مسلسل عشق بلا قيود الحلقة السابعة والثامنة والعشرون

الحلقة 27

ف المستشفى
الدكتور : حمددلله ع سلامتك يا انسة لوجين
لوجين بتعب : شكرا يا دكتور
الدكتور : تعبتى اهلك معاكى واخوكى كان بيموت من امبارح
لوجين : اخويا مين ؟؟
الدكتور : انت معندكيش اخ ولا ايه ؟؟
لوجين : لا معنديش اخوات
الدكتور : يبقى خطيبك انا معرفش اسمة بجد كان هيموت عليكى … يلا لازم تاكلى كويس يا انسة لوجين صحتك مش مستحمله اى زقة ومبروك ع انتقالك لغرفة عادية … عن اذنك
دخلت سوزان
سوزان : متشكرة اوى يا دكتور
الدكتور : لا شكر ع واجب عن اذنك
سوزان : اتفضل
لوجين : ماما مين اللى تعب امبارح
سوزان : هو الدكتور لحق قالك
لوجين : مين يا ماما ؟؟
سوزان : ريان يا لوجين تعب اوى وكان بيموت ووقع من طوله وحطوة ف اوضة وركبوله محاليل كان منظرة وحش اوى
لوجين بدموع : هو لسه هنا
سوزان : ايه دة ايه دة ايه الدموع دى
لوجين مسحتها بسرعة : مفيش دموع اهو
سوزان : انت بتحبى ريان ؟؟
لوجين بسرعة : ايه دة يا ماما بحب مين ريان دة صديقى مش اكتر
سوزان بعدم تصديق : مممم ماشى
لوجين : هو ريان هنا ف المستشفى ؟؟
سوزان : لا فاق امبارح بليل واتصلنا باخوة وجة خدوا
لوجين : يعنى هو كويس
سوزان : خالص يا لوجين دة تعبان جددا لو كنتى شوفتية ومنظر دمك ع هدومة وشكله وهو واقع كنتى تعبتى
لوجين : انا هروح امتى ؟؟
سوزان : معرفش الدكتور مقلش حاجة
لوجين : بس انا عايزة اروح
سوزان : حاضر هنسال الدكتور
……….
اسما : بابا انا هروح اتطمن ع لوجين
سليم : ماشى يا اسما واعتذرلهم عن عدم غيابى والله الشغل فوق دماغى
اسما : ماشى يا بابا سلام
وبتفتح الباب لقت اسلام ف وشها
اسلام : حببتى وحشتينى
اسما : عن اذنك
اسلام مسكها من دراعها : خلاص بقا يا سوما متبقيش وحشة
اسما : انت ازاى تمسكنى كدة انت مين اصلا ؟؟
اسلام : اه طب بصى بقا يا اسما انا بتعامل معاكى باحترام لغاية دلوقتى متخلنيش اتعصب عليكى
اسما بتحدى : لا اتعصب يا اسلام اتعصب ولو عايز تضربنى اضربنى ماهو دة اللى ناقص
اسلام : وانا اللى قولت اجى افرحك ونفرح سوا
اسما : صدقنى مبقتش تفرق
ومشيت
اسلام مش مصدق خالص معقول دى تكون اسما
قرر يدخل يشتكى لسليم
………….
فى المستشفى
ريان ماشى واخوة ساندة واضح انة لسه تعبان اوى
وصل لباب الاوضة وفتح الباب ودخل
لوجين : رياااااااان
ريان ابتسم ودخل كل دة وعمرو ساندة
واخيرا قعد ع الكرسى
عمر : الف سلامة عليكى يا لوجين
لوجين : ……….
عمر : مرداش يقعد دقيقة واحدة من ساعت ما عرف انك فوقتى وانتقلتى اوضة عاديية
ريان : خلاص روح انت يا عمرو
عمر : ماشى انا هروح اجيب حاجة وجاى
وبعد ما مشى عمرو
ريان : الف سلامة عليكى يا لوجين
لوجين بصت الناحية التانية
لوجين : ……..
ريان : كدة مش هتردى عليه ؟؟
لوجين بدات تدمع
ريان ومسك ايديها : والله العظيم انت فاهمة غلط
لوجين شدت ايديها جامد وبتعيط
ريان : برضو يا لوجين انت كدة بتظلمينى
لوجين : ………
ريان : طب ردى عليه قوليلى اى حاجة حتى قومى اضربينى زعقيلى بس متسكتيش كدة
لوجين عماله تعيط وبس
ريان : اقولك ع حاجة … انا اكتشفت اننا مينفعش نعيش بعيد عن بعض … عارفة ليه عشان انا دمى بيجرى ف عروقك دلوقتى
يعنى بقينا شخص واحد وانا مقدرش اعيش من غيرك
لوجين واخيرا ردت بعنف
لوجين : يا اخى ياريتك ماكنت اتبرعتلى بدمك كنت سيبنى اموت واستريح
ريان بدموع : بعد الشر عليكى والله انا بحبك وووو…..
قاطعتة لوجين : مبحبش الكلمة دى متقولهاش تانى
ريان قعد قدامها ع السرير وبيمسحلها دموعها
ريان : خلاص مش هقولها بس بلاش الدموع دى
لوجين : انا ازاى قدرت احبك وازاى قدرت تضحك عليا وانا اصدقك
ريان : والله العظيم مش بكدب عليكى انا كنت عارف انها هى اللى عملت كل دة عشان توقع بينا
لوجين : واشمعنا هى دى بالذات
ريان : انا قولتلك قبل ككدة ان كانت دى خطيبتى
لوجين : لا
ريان : دى كانت خطيبتى من كام سنة واحنا سيبنا بعض وهى عايزة ترجعلى ولما لقتنى مش موافق
عايزة توقع بينا
لوجين : وانت روحتلها البيت ليه
ريان : انا كنت رايح اهددها عشان تبطل اللى بتعمله دة … دة ما كنت صدقت انك صالحتينى
لوجين : وانا اش ضمنى انك مش كداب
ريان : مش انت بتعرفينى لما بكون كداب
لوجين : ممممم
ريان : طب بتعرفى ازاى
لوجين اتكسفت وبصت الناحية التانية
ريان رجعلها وشة تانى
ريان : بتعرفى لما بتبصى ف عينى صح
لوجين ابتسمت
ريان : كنت هموت لو كان جرالك حاجة
لوجين : بعد الشرعليك
ريان : خايفة عليه ؟؟
لوجين لسه هتتكلم لقت حد فتح الباب ريان قام بسرعة من ع السرير وعمل نفسة بيتعدل
………..
اسلام : بس هى دى كل الحكاية
سليم : سيب انت الموضوع دة عليه وانا هتصرف
اسلام : يعنى اسيبها اليومين دول ؟؟
سليم : ولا كان حصل اى حاجة روح انت شوف مستقبلك وروح قابل لجنة التحيكم وقولى عملت ايه ؟؟
اسلام : حاضر ياعمى بس قولها بقا واتصرف قبل الفرح
سليم : حاضر يا اسلام متخفش
………..
امير : لا لا انت هنا وانا عمال اسال عليك
ريان : ايوة هنا
امير : الف سلامة عليكى يا لوجى
ريان هيموت من الغيرة وعمال يبصله ويبرق
لوجين : كويسة يا امير
امير : وانت يا عم مقولتش لامك ليه انت رايح فين ؟؟
ريان : لامى ؟؟؟؟؟؟!!!
امير : ماانا كنت عندك ف البيت
ريان : هه
امير : بصو بقا انتو الاتنين شدوا حيلكوا عشان الفرح
لوجين : فرح مين ؟؟
امير : ايه دة يا ريان انت مقولتلهاش ولا ايه ؟؟
ريان : مقولتش ايه ؟؟
امير : لا بجد … دة فرح ريان
لوجين : رياااااااان
ريان : ايييييييية
امير وفطس ع نفسو من الضحك
امير : ههههههه مالكوا
ريان : امير مش وقت هزار
امير : يابنى فرحكوا انتو الاتنين وانا هكون الشاهد الاول ع فكرة
لوجين : فرح ايه انتو اتفقتوا ع حاجة
ريان : سيبك منة دة شكله شارب حاجة
امير : ايه دة انت عرفت منين ههههه
ريان : مالك يا امير انت تعبان
امير : لا لا انا كويس انتو اللى تعبانين ولا نسيتوا
لوجين لسه هتتكلم ودخلت اسما
اسما : حمد الله ع سلامتك يا لوزة
لوجين : الله يسلمك
اسما : ازيك يا ريان
ريان : الحمدلله
اسما : انت كويس دلوقتى ؟
ريان باستغراب : اه الحمدلله لما لوجين صلحتنى بس ساعتها حسيت انى خفيت
وبص للوجين
لوجين ابتسمتله
اسما : نحن هنااا ههههههه
امير : يا اسما انت مش شايفانى هو انا شفاف هههه
اسما : مالك يا امير
امير : لا مفيش انا هروح بقا
اسما : بجد هتروح
امير : اااه صح لا مش هروح انتو عاوزينى اتجوزها بالعافية ولا ايه ههههه سلام
ومشى امير
ريان : هو ماله يا اسما ويتجوز مين ؟؟
اسما : بابا اتفق مع مامت شيماء وشيماء ان كتب كتاب امير وشيماء
بعد يومين وهو من لما عرف هرب من البيت وخد شنط هدومة كلها ومش عارفين طريق ليه
ريان : كل دة حصل
لوجين : باباكى عرف منين اللى بينهم ؟؟
اسما : خالتك يا ستى جت وكانت بتهدد امير وبابا جة ع غفلة وسمع كل حاجة
………..
سوزان : دكتور انا كنت جاية اسالك عن لوجين امتى هتطلع من المستشفى
الدكتور : انا معرفش حالتها عامله ايه دلوقتى ومقدرش اقولك اى حاجة غير لما افحصها الاول
سوزان : ماشى يا دكتور بس هى فيها حاجة ؟
الدكتور : لا هى كويسة جدا الحمدلله
سوزان : ماشى ياا دكتورعن اذنك
………..
دخل الدكتور لاوضة لوجين
الدكتور : متجمعين عند النبى
الكل : ياااااارب
الدكتور : مممممم لوجين واضح انك اتحسنتى خالص
لوجين : الحمدلله …. هو انا هطلع امتى ؟؟
ريان : متستعجليش يا لوجين عشان تطلعى وانت كويسة
الدكتور : واضح انك خايف عليها اوى … هو دة يا لوجين اللى كان بيموت امبارح
ريان : ههههههه احم احم
لوجين : ماانا عرفت خلاص
الدكتور : طيب انا لازم اكشف عليكى عشان اشوف هتطلعى امتى
لوجين : ماشى يا دكتور
ريان : هتكشف ع مين بس يا دكتور
الدكتور : انا بشوف شغلى
ريان : من بعيد والنبى
لوجين عماله تضحك
واسما واقفة بتابع الموقف وهى مبتسمة
الدكتور حط كف ايدة ع وشها
ريان قام وقف وزق ايدة
الدكتور : انا بشوف حرارتها مش اكتر
ريان : ماشى هشوفها انا
وجسها ريان
ريان : لا هى مش سخنة الحمدلله
الدكتور بيضحك : ههه ماشى يا سيدى
ع العموم انت كويسة ولو عايزة تخرجى انهاردة اخرجى يا ستى
وفجاة سمعوا صويت
جرى الدكتور واسما برة
لوجين بخضة : فى ايه ؟؟
ريان : مش عارف هطلع اشوف
لوجين ومسكت ايدة : خدنى معاك
ريان : انت تعبانة يا حببتى انا هطلع اشوف ف ايه وهاجيلك ع طول
لوجين : متتاخرش عليه !!
ريان : حاضر
وطلع ريان وكان امير واقع ع الارض

اسما بصويت : امييييييييييييييير
الدكتور : حصل ايه ؟؟
سوزان ببكاء : انا لقيتة وقع مرة واحدة
ريان : انتو مستنين ايه يلا نشيله
وشاله ريان وساعدة الدكتور ودخله الاوضة اللى جمب اوضة لوجين
وحطوة ع السرير
وبدا الدكتور يفحصة
واسما واقفة بتعيط وسوزان بتطمنها
وبعد شوية
ريان : ماله يا دكتور ؟؟
الدكتور : واضح انة سكران اوى وتقل ف الشرب
ريان : سكراان !!
اسما : اخويا مبيشربش يا دكتور
ريان : اهدى بس يا اسما احنا مشوفناش حاجة !!
سوزان : وهو محتاج ايه دلوقتى يا دكتور ؟؟
الدكتور : مش محتاج حاجة سيبوة لغاية ما يفوق .. عن اذنكم
ريان : انا هروح للوجين اتطمن عليها
سوزان : ماشى يا حبيبى
مشى ريان وقعدت اسما جمب اخوها وسوزان

الحلقة 28
لوجين : ايه اللى حصل ؟
ريان : امير يا ستى
لوجين بخضة : مااااااله ؟؟
ريان بغيرة : ومالك اتخضيتى كدة ليه
لوجين : ماله يا ريان ؟
ريان : كان سكران ومتقل ف الشرب والدكتور قال سيبوة لغاية ما يفوق
لوجين : كان شكله باين انة مش طبيعى من الاول
ريان : وانت كان شكلك باين اوى انك واخدة بالك منة اوى
لوجين : وبعدين بقا انت بتغير
ريان بزعل مصطنع : اه وماغرش ع حببتى ليه ؟
لوجين : هههههههه
وفجاة موبايله رن
ريان : الوووو
ديما : حبيبى وحشتنى
ريان اتصدم من لما سمع صوتها وفكر بسرعة وقال
ريان : اه يا عمر خلاص تعالى انا ماشى خلاص
ديما : عمر مين انت ناسى صوتى ؟؟
ريان : اه اه ماشى يا عمر مستنيك
ولسه بيقفل المكالمة لقى عمر فتح الباب ودخل
عمر : مش كفاية كدة بقا يا ريان
ريان مش مصدق : اه ماشى يلا بينا عايزة حاجة يا حببتى
لوجين : لا ربنا يخليك
ريان : لما تروحى البيت كلمينى معلش مش هقدر اقعد اكتر من كدة منمتش خالص
لوجين : لا ولا يهمك مع السلامة
ريان وعمر مشيوا
لوجين ف سرها : يا ترى كنت بتكلم مين يا ريان بتضحك عليه تانى ??
…………
بليل
امير فاق والدكتور اداله اذن خروج وكمان لوجين
بتحضر نفسها عشان ماشية
وخلصوا الحاجات وركبوا العربية
ادهم : حمد الله ع سلامتك يا حببتى
لوجين : الله يسلمك يا بابا
لوجين مستغربة امير ركب ف عربية ادهم ليه ؟؟
وامير نبة ع اسما متقولش عن اللى حصله لحد
وبعد وصولهم
طلعوا لوجين اوضتها وغيرت هدومها
ونامت ع السرير
لوجين ف نفسها : يا ترى مخبى عليه ايه ؟؟ يارب خيب ظنى يارب يكون حاجة عادية
انا بحبة يارب يارب مش عايزاه يضيع منى انا مش هلاقى زية
وموبايلها رن
لوجين : الو
ريان : روحتى
لوجين : اه من شوية
ريان : مش قولتلك كلمينى
لوجين : كنت لسه هكلمك حالا بس انت سبقتنى
ريان : ممممم ماشى
لوجين : ريان كنت بتكلم مين واحنا ف المستشفى ؟؟
ريان اتصدم ومعرفش يتصرف ويعمل ايه ؟
لوجين : رياان انت روحت فين ؟؟
ريان قفل الموبايل بسرعة وقال لما يكلمها تانى يقولها الموبايل فصل شحن
………
شيماء : ماما انكل سليم مكلمكيش تانى ؟؟
صباح : لا متكلمش تانى وشكله بيلعب بديله
شيماء : طب وهنعمل ايه ؟
صباح : متخافيش امك بتعرف تتصرف
ومسكت موبايلها واتصلت بسليم
سليم : الو
صباح : الو يا استاذ سليم انا كنت عايزة اعرف ف حاجة جدت ف موضوعهم
سليم : والله انا مش عارف اقولك ايه بس زى ما قولتلك استنى لغاية بكرة بس
صباح : هو ف حاججة ؟؟
سليم : لا يا مدام صباح مفيش حاجة ربنا يسهل بس
صباح : ماشى يا استاذ سليم مع السلامة
شيماء : ها قالك ايه ؟
صباح : مش قولتلك بعرف اتصرف ههههه
………..
اسلام قاعد جوة ف اوضتة وعمال يحضر الاغنية اللى هيغنيها ف مقابله بكرة
تدخل عليه سميحة
سميحة : اسلام … انت متخانق مع اسما ؟
اسلام : مين قالك ؟
سميحة : يعنى حصل فعلا … زعلتها ليه يا اسلام ؟
اسلام : وانت اش عرفك مش يمكن تكون هى اللى ديقتنى
سميحة : انا عاارفاك كويس يا اسلام اكيد انت اللى زعلتها
اسلام : بصراحة اه قوليلى اصالحها ازاى ؟
سميحة : احكيلى الاول ايه سبب الخناقة ؟
اسلام : هحكيلك
……….
بليل خالص
كلهم نامو ماعدا لوجين قاعدة ف اوضتها وبتفكر
الباب خبط قامت وفتحت الباب لقت امير
امير استاذن ودخل
لوجين : انا عايزة اعرف بقا انت هنا بتعمل ايه ؟
امير : امشى يعنى ؟
لوجين : امير رود ع قد السؤال
امير : حاضر … انا متخانق مع باب و……
ولسه هيكمل
امير : اوعى تكونى افتكرتينى جاى اقول لعمو ادهم ع موضوعنا
لوجين : وهو ايه السبب اللى يخليك تيجى هنا غير كدة ؟؟
امير : لوجين متخافيش انا هلم هدومى حالا وهمشى
لوجين : مش قبل ماتقولى انت هنا ليه ؟
امير : متخانق مع بابا وسيبتله البيت وباباكى لما عرف صمم انى اجى اقعد هنا يومين
لوجين : بجد وانت متخانق مع باباك ليه ؟
امير : عشان بنت خالتك اللى جايبالى المشاكل لغاية عندى منها لله
لوجين : عملتلك ايه ؟
امير : خالتك جت واشتكت لبابا ع……
وسكت امير
لوجين : سكت ليه ها ؟؟؟ عارف سكت ليه عشان انت غلطت مع شيماء وفاكرنى معرفش حاجة
امير مصدوم : …………
لوجين : عرفت بقا انا عارفة كل حاجة … مش دى اللى كنت هتموت عليها عشان تتجوزها
مش دى اللى عمرك محسيت بحبى ليك بسببها واول ماشوفتها موتت ف دباديبها
امير باستغراب من طريقتها : لوجين انت….
لوجين بدموع : بس يا امير خلينى اكمل كلامى انت ولا مرة حسيت بيا كنت بحبك من جوة قلبى بجد
انت عارف انا كنت بحبك من وانا صغيرة كنت انت ف جامعة وانا ف 1 اعدادى
بحبك من 1 اعدادى وانت مش حاسس ولا مرة انت متعرفش انا كنت بتعذب اد ايه لما كنت بشوفك معاها
وكنت بتغاظ وهاين علية اموتها ف ايدى …. عارف انا كنت عارفة من الاول ان شيماء كانت عارفة شخص تانى
بس مردتش اقولك عشان كنت عارفة انك هتكدبنى وهتصدقها هى … ولما انت عرفت افتكرتنى انا اللى قولتلك عشان اخدك منها
وبعتت ناس يخطفونى عشان يعطلونى عن العرض بتاعى اللى كنت مستنياة من زمان وكان
هيضيع منى … بس خلاص مبقتش تفرق … بس هقولك حاجة اخيرة … انت قتلت طفل صغير مكنش له اي سبب
انة يموت
امير بدموع : لوجين انت مسألتيش نفسك انا ليه كنت جاى سكران وبهبل ف الكلام … مسألتيش نفسك ليه
انا جيت قولتلك بحبك وعايز اتجوزك … عارفة ليه عشان حسيت بيكى وبحبك ليه … انا بحبك يا لوجين
لوجين : يااااااااااااه متأخرة اوى يا امير الجمله دى كان نفسى اسمعها من زمان اوى
لكن دلوقتى انا مبقتش عايزة اسمعها منك انت بالذات
امير بيمسح دموعة : قوليلى اعمل ايه عشان ارضيكى
لوجين : تلم شنطة هدومك وتروح بيتك وتتاسف لباباك وتوافق ع جوازك من شيماء وتتجوزها
وملكش دعوة بيا نهائى ولا حتى تعتبرنى زى اختك مفهوم
امير : ايوة بس انا مقدرش اتجوزها انا بكرها
لوجين : كان زمان يا امير
امير : يعنى هو دة اللى هيخليكى راضية عنى ؟؟
لوجين : ايوة هو دة
امير : خلاص يا لوجين انا هروح الم هدومى وماشى وهروح البيت وهتأسف لبابا وهتجوز وسكت شوية وبعدين قال شيماء
وجاى يمشى وفتح الباب ووقف تانى وقفل الباب
امير : ليا طلب اخير عندك يارب توافقى
لوجين : اتفضل
امير جرى عليها وحضنها وقعد يعيط ف حضنها
لوجين حاولت تبعدة عنها بس مقدرتش
لوجين بتطبطب عليه
لوجين : خلاص يا امير انا اسفة
امير : انا بحبك
لوجين : وانا بحبك زى اخويا
………….
ريان : يا ماما الباب بيخبط
نيرفين : ما تفتح انا مش فاضية
ريان : حاضر
وراح فتح الباب ولقى ابن اخوة يوسف
ريان بفرحة : حبيبى حبيبى حبيبى
وشاله وقعد يبوس فية
يوسف : وحستنى يا انتل
ريان : وانت يا حبيب الانتل ههههه
يارا : ازيك يا ريان
ريان : كويس الحمدلله
يارا : الف سلامة عليك
ريان : الله يسلمك
ودخلوا وقاعدين بيتكلموا لقى موبايله رن
ريان : الووو بااااباااا
………
امير لم هدومة ومن غير ماحد يحس نزل ومشى
ولوجين نزلت تقعد ف الجنينة بتاعت الفيلا
وشوية ولقت حد جاى بيجرى ومتعصب اوى
افتكرتة حرامى وفضلت تجرى وهو يجرى وراها لغاية ما مسكها وحط ايدة ع بوقها عشان متصوتش
لوجين : مممممم
ريان شال ايدة براحة
لوجين : ريان انت جيت ليه ؟؟؟
ريان بزعيق : انت ايه اللى موقفك برة بليل كدة
لوجين اتخضت : انا انا انا …
ريان بزعيق : انت ايه ؟؟
لوجين : انا مجاليش نوم طلعت اشم هوا شوية
ريان : مش خايفة حرامى يجى يخطفك
لوجين : بصراحة مفركتش ف كدة خالص … وبعدين انت ايه اللى جابك ؟؟
ريان بتسبيل : اصلك وحشتينى
لوجين بابتسامة : يا راجل
ريان : ااه والله وانا موحشتكيش ولا ايه
لوجين : لا طبعا وحشتنى
ريان : ايوةة بقاااا
لوجين : بس انت جاى تقولى حاجة تانى صح ؟؟
ريان : يا ساتر عليكى دايما كشفانى كدة اه يا ستى جاى اقولك حاجة تانى
لوجين بدلع : طب مكلمتنيش ف الموبايل ليه ؟
ريان : الموبايل فاصل شحن والكلام اللى هقولهولك دة مينفعش ع الموبايل
لوجين : قلقتنى قوووول
ريان : انا مسافر انجلترا
لوجين : اييييييييييييه ؟؟؟
……….
عند امير
الباب بيخبط
اسما بتفتح
اسما بفرحة : امييييييييييييرررررررررر
وحضنتة
سليم بابتسامة : طبعا ملقتش مكان تقعد فية
امير بحزن : بابا انا اسف
سليم : طبعا عشان عرفت انك غلطان لازم تيجى وتتاسف كمان
اسما مسكت ايد باباها
اسما : بابا خلاص المهم انة رجع
امير : وكمان موافق ع جوازى من شيماء
سليم : ايه العقل دة كله انت تعبان ولا ايه ؟
امير : لو حضرتك شايف كدة يبقى انا تعبان فعلا
اسما مستغربة طريقتة اوى
سليم : اعمل حسابك كتب الكتاب بكرة والفرح بعدية بيومين
امير : وانا موافق بس ليه شرط
سليم : قول
امير : عايز شقة لوحدى مش عايز اعيش هنا
سليم : اه طبعا عشان تطلع عين البت لغاية ما تطلب الطلاق
امير : والله ساعتها هتبقى مراتى ومن حقى اعمل اللى عايزة مش انتو عايزنى اتجوزها
سليم : خلاص يا امير اعتبر الشقة موجودة ومتوضبة كمان
امير : ماشى يا بابا عن اذنك انا طالع انام
امير طلع اوضتة واسما طلعت اوضتها
سليم : الو مدام صباح بكرة الساعة 5 تيجى انت وشيماء
صباح : والمأذون
سليم : هجيبة انا
صباح : لالا انا هجيبة انا وانا جاية ؟
سليم : انت فاكرة اننا هنضحك عليكى ونجيب واحد مزور مثلا ع العموم براحتك انا موافق
صباح : من واجب الاحتياط برضو
………….
شيماء : قالك ايه يا ماما
صباح : خلاص كتب الكتاب بكرة واخيرا
شيماء بانتقام : هيييييييييييييييييييييييييييييه هههههههههههههههههههههههه
واخيرا امير باشا هيقع ف ايدى وهيبقى جوزى دة انا هورية اللى عمرة ما شافة ابدا
هخلية يبوس رجلى ويتمنى الرضى ارضى