مسلسل اللقاء المنتظر الحلقة الثالثة والرابعة عشر

الحلقة الثالثة عشر

وبعد ان دخلت ليليان واختارت احد الاماكن وطلبت مشروب اللاتيه الذى يشعرها بالراحة وسكون النفس ، فوجئت بشخص من خلفها ويحمل باقة من الورود الحمراء وهو يقول لها : يعني ينفع كده تيجي مكان حلو زى ده من غيري ؟؟؟
ليليان : اميييير ؟؟!!
امير : اه امير ، مالك مخضوضة كده ليه
ليليان : اصل آآ..
امير وهو ينظر بعينها ويرفع حاجبه : هاا ، اصل ايه
ليليان : اصل يعني … انت عرفت مكانى ازاى ؟
امير : وده هيفرق معاكي
ليليان : ا..ايوة
امير : اووك ، حسييت
ليليان : افندم ؟
امير : ايه فيه ايه
امير وبصوت عالى : حسيت انك هنا
ليليان وهى تنظر حولها : امير بس من فضلك الناس بتبص علينا
امير : ممكن تقبلي منى الهدية الصغيرة دي ( وهو يقدم لها بوكيه الورد )
ليليان : هدية ؟!! بس بمناسبة ايه ؟
امير : بمناسبة…
امير وبصوت عااالى : احم .. الاغنية دى منى ليكى
هقولك كلمة صدقني ، مفيش قبليك ولا بعديك
ولا الدنيا دي تلزمني ، ولا تتعاش في يوم غير ليك
ولو يخلص في يوم عمري ، مايغلاش عمري كله علييييك ( وهو يشاور بيده علي ليليان وبغمزة )
بحبك لو هقولهالك ، بقيت آيامي متكفيش
سنين بحلم تكون جنبي ، قصاد عيني ومتسبنيش ( وهو يشاور علي ليليان ثم الي عينه )
ياريت ينفع أعيش عمرين، في حضنك عمر مايقضيش
في حضنك عمر ما يقضيييش
لقيت فيك اللي بحلم بيه ، وطول الوقت مستنيه
انا شايفك معايا خلاص ، حبيبي يبقى ناقص ايه
لقيت فيك اللي بحلم بيه ، وطول الوقت مستنيه
انا شايفك معايا خلاص ، حبيبي يبقى ناقص ايييه
يا أول حب طمني ، وخدني من الحياة والناس
بقربك تحلى أيامي ، بحس معاك ب 100 احساس
ولو جه حد يسأل ليه ، هقوله انا قلبي حب خلاص ( وهو يشاور بيده علي ليليان ثم علي قلبه وبغمزة )
عرفت الحب بيك ومعاك ، بعيش الجنة وانا وياك
دانا انسى الدنيا دي عادي ، ومش ممكن حبيبي انساك
ومين يقدر بقى يلومني ، انا شايفك قصادي ملاك
انا شايفك قصادي ملااااك
لقيت فيك اللي بحلم بيه ، وطول الوقت مستنيه
انا شايفك معايا خلاص ، حبيبي يبقى ناقص ايه
لقيت فيك اللى بحلم بيه ، وطول الوقت مستنيه
انا شايفك معايا خلاص ، حبيبي يبقي ناقص اييييه
شخص ما : ايه الحلاوة دي يابرنس
شخص اخر : الله صوتك جميل اوى ماشاء الله
بنت تانية لحبيبها : شوفت بيعملها ايه ، اتعلم بقا جاتك وكسة
امير بغمزة : اتعلمى بقا
ليليان : اا..اتعلم ايه بظبط ، وبعدين عاجبك كده الناس تقول علينا ايه دلوقتي و احنا اصلا مافيش بينا حاجة وفهموا غلط
امير : نعم ياختي ، اومال انا عامل كل ده لمين
ليليان بابتسامه : احم.. ليا بجد
امير : انتى شايفة ايه
ليليان : انا شايفة ورد احمر حلو اوى ، ميرسي يا امير
امير : ورد احمر وجبنا واغاني وغنينا للعظمة تامر حسني ، ايه بقا ( بغمزة )
ليليان : ايه..ايه
امير وهو يجذبها من يديها : تعالي نقعد علشان عاوزك في حاجة مهمة
ليليان : اوك ، وادى قاعدة ، ها عاوزنى في ايه بقا
امير : آآ…
ليليان : ايوة..
