ترفيهمسلسل اللقاء المنتظر

مسلسل اللقاء المنتظر الحلقة التاسعة والعاشرة

الحلقة التاسعة

ريم : افهمك ، امير لما سافر فرنسا وقعد فترة طويلة هناك كان اصحابه بيحبوا الموسيقي اوي وكانوا بيتدربوا عليها فمرة بقا راح معاهم وعجبه الموضوع اووي وقرر انه يشغل وقت فراغه فإنه يتعلم حاجة جديدة وف مرة كان بيغني فصوته عجب اصحابه وشجعوه علي كده هو الاول ماكنش مهتم بالموضوع ده بس دلوقتي بقا لما بيكون متضايق او زعلان بيقعد يغني ويعزف موسيقي ودي الحاجة الوحيدة اللي بتطلعه من الموود بتاعه
ليليان وقد ارتسمت بسمة علي وجهها : اهااا يعني امير طلع بيغني وبيحب الموسيقي زيي
ريم : اه وعلي فكرة ممكن تستشريه في اي حاجة في الموضوع ده هو مارس الموضوع ده هناك وحبه جدا ، وانتي عارفة بقا فرنسا بلد الرومانسية والموسيقي
ليليان بتلقائية سريعة : اها عندك حق ، رومااانسية
ريم : ههههه اشمعني دي اللي مسكتي فيها
ليليان : ……
ريم : يا لي لي
ليليان : هااه بتقولي حاجة
ريم : كنتي سرحانة في ايه اعترفي حالا
ليليان : اصلك اول ما قولتي كلمة رومانسية وامير آآآ اقصد رومانسية وفرنسا افتكرت حلمي علاطول
ريم : اميير ؟؟!!
ليليان : ماله امير
ريم : انتي قولتي امير صح ؟ صح ؟
ليليان : انا ؟؟ لالا انا كنت اقصد فرنسا
ريم : بس انا سمعتك قولتي امير
ليليان : انا ؟ آآه ممكن يعني آآآ..علشان انتي كررتي اسمه كذا مرة وانا مركزة في الطريق فقولتها يعني بالغلط
ريم : اهاااا اوك
ليليان : حمدلله عالسلامه يا ريمو وميرسي انك جيتي معايا
ريم : الله يسلمك ، خليني انا اعدي بالعربية بكرة عليكي
ليليان : اوك زي ما تحبي
ريم : باي باي
ليليان : بااي
ليليان لنفسها بعد رحيل ريم : هو انا ايه اللي خلاني اقول امير ؟ ياربي انا اتعذبت لما سابني واديني بتعذب تاني لما رجع ، يارب خليك معايا
في منزل ريم :
ريم : سلام عليكم
مروة : وعليكم السلام ، حمدلله عالسلامه
ريم : الله يسلمك يا مامتي ، هو فين امير
مروة : امير جوه في اوضته
ريم : بيعمل حاجة ضرورية يعني
مروة : بيكلم صحابه من ايام المدرسة فاكراهم
ريم : اااااه ، بس ليه يعني
مروة : عادي يعني عاوز يقابلهم ويقعد معاهم شوية
ريم : اهاااا طيب انا هغير هدومي وادخله
مروة : ماشي
وبعد ان بدلت ريم ملابسها اتجهت الي غرفة امير وفتحت الباب وهي تقول : امير امير امير امير
امير : استرر يارب ، بيطلعوا امتي
ريم : تصدق انا غلطانة اني جيتلك اصلا وكنت يعني جيبالك خبر حلو بس انت ما تستهلش
امير : لا لا استني يا ريمو دا انا بحبك والله
ريم : ههههههه لا انا رجعت في كلامي ومش هقولك انا كنت جيالك ليه
امير : خلاص براحتك بس شوفي مين بقا هيستقبل العريس ويقعد مع اهله وحتي لو قولتي ماعنديش اخ هواكيد عارف وهيستنتجوا اننا عيلة مفككة ومش هيضحوا بابنهم علشان يتجوزوا واحدة من عيلة مفك…
قاطعته ريم قائلة : لالالا استني الله يخربيت اللي يزعلك
امير : ههههههه هاااا هتقولي ولا
ريم : هقول هقول
امير : عارفة لو طلعت حاجة تافهه
ريم : تافهه وهتكون بخصوص ليليان ؟؟
انتفض امير من مكانه قائلا : ليليان مالها ؟
ريم : ابدا ، اتأكدت انها لسه بتحبك
امير : ايييه انتى متأكده ، يعنى هي قالتلك كده بنفسها
ريم : لا طبعا بس انا استنتجت ده من كلامها
امير : ريم ممكن تحكيلي اللي حصل بظبط
وبعد ان قصت عليه ريم ما حدث :
امير : كلام حلو بس ممكن تكون اتلغبطت فعلا زي ما قالت
ريم : لا لا انت ماشوفتش هي كانت عاملة ازاى
امير : يااارب يكون كلامك صح
ريم : انا عمري ما فكرت اني انقل حاجة بالشكل ده بس انتوا الاتنين لسه بتحبوا بعض وانا بحاول اقربكم اكتر لبعض
امير : ربنا يخليكي لياا
ريم : هااا رضيت عني
امير : مش فاهم
ريم : يعني هتقابل كريم صح ؟
امير : مصلحجية اوى
ريم : انا غلطانة يعني اني بقولك حاجة فرحتك
امير : لا اذا كان كده هقابله
ريم وهي تحتضن اخيها : رينا يخليك لياا
مروة تفتح باب غرفة امير لترى هذا المنظر : ههههه استنوا اخدكوا صورة علشان دي لحظة مش بتتكرر كتير
امير : وسعي ياريم امك ما صدقت
الجميع : ههههههههه
وفي صباح اليوم التالي بعد انتهاء المحاضرة الاولي :
ريم : ليليان ماشوفتيش كريم
ليليان : هتلاقي كريم واقف مع تامر ولو عاوزة تعرفي فين تامر اسألي البت انجي
ريم : هههههه عندك حق
ريم : جوجي حبيبتي عاملة ايه
انجي : ازيك يا ميمو ايه يا بنتي فيينك
ريم : موجودة ، صحيح كنت عاوزة اسألك فين كريم
انجي : كريم كان لسه واقف هنا مع تامر استني كده ، اهو هناك
ريم : اها اوك ، ثواني وجيالكم
انجي وليليان : اوك
ريم : احم صباح الخير يا كريم
كريم : يا صباح الورد
ريم : عامل ايه
كريم : الحمدلله بقيت كويس لما شوفتك
ريم : احم..آآ ک..كنت عوزاك في موضوع
كريم : اتفضلي
ريم بلغبطة : اااا.. يعني… بص امير اخويا كان عاوز يقولك شوف الوقت المناسب علشان تيجي يعني وتقابله
كريم بفرحة : انتي بتتكلمي بجد ، ده احلي خبر سمعته في حياتي .. انا اسعد واحد في الدنيا..
ريم : ااا..وانا كمان
كريم : انتي قولتي ايه
فاحمرت وجنتيها خجلا
كريم : ينفع كده الكسوف ده يعني حرام عليكي انا مش حمل كده
ريم توترت جدا من كلامته الاخيرة : ااا انااا م..مضطرة امشي بقا
كريم : يا خرابي عليا هو انا ممكن اجي اتقدملك دلوقتي
ابتسمت ريم من طريقة كلامه
كريم : خلاص بصي بعد بكرة ان شاء الله ومش هأجل اكتر من كده
ريم : اوك هستناك
كريم : طب خدي رقمي علشان لو فيه اي تغيرات كلميني
ريم : اوك قول
كريم : ……01 ، قولي انتي بقا رقمك
ريم : مهو يعني…
كريم : خلاص مافيش مشكلة
ريم : كريم استني انت زعلت ولا ايه ، انا قصدي بس ان لسه مافيش حاجة تقربنا من بعض و..
كريم :هههههه علي فكرة انا مازعلتش خااالص واتمسكت بيكي اكتر من الاول (بغمزة )
ريم بلغبطة : آآآ انااا ب..بقي همشي علشان ال..بنات مستنياني و كمان علشاان المحاضرة وكده
كريم بابتسامه : اوك
ريم : باي باي
كريم : بااي
ذهبت ريم الي صديقاتها :
ريم : يلا يا بنات المحاضرة هتبدأ
الجميع : يلا
ليليان : خدودك زي الفراولة احكي بسرعة ايه اللي حصل
ريم : كريم هيجي يتقدملي بعد بكرة وانا مبسوطة اوي وحاسه بشعور غريب اوي
ليليان : ربنا يسعدك كمان وكمان ، وان شاء الله نقول مبروك ثم غمزت لها
وبعد حضورالجميع المحاضرة
تامر : ايه يابرنس امسك نفسك الابتسامة هتخرج من عينك
كريم : الله اكبر ، ايه ياعم انت مبسوط فيها حاجة
تامر : طب ما تبسطنا معاك
كريم : هروح اتقدملها بعد بكرة
تامر : قول كده بقااا
كريم : اهدي بقي علشان الدكتور مش يطردنا ويبقي شكلي وحش
تامر بعصبية : اوووف امتي هنخلص بقا
الدكتور : فيه حاجة يا استاذ انت
تامر : اناا ؟ لا يادكتور مافيش
الدكتور : ايه اللي يستدعي انك تتكلم وقت المحاضرة
تامر : انا اسف يا دكتور
الدكتور : اتفضل اقعد بس ده اخر انذار ليك
جلس تامر وهو يبتسم ابتسامة مصطنعة : شكرا يا دكتور
كريم بصوت منخفض : ههههههه البس
تامر : اسكت ياعم انت كمان ، كانت نقصاه
وانتهي اليوم في الجامعة ولكن بسيارة ريم :
ريم : تفتكري البس ايه يا لي لي في اليوم اللي كريم هيجي فيه
ليليان : انا رايي فستان بس يكون بسيط خاالص
ريم : ايوة بس انا مش عندي فساتين مناسبة للحاجات دي
ليليان : اممم طب تعالي شوفي من عندي ممكن يكون فيه حاجة مناسبة
ريم : مش عارفة ، بفكر انزل اشتري جديد بس حاسه ان مافيش وقت
ليليان : ليه احنا ممكن ننزل نشوف بكره
ريم : مش عارفة هشوف ماما كده واكلمك بليل
ليليان : ههههه مش عارفة مش عارفة ، ليه اللخبطة دي كلها يابنتي
ريم : بكرة يتقدملك واحد وتحسي الاحساس ده
ليليان : …..
ريم : ايه روحتي فين
ليليان : ابدا اصل انا كل اللي بفكر فيه دلوقتي هو اني اخلص الكلية وانجح في المسابقة واسافر باريس
ريم : ممم ربنا يحققلك كل اللي تتمنيه ياروحي
ليليان : يارب ليا وليكي
وعندما اوصلت ريم ليليان وصعدت الي منزلها :
ريم : السلام علييكم
مروة وامير : وعليكم السلام
مروة : حمدلله عالسلامة يا حبيبتي
ريم : الله يسلمك يا ماما
مروة : ادخلي غيري هدومك عقبال ما احضرلك تتغدي
ريم : اوك
وملك بعد ان بدلت ملابسها ومروة حضرت لها الغداء :
ريم : ماما وامير عاوزة اقولكم علي حاجة
مروة : خير
ريم : خير طبعا ، كريم كلمني انهارده في الجامعة وقاللي يعني ان هو هيجي يتقدملي بعد بكرة
مروة : هو ماله مستعجل كده ليه
امير : انا يا ماما اللي قولتلها خليه يجي يقابلني وبعدين تبقي تفكر براحتها علشان اجازتي مش هتطول
مروة : يعني انت ممكن لو حصل نصيب ما تحضرش فرح اختك
امير : لا طبعا استحالة اسيبها لوحدها بس لو حصل نصيب هحاول اطول الاجازة شوية
مروة : ماشي يا حبيبي عقبالك يارب
امير : ان شاء الله يا ماما
ريم : ماما حبيبتي
مروة : نعم
ريم : ينفع بكرة انزل اشتر حاجة البسها يوم ما هييجوا
مروة : ماشي يا حبيبتي بس هتروحي فين ومع مين
ريم : مهو ليليان هتيجي معايا بس لما اكلمها الاول هنتفق احنا هنروح فين
مروة : ماشي
ريم : يلا عن اذنكم
وفي نفس الوقت بس في مكان تاني :
هناء : حمدلله عالسلامة يا كريم
كريم وهو يبتسم : الله يسلمك يا حبيبتي
مي : مالك يابني ايه الضحكة دي كلها
كريم : اعوذوا بالله هو انا لما ابقي مبسوط تستغربوا ولما اقفل علي نفسي الاوضة تقولوا ده كئيب ومنغلق انتي عاوزة ايه بظبط يابت انتي
مي : انا ؟؟ ولا حاجة يا كيمو انت دايما ظالمني
كريم : لا والله
مي : ما تتوهش الموضوع وقولي ايه اللي مخليك مبسوط كده
سامح : يابنتي اهدي عليه شوية خليه ياخد نفسه الاول وبعدين يتكلم
كريم : ربنا يخليك ليا يا حج
مى : هو انت جي الطريق بتجري ولا ايه ما انت معاك عربية
كريم : استغفر الله العظيم
مي : وماله الاستغفار حلو بردو هههههه
هناء : سيبك منهم يا كريم وقولي ايه سر الابتسامه دي
كريم : ياماما و يابابا انا خدت معاد مع اخو ريم اللي هتقدملها بعد بكرة ان شاء الله
مي : الله الله بتاخد مواعيد من نفسك كده من غير استئذان من ابوك وامك
كريم : لا والله انا قايل لهم اننا هنروح نزورهم واهو العيلتين يبقوا موجودين ولا ايه يا ماما
هناء : ايوة يابني معاك حق
سامح : مافيش مشكلة احنا هنروح لهم ان شاء الله واللي فيه الخير يقدمه ربنا
كريم وهو يقبل راس والده ووالدته : ربنا يخليكوا ليا يارب
مي : ايه ده ؟؟ انتوا بتتكلموا بجد
كريم : هاهاهاهااااه منورة يا مي وربنا
مي : ربنا يكتبلك الخير يا كيمو ، انا بس بهزر معاك
كريم : ماشي يا ميمو هزري براحتك ، انا بقي هدخل اغير هدومي واريح شوية
هناء : ماشي يا حبيبي
نرجع تاني لريم :
في غرفة ريم :
ريم تتصل بليليان :
ليليان : الو
ريم : الو
ليليان : هاا ايه اخبار الجوعندك
ريم : الحمدلله كله تمام ، بس هحتاجك معايا بكرة علشان نشتري اللي ناقصني
ليليان : اووك ، بس هنروح فين
ريم : انا بفكر نروح مول… فيه محلات فساتين هناك حلوة اوي
ليليان : اهاا اوك هعدي عليكي بكرة نروح سوا
ريم : اوك ايه رايك نروح عالساعة 5 واهو تذاكرى الصبح شوية وانا انضف مع ماما وبليل نروح سوا
ليليان : دا كده تمام اووي ، ربنا يتمملك علي خير
ريم : انا خايفة اوي يا لي لي
ليليان : اهدي يا ريمو دي مقابلة عادية بس بلاش تزودي الهزار علشان مش يفهموكي غلط وزودى من الرقة
ريم : هههههه تمام يا فندم هعمل كل نصايح سعادتك
ليليان : هههههههه اوك ، اسيبك بقا علشان تستعدي لمعركة التنظيف بكرة
ريم : ههههه فكرتيني ليه
ليليان : انه القددددر
ريم : ههههههه انا هروح انااام تصبحي علي خير
ليليان : وانتي من اهله يا قلبي

الحلقة العاشرة
وفي اليوم التالي :
ريم : آآآه يا ظهري ، انا تعبت اووي يا ماما
مروة : معلش يا حبيبتي احنا قربنا نخلص اهوه روحي شيلي المياه اللي هناك دي وهنفرش السجاجيد ونرجع الانتريه تاني مكانه وخلاص كده
امير وهو خارج من غرفته : صباح الخييير
ريم : اهلا اهلا ، مهو ناس نايمة وصاحية الساعة 3 العصر وناس تانية من صباحية ربنا ما قعدتش خمس دقايق علي بعض
امير : الله اكبر يا شيخة مش انتي اللي عاوزة تتجوزي شيلي بقاا
ريم : ما انا شيلت اهوه يارب بس بفايدة
امير : ههههه ابقي قابليني
ريم : كده يا امير ، ايه رايك يا ماما في الكلام اللي ابنك بيقوله ده ( وكانت تسير باتجاه الماء فانزلقت من عليها )
مروة : خدي بااالك
ريم : اااااااه
امير : ههههههه مش بقولك ابقي قابليني
ريم : ليه كده يا روميو ماتخلينا حبايب احسن طبعا فاهمني ، ااااااه ياااانى
امير : والله انتي حبيبتي اريم بس كنت بهزر معاكي هاتي ايدك اما اسندك
ريم : اااه ماشي ماشي
مروة : خلاص خلاص روحي استريحي ساعة قبل ما تنزلي ، وتعالا انت يا امير شد الانتريه ده عقبال ما اشد المياه
ريم : اه اه روح شد الانتريه لما نشوف العضلات اللي عندك دي نفخ ولا حقيقة
امير : ارحميني شوية يابت دا انا لسه ساندك
ريم : ههههههه خلاص انا كده تمام الحمدلله روح اعمل اللي ماما قالتلك عليه
امير : ماشي ياختي
وفي نفس الوقت كانت ليليان في غرفتها تذاكر او بمعني اخر كان امامها الكتب وتقرأ الكلام ولكن كان يشغل تفكيرها شئ اخر :
ليليان : اوووف بقا انا عاوزة اركز في اللي قدامي ليه عماله افكر فيه بالطريقة دي ، طيب ياترى هو كمان بيفكر فيا ولا في واحدة تانية ، هو اكيد قابل بنات كتيير هناك واحلي مني وانا هنا عماله افكر فيه وارفض العرسان اللي بيتقدمولي بحجة اني لسه بدرس بس انا مش قادرة ما افكرش فيه ، طب كده الامتحانات ما فاضلش عليها كتير وماما هتشتغلي في اسطوانة العرسان وانتي خلصتي دراستك ، خلاص انا مش هفكر في حد وههتم بالدراسة وبموضوع المسابقة وبس ، صح كده
ريم تتصل بليليان :
ليليان : الو يا ريمو
ريم : الو ازيك يا لي لي
ليليان : الحمدلله ، ها ايه الاخبار
ريم : خلاص كده مهمة تنظيف البيت خلصت فاضل ننزل سوا
ليليان : انا كمان زهقت من قاعدة البيت ، انتي قدامك قد ايه وتجهزي
ريم : ساعة كده ، هاخد شاور والبس علاطول
ليليان : اوك وانا كمان هروح اجهز نفسي
ريم : اوك هكلمك لما اجهز
ليليان : اوك يلا باي باي
ريم : باي باي
وفي هذا الوقت امير كان يطرق باب غرفة ريم ويستئذنها بالدخول :
ريم : اددخل
امير : انتي نازلة دلوقتي
ريم : هاخد شاور كده وهلبس وانزل
امير : طب انا كمان مش عندي حاجة البسها
ريم : هههه نعم ياخويا ، ليه هو انت العروسة وانا مش واخدة بالي
امير : هاهاها لا ياختي بس مش جايب معاايا بدلة وانا جاي من السفر
ريم : اهاا قول كده ، خلاص تعالي معانا بس انت في مكان واحنا في مكان تااني فااهمني طبعا
امير : ااا…هو انتوا هتروحوا فين بظبط
ريم : احنا هنروح مول… بس مش عارفه فيه محلات رجالي ولا لا
امير : مش انتي بتقولي مول يبقي اكيد فيه محلات رجالي
ريم : اة صح اوك مافيش مشكلة
امير : ريم ممكن اطلب منك طلب تاني
ريم : شكلك مش ناوي تخليني اجهز انهارده
امير : لا والله اخر حاجة ، ممكن بعد لما نخلص وتجيبي اللي انتي عوزاه اعزمكم علي العشاء انتي وليليان يعني
ريم : اممم هفكر وابقي ارد عليك
امير : كده يا ريم
ريم : هههه خلاص والله هكلم ليليان واعرفها علشان تعمل حسابها
امير بفرحة : اووك انا هروح اجهز وهستناكي ننزل سوا
ريم : اوك
امير : يخليكي ليا
ريم : متشكريين ، يلا بقا من غير مطرود علشان اكلم لي لي
امير : طب حيث كده انا هستني لحد ما تخلصي
ريم : امييير
امير : خلاص طالع جه الوقت اللي ترفعي صوتك عليا وما اقدرش اتكللم
ريم : ههههههه
اتصلت ريم بليليان مرة اخري لتخبرها بقدوم امير معهم وعلي عشاؤهم سويا..
ليليان : ايه ؟ بجد ؟ طب ليه ؟
ريم : ايه يابنتي مالك حصل ايه لكل ده
ليليان : لا مافيش حاجة بس اقصد مالوش لزوم
ريم : انا مالي بقا هو مصمم خلاص اهو عزومة ببلاش هو حد لاقي ههههه
ليليان : ههههه اوك
ريم : يلا بااي
ليليان : بااي
ريم : امير ، يا اميير
امير : هاا وافقت
ريم : اها ليليان هاتيجي تتعشا معانا
امير : ايوووة بقا انا هروح اجهز بقا
ريم : هههههه ياعيني عليا
وبعد ان جهزت ريم ذهبت لغرقة امير :
ريم : اوبااا اوبااا ايه الشياكة دي ياعم ، اللي يشوفك يقول رايح تتجوز ههههههه
امير : انا طول عمرى شيك بس انتوا مش واخدين بالكم
ريم : ايه الثقة دي كلها
امير : هنفضل نرغي كتير هنا ولا ايه مش يلا
ريم : يلا
امير : هسوق انا العربية
ريم : هتعرف ؟
امير : ايوة يا بنتي عادي يعني زي ما بسوق في فرنسا
ريم : ايوة بس مكان السواقة هناك غير مكان السواقة هنا
امير : انتي شكلك بتتفرجي علي افلام اجنبي كتير
ريم : ايوة طبعا مش لازم اكون مثقفة
امير : هههههه وهو انتي ماخدتيش بالك ان العربيات هناك ممكن تسوقيها من الناحيتين
ريم : احلف
امير : والله
ريم : ههههه اوك ، يلا يلا علشان مش نتأخر
امير : يلا
امير : ماما احنا نازلين عاوزة حاجة
مروة : لا يا حبيبي تيجوا بالسلامة
امير و ريم : الله يسلمك
وفي عربية ريم :
امير : هي ليليان مشيت من بيتها ولا لسه فيه ، ولو لسه فيه انا مش فاكر مكان بيتها
ريم : لا لا ما مشيتش و بيتها قريب من هنا
امير : اوك
وبعد ان وصفت ريم الطريق لامير : بسس هنا هو البيت ده ، ثواني بقا هتصل بيها تنزل
امير : اوك
ريم : الو يا لي لي
ليليان : الو يا ريمو انتي فين
ريم : انا تحت البيت انزلي يلا
ليليان : اوك انا نازلة اهوه ، باي
ريم : اوك باي
ليليان : ماما انا نازلة يا حبيبتي عاوزة حاجة
سمية : لا ياحبيبتي خدي بالك من نفسك وسلميلي علي ريم كتيير ، لا اله الا الله
ليليان : الله يسلمك ، محمد رسول الله
في عربية ريم :
ليليان وهي تفتح باب العربية : مساء الخير
امير وريم : مساء النور
امير : ازيك يا ليليان
ليليان : الحمدلله وانت عامل ايه
ادهم : انا لما شوفتك بقيت كويس
ريم : آآآآ.. مش يلا يا امير ( وضربته في ذراعه ضربة خفيفة )
امير : ااه اه طبعا
وظلوا طوال الطريق ليليان تنظر من السيارة وكان في وقت العصر فعندما تاتي اشعة الشمس علي شعرها فيبدو وكأنه سنابل ذهبية وكان امير من حين لآخر يخطف نظرات لها في المرآة فكانت المصادفة ان ليليان تجلس في المقعد الخلفي لامير فكان من السهل عليه متابعة ليليان من الحين والآخر وفي لحظة متابعة امير ليليان من المرآة كانت ليليان تلتفت بوجهها حتي تتحدث مع ريم ولكن تلاقت اعينهم فأحسوا وكأن الوقت قد توقف للحظات ظلوا ينظرون لبعضهم البعض حتى :
ريم : يا اميييير
امير : هااه بتقولي حاجة ياريم
ريم : يابني الاشارة اتفتحت امشي بسرعة الناس اللي ورانا هتشتمنا
امير : اه اه حاضر
فابتسمت ليليان قائلة : آآ احنا هندخل يمين يا امير
امير : اوك
في المول :
ريم : الحمدلله وصلنا بخيير
امير : انتي كان عندك شك اننا نوصل ولا ايه
ريم : هههههه لا لا تمام ، يلا انطلق انت واحنا هنلف شوية ولما نخلص هكلمك
امير : اووك
في المحل الاول لبيع الفساتين :
ريم : واااو الفستان الاسود ده تحفة اووي
ليليان : انتي بتهزرى يا ريم صح
ريم : ليه
ليليان : هههه اسود ايه يابنتي اللي هتلبسيه في مناسبة زي دي
ريم : بس شكله حلو اووي يا لي لي
ليليان : هو شكله جميل بصراحة بس هتلاقي حاجات تانية احلي
ريم : اووك
وظلت ريم وليليان يدخلوا اكتر من محل ولكن بلا فائدة
ريم : انا تعبت يا لي لي ومافيش حاجة مناسبة ومافيش وقت
ليليان : معلش فاضل كمان اتنين ما تيأسيش وهتلاقي اللي انتي عوزاه ان شاء الله
ريم : ياارب
ليليان : بصي المحل ده شكله حلو
ريم : يااارب بقا
بداخل المحل :
ليليان : اووه بصي ياريمو الفستان ده شكله رقيق اووى
ريم : الله ده فعلا شكله حلو
ليليان : طب ما تدخلي تجربيه
ريم : بعد اذنك دقيقة
البنت المساعدة : ايوة
ريم : لو سمحتى فيه من ده المقاس الاصغر درجة
البنت المساعدة : ايوة يا فندم اتفضلي معايا
ريم : تعالي يا لي لي
البنت : اتفضلي
ريم : ميرسي ، هدخل اجربه وقولي رايك بقا
ليليان : اوك
وبعد ان ارتدت ريم الفستان :
ريم : يا لي لي
ليليان : وااااااو شكله تحفة عليكي
ريم : بجد
ليليان : اة والله ولونه اصلا تحفة ده شكله جامد جدا
ريم : هو بصراحة شكله جمييل اوي وعاجبني
ليليان : ولايق عليكي كمان
ريم : خلاص انا هشتريه
ليليان : اوك انا هستناكي بره عقبال ما تغيري
ريم : اووك
وبعد ان بدلت ريم الفستان :
ريم : انا هشتري الفستان ده هو بكام لو سمحتي
البنت المساعدة : ده حضرتك سعره….
ريم : اوك ثانية واحدة
واعطت ريم المال للبنت وخرجت من المحل وهي سعيدة كثيرا
ريم : استني بقا كده لما اكلم امير
ليليان : اوك
ريم : الو يا امير انت فين
امير : انا بلف في المول انتي خلصتي
ريم : اها خلصت واشتريت فستان
امير : الف مبروك ياحبيبتي
ريم : الله يبارك فيك ، انت اشتريت حاجة ولا لسه
امير : انا والله لسه ، انا واقف في محل بتفرج علي بدلة كده بس خلاص انا جايلكم بس قوليلي انتي فين بظبط
ريم : لا وخلاص ليه احنا هنجيلك بس قول علي اسم المحل
امير : اوك انا في محل اسمه ….
ريم : اهاا انا شيفاه قدامي دقيقتين وجيالك ، باي
ليليان : ايه هنروح فين
ريم : هنروح المحل اللي هناك ده امير فيه ومحتار يشترى ايه
ليليان : اهاا اوك يلا
في المحل الذي يوجد به امير :
ريم : ايه يابني كل ده اذا كان انا اشتريت خلاص
امير : بصي البدلتين دول محتار بينهم
ريم : اممم هما فعلا الاتنين حلوين ، انتي ايه رايك يا لي لي
ليليان : ااا.. رأيي ؟؟
ريم : اه قولي رايك ايه احلي فيهم
ليليان : انا رأيي الرمادي شكلها حلو اوي حتي هتبقي لايقة عليك اوي يا امير
ريم بابتسامة : لايقة ازاي يعني يا لي لي مهي التانية هتليق عليه بردو
ليليان : لا انا قصد ان الرمادي هتكون احلي علشان نفس لون عين امير و… (احست ليليان باحراج شديد عندما قالت هذه الكلمات )
اما عن امير فابتسم ابتسامه كبيررة لاهتمام ليليان بشكله وتناسق ملابسه
ليليان : احم انااا..يعني كنت اقصد ان الرمادي هتكون احلي و.. ريم انا هستناكي برة علشان الجو هنا حر ، عن اذنكم
وبعد خروج ليليان :
ريم : هااا يابني هتشتري ايه
امير : الرمادي طبعا ، عن اذنك هروح ادفع الحساب بسررعة
ريم : هههههه انا حاسه اني بتعامل مع اطفال
ليليان في نفسها : انا ايه اللي خلاني اقول كده ، ومال الجو حر كدة ليه ، اووف بقا انا لازم امشي
وهمت ليليان بالمشي ولكن استوقفها صوت ريم
ريم : يا لي لي استني
ليليان : نعم يا ريم
ريم : ايه يابنتي كنتي رايحة فين
ليليان : انااا اناا كنت همشي علشان مش اتأخر علي ماما
ريم : طب مش هنتعشي سوا
ليليان : ممش عارفة
امير وهو خارج من المحل : يلا يا جماعة شوفوا المكان اللي عاوزين تروحوا
ريم : ليليان عايزة تمشي يا امير
امير : ايييه ؟ طب لييه ؟
ليليان : مم..مهو علشان مش اتأخر علي ماما
امير : مش انتي قايلالها انك هتيجي معانا
ليليان : ايوة بس..
امير : مافيش بس انتي هتيجي معانا يا اما هرجع البدلة الرمادي تاني
فابتسمت ليليان من طريقة كلام امير
امير : ايوة كده عاوزك كل ما تشوفيني تبتسمي
ريم : استاذ روميو احنا جعانين حضرتك هنفضل واقفين كده كتيير
امير : ياااه انتي واقفة من ساعتها دا انا نسيت ان حد واقف اصلا
ريم : كددددده
امير : لالا يلا بينا ، انتي هتقلبي ولا ايه ماكنتي كويسة
الجميع : ههههههههه
وعند وصولهم الي السيارة تعمدت ريم ان تضع الملابس في الكرسي الخلفي لها حتى تضطر ليليان للجلوس بخلف امير مرة اخري
ليليان : ايه ده ياريم ليه بتحطيهم هنا حطيهم الناحية التانية
ريم : خلاص بقا يا لي لي انا حطيتهم وظبطهم مش هاقدر انقلهم الناحية التانية ، وبعدين يلا بقا قبل امير ما يرجع في كلامه
ليليان : اوك
كان كل شئ يسير علي ما يرام حتي….

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: ندى عبدالحميد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى