مسلسل اللقاء المنتظر الحلقة 29و30و31و32

الحلقة التاسعة والعشرون

وبعد مرور ثلاث ايام لم يجد فيهم الكثير … فليليان وزميلاتها وكريم وتامر وسيف كلا منهم يذاكر لاقتراب موعد الامتحانات وامير كان مشغولا بمشروع جديد قد كُلف به من قبل صاحب الشركة التى يعمل بها فى فرنسا بالعمل عليه الفترة التى يقيم بها بمصر وذلك عندما طلب امير ان يمُد فى اجازته ، اما عن ادهم فقد مرت عليه اسوأ ثلاث ايام حياته…
فى صباح احد الايام :
ادهم بفزع : لااااااا
مرة اخرى استيقظ ادهم من حلمه الذي ظل يراوده الثلاث ليالي الماضية…لقد حلم بها ولكن ليس بالحلم السعيد ككل مرة…فلماذا يراها فى احلامه فهو لا يفكر بها ولا حتى يشغل وقته فى التفكير بها ؟؟ لماذا كلما ينام يري وقت ما كانت تختبأ خلفه وعيناها مليئتان بالدموع وتستنجد به ان لا يتركها وحدها ؟؟ لماذا يحدث معه كل هذا ؟؟؟ ولماذا هى !!
قطع تفكيره هذا دخول والدته قائلة :
ناهد : بسم الله الرحمن الرحيم ، مالك يا حبيبي انت كويس
ادهم : اة..اة يا ماما انا كويس الحمدلله
ناهد : كويس ايه بس انت بقالك 3 ايام عالحالة دى ، ماتقلقنيش عليك يا ادهم
ادهم : انا والله كويس يا ماما ماتقلقيش ، بس فيه كابوس كدا عمال احلم بيه كل شوية ومش فاهمه
ناهد : خير يا حبيبي
تردد ادهم فى اخبار والدته ولكنه حسم امره باخبارها الحقيقة : بحلم يا ماما ان فيه واحدة عمالة تستنجد بيا من واحد زى مايكون عايزها بالغصب وتيجي تستخبي منه ورايا وتبص فى عيني جامد وتقولى ارجوك خليه يبعد عنى بس بتكون منهاره من العياط وانا بفضل باصص فى عينيها وحاسس اني متكتف ومش قادر اساعدها وكل اللى بقدر اعمله انى اطمنها بس مجرد ما احط عيني فى عينها
ناهد بابتسامة : واحدة !!
ادهم : اهو انا ماكنتش عاوز اتكلم علشان كدا ، هتفسّري الحلم على مذاجك انتى وبس يا ماما
ناهد : انا بس مستغربة انه اتكرر معاك اكتر من مرة
ادهم : وانا كمان ودا اللى هيجنني
ناهد : سيبها على ربنا ويلا انزل بقا كفاية كسل مش المفروض انك جاى مصر شغل
ادهم : اة انا جاى مصر شغل بس انا الكل فى الكل يعني اروح وقت ما انا عاوز واجى وقت ما انا عاوز
ناهد : ايوة بس…
قاطعها ادهم : صدقيني يا ماما هما كدا هيضطروا يبقوا ملتزمين بشغلهم وانا مايبقاش ليا مواعيد محددة علشان وقت ما اروح يبقوا مخلصين اللى وراهم
ناهد : اللى تشوفه
ادهم : زياد صحي
ناهد : صحي ونزل كمان
ادهم : طب وبابا
ناهد : راح الشغل
ادهم : يعني هنفطر انا وانتى بس
ناهد : اها
ادهم : اوك هجهز كدا والبس ونفطر سوا
ناهد : اوك يكون الاكل جهز
نهض ادهم من على سريره وتوجه الى المرحاض لكى يغتسل ويتوضأ وادَّى فريضته ثم ارتدى بنطلون من اللون البيج وقميص من اللون الابيض وقد رفع اكمام القميص الى اسفل الكوع قليلا ثم ارتدى حزام جلد من اللون البني ثم مشّط شعره ونزل من غرفته الى الصالون :
ناهد : بسم الله ماشاء الله كبرت يا ادهم
ادهم : صباح الفل ياحبيبتي
ناهد : صباح النور يلا الفطار جاهز
جلس ادهم مع والدته على مائدة الطعام وبدأوا فى تناوله…
عند ليليان :
استيقظت ليليان هى الاخرى وادَّت فريضتها ثم ارتدت ملابسها وعقصت شعرها الى خلف على شكل ذيل حصان واسدلت بعض الخصلات الامامية منه على جبينها ثم خرجت من غرفتها…
ليليان : صباح الخير
الجميع : صباح النور
ليليان : انا نازلة يا ماما عاوزين حاجة
مازن : هتنزلى من غير فطار
ليليان : هبقي اشترى اى حاجة فى طريقي
شيرين : يابنتي طب اقعدى افطرى معانا
ليليان : صدقيني مش هينفع انا لوقعدت هتأخرعن معادي والمدرب الجديد لو اتأخرت هيقعد يديني دروس حكم ومواعظ فى الوقت واهميته
شيرين : ههههه دا عاملك عقدة
ليليان : واكترر والله ، يلا انا نازلة عاوزين حاجة
سمية : مع السلامة يا حبيبتي ربنا يوقفلك ولاد الحلال وييسرلك طريقك
ليليان : يارب يا ماما
عمر : يا لي لي
ليليان : ايوة يا روحى
عمر : هو انا امتى هاجى معاكى
ليليان : وعد منى هبقي اخدك معايا فى مرة
عمر : لا انا زعلان من لي لي علشان كل مرة بتقولى وعد وبتنسيني
ليليان : طب لو اخدتك معايا تسمع كلامى
عمر : اة اة هسمع الكلام والله
شيرين : لالا سيبيه هيغلبك
عمر : يا مامى انا هسمع كلامها كله ولو عملت حاجة غلط ابقي عاقبيني ، بليز لي لي خديني معاكى
ليليان : هاا يا شيرين
شيرين : اعمل ايه يا مازن
مازن : والله مش عارف
ليليان : يعني انتوا ناويين تأخرونى وخلاص يلا يا شيري لبسي عمر عالسريع
شيرين : اوك
مازن : لو حسيتي انه تعبك او اى حاجة اتصلي بيا اجى اخده
ليليان : اوك
عندما انتهى عمر من ارتداء ملابسه اخذته ليليان وودعوا الجميع ثم نزلوا بالمصعد وركبوا سيارة ليليان واتجهوا الى الاوبرا…
فى الاوبرا :
دخلت ليليان الى الغرفة المخصصة للتدريب وبصحبتها عمر الذي اشترت له بعض العصائر والحلويات حتى لايمل واخذت منه وعدا بانه سوف يجلس علي احد المقاعد بالقرب منها ولن يتحرك من مكانه ، اوصلته الى احد المقاعد وجلس عمر ثم جلست بجانبه وطلبت احدهم على الهاتف :
ليليان : الو مستر حسين
حسين : ايوة
ليليان : انا ليليان اللى هتدرب مع حضرتك
حسين : ايوة ما انا عارف
ليليان باحراج : انا وصلت القاعة بس مش لقياك
حسين : لجنة التحكيم اللى هتكون فى المسابقة وصل منهم ناس وجايين يشرفوا عليكوا بنفسهم وانا معاهم دلوقتى وجايين
ليليان : اوك وانا مستنية حضرتك ، مع السلامة
عمر : لي لي
ليليان : ايوة يا عمر
عمر : انا عاوز اروح التويلت
ليليان : دلوقتى !!
عمر : اها بطنى وجعانى
ليليان فى نفسها : ياااربي ، انا اللى جبته لنفسي
عمر : يا لي لي
ليليان : حاضر يا عمر تعالا
نهضت ليليان من مكانها والتفتت بظهرها لكى تذهب بعمر ولكن وجدت باسل متوجه الى داخل القاعة فانخفضت بجسدها سريعا لكى لا يراها…
عمر : ايه يا لي لي
ليليان بخفوت : شششش اسكت يا عمر دلوقتى
عمر : ليه هما الاشرار وصلوا
ليليان : اشرار مين
عمر : الاشرار اللى فى الكارتون
ليليان : اة اة هما الاشرار اسكت بقا علشان ماحدش يشوفنا
خبّأت ليليان وجهها من باسل وما ان وجدته قد صعد على المسرح وبدأ ان يصافح الموجود عليها حتى…
ليليان : عمر يلا بسرعة بس من غير صوت
عمر : انا عاوز اشوف الشرير علشان اضربه
ليليان : مش وقته يا عمر مش انت كنت عاوز تروح التويلت
عمر : لا انا عاوز اشوفه الاول يا اما هصرخ جامد وسبايدر مان هيجي ينقذني
ليليان : لالا تصرخ ليه وسبايدر مان ايه ، انا هشاورلك عليه وهنمشي علاطول من غير ما يشوفنا
عمر : اوك
التفت باسل بوجهه فأشارات ليليان لعمر وقالت له : هو دا عمو الشرير يلا بقا
عمر : اوك
اخذت ليليان عمر سريعا ثم خرجت به من القاعة وتوجهت به الى حيث يريد وعندما انتهى عمر حتى عدلت ليليان من هيئته مرة اخرى وقالت له : يلا بقا بسرعة علشان الناس زمانهم مستنيني
عمر : طب انا عاوز عصير
ليليان : ياحبيبي ما انت لسه مخلصه وبعدين العصير دا هو اللى بيوجعلك بطنك
عمر بعياط : لا انا عاوز عصير
ليليان محاولة تهدئته : حاضر حاضر هجيبلك عصير بس ممكن كفاية عياط
عمر وهو يمسح دموعه بكفيه : اوك
ذهبت ليليان الى كشك صغير موجود بعيد قليلا عن القاعة المخصصة للتدريبات واشترت له عصير مرة اخرى ثم عادت سريعا ومعها عمر : ممكن بقا نجرى علشان نلحق نروح
عمر : واااو هنجرى
ليليان : اها بتعرف ؟؟
عمر : اهاا حتى شوفى
جري عمر سريعا امام ليليان التى لم تلحقه بسبب ارتدائها كعب وظلت تنادى عليه وهو مستمر فى الجري…
ليليان : يا عمر استني بسس كدا مش هينفع
عمر مستمر بالجرى
ليليان : طب استنانى انا مش عارفة اجرى وراك
عمر مستمر بالجرى
وفى هذا الوقت كان حسين مدرب ليليان وأحد من اعضاء اللجنة يخرجون من غرفة اجتماعات صغيرة ويتجهون الى القاعة وهذا نفسه الوقت الذى كان يجري به عمر الى غرفة الاجتماعات …
ليليان : اقف بقا يا عمر الله !!
وفى ظل جرى عمر وفى يده علبة العصير استدار برأسه وهو يضحك لليليان ثم فجأة اصطدم عمر بأحد الاشخاص و سكب علبة العصير على بنطاله…
ادهم بصوت جهورى وعصبية : تبع مين الطفل دا ؟؟؟!!
وقفت ليليان مصدومة فارغة شفتيها لا تصدق عيناها فقد اجتمعت بهذا الشخص مرة اخرى…
ادهم : انا بقول تبع مين الطفل دا !!
ليليان وصوتها يظهر بصعوبة : آآناا
التفت ادهم بجسده ليري مصدر الصوت ولكنه صُدم هو الاخر عندما نظر اليها..
حسين بعصبية : اطفااال !!! فيه انسان عاقل يجيب معاه اطفال فى مكان زى دا !! احنا جايين نلعب
ليليان : آآانا..انا اسفة
حسين : هعمل ايه انا بأسفك ، احنا اسفين يا استاذ ادهم اتفضل حضرتك معايا نصلح سوء التفاهم اللى حصل دا
عمر : هههههه العصير وقع عليك
اتجهت ليليان الى عمر بعصبية قائلة : عمر !! عيب كدا ، اعتذر لاونكل فورا
ادهم باستغراب : اونكل !!
عمر وهو مخفض راسه : سورى !
ادهم : ينفع يا هانم يا محترمة اللى حصل دا
ليليان : هه !!
ادهم : انتى جاية انتى وابنك تلعبوا هنا ، انتوا فاكرينها جنينة الحيوانات
ليليان : لا دا مش….
قاطعها ادهم : لما اكون بتكلم ما تقاطعنيش وتسمعيني للاخر
ليليان : انا مش مجبرة انى اسمعك
ادهم بصوت عالى : يعني ايه !! انا لما اتكلم انتى تسكتي وتسمعيني وبس
امسكت ليليان عمر من يده والتفتت بجسدها لكى تمشي فامسكها ادهم من ذراعها بشدة ووجهها اليه قائلا : قولتلك لما اكون بتكلم تقفى تسمعيني للاخر وماتمشيش
ليليان بوجع والدموع بعينها رافضة النزول : انت ازاى تعمل كدا و بأي حق تلمسنى اصلا
ادهم : وقبل كدا كان عادى
ليليان محاولة سحب يدها منه وبدون ان تنظر له لكى لا يظهر ضعفها : سيب ايدي
ادهم : مش هسيبها
ليليان : بقولك سيب ايدي
عمر بدموع : بلييز يا اونكل سيب لي لي
ادهم وقد ترك ذراع ليليان : انا سيبتك بس علشان شكلك مش لطيف قدام ابنك ( ثم تركها ورحل )
حسين : حصليني عالقاعة يا اما مش هيحصل طيب
ليليان : حاضر
ما ان رحل ادهم وحسين حتى اقترب عمر من ليليان قائلا : سورى انا كان لازم اسمع كلامك من الاول
ليليان وهى تمسح دموعها : خلاص يا عمر مافيش حاجة
عمر : يعني مش زعلانة منى
ليليان : لا بس عاوزة اطلب منك طلب ولو ما نفذتوش هزعل منك بجد
عمر : لالا انا هعمل اى حاجة تخليكي مش زعلانة منى
ليليان : احنا هندخل جوا وهقعدك فى اخر صف وماتقومش من مكانك خاالص سامعنى
عمر : حاضر
نهضت ليليان وعدلت من هيئتها وجففت دموعها ثم دخلت مرة اخرى اللى القاعة وجعلت عمر يجلس على مقعد خلفى واطمأنت عليه ثم توجهت الى المسرح حيث يوجد حسين :
ليليان : مستر حسين
حسين : ينفع يعني اللى حصل دا
ليليان : انا اكيد يعني ماقصدش اللي حصل
حسين : فيه حد يجيب معاه ابنه مكا…
قاطعته ليليان : والله مش ابني دا ابن اخويا وكان زهقان فى البيت فقولت اجيب…
قاطعها حسين : بردو دا مش مكان للترفيه
ليليان : طب انا عارفة ان وقت حضرتك ثمين جدا فعلشان ما يضيعش اكتر من كدا انا جاهزة يلا نبدأ
حسين : مش انتى اللي تحددى نبدأ امتى وننتهى امتى وبعدين حصل تغيرات كدا لازم يكون عندك علم بيها
ليليان : تغيرات ايه تانى
حسين : افندم !!
ليليان : اقصد ايه الجديد اللى حضرتك عاوز تقولهولى
حسين : ادهم بيه سألنى عالأغنية اللى هتغنيها وقولتله اغنية اعطنى الناى وغنى لفيروز قاللى لا الاغنية دى لازم تتغير وتغنى اغنية لام كلثوم مثلا تليق بمقام الناس والحكام اللى هيحضروا
ليليان : يعني ايه يغير الاغنية مش من حقه اصلا
حسين : مافيش حاجة اسمها مش من حقه ، هو معاه صلاحيات يعمل بيها اللى هو عاوزه وماحدش يقدر يعارضه
ليليان : ايوة بس خلاص المسابقة قربت وانا امتحاناتى كمان اسبوع
حسين : مش ذنبي
ليليان : انا اصلا كنت جايه استأذن حضرتك اخد اسبوع او اتنين عالأقل اجازة علشان مش هقدر اجى وانا كده كده متدربة عالأغنية من فتره وكله تمام ، انا كنت متفقة مع مستر وليد اننا نبدأ فى التدريبات بدرى علشان لما امتحاناتى تيجي اكون جاهزة للامتحانات وجاهزة للمسابقة
حسين : انا ماليش دعوة بكل الرغى اة وخدى بالك من حق اى حد من لجنة الحكام زى استاذ ادهم انهم يستبعدوا اى متسابق رافض شروط المسابقة فلو عايزة مصلحتك وعايزة تكملى تقولى حاضر ومن غير مناقشات تانية معايا ولا حتى مع استاذ ادهم
ليليان : يعني ايه ؟؟ خلاص بقا امر واقع !
حسين : حاجة زى كدا
ليليان : ايوة بس ام كلثوم اغانيها عريقة وفيها عُرَب ومحتاجة وقت وانا بقول لحضرتك عندى امتحانات هلحق اعمل كل دا امتى
حسين : نظمى وقتك
ليليان : طب هينفع اخد اجازة اسبوعين
حسين : اللي يريحك بس افتكرى ان كل اللى اتدربتي عليه راح وبلاش تروحى تتكلمى مع استاذ ادهم فى حاجة زى كدا كفاية اوى اللى حصل انهاردة
ليليان : مفهوم ، طب وياترى قرار اختيار الاغنية بتاعى ولا استاذ ادهم بردو اللى هيحددوا
حسين : لالا دا اختيارك انتى هو سابلك الحرية فى القرار دا
ليليان بضحكة بها شئ من الاستهزاء : والله !! اخيرا هيبقي ليا رأي فى الموضوع دا
حسين : اعتبر دا ايه ان شاء الله ؟؟
ليليان : ولا حاجة ، طب هو ينفع اقابل الاستاذ ادهم
حسين : ليه ؟
ليليان : علشان اتكلم معاه تانى فى موضوع الاغنية دا
حسين : يعني كل كلامى دا ولا فرق معاكى ولا كأنك سمعتيه اصلا
ليليان : لا طبعا بس…
حسين : لا ايه انتى كدا كأنك بتاخديني على قد عقلي
ليليان : حضرتك فهمتنى غلط والله
حسين : بصي من الاخر علشان مانتعبش بعض هو خد قرار واتكتبلك فى الاستمارة بتاعتك انك هتغنى لام كلثوم ف ليه نتعب نفسنا فى حاجة مش هتتغير
ليليان : خلاص يا مستر حسين ربنا يسهل
حسين : بس زى ما قولتلك مالوش لازمة انك تكلمى استاذ ادهم
ليليان : اوك ، يلا نبدأ من دلوقتى علشان الايام الجاية هيبقي صعب انى اجى
حسين : لا معلش خليها مرة تانية انا اصلي حصلت ظروف فى البيت ولازم امشي فورا
ليليان : ايييه ؟؟ يعني انهاردة كمان ضايع
حسين : معلش هى ظروف خارجة عن ارادتى ، مع السلامة ( ثم تركها وذهب )
عندما وجدت ليليان نفسها لن تفعل اى شئ اليوم فاخذت عمر وعادت الى منزلها لتبدأ فى مذاكرتها…

الحلقة الثلاثون
قررت ليليان العودة الى المنزل عندما وجدت ان بقائِها ليس له اى فائدة…
عاد ادهم هو ايضا الي منزله وكان عصبي للغاية فهو لم يقابل المتسابقين ولم يري اخر ما توصلوا اليه وهل هم على اتم الاستعداد لاخراج كل ما لديهم ام لا فقد اقترب موعد المسابقة وهو مكلف بمتابعة اخر الاخبار وتوصيلها الى الحكام وكل هذا بسبب من ؟؟ الطفل المزعج الذي سكب عليه علبة العصير مما تسبب فى اتلاف ملابسه ومظهره..وقد تذكر ايضا ليليان وعيناها مليئة بالدموع التى ترفض النزول ولكن ادهم قد قرأ كل ما بعينها بدون ان تشعر ابتسم ادهم فور تذكره اياها ولكن عاد الى عصبيته عندما تذكر ان هذا الطفل ينتمى اليها فكيف هى امه ؟؟ الم تقل لى يوم حفل الخطوبة بانها ليست مخطوبة ، وانا…انا نظرت بنفسي الي يديها وكانت فارغة ، فلماذا لم تعترض عندما نَسبتُ هذا الطفل اليها ؟؟
ظلت تتردد له كثير من الاسئلة طوال طريقه حتى وصوله الى منزله…دخل منزله متعصباً ثم…
امل : حمدلله عالسلامة يا بيه ، احضرلك الغداء ؟
ادهم بنبرة مزعجة : مش عاوز حاجة انا طالع اوضتى ومش عاوز اشوف حد قدامى
امل فى سرها : ماله دا ؟؟ اكيد فيه حاجة حصلت معاه ولازم اعرفها
امل هى عاملة بمنزل ادهم صالح وشخصية فضولية جدا تحب ان تعرف كل شئ يدور حولها ولكن لا تظهر هذا على الاطلاق ، ذهبت امل لكى تعد مشروب القهوة الخاص بناهد والدة ادهم ثم توجهت به الى ناهد فى حديقة المنزل وهى تبكي دموع مزيفة…
امل : اتفضلي يا ست هانم ، تُأمريني بحاجة تانية
ناهد : ايه دا ؟ مالك يا امل فيه حاجة حصلت
امل : لا ياست هانم ماحصلش حاجة
ناهد : شكلك بيقول غير كدا ، اقعدى واحكيلي ايه اللى حصل
امل : ابدا يا ناهد هانم ، كل الحكاية انى شوفت الاستاذ ادهم طالع اوضته…
قاطعتها ناهد : هو ادهم وصل ؟؟
امل : اة لسه واصل
ناهد : غريبة كان المفروض مايجيش بدرى اوى كدا ، المهم كملى
امل : انا شوفته داخل فقولت اسأله اذا كنت احضرله الاكل ولا لا راح رد عليا بعصبية وبيقولى مش عاوز حاجة ومش عاوز اشوف حد
ناهد : هو دا كل اللى زعلك
امل : انا مش زعلانة ولا حاجة
ناهد : ماتزعليش امسحيها فيا انا تلاقيه بس حاجة عصبته انا هطلعله واشوف فيه ايه
امل : ماشي وانا فى المطبخ لو احتاجتى منى حاجة
ناهد : اهم حاجة ماتزعليش انتى معانا هنا فى الفيلا من ساعة ما اتولدتى وانا مايهونش عليا زعلك
امل : ربنا يخليكي لينا يا ست هانم ، بعد اذنك
ناهد : روحى يا امل
ناهد فى سرها : رجع بدرى ومتعصب كمان استر يارب
تركت ناهد كوب القهوة ثم صعدت الى الى غرفة ادهم وطرقت الباب…
ادهم : قولتلك مش عاوز حاجة يا امل
ناهد : انا ناهد يا ادهم ممكن ادخل
ادهم وقد قام من موضعه ثم توجه نحو الباب وفتحه قائلا : فيه حاجة يا ماما
ناهد : ممكن اتكلم معاك شوية
ادهم وقد فتح الباب على مصرعيه وتوجه الى سريره : اتفضلي
ناهد وقد دلفت الى داخل الحجرة ثم اغلقت الباب : دا الموضوع بجد بقي
ادهم : موضوع ايه
ناهد : اصل امل بتقولى انك جاى من بره متعصب فقولت اطلع اشوف مالك
ادهم : ميت مرة اقولك مشيها دى واحدة فضولية جدا وبتحب تعرف دبة النملة فى البيت وهى اصلا مش من حقها
ناهد : ماتقولش كدا يا ادهم والله دى طيبة وبتاعة شغل
ادهم : اااة بتاعت شغل والله انتى اللى طيبة يا امى ، اكيد عملت الحتتين بتوعها ونزلت الدمعتين اللى هما علشان تصعب عليكي ماقالتلكيش بالمرة انى ضربتها خنقتها اى حاجة كدا
ناهد : هههههه لا لا لسه ما وصلتش للمرحلة دى ، بس مالك يا حبيبي ايه اللى معصبك بس
ادهم : مافيش حاجة يا ماما
ناهد : عليا يا ادهم دا انت متعود تحكيلي كل حاجة
ادهم بعد تنهيده : روحت الاوبرا وكان اليوم كويس لحد ما فيه طفل كان بيجري وفجأة اتخبط فيا ووقع علبة عصير عالبنطلون
ناهد : يا خبر
ادهم : روحت مزعق جامد واتعصبت عليهم ومشيت
ناهد : معلش يا حبيبي اكيد دا خير ليك انك ما تقعدش فى المكان دا اكتر من كدا
ادهم : الحمدلله ، بس انا اللى مضايقنى انى ما قعدتش مع المتسابقين ولا تابعت هما بيعملوا ايه يعني يوم عدى عالفاضي ولا شوفت ياسمين مستريحة ولا لا فى الموضوع هناك
ناهد : خيرها فى غيرها وبعدين لسه الايام طويلة وان كان علي ياسمين فهى بتكلمنى كل يوم لما بترجع وبتطمنى عليها ومبسوطة كمان اوى بالموضع دا
ادهم : ماما ممكن اسألك سؤال
ناهد : طبعا
ادهم : هو ممكن تكون واحدة متجوزة ومش لابسة دبلة جوازها
ناهد بابتسامة : اها عادى
ادهم : طب ليه ماتلبسهاش وهى متجوزة
ناهد بنفس الابتسامة : ممكن تكون ضيقة عليها او حتى بتوجعها عادى يعني يا ادهم
ادهم بضيق : طيب
ناهد : انا هسيبك تريح شوية ولما الاكل يجهز هبقي ابعت امل تصحيك
ادهم : لالالا امل لا مش بطيقها
ناهد : ههههه خلاص هبقي اطلع انا ولو ان السلم بيتعبنى
ادهم : خلى موبايلك فى ايدك واتصلي بيا وانا هنزل وماتتعبيش نفسك خالص
ناهد : حاضر يا حبيبي
قالت ناهد كلامتها ثم نهضت وتوجهت خارج الغرفة واغلقت الباب ثم توجهت الى اسفل…
عند مقربة من باب غرفة ادهم :
امل لنفسها : بقا هو دا اللى معصبك ومخلي العفاريت تتنطط فى وشك ، دا ايه الدلع دا ، بس اشمعنى بيسأل علي دبلة الجواز اكيد فيه حكاية تانية…
امام باب منزل ليليان من الخارج :
ليليان : زى ما اتفقنا يا عمر مش هنحكى اى حاجة حصلت انهاردة علشان ماما ما تعاقبكش
عمر : اوك يا لي لي
فتحت ليليان باب المنزل ودلفت الى الداخل بصحبة عمر قائلة : مساء الخير
سمية : مساء النور يا حبيبتي حمدلله على سلامتك
ليليان : الله يسلمك يا ماما
سمية : حمدلله على سلامتك يا عمر اتبسط انهاردة
عمر : اها اوى يا نانا
ليليان : اومال شيرين ومازن فين
سمية : نزلوا يجيبوا حاجات من تحت
ليليان : طب ماقولتوليش ليه اجيب وانا جاية
سمية : احنا ماكناش نعرف انك جايه بدرى واحنا محتاجين حاجات فنزلوا
ليليان : انا جيت بدرى علشان المدرب اللى هيبقي معايا حصلتله ظروف ومشي وانا قولت ارجع اذاكرلى اى كلمتين الامتحانات خلاص بعد اسبوع
سمية : يعني ضربلك اليوم عالفاضي منه لله
ليليان : لا وكمان غيرولى الاغنية اللى هغنيها يا ماما
سمية : غيرولك الاغنية ازاى ؟؟ دا مافيش وقت والمسابقة بعد الامتحانات علاطول
ليليان : معرفش هما اللى قالولى ، انا اللى مضايقني انى ماعنديش وقت اشوف اغنية تانية ، دول كمان طالبين اغنية لام كلثوم
سمية : ام كلثوم وفى المدة الصغيرة دى !! انتى كنتى هتغنى لفيروز اغنية حلوة اووى
ليليان : معرفش بقي شكلها مافيش سفرية ولا حاجة
سمية : معلش ماتزعليش اعملى اللى عليكي ونصيبك هتاخديه
ليليان : ياارب ، انا هدخل اذاكر شوية ولما شيرين تيجي وتحضر الاكل ابقوا نادوا عليا
سمية : ماشي ، دخلي بس عمر يغير هدومه
ليليان : يلا يا عمر تعال…دا ناام
سمية : هههه تلاقيه مابطلش لعب
ليليان : اااة لعبه كله طلع عليا فى الاخر
سمية : بتقولى حاجة
ليليان : لا مابقولش ، انا هغيرله هدومه وانيّمه
سمية : ماشي
دلفت ليليان الى حجرتها بعد ان ابدلت ملابس عمر ووضعته فى سريره ثم اتجهت الى غرفتها واحضرت الكتب وادوات المذاكرة ووضعتهم على المكتب
ثم سحبت مقعد المكتب وجلست عليه بكل ارهاق ثم جائت لتبدأ فى مذاكرتها حتى وجدت امير يتصل بها فابتسمت و أجابت عليه…
ليليان : الو
امير : ازيك يا ليليان
ليليان : الحمدلله ، انت عامل ايه
امير : الحمدلله ، بس تعبان شوية يعني الوقت اللي المفروض ابقي اجازة فيه نزلونى شغل
ليليان : معلش يا امير هما اكيد عارفين انك بتشتغل كويس فكلموك
امير : ايوة بس انا المفروض دلوقتى فى اجازة ايه ذنبي انى اشتغل لا وكمان معتمدين عليا فى كل حاجة
ليليان : معتمدين عليك علشان واثقين فيك وانك هتقدر توفق بين اجازتك تستمتع بيها وبين الشغل
امير : اوفق ايه بس انا يعتبر مابشوفش ماما وريم
ليليان بعصبية : وانا اعمل ايه يعني يا امير ، انت بتتصل علشان تضايقني وخلاص
امير : ايه يا ليليان فيه ايه
ليليان : مافيش حاجة يا امير
امير : لا انتى نبرة صوتك بتقول غير كدا
ليليان بدموع : مخنوقة ومتضايقة ممكن بقي تسيبني فى حالى
امير : طب اعرف بس مالك
ليليان : توتر امتحانات وموضوع الاوبرا بس مزودينها عليا المرادى
امير : معلش اكيد كله هيبقي تمام
ليليان وبصعوبة : اة…اكيد
امير : طب انا هقفل بقي علشان مشغول مع السلامة
ليليان : سلام
اغلقت ليليان مع امير وهى مغتاظة من طريقة كلامه فهو لم يواسيها فقط اكتفى ببعض الكلام البسيط واغلق المكالمة سريعا والقى عليها همومه وهى لا تتحمل ما عندها لكى تخفف عن غيرها ، مسحت دموعها بكفى يدها ثم اراحت رأسها على المكتب وذهبت فى نوم عميق…
فى الصالون :
مازن : السلام عليكم
سمية : وعليكم السلام حمدلله عالسلامة
مازن وشيرين : الله يسلمك
مازن : ليليان ما اتصلتش بيكي تطمنا عليهم
سمية : ليليان جت من بدرى هى وعمر ودخلت تذاكر شوية
شيرين : جت من بدرى يبقي اكيد عمر هو السبب ابنى وانا عرفاه
سمية : ههههه لا والله هى ما اشتاكتش منه خالص دا حتى هادى
شيرين : هادى !! هو يبان عليه الهدوء لكن لما بيتعود عاللى حواليه بيطلع شقاوته عليهم
مازن : هى ماقالتش هى رجعت بدرى ليه
سمية : بتقولى المدرب حصلتله ظروف واضطر يمشي فرجعت تانى
مازن : ايه الاسلوب دا !! هى هتفضل كل مرة تروح ويعطلها وخلاص
سمية : والله ما اعرف ، وامتحاناتها كمان اسبوع
شيرين : ربنا يعينها ، انا هقوم اغير هدومى واحضر الاكل
سمية : ماشي يا حبيبتي
مازن : انا هدخل اتطمن على ليليان
سمية : ماشي
طرق مازن باب غرفة ليليان ولم تُجيب فطرقه مرة اخرى وايضا بدون جواب ..
مازن : ليليان انا هدخل ، ممكن !
وعندما لم يجد مازن اى رد اضطر للدخول وعندما دخل وجد ليليان نائمة على مكتبها ، فكر اكثر من مرة فى ان يوقظها ولكن تركها نائمة فى مكانها لكى لا يُقلقها…
سمية : ها اطمنت عليها ولاقيتها بتذاكر
مازن : لا يا ماما دى نايمة
سمية : نايمة !!
مازن : اة بس شكلها مرهقة اوى
سمية : لا عادى هى بتبقي بالحالة دى كل سنة وقت الامتحانات واكلتها بتبقي ضعيفة وما بتنامش كويس واللى زودها عليها موضوع الاوبرا دا اللى مش هيجيلنا وراه غير وجع القلب وبس
مازن : معلش سيبيها ترتاح ولما تصحي هتكلم معاها وادعيلها ربنا يوفقها
سمية : ربنا معاها ويحميها من كل شر ويوفقك يا ليليان يا بنتي يارب
مازن : آمين
فى هذا اليوم اتفق كريم مع امير بان يأخذ ريم ويخرجا سوياً وقد وافق امير علي ذلك ، اتصل كريم بريم واخبرها بهذا الموضوع وفرحت كثيرا واتفقا ان يتقابلا سويا فى….
ريم : انا مش فاهمه انت هتوديني علي فين وكمان اسأل امير يقولى اللى يصبر بينول
كريم : ههههههه طب قولى ازيك مساء الخير اى حاجة
ريم وهى تنحنى انحناءة بسيطة وهى ناظرة الى الارض : مساء الخير سنيور كريم ، ممكن اعرف حضرتك واخدنى على فين
كريم : هههههه لا مش ممكن
ريم : كريم بطل وقولى بجد
كريم : طب اركبي العربية علشان نروح ولا انتى ناوية تضيعي الوقت وانتى بتسأليني
ريم : مهو انا عاوزة اعرف هنرو…
قاطعها كريم بابتسامة غيظ : مش هقولك وهتيجي معايا وبعدين اعتبريها مفاجأة
ريم : اوك اما نشوف اخرتها معاك
فى السيارة :
كريم : ايه يابنتي مالك مش هخطفك والله ، انا قايل لاخوكى احنا رايحين فين ماتخافيش اوى كدا
ريم : مش خايفة يا كريم بس انا اول مرة اخرج مع واحد غير امير فتلاقيني بس مش واخدة عالجو
كريم : اممم دا انا انهاردة هخليكي تعيشي احلى ايام حياتك وتاخدى عالجو وتعملى كل اللى انتى عيزاه
ريم : بس انت كدا رايح طريق الصحراوى هو احنا مسافرين
كريم : ياريييت كان ينفع بس يلا نعوضها بعد كدا
ريم : انت بتتوه الكلام على فكرة
كريم : بصراحة ااة
ريم : ماشي يا كريم
كريم : طب بصي انا هقولك شوية حاجات عالمكان اللى احنا رايحينه علشان ماتبقيش زعلانة
انتفضت ريم تجاهه قائلة بسعادة : بجد
كريم : اه
ريم : اوك يلا يلا قول
كريم : بصي يا ستي هو مكان هاااااادى وتحسي كدا انك فى عالم تانى غير عالمنا دا بتاع البنى آدمين وكدا
ريم : ها وايه كمان
كريم : وتقدرى تشوفى منه النيل
ريم : وااو وايه كمان
كريم : مكان شاعرى اووى
ريم : يااه وايه كمان
كريم : لا كدا انتى طماعة
ريم : كمل يا كريم بلييز
كريم : بصي هو انا اوعدك انك هتعيشي مغامرة خيالية وهتشوفى حاجات عمرك ما شوفتيها قبل كدا
ريم : شوقتنى اوووى
كريم : ايوووة انا عاوز الحماس دا لحد ما نوصل
عندما وصلوا الى المكان :
ريم بصدمة : ايه دا ؟؟!
كريم : ايه
ريم : دى..دى
كريم : احب اقدملك افريكا سفارى بااارك ياهوووو
ريم : اقفل…اقفل الشبابيك بسررعة
كريم : شبابيك ايه ؟؟
ريم : اقفل ازاز ( زجاج ) العربية يا كريم بسرعة
كريم وبعد ان اغلق جميع زجاج السيارة : ايه بقي فيه ايه مش فاهم
ريم : انت عارف انت مودينا فين
كريم : ايووة ما انا قولتلك سفارى افريكا بارك فين المشكلة
ريم : فين المشكلة ؟؟؟ المشكلة ان فيه حيوانات هتيجي تلزق وتتنط عالعربية دلوقتى و..وممكن تكون حيوانات مفترسة وانا…انا هبقي قريبة منهم اوى
كريم بحماس : طب وايه يعني ماهى المتعة فى كدا
ريم : انا مابحبش جو الاكشن والمغامرة دا يا كريم ( ثم امسكت بذراعه ) ارجوك تعالا نلف ووديني اى حتة تانية او رجعنى البيت
كريم : اهدى يا ريم ماتخافيش انا جنبك وبعدين مش انا سألتك قبل ما اتقدم اذا كنتي بتحبي افلام الاكشن ولا لا وانتى مأكدالى على كدا
ريم : ايووة انا ماكذبتش ، انا قولت افلام اه بس..بس حقيقة لا
كريم : صدقيني هتعيشي مغامرة عمرك فى حياتك ما هتعيشيها وهتستمتعى اوووى
ريم : كريم بلييز
كريم : بليز انتى ندخل صدقيني انا جنبك
ريم : مهو انا خايفة ليحصل اى حاجة
كريم : يعني كل الناس اللى جوا دى الحاجة الوحشة سيباهم وهتيجي لينا احنا
ريم : ممكن ليه لأ
كريم : تعالى بس ندخل وماتخافيش ووقت ما تحبي نمشي هنمشي موافقة
ريم بتردد : اوك
كريم : ريم لو متضايقة نمشي من دلوقتى
ريم : لا خلاص مش متضايقة
كريم : ولا خايفة
ريم بابتسامة : ولا خايفة…طول ما انت معايا
كريم : ايووة كدا ابتسمي علشان اليوم يحلو
ريم : هههههه
دخل كريم وريم بالسيارة الى الداخل وكانوا يمشون على طريق مخصص للسيارات مصنوع من الاسفلت وعلى الجانبين يوجد بعض الحشائش والاشجار والنخيل مما يعطون مظهر اكثر من رائع والشلالات الصناعية الخلابة المظهر ، وكان اول حيوان يشاهدوه عن قرب هو النمر…
ريم : ايييه دا يانهار اسوود ، انت جايبنا ليه ناحية نمر روح اى مكان تانى
كريم : اهدى اهدى دا اول حيوان لازم تقابليه علشان تحسي بجو الاكشن والاثارة
ريم : اكشن ايه واثارة ايه دا جى علينا وهيموتنا
كريم : لا ماتخافيش هو كسول جدا ومش هيعمل حاجة
تمشوا قليلا بالسيارة متبعين التعليمات الارشادية ثم وجدوا على الجانب بحيرة اصطناعية ويوجد بها الحيوان الذي يدعى ب ( سيد قشطة )…
كريم : تحبي نقف وننزل نشوف
ريم : مافيش حيوانات مفترسة هنا ؟
كريم بضحكة : ههههه لا مافيش
ريم بارتياح : اوك يلا
نزل كريم من السيارة اولا ثم تبعته ريم حينما اطمأنت واقتربت من سيد قشطة وكانت فرحة جدا والتقط لها كريم بعض الصور بجانبه وفعل كريم هذا ايضا…ثم ركبوا السيارة من جديد وشاهدوا بعد ذلك زرافتين يقتربان منهما…
ريم : الله كيوت اوى الزرافات دى ( وهى تصنع فرقعات بسيطة باصابع يدها ): تووووتى
كريم : هههههه توووتى !!! انا غلطان انى جبتك هنا
ريم : شكلها حلو اوى يا كريم بقالى كتير ما شوفتش زرافة
كريم : بصي بقي المكان اللى جاى دا فيه نعام وغزلان
ريم : واااو شكلهم تحفة بجد
كريم : ااه اوى انا اصلا بعشق الغزال
ريم : اشمعنى
كريم : علشان معنى اسم حبيبتي هو الغزال الابيض او الظبي الابيض وفعلا شكلهم حلو اوى
ريم : انا كمان بحب الغزال الابيض اوى
كريم : المكان دا بقي فيه بغبغانات تعالى ننزل نتصور سوا عندهم
ريم : اوك
نزلوا سويا من السيارة واقتربوا من الببغاوات ووضع كريم احدهم على كتفه وهو مبتسم والتقطت له ريم بعض الصور ثم..
كريم : لو سمحت هات كمان واحد على كتفها
ريم بفزع : لالالا انا لا
كريم : ماتخافيش دول لُذاذ اوى
فردد الببغاء الموجود على كتف كريم : دول لُذاذ اوى دول لُذاذ اوى
ريم : هههه شكله حلو اوى وهو بيقلدك ، انا عاوزة اجرب واحد
كريم : يلا لو سمحت هاتلها واحد قبل ما تغير رأيها
وضع العامل احد الببغاوات على كتف ريم ثم التقط لها وكريم بعض الصور سويا ثم اخذ الببغائان مرة اخرى وركب كريم وريم السيارة من جديد…
ريم : انا اول مرة ابقي مبسوطة كدا
ولم تكمل ريم كلامها حتى وجدت حيوانات الشامبنزى يقفزوا على زجاج السيارة الامامى فصاحت بصوت عالى وخبأت وجهها علي ذراع كريم…
ريم : عااااااااا !! يا ماما الحقيني
كريم : يخربيييتك يا مجنونة فيه ايه دا شمبنزى مش اسد
ريم : خليه يبعد يا كريم
كريم : اخليه يبعد ازاى انا ، دول كتيير مش واحد
ريم : هشهم بعيد عن العربية
كريم باستغراب : اهشهم !! هو قطة وانا مش واخد بالي
ريم : ماليش دعوة اتصرف
كريم : خلاص خلاص هو طفش اصلا من صوت صويتك
ريم وهى تتفقد زجاج السيارة بزاوية عينيها : بجد ؟
كريم : اة والله بجد
ريم : الحمدلله
كريم : ايه الصوت دا لميتي علينا الحيوانات
ريم : اللللللله بص الفيل اللى هناك دا عسوول اوى
كريم وهو يرفع حاجبه : سبحان مغير الاحوال
ريم بضحكة : ايه فيه ايه
كريم : مش كنتى لسه بتصوتى دلوقتى
ريم : اة ورجعت اضحك عادى
كريم : هو احنا طول الطريق هنقضيها حالات
ريم : مش انت اللى قولت هعيشك مغامرة خيالية البس بقي
كريم : انا شكلي كدا لبست بالفعل
ريم : بتقول حاجة يا كريم
كريم : لا ولا حاجة يا حبيبتي
ثم اكملوا سير وهم يتابعون النظر الى الحيوانات وتوقفوا ونزلوا لركوب لانش لرحلة نهرية قد استمتعوا بها كثيرا وخاصة انهما قد كانوا فى وقت الغروب وكان الهواء منعش مما منحهم الراحة التامة وصفاء الذهن ، ورأوا ايضا شلالات صناعية كانت مدهشة جدا من روعة منظرها ثم شاهدوا جزيرة للقرود وهم فى وسط البحيرة وكانت تلاحقهم بعضها وايضا رأوا بعض الاشجار التى تملؤها طيور بيضاء وبعض البجع فى البحيرة ثم دخلوا الكهوف وبعض بيوت الزواحف ، ومن ثمَّ اخذها كريم ليتناولوا وجبة الغداء الذي يقدم بالوصفات الافريقية في مكان بعيد نسبيا عن الحيوانات …..
وهم فى طريق العودة :
كريم : ها اتبسطي
ريم : اووى اووى يا كريم
كريم : قولتلك من الاول انتى ماصدقتنيش
ريم : انا بس علشان كنت اول مرة اجى مكان زى دا وحاجات كلها غريبة عليا
كريم : اممم خلاص لو انتى حبيتي المكان اوى كدا نبقي نيجي تانى وتالت وعاشر كمان
ريم : لااااااا
عند سيف :
سيف : ست الحباااااايب يا حبيبة ، طب والنعمة كانوا المفروض يسموكى حبيبة
سناء وهى تأكل عنب : عاوز كام ؟؟
سيف : ايه هو دا ، هو انا لازم علشان اخد منك فلوس ادلعك واغنيلك مثلا ، انتى امى ودا واجبي ناحيتك يا امى يا حبيبتي يا سنسونة انتى
نظرت له سناء وهى غير مقتنعة : الفيلم الهندى دا هيخلص امتى
سيف : انتى ليه محسسانى انى ضُرتك
سناء : علشان انت مش هتعمل كدا لله فى لله
سيف : طب تعالى نعيد من الاول
سيف : ست الحباااايب يا حبيبة
سناء : سيف ابني حبيبي ربنا يخليك ليا ويحميك يا ابني
سيف : انا عاوز اتجوز

الحلقة الحادية والثلاثون
عند سيف :
سيف : ست الحباااااايب يا حبيبة ، طب والنعمة كانوا المفروض يسموكى حبيبة
سناء وهى تأكل عنب : عاوز كام ؟؟
سيف : ايه هو دا ، هو انا لازم علشان اخد منك فلوس ادلعك واغنيلك مثلا ، انتى امى ودا واجبي ناحيتك يا امى يا حبيبتي يا سنسونة انتى
نظرت له سناء وهى غير مقتنعة : الفيلم الهندى دا هيخلص امتى
سيف : انتى ليه محسسانى انى ضُرتك
سناء : علشان انت مش هتعمل كدا لله فى لله
سيف : طب تعالى نعيد من الاول
سيف : ست الحباااايب يا حبيبة
سناء : سيف ابني حبيبي ربنا يخليك ليا ويحميك يا ابني
سيف : انا عاوز اتجوز
سناء وقد تحول وجهها للجدية : واد يا سيف انت بتتكلم بجد ولا بتهزر
سيف : واد يا سيف !! بقولك عاوز اتجوز تقوليلي واد
سناء : انا بقولك انت بتتكلم بجد
سيف : اة والله يا ماما بجد ، فاكرة اليوم اللى لما رجعنا فيه من المستشفي وقولتلك فيه واحدة عجبانى
سناء : اة فاكرة
سيف : لما روحت مع ليليان الخطوبة لاقيتها هناك واتكلمت معاها
سناء : لالالا ماتكروتنيش انا عاوزة الحكاية من اولها
سيف : ما انا بحكيلك من الاول اهو ، هى طلعت صاحبة ليليان وصاحبة العروسة اللى كنا معزومين فى خطوبتها
سناء : ااااه طب كمل
سيف : قعدت اقولها انا معجب بيكي والكلام دا وفضلت تصدنى وماكانتش مصدقانى وفى الاخر قولتلها انا عاوز اتقدملك علشان اثبتلها حسن نيتي
سناء : عرضت على واحدة الجواز من غير ما اشوفها ولا تاخد رأيي
سيف : يا ماما انا حكيتلك قبل كدا وانتى كنتى فرحانة حصل ايه لكل دا
سناء : طب وهى قالتلك ايه لما طلبت منها انك تتقدملها
سيف وهو مسلط بصره على نقطة ما فى الفراغ : لاقيتها متنحة ومش مصدقة وبعدين سابتني ومشيت
سناء : متنحة !! اهو لو رفضتك انا هعرف السبب ، يابني انتقى الفاظك
سيف وهو مبتسم : سيبيني اتكلم براحتى عن مراتى المستقبلية
سناء : ماشي ياخويا شكلهم هيرفضوك ( وهى تكمل اكل العنب )
سيف : ليه بس يا ماما
سناء :…..
سيف : يا ماما سيبك من العنب دا وركزى معايا
سناء : تقدر تقولى هيقبلوك ازاى وانت لا شغلة ولا مشغلة و طول ما انت مصاحب الزفت اللى اسمه باسل
سيف : انا ماعادش فيه بيني وبينه كلام
سناء : ليه ايه اللى حصل
سيف : تصرفاته مش عجبانى اليومين دول ولما جيت اكلمه قالي انا مش فاضيلك وكلام من دا
سناء : طول عمرى اقولك ان تصرفاته مش كويسة وانت مشيت وراه
سيف : خلاص انا مابقاش فيه بيني وبينه تعامل وهرجع اذاكر زى الاول كل اللى هيهمنى الفترة الجاية هى مذاكرتى وبس علشان اقدر احقق اللى انا عاوزة وهبدأ كمان من دلوقتى
سناء : اخييرا ، ايوة كدا وانا معاك فى اى حاجة انت هتعملها وواثقة فى اختيارك يا سيف
سيف : ربنا يخليكي ليا يا ماما
سناء : ويخليك ليا يا حبيبى
سيف : الا العنب خلص ولا لسه موجود
سناء : انت مش قولت هتذاكر
سيف : يا ماما لسه فاضل اسبوع
سناء : ديل الكلب عمره ما يتعدل ، اقسم بالله لو ما قومت على اوضتك وبدأت لهتشوف ايام سووودا
سيف : خلاص خلاص قايم
عند ليليان :
شيرين : ليليان صحيت يا مازن
ليليان : انا صحيت اهو يا شيري
شيرين : يلا اغسلي وشك وتعالى علشان تتغدى
ليليان : لا ماليش نفس
مازن : ليه يا ليليان
ليليان : معلش يا مازن مخنوقة شوية
مازن : ليليان الخنقة مالهاش دعوة بالأكل تعالى كُلى معانا وعاوزك بعد الغدا ومن غير نقاش
ليليان : حاضر
بعد تناولهم الغذاء وفى غرفة ليليان :
مازن : ايه بقي مين اللى مضايقك
ليليان : الامتحانات بعد اسبوع
مازن : عادى توتر الامتحانات موجود عند اى حد انتى بايدك تخليه يبعد وبايدك يلازمك وبعدين توتر ايه انتى خلاص دا اخر ترم ليكي وهتودعى لعب العيال دا وانا واثق انك هتجيبي تقدير عالى وامتياز كمان
ليليان بسخرية : مش اوى كدا
مازن : يابنتي انتى عندك قدرات حلوة بس انتى اللى مش عارفة تستغليها كويس ، ماعلينا المهم يعني انتى لو ركزتى واجتهدتى وعملتى اللى عليكي خلاص سيبي الباقي علي ربنا وكل واحد مكتوبله حاجة هيشوفها بس المهم اننا نسعى للى احنا عاوزينه بجد مايبقاش كلام وبس
ليليان : طب واللى يسعي للحاجة ويحبها وبعدين يجيله احساس انه خلاص زهق وان الحاجة دى مش ليه
مازن : موضوع الاوبرا مش كدا
ليليان : اها هو ، غيرولى المدرب بتاعى وقولت ماشي كمان يغيرولى الاغنية يعني هما بيحركونا زى ما هما عاوزين ومش همهم احنا لا وكمان المدرب الجديد كل ما اروح يقولى مش هينفع نتدرب انهاردة…حصلتلى ظروف انهاردة واخرتها ايه يا مازن
مازن : طب انا هقولك على حاجة حلوة طالما هو مطنشك كدا سيبك منه خااالص ، انتى تذاكرى ووقت ما تحسي بملل او زهق سلّى نفسك واقعدى غنى و ممكن كمان بعد كل امتحان تروحى الاوبرا تتمرنى وتدربي مع نفسك اظن مش هتبقي حاجة صعبة عليكي ومنها تكونى بتغيرى جو بعد كل امتحان ومنك بتتدربى ولو عالاغنية شوفى ابسط اغنية واكتر واحدة بتحبيها وهى اصلا هتبقي سهلة بالنسبالك
ليليان :….
مازن : ووعد منى لو ما اخدتيش مركز هسفرك باريس اسبوعين وتبقي لوحدك كمان علشان تبقي براحتك وهبقي اخد ماما عندى الفترة دى ، اوك
ليليان بحماس : اووك ، ربنا يخليك لينا يا مازن
مازن : ويخليكوا ليا يا حبيبتي ، اسيبك بقي علشان تذاكرى
ليليان : اوك وانا اوعدك انى هحاول باقصي ما عندى انى هركز جدا جدا فى مذاكرتى وفى الاوبرا
مازن بابتسامة وهو ينهض من مكانه ويتوجه نحو باب الغرفة : وانا واثق من كدا ربنا يوفقك
ليليان : ياااارب
مر الاسبوع وليس به اى جديد سوى ذهاب ادهم للاوبرا ومتابعته للمتسابقين واحيانا كانت تخطر على باله ليليان وكان يرى حسين كثيرا وكان يود اكثر لو ان يسأله عنها او حتى عن اسمها وماذا كانت تفعل عندما رآها من فترة ولكنه كان يعاند مع نفسه قائلا ( ماتخليش حاجة تشغل تفكيرك يا ادهم غير شغلك وبس ) ، اما عن ليليان فكانت بتذاكر فى البيت واحيانا كانت تبحث فى اغانى ام كلثوم عن اغنية مميزة وبسيطة وقريبة من قلبها ، كريم وريم ايضا يشغلون اوقاتهم فى المذاكرة واستعدادهم للامتحانات واحيانا بيكلموا بعض…
اول يوم امتحانات استعد الجميع للذهاب باكراً حتى يتقابلوا قبل الامتحان ويراجعوا سوياً ما ذاكروه…
ليليان وهى تغلق باب منزلها وتستعد للنزول رأت سيف امامها :
ليليان : صباح الخير
سيف : صباح النور ، ايه اخبارك
ليليان : تمام الحمدلله ، انت ايه اخبار المذاكرة معاك
سيف وهو يرفع يده عاليا : والله احنا عملنا اللى علينا والباقى علي ربنا
ليليان : ان شاء الله يبقي كويس
سيف : ان شاء الله
ليليان : طب انزل انت اكيد باسل هيعدي عليك وتروحوا سوا انا هفضل مستنية هن…
قاطعها سيف : لالا باسل ايه دلوقتى احنا خلاص مابقاش فيه بينا كلام
ليليان : اكيد بسببى انا اسفة لو سببتلك مشاكل معاه
سيف : لا ما تتأسفيش انا المفروض اشكرك انك خليتني ابعد عنه وعن اى حد غيره
ليليان : دا بجد للدرجادى
سيف : ماكانش ليا اصحاب غيره اتصاحبت عليه من اول يوم فى الجامعة ودلوقتى خلاص يعتبر ماليش اصحاب خالص
ليليان : طب ايه رايك تيجي تقف معانا احنا هنبقي مع بعض سوا ، انا وريم وكريم خطيبها وانجى وتامر خطيبها و..ونهى
سيف بابتسامة : جيتي عالجرح
ليليان : تعالا والله هما ناس كويسين وهيشدوك معاهم للطريق الصح
سيف : انتوا جروب سوا وهبقي تقيل وسطيكوا
ليليان : لالا ماتقولش كدا ، يلا بس تعالا احنا مش هنقضيها كلام عالسلم الامتحان هيفوتنا كدا
سيف : اه اه صح الامتحان ، اوك يلا
نزلوا سويا بالمصعد وتوجه كل منهم الى سيارته وانطلقوا بها الي الجامعة …
فى كافيه كلية اعلام :
ريم : اهى ليليان جت هناك اهييه اخييرا
تامر : بس معاها وجه جديد
انجى : اها دا سيف جارها وقريبها ومعانا هنا فى الكلية
تامر : وانتى ايه اللى عرفك
ريم وهى تشاور على انجى : ههههه معاك وكالة رويترز وانت مش واخد بالك
انجى : كدا اريم ماشي ، وانتى يا نهى ياترى سرحانة فى ايه
نهى : آآ ولا حاجة
ليليان : صباح الخير
الجميع : صباح النور
ليليان وهى تشاور على سيف : احب اعرفكوا بسيف
كريم : نورت يا معلم ، ماتقلقيش انجى عرفتنا بيه قبل ما تيجوا
الجميع : ههههه
انجى : تامر قول لصاحبك يخف هزاره شوية علينا
تامر : لا دا بالذات واليومين دول لا علشان بنستفع بملخصاته ، اقعد ياسيف احنا زادنا شرف
سيف بعدما جلس : انا اللي فرحان انى اتعرفت عليكوا
كريم : لا فك كدا وخليك عالخط تحب تاخد برشام زى تامر ولا
الجميع : هههههه
سيف : والله ماغلطش الواحد مبلط طول التيرم
تامر : ايوة بقي يا سيف يا ناصفنى
سيف : وانتى ايه رأيك يا نهى
نهى : رايي !! راايي فى ايه ؟؟
ليليان : لا دا انتى مش معانا خالص
انجى : قوليلنا يا نونى كنتى سرحانة فى ايه
تامر وهو يقترب من كريم وبصوت منخفض : هو ايه الحوار
كريم بنفس مستوى الصوت : مش عارف ادينا قاعدين بنتفرج
نهى : اييه بتبوصولى كلكوا كدا ليه ، يانهار اسووود الامتحان بعد عشر دقايق ، هبقي اقابلكوا هنا بعد الامتحان باي ( ثم ذهبت سريعا )
ريم : يابنتي استني بس
ليليان : ههههه سيبيها على راحتها ويلا بينا علشان ما نتأخرش
نهض الجميع ثم استعدوا للدخول الى الامتحان وهم على اتم الاستعداد لهذة الامتحانات اللعينة التى تفصلهم عن تحقيق احلامهم….
وبعد الامتحان اجتمع جميعهم مرة اخرى فى الكافيه التابع للكلية :
ريم : طب والسؤال دا يا كريم اجابته ايه
كريم وقد اخذ منها الورقة : كفايا بقا ، انتى راجعتى معايا الامتحان خمسين مرة ماتقلقيش هنعدى
ريم : يارب عديها على خير
سيف : الامتحان الجاى بعد بكرة وفى مادة مافتحتهاش اصلا
تامر : انت جيت فى الوقت الصح كريم ملخص كل المواد كلنا هنروح نصور دلوقتى الملخصات دى وهتذاكرها وخلاص
كريم : اة وخد رقمى لو احتاجت اى حاجة اتصل بيا وانا معاك ماتقلقش
سيف : كنتوا فين من زمان الواحد كان نفسه بجد فى اصحاب زيكوا
تامر : المهم انت معانا دلوقتى
ليليان : طب يلا يا جماعة نروح نصور الورق علشان رايحة الاوبرا انهاردة
الجميع : اوك يلا
بعد ان انهوا كل شئ ودّعوا بعضهم ثم توجه كلا منهم الى سيارته…
ليليان توجهت الى سيف : ايه هتيجي الاوبرا ولا
سيف : لا انا خلاص مش هروح الاوبرا تانى
ليليان : لييه
سيف : اللى كان مشجعنى باسل لكن انا هروح دلوقتى اعمل ايه
ليليان : تروح تعمل اللى كنت هتعمله واهو يبقي ترفيه ليك من جو الامتحانات دا
سيف : والله ممكن خلاص يلا نروح سوا
ليليان : اوك يلا
ركب كلا منهم سيارته وتوجهوا الى الاوبرا ثم توجهوا الى القاعة الذي سوف يتدربون فيها…
ليليان : بص انا لو شوفت باسل هنقل اى قاعة تانية مش هستحمل اشوفه بعد اللى عمله معايا فى خطوبة ريم
سيف : ااة صح انتى كنتى قيلالى هبقي احكيلك اللى حصل وماقولتيش حاجة
ليليان : تعالا نقعد هنا شوية احكيلك عقبال ما يجي المدرب بتاعى
فى نفس الوقت كان ادهم يتابع عمله ويتنقل بين القاعات وكان هذا موعد انتقاله للقاعة الذي يوجد بها ليليان :
ادهم وكان يتحدث فى الهاتف : اوك يا ماما هخلص هنا وهاجى اجيبك من عند خالتو
ناهد : وماتنساش تجيب بنت خالتك ياسمين معاك
ادهم : ااه صح ياسمين انا عندها فى القاعة اللى بتدرب فيها هنخلص ونيجي
ناهد : اوك يا حبيبي تيجي بالسلامة ، باي
ادهم : الله يسلمك
ادهم وهو يرفع راسه من شاشة الهاتف بعد ان انهى المكالمة راي ليليان من الجانب واحد الاشخاص معها يجلسون ويتحدثون سويا فقرر الاقتراب منهما….
ليليان : بس وبعدين جه واحد سحبني منه وانا استخبيت من باسل وراه وقعد يضرب باسل وكتير وماخلاهوش يلمس شعرة منى
سيف : طب الحمدلله ، باسل دا تصرفاته بقت غريبة
ليليان : يلا اهو راح لحالة ، بس بجد انا من غير الشخص دا كنت زمانى فى الضياع
ابتسم ادهم فور سماعه تلك الكلمات من ليليان…
سيف : ربنا بعته ليكي
ليليان : اة والله ، بقولك ايه انا اخترت اغنية جديدة لام كلثوم وهتدرب عليها بوجود مستر حسين من غيره هتدرب عليها لحسن لو اعتمدت عليه هخسر
سيف : دا واحد جديد
ليليان : اة للاسف ، من ساعة ما جه غيرلى المواعيد والاغنية اللى من اول التيرم بتدرب عليها ولخبطلى دنيتي
سيف : الآلات موجودة ولو انتى حافظه الاغنية اشتغلي
ليليان وهى تنهض من مكانها : اة انا هعمل كدا فعلا
ادهم من خلفهم : مساء الخير
التفت سيف وليليان الى الصوت فرد سيف : مساء النور
ليليان : يلا يا سيف نطلع نتدرب على المسرح
سيف : استني بس ، اكيد حضرتك عايزنا فى حاجة
ادهم : انا كنت جى اسألكم…انتوا من المتسابقين ؟؟
سيف : اه
ادهم : انا ادهم صالح انا هنا من لجنة الحكام اللى هتيجي تشرف عليكوا من فرنسا بس تقدروا تعتبرونى واحد منكوا
سيف بابتسامة وهو يصافحة : اهلا وسهلا بحضرتك ، نورت
ادهم : ميرسي ، انت تبقي اخوها ؟؟ ( وهو يشاور على ليليان )
سيف : دى…
قاطعته ليليان : وحضرتك بتسأل ليه ؟؟ ولا حضرتك كمان بتتابع خصوصيات الناس
ادهم : انا اكيد ماقصدش
ليليان : ولا تقصد مش فارقة ما كلهم عندك واحد مش كدا !! ، يلا ياسيف علشان مافيش وقت نضيعه
سيف : اه ، اوك اتشرفت بحضرتك ، بعد اذنك
ادهم بانزعاج : اة طبعا اتفضلوا
سيف لليليان بعدما ابتعدوا قليلا : انتى ليه ماقولتيلوش انى مش اخوكى
ليليان : الانسان دا بالذات ماتعرفهوش عنى اى حاجة
سيف : اوك زى ما تحبي
عاد ادهم الى مكتبه وهو مغمض العينين ومكور قبضتي يده من الانزعاج ومن طريقة كلام ومعاملة ليليان له… فطلب احد العاملين وسأله فى ان يحضرليليان اليه باى طريقة…
عند ليليان :
ليليان : سورى انا ماقصدش
احد المتسابقات : لا ولايهمك حصل خير
ليليان : انتى جديدة هنا
احد المتسابقات : اها وانتى
ليليان : لا انا هنا من زمان من وانا عندى 15 سنة مثلا
احد المتسابقات : ياااه فترة طويلة يعني
ليليان : اها
ياسمين : انا اول مرة اجى الاوبرا واسمى ياسمين ومشتركة فى المسابقة
ليليان : اهاا اهلا بيكي ، بس انا اول مرة اشوفك
ياسمين : لا مهو انا كنت بتدرب فى قاعة تانية بس عملولى ابدال مع واحد وجيت اناهنا واصلا انا اشتركت فى المرحلة التانية لما واحد قريبي عرفنى ان فيه مسابقة فى الاوبرا وكدا وانا بحب الجو دا اصلا فجيت
ليليان : انا مبسوطة اوى انى اتعرفت عليكي ، واسمي ليليان
ياسمين : الله اسمك حلو اووى
ليليان : ميرسي
احد العاملين : لو سمحتى يا انسة عاوز حضرتك ثانية
ليليان : خير
احد العاملين : فيه واحد عايزك فى مكتبه
ليليان : واحد مين
احد العاملين : معرفش بس واحد من الكبار هنا
ليليان : اوك ، ثوانى يا ياسمين ورجعالك
ياسمين : اوك
ليليان وهى نازلة من المسرح : مين يعني
احد العانلين : تعالى وانا اوصلك لمكتبه
ليليان : اوك
وعندما وصل العامل وليليان الى المكتب ثم شاور لها بالدخول فطرقت الباب وانتظرت الاذن ثم دخلت وكان ادهم واقف ينظر الى النافذة ويوليها ظهره وعندما دخلت فأدار وجهه اليها…
ليليان : نعم ؟؟ عاوز ايه ؟؟

الحلقة الثانية والثلاثون
وعندما وصل العامل وليليان الى المكتب ثم شاور لها بالدخول فطرقت الباب وانتظرت الاذن ثم دخلت وكان ادهم يقف ينظر الى النافذة ويوليها ظهره وعندما دلفت فأدار وجهه اليها…
ليليان وهى تعقد ساعديها امامها : نعم ؟؟ عاوز ايه ؟؟
ادهم : طب اقعدى الاول
فنظرت له ليليان ..فأكمل قائلا : ماتخافيش مش هاكلك
ليليان وقد جلست على المقعد الذي يوجد امام المكتب : انا مش خايفة منك
ادهم وقد دار حول مكتبه وجلس فى المقعد المقابل لها ثم رفع حاجبة : مش خايفة منى ؟؟!
ليليان : و..وانا هخاف منك ليه
ادهم : اسألي نفسك
ليليان : يعني ايه ؟؟
ادهم : من ساعة ما دخلتى وانتى بتحاولى تظهرى انك قوية ومش خايفة من حاجة بس للاسف عينيك فضحاكى يا…يا مدام
ليليان وقد خبطت بكف يدها على الطاولة الصغيرة الموضوعة بين الكرسيين والذي كان يوجد عليها لوح زجاجى لكى يُزيدها جمالا : كفايا بقي ، آآآآه
ادهم وقد حاول مسك يدها : حااسبي
ليليان بنبرة شبه باكية : ابعد بعيد عني واوعى تلمسنى
ثم تابعت ليليان بدموع : من ساعة ما شوفتنى وانت بتدور ازاى تضايقني وبتستمتع لما بتشوفنى متضايقة
ادهم باستغراب : مين قالك كدا ؟؟
ليليان : بطل بقي الحركتين دول مش لايقين عليك
ادهم : بطلى تقولى الغاز انتى قصدك ايه بانى بضايقك
ليليان بدموع اكثر : غيرتلى الاغنية اللى هغنيها فى يوم المسابقة وانا عندى امتحانات اليومين دول والمسابقة بعد الامتحانات علاطول لا وكمان طالب انى اغني اغنية لام كلثوم والمفروض انى اقول حاضر واسمع الكلام وكدا يا اما الاستاااااذ ادهم اللى فى ايده كل الامور هيستبعدنى
ادهم : ايه الكلام الغريب اللى بتقوليه دا
ليليان : بطل تمثيل بقا ، وكمان بتقول عليا مدااام بأمارة ايه شايفنى لابسه دبلة ( وقد امدت اصابع يدها امام وجهه )
ادهم : ما يمكن قلعاها
ليليان بصراخ هيستيري : مش من حقك تفسر كل حاجة على مزاجك انت عايز منى ايه ابعد عنى ، من اول مرة شوفتنى فيها وانت عمال تتهمنى بحاجات انا ماعملتهاش ، اتهمتنى انى واحدة بحب لمة الشباب حواليا و دلوقتى بتقول عليا مدام انت مالك بحياتى الشخصية ، دى حياتى انا ومش من حق اى حد يتدخل فيها
ادهم : طب هاتى ايدك اشوف الجرح
ليليان وهى تحذره باصبعها : قولتلك ابعد اعنى
ادهم : طب ممكن تبطلى عياااط قدامى
ليليان بسخرية : ايه ياترى دموعى بتأثر في واحد زيك
ادهم وقد اغمض عينيه وادار جسده لها ومسك راسه بكفيّه : ارجوكى بقا بطلي صوت عياطك
ليليان وقد اقتربت منه وهى ترجوه : انا اللى بترجاك تبعد عنى وعن حياتى ، ارجوك
ادهم وقد التفت لها وبانفعال : انتى اللى دخلتى حياتى غصب عنى وعنك !!!
فى هذا الوقت كان قد وصل حسين الى القاعة الذي يتدرب بها المتسابقون ثم ذهب وسأل احد الموجودين عنها…
حسين : لو سمحتي يا انسة
ياسمين : ايوة
حسين : فيه هنا واحدة بتدرب اسمها ليليان انتى تعرفيها
ياسمين : اها اعرفها
حسين : طب هى جت انهاردة
ياسمين : اها جت
حسين : طب هى فين ؟
ترددت ياسمين فى اخباره بالحقيقة ولم تُرِد ان تسبب معها مشاكل فى بداية علاقتهما : آآ…راحت تجيب حاجة من العربية
حسين : اوك انا فى مكتبي اول ما تخلص خليها تعدى عليا ضرورى
ياسمين : اوك اقولها مين
حسين : حسين الشرقاوى
ياسمين : اوك
توجه حسين الى مكتبه بعد ان ترك ياسمين مكانها ….
عودة الى ادهم وليليان :
ليليان : انت قولت ايه ؟؟
ادهم وقد التفت بجسده الى الناحية الاخرى : ماقولتش حاجة
ليليان : لا انت قولت…قولت ان انا اللى دخلت حياتك غصب عنك وعنى ، صح ؟؟
ادهم وقد نظر اليها مرة اخرى : بصي انا عايزك تثقى فيا انا والله ماليش ذنب فى كل اللى قولتيه دا ، انا ولا غيرت اغنيتك ولا ليا اى دخل بالموضوع دا
ليليان : اثق فيك بأمارة ايه
ادهم : بصي خلينا بس نشوف ايدك الاول وبعدين عاوزك تحكيلي كل اللى حصل بخصوص موضوع الاغنية واوعدك ان اللي هلاقيه السبب فى الحكاية دى مش هرحمه…صدقيني
ثم ذهب نحو دولاب صغير موضوع بمكتبه واخرج منه صندوق اسعافات اولية ثم احضره اليها ومد يده لكي يمسك يدها ويضمد جرحها ولكنها فاجئته بحركة سريعة من يدها الاخرى وسحبت صندوق الاسعافات الاولية اليها ثم جلست على المقعد وظلت تضمد جرحها بنفسها…
ادهم بعصبية : مهو مش هينفع التعامل دا ، كدا مش هنعرف نعمل حاجة
نظرت اليه ليليان ثم اعادت تكمل ما تفعله ، جلس ادهم على المقعد الذى امامها ثم قال لها : طب فكرى معايا كدا انا ايه اللي يخليني اغيرلك اغنيتك يعني مافيش عداوة بينا
ليليان بعد ان انتهت من ما تفعله : يمكن علشان لما عمر ضايقك يوميها و..
قاطعها ادهم : مين عمر ؟
ليليان : عمر ابن اخويا اللى احم دلق عليك العصير
ادهم بصوت منخفض وبابتسامة صغيرة على زاوية فمه : هو طلع ابن اخوكى
ليليان : بتقول حاجة
ادهم : لا..خلينا فى المهم مين اللى جالك وبلغك انى غيرتلك الاغنية
ليليان : مستر حسين اللى بيدربني
ادهم : حسين !!
ليليان : اها
ادهم : طب روحى كملى اللى بتعمليه وسيبيلي انا الحكاية دى
ليليان : ايوة يعني انا اتدرب على اي اغنية دلوقتى القديمة ولا الجديدة
ادهم : شوفى انتى حابة ايه اكتر واتدربي عليه ( ثم تركها بمكتبهِ ورحل )
ليليان وهى خارجة من مكتب ادهم : انا هتدرب عالجديدة لحسن يطلعلى حسين دا ويهب فيا زى كل مرة ، والله ادهم دا كمان شكله بتاع كلام ولا هيفدنى بأى حاجة ( ثم عادت الى قاعة التدريب )
توجه ادهم الى مكتب حسين لكى يواجه بموضوع تغيير الاغنية وكاد ان يفتح باب مكتب حسين ولكنه توقف حينما سمعه يقول:
حسين : هههههه لالا ماتقلقش البت طلعت عبيطة ولما قولتلها بلاش تروح تكلم ادهم فى الحكاية دى لحسن يستبعدها صدقت
المتصل :……
حسين : ايوة انا مفهمها ان ادهم هنا الكل فى الكل وممكن يستبعد اللى هو عاوزة وماحدش يقدر يقوله لأ
المتصل :……
حسين : لا وخد الكبيرة بقا انا قولتلها لازم اغنية لام كلثوم هههههه خليها بقى تشرب
المتصل :…..
حسين : خلاص كدا انسي تماما انها تفوز او حتى تاخد مركز
المتصل :……
حسين : ماتقلقش انا كل ما تقولى يلا نتدرب بطلعلها حجج ييقي توريني شطارتها بقي
المتصل :…..
حسين : دا من حظها الاسود انك خليتني انا المدرب بتاعها ، هطلع عينها بس بالبطئ
المتصل :….
حسين : اوك سلام
ادهم من الخارج : يابن ال…. يعني انت ورا كل الحكاية دى ، ومين اللى ليه مصلحة فى انه يأذيها ؟؟ طب والله لطلع انا عينك وبالبطئ بردو يا حسين الكلب وهفضل وراك لحد ما اعرف مين السبب ورا كل اللى بيحصل لليليان ( ثم توجه الى القاعة )
عندما عادت ليليان :
ياسمين : ليليان فيه واحد جه وسأل عليكي واسمه حسين
ليليان : طب وقولتيله ايه
ياسمين : قولتله انك رايحة تجيبي حاجة من العربية
ليليان : اوك ميرسي يا ياسمين
دخل ادهم القاعة واكتشف وجود ليليان مع ياسمين وهم يتحدثون سويا
ادهم لنفسه : اووف يعني انتى يا ياسمين سيبتي كل الناس اللى فى القاعة وجاية تتصاحبي على دى
ادهم وبعد تفكير : انا مش هعرف ليليان ان ياسمين قريبتى علشان لو قالت عنى حاجة وانا مش موجود ابقي عارف ( ثم ابتسم ابتسامة نصر )
ثم اخرج هاتفه من جيبه وضغط على بعض الازرار ورفعه الى اذنه منتظراً الرد من الطرف الاخر..
عند ياسمين :
ياسمين : ثوانى يا لي لي
ليليان : اوك
اجابت ياسمين على الهاتف : ايوة يا دوماا
ادهم : الو يا ياسمين بصي اسمعى كل الكلام اللى هقولك عليه دلوقتى ونفذيه بالحرف الواحد
ياسمين : كلام ايه
ادهم : انا هجيلك دلوقتى ولا كأنك تعرفيني ولا شوفتيني قبل كدا غير انى واحد من المشرفين على المتسابقين فهمانى
ياسمين : تقريبا فهمت بس ليه كل دا
ادهم : اعملى بس اللى بقولك عليه وهعرفك بعدين
ياسمين : اوك باى
ذهب ادهم نحو المسرح وصعد على السلالام الخاصه به وتوجه نحو ليليان وياسمين :
ادهم : مساء الخير
الفتاتان : مساء النور
ادهم : انسة ليليان ابقي اتمرنى عالأغنية الجديدة زى ما قولتلك واستاذ حسين مشى تقدرى تروحى بيتك دلوقتى وابقى تعالى يوم تانى
ليليان : طالما هتدرب عالأغينة الجديدة لازم اقعد ولو مستر حسين مشى خلاص براحته بس انا مش هضيع وقت اكتر من كدا
ادهم : بس لازم تمشي دلوقتى
ليليان : مش انت اللى هتمشي كلامك عليا انا اعمل اللى انا عيزاه
ادهم : لو قعدتى اكتر من كدا هتحصل مشكلة وخناقة بسببك
ليليان : مين اللى هيتخانق ؟
ياسمين : خلاص يا ليليان لو هتحصل مشاكل زى ما الاستاذ بيقول تعالى نمشى ونتفق على معاد تانى نيجي فيه سوا
ليليان : انا همشي دلوقتى بس يكون فى علمك انا مش هنفذ اى حاجة تانية حد يطلبها منى ، باى باى يا ياسمين
ياسمين : بااى
وبعد رحيل ليليان :
ادهم : اركبى عربيتك يا ياسمين وهنتقابل عند خالتو علشان ماما هناك ( ثم تركها ورحل )
فى فيلا وفاء الكيلانى خالة ادهم وعلى مائدة الطعام :
ياسمين : والله العظيم يا خالتو البنت قمرر وعروسة لقطة
ادهم : وادى اخرة اللى يودى قرايبه فى اماكن شغله
زياد اخو ادهم : ياعم قولتلك مية مرة البنت الحلوة ليها معاملة خاصة
ادهم : ههههه كان غيري اشطر يابني انت داخل عال30 سنة وانا مارضاش اتجوز قبلك
ناهد : طب يا ادهم هى اسمها ايه
ياسمين بسرعة : اسمها ليليان يا خالتو
ناهد وهى تقترب من اذن ادهم : هى دى البنت اللى بتحلم بيها يا ادهم ؟؟
ادهم بصوت منخفض : ماما !! الكلام دا مش هنا
ناهد بابتسامة : تبقي هى
ياسمين : ايوة يا خالتو اقنعيه هو بيسمع كلامك
ادهم : على فكرة مش بنتكلم عليها
ياسمين : ويالهوووى بقا يا خالتو لما بتشوفيها بتغنى ملاااااااك
ادهم : اسمها ماشاء الله مش يالهووى
ياسمين : ايه خايف عليها لاحسدها يا دووما
وفاء : خلاص بقا كفاية يا ياسمين لحسن ادهم يزعل منك
ياسمين : لالا ادهم مش بيزعل منى
زياد : قوليلي يا ياسمين هى عسولة
ياسمين : بص هى حاجة كدا ما تتوصفش جمال وصوت حلو وكلية اعلااااام
ادهم : بلاش مبالغة هى عادية جدا على فكرة زيها زى اى بنت
زياد محاول اغاظة ادهم : سيبك منه يا ياسمين ، قوليلي انا انفع كزياد انى اشوفها و اتعرف عليها ولو عجبتنى نرتبط سوا
ادهم بعصبية : هو ايه اللى لو عجبتنى نرتبط هى بضاعة الناس تيجى تتفرج عليها وتمشي
ناهد : ادهم !! عيب تعلى صوتك على اخوك اللى اكبر منك
ادهم : انا هريحكوا منى خاالص وهمشي ( ثم توجه نحو باب الفيلا )
ياسمين : يا ادهممم استنى بس انا اسفة والله ما اقصد
ناهد : تفتكرى يا وفاء تكون البنت دى حركت فى ادهم اى حاجة
وفاء : مش عارفة بس انا اول مرة اشوفه كدا
زياد : انا ماكنتش اقصد يا ماما ، دا كله كان هزار
ناهد : خلاص يا زياد ما حصلش حاجة
ادهم بعد ان خرج من الفيلا وتوجه الى سيارته اخرج هاتفه من بنطاله ثم ضغدط على بعض الازرار و….
ادهم : الو
الشخص : ادهم فينك ياعم
ادهم : امير انا عاوز اقابلك ضرورى
امير : ليه خير حصل حاجة
ادهم : مخنوق وعاوز اتكلم معاك شوية فاضي ولا
امير : اوك تحب نتقابل فين
ادهم : نتقابل فى كافيه….. دلوقتى
امير : دلوقتى !!! دا الموضوع شكله كبير
ادهم : لما اشوفك هفهمك كل حاجة
امير : اوك هحاول استأذن واجيلك
ادهم : مافيش حاجة اسمها تحاول اسمها حاضر جايلك يا ادهم
امير : حاضر جايلك يا ادهم ، سلام
ادهم : سلام
فى الكافيه :
امير : السلام عليكم
ادهم : وعليكم السلام
امير : خير حصل حاجة
النادل : تحبوا تطلبوا ايه يا فندم
ادهم : شوف بس عاوز تاكل ولا تشرب الاول وبعدين نتكلم
امير : انا ممكن اشرب نسكافيه
ادهم : اوك وانا هاخد واحد قهوة مظبوط
النادل : تحت امرك يا فندم ( ثم رحل )
امير : ها حصل ايه
ادهم : هحكيلك من الاول…انا جاى هنا كحكم من لجنة الحكام فى مسابقة من مسابقات الاوبرا هى كان فيها مرحلتين المرحلة الاولى اكتملت ولما لاقوا ان العدد ضعيف عملوا المرحلة التانية فكلمت ياسمين بنت خالتى وقولتلها تقدم هى اصلا فى الكونسرفتوار وبتحب الموسيقي وكدا وبعدين انهاردة كنت بمُر عالقاعات وكان الدور عالقاعة اللى فيها ياسمين بس انا معرفها ان ماحدش هناك يعرف صلة القرابة اللى بينا وبعدين دخلت وروحت عندها وكنت بكلم واحدة معينة وكانت ياسمين اتصاحبت عالبنت اللى انا رايح اكلمها ، المهم كلمتها وخلاص كله تمام وكان المفروض اننا معزومين عند خالتو اللى هى والدة ياسمين و من اول ما قعدنا عالأكل راحت ياسمين قعدت تقولهم البت قمر البت عروسة لقطة لادهم البت صوتهاا تحفة وكلام من دا
امير : طب ما حلو يا عم ادهم جابتلك واحدة حلوة ايه المشكلة فى كدا
ادهم : المشكلة انى كنت شايف البنت دى قبل كدا وكان فيه واحد اتهجم عليها وانا انقذتها منه بس كانت مستخبية ورايا وكانت عماله تعيط
امير : بردو مافيهاش مشكلة
ادهم : المشكلة بقا ان انا من ساعة ما شوفتها اليوم دا وانا بحلم بيها وهى عماله تعيط وكأنها بتستنجد بيا بس انا ببقي متكتف ومش قادر اعملها حاجة
امير : وبعدين
ادهم : واحنا قاعدين عالأكل كانت ياسمين عماله تتكلم عليها فزياد راح بيقولها انا كزياد ينفع اشوفها ولو عجبتني ابقي اروح اتقدملها
امير : ههههه زياد !! زياد قال كدا من وصف بس
ادهم : مش دا المهم ، المهم ان انا لاقيت نفسي زعقت واتعصبت وقومت سايبلهم المكان وماشى
امير : اممم يبقي بدأت تتعلق بيها يا حلو
ادهم : معرفش بس انا هتجنن من ساعتها ، انا يعتبر ما شوفتهاش غير مرتين تلاته استحالة انى اكون حتى دخلت فى مرحلة اعجاب
امير : انت اللى بتآوح مع نفسك
ادهم : انا جايبك هنا علشان تقولى الكلام دا !!
امير : مهو انت اللى مش مقتنع ، وبعدين عمال تقولى بتحلم بيها مهو احنا بنحلم بالناس لما بنفكر فيهم كتير و بالنا بيبقى مشغول بيهم
ادهم : انا جاى هنا علشان شغل وبس ومش عاوز اضيع وقتى فى الكلام الفاضى دا
امير : يبقى وجودى هنا مالوش لازمة
ادهم : يا امير انا اتصلت بيك لما لاقيت نفسى عاوز اتكلم مع حد
امير : وانا سمعتك لحد ما خلصت كلامك ، بس انا مش معاك فى تفكيرك بصراحة
ادهم : يعنى عاوزنى اعمل ايه
امير : مش عاوزك تعمل اى حاجة بس فى نفس الوقت بلاش تعاند مع نفسك
ادهم : ربنا يسهل
استمرت ايام الامتحانات وكانت ليليان تتدرب على الاغنية الجديدة فى اوقات مابين المذاكرة وكانت تذهب الى الاوبرا وكل ما رأت ادهم تسأله عن الشخص المتسبب فى فعل هذا ولم يكن يعيرها اهتمام ، اما ادهم فكان يحاول قدر الامكان فى عدم التفكير بها وكان يشغل اوقاته باى شئ اخر وايضا قد علم من المتسبب فى كل ما يحدث لليليان الان وقد توعد له لاحقا ، اما كريم وريم فكانوا احيانا مشغولين فى شراء مستلزمات لمنزلهم المستقبلي ، وسيف تقرّب جدا من كريم وتامر وكان يجتهد فى مذاكرته و ايضا يبحث عن وظيفة يبدأ بها عقب الانتهاء من امتحاناته على الفور ، وفى هذة الفترة زادت علاقة ياسمين بليليان جدا وخصوصا بعد ان شعرت ياسمين ببدأ اعلان قلب ادهم باشارات لليليان…
فى صباح اليوم الذى يسبق اخر يوم امتحانات :
ليليان : انا نازلة يا ماما
سمية : لسه مصممة تروحى الاوبرا ، اقعدى ذاكرى كلمتين دا بكرا اخر مادة
ليليان بابتسامة : ماتقلقيش كله هيبقي تمام وبعدين اخر مادة دى ما بتتذاكرش اصلا
سمية : مين اللى قال كدا
ليليان بضحكة : هههه انا ، وبعدين انا لازم اروح ضرورى يا ماما صدقيني الموضوع مش هينفع يتأجل اكتر من كدا ، ادعيلى
سمية : ربنا معاكى وينولك اللى فى بالك يابنتى
ليليان : يلا سلام
سمية : مع السلامة
نزلت ليليان بالمصعد ثم توجهت الى سيارتها وانطلقت بها الى الاوبرا….
وعندما وصلت الى الاوبرا توجهت الى مكتب ادهم وطرقت على الباب ثم دخلت عندما جائها الاذن بالدخول وعندما دخلت…
ليليان وبصوت مرتفع : انا عايزة اعرف ودلوقتى مين اللى ورا موضوع تغيير اغنيتى
ادهم : اولا لما تيجى تدخلى…تدخلى زى البنى آدمين و صوتك يبقى واطى احنا مش فى الشارع
ليليان : انا دخلت زى البنى آدمين ، خبطت عالباب وما دخلتش غير لما قولت ادخل
ادهم : وبالنسبة للصوت العالى
ليليان : انت شكلك هتتوه الموضوع زى كل مرة ، عالعموم انا اسفة بس بعد اذنك تقولى مين السبب
ادهم : قولتلك قبل كدا مش هيفيدك انك تعرفى
ليليان : بس انا عايزة اعرف واعتقد ان دا حقى
ادهم : انتى مش قد اللى عمل فيكى كدا سيبك من الموضوع دا بقا وروحى اتمرنى
ليليان : صدقنى لو ما قولتليش دلوقتى مين اللى عمل كدا هروح انا لحسين واقوله انى عرفت الحقيقة واللى يحصل يحصل شكرا مش عايزة منك حاجة ، اصل انا كنت غلطانة لما وثقت فى واحد زيك
ادهم : استنى !!
ليليان وقد وقفت مكانها ثم استدارت له بجسدها : افندم !!
ادهم : هقولك اللى انتى عيزاه بس توعديني الاول
ليليان : اوعدك بإيه ؟؟
ادهم : باللى هقولك عليه
ليليان : بردو عاوز تمشى كلامك عليا !!
ادهم : هو دا شرطى لو موافقة هقولك ، وماعتقدش انك لو روحتى لحسين هيقولك على حاجة
ليليان وقد عقدت ساعديها : عاوزنى اوعدك بإيه
ادهم : مالكيش دعوة باللى هقولك على اسمه ولا تروحيله اصلا
ليليان : ازاى عاوزنى اسيب حقى
ادهم : خلاص يبقي مش هقول
ليليان : اوووف ، خلاص اوعدك
ادهم : باسل
ليليان : باسل مين ؟؟
ادهم : باسل اللى اتهجم عليكي يوم خطوبة صاحبتك هو السبب فى ان مدربك يتغير وحسين يبقى هو اللى يدربك علشان يطلع عينك وهو بردو السبب فى تغيير اغنيتك
ليليان : ميييييييييييين !!!!!!!