امير : استني عليا هتيجي اهوه
الجرسون : اتفضل يافندم
امير : ياسلام يا سيد جيت في وقتك
ليليان : سيد مين ؟ وبعدين انت لسه ماطلبتش حاجة
امير : آآ…اصل آآ…
سيد الجرسون : طب استأذن انا بقا يا باشا ، سلامو عليكو
امير : بتخلع اسيد
ليليان : اميير
امير : سيبك بقا ، احنا كنا بنقول ايه
ليليان : ا..انت اللى كنت هتقول
امير : اة اة افتكرت
ليليان : ها
امير وهو يرتشف قطرات من عصير الليمون : هااا هتحدديلي معاد مع طنط امتي
ليليان : معاد ايه ؟ وطنط مين ؟
امير : معاد علشان اقابل فيه مامتك
ليليان : وت..تقابل ماما ليه
امير : علشان اعرف منها احنا هنتجوز امتى بقا
ليليان : ن..نت..نت ايه ؟؟
امير : انا عارف ان نطقها صعب بصي هقولهالك حرف حرف
ن..ت..ج..و..ز
ليليان : يعني انا سمعت صح
امير : ايووة
ليليان بنظرة تحدى : ومين قالك بقا انى موافقة عليك وانى بحبك اصلا
امير : حطي عينك في عيني دقيقة واحدة وهتشوفي حتي بصي في عيني
ازاحت ليليان وجهها في اتجاه اخر قائلة : آآ..انا لازم اقوم امشي علشان رايحة مشوار
جذبها امير من يديها الى الترابيزة مرة اخرى لكي تجلس
امير : شوفتي بقا ان كان عندى حق
ليليان : اا..امير انا لازم امشي
امير : ليه بس
ليليان : مهو انت اكيد بتهزر واستحالة الكلام اللى قولته ده يكون حقيقة
امير : ليليان ممكن اسألك سؤال
ليليان : لازم ؟؟
امير : اه ، انتى بتحبيني زى ما بحبك ؟؟
ليليان :….
امير : ليليان !!
ليليان : مهوو بصراحة ما اعرفش
امير : ما تعرفيش ايه ، انا ليه كل ما اجى اقرب منك تبعدي ، كل ما اعمل حاجة تفرحك اشوف في عينك نظرة خوف او نظرة حزن ، ليه دايما بتبقي قاصدة تعملي كده وانتى عارفة ومتأكده انى ما بحبش حد غيرك ، ليه مصممة تجرحيني وانتى عارفة ان انتى اقرب انسانة ليا حتي لو سافرت ملايين السنين
ليليان : علشان اناا.. انااا
امير : انتى ايه
ليليان بدموع : انا زعلت لما انت سافرت ولما انت جيت فرحت تانى وانا ببقي فرحانة لما نكون موجودين في مكان سوا ، بس ببقي خايفة
امير : ششش ، اهدي بس وفهميني من ايه
ليليان : ببقي خايفة انك تسافر تانى وتسيبني تانى وده اللى هيحصل قريب فماحبتش اني اقرب منك علشان ما تاخدش علي وجودى وابقي حاجة طبيعية بالنسبالك لما تشوفني ، وعلشان انا كمان ما اتعودتش على وجودك
امير : طول ما انا جنبك اوعي تخافي من حاجة ، وبعدين انا هتعذب انتي مش اى حاجة طبيعية انتى ملاكى ، وانا لسه بحبك وباين كمان ان… ان فيه ناس تانيه بتحب آآ..
نظرت له ليليان نظرة جادة
امير : ايوة باين عليكي انك بتحبيني علي فكرة ، وانا مستعد اخدك معايا ونسافر سوا وما نبعدش عن بعض ابدا
ليليان : بس انا ما اقدرش اسيب ماما لوحدها
امير : مش بقولك بتحبيني
ليليان : وبعدين بقاا
امير : هو ايه اللى وبعدين ، وبعدين مامتك هى مامتى ومافيش مشكلة لو سافرت معانا
ليليان : مش عارفة يا امير ، مش هتوافق
امير : طب اقولك علي حاجة حلوة
ليليان : ايه
امير : اضحكي الاول وانا اقولك
ليليان : انت بتهزر يا امير صح ، ده وقته
امير : والله ما انا قايل غير لما تضحكي
ياللي شمس الدنيا تطلع لما تطلع ضحكة منك
حسي بالناس الغلابه اللي زيي بعد اذنك
بطلي تحلوي أكتر واوعي وشك يوم يكشر
واضحكي دايما يا سكر ياللي سابقه بجد سنك
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
ليليان بابتسامة كبيرة : اهوه هااا كده كويس
امير : كده تمام اووى
ليليان : ها كنت هتقول ايه
امير : بصي بقا يابنت الناس انتي هتسافري معايا يعني هتسافري معايا ، فاحنا هنسيب موضوع السفر ده علي جنب لحد ما اقولك الحل اهوه مابين ايديكى وهتسافري معايا بردو
ليليان : اممم اوك
امير : عارفة لو كشرتي تاني ولا عيطتي..
ليليان : هاا هتعمل ايه
امير : هغنيلك
ليليان : هههههههه ، يانهار ابيض الساعة بقت 4 انا لازم امشي حالا
امير : ليه سيرة العكننة دى طيب
ليليان : كفايا كده ، وبعدين انت وراك ضيوف هتقابلهم وانا ورايا مشواير بردو
امير : مااشي ، طب ما تيجي اوصلك في سكتي
ليليان : لا ميرسي انا معايا عربيتي
امير بصوت منخفض : يارب ياسيد تكون عملت اللي قولتلك عليه
ليليان : هااه بتقول حاجة
امير : لا ابدا بقولك يلا
وبعد ان خرجوا من الكافيه :
امير : هي فين عربيتك انا مش شايفها
ليليان وهى تنظر علي العربية: امم عربيتي يا سيدي هنااك اهيه
امير : الحمدلله انها طلعت هي
ليليان : هي ايه
امير : لالا مافيش حاجة
ليليان : اوك باي باي
امير : لأ ، باي باي ايه انا هوصلك لحد هناك
ليليان : لا مش مشكلة دي قريبة وهروح انا
امير : لا والله ابدا لازم اوصلك ، اتفضلي
ليليان : اووك
عند عربية ليليان :
امير : ايه ده الحقييي
ليليان : ايه فيه ايه
امير : العجلة دى نايمة
ليليان : ييييه معقولة ، مش مشكلة انا معايا استبن
امير : استبن وانا موجود ينفع بردو ، ايه ده الحقى العجلة دى كمان نايمة
ليليان : اووبس ، طب انا همشي ازاى دلوقتي
امير : انتى كنتي رايحة فين طيب
ليليان : الاوبرا
امير : يبقي في سكتى تعالى اوصلك
ليليان : طب والعربية
امير : خليييها مكانها بكرة الصبح ان شاء الله هتلاقيها تحت البيت
ليليان : لا يا امير مش هينفع وهتعبك معايا
امير : مهو لو التعب بالجمال ده ياااااه ياريت اتعب علاطول
ليليان : احم
امير : احم احم ، يلا بقا تعالي اوصلك
ليليان : اوك ، امري لله
امير : حلاوتك اسيد يا مظبتني
Flash back :
امير : لو سمحت يا برنس
سيد الجرسون : اؤمرنى ياباشا
امير : الامر لله ، كنت عاوزك في مصلحة كده
سيد : مصلحة من ام كام
امير : اللي انت عاوزة بس اللى هقولك عليه تنفذة بالحرف الواحد
سيد : ماشي ياباشا
امير : بص في عربية برة نمرتها….. عاوزك تنيملى اي عجلتين فيها
سيد : تمام اباشا
امير : خد ياعم ، مرضي
سيد : مرضي يا بااشا
امير : ركز في العربية علشان ما تبوظش واحدة تانية واكتر من العجل ما تعملش حاجة تانى
سيد : حاضر يا باشا
امير : يلا اتكل ، وانا لا اعرفك ولا انت تعرفني
سيد : اشطة يابيه ، سلاموعليكو
امير : وعلييكم ، استعنا عالشقي بالله
Back :
في عربية ريم ( امير بيركب عربية ريم في الوقت اللى كان فيه في مصر ) :
امير : اعملى حسابك هاجى اخدك من الاوبرا
ليليان : لااا لحد كده واستوب اووى
امير : لا هاجى ، واياكي اروح الاقيكي مشيتي
ليليان : هتعمل ايه يعني ، وبعدين انت هتبقي مش فاضي
امير : مش هيطولوا علشان اول مقابلة
ليليان : ايوة بس ريم في الوقت ده هتكون محتجالك اكتر منى وماينفعش تسيبها وتمشي
امير : ريم لو عرفت انى معاكى اصلا هتقولى خليك عندك
ليليان : اااااه انتوا متفقين عليا سوا بقااا
امير : احم احم ، ابدا والله ماتفهميش صح
ليليان : هههههههه
امير : خلاص بجد هعدى عليكي
ليليان : اوك اللى تشوفه
امام مبني الاوبرا :
امير : حمدلله عالسلامه ، وزى ما قولتلك خليكي وهاجى اخدك ، احم خدي بالك من نفسك
ليليان : الله يسلمك ، ميرسي ، باااي
امير : باااي
تليفون امير يرن :
امير : الو اعروسة
ريم : امير انت فين كل ده بتشترى شوية حاجات
امير : والله اشتريت حاجات بس مش لينا
ريم : انت كمان بتهزر
امير : طب عاوزة ايه طيب
ريم : قدامك قد ايه وتيجي
امير : ساعة
ريم : اميرانا بتكلم جد
امير : وانا كمان بتكلم جد
ريم : بس ساعة كتيير
امير : اعمل ايه طيب مهو الطريق زحمة
ريم : ماشي يا امير بس لما ترجع قدامك ساعة لو ماجتش بجد انا مش هتعامل معاك تانى ، سلام
امير : ماشي سلام
وبعد ان مر امير علي محل كبير به العديد من الحلويات والكيك واشتري ما يريد عاد الى المنزل
امير : سلامو عليكو اهل الدار
مروة : وعليكم السلام ، اتأخرت كده ليه
امير : اهو اللى حصل بقا يا ماما
مروة : يعني ايه اللى حصل
امير: هي فين ريم طيب
مروة : ريم جوه في اوضتها بتجهز
امير : اووك وانا كمان هروح اجهز ، اتفضلي الحاجات دى وابقي قدميهالهم لما يجوا ، عن اذنك
ثم ذهب امير الي غرفته لكي يبدل ملابسه
في مكان اخر :
كريم : انا جاااهز يا جماعة
سامح وهناء : احنا جاهزين اهوه
كريم : وفين مى
مى : انا خلاص اهوه 10 دقايق واخلص
