ترفيهمسلسل اللقاء المنتظر

مسلسل اللقاء المنتظر الحلقة 25و26و27و28

الحلقة الخامسة والعشرون


ذهبت سناء الى منزل الحاجة سمية وضغطت على الجرس وانتظرت لكى يفتح لها احد…
مازن : افتحيلها انتى يا شيرين انا مش هينفع اقف معاكوا ، وهستني جوا مع عمر
شيرين : اوك على راحتك
ذهبت شيرين لتفتح الباب واذا بالمفاجأة لسناء وشيرين…
شيرين : طنط سناء !!!!!
سناء : شيرين !!!
شيرين : طنط سنااااء وحشااانى جدا ( وقامت باحتضانها )
سناء : وانتى اكتر وحشاانى اووى يا شوشو
شيرين بدموع الفرح : طب..طب اتفضلي يا طنط
سناء : حمدلله على سلامتك انتى رجعتى امتى من السفر
شيرين : انا لسه جايه امبارح
سناء : ااهااا ، استني هو مازن جوزك اللى جه خبط عليا وكلمنى
شيرين : اهاا هو مازن
سناء : وانا اقول شوفته فين قبل كده اتاريه طلع جوزك
شيرين : هههههههه ، طب استأذن انا بقا ادخل اناديه يسلم عليكي عقبال ما تدى الحقنة لطنط
سناء : ماشي يا حبيبتي
فى احد الغرف الموجودة بمنزل ليليان…
مازن : ايه يا شيري الدوشة اللى برا دى
شيرين : مش هتصدق يا مازن لو حكيتلك
مازن : ايه
شيرين : عارف مين طنط سناء
مازن : انتى بتهزرى ايوة عارفها جارتنا ايه الجديد فى كده
شيرين : لا يا ميزو ماقصدش كده انا اقصد انها طلعت حد قريبنا
مازن : طب والله كنت حاسس انى شوفتها قبل كده بس مش فاكر امتى وفين
شيرين : دى بقا طنط سناء اخت ماما الله يرحمها
مازن : ااااااه صح دى هى ، بس ملامحها اتغيرت وسيف ابنها كمان كبر ماشاء الله
شيرين : حكم السن بقا ، هو انت شوفت سيف
مازن : اه هو اللى فتحلي الباب اصلا وندهلى طنط سناء
شيرين : اهاا ، طب بقولك ايه
مازن : ايه
شيرين : هو..هو ينفع يعني لماا نطلع دلوقتى وكده تقولهم يتغدوا معانا وتروح تنادى لسيف اصلهم بصراحة وحشونى ووحشتني القاعدة معاهم
مازن : مين دول اللى وحشوكى ياختى ؟؟
شيرين : احم..انا ماقولتش حاجة غلط انا قولت طنط سناء
مازن : وسيف
شيرين : ايه يا ميزو دا ابن خالتى واكيد ماقصدش ، دا انت اللى فى القلب
مازن : ايوة اضحكي عليا بكلمتين
شيرين : ههههه هو انا اقدر اضحك عليك بردو
مازن : اوك تعالى نطلع واقولهم يتغدوا معانا واروح انادى سيف عقبال ماتحضريلنا الغداء بايديكى الحلوين دول
شيرين : اوك يا حبيبي
عند سيف :
سيف لنفسه : ايه الملل ده ، هى ماما اتأخرت هناك كده ليه ، لما اكلم الواد باسل اشوفه
قرر سيف الاتصال بباسل لكى يشغل نفسه حتى عودة والدته…
باسل : الو
سيف : ازيك يابرنس
باسل : تمام ، انت عامل ايه
سيف : الحمدلله ، ايه فينك
باسل : موجود اهو فى الدنيا ، انت اللى فين
سيف : انا اهو يا سيدي ، بقولك ايه ماتيجي ننزل او نخرج نعمل اي حاجة
باسل : لا انا انهارة مش نافع
سيف : ليه
باسل : عندى مشوار مهم كده اخر النهارد
سيف : اممم قولتلى مشواار
باسل : لا دماغك ماتروحش بعيد دا حاجة تبع شغل بابا
سيف : شغل ايه يابني ، انت ابوك مسافرعلاطول
باسل : مهو حاجة كده زى ما تقول تقضية واجب
سيف : اوك ، لما تفضي ابقي كلمنى
باسل : اووك ، سلام
سيف : مع السلامة
وبعد انتهاء المكالمة…
سيف لنفسه : هو ماله ؟؟ اتغير معايا كده ليه ؟؟ اكيد فيه حاجة ولازم اعرفها
بينما كان سيف يحدث نفسه وجد جرس الباب يرن فتوقع والدته وقام بفتح الباب ولكن وجد امامه مازن ثانيةً…
فى الاوبرا عند ليليان :
ليليان : والله دى قلة ذوق ، يعني ايه الراجل مش جي انهاردة
احد العاملين بالاوبرا : انا معرفش يا استاذة بس الاستاذ صبري عبدالمجيد قاللي اجى وابلغ حضرتك بكده وانا عبد المأمور
ليليان : مين صبري عبدالمجيد دا كمان
وليد : دا الرئيس الادارى للمسابقة وهو اللى كلمنى امبارح
ليليان : طب هو ينفع اقابله
العامل : للأسف هو بعتني اقول الكلام ده لحضرتك ومشي وقالى ابقى تعالى بكرة تانى
ليليان : طب وليه العطلة دى كلها دا حتى المفروض يراعى ظروف الناس انا ماكنتش فاضية انهاردة وبالرغم من كدا جيت لكن بصراحة من الواضح ان اللي هيجي بعد الاستاذ وليد يكمل معايا انسان غير مسئول بالمرة ومواعيده زفت بجد حسبي الله ونعم الوكيل
بعد ان انهت ليليان كلامها وجدت من يتنحنح خلفها بصوته وعندما استدارت هى والاستاذ وليد رأت احد الاشخاص من يظهرعليهم الهيبة والاستعلاء…
الشخص : ممكن اعرف صوت حضرتك عالى ليه
ليليان : ممكن اعرف مين حضرتك وبتتدخل ليه فى خصوصيات الناس
الشخص : انا من حقى اعرف كل حاجة هنا
ليليان : اووك واضح ان حضرتك مسئول هنا ، دلوقتى انا واحدة من المتسابقين فى المسابقة اللى الاوبرا عملاها وكنت بتدرب مع الاستاذ وليد بس بصراحة جاتله مكالمة امبارح من المسئول الادارى وبيقوله كلام معناه اننا مستغنين عن خدماتك وان انا لازم اجى هنا انهاردة علشان اقابل اللى هيكمل معايا ، انا كان عندى مشاوير وظروف خاصة ماكانش ينفع ابدا اسيبها ومع ذلك جيت على نفسي واحترمت المعاد واحترمت الشخص اللي هيكمل معايا لكن من الواضح كده انه انسان مستهتر وبيضيع وقت الناس عالفاضي
الشخص : احب اعرفك بنفسي انا الاستاذ حسين الشرقاوى المدرب الجديد….قولتيلي انتى بقا المتسابقة اللي هكمل معاها ؟؟؟
ليليان : هاااه…..!!
حسين : مش هتشرفيني بأسمك ؟
ليليان :……..
حسين بنبرة صوت عالية مما افزع ليليان : انتى هتّنحيلي كتير
ليليان : انا…انا….
فى منزل السيدة سمية :
الجميع : هههههههه
سيف : عرفتى كانت ايه بقا المفاجأة اللى كنت مخبيها عليكي
سناء : ما كنت قولتلى ان شيرين جاية عالأقل كنت خليت العزومة دى عندنا
شيرين : بصراحة يا طنط انا اللى قولتله خليها مفاجأة
سيف : كان نفسي تشوفى خالتك وهى هتموت تعرف انا مخبي عنها ايه
سناء : ما انت قومت بالواجب ومثلتلهم انا عملت ازاى
سيف : لالالا ثانية واحدة ياجماعة لحسن تكون سوسو زعلت
سناء : هزعل من ايه يا حيلة بكرة ولادك يعملوا فيك اكتر من كده
الجميع : ههههههه
شيرين : انا هقوم اشوف الاكل وماتحكوش حاجة غير لما اجى
مازن : سيبك منها يا سيف وكمل انت دمك عسل والواحد بقاله كتير ماضحكش
شيرين : كددده ، طب مافيش اكل انهاردة
مازن : لالا خلاص هنستناكى
شيرين : ايوة كده
بعد ان رحلت شيرين :
مازن : الا قولى انت فى كلية ايه ياسيف
سيف : انا فى اعلام واخر سنة ليا
مازن : زى ليليان يعني
سيف : اة انا وهى دفعة واحدة
سناء : بس فاشل ، من ساعة ما اتلميت على باسل واصحابة وانت مابقيتش زى الاول
سيف : ربنا يخليكي ليا يا حبيبتي دايما فضحانى
مازن : بس معنى انك دخلت اعلام انك كنت شاطر فى الثانوية العامة
سيف : اة والله جايب المجموع بمجهودى
مازن : طب اييه ماجتش على اخر سنة شد حيلك
سناء : ابقي قوله ونبي يا مازن
سيف : ربنا يسهل ادعيلي
شيرين : يلا يا جماعة الغدا جاهز
مازن : اتفضلوا
عودة مرة اخرى لليليان فى الاوبرا :
حسين : هااا انتى اييه ؟؟
ليليان : انا..انا بعتذر لحضرتك
حسين : واضح كده انها مش بداية خير
وليد : ليه بس يا استاذ حسين ، دا ليليان والله محترمة جدا وكويسة
قاطعه حسين : اه فعلا مهو واضح
اكمل وليد : احم..هى والله بنت ممتازة بس عندها ظروف زى ماقالت لحضرتك و…
قاطعه حسين للمرة الثانية : والله انا اعرف ان مهما كانت الظروف اللى عند الانسان لازم يعرف كويس اوى ازاى يفصل بينها وبين تعامله فى حياته مع باقي الاشخاص والا كده ممكن يوقع نفسه فى مشاكل هو فى غنى عنها ، ولا ايه رايك يا انسة
ليليان : صح يا استاذ حسين ، انا بعتذر لحضرتك مرة تانية
حسين : انا ليا نظامى واحب ان اللى يتعامل معايا يمشي عليه واولهم الاحترام واحنا شكلنا كده مطولين مع بعض الفترة الجاية فياريت يكون فيه تبادل احترام ما بينا
ليليان : وانا اوعد حضرتك بكده
حسين : انتى بتقولى ان عندك ظروف وانا محترم الظروف دى ، تقدرى تروحى وانا هبقي اخد رقمك من الاستمارة وهحدد معاكى مواعيد التدريب
ليليان : اوك ، شكرا جدا لحضرتك
حسين : تقدرى تتفضلي
ليليان : مع السلامه
بعد ان ابتعد وليد وليليان عن حسين…
ليليان : انا خلاص يعتبر خسرت المسابقة ، انا حاسه انى هشوف اياام سوووودا الفترة الجاية
وليد : ماتقوليش كده يابنتي وانا هتابعك أول بأول وماتقلقيش من اى حاجة
ليليان : قلبي مش مطمن يا مستر وليد ، شكلي هحصل بابا قريب
وليد : بعدالشر عليكي ، هو واضح انه شخصية قوية حاولى تتجنبي المشاكل معاه واعمليله اللى هو عاوزة ، خلاص المسابقة قربت وما اعتقدش انه هيضايقك اوى
ليليان : ربنا يستر
وليد : اطمنى ان شاء الله خير
ليليان : شكرا يا مستر وليد على كل اللى عملته علشاني واكيد ربنا هيعوض تعب حضرتك ده خير وهستني حضرتك تكون موجود يوم المسابقة
وليد : انتى انسانة مجتهدة وبتحبي اللى بتعمليه وهو دا اللى انا طالبه منك انك تفضلي حابه اللى بتعمليه وتسعى وراء هدفك وانتى هتحققيه ، وان شاء الله هكون من اول الناس اللى هيحضروا المسابقة والمُشجعين كمان
ليليان : ميرسي بجد
وليد : ربنا يوفقك
ليليان : ياارب
وليد : يالا روحى بقا مش عاوز اعطلك اكتر من كده وابقي ابعتي مباركتى لريم وربنا يتمملها على خير
ليليان : الله يبارك فى حضرتك ، مع السلامة
وليد : سلام يابنتى
نعود مرة اخرى الى منزل سمية :
شيرين : طنط سناء عندها حق ياسيف لازم تشد حيلك شوية الامتحانات خلاص قربت
سيف : ان شاء الله
سمية : هى ليليان اتأخرت كده ليه ماتكلمها يا مازن
مازن : لسه مكلمها يا ماما وقالتلى انها خرجت من الاوبرا
سمية : هتروح لريم علاطول ولا هتقابل اصحابها ولا هتيجي على هنا
مازن : هتيجي على هنا وتجهز وبعدين قالتلى هتقابل نهى و انجى اصحابها وهيروحوا لريم
سيف : نهى !!!
