مسلسل رحلة الحب الحلقة 17و18

الحلقة السابعة عشر



رامز عمل مكالمه جماعيه مع الشباب
رامز:حاله طوارئ يا جماعه
مراد:في ايه يا اهبل
رامز:لا بصوا نتجمع عند جو
يوسف:الله يخربيت اليوم الي عرفتك فيه هو اي حاله طوارئ تتجمعوا عند اهلي
رامز:بيتك بيعجبني يا سيدي في اعتراض
يوسف:حمزة بيته احلي بس انا عارف انه مينفعش و عارف بتختاروني ليه يا كلاب عشان انا معنديش اخوات بنات صغيره ماله درش ما وحيد مامته و باباه
رامز:مصطفي بيخاف علي اي حاجه عنده لو كسرنا حاجه ممكن يعملنا جنازة لكن انت يا جو اشطه طيب و مش بتتكلم
مروان:طب انت عايز ايه
رامز:تعالوا بس عند جو و اقولكوا
كل الشباب اتجمعوا عند يوسف
يوسف:نتجمع في جهنم ان شاء الله
رامز:غور يلا
مالك:عايز ايه بقي اخلص
رامز:بصوا نقعد قعده صراحه مع بعض احنا السبعه
حمزة:ليه يعني
رامز:يلا بقي
الشباب:ماشي يا سيدي
بعد ما قعدوا
مراد:نبدا من الكبير للصغير
حمزة و يوسف:لا من الصغير للكبير
مروان:اخلصوا بقي مش هنقضيها خناقات
رامز:طيب انا الي هسال مروان ايه شعورك و انت مع هدير
مروان:ايه دا احنا مش اتفقنا علي كدا
الكل:قول يلا قول
مروان:امممممممم اقدر اقولكوا ان بحس معاها بالراحه يعني بحب اتكلم معاها و كدا يعني
يوسف:يعني مش مثلا حسيت انك معجب بيها او بتحبها
مروان:لا لسه انا بس بحب اتكلم معاها بحس انها لطيفه و اكنها بتفهم شعوري من غير ما اتكلم
رامز:جميل و انت يا مراد
مراد:بصوا يارا بنت جميله و رقيقه حاسس انها زيي يعني مثلا مش مجنونه زي اميرة و لا مشاكسه زي هبه و لا بتاعه مقالب زي ميار و لا لطيفه زي هدير هي حاجه كدا حلوه اوي يعني مش عارف اوصف ممكن يكون في اعجاب بسيط بس لسه مش تحول لحب
رامز:امممممممم و انت يا درش
مصطفي:بصراحه هاجر عجباني
الشباب:اوووووووووووه
مصطفي:خلوني اكمل انا بقول عجباني لان انا حاسس انها بالسوليفان بتاعها
حمزة:هي كيس شيبسي عشان تقول سوليفان
مصطفي:اسكت يا حمزة احسن لك
حمزة:طب يعني ايه سوليفان ده
مصطفي:انا اعرف بنات كتير و صاحبت عليهم بس عمري ما لقيت زيها حاجه كدا متتعوضتش و مش ينفع اني اخسرها
رامز:هيييييييييييح و انت يا مالك
مالك:امممم بكل صراحه انا معجب ببسمه
الشباب:ايوه بقي”بصراخ”
مروان:تعلالي هنا يا معلم ايه معني معجب بيها عايز تفسر مفسر
مالك:يعني لما بشوفها بفرح اوي و يااااااااه لما بشوف ضحكتها بنسي كل الدنيا و لما شوفتها اول مرة حسيت بحاجه نحيتها و كنت مبسوط اني عرفت اكلمها و لما خوفت عليها لما جت تقع و سندتها حسيت ان متنفعش لحد ابدا غيري و مش هسمح لحد ياخدها مني
يوسف:الله عليكي يا كبير
حمزة:امتي بقي الشعوريات ده وصلتلك
مالك:شعوريات غور يلا علي العموم لما كانت طالعه و كنت هتقع و انا سندتها من هنا بدأت
رامز:يا ابن اللعيبه دا انت ظبطها
الشباب:ههههههههههههههههههههههههههههه
يوسف:و انت يا فالح
رامز:امممم سؤال وجيه ميار بنت لذيذه و هي تقريبا نوعي المفضل من البنات بس حاسس ان في حاجه ناقصه ممكن من ناحيتها او من نحيتي مش عارف في حاجه عجيبه بتحصل لما بكون قدامها مش بعرف اتكلم و لا نيله بقلب لبخه علي الاخر
مروان:يعني مش معجب بيها
رامز:و الله ما عارف
يوسف:دا انت غرقان اوي يا عمنا
رامز:اتبقي يوسف و حمزة
يوسف:محدش يبصلي ملكوش دعوه بيا
حمزة:و لا انا
الشباب:احنا متفقين اننا نتكلم بصراحه
حمزة:اممممم طب بالزمه البت ده مؤهله للحب او للاعجاب ده بلطجيه بس عارفين اكتر حاجه بتخليني يعني بحب اتكلم معاها اولا طيبه و بلطجيه و مشاكسه و محترمه في نفس الوقت متسالوش ازاي انا نفسي مش عارف فيمكن هو دا السبب الي بيخليني بحب اتكلم معاها او اناقرها المهم اطلع عينها بحب اشوفها و هي متعصبه يعني لو مسمعتش منها كلمتين في العظم بحس ان اليوم في حاجه ملغبطه
و المشكله الاكبر مش فيها هي ده في دعوات امي
يوسف:مالها طنط يا حمزة حرام عليك ده طيبه جدا
حمزة:يا جدع كل ما تكلمني مش عندها غير دعوه واحده الهي يارب يرزقك بواحده تطلع عينك و تاخدلي حقي و كل ما تدعيها مش افكر غير في المصيبه ده
عارفين بيجرالي ايه
الشباب:ايه
حمزة:بعمل زي الافلام العربي بقول لاااااااااااااااااااااا و يتقال عني مجنون
الشباب:هههههههههههههههههههههههههههه الله يخربيتك يا حمزة
رامز:كدا بقي انت يا جو ها بقي ها
يوسف:ها ايه
مالك:ها ايه ايه قول الحقيقه
يوسف:الحقيقه اني جعان
مراد:انت هتستعبط
يوسف:نو بستهبل
حمزة:اخلص يلا كلنا فقسينك
يوسف:طب طالما انتوا فاهمين عايزين ايه
الشباب:نسمعك و انت بتعترف بجريمتك
يوسف:ههههههههههه اممممم مش عارف ابدا منين بصوا من الاخر كدا انا معترف اني اعجبت بيها و اوي
مصطفي:من امتي
يوسف:اولا ساعه ما شوفتها في الباص اول مرة كان شكلها طفولي اوي و جميله و لما بشوف ضحكتها جميله اوي و الي زود اعجابي بيها ساعه ما نزلنا للغوص و كانت خايفه و لما لقيتني مسكتها و هي مسكت فيا حسيت بالدنيا كلها حوليا و حسيت انها زي بنتي يعني اني عايز احميها من اي حاجه و محدش يقربلها ده ليا و لوحدي بس لما عملت الموقف الي ضايقها مني دا حسيت اني بموت و لما شوفتها بتعيط قلبي وجعني اوي و الله يا جماعه انتوا عارفين ان عمري ما اعتذرت لحد بس قدامها انا كنت راضي اتنازل عن اي حاجه لمجرد انها تسامحني و اعرف اكلمها تاني و تكون جنبي عشان كدا كنت بعمل المستحيل و لما سامحتني كنت فرحان جدا و لا اكنها فرحه العيد اي نعم ساعات بسببلها مشاكل من غير ما اقصد بس بلقيها بتسامحني قلبها الطيب دا هو الي بيخليني مقدرش اسيبها ببقي بستني اليوم الي اقدر اشوفها فيه و فوق دا كله انا وعدت نفسي اني اكون مكان باباها يعني احميها بعنيا قبل نفسي
حمزة:ابوس ايدك ما تكمل بدل ما احبها انا
يوسف:اياك تقربلها و الا ليلتك هتبقي اسود من شعر راسك
حمزة:خلاص يا عم دا كان تعبير مجازي
يوسف:مش وقت بلاغه هو
الشباب:يخربيتك يا جو
رامز:دا انت وقعت خالص
مالك:و بتقولوا عني اني واقع دا جو خلاص في السلام
يوسف:و الله مش بايدي هي الي اخلاقها و طيبتها و جمالها الي خلاني انجذبلها
مروان:يعني انت بتحبها و لا زي اي بنت عرفتها يا جو
يوسف:لا طبعا اميرة حاجه تانيه خالص حتي لو مكنش فيه اعجاب عمري ابدا ما هأذيها في حاجه
حمزة:يا حنين
رامز:وربنا بتفصل اهلي
يوسف:طيب كدا بقي كل واحد صارح التاني
الشباب:اها
يوسف:يلا يا كلب منك ليه علي بيتك
مالك:احنا بنتطرد
يوسف:اذا كنتوا بتحسوا
مروان:يا شباب عليه
قاموا ناموا فوقيه و كانوا بيضربوه
يوسف:خلاص ههههههههههههه خلاص البيت بيتكوا لو عايزني انا الي امشي مش عندي مانع
الشباب:لا خلاص
“عند اميرة”
اميرة:تيتا تيتا تيتا تيتا تيتا
تيتا اميرة:طالما تيتا تيتا كدا يبقي في حاجه عايزة ايه
اميرة:طول عمرك فاهمني يا نصه
تيتا اميرة:طب قولي عايزة ايه
حكتلها اميرة الي حصل و انها عايزة تروح الحفله
تيتا اميرة:طيب انا هتصرف لولا بس ان الولد دا اخلاقه كويسه مكنتش هساعدك
اميرة:ربنا يخليكي ليا يا موزتي
اتصلت تيتا اميرة علي مامتها و كان الحوار كدا
مامه اميرة:ازيك يا ماما
تيتا اميرة:ازيك يا بنتي عامله ايه
مامه اميرة:كويسه هي اميرة عندك صح
تيتا اميرة:اه بصي هي عايزة تخرج تروح النادي مع صحابها
مامه اميرة:هي معاقبه يا ماما
تيتا اميرة:انتي هتفضلي حبساها كتير كدا يا بنتي خليها تخرج بقي ده قربت السنه الجديده تدخل خلاص
ماماه اميرة:بس
تيتا اميرة:من غير بس قولي موافقه
مامه اميرة:ماشي يا ماما بس مش تتاخر عن الساعه 3 العصر
تيتا اميرة:ماشي
“بعد ما خلصت المكالمه”
اميرة:ها ها ها
تيتا اميرة:وافقت بس متتاخريش عن الساعه 3
اميرة:الله عليكي يا كبيرة احبك انت
تيتا اميرة:ماشي يا ستي بس هي امتي
اميرة:يوم الخميس و انهرده الاتنين يا لهووووووووووووووووي
تيتا اميرة:يا هبله مالك
اميره:معندناش اللبس المناسب لازم انزل انا و البنات عشان نجيب فساتين حلوه بس هقول لماما ايه
تيتا اميرة:ماشي يا ستي روحي الاوضه الي جوه في الدولاب هتلاقي 500 جنيه روحي جيبي بيهم الي انتي عيزاه
اميرة:حبيبتي يا تيتا”و باستها”
نزلوا البنات و اشتروا فساتين
اميرة:فستان طويل مشجر باللون الاخضر نص كم
هدير:فستان اسود قماش فيه حزام من الوسط
ميار:فستان قصيرة لبعد الركبه بشويه ازرق
هاجر:فستان بني طويل باكمام
هبه:فستان احمر في ابيض منفوش قصير
يارا:فستان ابيض طويل
بسمه:فستان كستنائي قصير لحد الركبه
اميرة:حلوين اوي الفساتين ده
بسمه:انا بابايا انا و هدير هيوصلنا
هدير:اها انا اتفقت معاه
اميرة:تمام
هاجر:بس في حد يروح نادي بفساتين
يارا:عادي بقي نخترع اي حجه
البنات:تمام
عدت الايام و جه يوم الخميس كل واحده نزلت من بيتها زي القمر
و لما وصلوا دخلوا فالكل اعجب بشكلهم بيبصوا حوليهم لقوا ان يوسف و حمزة و مالك واقفين مع بنات و بيضحكوا معاهم
هبه:تعالوا معايا
راحوا لحد عندهم
اميرة”من ورا يوسف”:مبروك النجاح يا يوسف”ابتسامه مزيفه”
يوسف:”اتسمر في مكانه و بعد كدا لف”احم اميرة جيتي امتي
اميرة:من شويه بس انت كنت مشغول
يوسف:اششششش
حمزة:بس ايه الجمال دا
هبه:طول عمرنا
مالك:ازيك يا بسمه
بسمه:كويسه
هبه:انا عطشانه
يوسف:طب يلا بينا يا شباب نجبلهم عصير هههههههههههههه
بعد ما بعدوا عنهم
يوسف:دا احنا هنتفرمط صح
حمزة:ههههههههههههههه احتمال مؤكد
مالك:ربنا معانا
كان ساعتها الموسيقي اشتغلت
هبه:يلا بينا
هاجر:علي فين
هبه:نرقص احنا مش جيين نقعد يلا يا بت منك ليها
كل البنات قاموا و كانوا بيسقفوا و يرقصوا
رجع الشباب ملقوش البنات
مروان:هما راحوا فين
مالك:مش عار……….”بيلف لقاهم بيرقصوا مع شباب”
يوسف”في نفسه”:ليلتك طين
راح يوسف عند مشغل الموسيقي و قفل الاغنيه
الكل بص ناحيته
يوسف:سوري النور قطع
حمزة:ايوا صح و لازم اجيب بتاع كهربا حالا
و راح ناحيه البنات و مسك ايد هبه
هبه:سيب ايدي يلا
حمزة:انا متاكد انك انتي الي حرضتيهم
هبه:ههههههههههه صح
حمزة”:كنت واثق
نزل يوسف وراح عند اميرة
يوسف:ايه يا ميرو مالك مش معبراني انهرده يعني
اميرة:لا عادي
يوسف:طب تعالي معايا
اميرة:فين
يوسف:مش هخطفك يعني
مالك:بسمه مالك شكلك مضايق”علي اساس انك متعرفش ليه”
بسمه:لا ابدا مين الي قالك كدا
مالك:طيب خلاص بقي اضحكي
بسمه:لا
مالك:يبقي زعلانه
بسمه:يا سيدي لا
مالك:اضحكي طيب
بسمه:هيهيهيهيهي
مالك:نعم يا ساده انها ضحكه الشيطان
بسمه:هههههههههههههههههههههه
مالك:ايوا كدا
مروان:قمر يا هدير
هدير:احم طب بص بلاش احراج بدل ما وربنا امشي
مروان:لا خلاص خلاص تعالي نقعد
عند يوسف راح عند اخته
يوسف:ساره انتي يا بت
اميرة:مين ساره ده
يوسف:هتعرفي دلوقتي
يوسف:ساااااااااااااااااره
ساره:ايه يا حيوان شايفني في الشارع التاني
يوسف:عيب كدا معايا ضيوف
ساره:احم اهلا
اميرة:اهلا بيكي
ساره:مين يا جو
يوسف:اقدملك اميرة
ساره:اميرة انتي اميرة بجد
اميرة:اه وربنا
ساره:انا كنت عايزة اتعرف عليكي من بدري
اميرة:هو مين حضرتك
ساره:هو مش قالك انا يا ستي ساره اخت جو الكبيرة
اميرة:انت عندك اخت اكبر منك و مش تقولي
يوسف:نسيت
ساره:تعالي معايا عايزة اتكلم معاكي
اميرة:ماشي يلا
يوسف:ايه الي يلا انتي خليكي هنا انا مش كوز ذره عشان اتساب
ساره:ايوا يعني عايز ايه
يوسف:ايه الاحراج دا
اميرة:هههههههههههههههههههه انتي باين عليكي لذيذه
ساره:اه وربنا
يوسف:هتتفقوا عليا و لا ايه
اميرة:اهو معايا حد بدل ما اكون لوحدي
يوسف:رخمه
ساره و اميرة:اهو انت
في الحفله في مكان تاني
بنت:منه هتعملي ايه ده من ساعه ما جت و هو مش سايبها
منه:انا بس عايزة اعرف مين ده كمان
رهف:و لا الي مع حمزة من امتي يعني حمزة بيقبل ان حد يتكلم معاه كدا دا بيكون عايز يولع في حد يتخطي معاه في الكلام و بالاخص من البنات
ميرنا:يعني مالك الي سايب التانيه ده في حالها و عمال يضحكها مين دول
منه:استنوا
راحت منه عند اميرة و يوسف
منه :ازيك يا جو و الله ليك وحشه”و حضنتوا”مبروك علي النجاح
يوسف:اه منه الله يبارك فيكي ايه الي جابك قصدي يعني جيتي امتي
اميرة بصت ليوسف و…………………….……………………

 

Vertical ad

الحلقة الثامنة عشر


في الحفله في مكان تاني
بنت:منه هتعملي ايه ده من ساعه ما جت و هو مش سايبها
منه:انا بس عايزة اعرف مين ده كمان
رهف:و لا الي مع حمزة من امتي يعني حمزة بيقبل ان حد يتكلم معاه كدا دا بيكون عايز يولع في حد يتخطي معاه في الكلام و بالاخص من البنات
ميرنا:يعني مالك الي سايب التانيه ده في حالها و عمال يضحكها مين دول
منه:استنوا
راحت منه عند اميرة و يوسف
منه :ازيك يا جو و الله ليك وحشه”و حضنتوا”مبروك علي النجاح
يوسف:اه منه الله يبارك فيكي ايه الي جابك قصدي يعني جيتي امتي
اميرة بصت ليوسف و مشيت
يوسف:اميرة استني لحظه
مسكته منه و قالتله ايه هتسيبني
يوسف شاور لساره انها تروح وراها راحت ساره لحد اميرة و مسكتها و خدتها علي جنب
اميرة:اه ساره في ايه
ساره:اميرة ده اساسا بنت لزقه فيه علي طول و هو مش بيطقها و الله
اميرة:يا بنتي هو انا كنت عايزة تفسير انا مليش دعوه
ساره:ازاي يعني دا انت اهم حاجه عنده………قصدي يعني ……..انتي فاهمه قصدي كويس
اميرة:يحلها ربنا يا سوسو انا هروح لهبه بقي و البنات
ساره:بس انتي زعلانه
اميرة:بعدين بقي يا سوسو سلام يلا
ساره:سلام
راحت ساره عند يوسف و منه
يوسف مش طايقها و هي شغاله لوك لوك
ساره:غوري يا بت انتي من هنا و الا و رب الكعبه لارتكب جريمه فيكي
منه:خلاص خلاص
مشيت و سابته
يوسف:الله يحرقك يا شيخه الهي يارب اشوفك مسخوطه نمله و ادوسك
ساره:اميرة زعلت يا جو
يوسف:حسيت بيها بس اعمل ايه في اللزقه ده
ساره:هحاول اتصرف معاها و روح انت شوف اميرة
يوسف:اوك سلام
راح يوسف عشان يدور عليها
عند هاجر كانت عند البوفيه
هاجر:اخد ايه بقي
شخص من وراها:علي فكرة يا انسه الملفيه هنا تحفه طعمه خرافه
هاجر:افندم يعني و حد قالك اني عايزة اعرف
الشخص:اصل كان باين عليكي محتاره
هاجر:هههه ميرسي لذوقك “خدت واحده”
الشخص:كوليها بقي
هاجر:ليه يعني
الشخص:انتي يعني هتاخديها من غير ما تدوقيها
هاجر”و حطت الطبق بعنف علي التربيزة”:تصدق انا غلطانه
سابته و لفت لقت في وشها مصطفي
هاجر:اه اه اه احم جميل كملت
مصطفي:ايه عجبك الملفيه
هاجر:انا مكلتوش
مصطفي:بس خدتيه
الشخص:ايه يا درش انا بس كنت عايز اقولها ايه الافضل
مصطفي:و النبي يا احمد ابعد عن اهلي دلوقتي “قرب منه”و اياك مرة تانيه تقرب منها سامع
احمد:خلاص يا درش مكنتش اعرف انها تخصك يعني
مصطفي:ابقي حاسب و خد بالك بعد كدا
مصطفي:يلا بينا
مشي مع هاجر
مصطفي:بتكلمي شباب ليه
هاجر:انا مش كلمته دا هو قالي اخد ملفيه و محصلش حاجه
مصطفي:لو عايزة اي حاجه تقدري تطلبيها مني انا مش من اي حد اوكي
هاجر:ماشي مالك مضايق ليه كدا
مصطفي:مفيش
عند حمزة
حمزة:الله يخربيتك بطلي طوله لسان
هبه:هو انا كدا بقي اسمع اعتراض
حمزة:لا يا ستي و انا مقدرش اعترض
رهف:انتي بيئه اوي علي فكرة و انت ازاي يا حمزة تسمحلها تكلمك كدا
هبه:و مين انتي
رهف:انا صديقته
هبه:صديقته امممم”بصت لحمزة”اهلا بيكي اصلي كنت بعتني بيه لغايه اما تيجي عن اذنكوا بقي
حمزة:استني يا هبه”مسك ايديها عشان يوقفها” و انتي امشي من هنا انتي ايه معندكيش كرامه بعد التهزيق دا كله و مع ذلك لزقه انتي و صحباتك الاتنين ارحمونا بقي
رهف:تصدق انا غلطانه اني بخلصك منها
حمزة:و الله ده برقبتك و برقبه اي بنت اعرفها فابعدي بقي انتي بقي شكلك وحش
هبه:اوعي يا حمزة
حمزة:لا يلا بينا
خد حمزة هبه برا النادي
هبه:اوعي يا حمزة بقولك
حمزة:طب خلاص متزعليش
هبه:انا غلطانه اني اتكلمت معاك كان لازم فعلا اعمل stop لنفسي
حمزة:لا يا بنتي انتي غيرهم خالص
هبه”و في عنيها دموع”:بس انا كدا بقيت بيئه و من واحده متستهلش تتكلم عني اساسا
حمزة:لا و النبي مش هستحمل كدا انتي عسل و كيوت و ليلتها طين البت ده انها تزعلك
هبه”ضحكت بخفه”:ماشي
حمزة:ايوة كدا ايه دا
هبه:في ايه
حمزة:ايه الي علي وشك دا
هبه:في حاجه بجد لا قول ايه هي
حمزة:الدموع ده ملقيهاش علي وشك تاني انتي فاهمه
هبه:ليه يعني
حمزة:دا امر مش عناد فيه و الا وربنا لاقتلك
هبه:خلاص يا عم بطل افورة
حمزة:طب يلا بينا
هبه:علي فين
حمزة:ندخل مش هنفضل بره كتير
هبه:طيب
حمزة:لا انا مش هقدر استحمل زعلك دا فين هبه الي انا عارفها و لا اقولك تعالي معايا
هبه:علي فين
حمزة:تعالي بس
خدها عند سوبر ماركت قريب جبلها شكولاته من هناك
حمزة:خدي ده هتخليكي كول
هبه:يا راجل طب امشي يا حمزة قدامي بدل ما وربنا ارتكب جريمه فيك و هيبقي حقي
حمزة:ايوه كدا ده هبه الي انا اعرفها بس خديها
هبه خدت الشكولاته و رجعوا تاني للنادي
عند بسمه و مالك
مالك:اضايقتي ليه بقي
بسمه:يا عم قولتك مش مضايقه ياربي
مالك:بحب اوي دلعك دا ياربي”بيقلدها”
بسمه”ضربته”:بطل بقي
ميرنا:مالك بقالي كتير مش شوفتك
مالك:يا ليله قرف اه ازيك قرف قصدي ميرنا
ميرنا:انا كويسه امال مين ده
مالك:صديقتي
ميرنا:و يا تري هي بقي صديقه حفله و لا ايه
بسمه:طب انا ماشيه بقي سلام
مالك:لحظه يا بسمه استني
ميرنا:لا خلاص امشي بقي عشان وجودك هنا مش ليه لازمه
بسمه:و الله اممممممم ممكن اوعي يا مالك
مالك:لا مش هسيبك و ميرنا انتي ملكيش دعوه بيا ايه مفيش احساس و لا كرامه يا بنتي دا انتي اتهزئتي مني كتير و لا انتي من النوع الي بيحب يتهزق من الاخر انا مش عايزك لا صديقه و لا زفت غوري بقي
ميرنا:بقي كدا يا مالك بس افتكر انك مش هتعرف تخلص مني
بسمه:مين ده يا مالك
مالك:واحده بارده
بسمه:طيب
مالك:ابوس ايدك ما تزعلي بحب اشوفك مبسوطه مش واحده زي ده تعقر فرحنا
بسمه:خلاص
“عند مروان”
مروان:متيجي نرقص
هدير:لالالالا
مروان:بليز يلا بقي
هدير:طيب
شدها مروان من ايديها و كان ساعتها رقصه سلو
هدير و مروان رقصوا و هدير كانت هتموت من الكسفه بس في نفس الوقت فرحانه هي مش عارفه ليه يمكن عشان اول مرة و مراد و يارا بعد محايله قد كدا وافقت ترقص
رامز:مش يلا
ميار:يلا ايه
رامز:نرقص
ميار:لا يا بابا مستحيل
رامز:طب ما هوهدير و مروان بيرقصوا و مراد و يارا و اهو شكل كمان مالك و بسمه اشمعني احنا
ميار:بردو لا
رامز:متخلنيش استخدم اسلوبي لما بكلم اختي و ترفض تعملي حاجه
ميار:الي هو ايه
رامز:بشيلها فبلاش تعالي بمزاجك احسن لك
ميار:لالالالالالالالا خلاص يلا بينا انت قاعد كدا ليه
قاموا رقصوا هما كمان
يوسف كان عند حمزة و هبه
يوسف”ينهج”:حد….شاف اميرة
هبه:هي مش كانت وقفه معاك
يوسف:البركه في منه الله ياخدها
هبه:منه مين
حمزة:يا لهوي هبه نسخه تانيه من المقرفه الي كانت هنا
هبه:يادي القرف
يوسف:هي رهف شرفت كمان
حمزة:اكيد معاها ميرنا بردو
يوسف:بس مالك و بسمه احم بيرقصوا فاكيد مالك عرف يتصرف و انت مع هبه يبقي شكلك اقنعتها انا الي ربنا معايا اني اعرف اقنع اكتر واحده متمرده
حمزة:ربنا معاك
هبه:يوسف دور علي اكتر مكان هادي هنا احتمال مؤكد تلاقيها
يوسف:اوك اسيبكوا انا بقي
بعد ما مشي
حمزة:طب ايه
هبه:ايه
حمزة:ايه بقي موسيقي و سلو و رومانسيه و خلي عندك دم
هبه:يا اخي كمل حاجه للاخر الله يخربيتك
بصت وراها لقت رهف مستنيه انها ترفض
هبه:جالي مزاج للرقص تصدق يلا بينا
حمزة:غريبه انتي بتقلبي امتي
هبه:يلا بس”مسكت دراعه و شدته”
حمزة:ههههههههههه وربنا مجنونه
عند يوسف فضل يدور عليها لغايه ما لقاها في مكان فاضي خالص قاعده لوحدها و بتلعب في فونها
يوسف”من وراها”:مشيتي و سبتيني ليه
اميرة:الله يخربيتك سرعتني
يوسف:طب مالك”و قعد جنبها”
اميرة:ماليش
يوسف:لا انتي زعلتي مني
اميرة:لا مزعلتش
يوسف:طب انا بس عاوز افهمك مين البت ده
ده يا ستي واحده لزقالي من اول ما كنت في 2ثانوي كل ما اكون في حته الاقيها في وشي وا نا مش بحبها و نفسي اخلص منها فمش عارف و لما لقيتك معايا ممكن تكون اضايقت عشان كدا جت ترخم عليكي
اميرة:اممممم و انت سيبتها كدا براحتها ترخم عليا و مقولتش حاجه
يوسف:و الله صدمه وجودها هنا خلتني مش عارف اتكلم
اميرة:خلاص يا جو ابقي روحلها تفوقك من الصدمه ده سلام
يوسف:لا مش سلام
شدها ناحيته كان تقريبا هيحضنها بس من غير قصد
اميرة:ايه يا يوسف انت هتستعبط
يوسف:مش هسيبك و انتي زعلانه اعملي الي انتي عيزاه بس بردو مش هسيبك
و لسه اميرة تقريبا في حضنه
يوسف:يا اميرة بردو مش عايزة تبصيلي
اميرة لفه وشها غير ناحيته
يوسف:ماشي طب يارب اموت و تتقلب بيا الطياره لوا نتي مش سامحتيني
اميرة لفت بسرعه و في عنيها دموع و حطت ايديها علي شفايفه
اميرة:لا و النبي كله الا الدعوه ده
يوسف باس ايديها و مسح دموعها
يوسف:ما انتي مكنتيش عايزة تسامحيني
اميرة:سامحتك خلاص بس عشان خاطري كله الا الدعوه ده مش انت كمان
يوسف:خلاص بقي يا قمر انت وشك احمر و كل حاجه الناس هيقولوا علينا ايه
اميرة ضربته بخفه
يوسف:وربنا ما اقدر استحمل اني ازعلك حتي لو انتي الي غلطانه
اميرة:ايوة طبعا
يوسف:طب مش يلا بينا
اميرة:اوكي يلا
يوسف:و لو ظهرت منه قدامك تاني ………..
اميرة:انا هعرف اتصرف ازاي
يوسف:ايوا يا جامد انت
اميرة:طول عمري بس تظهر قدامي بس
يوسف:ههههههههههه يلا
اول ما رجعوا لقوا ان كل ثنائي بيرقص مع التاني حتي حمزة و هبه
يوسف:ايه دا
اميرة:من ورانا
يوسف:ليلتهم سودا
اميرة:استني بس خليهم يخلصوا الاول
يوسف:طب ما نرقص احنا كمان
اميرة:لا طبعا عيب
يوسف:لا يا راجل
اميرة:ايوة طبعا
يوسف:انتي بتعرفي ترقصي صلصا
اميرة:ليه
يوسف:مجرد سؤال
اميرة:اها بعرف
يوسف:اممممممم ايه اكتر اغنيه بتحبي ترقصي عليها
اميرة:suavemente
يوسف:واو نفس الاغنيه الي بحبها
اميرة:هههه صدف
يوسف:كنت لسه هقولها
اميرة:سبقتك
يوسف:ههههههههههههههههه
بعد انتهاء رقصه السلو اتجمعوا مع بعض
اميرة:ايوا بقي كل واحده ها
يوسف:مش هتكلم كتير
يارا:اسكتي بقي
يوسف:لحظه و جي يا جماعه
الكل:اوك
حمزة:بس لينا في الرومانسيه اهو
هبه خبطته بكوعها
حمزة:الله يخربيتك”بوجع”
بعد خمس دقايق سمعوا اغنيه suavemente
اميرة:يارب ميكون الي في بالي
يوسف:”في الميكروفون”اميرة ممكن تيجي هنا لو سمحتي
اميرة:الله يخربيتك مش جايه
الشباب و البنات زقوا اميرة علي الاستيدج
يوسف:ميرسي يا جماعه يلا
اميرة:يلا ايه
يوسف:اغنيتك المفضله و هنرقص صلصا
اميرة:مستحيل يا بابا
يوسف:ايوا اعتبريني زي بابا اكنك بترقصي معاه
اميرة:لا يا يوسف مينفعش
يوسف:عشان خاطري بقي
اميرة:بكسف يا يوسف
يوسف:اعتبري نفسك معايا انا لوحدي
اميرة”بصوت واطي”:المشكله فيك انت
يوسف:يلا
اميرة:يلا بس هنبقي لوحدنا كدا
يوسف:ايوا طبعا
اميرة:اشششش يلا
بدأوا الرقص الكل اعجب برقصهم جدا كانوا منسجمين مع بعض بعد ما خلصت الاغنيه الكل سقفلهم
اميرة”حطت ايديها عي وشها”:يادي الاحراج
يوسف:هههههههههههههه كنتي عسل و بجد رقصك تحفه
ساره:واو يا ميرو انتي بتحبي الصلصا زي الاخ
اميرة:بس بقي عشان مكسوفه الله يخربيتك يا يوسف
ساره:لا بس انتي تحفه
اميرة:ميرسي يا سوسو
هبه:يا لهوي يخربيتك ايه الرقص دا
حمزة:واو بجد
مراد:تحفه انتوا الاتنين
منه:لا علي فكرة مش حلو خالص
اميرة:و الله محدش محتاج رايك
منه:انتي اساسا ازاي ترقصي معاه
اميرة:و انتي مالك انا حره و ملكيش دعوه بيه انتي فاهمه
مه:ليه يعني تقربيله ايه انتي عشان تقولي كدا
اميرة:ملكيش فيه اقربله ايه ابعدي يا ماما من هنا
منه:ايه انتي فاكرة نفسك مين
يوسف:احسن منك و امشي بقي
منه:ماشي يا جو
اميرة:ماشي ليه اركبي تاكس
منه:اوووووف”شدت شعرها”
اميرة:ههههههههههههههه
يوسف:رهيبه
اميرة:مش ده الي تزعلني
يارا:اميرة الساعه 2.30
اميرة:طب يلا بينا بقي
يوسف:طب اوصلك
حمزة:لا انا الي هوصلهم
ميار:لا انت و لا هو بابا بسمه و هدير هيرجعونا
مروان:هتوحشيني يا هدير,,,,, قصدي هتوحشونا كلكوا
حمزة:اها فعلا
مالك:هتبتدوا الدروس صح
البنات:اها
الشباب:ربنا معاكوا
اميرة:خلي بالك من نفسك يا يوسف و انت كمان يا درش
مصطفي:ربنا يخليكي
يوسف:ان شاء الله ادعي انتي بس نوصل بالسلامه
البنات:يارب
رجعت اميرة علي تيتها و البنات روحوا
عند اميرة
حكت لتيتها كل حاجه
تيتا اميرة:انتي اتبسطي
اميرة:اوي يا تيتا بالاخص لما خاف علي زعلي
تيتا اميرة:هو خلاص هيسافر و انتي انتبهي لمذاكرتك و لا عايزاه يكون افضل منك
اميرة:لا ان شاء الله هشد حيلي عشان اجيب اكتر منه بس دا جايب 99.9 تقوليش ديتيتول يا تيتا
تيتا اميرة:بس ابت ركزي بقي ها
اميرة:حاضر
و بدأت البنات مذاكرة عشان دروسهم و كدا
و لو في بنت وقف معاها حاجه تسال الشباب
يوم 31 اغسطس
“قبل سفر يوسف بيوم”
يوسف:ساره ادخل”بيخبط علي الباب”
ساره:ربنا يخليكي يا ميرو خليتي الواد بقي محترم
يوسف:بس ابت عايز اقولك حاجه
ساره:ايه
يوسف:انا……………………………..

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: أميرة عادل