كريم : انتى بقالك نص ساعة بتقولى 10 دقايق وهخلص ، هو مين فينا اللى هيتقدم
مى : اووف خلاص جاية
سامح : هي ساكنة فين يا كريم
كريم : ساكنة في المعادى يابابا
مى : اوووه المعادى مرة واحدة
كريم : انتى رامية ودنك معاانا هنا ، زمان البيت بيولع
هناء : بعد الشر ياحبيبي
سامح : احنا معادنا هناك 7 ودلوقتي 5 ونص يعني المفروض ننزل دلوقتي
كريم : انا جاهز اهوه كلنا مستنين ست الحسن والجمال ( كان كريم يرتدى بدلة من اللون الكحلي وقميص ابيض وكرافت رفيع ستان باللون الكحلي )
مى : الله يسامحك ، انا خلصت خلاص
كريم : اخييييرا ، اشهد ان لا اله الا الله
مى : يلا بقا يا كيمو علشان ما نتأخرش
كريم : يلا ياختي
مي : بس قولي ايه الشياكة دى كلها
كريم : انتي تاني ، وبعدين انا طول عمرى شيك
مى : هههههه خلاص والله ، بس خف من التواضع الزايد اللى عندك ده
كريم : انا عاوزك لما نكون هناك ماتفتحيش بوقك باى دبش الناس ماتعرفناش وماتعرفش هزارك
مى : احم احم ان شاء الله
كريم : مش عارف مش مستريحلك ليه
مى : وبعدييين
كريم : استر يارب
في منزل ريم :
ريم وهي تطرق باب غرفة امير : امييير انت جيت
امير : ايوة يا ريمو ٥ دقايق كده واكون جاهز
ريم : ماشي هستناك بره
امير : اوك
مروة : ماشاء الله عليكي ، بنوتى كبرت يانااس
ريم : شكرا يا مااما
مروة : ايه التكشيرة دى مالك
ريم : متضايقة من امير علشان اتأخر وماكنش بيرد علي حد فينا يعني ينفع كده يا ماما
مروة : خلاص بقا حصل خير اهو جه الحمدلله وكل حاجة زى الفل ، اضحكي كده علشان وشك ينور والعريس ما يطفش
ريم : ليه كده يا مااما بس ما كنتى كويسة
مروة : ههههههه بهزر معاكي ربنا يسهلك الحال يا حبيبتي
ريم : يارب يا ماما
امير وهو يصفر : فوفووفووو ايه الحلاوة دى كلها يا ريمووو
ريم :…..
امير : ايه ده هى زعلانة ولا ايه
مروة : اة علشان احنا كنا بنكلمك وانت مش بترد واتأخرت
امير : احم ماتفك بقا ياعم دا الليلة ليلتك
ريم : انا زعلانة منك
امير : وانا ما اقدرش علي زعلك وانتى عارفة كده كويس ، وبعدين احنا كلنا جاهزين اهوه ما فاضلش غير انهم يجوا فرفشي بقا
ريم بابتسامه : اوك بس اخر مرة
امير وبحركة من يده مثل الظباط : تمام يا فندم
ريم : ههههههه
عند ليليان :
ليليان : ازيك يا مستر وليد
وليد : الحمدلله وانتى عاملة ايه
ليليان : الحمدلله ، هو المكان زحمة كده ليه المرة دى
وليد : علشان الناس اللى قدمت جديد بقا وكده
ليليان : اهاا
وليد : يلا بينا نبدأ
ليليان : اوك يلا
وعلي جانب اخر ولكن بنفس المكان :
سيف : اوباااا شايف اللى انا شايفة ده
باسل : فين
سيف : الفرولاية اللى واقفة هناك دى
باسل : يابنى ارحمنى بقا ، كل مرة بتقول كده وبتطلع استغفر الله العظيم
سيف : طب بصة واحدة بس
باسل وقد نظر الى فتاة ما : تصدق صاروخ ياض ياسيف
سيف : لا وبتعزف جامد كمان
باسل : يا عم تلاقيها دلوعة بابي ومامي وماهتصدق تشبط في واحد مننا
سيف : طب ماتيجي نجرب ونروحلها
باسل : اوك بس لو لزقت اتصرف انت
سيف : اشطة
باسل : استني لما اللى جمبها ده يمشي
سيف : اووك
وبعد قليل :
وليد : ليليان ، خمس دقايق وراجعلك
ليليان : اوك
وبعد ان رحل وليد :
باسل : يلا نروحلها
سيف : ما..مابلاش ياعم
باسل : ايه ده انت رجعت فى كلامك ولا ايه
سيف : بص بلاش احسن انا حسيت حاجة جوايا بتقولى بلاش
باسل : لا ياراجل وجاى تحس بيها دلوقتى
سيف : آآ..اه عادى
باسل : بقولك ايه البت دخلت مزاجى وانا رايحلها
سيف : ياعم خلاص فكك منها
باسل : لو عاوز تخليك هنا خليك
سيف : لأ انا هاجى معاك لحسن انا عارفك كويس متهور وممكن تقلب المكان حريقة
باسل : يبقي تيجي من سكات
سيف : ياخووفي
باسل عند ليليان : مساء الخير
ليليان بابتسامتها المعتادة : مساء النور
باسل بغمزة : هو فيه كده
ليليان : افندم
باسل : انتى ازاى كده ، ولا انتى ملاك ونزل على الارض
ليليان : بعد اذنك ابعد بعيد عنى يا اما مش هيحصل طيب
باسل وهو يقترب منها : هتعملى ايه..

الحلقة الرابعة عشر
باسل : مساء الخير
ليليان بابتسامتها المعتادة : مساء النور
باسل بغمزة : هو فيه كده
ليليان : افندم
باسل : انتى ازاى كده ، ولا انتى ملاك ونزل على الارض
ليليان : بعد اذنك ابعد بعيد عنى يا اما مش هيحصل طيب
باسل وهو يقترب منها : هتعملى ايه..
ليليان : افتكر انى قولتلك ابعد احسنلك
باسل : طب انا حاسس انى شوفتك قبل كده
حاولت ليليان ان تذهب من امامه ولكنه وقف امامها قائلا : انتى بتيجي هنا علاطول
ليليان : بقولك ايه ياجدع انت انا ساكتالك من الصبح بس علشان احنا في مكان محترم لكن قسما بالله لو ما بعدت عنى انت حر
باسل : تصدقي خوفت
سيف : خلاص يا باسل يلا نمشي بلاش فضايح علشان واحدة زى دى
ليليان لسيف : ما تحترم نفسك انت كمان
سيف : انا غلطان انى بحوشه عنك ، اتفلقي
باسل : هدى اعصابك شوية علشان ما يطقلكيش عرق
ليليان : لااا انت زودتها اوى وبصوت عالى : فين الامن اللى هناااا
باسل : ههههه برافو عليكي علي صوتك اكتر ، انا مش عارف هما بيدخلوا الناس اللى زيك هنا ازاى
ليليان بعصبية : انا بردو !! وسع من سكتي ووعد مني مش هتشوفني
باسل : ومين قالك بس انى مش عاوز اشوفك
ليليان : استغفر الله العظيم يارب
سيف : ابوس ايدك يا باسل يلا نمشي من هنا انا غلطان انى قولتلك ، مش عاوزين مشاكل
باسل : اسكت انت
ليليان : يعني انت مصمم
باسل : ايووة
ليليان : اوك خلينا قاعدين اما نشوف اخرتها معاك
باسل : انتى مش خايفة اعملك حاجة
ليليان بنظرة كلها قوة : وهو انت فاكر نفسك تقدر تعملى حاجة تبقي غلطان
باسل : يابت انتى مش قدي
ليليان وبعد ان ازاحته عنها بيديها علي صدره : كلكوا بتقولوا كده ، عالم مستفزة
بعد ان غادرت ليليان
سيف : ايه اللى انت هببته ده
باسل : هي البت دى مجنونة ولا ايه ازاى تعاملنى بالطريقة دى ، هي ما تعرفش مين هو باسل السويفي
سيف : ههههههه اول مرة واحدة تفرملك يا…ياا باسل
باسل : والله ما هسيبها وهعرفها كويس انا ابقي مين اما وريتك
سيف : ايه ياعم انت اهدى شوية انا قولتلك نشوفها بس او نكلمها بهدوء يعني زمايل في مكان واحد مش تضايقها ، وبعدين هو انت علشان تدخل عليها تقولها انا شوفتك فين قبل كده
باسل : لا ياعم انا متأكد انى شوفتها قبل كده
سيف : طب هتعمل ايه دلوقتى
باسل : سيف انا عاوزك تعرف البت دى اسمها ايه بظبط
سيف : هى علقت معاك ولا ايه
باسل : لا ياعم علقت ايه انا بس هعرفها تتكلم معايا ازاى بعد كدة
سيف : خلاص بقا سيبك منها
باسل : بقولك ايه انا هعرف اسمها يعني هعرف اسمها فهتروح تجيبه انت بهدوء ولا اجيبه انا بقلة الزوق
سيف : خلاص ياعم ماتزوقش ، وبصوت منخفض نسبياً : انا غلطان انى قولتلك عليها ياريتني روحتلها لوحدى ، اووف
ثم ذهب سيف الى…
عودة مرة اخري الي بيت ريم :
تليفون ريم يرن
ريم بنعومة : احم الو
كريم : الو ازيك ياريم
ريم : الحمدلله
كريم : انا عند العنوان اللى انتى وصفتيهولى بظبط انتى في انهى دور بقا
ريم : انا في الدور الثالث شقة رقم (9)
كريم : اوك دقيقتين واكون عندك يا قمرى
ريم بابتسامة : اوك ، مستنياك
وبعد ان اغلقت ريم المكالمة :
امير : ايه ده ايه ده ، هو قالك ايه بظبط خلاكي تبتسمي الابتسامة دى كلها
ريم : آآ..هما تحت البيت وطالعين
امير بغمزة : مش مصدقك بس هعديها بمزاجى
جرس الباب يرن :
امير : ادخلى جوا ياريم وشوية واطلعي وانتى يا ماما تعالى جنبي
مروة وريم : اوك
فتح امير الباب :
كريم : مساء الخير
امير : مساء النور ، كريم صح
كريم : ايوة كريم
امير : اتفضلوا يا جماعة
وبعد ان دخلوا الى المكان المحدد لهم بالجلوس :
امير وهو يشاور لكريم على مروة : دى والدتى مدام مروة
كريم : اتشرفت بمعرفة حضرتك ياطنط
مروة : ميرسي انا اكتر
كريم وهو يشاور علي هناء : ودى والدتى مدام هناء
مروة لهناء : اهلا وسهلا بيكى منورانا
هناء : بنورك ميرسي
كريم وهو يشاور علي سامح ومي : وده والدى سامح واختى مي
امير : تشرفنا يا استاذ سامح والانسة مي
سامح : الشرف لينا يابني
مي : ميرسي
وبعد فترة من الوقت لم تدوم كثيرا :
هناء : اومال فين عروستنا الحلوة
مروة وقد قامت من مكانها وبابتسامة : عن اذنكم دقيقة واحدة
الجميع : اتفضلي
امير : احم انا اخو ريم الكبير كنت بدرس هندسة في فرنسا واشتغلت هناك بعد ما اتخرجت علاطول
سامح : اتشرفنا بمعرفتك يا ابني ، وانا سامح والد كريم عندى شركات انتاج ومونتاج في كذا مكان في مصر واحيانا كريم بيساعدنى في الشغل واقدر اطمنك انه قادرعلي شيل المسؤلية
امير : الشرف لينا يا استاذ سامح
وهنا جائت مروة بصحبة ريم الذى كانت في كامل اناقتها وجمالها مما اثارت اعجاب الجميع
ريم : مساء الخير
الجميع : مساء النور
ذهبت ريم لتسلم علي كريم وعائلته والذي كان يعرفها بأفراد عائلته :
ريم : ازيك يا كريم
كريم :…..
ريم : احم كرييم
كريم : اا..الحمدلله ازيك ياريم
ريم : تمام الحمدلله
كريم : دى والدتى مدام هناء
ريم لهناء : ازي حضرتك يا طنط منورانا
هناء : بنورك يا حبيبتي
كريم : وده والدى الاستاذ سامح
ثم ريم لسامح : مساء الخير يا اونكل
سامح : مساء النور يابنتي
كريم : اما دى بقا مي اختى
ريم : اهلا يا مي اتفضلي
مي : اهلا بيكي ميرسي
وبعد ان جلست ريم بجوار امير :
امير : ريم قالتلي انك معاها في الجامعة ويعني دى اخر سنة ليك صح
كريم : اة صح
امير : وبتفكر تشتغل فين بعد كدة
كريم وبكل هدوء : انا الحقيقة بطلع الاول عالدفعة كل سنة الحمدلله وربنا يعيني واطلع السنادى كمان واتعين معيد في الكلية واحضر دراسات عليا ، اما بقا لو ربنا ما ارادش فانا ناوى افتح شركة انتاج ودعايا واعلان ومونتاج في نفس الوقت واهو يبقي في الدراسة بتاعتي
امير : ربنا يعينك
كريم : اللهم امين
هناء : ماشاء الله يا كريم عرفت تختار
فرحت ريم كثيرا بكلمات هناء الذى احبتها من اول لقاء بها
ريم : ميرسي يا طنط
مروة : ربنا يخليكي يا هناء هانم
هناء : لأ هانم ايه بقا احنا هنبقي قرايب ان شاء الله قريب ولا ايه يا سامح
سامح : اة طبعا ان شاء الله ، استاذ امير انا جاي اطلب ايد الانسة ريم لكريم ابنى ويشرفنا اننا نناسب عيلتكم الكريمة
امير : والله الشرف لينا يا يا استاذ سامح بس الرأي الاول والاخير لريم طبعا
كريم : اكيد يا امير لو تسمحلي طبعا اقولك امير
امير : ااة طبعا براحتك يا كيمو ولا ايه ياريم
ريم : احم اللى تشوفه يا امير
امير : طب انا رايي اننا نسيب العرسان شوية مع بعضهم طبعا لوحضرتك تسمح يا استاذ سامح
سامح : انا ماعنديش مانع
امير وقد نهض من مكانه : اتفضل يا كريم بس بقولك ايه براحة شوية بس احنا لسه عالبر
الجميع : ههههههههه
كريم : ما تقلقش يا امير ، ريم في عينيا الاتنين
ثم توجه امير بصحبة ريم وكريم الي مكان يقرب من نفس مكان تجمع العائلتين :
امير : احم هسيبكم بقا علي راحتكم ، ولو اى حاجة حصلت كده ولا كده ياريم اندهيلي علاطول هتلاقيني فوقيكي
ريم : ما تخافش اوى كده كريم انسان محترم
امير : امم انا شكلي كده بتطرد بالذوق ، ههههه عن اذنكم
كريم وريم : اتفضل
كريم : انتى ريم بجد ؟؟ هو انا فعلا قاعد معاكى ولا بحلم ؟
ريم وقد احمرت وجنتيها ثم نظرت الى الارض : لا انا ريم بجد ولا انت عندك شك في كده
كريم : هو انا اقدر اشكك في الحلاوة اللى قدامى دى
ريم : احم هتفضل تعاكسني كده كتير ولا ايه ، شكلي كده هخلي امير يجي يقعد معانا
كريم : لالا خلاص انا عاوزك انتى وبس
ريم : بجد
كريم : اكييد ، وعلشان اثبتلك ده ايه رايك نخلي خطوبتنا الاسبوع الجاى
ريم : ايه ده بدرى اوى
كريم : انتى رجعتي في كلامك ولا ايه
ريم بسرعة : لالا
كريم : ايه ده ، دا في حاجات حلوة انتى مخبياها عني وكدة
توترت ريم ونظرت للارض مع ابتسامة بسيطة
كريم : انا ممكن انزل اقعد في الارض علي فكرة لو هى عجباكي اوى كده
نعود مرة اخري الي مبني الاوبرا :
سيف : حضرتك استاذ وليد مدرب هنا في الاوبرا صح
وليد : ايوة انا خير يا استاذ
سيف : الحقيقة حضرتك كنت واقف مع بنت هناك ولما اتاخرت عليها قالتلي اجى لحضرتك واقولك انها شوية وجاية تانى
وليد : اوك مافيش مشكلة
سيف : لا الحقيقة فيه مشكلة
وليد : مشكلة ايه
سيف : انا نسيت اعرف اسمها يعني ممكن لو حضرتك تقولى اسمها او رقم تليفونها علشان قالتلى اول ما حضرتك تخلص اللى وراك وتيجي اكلمها
وليد : خلاص مافيش مشكلة هبقي اكلمها انا
سيف : لا معلش هي قالتلي انا اكلمها بس انا كنت مشغول فنسيت اعرف اسمها حتى
وليد : حضرتك متأكد
سيف : ايوة هو انا هكدب عليك ليه
وليد : طب بص انا هقولك اسمها لكن حكاية رقم تليفونها دى فانا اسف مش هقدر اديهولك لان انا ما اعرفكش كويس وليليان استحالة تقول لولد خد رقمى
سيف : احم احم
وليد : ممكن تبقي تروح تاخده من السكرتيره من الملف بتاعها وفي الحالة دى بتكتب اسمك علشان لو حصلت اى مشكلة انت اللى هتبقي مسؤل قدامى
سيف : م..مشكلة !! ربنا ما يجيب مشاكل ، انا موافق بس هى اسمها ايه طيب
وليد : اسمها ليليان محمود كامل
سيف : متشكر اوى ، سلام
وليد : سلام
ثم ذهب سيف لباسل مرة اخري :
سيف : عرفتلك اسمها
باسل : اسمها ايه
سيف : مش هقولك غير لما احكيلك اللى حصل الاول
باسل : احكى
وبعد ان قص سيف كلام وليد له :
سيف : باسل احنا مش عاوزين مشاكل
باسل : ماتقلقش ، بس تعالى معايا نروح عند السكرتيره اللى قالك عليها دى
سيف : طب ليه
باسل : هتعرف دلوقتى
سيف : استر يارب
وبعد ان ذهب كلا من باسل وسيف الى مكتب السكرتيره :
باسل : مساء الخير يا انسة
السكرتيره منى بعدم تصديق : هااااااه !! باسل بيه السويفي عندنا هنا مرة واحدة
باسل لسيف : طب ما انا معروف اهوه اومال ست الحسن والجمال ماعرفتنيش ليه
سيف : هههههه
منى : اؤمرنى يا باشا
باسل : الامر لله ، بصي يا ستى فيه عندك ملف بواحدة اسمها ليليان محمود كامل كنت عاوز شوية معلومات عنها
مني وقد انزعجت من كلام باسل : ليه ؟
باسل : اظن مالكيش فيه
منى : ولا انت كمان ليك فيه
باسل : يعني ايه
منى : يعني انا ما اقدرش اطلع معلومات عن المتسابقين في المسابقة دى بالذات علشان متوصي عليهم من فوق اوى
باسل : طب واللى يراضيكي ويعملك اللى انتى عوزاه
منى : اعمله اللي هو عاوزة
باسل وقد اخرج نقود من جيبه : يبقي اتفقنا خدى دول ليكى
منى : دقيقة واحدة واجيبلك كل معلوماتها من عالكمبيوتر
باسل : خدى وقتك
وبعد قليل :
منى : حضرتك عاوز تعرف عنها ايه بظبط
باسل : كل حاجة
منى : اوك ، هى اسمها ليليان محمود كامل ، عندها ٢٢ سنة في اخر سنة كلية اعلام جامعة القاهرة ، والدها متوفي وهى عايشة مع مامتها لوحدهم في المعادى ، بتيجى الاوبرا هنا من وهى عنده ١٥ سنة ، بتغنى وبتعزف حلو جدا ، واشتركت في مسابقات كتير هنا في الاوبرا وكانت بتاخد يا اما المركز الاول يا التانى
باسل : انتى قولتى كلية اعلام
منى : ايوة يا باسل بيه
باسل لسيف : مش قولتلك حاسس انى شوفتها قبل كده
سيف : يا سلاااااام معانا في الكلية مرة واحدة
باسل : اوك متشكر يا آنسة وياريت محدش يعرف انى كلمتك او شوفتك اصلا
منى : منى ، انا اسمى منى
باسل : ماشي يا منى زى ما اتفقنا
منى : تحت امرك يا بيه
بعد ان رحل باسل وسيف عن السكرتيرة منى :
سيف : يعني القمر طلع معانا في الكلية وانا مش عارفها ، طب ازاى يا جدع
باسل : خلاص ياعم سيف ماكانتش قصة مافيه مليون واحدة غيرها في الجامعة كلها
سيف : بس دى حاجة تانية خااالص ، ما شوفتهاش هي كانت جريئة ازاى لما كانت بتكلمك ، وما كانتش خايفة منك ، و..
قاطعه باسل : اييييه ياعم انت ماتهدى شوية ، اناا..انا كنت ساكتلها بمزاجى علي فكرة
سيف : عليا انا بردو يا باسل ، دى كشمتلك
باسل : كشمتلى ازاى يعني ؟
سيف : ايوة كشمتلك يعنى اتحدتك ، وانت طول عمرك باسل السويفي ، الولد اللى البنات بيموتوا على نظرة منه ، وبيعمل كل حاجة هو عاوزها ، فلما تيجي واحدة تقف قدامك تبقي اكيد فيها حاجة مختلفة عن باقي البنات
باسل وقد بدأ يفكر في شئ ما : بس انا بقا مش هسيبها في حالها وهعلمها تتعامل معايا ازاى بعد كدة
سيف : لالا يا باسل بعد اذنك ، شوفلك واحدة غيرها تتسلي معاها ، لكن ليليان لأاااا
باسل : الله الله ، احنا حنينا بقا
سيف : لا..لا طبعا حنيت ايه بس ، اا..انا شايف انها مش بتاعت مشاكل
باسل : دا هى أُس المشاكل كلها
سيف : اوووف ، واضح ان الكلام معاك مش هيجيب نتيجة وهتفضل مصمم علي رأيك
باسل : يبقي ما تضيعش وقتك
سيف : انت مش هتأذيها صح ؟
باسل : احم.. ربنا يسهل
سيف : ياارب لاحسن انا مش مطمنلك
نرجع تانى لبيت ريم :
كريم : هاا موافقة ولا ايه
ريم بابتسامة : اهاا موافقة
كريم : الحمدلله ، تعالى نروح نقولهم
ريم : اوك يلا
كريم : احم يا جماعة عاوز ابلغكم قرار بيني وبين ريم ونشوف رأيكوا :
سامح : خير يا ابني
كريم : بعد اذنك طبعا يا بابا ويا امير نخلي الخطوبة بعد اسبوع
الجميع : نععععم
كريم : ايه يا جماعة مالكوا
مروة : بس مش شايف يا ابني انه قرار سريع شوية ولازم بردو ريم تاخد وقتها في التفكير
كريم : عندك حق يا طنط ، هى لازم تفكر براحتها ومن غير ما تتسرع في قرارها لانه قرار مهم ، بس انا مش عارف هو امير هيسافر تانى امتى ولا قاعد شوية وبصراحة مش هتكمل فرحتنا غير بوجودة معانا طبعا لو انتوا موافقين عليا مبدئيا ، ريم معايا بقالها اربع سنين ولو شافتني مرة في موقف بايخ او كده ياريت تصارحني علشان اخد بالى المرة الجاية ومش اضايقها ابدا ، ولو شايفين ان قرار الخطوبة ده سريع احنا ممكن نخليها قراية فاتحة عالأقل
امير : والله انا شايف انك معاك حق يا كريم في كل كلمة قولتها ، بس بردو ناخد رأي ريم الاول
هناء : هاا ايه رايك يا ريم ، موافقة عالواد كريم ولا لأ
كريم : احم متشكر يا ماما على واقفتك معايا في موقف زى ده
الجميع : ههههههههه
ريم : اللى امير يشوفه
امير : لا يا حبيبتي اللى انتى عوزاه دي حياتك انتى ، وانا معاكى فى اى قرار هتاخديه
مى : بلييز يا ريم وافقي دا حتى كريم طيب اووى وبيحبك
كريم : واضح كده ان ماما ومى متفقين يفضحونى
الجميع : ههههههه
ريم : اووك انا موافقة
مى : سمعونا زغروطة بقا
مروة : لولولولولى
وتعالت اصوات المباركات والفرحة في المنزل
كريم : نقرأ الفاتحة
الجميع : بسم الله الرحمن الرحيم…… ، آميين
مى : تعرفى انا مبسوطة اوى انى هيبقي عندى اخت حلوة زيك كده
كريم بهزار : لأ حاسبي انتى بتعاكسي خطيبتي قدامى وانا ما اسمحلكيش بكدة
ريم : ههههههه انا كمان مبسوطة انتى اتعرفت عليكي
مى : بكرة نتفق عليه سوا ونخليه يشوف النجوم في عز الظهر
كريم : انتى هتعملى معاها اتفاقيات ضدي
مى : اهاا اكييد
ريم : لا يا مي حرام ، كريم طيب خالص
كريم لريم : قوليلها ونبى
ريم : هههههههه
مى : ههههههه ربنا يسعدكوا يارب
كريم وريم : يارب
سامح : نستأذن بقا علشان مش نتقل عليكم اكتر من كده
امير : لا ما تقولش كده ، حضرتك نورتنا والله
سامح : شكرا يا ابني بنوركم
هناء : ان شاء الله هكلمك ونشوف المعاد اللى يناسبهم وننزل نجيب لهم الشبكة
مروة : اوك ، واللى فيه الخير يقدمه ربنا
هناء : اللهم امين
كريم لريم : هتوحشينى
ريم واحمرت وجنتيها : احنا هشوف بعض بكرة ان شاء الله في الجامعة
كريم : هتوحشينى لحد بكرة يا قمرى
ريم : صحيح ايه قمرى اللى انت ماسكهالى دى
كريم : هتعرفي بعديين
ريم بزعل طفولى : كده !
كريم : هو لو كده احنا ممكن نخلى الخطوبة بكرة
ريم : ههههه
كريم : يلا باى باى
ريم : باااى
اما الان فقد ودع كريم وعائلته منزل ريم على اتفاق العائلتين بالمقابلة مرة اخرى لاختيار الشبكة للعروسين والاتفاق على باقي مراسم احتفال الخطوبة وتنظيم هذا اليوم
اما بعد ذهاب كريم وعائلته …