سناء : نهى مين يا سيف
سيف باضطراب : لالا مافيش ، هى ليليان راحت الاوبرا ليه هو فيه حاجة يا طنط
سمية : اتصلوا بيها امبارح وكانوا عاوزينها ضرورى علشان موضوع المسابقة
سيف : اااه
مازن : ايه ده هو سيف عارف بموضوع المسابقة ؟
سيف : اة انا كنت مقدم فيها بالصدفة قبل ما اعرف ليليان ولما طنط تعبت شوية وكانت فى المستشفى فعرفت منها انها مقدمة فيه وكده
مازن : ااه ، طب وماحدش كلمك انت كمان بخصوص الموضوع دا
سيف : لأ ماحدش كلمنى
مازن : اوك ، لما تيجي نبقي نشوف ايه الحكاية
سيف : آآ..اومال فين عمر يا شيرين جه سلم علينا ودخل
شيرين : هو بيلعب جوا تلاقيه بس مش واخد عالجو الجديد والناس وكده
سيف : طب ينفع تدخليني العب معاه
شيرين : اة طبعا تعالا
سيف : اصل انا بحب الاطفال اوووى
شيرين : هههههه من امتى
سيف : احم..من زمان والله بس انتوا مش ملاحظين
مازن : هههههه خلاص يا شيري احرجتى سيف دخليه لعمر
شيرين : اووك
فى احدى الغرف بمنزل سمية والذى كان يوجد بها عمر…
شيرين : تعالا يا عمر ، اونكل سيف عاوز يلعب معاك
سيف : ايه دا انتى صدقتى
شيرين : يعني ايه
سيف : انا كنت عاوز اقولك حاجة بس مش قدامهم
شيرين : اهااا قول كده بقا
سيف : اعمل ايه ماكانش قدامى حل تانى وانتى الوحيدة اللى هتساعديني
شيرين : طب قول انت عاوز ايه
سيف : ممكن قبل ما اقولك تقوليلي هى ليليان رايحة فين انهاردة ؟
شيرين بغمزة : اشمعني ليليان ؟؟!
سيف : ردى عليا بس وانا هقولك كل حاجة
شيرين : ليليان رايحة خطوبة صحبتها ريم
سيف : ومين من اصحابها رايح ؟
شيرين : انا مش حافظة اساميهم يا سيف ماتفهمنى فيه ايه
سيف : مازن قال ان اسمهم نهى وانجى
شيرين : اها تقريبا
سيف : بصي بقا وركزى معايا انا عاوز اروح مع ليليان الخطوبة دى
شيرين : ليه ؟
سيف : اصل بصراحة فيه واحدة صاحبة ليليان وريم اللى خطوبتها انهاردة واسمها نهى ويعني انا شوفتها فى المستشفى لما كانت طنط سمية محجوزة فيها وبصراحة جذبتني ليها ونفسي اشوفها تانى ودى الفرصة الوحيدة اللى ممكن اقابلها فيها
شيرين : اممم قولتلى صاحبة ليليان
سيف : اه ، وبصراحة عاوزك تفكرى معايا على حل علشان اروح واقبلها ويابخت من وفق راسين فى الحلال
شيرين : هههههه ايه الكلام اللى انت بتقوله ده ، للدرجادى
سيف : للدرجادى اووى
شيرين : طب خلاص جهز نفسك وبدلتك وحالك كده واستني منى رد
سيف : يعني اعتمد عليكي فى الموضوع ده
شيرين : اهاا ماتقلقش ، بس هات رقمك علشان اكلمك
سيف بحماس : اووك ، اكتبي عندك …..01
سيف وبعد ان اعطى رقم هاتفه لشيرين : كده تمام اطلعى انت بقا وانا هقعد مع عمر شوية واحصلك
شيرين : اوك
عندما خرجت شيرين الى الصالون :
سناء : ايه يا شيرين كل ده جوا !!
شيرين : اها يا طنط كنت بعرفهم على بعض علشان عمر مش واخد على الجو الجديد وكده
سناء : اها ، ربنا يحفظه ويحميه يارب
الجميع : اللهم امين
سناء : طب انا هستأذن بقا علشان معاد العلاج بتاعى جه
سمية : ماتخليكي قاعدة شوية معانا ادينا بنسلي بعض
سناء : مرة تانية بقا ان شاء الله وحمدلله على سلامتكم
مازن وشيرين : الله يسلمك
سناء : ابقي نادى لسيف يا شيرين بقا
شيرين : اوك يا طنط
سناء : يلا سلامو عليكو
الجميع : وعليكم السلام
مازن وهو يوصل سناء الى باب المنزل : شرفتينا يا طنط الشوية دول
سناء : ربنا يخليك يا حبيبي ومعلش بقا لو تقلنا عليكوا
مازن : لا ما تقوليش كده حضرتك تنورينا فى اى وقت
سناء : تسلم يا حبيبي ، ابقي نادى على سيف بقا
مازن : خليه على راحته وهو لما هيزهق مننا هيجيلك ههههه
سناء : هههههه ده هيعملكوا ازعاج
مازن : لا ماتقوليش كده سيف زى اخويا
سناء : ربنا يحميكوا يابنى يلا مع السلامة
مازن : مع السلامة
عاد مازن الى الصالون وقد وجد سيف مقبل الى الباب : ايه يابني رايح فين احنا قاعدين شوية سوا
سيف : لا ياعم انتوا راجعين من سفر وعاوزين ترتاحوا
مازن : ههههههه
سيف : يلا استأذن انا بقا وشكرا عالعزومة الحلوة دى
مازن : بالهنا والشفا نورتنا
سيف : شكرا ، يلا عاوز منى حاجة
مازن : شكرا يا برنس
سيف : سلام
مازن : مع السلامة
عاد مازن مرة اخرى الى الصالون وبعد ان جلس : يااااه الدنيا دى صغيرة اوى
شيرين : اة والله يا ميزو عندك حق ، عمرى ماتخيلت انى اشوف طنط سناء دلوقتى خالص
سمية : ربنا يطولك فى عمرها يابنتي
شيرين : ياارب وليكي يا احلى ماما سمية
سمية : ربنا يخليكي يا حبيبتي
شيرين : الا قولى يا مازن انت هتودى ليليان ولا هتروح لوحدها ؟
مازن : والله مش عارف يا شيرين انا نفسي اوديها وما اسيبهاش تروح لوحدها ، بس مش عاوز اسيبكوا لوحدكوا
سمية : ما تقلقش عليها هى هتعرف تروح المكان مش بعيد اوى
مازن : بردو يا ماما هى بنت واكيد هتفضل هناك لحد اخر الليلة وهترجع متأخر وانا مش ضامن الطريق
شيرين : طب مازن انا عندى اقتراح بس مش عارفة هتوافق ولا لا
مازن : ايه
شيرين : ايه رايك لو سيف راح معاها يعنى يوديها ويستني ويرجعوا سوا
مازن : لالا هنتعبه معانا وبعدين هتبقي قلة ذوق اوى منى لو طلبت منه حاجة زى كده وهو مش هيرضى يحرجنى ، وكمان هيستناها فين ، لالا بلاش الموضوع ملخبط
شيرين : ليه بس مهو قاعد اهو مابيعملش حاجة وبعدين انت ناسي انه من اعلام وريم وليليان من اعلام يعني اكيد ريم عازمة ناس من الكلية ويمكن يروح يقابل اصحابه
مازن : مش عارف يا شيرين مش مستريح للحكاية دى
شيرين : على فاكرة يا مازن سيف محترم جدا جدا وانا اضمنهولك ماتقلقش
مازن : الحكاية مش كده
شيرين : طب ايه المشكلة بقا
مازن : حاسس هيبقي فيه احراج ليا ولسيف كمان
شيرين : طب هقولك على حاجة انا هكلمه وهشوف وكأنى مش قيلالك لو حسيت منه انه بيتهرب هغير الموضوع معاه وهبقي اجى اقولك انت تودى ليليان ولو حسيت انه مافيهاش اى احراج يبقي تمام
سمية : خلاص بقا يا مازن سيبها تجرب بس ياشيرين لو حسيتي باى رفض من ناحيته بلاش تضغطى عليه
شيرين فى نفسها : دا هو اللى هيموت ويروح
سمية : سمعانى يابنتي
شيرين : اها يا طنط ماتقلقيش
مازن : حتى انتى يا ماما موافقة
سمية : انا مضطرة يا مازن ، المرة اللى فاتت ربنا سترها والحاجة سناء لحقتنى وكلمت ليليان المرادى لو حصلى حاجة ممكن مانعرفش نتصرف وممكن تحصل مشكلة لليليان وتسيب المكان كله واكيد ريم هتبقي محتاجاها فى الوقت دا
مازن : بعد الشر عليكي يا امى
سمية : ربنا يسترها يابني
شيرين : خلاص بقا يا ميزوو هكلم سيف واشوف كده
مازن : اوك بس زى ما ماما قالتلك بلاش تضغطى عليه
شيرين : اووك
دخلت شيرين احدى الغرف واتصلت بسيف و…
سيف : هااا ايه الاخبار طمنيني
شيرين : اجهز يا سيف يالا
سيف : هوديها بجججد
شيرين : اهاا ، اتشيّك بقا والبس احلى حاجة عندك
سيف : ههههه اوك ، ميرسي اوى يا شيرين مش هنسالك الموقف ده
شيرين : عد الجمايل بقا
سيف : ههههههه ، هروح اجهز بقا
شيرين : اوك ، ولو طنط سناء سألتك بلاش تتكلم كتير علشان ممكن توقعك بالكلام
سيف : انتى هتوصيني على امي دا انا اكتر واحد حافظها
شيرين : اوك ، تقريبا ليليان جت يلا بقا مش هعطلك بااى
سيف : سلام
فى الصالون :
سمية : حمدلله عالسلامة يا حبيبتي
ليليان : الله يسلمك يا ماما
شيرين : حمدلله عالسلامة يا لي لي
ليليان : الله يسلمك يا شيري ، اومال فين عمر
شيرين : عمر دخلت عليه لاقيته نايم
ليليان : يا حبيبي
شيرين : قعد مستنيكي شوية وبعدين نام
ليليان : هههههه ماشي
مازن : ايه الاخبار فى الاوبرا طمنيني
ليليان : مش خير خالص يا مازن
مازن : ليه بس ايه اللى حصل
ليليان : جابولى مدرب جديد هيكمل معايا لحد معاد المسابقة وده اللى قالهولى مستر وليد امبارح اللى كان بيدربني
مازن : طب يعني هو قايلك من امبارح اومال فيه ايه
ليليان : انا روحت بقا انهاردة علشان اتعرف عليه ويعرفنى وكده ، فضلت انا ومستر وليد مستنينه ساعتين ونص وهو ماجاش وبعتولى مع عامل هناك انه مش هيقدر يقابلنى انهاردة ، روحت انا بقا مزعقة وقولت مواعيدة زفت المهم يعني غلط فيه وفى الاخر لقيت حد ورايا وطلع هو
سمية : ياالهووى
ليليان : اة والله يا ماما
شيرين : يانهار ابيض وبعدين
ليليان : بس انا بقا شوفته وهو عرفنى بنفسه وبقيت زى الخرصة قعد هو كمان يعلى صوته ويتكلم بس ماغلطش فيا وبعدين قالى روحى وهيبقي يكلمنى علشان اشوف المواعيد اللى هروح اتدرب فيها
مازن : ربنا سترها معاكى وكويس انه ماغلطش فيكي
ليليان : اة والله معاك حق ، هو ماغلطش اه بس كان بيقول كلام معناه كان يقصدنى
شيرين : معلش يا حبيبتي يوم وعدى
سمية : كويس انها جت على قد كده
ليليان : انا هقوم اجهز بقا يالا يا مازن اجهز انت كمان ولا هروح لوحدى
شيرين : لا مهو اصل مش مازن هو اللى هيوديكي
ليليان : اومال مين ؟؟ ولا هروح لوحدي ؟
شيرين : بصراحة س..سيف هو اللى هيوديكى
ليليان : ميييييين ؟؟!!!؟!

 

الحلقة السادسة والعشرون
ليليان : انا هقوم اجهز بقا يالا يا مازن اجهز انت كمان ولا هروح لوحدى
شيرين : لا مهو اصل مش مازن هو اللى هيوديكي
ليليان : اومال مين ؟؟ ولا هروح لوحدي ؟
شيرين : بصراحة س..سيف هو اللى هيوديكى
ليليان : ميييييين ؟؟!!!؟!
شيرين : سيف يا لي لي
ليليان : سيف مين ؟
سمية : سيف جارنا
مازن : مش هتصدقى طلع يقربلنا ايه يا ليليان
ليليان : هو كمان طلع قريبنا
شيرين : اهاا ، طنط سناء تبقي اخت ماما وسيف ابنها
ليليان : انتى بتتكلمى بجد !!!
شيرين : اها والله
ليليان : بس ازاى انا معرفهومش
شيرين : مهو يابنتى انا اتجوزت مازن وسافرت وبعدين طنط سناء اصلا جوزها تعب اليوم دا وروحت من الفرح بدري
ليليان : اهاا ، طب ليه سيف يجي ونتعبه ليه مهو مازن هيودينى
سمية : وافرضي انا تعبت زى المرة اللى فاتت هتضطرى تسيبي المكان هناك ومازن كمان وانا هنا مش هعرف اتصرف ربنا سترها المرة اللى فاتت
ليليان : ماما بعداذنك ماتقوليش الكلام دا تانى ان شاء الله مش هيحصلك حاجة وحشة
سمية : انا بس عوزاكى تبقي مبسوطة وماتشليش همى مازن هيبقي معايا وسيف محترم ومتربي كويس ومش هخاف عليكي وانتى معاه
شيرين : يلا بقا يا لي لي علشان ما تتأخريش اكتر من كده
ليليان : طب..طب هو مش هيتضايق
شيرين : لالا هو اصلا قاعد طول اليوم فى البيت مابيعملش حاجة خلاص يبقي نستغله بقا هههههه
مازن : روحى البسي واجهزى وانا هبقي اتصل بيكي كل شوية اطمن عليكي
ليليان : اوك
فى غرفة ليليان :
ليليان تتصل بريم…
ريم : الو يا لي لي
ليليان : الوو يا ريمووو عاملة ايه
ريم : الحمدلله ، ايه هتيجي امتى يابنتي
ليليان : انا فى البيت هجهز كده واجيلك ، انتى اللى فين
ريم : انا فى الكوافير يابنتي قدامى ساعة كده واخلص ان شاء الله
ليليان : ايه دا كدا مش بدري
ريم : بدرى ايه يا هاانم الساعة 6 وربع وكريم هيكون عندى الساعة 7
ليليان : اهااا صح ، اوك انا هخلص بسرعة واجيلك عالكوافير
ريم : لالا مش هتلحقي خلصي وروحى انتى عالبيت اكون وصلت
ليليان : مهو انتى كدا لوحدك
ريم : لا يابنتي مهو انا كلمت نهى وانجى وهما معايا
ليليان : اووك انا هخلص واروح عالبيت بس مش تتأخري بقا
ريم : ان شاء الله
ليليان : يلا مش هعطلك بقا باي باي
ريم : بااي
بعد ان اغلقت ليليان المكالمة مع ريم ذهبت لتأخذ شاور ثم صففت شعرها وتركته ينسدل على ظهرها مما ابرز جماله وطوله وجائت بطرفي شعرها من الجانبين وارجعتهم للخلف وثبتتهم بمشبك شعر على شكل الفراشة باللون الذهبي اللامع ثم جائت ببعض شعرها الامامى القصير قليلا الذي يصل الي اخر وجهها ومشطته الي جانب واحد ثم ارتدت فستانها الذي كان بلون الموڤ وكان من قماش الحرير وكان قصير من الامام يصل الي منطقة الركبة وينزل على طويل الى الخلف مصحوبا بذيل وكانت حمالاته عريضة بعض الشئ تنزل من على كتفيها…
انتهت ليليان من ارتداء ملابسها ثم خرجت الى والدتها ومازن وشيرين الذين ابدوا اعجابهم بشكلها كثيرا…
ليليان : هاا ايه رأيكوا
مازن : فوفوفوو ايه الحلاوة دى انا كده هعيد التفكير فى موضوع ان سيف يوديكي
شيرين : هههههههه بس بجد يا لي لي قمرر
ليليان : ميرسي يا شيري
سمية : بسم الله ماشاء الله عليكي يا حبيبتي ربنا يحفظك ويحميكي
ليليان : اميين يا ماما
سمية : خدى بالك من نفسك هاا وابعتي بقا سلامى لريم وطنط مروة
ليليان : اوك
اثناء كلامهم سويا رن جرس المنزل فقالت شيرين : اكيد دا سيف هروح افتحله
مازن : اوك
بعد ان ذهبت شيرين لكى تفتح الباب لسيف :
مازن لليليان : ليليان كلميني اول ما توصلي وطمنيني عليكي كل شوية ووانتى جاية كلميني بردو
ليليان : حاضر ما تقلقش عليا
مازن : سيف جاى يلا خدى بالك من نفسك
ليليان : اوك
سيف : مساء الخييير
الجميع : مساء النور
سيف : ها جاهزة يا ليليان
ليليان : اة جاهزة يلا
مازن : خد بالك منها يا سيف
سيف : اوك يا مازن ، واول ما نوصل هكلمك اطمنك
مازن : اوك ، هتروحوا ازاى
سيف : بعربيتي كله تمام
مازن : اوك ، تروحوا وتيجوا بالسلامة
ليليان وسيف : الله يسلمك ، سلام
الجميع : مع السلامة
نزل سيف امام ليليان لكى تأخذ راحتها فى النزول وسبقها وفتح لها باب السيارة …
سيف : نورتى العربية
ليليان : ميرسي
سيف : هنروح فين الاول عالكوافير ولا القاعة
ليليان : لا هى عملاها فى البيت علشان مافيش ناس كتيرة هييجوا يعني اهلها واصحابها واهل العريس ومش كلهم كمان هييجوا
سيف : ااه ، اوك قوليلي بقا على مكان البيت
ليليان : اوك
وبينما كان سيف يقود السيارة تبعا لارشادات ليليان اتصل امير بليليان…
ليليان : الو
امير : ازيك يا ليليان
ليليان : الحمددله ، ايه انتوا فين
امير : احنا خلاص داخلين اهو عالبيت انتى اللى فين
ليليان : انا كمان قربت ان شاء الله نوصل سوا
امير : اووك ، تعرفى حاجة
ليليان : ايه
امير : انا نفسي اشوفك اوى
ليليان : احم
امير : ايه مالك هو فيه حد جنبك
ليليان : اها
امير : اكيد مازن اخوكى ، كويس ان هو جاى علشان افاتحه فى موضوعنا بقا
ليليان : لا مش مازن اللى معايا
امير : طب مين ؟
ليليان : آآ..لما اجى هبقي اقولك
امير : اوك ما تتأخريش بقا
ليليان : اوك ، باي باي
امير : باي
سيف : هو وصل
ليليان : ه‍..هو مين ؟
سيف : اللى كنتى بتكلميه
ليليان : دا..دا امير اخو ريم صاحبتي وبيشوفنى وصلت ولا لا علشان ريم كانت بتسأله عليا
سيف بابتسامة : على فكرة انا ماقولتلكيش انتى كنتى بتكلمى مين
ليليان : انا عارفة وحبيت بس اوضحلك علشان مايجيش فى بالك حاجة غلط
سيف : هو انا ممكن اسألك سؤال
ترددت ليليان فى الموافقة على سؤال سيف وصمتت لبرهه ثم : اتفضل
سيف : طنط سمية قالتلى انك كنتى فى الاوبرا انهاردة هو كان فيه حاجة
ليليان : اااة جابولى مدرب جديد يكمل معايا لحد معاد المسابقة
سيف : طب واللى كان بيدربك ؟
ليليان : قالوله خد اجازة الفترة دى
سيف : طب وماعرفتيش ايه سبب التغيير ده
ليليان : لا ماحدش قاللى على اى اسباب ودا اللى مضايقني
سيف : امممم
ليليان : ممكن انا بقا اسألك سؤال
سيف : اكيد
ليليان : هو صاحبك اللى معاك فى الاوبرا اسمه ايه
سيف : اسمه باسل
ليليان : تفتكر يكون ليه علاقة بالموضوع دا يعني هو واصل اوى ممكن يعمل حاجة زى دى
سيف : لالا ما اعتقدش هو اصلا بقاله فتره مش بيروح ومش متظبط معايا حاسس ان فيه حاجة غريبة بتحصل معاه بس مش عايز يقولى
ليليان : ما انا بقولك هو ممكن يكون السبب فى الموضوع دا وخصوصا انى ضايقته لما كان بيكلمنى فى الاوبرا وسيبته ومشيت
سيف : باسل طول عمره بيعمل اللى هو عاوزة وفى اى وقت ماحدش بيقوله لأ مامته متوفيه وباباه مسافر دايما واخته اصغر منه بسنتين تقريبا فماحدش بيعترض على اى حاجة هما الاتنين بيعملوها ، انا ساعات مابتعجبنيش تصرفاته وبحاول انصحه بس هو اللى راكب دماغه ، بصراحة كده عمر ما فيه واحدة عجبته الا وخلاها تكلمه او بالمعنى الصح وقعها فى مصيدته ، فلما انتى جيتي وهو ماعرفش يعمل معاكى زى باقى البنات اتضايق وساعتها استحلفلك بس ماعتقدش ابدا انه يأذيكي بالطريقة دى
ليليان : بعد الكلام اللى انت قولته انا اتأكدت اكتر انه ممكن يكون هو السبب فى اللى حصل
سيف : لو هو اللى ورا الحكاية دى هيبان فى يوم من الايام بس بلاش تظلميه لحد ما تعرفى حقيقة الموضوع
ليليان : ربنا يسهل ، هنلف من النيو تيرن الجاى دا ياسيف
سيف : اوك
بعد قليل من الوقت وصل سيف وليليان الى منزل ريم وعند وصولهم…
ليليان : ايوة اركن عند العربيات دى ياسيف
سيف : اوك
ليليان : ريم شكلها لسه جايه
سيف : ااه الناس نازلة من عربياتها
ليليان : اها
سيف : طب لو عاوزة تنزلى علشان تلحقيها روحى انتى وانا هبقي اجى
ليليان : مش مشكلة بقا
سيف : ليه انا بتكلم بجد روحى الحقيها وانا هركن العربية وهطلع
ليليان : اوك بس ماتتأخرش بقا
سيف : اوك
ليليان بابتسامة : ميرسي بجد ياسيف
بادلها سيف نفس الابتسامة ثم نزلت ليليان من سيارتها واتجهت نحو مدخل البناية التى تسكن بها ريم وبينما هى متجهه للداخل حتى سمعت احد الاشخاص ينادى عليها وعندما نظرت خلفها وجدت…
ليليان : امير !
