ايه
اسلام : كنت بفكر
اميررر : السؤال التانى …. كنت بتفكر فى ايه ؟
اسلام : بحل مشكله شخصية
لوجين : اااا……
قاطعتها شيماء : ممكن يا لوجى اساله انا بدالك
لوجين بعصبية وبتبص لريان
ريان بصلها وهزلها دماغة
لوجين : اووك
شيماء : وايه هى المشكله الشخصية
كلهم بصلها
شيماء : فى ايه يا جماعة انا بسالة يمكن نعرف نفكر معاه ونشوفلها حل
امير : شيماء عندها حق
اسلام : اظن انا ف الاول قولت شخصية فمفيش داعى حد يحلهالى شكرا لتواضعك
شيماء : ????
امير : خلاص كفاية اساله لاسلام يلا نلفها تانى
لفها امير وجت عند لوجين
امير : لوجين عمرك حبيتى قبل كدة
لوجين اتصدمت بصلت لريان وريان بصلها نظرة معناها عاادى سؤال عادى مفيهوش حاجة
وطبعا اسما عارفة كل حاجة بصت للوجين وخايفة عليها ومسكت ايديها تطمنها
لوجين : اه حبيبت مرة واحدة
شيماء : السؤال التانى ….. وهو فيين ؟!
لوجين : موجود بس سبنا بعض
اسلام : ليييه ان شاء الله
لوجين : عشان هو بيحب واحدة تانية وميعرفش انى بحبة
امير : لو تسمحلى اسالها بدالك
ريان : اكييد
امير : ودلوقتى لسه بتحبية ؟
لوجين : ………
………..