مسلسل الحب علي اوتار الموسيقى بقلم/إسراء خالد الحلقة 1و2و3

الحب علي اوتار الموسيقي

البارت الاول
الصباح الباكر في مدينة الاسكندرية عروس البحر المتوسط تحديدا الساعة ٥ صباحا في غرفة بلون الوردى مرسوم بها علامات الموسيقي وعلي المكتب آلة الكمان وبعض النوتات الموسيقية
الام من المطبخ:اصحي يا رنيم الساعة خمسة القطار هيفوتك
رنيم : انا ما نمتش اصلا انا خايفة اوى
الام من غرفة رنيم: من ايه
رنيم:النهارده اول يوم في الاوبرا انا خايفة
الام: لا متقلقيش خالص يا حبيتي والله كان نفسي ابقي معاكي في اول يوم بس معرفتش اخد اجازة من المدرسة بس المرة الجاية هروح معاكي
رنيم بابتسامة خفيفة: ماشي
الام :يلا البسي عشان متتأخريش
وغادرت الام الغرفة وتوجه رنيم الي الدولاب لتخرج ملابسها
وكانت ترتدي فستان اسود يتناسب مع بشرتها البيضاء والمائلة للون الوردى وطرحة وردى فاتح
عند الام وهي تضع الفطار علي السفرة و اذا بصوت يقول الطرحة مظبوطة
الام وكان صوت رنيم: اه اقعدي افطري
رنيم:لا مش عايزة اعملي ينسون
الام: حاضر
****************
في منزل آخر في منطقة اخري في إسكندرية
هدير :يلا يا هادي عشان تفطر قبل ماتروح الشغل
هادي:حاضر
هادي شاب عمره 22عاما خريج تجارة السنة اللي فاتت يعمل
محاسب في البورصة المصرية
هادي:يااااه امتي بقا اترحم من المرمطة بين الاسكندرية والقاهرة
نادية ام هادي:ما تفطر وانت ساكت بدل ما انادي ابوك
هادي:وعلي ايه انا ساكت اهوو …..
علاء ابو هادي وهو يغلق المصحف الشغل دوشة ليه
هادي:سلام هروح الشغل
★********★
في محطة القطار
رنيم :الموضوع اصعب مما اتخيل ازاي هوصل انا مش عارفة حاجة يلا اللي يسأل مايتوهش بس اسأل مين
مررت سيدة يظهر عليها انها في العقد الرابع
رنيم :لوسمحتي القطار اللي يودي القاهرة منين؟
الست:اللي اقدامك دا
رنيم:شكرا
الست:العفو
صعدت رنيم القطار وهي تبحث عن رقم ٣٦(رقم المقعد) الي ان وجدته ووجدت نفسها تجلس بجانب السيدة التي سألتها عن مكان القطار
الست:ايه دا ….مش انتي اللي سألتني عن مكان القطار
رنيم:اه..انا
الست بإبتسامة :اقعدي …انا مني وانتي؟
رنيم:رنيم
مني:مسافرة ليه لوحدك كدا
رنيم:انا عندي بروڤة في الاوبرا وماما عندها شغلها في المدرسة مش هتعرف تجي معايا
مني:بس انتي شكلك اول مرة تسافري
رنيم:اه اول مرة
مني:اسمك حلو يعني ايه بقا؟
رنيم:يعني صوت الموسيقي وصوت القرأن
مني:انتي صغيرة عندك كام سنه؟
رنيم:16
وهكذا انقضي خوف وتوتر رنيم
********
انطلقت صفارة القطار لتعلن عن وصوله القاهرة
نزلت رنيم ومعاها مني التي بعد حديثها مع رنيم اكتشفت رنيم بأنها موظفة في الاوبرا وفرحت رنيم لانها سوف تساعدها في الوصول معها الى الاوبرا
*********
وبالفعل وصلت رنيم مع مني الاوبرا
توقفت رنيم امام باب الاوبرا خوفا مما سوف تقابله….ولكنها لم تعلم ما سيحدث لها
انتهي البارت الاول
★****************★

#البارت_الثاني(الضيف المنتظر)
رنيم اخذت تنظر بانبهار علي الاوبرا والتماثيل واللوحات كانت مبهوره بها
قطع سرحان رنيم صوت امرأة
السيدة:ازيك يامدام مني
وكانت تبدو عليها انها زميلة مني في العمل
مني:الحمدلله
الرجل :بنتك ديه ولا ايه يا مدام مني
مني وهي تنظر الي رنيم :اه
فكانت رنيم تشبه بدرجة كبيرة مني فكانت عينها بني لامع مثلها وبيضاء وملامح وجها تشبه الي حد كبير
مني وهي توجه كلامها رنيم: الناس فاكرينك بنتي
رنيم:ههههه… اصلنا شبه بعض اوى
مني:يلا عشان تروحى تقابلي المايسترو
رنيم بخوف:حاضر….
********
عندما دخلت مسرح الاوبرا أخذت تنظر بإنبهار إلي المسرح الكبير والكراسي الحمراء وخشبة المسرح اللامعة فكان المكان مبهر بالنسبة لها مع ان رنيم كانت تغني علي مسارح ومنذ ان كانت في عمر خمس سنوات وعلي مسرح نادي الاتحاد السكندري حتي في حفلة ما اتي ….
Flash Back
الاستاذ منير هو المسئول عن المسرح في النادي والاستاذ عبد الفتاح المايستور وكانوا مؤمنين بموهبة رنيم
منير لعبد الفتاح: هو هيجي ولا لا
عبد الفتاح: لسه مكملني وقال ان هيتأخر
منير:ماشي
رنيم:مين دا اللي هيتأخر دا؟
منير:ولا حاجة دا واحد صاحبي عارفه مين ؟
رنيم: مين ؟
منير:الميستروا في الاوبرا بيدور علي اصوات شابة عشان عملين حفلة فيروزيات لأداء أغاني فيروز بأصوات شابة
رنيم بفرحة كبير: بجد
عبد الفتاح: يعني لازم النهارده تبقي احلي مرة تغني فيها يلا روحي عشان تدريبات الصوت
وفي المساء
منير:هو فين؟
عبد الفتاح: مش عارفة
منير:ياريت ما قولنا لرنيم البت أخدت امل علي الفاضى
رنيم صعدت علي المسرح وبدأ الموسيقىين بالعزف وبدأت رنيم بالغناء بكل قوة علي أمل إعجاب الضيف الذي لم يحضر…..
وفي آخر أغنية جاء الضيف المنتظر
لتغني رنيم:
شو كانت حلوة الليالي
والهوى يبقى ناطرنا
وتيجي تلاقيني وياخذنا بعيد
هدير المي والليل

كان عندنا طاحون ع نبع المي
وقدامه ساحات مزروعة فيّ
وجدي كان يطحن للحي
قمح وسهريات

ويبقوا الناس بهالساحات
شي معهن كياس شي عربيات
رايحين جايين ع طول الطريق
تهدر غنيات

وراحت الايام وشوي شوي
سكت الطاحون عكتف المي
وجدي صار طاحون الذكريات
يطحن شمس وفي

يا سهر الليالي
اه يا حلو على بالي
غني اه غني اه
غني على الطرقات

ياي ياي ياي
يا سهر الليالي
ياي ياي ياي
يا حلو على بالي
غني اه غني اه
غني على الطرقات

وكانت هناك عيون عند باب القاعة تراقب رنيم بإنبهار وكانت تلك عيون الضيف المتقرب المايسترو محمد عبد المقصود
عبد المقصود: اسمها ايه؟
منير:رنيم
عبد المقصود بإعجاب: رنيم
Back
سمعت رنيم صوت يناديها
عبد المقصود: رنيم…رنيم يا أحلي رنيم
رنيم بإبتسامة:ياااا ايه لي؟
عبد المقصود: طبعا لكي انا علي فكرة انا مش بعرف أشوف واحدة حلوة ومش اقولها انها حلوة…بغمزة: اعاكسها
رنيم بضحكة رقيقة:ايه الصراحة ديه
عبد المقصود:دا أقل واجب علي الجمال دا…. يلا علي المسرح
رنيم:علي طول كدا
عبد المقصود: عايزة تعاكسي انا موافق
رنيم وهي بتضحك:لا انا هروح المسرح
عبد المقصود: وانا هاجي معاكي
وذهبوا إلي المسرح
عبد المقصود: وان..تو..ثري ….موجها كلامه لرنيم جاهزة
رنيم تهز رأسها بإيجاب
وتبدأ الموسيقي بالعزف وبعدها تبدأ رنيم بالغناء….
عبد المقصود: رنيم …ثواني عايزك
رنيم وأدركت ما فعلته :حاضر
عبد المقصود: رنيم انا لما أخترتك بين كل اللى شوفتهم كان عشان قلت ان انتي هتبقي مش مجرد واحدة هتغني في حفلة وخلاص لا عشان هتبقي فنانة لها وزن ومستقبل والفرصة اللي انتي فيها ديه أي حد يتمني ربعها تمام انا عايز أشوف مش مجرد صوت بيعمل عُرب وينقل المقام وخلاص انا عايز صوت وإحساس …مشيرا لقلبها…من قلبك
رنيم بإبتسامة بخجل واسف ودموع في عينها:حاضر
عبد المقصود: انا مش بقولك كدا عشان تزعلي انا بقول كدا عشان….مش عارف الصراحة
رنيم تبتسم
عبد المقصود: بلاش موضوع الابتسامات دا
رنيم بصدمة:ليه
عبد المقصود بضحك:مالك اتخضتي كدا ليه…انا قلبي صغير لا يتحمل إبتسامة من ملاك زيك
رنيم: ههههههه
عبد المقصود: نروح البروڤة بقا
رنيم: ماشي
وعودا إلي المسرح
ورنيم تغني بلا خوف او قلق تغني بقلبها مثل ما قاله لها عبد المقصود
**********
بعد فترةجاء وقت الاستراحة
عبد المقصود: تعالي اكسب فيك ثواب فيك واعزمك
رنيم:والله
عبد المقصود: انتى زعلتي وايه
رنيم: لا
عبد المقصود بطريقة طفولية:طب ممكن تتغدي معايا
رنيم بتضحك وتهز رأسها بإيجاب
*********
في كازينو عالنيل
عبد المقصود: المياه والخضرة والوجه الحسن
رنيم:هههههه طب فين الخضرة مفيش جنينة
عبد المقصود: الوردة البلاستيك اللي علي الطرابيزة ديه
رنيم:هههههه….ومين الوجه الحسن
عبد المقصود بغمزة:الحدق يفهم بقا
رنيم وقد احمر وجهها
عبد المقصود قبل ان يتكلم
الجرسون:تأخدوا ايه
عبد المقصود: انا شاورما… شوف الانسة تأخد إيه
رنيم تنظر لعبد المقصود كأنها توجه السؤال له
عبدالمقصود: اتنين شاورما..اتنين عصير فروالة
الجرسون:حاضر
وبعد ان غادر الجرسون
عبد المقصود: تعرفي أنك اول حد يخلينا اختر له والله عالطول كدا بيطلبوا وساعات بيطلبوا ليا علي مزاجهم
رنيم بتضحك
عبد المقصود: اه والله دا مرة في مطعم صحابي طلبوا سمك وطلبوا ليا سمك وانا مش بحبه
رنيم: ازاي دا انت تيجي إسكندرية عندنا تشوف السمك بقا
عبد المقصود: انا عن نفسي مش بحبه بس عشان عيونك هحبه
رنيم: انت ليه مش تحبه
عبد المقصود: كدا يعني عينه كدا هو مشوي وهو مقلي كدا تلاقي بيقولك يا ظالم منك لله
رنيم:ههههه
الجرسون أتي بالاكل ووضعوا وبداوا بالاكل
**************
في سيارة عبد المقصود
عبد المقصود: رنيم ايه رأيك في ايس كريم دلوقتي
رنيم بصوت طفولي وتهز رأسها: ماشي
عبد المقصود: ياخلاثي والنبي عسل
رنيم: ههههه
وهم بيأكلون الايس الكريم
عبد المقصود: رنيم انت عندك كام سنه
رنيم:16
عبد المقصود: صغيرة اوى
رنيم :وانت
عبد المقصود……

البارت التالت
عبد المقصود:31…..يلا على الاوبرا
رينم:ماشي
عبد المقصود: انتي القطار بتاعك امتي؟
رنيم :الساعة 4
عبدالمقصود:ياااه الساعة 1 واحنا نص ساعة ونمشي وانتي هتعملي ايه؟
رنيم بحزن: مش عارفة
عبدالمقصود بضحك :هنخرج هنعمل ايه يعني وبعدين هو اطول اخرج معاكي
رنيم بضحك:انت تطول ونص مش كفاية ان انا اوزعة جانبك
رنيم كانت تصل لعبد المقصود حتي منتصف ذراعه
عبد المقصود : ههههههه ….حلوة اوزعة ديه اووي
★*********★
ووصلوا للبروڤة
ووجدوا ان الموسيقين لم يصلوا بعد من الاستراحة
عبد المقصود:هو انتي اول مرة غنيت كنت امتي
رنيم: وأنا عندي خمس سنين في حفل المدرسة بمناسبة عيد الأم
عبد المقصود: امممم… مش هتسأليني انا بقيت المايسترو إزاي وانا سني صغير كدا
رنيم: اه صحيح دايما بيقي المايسترو كبير في سن
عبد المقصود: من وانا عيل صغير كدا بجي الاوبرا هنا مع ماما
رنيم:ماما مين؟
عبد المقصود: موظفة في الاوبرا اسمها مني
رنيم بفرحة: طنط مني دا انا قابلتها وانا جاية من إسكندرية في القطار استني هو انت اسكندراني زي
عبد االمقصود: ايه دا انتي اقابلتي ماما…غمز لها… كنتي بتطلبي منها إيه
رنيم بعدم فهم:طلبت منها انها توصلني الاوبرا
عبد المقصود: ماشي
رنيم: ما جاوبتش انت إسكندرني
عبد المقصود: لا…ماما هي إسكندرنية وهي….
قطعته رنيم: كانت رايحة إسكندرية
عشان خالتك تعبانة وراح تزورها
عبد المقصود بعدم تصديق:براڤو عليكي
رنيم: شكرا…. بس طنط كنت بتقول ان ابنها اسمه محمد مش عبد المقصود
عبد المقصود: ما أنا محمد والله…اسمي محمد عبد المقصود وكل الناس بتقولي عبد المقصود اسم شهرة
رنيم:…….
قطعها عبد المقصود
عبد المقصود: تجي نخلع
رنيم: ايه
عبد المقصود: ايو انتي مش ماشاء الله فاهمة الدنيا ماشيه ازاي وصوتك محترف هنكمل المرة الجاية
رنيم:هتقول ايه هنا
عبدالمقصود:سيبها علي…انا هتصرف
مسك محمد هاتفه كلم احدهم وقال البرافة خلصت وهنكمل الاسبوع الجاى عشان رنيم مسافرة
الشخص:تمام
عبد المقصود: ماشي…سلام
الشخص:سلام
عبد المقصود: يلا
رنيم: ماشي
★*********★
عند الشخص الذي كان بكلمه محمد مكرم عازف البيانو
مكرم: واضح ان عبد المقصود اندمج اوي مع البت
باقي العازفين:هههههههههه
كريم عازف الكمان:بس تصدقي حلوة
مكرم:لا بس نونو اوى عليه شكلها مش يكمل عشرين سنه
كريم: ليه في الصغير
الجميع:ههههههههه
★************★
عند رنيم وعبد المقصود في السيارة
عبد المقصود: تحبي تروحي فين
رنيم :مش عارفة انا اول مرة اروح القاهرة
عبد المقصود: طب سيب نفسك وانا هفسحك
رنيم :ماشي
★*********★
في الاوبرا
مني:محمد فين
مكرم : لغي البرافة مش عارف راح فين…. يقول في نفسه راح مع القطة
مني:طب ماشي
★********★
رنيم ومحمد في السيارة
رنيم:كمل بقا ازاي بقيت المايسترو
عبد المقصود: ياستي كنت بروح وانا صغير مع ماما وكنت بتفرج عالحفلات والبروفات وكنت بحس ان اهم واحد في الفرقة هو المايسترو تحسي كدا هو بيقود الفرقة هو اللي بيقول امتي تعلو وامتي لا عامل كدا زي قائد في الحرب وعشان كنت بحبه اوي كنت شايفه مهم مع ان الناس شافة ان المهم هو المغني او الفرقة ومش بيصوا ليه
رنيم: وبعدين
محمد:بقا هدف عندي انا ابقي زيه لما كبرت دخلت معهد الموسيقي (كونسلڤاتوار)
وبعدين سافرت فرنسا اتعلم هنا ورجعت بقيت المايسترو هنا في الاوبرا بقالي تلات سنين في الاوبرا
رنيم بإبهار: درست في فرنسا!!
محمد: ايو…مالك
رنيم: فرنسا…ماكنتش متصورة انك سافرت اتعلمت هناك
محمد:هو فاشل بالدرجة ديه
رنيم بنفي:لالا خالص انت شاطر وكويس
محمد :ههههههه
رنيم بزعل مصطنع:بتضحك علي
محمد:اصلك بتقلبي طفلة في كلامك كدا
رنيم بإستكار:انا طفلة
محمد كأنه اب يرضي ابنته:دا انتي ست البنات كلهم انا عندي الا انتي…. ويلا انزلي
رنيم:هههههه…..ماشي
محمد:ايه رأيك
رنيم:ايه دا
محمد :جنينة….عشان يبقي المياه والخضره والوجه الحسن بجد مش ورد بلاستيك
رنيم: هههههههههه
محمد:بحب ضحكتك اوى
رنيم قد احمر وجههها ولم ترد
محمد :طب يلا ادخلي
★*******★
في المستشفي في الاسكندرية
الدكتور:انتي تتعبي كدا علطول
نرمين ام رنيم: الفترة دايما
الدكتور:طب اعملي التحايل دا وبعدين تعالي ….وفي صداع
نرمين:علطول الصداع دا
الدكتور: اعملي رنين علي المخ
نرمين:هو في حاجة؟
الدكتور: التحايل والرنين هي اللي هتوضح كل حاجة
نرمين:انت بتشك في حاجة؟
الدكتور:بصراحة انا مش متأكد بس احتمال يارب يطلع غلط في احتمال ان يبقي في سرطان في المخ
نرمين وقد أحست بأنها انفصلت عن العالم بآسره واصبحت لا تعلم بماذا تفعل ليس بها بل بابنتها اليتيمة فهي لن يكن من بعدها احد فليس لها أب ولا جدة ولا خالة ولا احد ليس لها إلا اخ وحيد يعيش في ألمانيا لم تتكلم معه منذ توفيت امها منذ أربع سنوات وكانت في المكالمة ترجو أخيها بإن يعود حتي يودع امه وهي فراش الموت
Flash Back
في إحدي المستشفيات تقف في آخر الردهة امرأة لم تجف دموع من عينها
نرمين:عشان خاطري ارجعي ماما محتاجك
مراد اخو نرمين:انتي عارفة الرجوع هيخسرني كاام دا غير تمن التذكرة
نرمين :ملعون ابو الفلوس يا أخي
مراد:ياستي مش حكاية الفلوس بس الحياة هناك انتي عارفة مفيش راحة بصي قولي اني مشغول وان شاء الله لما فضي بس هنزل
نرمين بدموع:اما تفضي…يامراد خلاص ماما بتموت لو استنيت هترجع مش تلاقيها
مراد:ما تكبريش الموضوع وبعدين…نرمين نرمين
نرمين قد أغلقت الخط بعد ان علمت ان ليس هناك فائدة من إقناع أخيها
Back
الدكتور وقد لاحظ دموع نرمين :حضرتك دي مجرد فروض
نرمين:شكرا
ورحلت نرمين من غرفة الدكتور بل المستشفي وهي لا تفكر إلا ابنتها رنيم
★*********★
عند رنيم ومحمد
كان الجو ملئ بالهزار والسعادة
وكانت رنيم تغني امام احد الازهار
رنيم:الورد جميل ..جميل الورد شوف الزهور واتعلم شوف الزهور واتعلللللم
محمد:الله فداكي الحمار وصاحب الحمار
رنيم:ههههههه…ايه حكاية الحمار ديه
محمد:دا واحد كان جاي من بلد فلاحين وباع الحمار بتاعه عشان يعرف يسفر ويسمع الست أم كلثوم وأم كلثوم لما عرفت عوضيته بتمن الحمار
رنيم:ياااا هو انا ممكن واحد يبيع اللي ورا واللي اقدامه عشان بس يسمعني وانا بغني
محمد:بس لو خليت دا هدف اقدامك
رنيم: تعرف انا بغني هواية مش عشان حاجة عشان انا بحب اغني وبحس كل الفرص دا بتجى عشان مش حاطة الموضوع في دماغي
محمد بحركة عفوية:والله طب لو بقي الموضوع بقي دماغك هتنفس ام كلثوم نفسها
رنيم: ههههههه…ممكن
محمد:انا مش قد الغرور دا
رنيم:يالهوي.. الساعة ٣ونص القطار
محمد:طب يلا نلحق
رنيم:يلا
★**********★
عند البورصة
محمود صاحب هادي:مش لازم يعني تعند مع المدير وتعمل مشكلة
هادي:هو اللي مش بيطلعني من دماغه زي ما يكون اقتلت ابوه
محمود:طب اهدئ وتعالي نشرب حاجة
هادي:لا لازم ألحق القطار
محمود:ماشي سلام
هادي:سلام
★**************★
في محطة القطار
محمد ورنيم
محمد:هتوحشني يارنيم
رنيم:سلام
محمد:هاتي رقمك استناكي في محطة وأوصلك
رنيم:ماشي#####
محمد هو يمسك تليفونه: سلام هكلمك لما توصلي ماشي
رنيم: ماشى
وصعدت القطار ولا تعلم ماذا سيحدث لها؟ وما حكاية هادي ومحمد معاها؟
انتهي البارت التالت
#الحب_علي_أوتار_الموسيقي