امير : ليليان !!
ليليان : انتوا وصلتوا من بدرى ولا لسه جايين
امير :….
ليليان : احم..امييير
امير : هااه !!
ليليان : ايه مالك ، بقولك وصلتوا من بدرى ولا لسه جايين
امير : احنا لسه جايين وريم لسه طالعة حالا
ليليان : اوك يلا نطلع
امير : ليليان
ليليان : نعم
امير بنظرات اعجاب : انتى ازاى كده ؟؟
ليليان : ا..ازاى …ايه ؟؟
امير : انتى ماشوفتيش نفسك فى المراية قبل ماتنزلى ولا ايه
ليليان : مالى يا امير فيه حاجة مش مظبوطة فيا ؟؟
امير : بالعكس انتى كل حاجة مظبوطة فيكي ، انا خايف حد يشوفك فوقك وانتى بالجمال دا ، نفسي احطك جوا عيني واقفل عليكي واحافظ عليكي من عيون الناس
اكتفت ليليان بابتسامة بسيطة ثم نظرت الي الارض
امير مكملا : انا عندى اقتراح حلو اوى
ليليان : اقتراح ايه
امير : ماتيجي نروح نقعد فى اى مكان هادى وسيبك من كل اللى فوق دول
ليليان : ههههه
امير : بقولك ايه تعالى نطلع قبل ما اخطفك من هنا ومن عيون الناس وماحدش هيمنعني
ليليان بابتسامة : اوك اوك ، يالا
امير : يالا اخطفك ؟؟
اقتربت ليليان من امير وبنفس الابتسامة امسكت يده وقالت له : لأ ، يالا نطلع لريم
صعد امير وليليان بالمصعد الكهربائي الى منزل ريم ولكن سيف شاهد كل ما حدث منذ قليل….
سيف لنفسه : اممم هى الحكاية بقا كده
وصل امير وليليان الى المنزل الذي كان مُزين بطريقة رائعة حيث اعمدة البالونات الطويلة وكثرة الاضواء والكراسي المصفوفة بطريقة منظمة والمقعدين الخاصين بكريم وريم…
ليليان : وااااو المكان تحفة
امير : علشان انتى فيه
ليليان : احم..انا..انا هروح لريم
امير بابتسامة : اوك
اقتربت ليليان من ريم واحتضنتها بشدة هامسة فى اذنها : الف مبروووك يا روحى وعقبال الفرح
ريم : الله يبارك فيكي يا لى لى ، بس ايه الحلاوة دى هتاكلى منى الجو
ليليان : ههههههه لا ماتقوليش كده دا انتى عروسة الليلة
امير : اة على فكرى ياريم ليليان شكلها احلى منك
ريم : بقا كدده اوك لو انت شايف كده يا روميو انا موافقة
ليليان لكريم : الف مبروك ياكريم
كريم : الله يبارك فيكي عقبالك
ليليان : ميرسي
امير : تعالى يا ليليان عاوزك شوية
ليليان : اوك
سحب امير ليليان من يدها الى الشرفة الموجودة بالمنزل ولكن عند ريم وكريم :
كريم بغمزة : هو ايه الحوار
ريم : الحوار طووويل
كريم : ههههههه طويل ازاى
ريم بابتسامة : بيحبوا بعض
كريم : ليليان !!
ريم : اهاا هبقي احكيلك بعدين
كريم : اوك ، بس بصراحة سيبك من كلام امير انتى بجد اميرة الليلة
ريم : ميرسي يا كريم
كريم : قولى كده تانى ونبي
ريم : ميرسي
كريم : لأ قصدي قولى كده اسمي تانى
ريم : خلاص بقا بلاش تكسفنى ، سيبها وهى هتطلع لوحدها
كريم : لا لو ماقولتيش اسمي بجد هزعل
ريم : تزعل منى بردو يا كيموو
كريم : هو الموضوع فيه كيموو !! لا انا كده ممكن اتهوّر انهاردة
ريم : ههههههه
دخل سيف الى المكان وظل ينظر الى الجميع فهو لا يعرف اى شخص فى هذا المكان ولكنه ظل يبحث عن احدهم حتى وجده ، وما ان رآه حتي رسم ابتسامة بلهاء على وجهه وتوجه اليها حتى وقف خلفها و…
سيف : مش معقوول انا امى بتحبني ودعيالي علشان اشوفك انهاردة
نهى : هو انت
سيف بنفس الابتسامة : اه انا
نهى : طب عديني بعد اذنك
كانت نهى ستبتعد من امام سيف ولكن حجزها بجسده الرياضي وجائت تتحرك للاتجاه الاخر فسد عليها الطريق مرة اخرى…
نهى : الله !!
سيف : فيه ايه ؟
نهى : سيبني اعدى
سيف : هو انا مانعك
نهى : ايوة كل ما اروح فى حته تقف قدامى
سيف : ودا معناه ايه
نهى : وانا ايه اللى يعرفنى
سيف : انا موجود علشان اعرفك كل حاجة
نهى : اووف
سيف : حلو اوى طالما مش طايقة نفسك كده يبقي تسمعيني ، انا ک..كنت عاوز اتكلم معاكى شوية ممكن
نهى : تتكلم معايا اكتر من كده ؟؟
سيف بعصبية بسيطة : هو انا لسه قولت حاجة
نهى : وبعدين تتكلم معايا بصفتك ايه ؟؟
سيف : بصفتى انى ناوى اخطب قريب ان شاء الله وابقي عريس
نهى بانزعاج من كلماته هذه : والله ! طب وانا مالى ايه جاى تعزمنى مثلا ؟
سيف : اكييد ، انتى زميلة فى الجامعة
نهى وبسرعة : انا بالنسبالك زميلة فى الجامعة وبس ؟؟؟
سيف : ايه داااا ، ايوة بقا طلعى اللى جواكى
نهى : انا…انا ماقصدش
سيف : انا بقا اقصد
نهى : انا عاوزة اعدى بعد اذنك سيبني امشي بقا
سيف : بس انا عاوز اكلمك فى موضوع مهم
نهى : وانا مش عاوزة اتكلم
سيف : نهى انا عاوزك انتى !!
نهى : نعععم !!! انت..انت اكيد بتهزر
سيف : لا انا بتكلم بجد ايه الهزار فى اللى انا بقوله
نهى : ع..عاوزنى ازاى ؟؟
سيف : يعني مش عارفة
نهى بتردد : ووانا هعرف منين ؟
سيف : اوك انا هعرفك ، انا من ساعة ماشوفتك وانا معجب بيكي وحاسك مختلفة عن باقي البنات وحسيت تجاهك بشعور حلو اوى وبفكر فيكي طول الوقت وبصراحة كدا عاوز اجى اتقدملك
نهى : اممم وياترى قولت الكلام دا لكام واحدة قبلى
سيف بحدة : انتى ليه مش مصدقانى
نهى : علشان ببساطة ماحدش بيحب حد شافه مرة واحدة ويتعلق بيه للدرجة دى
سيف : كداب اللى قالك كدا ، ولو انتى مقتنعة بالكلام دا فانا عندى استعداد اغيرلك رأيك
نهى : انا عمرى ما هغير رأيي لان دى الحقيقة واى حاجة تانية كلام مجانين
سيف : طب ممكن تدينى فرصة وتسمعى كلام المجانين
نهى : اسفة انا مش هينفع اقف معاك اكتر من كدا
سيف : والله مش هطول عليكي انا..انا بس عاوزك تسمعيني انتى ليه رافضة ؟؟
نهى : ع..علشان انا ما اعرفكش
سيف : وهتعرفيني منين طول ما انتى مش عاوزة تسمعيني
نهى :……
سيف : ياريت تخليكي ساكته كدا لحد ما اخلص كلامى
نهى : اوك اتفضل
سيف : اولا طالما وافقتى انك تسمعيني يبقي انتى عاوزة تعرفى انا مين ودا بالنسبالى حاجة كبيرة جدا ، ثانيا ليه لما حد بيقول انا حبيت فلان من اول مرة شوفته فيها ماحدش بيصدقه وبيقولوا عليه مجنون وكداب…انا هقولك ليه لانهم ببساطة مش عارفين ايه اللى جوانا تجاه الشخص دا ، انا ممكن اكون اتعلقت بيكي من اول مرة شوفتك فيها ودا فعلا حصل مش ممكن كمان وشاغل نفسي بيكي طول الوقت ، دايما بفكر فيكي ليل ونهار تفتكرى ليه ؟ علشان انتى علقتيني بيكي ، انتى ممكن ماتصدقينيش بس انا عاوز اثبتلك ان كلامى صح وبعرض عليكي انى اجى واتقدملك ودا يثبتلك حسن نيتي مش انى حابب اقضى وقت معاكى وخلاص
ظل سيف يقنع نهى بكلامه وهى كانت منصته له بشدة لكل كلمة قالها لقد اثبتلها حقا حسن نيته وهذا لم تتوقعه بهذة السرعة ولكن بدأت تقتنع بكلامه وتوافقه في كل ما يقوله….
فى نفس الوقت كان ليليان وامير سويا بالشرفة الملحقة بالمنزل….
امير : يعني هو جارك بس ؟
ليليان : امير انت ليه مش عاوز تفهمنى ، انا بقولك هو جارى فى البيت ويبقي ابن خالة شيرين مرات مازن اخويا ومافيش بيننا اى حاجة انت ليه مصمم انه معجب بيا
امير وقد بدأ يهدأ قليلا : انتى اى حد يشوفك لازم يُعجب بيكي على فكرة
ليليان : انت فى ايه ولا في ايه ، مش كنا بنتكلم فى موضوع معين
امير : وانا خلاص صدقتك
ليليان : امير انت بتتكلم بجد
امير : اة والله بجد ، مش زى ناس بتزعل بالأيام على حاجات مش صح بردو
ليليان : احم..ت..تقصد مين
امير : اقصد مين !!
وفى هذة اللحظة رن هاتف امير فجاوب على المتصل قائلا :
امير للمتصل : اهلا يا باشا انت فين
المتصل : خلاص انا وصلت اهو تحت العمارة بس معرفش انتوا فى اى شقة
امير : طب دقيقة واحدة ، انا نازلك
المتصل : اوك
بعد ان اغلق امير مكالمته نظر الى ليليان ثم قال لها : هنكمل كلامنا بعدين انا هنزل اجيب واحد من تحت وجى
ليليان : اوك بس بلييز ما تتأخرش
امير : اوك
كان امير يتجه ناحية باب البيت ولكن اوقفته والدته قائلة : يالا يا امير علشان اختك تلبس الشبكة
امير : دلوقتى يا ماما
مروة : اة دلوقتى
امير : طب انا هنزل اجيب حد بسرعة من تحت واول ما اطلع اعملك اللى انتى عوزاه
مروة : طب ياريت ما تتأخرش
امير : ماتقلقيش يا ماما هو تحت البيت ، عن اذنك
نزل امير لكى يصطحب احدهم الى خطبة ريم بينما هاتفت ليليان اخيها مازن لكى تطمئنه على احوالها…
وعندما انهت ليليان مكالمتها كان امير قد صعد بضيفه وسلم عليه ثم تركه باحدى الزوايا واتجه الى والدته وريم ، ما ان رأته ليليان ورأت مروة تمسك بعلبة من اللون الاحمر حتى فهمت ان هذا موعد ارتداء ريم لشبكتها فاندفعت مسرعة نحو ريم ولكنها صُدمت بكتف احد الاشخاص المدعوين وما ان التفت بوجهها حتى تعتذر له رُسِم على وجهها علامات الدهشة والغضب قائلة : هو انت !!!! انت بتعمل ايه هنا ؟؟؟
باسل : انتى تاااانى !!!

 

الحلقة السابعة والعشرون
نزل امير لكى يصطحب احدهم الى خطبة ريم بينما هاتفت ليليان اخيها مازن لكى تطمئنه على احوالها…
وعندما انهت ليليان مكالمتها كان امير قد صعد بضيفه وسلم عليه ثم تركه باحدى الزوايا واتجه الى والدته وريم ، ما ان رأته ليليان ورأت مروة تمسك بعلبة من اللون الاحمر حتى تفهمت ان هذا موعد ارتداء ريم لشبكتها فاندفعت مسرعة نحو ريم ولكنها صُدمت بكتف احد الاشخاص المدعوين وما ان التفت بوجهها حتى تعتذر له رُسِم على وجهها علامات الدهشة والغضب قائلة : هو انت !!!! انت بتعمل ايه هنا ؟؟؟
باسل : انتى تاااانى !!!
ليليان : انت بتمشي ورايا وبتراقبني
باسل : ليييه يعني كنتى السندريلا ، انتى شايفة نفسك على ايه
ليليان : اومال انت هنا بتعمل ايه
باسل بابتسامة غيظ وهو يقترب منها : وانتى بتسألي ليه
ليليان : و..وانا هسأل ليه ابعد عنى
باسل : انا بعيد اهو انتى اللى واقفة معايا
نظرت له ليليان نظرة مليئة بالغضب ثم ابتعدت عنه متوجهة الى ريم….
علت الاصوات والمباركات لكريم وريم وهو يلبسها خاتمها وكانوا فرحين كثيرا من اجلها…
وعندما انتهوا اقترب تامر من كريم..
تامر : مبرووك ياعريس
كريم وهو يحتضنه : الله يبارك فيك يا برنس
تامر : عقبال الفرح بقا
كريم : يااارب
تامر : هههههه ما تستعجلش
كريم : كله على الله
عند ريم :
انجى : مبروك اريمووو
ريم : الله يبارك فيكي يا روحى عقبالك
انجى : سامع يا تامرر
تامر : ربنا يسهل يا حبيبتي
انجى : هو دا اللى باخده منك
تامر : خلى ريم تحنن قلب كريم عليا واروح اشتغل معاه فى شركة ابوه وانا اتجوزك من بكرا
كريم : ااااه ماهى المصالح بتتصالح
تامر : لا ما تقولش كدا يا كيمو دى فرصة بس مش اكتر
الجميع : ههههههه
انجى : اهى نهى جاية هناك اهى
ريم : انا عاوزة اجتماع حالا
كريم : اجتماع !! اجتماع ايه ؟
انجى : ههههه اشطا يلا ياريم الحوار شكله اشتغل مع نهى
ليليان : ههههه اها انا كمان حاسه كدا
نهى : الف مبروك يا ريموو ، انا سامعة اسمى
انجى : ايووة فعلا وفيه اجتماع حالا
نهى : استررر هو الاجتماع عليا انا المرادى
ليليان : ايوووة يلا قدامى
ريم : اة اة يلا
كريم : يلا فين انا مش فاهم حاجة
ريم : خمساية ورجعالك فيه حاجة بس هنتكلم فيها وراجعين
كريم : لازم يعني
ريم : اها ، مش هتأخرعليك
كريم : اوك ، تعالى يا تامر جرب احساس العروسة ههههه
تامر : هههه سخيفة زيك بس مافيش مانع
مى : ايه دا قوم يا تامر خليني اقعد جنب اخويا
تامر : ما انتى معاه فى البيت 24 ساعة فى البيت
مى : بقولك اوعى انا هقعد يعني هقعد
كريم : معلش اتامر خليها تقعد لحسن هتموت وتجرب احساس العروسة ههههههه
تامر : هههههههه
مى : ايه الهزار البايخ دا ، تصدق انا همشي
كريم : يلا اتكلى
مى : بارد
كريم وهو يقلد هيئة البنات : ميرسي
فى شرفة منزل ريم :
ريم : شكلك يا نهى لقيتي عريس
ليليان : لالا دا جى معايا
انجى : اوباا يعني انتوا لغبطتونى دلوقتى هو تبع ليليان ونهى لقطته منها ولا هو جى مع ليليان وطنشها وقام مكلم نهى
ليليان : لا يا انجى هو جى معايا بس شكله جاى علشان حد معين كدا
نهى : بس بقا كفاية ، ليليان قوليلي كل اللى تعرفيه عن سيف وانا هحكي ليكوا عن كل حاجة
ريم : الله هو اسمه سيف
انجى : اسمه حلو اوى
نهى : اللهم طولك يا روح ، هروح انادى على كريم واهو لسه فى البداية
ليليان وريم وانجى : هههههههه خلاص هنسكت
انجى وهى تتصنع الجدية : خلاص بجد يا لي لي احكى
ليليان : ههههه اوك ، بصوا باختصار…
قاطعتها انجى : لالا واختصار ليه احنا بنحب التفاصيل
ريم : اهاا اوووى بنعشقها
ليليان : هههههههه
نهى : انتوا هتعملوها حكاية
ليليان : خلاص هحكي بجد ، هو يبقي جارنا لسه جاى جديد فى العمارة اللى انا ساكنة فيها وكمان مشترك فى مسابقة الاوبرا معايا بردو بس انا لما شوفته فى الاوبرا ماكنتش اعرف انه جارنا
نهى : طب وعرفتى امتى
ليليان : لما ماما تعبت وجه هو ووالدته المستشفى انا عرفت
نهى : ايوة ازاى بردو
ليليان : مهو لما ماما تعبت طنط سناء دى هى اللى كلمتنى وقالتلى انها لما خبطت عليها ماكانتش بترد ولا تفتح ولما جت المستشفى وقالتلى ان دا ابنها فانا عرفت
انجى : اها كملى
ليليان : بس بقا طلع سيف دا قريبنا
نهى : قريبك !! احنا عمرنا ما سمعنا عنه
ليليان : مهو لما مازن اخويا نزل مصر هو ومراته وابنه اكتشفت ان طنط سناء دى تبقي خالة شيرين
ريم : وسيف يبقي ابن خالة شيرين
ليليان : هههههه الله ينور عليكي
نهى : طب هو مخلص كلية ولا لسه وبيشتغل ولا لا
ليليان : يابنتي طالما انتى مهتمية اوى كدا روحى اسأليه
نهى : لالالا انا..انا عمرى ما اروح اسأل حد عن تفاصيل حياته
ليليان : طب واللي يتمنى انك تسأليه يبقي لا بردو
نهى : هو قالك حاجة
ليليان : لا بس قالك انتى وباين عليكي ( بغمزة )
نهى : انتى…انتى ما جاوبتيش عليا
ليليان : هو معانا فى الكلية يا نهى
انجى : اااه يا محظوووظة
الجميع : هههههههه
نهى : ما انتى كمان معاكى تامر
ليليان : المهم دلوقتى انتى ايه الاخبار انا حكيت كل اللى عندى وعاوزة اسمعك
نهى بابتسامة : بصي يا لي لي انا حاسه انى مبسوطة من شكله وطريقة كلامه وكل حاجة
انجى : والله انا كنت حاسه بكدا لما اتقابلتوا فى المستشفى
نهى : بس بردو دا حد غريب عليا ومش عاوزة اتعلق بيه وبعدين هو دخل حياتى مرة واحدة ازاى اتعود عليه بالسرعة دى وانا مش عرفاه
ليليان : هقولك على حاجة.. ساعات فيه ناس بتدخل حياتنا بطريقة غريبة بيغيروا تفكيرنا وحالنا وبيبقي ربنا باعته لينا يبقي ليه نقول لا
نهى : انا ماقولتش لا بس خايفة
ليليان : لو هتفضلي طول عمرك خايفة يبقي هتفضلى زى ما انتى فى مكانك ، انتى لازم تقابلى ناس وتتعاملى معاهم واللى بعد كدا فى ايد ربنا ، يانهى الفرصة بتيجي لينا مرة واحدة فى الحياة واهم حاجة اننا نحافظ عليها ومانضيعهاش من تحت ايدينا بسهولة
انجى : الله يا فنانة
ليليان : ههههه ميرسي
ريم : يعني يا نهى خلاصة الكلام المصيدة بتاعتك شبكت ولازم تطلعيها مليانة بس مليانة حب وكل حاجة حلوة
نهى : يعني دا رأيكوا
الجميع : اهاا
انجى : يلا بقا عاوزين افراح كدا ورا بعض يبقي خطوبتك يا نهى عليها الدور
نهى بابتسامة : يارب
فى مكان اخر بالمنزل صعد شاب فى مقتبل السادس والعشرين من عمره طويل القامة تتميز بشرته باللون الابيض والعيون العسلية المُشبعة بالخيوط الزيتية والشعر المائل للون البني ذا انسيابية تخطف الانظار حيث يأتى بمقدمة اصابعه ويغرزها بين خصلات شعره ويأتى بها يمينا ويسارا فتشبه امواج البحر المتقاربة من بعضها البعض ويترك البعض الامامى منها ينزل على مقدمة رأسه فيعطيه مظهر اكثر جاذبية ، بالاضافة الى لياقته البدنية العالية والجسد القوي حيث العضلات البارزة والى اللحية الخفيفة التى تُزين وجهه…..
ظل يبحث هذا الشاب بعينيه عن احدهم وعندما وجده فابتسم ابتسامة بسيطة مما اظهرت وجود ما يُسمي بالغمازات على وجنتيه ثم اتجه الى…
ادهم : امير !!
امير : ادهوووم حمدلله عالسلامة
ادهم : الله يسلمك
امير : اتفضل
ادهم : ميرسي
ادهم صالح هو رفيق امير فى عمله فى فرنسا وايضا كان يذهب معه الى تمارين الغناء والعزف ولكن بعكس امير ، فامير كان يذهب لقضاء وقت فراغه اما ادهم فكان مهتم جدا بهذا الموضوع وكان يمثل له حياته ودخل مسابقات واشترك فى عروض وحفلات وكان دائما يجذب الانظار اليه…
اخذ امير ادهم واتجه بها الى ريم :
امير : دى ريم اختى يا ادهم
ادهم : اهاا الف مبروك ( وقد مسك يدها وانحنى انحنائه بسيطة ثم قبل يدها وابتسم لها ثم ترك يدها مرة اخرى )
اغتاظ كريم جدا من هذة الحركة فلم ينتظر حتى يُعرفه امير له فمدد كريم يده الى ادهم قائلا : وانا كريم خطيب ريم
فهم ادهم سريعا ما حدث فها هو بحركة لطيفة منه قد اثار الغضب فى نفس كريم ثم تابع ب : اها الف مبروك وربنا يتمم على خير
كريم : هيتمم على خير ان شاء الله
عندما انتهى كريم من كلامه امسك امير بيد ادهم ثم توجه به الى شرفة المنزل وسط الحاضرين فعقب ادهم قائلا : يابني قايلك مليون مرة ما تسحبنيش كدا قدام الناس منظرى ايه انا دلوقتى قدامهم
امير : هههههه انت هتفضل طول عمرك تهتم بشكلك وبرستيجك قدام الناس لحد امتى ياعم خليهم يعرفوك على حقيقتك وبلاش الوش الخشب اللى مصدره طول الوقت دا
ادهم : الطيب ما بقاش ينفع مع الناس لازم تبقي فى نفس التعامل يا اما هتضيع فرص كتيرة من تحت ايدك ، صدقنى الحنية والدلع والطبطبة طول الوقت بتخلى نفس الواحد تاخد على انها حاجة طبيعية فى الشخص اللى قدامك انما بقا لو طلعتها فى الوقت الصح اللى انت محتاجه بس ساعتها كل اللى حواليك هيسقفولك ويقولولك مابقاش فيه منك كتير
امير : يمكن
ادهم : مش يمكن دا اكيد ، بدليل ان كل اللى بتتعامل معاهم اكيد خدوا عنك انطباع انك الولد الطيب اللى بيحاول يرضي كل اللى حواليه ودا ممكن يظلمك فى وقت من الاوقات
امير : ياعم انا مبسوط كدا وفيه ناس بتحبني كدا
ادهم : قصدك اتعودوا على انك علاطول كدا
ظل ادهم يقنع امير بتغيير تفكيره وتصرفاته خوفا عليه ليس اقل ولكن امير كان مقتنع كدا بما يفعله….
فى مكان اخر بالمنزل :
سيف : الله باسل بيه منورنا هنا ، ايه المفاجأة الفظيعة دى
باسل : ايه دا انت بتعمل ايه هنا يا سيف
سيف : انت اللى بتعمل ايه هنا ، مش انا مكلمك وقولتلى وراك مشاوير تبع شغل باباك
باسل : ايوة فعلا انا ماكذبتش
سيف : والله !! حفلة خطوبة ايه اللى يدخلها تبع باباك
باسل : بص يا سيف من الاخر علشان مش هينفع ارغى معاك كتير ، امير اخو ريم العروسة بيشتغل فى شركة بابا اللى فى فرنسا وماسك معظم الشغل هناك فهو اتصل عزم بابا وراح بابا مكلمنى اجى انا علشان هو كالعادة مسافر
سيف : امممم
باسل : انت بقا بتعمل ايه هنا
تردد سيف فى اخبار باسل الحقيقة ولكنه حسم قراره ب : انا جاى مع ليليان
باسل : ليليان !!
سيف : اه
باسل : اااه ما انت لازقلها فى المستشفى لما امها تعبت وفى البيت وكمان فى الحفلة
سيف : انت عرفت منين كل دا
اضطرب باسل من سؤال سيف ولكن حاول اخفاء اضطرابه قائلا : بس عرفت توقعها يا سيف بجد برافو دا ايه التقدم دا
سيف : انا ماوقعتش حد ، ليليان طلعت قريبتي وكمان انت عارف كويس اوى انى نقلت البيت الجديد قبل ما نشوفها فى الاوبرا اصلا باسبوع
باسل : اممم قولتلى قريبتك
سيف : اة وجايه معايا ، مش انت قولتلى انها فاكس بالنسبالك خلاص سيبها فى حالها وشوف اى حاجة تانية تعملها
باسل : ايوة انا فعلا قولت كدا بس مابحبش حد يلوى دراعى ياسيف وانت عارف كدا كويس
سيف : ماحدش جه جنب دراعك يا باسل
باسل بضحكة بها شئ من السخرية : ههه مش دى اللى قولتلى انها محترمة وبلاش تظلمها هى عملت زى ما قولتلك بظبط حبت توقعنى وتخليني افكر فيها فعملت علينا الشويتين بتوع الاوبرا لكن شوفها دلوقتى بقا واقفة مع امير وبتضحك وبتهزر وانا بصراحة ماحبش اكون نفسي فى حاجة ويجي حد تانى ياخدها وليليان بالذات كان نفسي فيها
سيف : انت بتشوف اللى انت عاوز تشوفه هى مش واقفة مع امير بس دى حواليها زمايلها وبيضحكوا كلهم سوا و….
قاطعه باسل : اييه ياعم اهدى على نفسك شوية هى عينتك المحامى بتاعها وانا مش واخد بالي
سيف : ايه الطريقة الغريبة اللي بتكلمنى بيها دى
باسل : ولا غريبة ولا حاجة افتكر انك اللى اختارت انك تبعد وماتجيش تكلمنى تانى وزى ما قولتلك الحاجة اللى ببقي عاوزها وحد تانى بيجي ياخدها يا اما باخدها غصب عنه يا اما مابخليهوش يتهني بيها ، سلام يا…يا صاحبي
سيف فى نفسه : يعني ايه اللى بيقوله دا ، هو ممكن فعلا يكون هو السبب فى اذية ليليان وموضعها بتاع الاوبرا ؟؟ وهو عرف منين موضوع تعب والدتها وانى روحت المستشفى ؟؟ دا انت بتلعب من تحت لتحت بقا ياباسل !! اوك وانا هفضل وراك لحد ما اشوف اخرتها معاك يابن السويفي
فى وسط الانشغالات والاحتفالات وجدت ليليان من ينادى عليها فتوجهت اليه…
ليليان : ايوة يا طنط محتاجة اعمل معاكى حاجة
مروة : ماشوفتيش امير
ليليان : امير كان لسه واقف معانا بس ماعرفش اختفى فين مرة واحدة
مروة : تلاقيه مشغول طب ينفع اطلب منك طلب
ليليان : اة طبعا يا طنط
مروة : ممكن بس تنزلى تنادى على عم سعيد البواب علشان محتجاه ضرورى
ليليان : اوك يا طنط ماتقلقيش دقيقة واحدة ويكون عندك
مروة : معلش يا لي لي هتعبك معايا
ليليان : لا يا طنط مافيش تعب ولا حاجة ، هنزل اشوفه حالا واخليه يطلعلك
مروة : اوك يا حبيبتي ميرسي
توجهت ليليان الي باب المنزل ودلفت الى الخارج ولكن كان يوجد انظار تتابعها ، نزلت ليليان الي اسفل وظلت تبحث بعينيها عن عم سعيد البواب ولكن بلا جدوى فهى لا تراه وظلت تنادى عليه حتى وجدت من يرد عليها من خلفها…
باسل : القمر بيدور على مين
ليليان :…..
لم ترد ليليان على باسل وظلت تبحث عن عم سعيد البواب وتنادى عليه ثم خرجت الى الشارع لكى تبحث عله جيدا ، فاستفزت باسل بعدم الاهتمام به وكأنه غير موجود ، وفجأة وجدت ليليان من يمسكها من يدها بحدة ويهز بها وبصوت عالي وبه حدة : انتى ليه ما بترديش عليا ؟؟؟
ليليان : انت مجنون !! سيبني
باسل : انتى بتعملى معايا كدا ليه ، ليه بتبعدى عنى انا عاوزك انتى وبس
ليليان وبصوت عالى : انا مش عوزاك وابعد عنى بقاااا
باسل : مش هبعد عنك وامير اللى انتى فرحانة بيه دا قريب اوى همحيه من على وش الارض وانتى هتبقي بتاعتي انا وبس
ليليان : انت مالك ومال امير ، ابعد عنه وعنى وسيبني فى حالى بقا حرام عليك انت ما بتزهقش
اشتدت المناوشات بين باسل وليليان وكان ادهم يتابع كل هذا بعينيه ولم تهتز له شعره ولكن عندما وجد باسل يجر ليليان بالغصب الى سيارة مصفوفة بجوار المنزل حتى اسرع ناحية الباب ونزل على السلالم سريعاً حتى وصل الي سيارة باسل وكان باسل قد استطاع تكتيف ليليان بجسده وشدِها الي سيارته ولكن وجد من اتى امامه ثم وجه له صفعة قوية على وجهه فاسقطته ارضا ، ما ان احست ليليان انها حرة حتى جرت واختبأت بخلف ادهم وقالت له بشهقات ودموع : ارجوك انقذنى من البنى آدم دا ، انا ما اعرفوش
قام باسل من مكانه واقترب من ادهم قائلا : انت مجنون ، انت ازاى تمد ايدك عليا انت عارف انا ابقي ابن مين
ادهم : مايهمنيش انت تبقي ابن مين طالما انت غلطان وتصرفاتك مش لطيفة يا محترم
باسل : وانت بقا اللى عارف الصح !!
ادهم : تحب اوريك الصح ولا بلاش…علشان معانا واحدة بنت وهيبقي شكلك وحش اوى قدامها
كاد باسل ان يسدد لكمه الى ادهم ولكن لحقه ادهم ومسك يد باسل ثم لفها حول ظهره واحكم قبضته عليه قائلا : قولتلك بلاش بس انت اللى اصريت
باسل وهو يحاول التحرر : والله ما انا سايبك
ادهم : لا تصدق خوفت ( ثم دفعه ارضا مرة اخرى ) يلا بقا اتكل من هنا علشان الوالد شكله هيتبري منك قريب
قام باسل وتوجه الى ادهم وهو يحاول ضربه مرة اخرى فمسكه ادهم ثانية قائلا : يعني انت مش عاوز تلم الموضوع بهدوء
باسل : مش همشي من هنا قبل ما اخد حقى ( ثم ابتعد عن ادهم وذهب بخلفه لكى يستطيع الامساك بليليان مرة اخرى )
ادهم بابتسامة سخرية وقد استدار له ومازالت ليليان خلفه : حقك من البنات !! هو دا اللى قدرت عليه
باسل : اطلع انت برا الموضوع ماحدش استنجد بيك ايه اللى ادالك الحق انك تدخل بيني وبين خطيبتي
ادهم : خطيبتك !!!
ليليان بصدمة : خ..خطيبتك !!

 

الحلقة الثامنة والعشرون
باسل : اطلع انت برا الموضوع ماحدش استنجد بيك ، ثم مين اللى ادالك الحق انك تدخل بيني وبين خطيبتي ؟؟
ادهم : خطيبتك !!!
ليليان بصدمة : خ..خطيبتك !!
باسل : ايوة خطيبتي يا بيه يامحترم وابوها متوفى وقبل ما يموت وصَّانى عليها بس واضح انها محتاجة اللى يربيها من اول وجديد
ليليان : اخرس ماتجيبش سيرتي على لسانك
ليليان لادهم وهى مازالت مختبأة خلفه ولكن نظرت بعينها المليئة بالدموع فى عينه قائلة : ماتصدقهوش والله العظيم دا ولا خطيبي ولا اعرفه
ادهم : انتوا هتقعدوا تحدفونى لبعض
ليليان : صدقنى هو من ساعة ما شافنى وهو عمال يطاردنى حتى بص على ايدي وايده مش هتلاقى خواتم خطوبة
القي ادهم نظرة على يد ليليان اولا ثم باسل ولم يجد فعلا خواتم الخطوبة….
نظر ادهم الى باسل وعينه مليئة بالشرر : يعني بتتهجم عالبنات وكمان كذاب ( ثم وجه له صفعة قوية سقطته ارضا لم يستطع الوقوف بعدها )
ثم امسك ادهم ليليان من يدها بشدة وضغط عليها لدرجة الوجع ثم سحبها خلفه الى مدخل المنزل وعندما دخلوا ترك يدها ثم القى نظرة عليها وخاصة بعينيها المليئة بالدموع وتوجه الى المصعد ولكن استوقفه صوت ليليان قائلة : ميرسي اوى على اللى حضرتك عملته معايا
ادهم :…..( لم يرد ادهم فقط استدار بجسده ثم اعاد النظر عليها مرة اخرى )
احست ليليان بالاحراج من نظراته فقالت : انت بتبصلي كدا ليه انت شكلك مش مصدقنى
ادهم بكل برود : ولا مصدقك ولا مصدقه انتوا الاتنين كذابين
ليليان : لا انا مش كذابة ولو انت كنت حسيت للحظة انى بكذب كنت سيبتني ومشيت
ادهم : انا فعلا كنت هعمل كدا
ليليان : وايه اللى غيرلك رأيك ؟؟
ادهم : انتى هتفتحيلي محكمة
ليليان : انا بس عاوزة اقولك ان هو اللى جه ورايا وكان عاوزنى اروح معاه غصب عنى
ادهم : انا شوفت كل حاجة بعينيا ، انتوا البنات كدا بتحبوا تلموا الشباب حواليكوا ولما تلاقوا اللى يعجبكوا ويدخل مذاجكوا بتفضلواتلفوا وتدوروا حواليه لحد ما يقع واول ما يجي يقرب تفضحوه دا ايه التخطيط العالي دا
استغربت ليليان جدا من طريقة كلامه ثم تابعت قائلة بدموع : يمكن يكون فيه فعلا بنات كدا بس انا عمرى ما كنت ولا هكون منهم
ادهم : حتى الدموع اللى بتنزلوها دى لزوم الشغل
ليليان : انت ازاى بتفكر كدا وايه الكلام اللى بتقوله دا
ادهم : الكلام دا حقيقي
ليليان : لا مش حقيقي ، عالعموم انا مايشرفنيش انى اقف اتكلم مع واحد زيك تفكيره دنئ بالشكل دا ، كل اللى عليا اعمله انى اشكرك عاللى حصل من شوية وياريت لو شوفتنى فى اى مكان تنسي اللى انت عملته معايا خالص طالما انت مش مقتنع ان لسه فيه بنات محترمة ، عن اذنك
قالت ليليان كلماتها هذة ثم توجهت الى السلالم لكى تصعد وظل ادهم مسلط بصره عليها ولكن دهست ليليان بكعب جذمتها على ذيل الفستان وكادت ان تسقط ولكن لحق بها ادهم ثم امسكها من يدها سريعا وجذبها ناحيته لكى لا تسقط على وجهها فيُغشي عليها ثم سقطوا هما الاثنين على الارض…
فى منزل ريم :
امير : ماما ماشوفتيش ليليان
مروة : اة اخر مرة بعتها تنزل تنادى على عم سعيد البواب
امير : اوك انا نازلها
مروة : استني يا امير انا كنت عماله ادور عليك ما كنتش لقياك
امير : مهو فيه واحد صاحبي جه ووقفت انا وهو شوية سوا وبعدين سيبته فى البلكونة علشان جالى تليفون مهم من الشغل بس رجعت مالاقيتهوش
مروة : طب انزل شوف ليليان اتأخرت ليه
امير : اوك
اقترب امير من باب المنزل ولكن استوقفه صوت كريم قائلا : يلا يا امير تعالا علشان نتصور
امير : طب..طب اتصوروا انتوا وانا راجعلكم هشوفبس حاجة وجاى
اتجهت ريم نحو امير ثم جذبته من ذراعه وقالت له : انت انهاردة ليا انا وبس تعالا علشان هنتصور
امير : طب هنزل اشو…
قاطعته ريم : يا امير التصوير مش هيعطلك دى كلها 5 دقايق
امير على مضض : طيب
عند ادهم وليليان :
رفعت ليليان رأسها ببطئ ثم نظرت امامها فوجدت من ينظر لها وهو رافع حاجبه قائلا : هنفضل فى جو العشق الممنوع دا كتير
انتفضت ليليان فزعا وقامت من مكانها سريعا وكادت تمشي ولكن التف الفستان حول ارجلها ثم سقطت مرة اخرى وكادت ان تقوم للمرة الثالثة ولكن اعتدل ادهم فى جلسته ثم امسكها من يدها قائلا : ايييه اهدى شوية هنقضيها طول الليل تقعى وانا الحقك
ابتعدت ليليان عنه ودفعته بيدها قائلا : ابعد عنى انت ازاى تسمح لنفسك انك تكون قريب كدا منى ، انت اتجننت
ادهم : تصدقى انا غلطان ياريتني كنت سيبتك وقعتى علشان تعرفى ان الله حق
ليليان : هو انت الدنيا عندك يا ابيض يا اسود كان ممكن تلحقنى من غير ماتقرب منى اوى كدا على فكرة
ادهم بابتسامة : ابيض ايه واسود ايه بس انا قدامى لون موڤ هيطلع من عيني…علي فكرة
اعتدلت ليليان فى وقفتها ثم قالت له : انت قليل الادب
وكادت ان تمشي ولكن وجدت من يسد عليها الطريق وقد ضغط باصابع يده على وجنتيها ليمنعها من الكلام قائلا : مين اللى قليل الادب قولى كدا تانى لحسن انا ماسمعتش كويس !!
ليليان محاولة الكلام : امممامممماماام
ادهم وقد انزل يده قائلا : ماتتكلمى
ليليان بعصبية : هو انا كنت عارفة اتكلم انت كنت مديني فرصة انت كتفت وشي بايدك كدا ( وقامت ليليان بالضغط على وجنتى ادهم لتُريه كيف كان يفعل بها ) ثم اكملت : هاااا عارف تتكلم دلوقتى
انزل ادهم يد ليليان من على وجهه ثم قال لها بابتسامة : تصدقى انا بقالى كتير مافيش ايد ناعمة كدا قربت منى
اضطربت ليليان من كلماته ثم ابتعدت عنه مسرعة نحو السلم فاكمل ادهم كلامه قائلا : خدى بالك لتقعى مرة تانية مش هلحقك المرادى
ليليان وهى تصعد : شكرا مستغنية عن خدماتك
ادهم : اوك بس افتكرى انك اللى قولتى مستغنية عن خدماتك
قال ادهم كلماته ثم صعد هو الاخر بالمصعد….
عندما وصلت ليليان كان قد انتهى الجميع من التصوير وما ان رآها امير حتى اسرع اليها قائلا : ليليان كنتى فين ؟؟ ومالك متبهدلة كدا ليه ؟
ليليان : هو دا اللى ربنا قدرك عليه
امير : ايه يا ليليان فيه ايه
ليليان : فيه ان انا نزلت علشان انادى عالبواب وكان فيه واحد حيوان فضل يشدنى لعربيته غصب عنى وبالعافية والله اعلم كان هيعمل فيا ايه ولولا ان واحد شافنا ولحقنى من تحت ايده كان زمانى بيتقري عليا الفاتحة دلوقتى
امير : مين دا اللى عمل فيكي كدا يا ليليان ماتتكلمى
لم تُرد ليليان اخبار امير بموضوع باسل لكى لا ينفذ باسل وعوده الذى اخبر بها ليليان : ه‍..هو دا كل اللى يهمك مين اللى عمل فيكي كدا يا ليليان ؟؟ وانا ايه اللى يعرفنى اهو واحد وخلاص
امير : طب مين اللى لحقك
ليليان : معرفهوش ولا اعرف اسمه حتى ، وبعدين انت عمال تسألنى تسألنى خلاص يا امير اللى حصل حصل بس انا وقت ما كنت محتاجاك جنبي مالاقيتكش
امير : ليليان انا اسف والله انا كنت…
قاطعته ليليان : خلاص يا امير مافيش حاجة انا لازم امشي علشان مش هينفع اقعد كدا
امير : طب استني هوصلك
ليليان : لا يا امير خليك انت هنا انا هروح مع سيف
امير : سيف سيف كل شوية سيف
ليليان : هو اللى وصلنى لحد هنا ومازن قايله زى ماتروح معاك تيجي معاك يعنس انا بالنسباله مسؤلية وبعدين انت مش هينفع تسيب المكان والناس هنا
امير : طب..طب انا مش عاوزك تزعلى منى
ليليان بابتسامة لكى تنهى الحوار : مافيش حاجة يا امير ، بعد اذنك بقا علشان الحق امشي بدل ما حد يتريق عليا
امير بابتسامة : ماحدش يقدر يتريق عليكي وانا موجود
اكتفت ليليان بابتسامة بسيطة ثم تركت امير وتوجهت نحو سيف…
ليليان : سيف ممكن كلمة !
سيف : اة طبعا اتفضلي ، بس استني مال شكلك مش طبيعي كدا ليه ومتبهدله
ليليان : سيبك منى دلوقتى هحكيلك كل حاجة بعدين المهم انا عاووة امشي
سيف : تمشي دلوقتى !
ليليان : اة بعد اذنك ولو انت حابب تقعد شوية هاخد انا تاكسي مافيش مشكلة
سيف : ليليان فيه ايه بجد انتى كويسة
ليليان : قولتلك ياسيف هحكيلك بعدين ، ها هتيجي معايا ولا امشي انا
سيف : لا هاجى معاكى طبعا ، مش هينفع اسيبك تمشي لوحدك دلوقتى ، يالا بينا
ليليان : اوك هروح بس اظبط نفسي كدا واسلم على ريم واجيلك
سيف : ط..طب ينفع نوصل نهى فى طريقنا ولا
ليليان بابتسامة : اة طبعا ينفع ، روح عرفها بقا ولو مارضيتش قولها ليليان هى اللي بتقولك كدا
سيف بفرحة : اوك هستناكى تحت عند العربية
ليليان : اوك
ذهبت ليليان امام مرآة لكى تعدل من هيئتها وعندما انتهت توجهت الى ريم قائلة : انا همشي بقا يا ريمو مش هينفع اتأخر اكترمن كدا
ريم : اوك يا حبيبتي ابقي طمنيني لما توصلي
ليليان : اوك والف الف مبروك ليكي
ريم : الله يبارك فيكي ياروحى
ليليان بهزار : روحك ايه بقاا انا خلاص راحت عليا وروحك بقت كلها لكريم
ريم : هههههه لا لا كريم قلبي وانتى روحى وماحدش يقدر يستغنى عن قلبه ولا روحه
ليليان : ياسلااااام عالكلام الحلو دا عاوزة اسمع منه كتير الفترة الجاية
ريم : ههههه لا الفترة الجاية لكريم
ليليان : كدددا طب اوك سماح المرادى علشان عروسة بس
ريم : ههههههه
ليليان : يلا عاوزة حاجة
ريم : ميرسي يا حبيبتي
ليليان : بااي
ريم : بااي
ليلبان لكريم : الف مبرووك يا كريم وخد بالك منها
كريم : الله يبارك فيكي وماتقلقيش ريم فى عينيا
ريم : تسلملي عيونك
ذهبت ليليان الى مروة لتودعها :
ليليان : انا همشي بقا يا طنط عاوزة حاجة
مروة : ماتخليكي قاعدة شوية كمان
ليليان : مهو علشان انا اتأخرت بقا ولازم امشي
مروة : اوك ياحبيبتي وسلميلي على ماما كتير
ليليان : الله يسلمك هى كمان بتسلم عليكي كتير وبتبارك لريم
مروة : الله يبارك فيها
ليليان : اااة يا طنط كنت هنسي انا نزلت علشان انادى عالبواب بس مش لاقيته فطلعت
مروة : ولا يهمك يا حبيبتي مهو امير كان باعته يجيب حاجات معلش تعبتك معايا
ليليان : لا..لا مافيش تعب ولاحاجة ، مع السلامة
مروة : توصلي بالسلامة يا حبيبتي
فى لحظة كلام مروة وليليان كان سيف يقنع نهى بمجيئها معه :
نهى : لا ياسيف مش هينفع اركب معاك
سيف : مش هبقي لوحدى ليليان هتبقي معانا ، اوصلك بس لحد البيت واطمن عليكي وهمشي انا
نهى : ص..صدقني مش هينفع
سيف : لا هينفع وليليان هى اللى بعتانى ليكي اصلا
نهى بابتسامة : ليليان بردو !
سيف : احم..مش ليليان وبس
جائت ليليان من خلفهم قائلة : يلا بقا يا نهى علشان اتأخرنا
نهي : مهو انا كدا هأخركوا اكتر
ليليان : انتى هتأخرينا فعلا لو ما نزلتيش معنا حالا ( ثم امسكتها من يدها قائلة ): يلا بقاا
نزل سيف وليليان نهى وركبوا سيارة سيف وانطلقوا بها فاوصل سيف نهى اولا الى منزلها ثم عاد هو و ليليان الى منزلهما ولكن طول الطريق لم تتفوه ليليان بكلمة وكانت تائهة فى بحر من الأسئلة…
سيف وليليان وهما فى المصعد الخاص ببيتهم :
ليليان : ميرسي يا سيف تعبتك معايا
سيف : لامافيش تعب ولا حاجة عقبالك
ليليان : شكلها عقبالك انت الاول
سيف : يااارب
ليليان : هههههه
سيف : حمدلله على سلامتك
ليليان : الله يسلمك ، تصبح على خير
سيف : وانتى من اهله
دخل سيف منزله ثم اتجه الى غرفة والدته وتأكد بانها نائمة ثم توجه هو ايضا الى غرفته ، اما عند ليليان فعندما دخلت منزلها وجدت مازن وشيرين مستيقظين فى انتظار وصولها…
ليليان : مساء الخير
مازن وشيرين : مساء النور
شيرين : حمدلله عالسلامة
ليليان : الله يسلمك
مازن : انا هدخل انام بقا انا كنت مستنيكي علشان اطمن عليكي
ليليان : ربنا يخليك ليا
شيرين : تصبح على خير يا حبيبي
مازن : وانتى من اهله
بعدما رحل مازن :
ليليان : شيرين !
شيرين : ايوة يا روحى
ليليان : هو..هو عمر نام
شيرين : اها من بدرى
ليليان : طب ممكن نقعد نتكلم شوية
شيرين : اكيد
ليليان : اوك هروح اغير هدومى واجيلك
شيرين : اوك مستنياكى
دخلت ليليان غرفتها وابدلت ملابسها ثم توجهت الى الصالون حيث توجد شيرين…
ليليان : فاضية تسمعيني
شيرين : اها
ليليان : بصي انا هحكيلك على كل حاجة تخصني بصراحة وعاوزة نصيحتك
شيرين : اوك وانا سمعاكى
ليليان : بصي..انتى عارفة ان عندى صاحبتي ريم اللى هى قريبة منى جدا واللى كانت خطوبتها انهاردة
شيرين : اها
ليليان : عندها اخ اسمه امير ، زمان لما كنا بنروح المدرسة سوا كنت بحس منه بنظرات اعجاب وكنت انا كمان كدا بس كنت لنا برجع من المدرسة اقعد اقول لنفسي ماينفعش افكر فيه بالطريقة دى ولا حتى اتعلق بيه علشان مش من حقى وكمان كنت بقول لماما وبحكيلها على كل حاجة هى معودانى على كدا من صغرى بس كانت بتقولى انها فترة المفروض مانتعلقش فيها باي حد بسهولة وكنت بحس ان معاها حق ، المهم قعدنا 3 سنين على نفس الحالة ومابنكلمش بعض خالص فى اى حاجة تخص المواضيع دى وبعدين هو سافر فرنسا يكمل تعليمه وبعدين اشتغل هناك والفترة دى حسيت انى مخنوقة ومتضايقة اوى ماكنتش عارفة ليه بحس الاحساس دا وزعلت جدا لما سافر وقولت لنفسي خلاص الحكاية خلصت وانا اللى اتعلقت من الاول بحاجة مستحيلة
شيرين : اها وبعدين
ليليان : وبعدين امير رجع مصر من فترة قريبة وحسيت انه راجع ومعاه كل الذكريات الحلوة وفرحت اوى بس فى نفس الوقت كنت واخدة حذرى وما حبتش اتعلق بيه زى زمان
شيرين : تقصدي تفكيرك اتغير
ليليان : يمكن ، بس ماحستش معاه نفس الاحساس بتاع زمان ايام ما كنا عيال بس لما واحدة تقرب منه بتضايق وبزعل وببقي مش طايقه اشوفه ، كمان لما بنزعل سوا من بعض هو اللى بيجي يصالحنى داينا حتى لو انا اللى غلطانة
شيرين : اها
ليليان : وحسيت انه مش عاوز ياخد خطوة فى موضوعنا انا عارفة ومتأكدة انه بيحبني جدا وانا كمان حاسه ناحيته بحاجة حلوة بس بتقل يوم عن التانى هو ماعملش اى حاجة علشاني يا شيرين وكل ما نكون قدام مامته وتحصل حاجة مثلا بيخاف انه مامته تلاحظ انه بيحبني استنيته كتير اوى ورفضت ناس اكتر اتقدمولى على امل انه هيرجعلى
شيرين : طب ما هو رجعلك يا لي لي ومن كلامك واضح انه ساب كل حاجة هناك وانه بيحبك انتى ورجعلك انتى
ليليان : هو رجع فعلا يا شيرين بس زى ما مشي ماشوفتش منه غير كلام وبس ، انا اللى مضايقنى انه طالما بيحبني ليه ما ياخدش خطوة علشانى..ليه مايكلمش مازن..ليه واقف فى مكانه
شيرين :….
ليليان : شيرين انا متقدملى دكتور وماما بتضغط عليا فى الموضوع دا وانا…انا حاسه انى واقفة فى نص الطريق ولا عارفة اخد قرار ولا عارفة استني
شيرين : يمكن…يمكن مش جاهز لخطوة زى دى
ليليان : ماعرفش ، بس كل ما اكون معاه بحسه انه خايف عليا وانه بيحبني بس طريقته وسكوته دا مجننى
شيرين : اممم
ليليان : كمان لما احتاجته مالاقيتهوش
شيرين : ازاى
ليليان : فيه واحد معايا فى الاوبرا اسمه باسل اسألي عليه سيف هما اصحاب .. المهم فى يوم وانا فى الاوبرا جه هو وسيف وباسل دا قعد يرخم عليا بكلام وبنظرات سخيفة ولما انا طنشته ووقفته عند حده اتضايق ازاى واحدة زيي ماتبقاش بتاعته
شيرين بخضة : وبعدين !!
ليليان : المهم انا مشيت اليوم دا ونسيته خالص انهاردة بقا لاقيته موجود فى الخطوبة
شيرين : بجد !!
ليليان : اها ، وكنت نازله علشان انادى عالبواب طنط مامة ريم كنانت عوزاه لاقيته نازل ورايا ومكتفنى بجسمه وعمال يشدنى لعربيته
شيرين : يانهار اسوود
ليليان : وبعدين لاقيت واحد تقريبا كدا كان معزوم بردو فى الخطوبة جاى وقعد يضرب فيه لحد ما وقعه عالأرض ماعرفش يقوم تانى وكمان باسل دا اتبلى عليا وقال انى خطيبته ، وبعدين بقا اللى انقذنى دا راح ماسكنى من ايدي جامد وشدنى للمدخل بتاع البيت
شيرين : كل دا يحصلك ، بس الحمدلله ربنا بعتلك واحد محترم وشهم
ليليان : دا قليل الذوق ، قعد يقولى انتوا البنات كدا بتحبوا تلموا الشباب حواليكوا وقعد يقولى انتى كذابة وكلام من دا
شيرين : وبعدين
ليليان بضحكة : وبعدين ياستي انا طالعة عالسلم ما عرفش ايه اللى حصل فاتكعبلت وكنت هقع لاقيته مسكنى من ايدي وشدنى ناحيته ووقعنا علي بعض
شيرين : هههههه واااااو زى تايتنك
ليليان : ههههه تايتنك ايه بس ، المهم كل ما اقوم اقع فى الاخر مسكني وقاللى اهدى شوية لو وقعتى تانى مش همسكك
شيرين : ههههههه
ليليان : وبعدين قولتله شكرا مستغنية عن خدماتك وسيبته وطلعت
شيرين : دا فيه مغامرات حصلت الليلة دى
ليليان : اااة ، بس اللى انا كنت عاوزة اقولهولك ان وقت ما احتاجت امير مالاقيتهوش
شيرين : بلاش تظلميه هو اكيد كان مشغول
ليليان : حتى لو مشغول اول ما شافنى قعد يسألنى مين عمل فيكي كدا ومين انقذك وقعد يعتذرلي و…
قاطعتها شيرين : طب مهو الراجل اعتذرلك اهو
ليليان : يابنتي دا ماسألنيش انا عاملة ايه دلوقتى ولا باسل الزفت دا قرب من ولا لأ ، كل اللى عمله اول ما شافنى : كنتى فين يا ليليان ؟؟
شيرين : طب معلش اهدى وكل حاجة هتبقي كويسة ان شاء الله
ليليان : انا بس كنت محتاجة اتكلم مع حد وطبعا ماكانش ينفع احكي كل دا لريم ولاقيتك اقرب واحدة هتقدرى تساعديني وتقوليلي اعمل ايه ومش عاوزة اقول لماما اخليها تقلق عليا وهى مريضة قلب ممكن ما تستحملش
شيرين : انا رأيي تدي امير فرصة كمان وتشوفى اخره ايه
ليليان : يعني بلاش اروح اقوله انه مش بياخد اى خطوة فى موضوعنا و الكلام دا
شيرين : بصي انا هقولك على حاجة بس ممكن تضايقك شوية
ليليان : قولى
شيرين : اللى بيحب حد يا ليليان بيسعي فى كل الطرق علشان يوصله ويبقي قريب منه انا معاكى ان امير ما اخدش اى خطوة لحد دلوقتى بس على حسب ما حكيتيلي هو محتاج كمان فرصة ولوضيعها كمان المرادى يبقي تبعدوا عن بعض ودا هيبقي احسن ليكوا انتوا الاتنين
ليليان : ربنا يسهل
شيرين : بس قوليلي
ليليان : ايه
شيرين : الشاب اللى انقذك دا حلو كدا وامور
ليليان بضحك : ههههه شوفى انا بكلمك فى ايه وانتى بتقوليلي ايه والله انتى عاوزة مازن يصحالك
شيرين : لالالا مش قصدي طبعا ، انا…انا اقصد عادى
ليليان : هههههههه اوك هعديها المرادى
شيرين : ماتنسيش ان سرّك بقا معايا دلوقتى هااا
ليليان : وادى اخرة اللى يطلع سره
شيرين : لالا ماتقلقيش سرك فى بير
ليليان : اهو البير دا مخوفنى
شيرين بزعل : كدا يا لي لي
ليليان : لالا انا بهزر معاكى ، يلا بقا ادخلى نامى انا صدعتك
شيرين بابتسامة : لا ماتقوليش كدا انا موجودة فى اى وقت تحتاجيني فيه ، تصبحي علي خير
ليليان : وانتى من اهله
وبعد مرور ثلاث ايام لم يجد فيهم الكثير … فليليان وزميلاتها وكريم وتامر وسيف كلا منهم يذاكر لاقتراب موعد الامتحانات وامير كان مشغولا بمشروع جديد قد كُلف به من قبل صاحب الشركة التى يعمل بها فى فرنسا بالعمل عليه الفترة التى يقيم بها بمصر اما عن ادهم فقد مرت عليه اسوأ ثلاث ايام حياته…
فى صباح احد الايام :
ادهم بفزع : لااااااا

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: ندى عبدالحميد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى