مسلسل رحلة الحب الحلقة 45 و46

الحلقة 45


اليوم التالي
“في بيت هبه”
هبه:يا جماعه انا نفسي اخرج بقالي كتير مش بخرج
مامه هبه:شوفي حمزة و قوليله
هبه:ليه يعني
مامه هبه:علي اساس انه مش خطيبك
هبه:بس دا مش معناه انه يتحكم في خروجاتي انا بحب انطلق
مامه هبه:يسمعك هو بس بالي انتي بتقوليه دا
هبه:هينفخني انا عارفه
مامه هبه:يبقي بلاش النفخه الي علي الفاضي ده
هبه:طيب هدخل انام
مامه هبه:لا روقي الشقه عشان ابن خالتك جي عندنا
هبه:ايه دا محمد جي
مامه هبه:اها
هبه:هييييييييييييييه وحشني اوي دا بقاله قد ايه مسافر و انا مش شوفته
مامه هبه:طب يلا جهزي الشقه
هبه:عيني
بعد ساعه كان الباب بيخبط
هبه جريت و فتحت
هبه:كدا بردو يا محمد كل دا غايب عننا
“محمد طويل شعره بني كثيف و بشرته بيضا و عنيه بني و بيشتغل برا في امريكا”
محمد:معلش يا قلبي انتي عارفه بقي الشغل و المرمطه
هبه”بزعل طفولي”:تؤ انت وحس و مس هكلمك تاني
محمد:طب الورد دا مين الي هيخده
هبه:تؤ تؤ
محمد:و الشكولاه ده
هبه:يوووة بقي بتعرف تجبني
هبه:وحشتني اوي اوي
محمد:انتي كمان
“ملحوظه:هبه و محمد اكتر من اخوات عشان كدا هبه واخده عليه جامد”
“هبه كانت لبسه بنطلون برموده اسود و بادي ابيض نص كم بس علي القمر و مسيبه شعرها”
“محمد كان لابس بنطلون جينز اسود و تيشرت ابيض و عليه كاروهات بني “
مامه هبه:حبيب قلبي انا عملالك الاكل الي بتحبه
محمد:تسلم ايدك يا خالتو
هبه:قولي بقي مفيش حاجه كدا و لا كدا
محمد:ما انت عارف ان انت الي في القلب ههههههههههههههههه
هبه:لا يا بابا انا مخطوبه لواحد احن منه مفيش و في نفس الوقت اعصب منه مفيش
محمد:اعصب يعني ايه
هبه:تعالي بس في الصالون بدل ما احنا في الريسبشن كدا
“بعد ما قعدوا”
هبه:عصبي اوي هو و لو مش عرفت تحتويه يبقي الله يرحمك
محمد:شكله هيعرف يربيكي يا هبه
هبه:ليه يا اخويا شايفني متبعتره و لا متبعتره
محمد:فشر انتي متبعتره
هبه:اه بحسب هههههههههههههههههههههههه
محمد:هههههههههههههههههههههههههههههههههه
محمد:بتحبيه
هبه:جدا يا محمد عارف كنت علي طول انا و هو ناقر و نقير و تقريبا مكناش بنسلم من بعض بس طلع دا كله ادي لحب
محمد:بس انتي بتقولي عصبي و انتي مش بتحبي كدا
هبه:الحب يقدر يخليك تغير المبادئ الي كنت عايزها
محمد:ربنا يخليكوا لبعض
هبه:و انت بقي
محمد:بس بقي انتي كسرتي قلبي
هبه:ليه بس
محمد:عشان انت الي في القلب بس خلاص بقي طلع مشغول
كان الوقت دا في دخله حمزة
حمزة متكلمش و فضل باصص عليها
هبه مخدتش بالها من حمزة و لا محمد
هبه:و لا تزعل يا عم افضيلك حته من قلبي
محمد:لا يا ستي لو مش قلبك كله يبقي بلاش
هبه:طب يا سيدي دا انت الغالي ان مكتش اوافق علي اي طلب تطلبه يبقي اغلط في حقك
محمد:اراجل يعني اعمل حسابي يا قمر اجيب بابا و ماما و نتفق
هبه:و بسرعه كمان انا مش قادر اصبر
حمزة:و الفرح عليا هديه
هبه و محمد بصوا وراهم كان حمزة واقف
هبه:حم….حمزة استني انت فهمت الموضوع غلط انا قصدي
حمزة”بزعيق”:بلا قصدك بلا مقصدكيش انتي واحده مش محترمه و شكلي اتخدعت فيكي و عمله فيها بريئه لكن شكلك بتحبي تلعبي بديلك كتير لكن انا غلطان اني اتسرعت و دخلت في خطوة اني خطبتك المفروض كنت اعرف انتي مين الاول و بعد كدا اعمل اي خطوة بس انتي بجد برافو عليكي عرفتي تضحكي علي حمزة دياب الي ملفف بنات مصر كلها علي رجل و عرفتي توقعيه كويس اوي حقيقي تستاهلي جايزة اوسكار في التمثيل بس خلاص يا ماما خطتك القذرة الي انا مش عارف ايه سببها اتكشفت
هبه”بدموع”:انت بتشكك فيا يا حمزة
حمزة:و انتي فاكرة ان بعد الي سمعته دا هصدق دموع التماسيح ده
محمد:يا استاذ حمزة افهم الاول بس…………..
حمزة:متدخلش في الي ملكش فيه و لا ليه انت ليك فيه و اوي كمان احب اقولك اشبع بيها لانها بقت واحده مش تلزمني زيها زي اي واحده عرفتها قبلها اصل الكل صنف واحد بيجري ورا حاجه واحده يا تري عرفتيها يا ست الشريفه و لا لسه
هبه كانت بتعيط و مش قادره تتكلم قد ايه هو شك فيها و في اخلاقها لمجرد انه بيتوهم حاجات غلط
حمزة:ليه يا هبه ليه تعملي كدا انا عملت ايه وحش ليكي بتاع بنات و غيرت نفس عشانك و مستهتر و بقيت بتحمل المسؤليه عشان اقدر احميكي اعمل ايه تاني لكن انتي واحده ناكره للجميل و بتدوري علي حل شعرك لكن عارفه مش انا الي خسران لا لان ربنا وقف معايا دا انتي الي هتخسري كل عمرك بس هتشوفي اا حمزة دياب هيعمل فيكي ايه ثمن الي عملتيه فيا سلام يا ….”بسخريه”يا محترمه
سابهم و مشي من الصالون كانت مامه هبه بتنادي عليه
مامه هبه:يا حمزة رايح فين انت مش كنت عاوز هبه
حمزة”بدموع يحاول ان يكبحها بداخله حتي لا تجعله ضعيف”:معلش يا ماما انا لازم امشي دلوقتي عن اذنك
خرج حمزة و نزل عربيته بسرعه و فضل يلف بيها و هو بيعيط جامد انه اتجرح من اعز انسانه علي قلبه
حمزة:انا مش مصدق انها تعمل كدا
نفسه:بس انت مش استنيت انها تدافع عن نفسها
حمزة:تدافع تقول ايه انت مش كنت سامع بتقول ايه
نفسه:مش يمكن سوء تفاهم
حمزة:لا
نفسه:هتندم يا حمزة لو انت الي غلطان
حمزة:و انا موافق اندم لكن مش هرجعلها مهما كان
عند هبه
بعد ما نزل حمزة كانت هي في حاله ذهول عنيها حمرا من العياط
محمد:هبه انا … انا اسف بجد
هبه لفتله و بعد كدا اغمي عليها
محمد:هببببببببببببه
جريت مامتها عليها لقتها واقعه
محمد:انا هوديها المستشفي معلش يا طنط هاتيلي عبايه و طرحه ليها عقبال ما اقرب العربيه و اطلع اخدها
مامه هبه”بعياط”:هبه حبيبتي فوقي يا بنتي بسرعه يا محمد و النبي
محمد جاب العربيه تحت البيت بالظبط و طلع شال هبه بعد ما لبست عبايه و طرحه و نزلها العربيه
مامته بعياط:يا هبه فوقي يا حبيبتي و النبي يا هبه فوقي
محمد:خير يا خالتو ان شاء الله
مامه هبه:هو ايه الي حصل يا محمد
محمد مرديش يقول اي حاجه لانه التمس العذر لحمزة انه سمع بس اخر الحوار
محمد:كنا بنتكلم عادي لقيتها تعبت كدا
مامه هبه:بسرعه يا محمد سوق بسرعه
وصلوا المستشفي و دخلوها اوضه الكشف و الدكتور فضل نص ساعه عندها و اول ما خرج
مامه هبه:طمني يا دكتور
الدكتور:متقلقيش يا مدام هي بس جالها صدمه من حاجه جامده اوي فضغطها وطي و دا ادي انها يغمي عليها
محمد:طب ينفع ندخلها
الدكتور:اكيد بس مش تحاولوا تفكروها بالي حصل
مامه هبه:انا مش فاهمه حاجه
محمد:تعالي بس يا خالتو ندخل
اول ما دخلوا كانت هبه قعده علي السرير و بصه للفراغ الابيض الي في الاوضه
مامه هبه خدها في حضنها:قلقتيني عليكي يا هبه
هبه:…………………..
محمد:هبه مالك انتي فيكي حاجه
هبه:…………………..
مامه هبه:”بخوف”:محمد ناديلي الدكتور يا محمد بسرعه
اول ما جه الدكتور و كشف عنها تاني
الدكتور:الصدمه مخلياها مش عارفه تتكلم بس انتوا لازم تخرجوها من الي هي فيه دا شوفوا اقرب حد ليها مين و خليه يفضل جنبها
مامه هبه:انا هتصل علي خطيبها يا دكتور هو اقرب حد ليها
محمد”بسرعه”:لا لا لا بصي يا خالتو اتصلي بصحابها هم اكتر من خطيبها
مامه هبه:بس انا عارفه بنتي هي بتحبه اوي يبقي اكيد هيقدر يخرجها من الي هي فيه
محمد:ابوس ايدك اتصلي علي صحابها بدل ما تفقد النطق خالص
مامه هبه:هو حمزة عمل حاجه”بشك”
محمد:لا بس يعني صحابها هتبقي بحريه اكتر معاهم لكن هو خطيبها مش جوزها فهمتيني يا خالتو
مامه هبه:ايوا صح معاك حق
اتصلت علي اميرة اول واحده
كانت اميرة ساعتها بتكلم يوسف
اميرة:يوسف انا نازله انا و ايمي نشتري لبس من مول العرب
يوسف:اكتوبر و هتنزلي اكتوبر لوحدك يا هانم عشان لبس
اميرة:قولت مع ايمي ها بلاش طرش
يوسف:دا تهزيق كمان محدش ينزل لا انتي و لا الدكتورة كدا انا هبعتلكوا عربيه الشركه مخصوص تكون تحت امركوا دايماالدنيا مش قت امان
اميرة:لالالالالالالا انت عايز ماما تولع فيا
يوسف:طنط مش هتقول حاجه لو عرفت انه اقتراح ادهم
اميرة:و اقتراح ادهم انا الي هقوله ايه الذكاء دا
يوسف:بطلي غباء انتي تقولي لايمي و هي تقولها افهموها بقي
اميرة:ماشي يا عم ال….. يوسف لحظه واحده خليك معايا
يوسف:في ايه
اميرة:مامه هبه بتتصل عليا و ده من النوادر
يوسف:طب ردي و قوليلي في ايه
اميرة:طيب
ردت عليها
اميرة:ازيك يا طنط
مامه هبه:”بعياط”:اميرة الحقيني يا بنتي هبه في المستشفي و مش بتتكلم خالص انا خايفه عليها
اميرة:ايه ازاي يا طنط ايه الي حصل
مامه هبه:مش عارفه يا بنتي مرة واحده كدا اغمي عليها
اميرة:طيب انا جيه هي مستشفي ايه
مامه هبه:السلام الدولي
اميرة:طب انا 10 دقايق و هكون عندكوا ان شاء الله
مامه هبه:كلميلي باقي صحابكو يا بنتي انا مش قادره ادور علي باقي النمر
اميرة:انا هتصرف يا طنط
قفلت المكالمتين من كتر تسرعها و جريت تلبس
يوسف كان بيرن عليها و هي مخدتش بالها لغايه ما مسكت فونها و لقيته اتصل فردت
يوسف:في ايه يا اميرة قفلتي ليه
اميرة”بعياط”:هبه يا يوسف في المستشفي انا خايفه عليها اوي
يوسف:ليه
اميرة:مش عارفه
يوسف:طب اهدي كدا حد جي معاكي
اميرة:هتصل بالبنات عشان يحصلوني
يوسف:اا بتكلم عن البيت
اميرة:لا هروح لوحدي ماما مش هنا و انا خلاص علي السلم
يوسف:استني 10 دقايق هكون قدامك
اميرة:و لا ثانيه يا يوسف ده صاحبه عمري و اكتر من اختي ده اكتر واحده بتحس بيا ده هبه يا يوسف هبه عارف يعني ايه هبه”بعياط”
يوسف”بزعيق”:بطلي عياط و انزلي انا خلاص تحت البيت
ركبت معاه من غير ما تاخد بالها ان كدا غلط
في العربيه اتصلت هي علي كل البنات في مكالمه جماعيه و اتفقوا انهم هيروحوا كلهم و الشباب كمان هيكونوا معاهم
يوسف بيرن علي حمزة و حمزة مش بيرد علي حد
بعد ما وصلوا اميرة نزلت من العربيه و هي بتتحرك و طلعت جري علي الريسبشن تسال عن اوضتها
يوسف:استني يا مجنونه
ركن عربيته بسرعه و جري وراها
عرفوا رقم الاوضه و هي طلعت جري مش استنت الاصانصير اول ما وصلت دخلت كان يوسف هيدخل وراها بس لقي فونه بيرن من حمزة
بعد شويه عشان يرد عليه
يوسف:مش بترد ليه
حمزة:عادي يعني
يوسف:حمزة انا عارف انك مضايق بس انت مينفعش مش تيجي
حمزة:انت عرفت الي حصل
يوسف:ايوا طبعا و لازم تيجي بسرعه انت اكتر واحد هتكون هي محتجاله
حمزة:انت قصدك ايه
يوسف:قصدي علي هبه يا حمزة
حمزة:و هي هبه ان شاء الله هتحتاجلي في ايه
يوسف:لا كدا انت مجنون و لا مش عارف و لا ايه اا مش فاهم حاجه هبه في المستشفي يا حمزة
حمزة فرمل بعربيته بسرعه لدرجه ان الصوت وصل ليوسف
يوسف:اهدي بس هبه في المستشفي و فاقده النطق انت مش عارف
حمزة رمي التليفون علي الكرسي الي جمبيه و لف بالعربيه و افتكر انه مش عارف هي في انه مستشفي
حمزة:انه مستشفي
يوسف:السلام الدولي
طلع علي طول علي المستشفي و كان في نفس الوقت دا اميرة جت الاول بصت لهبه لقتها مش بتعمل اي حركه غير انها بصه للفراغ
اميرة:هبه هبه انتي كويسه ردي عليه يا هبه
محمد:هي علي الحاله ده من اول ما فاقت
كان يوسف دخل
يوسف:هي عامله ايه
اميرة بتعيط مش بترد راحت ناحيه هبه و فضلت تهز فيها و هبه معملتش اي حركه
اميرة:هبه ابوس ايدك فوقي انتي مش بالضعف دا مش هتستسلمي لاي حاجه مهما كانت
كان وقتها كل البنات و الشباب جم الا حمزة
فضلوا يحاولوا معاها بس مفيش فايده و البنات كلهم كانوا بيعيطوا عليها
محمد:اميرة معلش ممكن دقيقه
يوسف جه معاها
محمد:معلش انا عايزك علي انفراد يا اميرة
يوسف:نعم مش سامع
اميرة:يوسف مش وقته افهم بس الي حصل دا ابن خالتها
يوسف:ايوة يعني ايه
اميرة:مش وقته
يوسف:مش متحرك
اميرة:هو الموضوع يخص حمزة
محمد:ايوة
اميرة:يبقي اتكلم قدام يوسف حمزة ابن خال يوسف
محمد:طب كويس عشان افهم الموضوع
شرح محمد كل حاجه فهمهت اميرة الي حصل و يوسف حد ايده علي دماغه:يا ابن المجنانين
اميرة و هي بتعيط:بيشك فيها بيشك في هبه دا متخلف
بصت ليوسف
يوسف:اكيد اتجنن
“في الوقت دا”
اول ما اتفتح الباب و دخل حمزة
حمزة:ايه الي حصلها”بنهج بسبب انه كان بيجري عشان يقدر يوصل لاوضتها”
هبه اول ما سمعت صوته لفت ناحيته و فضلت تصوت و تعيط جامد و انكمشت في نفسها و خبت وشها بين ايديها و بتعيط
“اميرة كانت برا و سمعت صريخ في الاوضه جريت هي و يوسف عشان تشوف الي حصل شافت حمزة قدامها”
اميرة من غير اي تردد:اطلع برا
حمزة”بذهول”:اميرة افهمي بس
اميرة:برااااااااا انت عايز يجرلها ايه اكتر من الي فيها اطلع برا
مروان:اميرة ممكن يكون حصل سوء تفاهم
هدير:سوء تفاهم يخليها منهاره بالشكل دا اول ما دخل اطلعوا برا كلكوا مش عايزين حد هنا غيرنا بس كل الشباب برا
الكل طبعا خرج في حاله ذهول لانهم مش فاهمين حاجه
اول ما اتقفل باب الاوضه اميرة حضنت هبه الي حضنتها جامد و فضلت تعيط في حضنها و كل البنات اتلفوا حوليهم
اميرة:اهدي بس انا عرفت الحيوان دا عمل ايه
هبه بتعيط و مش بترد
بسمه:متقلقيش يا هبه كلنا حوليكي
ميار:اوعي ابدا تحسي بضعف و احنا معاكي
يارا:ايه الي حصل يا هبه انتي مش كنتي بتضعفي كدا بسهوله
هاجر:هبه اهدي بلاش ترهقي نفسك عشان كدا غلط
هدير:هبه كلنا حوليكي احكلنا في ايه و احنا اكيد هنكون في صفك
اميرة:انتي مش لازم تضعفي بالعكس لازم قدامه تكوني قويه
البنات:اشرحلنا يا اميرة
اميرة:يكفي اني اقوله ان الحيوان الي برا دا شك فيها
البنات في حاله ذهول كلهم:مش ممكن
ميار:انتي بتقولي ايه يا اميرة مستحيل
يارا:عشان كدا يا حبيبتي جرالك كدا
هبه كانت بتعيط
اميرة:بتعيطي ليه ميستهلش اي دمعه منك اقسم بالله لهعرفوا مقامه بس دا مش مني انا لوحدي لازم يشوف قدامه واحده قويه انتي مش ضعيفه يا هبه و محدش هيعلمه الادب قدك فوقي عشان طنط الي منهارة برا و عشان خاطرك انتي فوقي يا هبه
في اللحظه ده حمزة فتح الباب حته صغيره
هبه”بصوت عالي”:اطلع براااااااااااااا
البنات جريوا قفلوا الباب و خدوها في حضنهم
حمزه برا بعد حواره مع محمد و يوسف
flash back
يوسف:حمزة تعالي ثانيه
حمزة:عايز ايه يا يوسف
محمد:انت فهمت غلط علي فكرة لان كل الي انت بنيته دا كان علي الفاضي و غلط ده اختي يا حمزة
حمزة:اها كل واحد هيقولي انها اختي
يوسف:ما تسمع بقي و بطل همجيه انت متسرع في كل حاجه
محمد:اختي بمعني اختي بجد لان والدتها هي الي رضعتني لان امي عيانه احنا الاتنين اخوات يا حمزة بجد عشان كدا بتخرج بشعرها قدامي زي ما شوفتها بس انا الي سابقت في الدراسه جامد عشان كنت بتعلم برا
حمزة:نعم جي تقولي دلوقتي
محمد:انت خلتني الحق انطق بكلمه
يوسف:قطر معدي هتتصرف ازاي بقي
الشباب كانوا سمعوا كل حاجه
رامز:الله يخربيتك يا حمزة حد يعمل كدا
مروان:قولتلك 100 مره تتحكم في عصبيتك
حمزة:انا مش عايز اسمع دا انا عايز اسمع حل المفروض اعمله
مالك:بصراحه موقف لا تحسد عليه
مصطفي:احنا تفكيرنا اتشل البنت مرميه جوا مش بتنطق ايه المطلوب مننا نقوله
حمزة:مش مطلوب منكوا حاجه
ساعتها حاول يفتح الباب و سمعها و هي بتقول اطلع برا بصريخ
end
محمد دخل هو و يوسف حاولوا يتكلموا مع هبه لما سمعوا صوتها
يوسف:هبه ردي علينا
هبه كانت لسه في حاله ذهول
الدكتور :مينفعش كدا زحمه جدا علي المريضه و لازم مش اكتر من اتنين بس يكونوا موجودين
اميرة:انا هفضل معاها انا و هاجر و يا جماعه كل 3 ساعات حد يجي يبدل معايا و يوسف خد طنط تروحها
يوسف:مش هترضي تمشي
اميرة:انا هقنعها
اميرة:طنط احنا كلنا هناخد فتره النهار و انتي تباتي عاها بالليل كل اتنين فينا هيفضلوا معاها 3 ساعات كل اتنين و بكدا نكون قسمنا اليوم عشان متكنش لوحدها
مامه هبه:بس انا مش هقدر اسيبها يا بنتي
اميرة:انتي مش واثقه فينا و لا ايه احنا مش زي باتك يا طنط
مامه هبه:و اكتر و الله يا بنتي
راحت حضناها و عيطت
اميرة:خد طنط يا يوسف روحها لحد البيت و بالليل هاتها
يوسف:و كمان هروح ااجل السفر انا مش هقدر اسيب هبه كدا لوحدها مش انتي قولتي انها صاحبه عمرك و انا مش هسيب صاحبه عمرك غير لما اطمن عليها معاكي
اميرة:ربنا ما يحرمني منك
يوسف:و لا منك
دخلت اميرة هي و هاجر رجعت تاني لوحدها لقت حمزة بيعيط و قاعد علي كرسي بعيد
اميرة:ربنا هيشفيك امتي
حمزة:اي حاجه تقوليها عندك حق فيها
اميرة:و الحل
حمزة:و الله ما عارف
باقي الشباب و البنات:لازم نلاقي حل يا جماعه
ميار:لازم تخرج من الي هي فيه باي طريقه
بسمه:الحل الوحيد دلوقتي ان حمزة يشتغل شغل عبد الحليم حافظ
الكل:ايه وقت هزار
بسمه:و الله ما بهزر في علم النفي معروف دايما انك عشان تخرج الحاله من الي هي فيه تجيب سبب الحاله و هو الوحيد الي قادر يعالج الموقف
حمزة:من الخر مش وقت فلسفه
مصطفي:انا اقولك يا معلم
مروان:جيت في ملعبي وربنا
الشباب :خلاص يا جماعه احنا هناخده و عارفين هنعمل ايه
بعد اقل من نص ساعه كانت اوضه هبه عباره عن محل ورد بالطرقه الي برا و بالسلم
كل ممرضه تيجي تدخلها:بجد خطيبك ما حصلش
هبه لا مبالاه
ممرضه اخري:ياريته خطيبي انا
هبه بصتلهم و سكتت
اميرة:لا ينكن ان نسامح
هاجر:ابدا لازم يركع و يتمنا الرضا
بعد شويه صغيره كان في حد برا المستشفي و و كان في عربيه كلها ورد من النوع الي بتحبه هبه و حد بيتكلم في الفون
انتي يا بت
ردي احسن لك
يا مرات المستقبل
انتي قد انك مترديش
طب بصي انا حمار و عارف مش بفهم و مش هتسرع تاني و هعد من واحد لمليون قبل ما اعمل اي حاجه و دا وعد قدام مصر كلها مش قدام صحابك بس و النبي ارضي عني و سامحيني دا انا زومي الي في الحته الشمال
هطلع و ساعتها مش هيحصل طيب
هبه ابتسمت بخفه
ساعتها جت عربيات شرطه
حمزة:يالهوي هيتقبض عليا يا هبه الحقيني
كانت هبه بصه من ورالشباك لكن اميرة و هاجر:يلا يتحبس في ستين داهيه
هاجر:خد الشر و راح
هبه كانت قامت من علي السرير لقتهم جنبها
هبه:بجد هيتحبس
اميرة:يستاهل دا مش اقل من 3 او 4 سنين سجن دا ازعاج لمرضي المستشفي بجد هيتحبس فيها
هبه:لا اتصرفي
هاجر:لا دا لازم يتادب
كانت في دخله باقي البنات
ميار:لا ينكن لازم ياخد العقاب الكوي
هبه :بطلوا استعباط دا حبس بجد
اميرة:الو ايوة يا ادهم اياك تطلعه و الا مش هخطبلك اختي
هبه خطفت الفون من اميرة
هبه”بلهفه و خوف”:ادهم و النبي طلعه
ادهم:بس دا لازم يتعلم الادب شويه كفايه الي عمله معاكي
هبه:انا مسمحاه
لقت صوت من وراها :انتي وربنا ملاك مش بشر انتي حاجه كدا جيه من عند ربنا
لفت لقت حمزة راح حضنها وشالها
مصطفي:كدا لازم يبقي فيه كتب كتاب
حمزة:فعلا هيكون فيها كتب كتاب
هبه:مين قالك اني هوافق
رامز:ولاه لو مش نزلت البنت من فوق كدا هحبسك راح الكل ضحك
هبه:هو انت الشرطه
مروان:صحابي بقي و عملوا الواجب
احد الاشخاص:معلش يا انسه
حمزة:خلاص يا بابا دورك خلص يلا بيتك بيتك
مصطفي:اه صح انا نسيت اقولكوا ان قرايه فتحتي يوم الخميس ان شاء الله انا و هاجر
البنات و الشباب فرحوا اوي
الدكاتره:يا جماعه ده مستشفي مش ينفع كدا
الدكتور لاميرة:انا قولت انك اعقلهم
اميرة كانت واقفه فوق السرير و صوبعها في بوقها:سوري يا دكتور
كان يوسف داخل هو و ادهم:خلاص يا عم الدكتور هنمشي كلنا بالمريضه مش عايزين منكوا حاجه
“الكل خرج و كان مبسوط “
حمزة كان ماسك ايد هبه و قرب ناحيتها
حمزة:انا اسف و يارب اموت لو عملت كدا تاني
هبه :بعد الشر عليك يا حمزة بس انت بجد وجعتني
حمزة:مش هيحصل ابدا تاني
وصل حمزة هبه عند بيتها و مامتها فرحت انها رجعت تاني زي الاول و مش عارفه ان السبب في كل دا حمزة
“جه يوم الخميس”
كان البنات متجمعين عند هاجر و بيظبطوها و برا كان الشباب مع مصطفي و تم الاتفاق علي كل شئ
بابا هاجر:علي بركه الله يا ابني انت محترم و عيلتك ناس محترمه و انا موافق علي انك تكون جوز بنتي
بابا مصطفي:نقرأ الفاتحه
الكل:بسم الله…………………………

 

Vertical ad

الحلقة 46

“جه يوم الخميس”
كان البنات متجمعين عند هاجر و بيظبطوها و برا كان الشباب مع مصطفي و تم الاتفاق علي كل شئ
بابا هاجر:علي بركه الله يا ابني انت محترم و عيلتك ناس محترمه و انا موافق علي انك تكون جوز بنتي
بابا مصطفي:نقرأ الفاتحه
الكل:بسم الله
بعد انتهاء قراءه الفاتحه
مصطفي:ها يا عمي وافقت علي طلبي
بابا هاجر:طب يا ابني علي الاقل فتره خطوبه اسبوع و بعد كدا كتب الكتاب
مصطفي:طب ما نخليها خطوبه و كتب كتاب مع بعض
بابا مصطفي:انا من رائئ كدا بما انهم بيحبوا بعض
بابا هاجر:ماشي يا استاذ احمد عرفت تقنعني يا مصطفي
اسلام:علي بركه الله
بعد ربع ساعه
مصطفي:اسلام انا عايز اقعد مع هاجر شويه ايمكن”بهمس”
اسلام:شوف بابا انا مالي
مصطفي:واطي واطي
مامه مصطفي:احنا عايزين نقعد مع العروسه شويه اصلها قرات الفاتحه معانا و هربت مش جريت
الكل:ههههههههههههههههههههههههه
مامه هاجر:انا هروح اندها
دخلت مامه هاجر اوضتها لقت البنات حوليها بيحاولوا يخرجوها و هي مكسوفه مش عايزة تخرج
مامه هاجر:بنت بطلي استعباط يلا و اخرجي
هاجر:بس يا ماما انا مكسوفه
مامه هاجر:مكسوفه و وافقتي ان كتب كتابكوا يكون الاسبوع الي جاي
هاجر:”بصدمه”:ايه
مامه هاجر:مصطفي عرف يقنع باباكي ان كتب الكتاب و الخطوبه الاسبوع الي جاي و قال انكوا متفقين علي كدا
هاجر:يا ابن ال……. وربنا لهوريك انا خارجه يا ماما
اميرة:لا يا طنط نظبطها و تخرج
هاجر:انا مش عايزة تظبيط انا عايزة اطلعله قصدي اطلع”بغضب”
هبه:ربنا يستر
ميار:انطلقي
هدير:هو الي جابه لنفسه
يارا:البقاء لله يا جماعه في مصطفي
هاجر خرجت
بسمه:طب انا جيه معاكي
اميرة:هديها ابوس ايدك
كان الكل قاعد و هاجر اول ما خرجت راح قايم مصطفي
مصطفي:هاجر معلش يا هاجر ممكن كلمتين في البلكونه دقيقه
هاجر”في سرها”:كويس انها جت منك
هاجر:اوي اوي اتفضل
البنات:حطين ايديهم علي قلبهم
حمزة:هو في ايه
هبه:هتشوف
اميرة:صعبان عليا اوي مصطفي
ميار:قدر الله و ما شاء فعل
هدير:تعالوا بقي نلمع اوكر
هبه:يلا بينا يا سوسه
“في البلكونه”
هاجر:”بنظرة شر”:بقي انا و انت متفقين علي كتب كتاب
مصطفي راح مقرب منها :تقصدي ايه
هاجر بتبعد خطويتين لورا:اقصد اننا مش اتفقنا كدا
مصطفي و قرب خطويتين:و فيها ايه لما اتفق علي كدا
رجعت هاجر تاني لغايه ما خبطت في الحيطه الي وراها:في انك لازم تاخد رائي
مصطفي و سند ايده علي الحيطه:الي اقوله انا هتحبيه انت”بهمس”
هاجر:انت قليل الادب و اوعي كدا
زقته و جريت برا
يوسف:لا راجل يا بت هو دا الي كنتوا خايفين منها
اميرة:مالك يا جوجو
هاجر كان وشها احمر جدا
هاجر:علي فكره دا قليل الادب و انا هقول لبابا اني مش اتفقت علي كدا
كانت في خرجه بابا هاجر
بابا هاجر:متفقتيش علي ايه يا حبيبه بابا
هاجر:متفقتش علي علي
بابا هاجر:علي ايه ي حبيبتي و الي انتي عايزاه هعمله
كان مصطفي وراه و عمال يتوسل و يتحايل و ينزل علي ركبه بطريقه مضحكه و البنات و الشباب ميتين من الضحك
اميرة:الله يرحمك يا رجوله و بصت ليوسف
يوسف:مش هعمل كدا انا هتجوز علي طول انا هصبر دا كله عشان اخطب و اكتب لا يا ماما
اميرة بعدت و سكتت
هبه:ما انتي كنتي ساكته حبكت يعني
هاجر:يا بابا مجبش شوكلاه و انا بحبها
مصطفي اتنفس براحه و طلع من جيبه شكولاه كبيرة
مصطفي:منستهاش اهي معايا
بابا هاجر:ههههههههههههههههههههه
سابهم و دخل
البنات:و فين شكولاتتنا احنا و لا نسلطها عليك
مصطفي:هو في اغلي منكوا هجبلكوا كلكوا
الكل ضحك و كان يوم جميل جدا
في وسط ما ها قعدين و بيضحكوا كانت ميار سرحانه و بتفكر في الي عمله رامز
flash back
بابا ميار:مالك يا ميار قعده مضايقه كدا ليه
ميار:مفيش يا بابا
بابا ميار:لا انتي مش عجباني بقالك يومين
ميار:يا بابا عادي
بابا ميار:احنا مش اتفقنا اننا صحاب و بنحكي لبعض كل حاجه
ميار:عندك حق يا بابا
بابا ميار:يبقي علي طول تحكي لبابا
ميار:بابا هو في واحد اتقدملي كان اسمه رامز محمد الشلتاوي
بابا ميار:مش فاكر الصراحه اصلهم كتير
ميار:لا ركز و النبي “ووصفت شكله”
بابا ميار:ايوة فعلا دا جه من 6 شهور بس انا رفضته
ميار:ليه يا بابا
بابا ميار:يا بنتي مستقبله مش مضمون و انا مش هفرط فيكي لاي حد مهما ان كان
ميار”بدموع”:بس انت مش قولتلي ليه مش اي حد يجي دايما بتقولي عليه
بابا ميار:عشان عرفت انه مش ينفع فقولت مش اشغلك بيه ثانيا انتي تعرفيه منين و بتعيطي ليه كدا
ميار:لا يا بابا مش بعيط
بابا ميار:انتي بتحبيه يا ميار
ميار سكتت
بابا ميار وقف :اول مرة مش هنفذلك طلبك
و خرج بعد الجمله ده
ميار فضلت تعيط جامد و افتكرت قد ايه انها جرحته و وجعته بكلام جامد اوي اتاريه هو الي موجوع مش هي
ميار:يعني انا و بابا كنا عليه انا مكنتش متخيله انه استحمل دا كله و لسه لغايه دلوقتي بيكلمني و عايز يعمل كل حاجه عشاني دا مقاليش حتي انه راح اتقدملي طب انا مخنوقه
كان في الوقت دا اميرة كانت بتتصل عليها تطمن عليها
حكتلها ميار الي حصل
اميرة:علي فكرة يا ميار انا كنت عارفه من الاول ساعه خطوبه حمزة و مروان هو قالي اا و مصطفي عشان نقدر نخليكي تستنيه بس انتي كنتي متسرعه في كلامك جرحتيه جامد اوي يا ميار و انتي مش عارفه هو بيعمل ايه دلوقتي ميار رامز عيلته مش قليله و لا هو فقير بس باباكي مصمم علي مواصفات معينه
ميار:عارفه
اميرة:يبقي الموضوع دا في ايدك
ميار:في ايدي ازاي
اميرة:يعني لازم تستنيه و كمان لما تعرفي ان هو جنب دراسته بيشتغل في مصنع بابا يوسف و مش بيشتغل شيفت واحد لا شيفتين علشان خاطر يكون ليه مركزة في قلب المصنع و لما يجي يتقدم تاني يتقبل الموضوع دلوقتي متوقف عليكي فهمتي بقي
ميار:علي العموم يا اميرة انا لسه دراستي طويله انا هخلص بعده بسنتين يكون هو كمان عمل حاجه اقوي و انا هرفض اي حد يجيلي عشانه كفايه اني مش ممكن اتوقع ان الشخصيه الي بتضحك و تهزر استحمل دا كله عشاني
end
ميار لقت حد حط ايده عليها و كانت اميرة
اميرة:عقبالك
ميار”بابتسامه و دمعه نازله”:ان شاء الله
اميرة:علي فكرة في رساله من رامز ليكي بيقولك معلش متزعليش مني لاني مش هبقي فاضي الوقت الي جاي و استحمليني
ميار:انتي بتوجعيلي قلبي يا اميرة لما بتقولي كدا
اميرة:ليه يا حبيبتي
ميار:بحس ان هو بيعمل حاجات كتير اوي عشاني و انا مش بعمل اي حاجه عشانه
اميرة:تبقي عبيطه لو افتكرتي كدا انتي كلمه واحده منك تشجعيه ده بالنسبه له اكبر باور انه يكمل و كمان مستنياه و هو عارف مركز باباكي و عارف ان في ناس كتير بتتقدملك دا يشجعه اكتر عارفه انتي عامله زي ايه يا ميار زي البنزين الي بيحرك العربيه لو انتي مش موجوده العربيه مش هتتحرك خالص
ميار فرحت اوي بكلام اميرة و خدتها في حضنها
اميرة:هنتفهم غلط كدا يلا بقي قومي افرحي
يوسف كان بيبص من بعيد علي حنيه اميرة علي صحابها و حبهم لبعض كلهم و قال في سره”ربنا ما يحرمكوا من بعض ابدا و لا يحرمني منك يا اميرة قلب يوسف”
مامه هبه بتتصل علي مامه اميرة
ساره:صباح الياسمين يا جميل عامله ايه
لبني:انا كويسه الحمدلله بس مش عارفه ليه نفسي مفتوحه علي حاجه كدا”هبه واخده خفه دمها من مامتها”
ساره:يا خوفي منك ايه الي نفسك مفتوحه عليه لاحسن انا بقلق منك اوي
لبني:ابدا كدا حسه اني اول ما صحيت من النوم نفسي اشوف الست ده الي اسمها سهير
ساره:الله يلعنك في كل كتاب سهير مين علي الصبح ده سير تجبهالي
لبني:استني بس يا شيخه اصل بصراحه المره الي فاتت لما هزئتيها كنتي تجنني كل ما افتكر الموقف افضل اضحك اضحك
ساره:عشان انتي هبله هبله ابت انتي انتي عايزة تحرقي دمي و خلاص
لبني:يا شيخه بقي اصبري يخربيت التهور الي انتي فيه دا مش انتي عضوه في ام الجمعيه الي ما يعلم بيها الا ربنا ده
ساره:اه بس بصراحه بفكر اعتذر انا اعتزلت عن الجو دا
لبني:يمين بالله لو اعتذرتي لاقطع علاقتي بيكي دا انا املي كله فيكي
ساره:امل واعتذرتي و تقطعي علاقتك بيا انا مش فاهمه انتي تقصدي ايه
لبني:غبيه مش انا الانتيمه بتاعتك
ساره:منذ متي دا
لبني:مش كل مكان تاخديني انا و اسماء انتي ليكي عغيرنا بلا نيله دا انتي مقطوعه من شجره
ساره:بقي كدا طب مش رايحه يا لبني
لبني:لا هتروحي يا ساره و هتاخديني معاكي انا و اسماء عشان نتفرج هتعملي ايه في الوليه ده
ساره:انتي عايزة جنازة و تشبعي فيها لطم يخربيتك
لبني:خلاص يا ماما انا قررت انك تحضري الاجتماع الي جاي و احنا هنكون معاكي
ساره:نعم يا اختي انتوا الي تقرروا
لبني:بتقفشي ليه بس دا احنا مذكرة تهزيق تحفه
ساره:انا مش محتاجه مذكرات كله هنا”شاورت علي دماغها”
لبني:انا مش بخاف غير من الحركه ده اينعم انا في الفن بس حساها بس طالما في سهير يبقي حلال هفوت عليكي بقي بالعربيه عشان عرفت ان الاجتماع انهرده الساعه 5
ساره:عرفتي منين
لبني:مدام نجوي مامه حمزة قالتلي نسيتي خطشيب بنتشي
ساره:وربنا شكلك خطباه لبنتك عشان مصلحتك
لبني:فشر هفوت عليكي بعد ساعه
ساره:اوك
راحوا الجمعيه هما التلاته و اول ما رانيا شافت ساره راحت ناحيتها عشان ترحب بيهم
رانيا:الجمعيه جمعيتك انهرده هنتكلم عن الملاجئ و انا عارفه قد ايه انتي بتحبي و متحمسه للموضوع دا
ساره:طب ليه مش اتصلتي و قولتيلي
رانيا:للاسف الي اقترحت الموضوع دا من 10 دقايق بس مدام سهير
“ساره كانت عارفه ان الموضوع عن حقوق الانسان و مش كانت محضره اي حاجه عن الملاجئ”
عرفت ازاي تمسح سهير في الاجتماع بتاع الجمعيه و دا طبعا مع متابعه لبني و اسماء الي ميتين من الضحك و تشجيع من رانيا علي تحمسها
“بعد الاجتماع”
حضنتها رانيا:و الله زمان يا ساره
ضحكوا الاتنين و خدلهم صور للمجلات
رانيا:سوسو
ساره:اهو انا مش برتاح من سوسو
رانيا:في رحله تبع الجمعيه لاعضاء الجمعيه ايه رايك تيجي معانا و بالمره تجيبي طنط
ساره:ماما يا خبر ماتما تطلع رحله يا رانيا
رانيا:وربنا ما طالعين الرحله غير بيها دا يكفي انها كانت بتسمع مشاكلي انا و شريف ده لازم تيجي
ساره:هي لاعضاء الجمعيه بس
رانيا:اه
ساره:لا انا عايزة صحابي معايا
ساره:ممات صحاب بنتي
رانيا:مش قصدك مدام لبني و مدام اسماء
ساره:لالالالالا انا بنتي لو هتقدر تخرج بكل الجامعه تخرج
رانيا:ههههههههههههههههه بسم الله ما شاء الله هي كبيره
ساره :مش عارفه ان عندي بنتين
رانيا:لا بتكلمي جد و جوزك عامل ايه
ساره:اه صح اا نسيت انك مش عارفه اي حاجه عني
قعدت رانيا و ساره و حكتلها الي حصل كله
رانيا:طول عمرك شجاعه و قويه ما شاء الله عليكي اكيد تربيتك مش تفرق كتير عن اخلاقك يا ساره انتي شوقتيني اني اشوف بناتك و الرحله تحت امر بنتك و صحابها
سهير كان دمها محروق و مكنتش عارفه تعمل اي حاجه انها تغيظ ساره و لبني و اسماء متابعين سهير
ساره:ها يا لذاذ الفيلم عجبكوا
لبني:يجنن يجنن
اسماء:عرض اول اكيد
لبني:طبعا يا بنتي مباشر علي الهوا لدرجه اننا سقعنا
ضحكوا كلهم وروحوا بعد ما قالتلهم ساره علي الرحله و يقولوا لباقي الامهات عليها لانها بعد يومين بس
اميرة فرحت اوي بالرحله هي و ايمي عشان بقالهم فتره طويله مش خرجوا و كانوا بيتكلموا في شات جماعي
اميرة:فاكرين يا عيال رحله شرم
هاجر:رحله سودا و منيله
هبه:علي اساس انك مش شقطتي الواد
هدير:و انتي يعني الي بتتفرجي عليها
يارا:بت يا هاجر هو الفرح امتي
هاجر:ههههههههه الاسبوع الي جاي
بسمه:طب جبتوا الشبكه و لا لأ
هاجر:انتي عارفه ان الموضوع دا مش يهمني انا قولتله يجيب علي ذوقه
اميرة:اوبا اما نشوف غلاوه هاجر عنده
ميار:بتحبي تشعللي
اميرة:جدا ها جيين
البنات:اكيبد طبعا
“في بيت الاسيوطي”
سهير:لا انا اتحرق دمي بجد بجد اتحرق دمي ان مكنش منها يبقي من صحابها لو مش من صحابها يبقي باهتمام الناس بيها اعمل فيها ايه
ساميه:بجد عندك حق كل ما نفكر في حاجه نلاقي كل حاجه خدماها بس تصدقي حكايه الرحله ده هتيجي في صالحنا
سهير:ازاي
ساميه:مش الرحله لمده 3 ايام
سهير:اه
ساميه:طب سيبيلي الموضوع دا هفكرلك فيه كويس و هقولك
سهير:لا مش هسيبك المره ده قولي ايه في دماغك
ساميه:……………………………….
سهير:تصدقي فكره حلوة و ممكن يجي منها اوي البت كرامتها بتوجعها عامله زي مامتها مش عندهم غير كرامه كدا انا هبين اني عادي خالص و هروح معاهم و هبين اني فرحانه اوي عشان لما نيجي نعمل الموضوع دا مش يبان اني ان وراه و يبان اني استسلمت خلاص و ابعد الشك عني
“ساره تتصل ببابا يوسف و ادهم”
ساره:الو استاذ محمد معايا
محمد:مدام ساره اكيد
ساره:ما شاء الله علي حضرتك
محمد:يا فندم حضرتك من اخاقك تتعرفي من اول كلمه
ساره:ربنا يخليك بس معلش انا بعتذر اننا ناجل المعاد اسبوع واحد
محمد:ليه في حاجه حصلت
ساره:لا ابدا مفيش اي حاجه بس في مشغوليات كتير اوي الاسبوع دا بس لو مش ينفع اهلا و سهلا بيكو في الوقت الي حددناه
محمد:لا خلاص و لا يهمك يبقي معادنا بدل الخميس الي جاي يكون لي بعده و كمان عشان فرح مصطفي حضرتك ان شاء الله جيه
ساره:باذن الله و متشكرة جدا لذوق حضرتك
بعد ما قفلت
اميرة:ليه يا ماما كدا
ساره:اميرة الشقه محتاجه توضيب انا انهرده هجيب الناس يخدولها وش سريع و اختك محتاجه تجيب لبس و حاجات و احنا هنجيب انتريه و سفره و صالون جديد كل دا مش هينفع في يومين
ساره عايزة تشرف بناتها
اميرة فهمت:ماما انا هساعدك في كل حاجه
ساره:يا حبيبه قلبي طب يلا يا ستي عشان الناس جيه دلوقتي معلش انا هعمل الريسبشن دلوقتي
و فعلا الناس جم بدري جدا و ابتدوا الشغل و في يوم واحد خلصت الشقه لانها مكنتش تستهل اوي انها تتعمل تاني
تاني يوم اميرة خدت صحباتها و نقول الصالون و الانتريه و السفره و كان في الوقت دا ايمي كانت بتخلص ورقها و خلاص استلمت التعيين في الكليه
“شات جماعي بين الشباب و البنات”
هبه:يا بركه الله رايحين يا شوباب
مروان:اكيد رايحين كلنا
اميرة:يااااااااه الواحد مش عايز يفتكر الرحله الي فاتت خالث
يوسف:ليه يا اختي
اميرة:قلبت نكد في الاخر
هاجر:عارف يا يوسف لو نكدت علينا اخر يوم هعمل فيك ايه
مصطفي:بت انتي انتي ملكيش راجل يحكمك و لا ايه
مراد:برستيجك ضاع يا درش
هدير:هدوا الشعلله يا جماعه
رامز:انا مش هينفع اروح
حمزة:ليه يا اخويا
رامز:مش هكون فاضي
ميار زعلت اوي
ميار:خلاص انا كمان مش رايحه
البنات:يبقي كلنا مش رايحين
“شات خاص بين الشباب بس”
يوسف:انت يلا متنكدش علي امنا هتروح يعني هتروح
حمزة:وربنا لاجيلك دلوقتي و اعمل معاك الصح لو فكرت مش تيجي
رامز:يا جماعه مش تنسوا الشغل
يوسف:ان كان علي الاجازة هجبهالك
رامز:هو عشان مصنع ابوك تعمل الي انت عايزة
مروان:انت يلا انت عايز اي عذر و خلاص
رامز:بس
مالك:مبسش انت هتقلب قطه لا يا بابا مينفعش كدا احنا كلنا يا مع بعض يا منروحش كلنا
“شات البنات فقط”
اميرة:يا ميار انتي لازم تقولي انك رايحه عشان يقدر يجي
ميار:يا جماعه هو قال من الاول عشان شغله اكيد
هبه:علي اساس ان يوسف مش هيقدر يخليه ياخد اجازة
هدير:بطلي اعذار علي الفاضي
هاجر:ما هو يا نروح كلنا يا مانروحش
يارا:كمان لازم تتمسكي بيه اكتر من كدا يا ميار عشان يعرف انك محتجاله
هبه:بالظبط كدا محتاجين احنا البت هبه سهوكه ال كانت معانا في درس الانجليزي في تانيه كانت هتعلمك تعملي ايه
اميرة:تفكرنيش بالبت ده
هاجر:يا لهوي ده نحس
“نرجع تاني للشات الي بينهم كلهم”
حمزة:رامز جي
هبه:اكيد كلته يا كوي
حمزة:هههههههههههههههههههههههههه يا بت اجمدي مش قدامهم
يوسف:ايوا يا عم
مصطفي:انا مش هتكلم ها مش هتكلم
مروان:ماشيه معاك حلاوة
حمزة:عجبك كدا يخربيتك
هبه:كتا يا حزومتي
حمزة:بت انتي لو مسكتيش هجي اجيبك من شعرك
هبه:نعم يا اخويا تجيب من من مين
حمزة:ايوة كدا انا عايز شيفت البلطجيه
الكل:ههههههههههههههههههههههههه
يوسف:خلاص يا جماعه كدا كلنا اتفقنا
اميرة:اها اتفقنا
البنات:يا شيخه يا خلاثي
يوسف:بقولكوا ايه انا محدش يحفل عليا او علي حبيبتي انا بقولكوا اهو من اولها
الكل:خلاص يا عم الجامد هنسكت
“بعد ساعه في اوضه ايمي كانت بتحضر لبسها عشان اول يوم للكليه ليها تاني يوم و كانت خلاص لسه هتنام فونها رن”
ايمي:الو
ادهم:الو
ايمي:ادهم
ادهم:ادهم
ايمي:الله بطل بقي
ادهم:الله بطل بقي
ايمي:ياربي بقي
ادهم:اموت انا هههههههههههههههههههههههه
ايمي:و الله لو مش بطلت لاقفل
ادهم:و اهون عليكي
ايمي:طب بتتصل ليه
ادهم:حد يقول لجوزه المستقبلي بتتصل ليه
ايمي:اها انا
ادهم:كدا مثلا هتفصليني بردو مش هتفصل
ايمي:هههههههههههههههه طب ايه
ادهم:طب اه
ايمي:بص انا عارفه اننا هنفضل نتكلم في ايه اه اه اه ده كتير بس انا مبسوطه اننا طالعين الرحله سوا
flash back
مامه ايمي:ايمي عايزاكي لحظه
ايمي:ماما انا لسه جيه من الكليه و مخلصه ورقتي و تعبانه جدا جدا جدا و عايزة انام
ساره:انتي مش ملاحظه ان من ساعه ما جيتي من فرنسا و انا مش بقعد معاكي خالص دا حتي اميرة زعلت منك
ايمي:انا اسفه اوي يا ماما بس انتي عارفه ان الوزاره لجامعه للسفاره لغايه ما بقيت بموت و كمان مش عايزة ان ادهم يساعدني في حاجه حبه اعتمد علي نفسي هو عرض عليا كتير انه يخلص كل حاجه و انا قعده بس انا رفضت
ساره:طب يبقي من حقنا يومين نكون مع بعض طالما خلصتي حجتك
ايمي:اكيد يا ماما انا هروح بكرا استلم الشغل و بعد اسبوع الشغل بجد
ساره:جميل اوي يعني الاسبوع دا انتي فاضيه
ايمي:اه يا ماما
ساره:في رحله للغردقه تبع الجمعيه الي انا بقيت عضوه فيها ممكن بقي تقضي معانا اليومين دول هناك و نقرب من بعض زي الاول عشان انتي وحشتينا اوي
ايمي:بس كدا من عيوني
ساره:و هفرحك مدام سهير رايحه الرحله مش دا الفرح
ايمي:هههههههههههههههههههه
ساره:كله عايز يجيب ولاده معاه نتعرف كلنا كعائلات و مش حد غريب الي هيكون موجود معظمهم صحاب اختك ومعني كدا ان ادهم هيكون في الرحله
ايمي:خلاص يا مامي اوك
end
ادهم:ايمو انا مش هقدر اروح الرحله
ايمي بزعل:ليه يا ادهم
ادهم:المصنع الي في اسكندريه من ساعه ما سبته و الانتاج نقص و دا مش ينفع و لازم نسلم حاجات في وقت معين يبقي لازم اشد علي الكل
ايمي:يبقي كدا مش هقدر اقول حاجه
ادهم:طب ممكن نعوضه مرة تانيه
ايمي:ان شاء الله بس معلش انا مش هقدر مروحش
ادهم بزعل بس مش قادر يين انها هتروح رغم ان هو مش رايح كان متوقع عكس كدا:الي يريحك يا ايمان
ايمي:اه ايمان كدا انت زعلان
ادهم:و هزعل ليه مفيش حاجه
ايمي:وحياه ايمي
سكت ادهم مردش
ايمي:طب انا هقولك الي حصل عشان تعذرني
حكتله الي حصل مابينا ه و مامتها
ادهم:انتي كدا وجعتيلي قلبي بس مش قادر اسيبك تروحي لوحدك هي الرحله ده مدتها قد ايه
ايمي
colonthree رمز تعبيري
ايام
ادهم:طب خليكي معايا يا ايمي
ربع ساعه و كان ادهم بيتكلم
ادهم:ايمي معايا
ايمي:اها معاك
ادهم:حبيبه قلبي انا راكب العربيه و طالع علي المطار فورا هركب طياره لاسكندريه و هخلص شغلي بسرعه و هحاول علي قد ما اقدر اجيلك
ايمي:انت بتتكلم جد
ادهم:جد الجد يا روح قلبي
ايمي:انت مجنون
ادهم:بيكي
ايمي:سكتت
ادهم:روحتي فين
ايمي من كتر الفرحه مش عارفه تتكلم
ادهم:ايمي
ايمي:نعم
ادهم:بحبك
ايمي سكتت
ادهم:و بموت فيكي
ايمي مش عارف تتكلم
ادهم:و لا عمري حبيت و لاهحب قد ما بحبك انا مش عارف انتي عملتي فيا ايه
ايمي:عارف يا ادهم انا بحس انك نعمه كبيرة اوي من ربنا عوضتني عن حاجات متير اوي انا مش كنت مقتنعه بيها و لا كنت اعرف يعني ايه حب هدفي كان دراستني لكن بعد ما شوفتك بقيت انت هدفي الاول
ادهم:انا بقي هدفي الاول و الاخير هو انتي يا ام ولادي يا احلي حاجه في حياتي
ايمي:كفايه كدا عليا بقي انا مش هقدر اكتر من كدا
ادهم:دا دا يا قلب ادهم الي هتعيشي بيه طول عمرك
ايمي:توعدني
ادهم:اوعدك بايه
ايمي:ان هو دا الي هيكون بينا طول العمر
ادهم:الموضوع مش محتاج وعد يا ايمي
ايمي:بس انا حباك توعدني
ادهم:اوعدك انك هتفضلي حبيبتي و امي و اختي و صحبتي و قلبي و روحي و عقلي حلو كدا”و كان بيتكلم بصوت حنين اوي هييييييييييح نرجع تاني”
ايمي:لا مش حلو
ادهم:طب انا نسيت ايه
ايمي:اني اكون بنتك قبل اي حاجه من دول
ادهم:كدا انا مش هروح علي المطار انا كدا هلف و اجي عندكوا
ايمي:ههههههههههههههههههههه
ادهم:ههههههههههههههه انا خلاص وصلت هركب الطياره و اول ما اوصل هتصل بيكي و لااقولك يا قلبي نامي عشان عارف انك تعبانه يا ام دماغ ناشفه يالي مش خلتيني اساعدك خالص هكلمك الصبح
ايمي:و انت متخيل اني هنام و انت في الطياره اول ما تلاقي شبكه اتصل بيا حتي لو في الطياره
ادهم:بحبك بحبك
ايمي:بطل بقي
ادهم:مش هقفل غير لما تقوليها
ايمي:اقول ايه
ادهم:انتي عارفه عاوزة اسمعها يا ايمي
ايمي:يوة بقي بكسف
ادهم:مني
ايمي:يووووووه
ادهم:انا مستني و الطياره هتفوتني و مش هنعرف نروح الرحله يرضيكي
ايمي:طب مش دلوقتي
ادهم:و انا عايز دلوقتي
ايمي:مش تزعلني بقي و مش تكسفني
ادهم:مستني اسمعها
ايمي:اه بحبك و مش حبيت قبلك و لا احب بعدك
ادهم:انا قولت الف و ارجع
ايمي:لا انت تقفل و تخلص و بعد كدا تكلمني باي
ادهم:حاضر يا قلبي
وصل فعلا ادهم و طمن ايمي
الشقه خلصت بتاعه ساره بمساعده اميرة و صحباتها و ابتدوا يجهزوا للرحله بس ادهم مش عرف يروح في نفس المعاد قالها هحصلك
الكل اتجمع في السوبر جيت لان مدام رانيا منعت العربيات و قالت ان الكل يتجمع في السوبر جيت
الكل قعد في الباص و سهير كانت بتعامل ايمي و مامتها بطريقه حلوه جدا لدرجه ان ساره قالت:لا انتي وراكي حاجه انتي مش طبيعيه
لبني:اكيد الست ده سخنه
اسماء:هي اللوز
ساره:هههههههههههههههههههههههههه
“الشباب راحوا مع بعض طيران”
في الطريق حصل مشكله مع السواق و صاحب عربيه
السواق مش كان غلطان قامت مدام رانيا و ساره و ساندوا السواق جدا و كان في كمين شرطه قريب من الطريق الي كانوا مشيين فيه
جه الرائد يشوف ايه الموضوه
الرائد:لو سمحتوا السوبر جيت علي جنب و العربيه علي جنب عشان الطريق يمشي
بعد ما ركنوا اتكلم مع مدام رانيا
رانيا:اسر مش معقول
الرائد اسر:عمتو قصدي مدام رانيا
رانيا:ههههههههههههههههههههههههههههه “عشان واخدين علي بعض اوي و اسر بمثابه ابنها”
ساره/ادام الحكومه تبعنا خلاص
رانيا:لا انتي مش تعرفيه في الشغل ميعرفش حد
ساره:بس الحق معانا
بسرعه شرحوا الموقف وصالح الكل علي بعضه و خلي سواق العربيه يعتذر لسواق السوبر جيت
كانت اميرة وقفت علي باب السوبر جيت
اميرة:انزل اظبط الموضوع و لا هرب و خاف
الكل فضل يضحك
هبه:اكيد يا بنتي عرف انك نازله هرب
اميرة:ميرسي يا جماعه سيطي واسع
ساره:يلا يا ماما اطلعي
طلعوا كلهم السوبر جيت و كملوا الرحله و اول ما وصلوا………………………………….

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة