ترفيهمسلسل عشق بلا قيود

مسلسل عشق بلا قيود الحلقة الخامسة والسادسة عشر

الحلقة 15


ريان مش مصدق : حامل من امير
لوجين : اه
ريان : يانهار اسووود …. وانت اللى حصلك دة ايه علاقتة بدة
لوجين بدموع : يعنى ايه علاقتة ايه انت نسيت امير دة بالنسبالى ايه
ريان قلبة وقع بعد ماحس انها نسيتة يلاقيها متعلقة بية اكتر
ريان : اه صح مكنتش اعرف ان اللى بيحب بيعمل كدة ف حببتة ويخليها تتعب بالطريقة دى وكانت بين الحياه والموت
لوجين : تقصد ايه
ريان : اقصد ان امير مبيحبيكيش غير زى اختة وانت رامية نفسك عليه وهتموتى عليه واول ماعرفتى ان بنت خالتك حامل منة كنتى هتموتى
لوجين : عندك حق انا مكنش لازم احبه دة انسان ميعرفش معنى الحب
ريان بعصبية خفيفة : ع فكرة انا مسافر انجلترا
لوحين بصدمة : ايييه هتسافر انجلترا
ريان : اه
لوجين : ليه ؟
ريان : بابا وماما طلبونى
لوجين : ولا مرة سمعت الجمله دى .. مكنتش اعرف ان اهلك عايشين
ريان : لا انا اهلى عايشين الحمدلله بس ف انجلترا بقالهم سنين
لوجين بحزن : هتسافر امتى
ريان حس بحزنها : مش عارف بس احتمال ع اخر الاسبوع
لوجين : هتفضل هناك ع طول
ريان : لا هقعد اسبوع بس
لوجين : ماشى بس مش اسبوع دة كتير اوى
ريان : انا شايفهم قليل اوى دة 7 ايام بس
لوجين : مممم عندك حق
ملحوظة : ريان مكنش هيسافر انجلترا وكان هيفضل جمب لوجين لكن لما لقى لوجين لسه بتحبة ومتعلقة بامير حب ياخد بريك شوية ويبعد
………….
ف المطعم
امير : شيمو مالك يا حببتى
شيماء : امير ف حاجة عايزة اقولهالك
امير : قولى
شيماء : اناا حامل
امير : نعممممم من مين ؟!
شيماء : نعم اكيد منك انت
امير : منى انا هه
شيماء : انت مش مصدقنى
امير حب يضحك عليها ويستغلها
امير : لا لا انا فرحتى مخليانى مش مصدق
شيماء : بجد فرحان
امير بكدب : اه طبعا
شيماء : يعنى هتيجى تتقدملى
امير : بصى يا حببتى مينفعش حد يعرف عن الحمل دة خالص ولازم نروح نتخلص منة انهاردة
شيماء : نعم نتخلص منة ازاى يعنى
امير : هنروح لدكتور شاطر وهو صاحبى متخافيش وهنشيل البيبى وترجعى زى ماانت
شيماء : انت مش كنت بتقول فرحان بية طيب ليه ننزله
امير : مفيش حل غير كدة وبعدين انا وانت بنحب بعض ومينفعش حاجة تيجى تبعدنا عن بعض صح
شيماء : يعنى البيبى دة اللى هيفرقنا عن بعض
امير : للاسف اه
شيماء : خلاص نروح انهاردة للدكتور
امير بابتسامة انتصار : شطورة يا حببتى وانا هتصل بالدكتور واكسب وقت
……….
اسما راحت للوجين بعد مامشى ريان
اسما : مالك يا حببتى ايه اللى حصلك
لوجين حكتلها ع اللى حصلها
اسما بصدمة : ايييه شيماء حامل من اخوويا
لوجين بدموع : اه يا اسما اه
اسما : يانهارى كل دة حصل امبارح وانا معرفش
لوجين بدموع : شوفتى امير يا اسما
اسما حضنتها : معلش يا حببتى دة قدر ومكتوب وانت عارفة من الاول ان امير بيحب شيماء وشيماء الجزمة ضحكت عليه
لوجين بدمووووع : ااااااه اااااه
اسما : معلش يا حببتى اهدى يا لوجى
لوجين : اه لو تعرفى اللى حاسة بية قلبى بيتحرق من جوايا ومش لاقية حد يطفهالى
حتى ريان يا اسما اللى كنت بحكيله عن كل حاجة طلع هيسافر وهيسبنى
اسما : هيسافر فين
لوجين : هيساافر انجلترا وهيقعد اسبوع
اسما : معلش يا لوجى انا افتكرتة هيقعد هناك ع طول دة اسبوع بس
لوجين : ابوس ايدك متحكيش لحد انك عرفتى حاجة وخصوصا ماما وبابا
اسما : لا طبعا بابا وامير لازم يعرفوا انى عارفة واقول لبابا
لوجين : بس متقوليش انك عرفتى منى حاجة
اسما : حاضر يا حببتى حاضر
لوجين وهى بتمسح دموعها : كنتى هتقولى حاجة ؟
اسما : ااااه اسلام جة اتقدملى
لوجين بفرحة : بجدددد
اسما : اه وهنروح نجيب الشبكة بليل
لوجين : مبروك يا حببتى مبروك
اسما بفرحة : الله يبارك فيكى يا قلبى
………..
لاول مرة يظهر الشخص دة
شريف : مالك ياض ؟
ريان : مخنووووووق اوى
شريف : ماتريح نفسك وتقولها
ريان : مينفعش دلوقتى
شريف : يادى لوجين
ريان بانفعال : شرررريف متنساش انك بتتكلم عن حببتى
شريف بانفعال : خلالالالاص اشبع بيها اللى هتوديك فى داهية وانت ماشى زى الاهبل وراها
ريان : متغلطتش انت فاهم
شريف : لا هغلط وبراحتى كمان انا صاحبك وخايف عليك … انت مش عارف اانا بحس باية لما بشوفك كل يوم فى حالتك دى حرام بجد
ريان : بقولك ايه عندك حل قول معندكش اتكتم واسكت
شريف : شكرا يا صاحبى … بس اللى انا عايز اقولهولك انك مينفعش تستبها وتسافر … سلام يا صاحبى
ريان بتأنيب ضمير : طب يا شريف تعالى
شريف مشى ورزع الباب وراه
ريان رمى المخدة ع الارض
ريان : اووووووووووووووف
………..
بليل
قدام المستشفى
شيماء واقفة وبتبص ع المستشفى وحاطة ايديها ع بطنها وبتعيط
يطلع امير بعد مادفع الحساب ويبصلها ويبتسم ابتسامة نصر وانها كانت سهله معاه اوى
ومتعبش ف اقناعها
ورحلها وقالها
امير : ايه ياقلبى انت بتعيطى ليه ؟ دة المفروض تفرحى
شيماء بدموع : افرح ؟
امير : مقصدش اقصد يعنى عشان المصيبة اللى كنا هنقع فيها
شيماء : انا كان نفسى يبقى عندى طفل
امير : يا حببتى وانا كمان … انا كان نفسى يجى فى ظروف احسن من كدة
شيماء : بس اكيد هنعوضة مش انت هتتقدملى يا ميرو صح ؟؟
امير بكدب : اها اه طبعا يا حببتى يلا نروح بقى انت تعبانة العملية مكنتش سهله برضو
………
عند اسما
امير بيدخل ووهو فرحان انة خلص من المصيبة اللى كان هيقع فيها
وبيقفل باب الفيلا براحة ويرجع بوشة يلاقى اسما واقفة قدامة ومربعة ايديها
اتخض امير منها وحاول ميبينش
امير : ايه يابنتى واقفالى زى العفريت كدة ليه ؟
اسما بصتله ببرود : امير عايزة اتكلم معاك
امير : لا انا عايز انام خليها بكرة
اسما : لا دلوقتى
امير : على فكرة متدايقنيش لاما اقسم بالله اقنع بابا يرفض سى اسلام بتاعك دة
وادالها دهرة وجاى يمشى
وقفتة اسما بجملتها
اسما : وانا هقول لبابا على موضوع الحمل
امير رجع بوشة تانى : حمل ايه ؟
اسما : اظن انت عارف
امير : انت مين قالك الموضوع دة
اسما : العصفورة قالتلى
امير بزعيق : انطقى مين اللى قالك شيماء
اسما : يعنى الموضوع حقيقى
امير : لا لا مشش حقيقى
اسما : لا حقيقى وانا عارفة ان شيماء حامل منك
امير : بقولك ايه عايزة تقولى لبابا قوليله هى اصلا مش حامل
اسما مستغربة من رد فعله
امير : ولو عملتى اى حاجة مش عجبانى هرفض اسلام … باى باى
……….
عند ريان
ريان قاعد وعينة مدمعة فجاة لقى موبايله بيرن
مسك الموبايل واول ماشاف اسمها قلبة وقع ورد بسرعة
ريان : الو
لوجين : ………
ريان : ………..
سكوت تام بين الاتنين محدش بيتكلم لمدة دقتين
وقطع السكوت دة لوجين
لوجين بضيق : لسه عايز تسافر برضة
ريان بعد ماخد نفسة : لو مش عايزانى اسافر مش هسافر
لوجين بفرحة : بجددددددد
ريان ابتسم : ايوة بجد
لوجين : هو انت فين ؟
ريان : فى البيت
لوجين : ممكن اجى عندك
ريان : ايوة بس……..
لوجين : ابعتلى عنوانك فى ماستج وانا جاية
ريان : امرى لله
خلصت المكالمة وريان بعت للوجين العنوان ف رساله زى مااتفقوا
وجرى بسرعة يروق الشقة من البهدله اللى فيها ووضبها كويس ودخل غسل وشة وشغل موسيقى هادية
متنسوش برضو هو دكتور نفسى وعارف ان الموسيقى الهادية بتحسن من نفسية المريض واى حد مش شرط يكون مريض
………
اسلام : يا تيتة بقا انا تعبت … انا مش اشتريت الشبكة زى ماانت عايزة ؟
سميحة : يا حبيبى تعبت من ايه والله البت بتحبك
اسلام : عارف بس انا مش بحبها الحب مش بالعافية
سميحة : لا انت بتحبها بس متعرفش
اسلام : لا انا بحب لوجين بس
سميحة : لوجين مين دى اللى انت بتحبها ها …. انت مش قولتلها وهى قالتلك انك زى اخوها
اسلام : ايوة بس انا …..
سميحة مقاطعة : انت ايه هاا … يابنى اسمع كلامى وادي للبنت ولنفسك فرصة
اسلام بتفكير : حاضر يا تيتة … حاضر
……..
لوجين وصلت لشقة ريان وخبطت ع الباب وفتحلها ريان
ريان : اتفضلى
دخلت لوجين وقعدت
ريان : عامله ايه ؟
لوجين : اول ماعرفت انك مش هتسافر بقيت تمام
ريان ابتسم : طب الحمدلله … تشربى ايه ؟
لوجين : كابتشينو
ريان : تمام
دخل المطبخ وعمل اتنين كابتشنو وطلع بالصينية
واداها مجها وبداو يشربوا
لوجين : تعرف انت انسان مختلف خالص
ريان : ازاى
لوجين : يعنى عمرى ماشوفتك عصبى وبتزعق دايما انسان هادى بطبعك
ريان : مش اوى كدة انا لما بكون لوحدى ومدايق بتكون الشقة دى مش شقة
لوجين : ههههههههههههه بتعمل ايه ؟
ريان بيضحك : بكسرها 100 حتة
لوجين : يالهوى ههههه لا انا كدة هغير فكرتى عنك
ريان : ههههه يارتنى ماكنت قولت
لوجين : لا بجد ع الاقل مش بطلع عصبيتك ع الناس
ريان : امممممم
سكتوا شوية
لوجين : بس انا مش بشوفك مع امير خالص
ريان : انا وامير مش صحاب لدرجة معنى الكلمة
لوجين : اهاااا بس تصدق والله مش بجامل انت انسان لطيف
ريان اتكسف وبص ف الارض : شكرا
سكتوا شوية
لوجين : الله حلو اوى الموسيقى دى
ريان : عجبتك
لوجين : تحفة
ريان وقف ومدلها ايدة
ريان : تسمحيلى بالرقصة دى
لوجين مبتسمة : طبعا
وبداو يرقصوا وعنيهم فى عين بعض
لوجين وريان حسوا بشعورغريب اوى
ريان غصب عنة بداء يقرب من لوجين جامد ولوجين ضربات قلبها بتزيد
فجاءة
………

الحلقة 16
فجاءة لوجين اتكلمت بسرعة
لوجين : ريان انا بثق فيك … متخلنيش افقد الثقة دى
ريان بتوتر : انا اسف والله م…..
لوجين بعدت عنة : لا ولا يهمك عن اذنك
ريان : لا والله خلاص مش هعمل كدة تانى
لوجين خدت شنطتها وجاية تمشى ريان
ريان مسك ايديها
ريان : ع فكرة اانا بح…..
لوجين مقاطعة : خلاص يا ريان انا مش زعلانة بس لازم امشى ممكن تسبنى
ريان ادايق كان لسه هيعترفلها بحبة بس قطعتة ساب ايديها وبص ف الارض من كسوفة
لوجين مشيت وقفلت الباب جامد ف نفس اللحظة ريان دموعة نزلت ودخل اوضتة وكسر كل اللى فيها وطلع هدومة من الدولاب
وحطها فى شنطة سفر كبيرة
………
روحت شيماء لبيتها وهى تعبانة جدا وحاطة ايديها ع بطنها
صباح : ايه اللى اخرك كدة يا ست هانم
شيماء : معلش يا ماما كان عندى شغل كتير اوى انهاردة
صباح : كدابه انا لسه متصله بجوز خالتك وقالى انك مجيتيش الشركة انهاردة
شيماء بارتباك : اه لا اصل انا روخت ع مكتبى ع طول وفضلت اشتغل وعمو ادهم ميعرفش حتى اسالى لوجين
صباح : ممممم ماشى يا شيماء ربنا يشفى لوجين وتبقى كويسة ونعرف منها سبب اللى جرالها دة ايه
شيماء بخوف : اه يارب يا ماما يارب … بقولك ايه انا هدخل انام
صباح : خدى هنا يابت
شيماء بتعب : ف ايه تانى
صباح : انت وشك اصفر كدة ليه يابت
شيماء : ماهو اصل انا مكلتش من الصبح
صباح : لا لا دة مش موضوع قله اكل ابدا احنا لازم بكرة نروح للدكتور
شيماء بخضة : دكتووووور لا لا ياماما انا كويسة هدهل بس انام شوية وهصحى ابقى زى الفل …. عن اذنك
……………
لوجين ماشية ف الشارع وهى سرحانة
بتفكر وبتكلم نفسها
لوجين ف نفسها : ياترى حركة ريان دى معناها ايه ….. اكيد ليها معنى …. انا متاكدة انة انسان محترم وميعملش كدة ابدا …. يكونش بيح …. لا لا لا احنا صحاب بس مفيش بينا حاجة تانية …. بس انا كمان حسيت بحاجة غريبة لما قرب منى …. لا لا لا انا مش حسيت بحاجة … اوف خلاص بقا اللى حصل حصل واحنا صحاب وهو اكيد مكنش قصدة
لقت نفسها قدام باب الفيلا فتحت الباب ودخلت لقت باباها قاعدة وبيقراء ف ورق
ادهم : تعالى يا لوجى ساعدينى ف الورق دة
لوجين : ورق ايه يا بابا انا خلاص خلصت اختيار التصاميم الحلوة ورسمت كام تصميم وكل حاجة تمام بكرة هعدى ع مدام نيرفان واشوفها خلصت خياطة ولا لاء انت تاعب نفسك ليه ؟
ادهم : يابنتى احنا لازم نعمل التصاميم ف اسرع وقت وانت اللى هتشرفى ع البروفة وكمان الshow لازم يبقى قريب جدا
لوجين : هات يا بابا الورق دة وادخل نام انا هخلص كل حاجة بكرة ان شاء الله
ادهم : ماشى يا حببتى
لوجين : هى ماما فين
ادهم : سوزان سافرت انهاردة
لوجين : سافرت كدة من غير ماتقولى … سافرت فين
ادهم : ماانت عارفة امك … راحت لندن بتقول هتعمل شوبينج مع واحدة صحبتها كام يوم وهترجع قبل البروفة عشان هتحضر معانا الshow
لوجين : امممممم ماشى تصبح ع خير
ادهم : وانت من اهله
طلعت اوضتها وغيرت هدومها ونامت ع السرير لقت نفسها عماله تفكر ف ريان قررت تتصل باسما عشان تتخلص من افكارها لكنها مبترودش
لوجين : اظاهر انها نامت
ونامت هى كمان
……..
عند ريان
ماسك التذكرة ف ايدة وعمال يبص عليها ويفكر هل يسافر ولا ميسافرش
فلاش بااااك
ريان بعد مانزل من عند لوجين راح خلص اجراءات السفر وكانت اول طيارة لانجلترا هو نفس اليوم بليل
………
وهو بيفكر الباب خبط راح يفتح الباب ولكن بعد مافتح الباب لقى …
ريان : اووووف بقا … نعم عايزة ايه ؟
ديما : مش هتقولى ادخلى
ريان : واقولك ادخلى ليه ان شاء الله
ديما وهى بتمسك زرار من زراير قميصة : يعنى انت وحشتنى اوى وقولت اجى اسال عليك
ريان زق ايديها بعنف : شكرا مش عرفتى انى بخير يلا مع السلامة
ديما بدموع : انت بتكلمنى كدة ليه
ريان بعصبية : انا مش مستعد افتح القديم تانى روحى شوفى حالك يا بنت الناس لان انا قرارى مش هرجع فية انا بحب لوجييييين اقولك تانى
وقفل الباب ف وشها بعصبية ودخل اوضتة وقرر السفر
بعد ربع ساعة الباب خبط تانى بس المرادى بعنف اوووى جررى بسرعة وفتح لقى …..
الجميع مرة واحدة : surprise
ريان متنح ومش مصدق : Oh really
….. : yes sure hhhhhh
….. : what happen hhhh
….. : my uncle
ريان : No , really i miss you so much
وحضنهم كلهم مرة واحدة
خالد : ريان ايه رايك ف المفاجاة دى
ريان بفرحة : احسن واجمل مفأجاة ف الدنيا كلها
نيرفين : وحشتنى جدا ريان
ريان وهو بيبوس ايدها : وانت كمان ياست الكل
يوسف وهو بيشد بنطلون ريان : وانا تمان وانا تمان
ريان نزل لمستواه ومسك ايدة بيبوسها : وانت كمان يا حبيب عمو
عمر : لا والنبى بلاش الترحيبات بتاعت المصريين دى يلا نقعد
كلهم دخلوا قعدوا وريان قعد ومقعد يوسف ع رجله
ريان : بس انتو ايه اللى رجعكوا مصر
خالد : بص يا سيدى احنا قررنا نيجى نقعد معاك هنا ع طول
ريان : بجد يا بابا يعنى انتو مش هترجعوا انجلترا تانى
نيرفين : اه طبعا ريان بس بابا هيسافر انجلترا عشان الشغل وهيرجع تانى
ريان : ظة احلى خبر سمعتة ف حياتى …. امال فين مراتك يا عمر
عمر : مردتش تيجى غير لما تعمل اخر شوبنج بس هتيجى متخفش
ريان : ياااه وحشتنى لمتكوا دى اوى
خالد : ان شاء الله مش هنوحشك تانى
ريان بابتسامة : انتو ازاى بتتكلموا مصرى كدة
نيرفين : اصلا كنا بنتكلم واحنا قاعدين مع بعضينا مصرى عشان مننساش اللغة ولما يبقى فيه حد غريب بنتكلم انجلش
وبعد الكلام الكتير اللى بينهم ريان طلب اكل وقعدوا كلو وريان كان مهتم بيوسف الصغير اوى لدرجة انة كان بيأكله بايدة ومكلش هو خلصوا اكل وكلام ودخلوا نامو
ريان دخل اوضتة وغير هدومة وجاى يشيل اللبس من الشنطة دخلت عليه نيرفين
ريان : تعالى يا ماما ادخلى
نيرفين : ايه الشنطة دى
ريان : اصل انا كنت هسافرلكم انهاردة
نيرفين : ياعينى ضعينا عليك السفر
ريان : لا ياماما انا اصلا مكنتش عايز اسافر بس كنت جاى عشانكوا
نيرفين فرحانة بادب ابنها : هو دة ابنى وتربيتة … الا قولى ديما عامله ايه ؟
ريان وشة اتحول لحزن وبص ف الارض وقعد جمب مامتة ع السرير وخد نفس عميق وسكت
نيرفين : مالك يا حبيبى هى مزعلاك
ريان واترمى ف حضن امة وهو بيعيط وساكت
نيرفين وهى بتطبطب عليه وع شعرة : ياااه انت تعبان اوى اتكلم وفضفض يابنى احكيلى يمكن تستريح
ريان بعد عنها وابتسم ابتسامة صفرة : متخافيش يا ماما انا كويس
نيرفين : البت دى عملت فيك ايه
ريان بتريقة : خانت حبى وثقتى فيها بس
نيرفين بشهقة : خانتك
ريان بعين لامعة : اااه .. بس عادى هى مش بتهمنى دلوقتى
نيرفين : ازاى بثا دة انا بكرة هروحلها و…
ريان مقاطعا : ماما انا خلاص مبقتش احبها وبعدت عنها وصدقينى مش بفتكرها ولا بخير ولا بشر .. انا بس كنت مخنوق شوية
نيرفين : مخنوق من ايه ؟
ريان حكلها ع حبة الجديد لوجين بعد سنة من اللى حصل
……..
تانى يوم
ف الشركة
لوجين بتخبط ع باب مكتب مدام نيرفان
تك تك تك
نيرفان : ادخل
لوجين ودخلت راسها من الباب : الحلو عامل ايه ؟
نيرفان : لوجى حببتى ادخلى
لوجين دخلت وسلمت عليها وقعدت
نيرفان : بقالك كتير مبتسأليش عليه خالص يا لوجى
لوجين : سورى بجد يا مدام نيرفان حصل شوية drop و damage كدة وان شاء الله تتصلح
نيرفان : ان شاء الله
لوجين : بابا بيسال اذا كان التصاميم اتصممت ولا لاء ولو لسه بيبلغ بالاستعجال
نيرفان قامت وخدت لوجين من ايديها ووقفتها عند الملايكانز
نيرفان : كل حاجة اتعملت وبقت تمام التمام
لوجين وهى مش مصدمة : خلصوا كلهم كلهم
نيرفان بابتسامة : اه يا حببتى كلهم كلهم
لوجين مسكت التصاميم وشافت كل انواع الخامة اللى اتفقوا عليه هى دى ولا اتبدلت ولقت كل حاجة تمام الا تصميم واحد بس
لوجين : مدام نيرفان التصاميم كلها تمام الا تصميم دة
ومدتلها ايديها ببلوزة
نيرفان : تعالى يا لوجى اقعدى
قعدت لوجين ومدام نيرفان
نيرفان : بصراحة انا لية عندك طلب
لوجين : طلب واحد .. امرى
نيرفان : بصراحة كدة البلوزة دى انا اللى مصمماها فقولت لو عجبتك الخامة وشكلها والوانها حطيها من ضم تصاميمك واكنك انت اللى عملتيها ها ايه رايك ؟
لوجين : بصراحة انا مقدرش انكر انها عجبتنى جدا وشرف ليا تبقى من تصمماتى بس الحقيقة انا مقدرش احط تصميم مش بتاعى واكتبة باسمى
نيرفيان : ملكيش دعوة انت اذا كان صاحب الشأن موافق انت هتعترضى
لوجين ابتسم : ماشى يا مدام نيرفيان عن اذنك ابلغ بابا
وخرجت لوجين وراحت لمكتب باباها وبلغتة بكل حاجة واتفقوا بان العرض هيتعرض ف يوم محدد قريب جدا
بعد ماخلصت كلامها لقت موبايلها بيرن
دخلت مكتب شيماء ملقتهاش موجودة
دخلت مكتبها وهى بترود ببرود
لوجين : الووو
امير : ازيك يا لوجى الف سلامة عليكى
لوجين : الله يسلمك
امير : انت فين
لوجين ببرود : ليه
امير : عايز اقابلك
لوجين : مينفعش يا امير انا ف الشركة وعندى شغل كتير ومش فاضية
امير باستعطاف : بليييز يا لووجى هما نص ساعة بس ومش هعطلك اكتر من كدة
لوجين بنفاذ صبر : اوك هنتقابل فين
امير بفرحة : ف النادى دلوقتى حالا
لوجين : اوك
بعد ما قفلت معاه
لوجين ف نفسها : يا ترى عايزنى ف ايه هه اكيد عايز يعمل مفاجاة لست الهانم وعايزنى اقولة بتحب ايه وتكرة ايه
(لكن الحقيقة امير عايز يوقع لوجين ف الكلام ويشوف شيماء حكت لحد عن موضوع الحمل دة لحد ولا لاء )
……..
ف النادى
شيماء : اوف يا عامر انا قولتلك بلاش نيجى انهاردة انا مش مطمنة خالص
عامر : ف ايه بس ياحببتى مالك متوترة ليه
فلاش باك
امبارح بعد مادخلت اوضتها لقت موبتيلها بيرن برقم غريب
شيماء : الو
عامر : ممكن اعرف بقالك مدة مبتروديش علية ليه
شيماء : مين معايا
عامر : وكمان نسيتى صوتى
شيماء : عامر
عامر : ايوة عامر .. انا عايز اشوفك .. نتقايل بكرة ان شاء الله ف النادى اللى تقابلنا فية قبل كدة عشان انت وحشتينى اوى
شيماء بتردد : بكرة وفى النادى .. لا لا يا عامر بلاش بكرة
عامر : ليه بقا
شيماء بكذب : اصل انا خارجة بكرة
عامر : ياحببتى مش هعطلك كتير دول ربع ساعة بس .. بليز عشان خاطرى دة انا ملخقتش اشوفك اول مرة
شيماء : امرى لله
باااك
شيماء : مش متوترة من حاجة يا حبيبى وهكون متوترة من ايه
عامر خد الكرسى وحطة جمب كرسيها وقعد جمبها ومسك ايديها

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى