مسلسل العروس الهاربة

الحلقه التاسعة من مسلسل العروس الهاربة للكاتبة سما عمر

الحلقه التاسعة من مسلسل العروس الهاربة للكاتبة سما عمر 

اللهم صل وسلم وبارك علي سيدنا محمد في الاولين وفي الاخرين وفي الملأ الاعلي الي يوم الدين واجمعنا به في جنات النعيم يابنت الشياطين 

هههههههه تلميذتك يا شيطااااااان …. و عشان تعرف بس قيمتى دلوقتى

لا انا عارفها من الاول خاالص يا لانا

بدلاال : ياسلام اه مهو باين انت قلت انى ما بفهمش وهوقعك تنكر انك قلت كده

بصراحه قلت ولاول مره اكون غلطان

اوووووووه سليم الرفاعى بيعترف بغلطه يا بشر

هس هس انتى هتفضحينى ولا ايه

بس ايه رايك

ملعوبه يا لانا بجد … بس انتى عرفتى منين انه راح الشركه ف الوقت ده

من واحد هناك سمعته بيكلمه ف التليفون وبيأكدله انك مش موجود بدبى واحتمال تغيب اكتر من يومين

ومين ابن ….. ده

هقولك … بس الاهم دلوقتى الفت دى زمانها وصلت اليكس ولا لسه

يطلق ضحكه عاليه بثقه … ثم يشعل سيجار له

انت بتضحك ليه

لانها لسه مكلمانى وقايله ليا ان بنتها ف فيلا (….)

اوووووه ما اتصورتش انها ممكن تدلك بالسرعه كده على بنتها

ينهض من الفراش ويتجه نحو ثلاجه حجرته ويتناول منها زجاجه النبيذ ثم يرفعها ويأخذ منها رشفه

ودى ام دى انا بيتهيألى كده انها مش امها …. ما شوفتيش كانت بتبصلى ازاى وانا عندهم ولا لما طلبت 5 مليون جنيه مهر بنت …. بس هجيب بنتها وهتشوف منى بلاوى سوده

نهضت وتوجهت اليه وكانت مرتديه قميص نوم ستان فضي لامع قصير للغايه

تلتقط زجاجه النبيذ منه : ايه هتشربها لوحدك ولا ايه

ينظر الى جسدها بجراءه ووقاحه مع وضع يداه ع خصرها : لوحدى ازاى يعنى يلا نشربها سوا

ايه ده يعنى كده خلاص هتسبينا

كانت ياسمينا جالسه مع نبيله بحجرتها تقول لها بانها سوف ترحل من هنا لتذهب الى شقه خاصه بماندو لتعيش بها الى ان تهدأ ظروفها

مفيش حل غيره برده مش عاوزه اسببلكم اى حاجه

كده برده انا خلاص خدت عليكى تكونى معانا

والله وانا كمان بس كويس كده ليا وليكو

هتمشى امتى

ماندو كلمنى وقالى انه جاى ع الطريق

كمان دلوقتى هتمشى لسه ما شبعتش منك

تسحبها ياسمينا ف احضانها : والله هتوحشينى اوى اوى يا بلبله

انتى اكتر يا سمسمه والله انتى اكتر

معاكى فونى اى وقت تعوزينى كلمينى

اكيد طبعا

طيب اقوم انا بقى زمان ماندو جاى دلوقتى ولازم اكون مستنياه قدام الفيلا

ماشى يلا تعالى هاجى معاكى اوصلك

يلا بينا

وقبل ما يغادرو الحجره تاتى اليهم هدى : سمسمه واحد بيسال عليكى تحت

تنظر الى نبيله بحزن : شكله الواد ماندو جه

وبالفعل أتى المدعو ماندو واستقلت معه سيارته واسرع بها الى شقته التى ستقطن بها خلال هذه الفتره

ها ايه رايك فيها

تنظر اليها بابتسامه مرسومه : كويسه يا ماندو

كويسه بس انا كنت فاكر انها هتعجبك عشانها قدام البحر

حلوه يا ماندو المهم دلوقتى مش عاوز مخلوق يعرف انى كنت قاعده الاول عند الناس دول

يقترب منها : ياستى خلاص ما وعدتك مش هقول لحد …

تمام

تعادو النظر الى الشقه مره اخرى ويلفت نظرها الى كميه زجاجات النبيذ التى كانت موضوعه على بار صغير ف احدى الاركان

ايه ده مش انت قلت ان محدش بيجى الشقه هنا غير ف الصيف بس

اه بتسالى ليه

تبتسم ثم تلتقط احدى الزجاجات بيدها قائله : امال دول بتعملو ايه هنا

يضرب راسه بيده بخفه : اوووووووبا صحبى يا ستى قالى انه عاوز يعمل بارتى شكله كده جه وجاب الحاجات دى ونسى ياخدها معاه

اوكيه ابقى خدها معاك بقى وانت نازل

يقترب وكاد ان يضع يداه حول خصرها : ما تيجى نريح شويه جو يا ياسو

ماندو شيل ايدك من عليا بدل ما والله همشى ومش هتعرف مكانى تانى

خلاص خلاص يا ستى

وكمان انت قاعد ليه دلوقتى هنا يلا مش خلاص ورتنى الشقه اتفضل بقى من غير مطرود

ايه ده انتى بتطردينى

اه

طب حتى نتغدى مع بعض انا عزمك

وانا رفضت العزومه يلا بقى ( تقولها وهى تجذبه الى خارج الشقه )

ماشى يا ستى ع العموم انا هعمل بااصلى برده وهنزل اشتريلك حاجات من السوبر ماركت اللى تحت وهطلعلك بيها

ميرسى يلا بقى

وتغلق الباب ورائه بعد ان رسمت ابتسامه على شفتاها …. ثم سمعت رنين هاتفها المحمول

الو يا بلبله وحشتينى

لو حشتك صح كنتى رنيتى وطمنتينى عليكى ها الشقه عجبتك

اه كويسه

مالك بتقوليها كده ليه ياسمينا لو فيه حاجه اخرجى من عندك وتعالى على هنا فورا انا اصلا قلقانه من اللى اسمه ماندو ده

ما تقلقيش منه ولا يقدر يعمل معايا حاجه يا بنتى انا بصدا

يعنى عمل الجبان ده

ياستى سيبك انا بعرف اوقف اى شخص عند حده المهم انتى تمام

الحمدلله عمتو بتسلم عليكى وبتقولك لو مش مرتاحه عنجد الواد ده تعالى

ههههههههههههه حاضر ماشى اطمنو عليا انا بخير وميرسى كتير على سؤالكم واهتمامكم ده

وبعد مرور ايام

كانت نبيله بالحديقه تمسك دلو بيه ماء وتسقي بعض الزرع الأخضر .. لكنها لم تعلم ان فى احدى عيون تراقبها من بعيد

ايوه يا سليم باشا لسه مابنتش …. لا مفيش غير البت بتاعه كل يوم بس اللى بتظهر وبتسقى الزرع دى اه تمام معاليك

ها قالك ايه

بيقولى اى جديد نخبره بيه

امتى بقى نخلص من ام الشغلانه دى

ياعم هانت بس البت اللى ورانا صورتها تظهر وكل شىء هيكون انتهى

والله لولا الحوجه ماكنت وافقت من البدايه على العمليه دى

انت اتجننت ولا ايه لو رفضت كنت انتهيت انت ناسى سالم واللى عمله معاه

اه اسكت ما تفكرنيش

هس مين اللى داخل الفيلا ده

ده الواد يا سيدى بتاع كل يوم دلوقتى هيهزر معاها كالعاده وبعدين يخشو جو

وانا اقول ليه الزرع بقى شكله يجنن كده ااترى بلبله هانم هى اللى بتسقيه

غير الاسطوانه دى ايه ما زهقتش من اعاده الكلام كل يوم

هو يعنى اللى يشوفك يزهق ياجميل انت

كريم لخص وقول عاوز ايه

مش عاوز يختى انا داخل اغير ورايح النادى

تضع الدلو جانبا : طب ما تاخدنى معاك

اخدك فيه هو انا رايح الملاهى

بقولك نادى هلعب تنس مع اصحابى

طيب وانا هقعد اتفرج عليك من بعيد نفسى اخرج بقالى فتره محبوسه هنا

قلت لا ووسعى بقى كده عشان هروح اغير

اتفضل يارب تموت ياكريم

بتدعى عليا يا نبيله ماااااااشى مااااااااشى برده مفيش نوادى

اوكيه اوكيه

ها ايه الاخبار بانت البرنسيسه بتاعتك

لا بنت الــ …. مش عارف مش ظاهره هناك ليه

انا كنت حاسه ان الفت دى بتكذب لان مفيش ام هتقول مكان بنتها فين

تؤ مفتكرش انها كذبت عليا دى نفسها انهارده قبل بكره جوزها والمليون جنيه اللى اتفقت انها هتاخدهم منى … بس تلاقى البت فيفى دى حذرتها فمشيت من هناك

مش عارفه انت عاوز ايه منها ما تسبها ف حالها بقى وخلينا نشوف شغلنا

عاوز اذلها زى ما ذلتنى نفسى امسكها اجردها من هدومها وهرميها رميه الكلاب بعد كده

طيب سيبك بقى منها دلوقتى الرجاله شحنو البضاعه للمخزن فين بقى سعود ده عشان يجى وياخدها

هكلمه دلوقتى وهقوله …. هما جابو الكميه كلها

اه كلها تحت بالمخزن بسرعه بقى كلمه لاحسن ريحتها تبان وانت عارف النوع ده من البودره من الحر هيسيح

يجذبها اليه بقوه داخل احضان ويطبع قبلات حاره الى عنقها : دنا اللى هسيح

تبتعد عنه بدلاال : يا سولى مش وقته خلينا الاول نشحن البضاعه وبعديييييييين

يقاطعها يطبع قبله اخرى :اشحنك انا يا لانا

ناديه ناديه

ايوه ياست كاميليا

مش سامعه جرس الباب

اه معلش ثوانى هشوف مين

تتحرك بكرسيها باتجاه باب القصر لترى من القادم

السلام عليكم

وعليكم السلام افندم

ممكن اقابل الهانم

نقولها مين حضرتك

اما مامت ياسمينا

اه اهلا وسهلا اتفضلى

تدخل الفت القصر لتنظر بعيناها الى اركانه وتتأمل فيه وعن جماله وجمال الاثاث به

ست كاميليا والده الست ياسمينا

تنظر الى السيده كاميليا : اهلا وسهلا اتفضلى

تتجه بها الى الصالون ليجلسوا به

اتفضلى

ميرسى … سورى لانى جيت كده من غير ميعاد

لا ابدا حضرتك تشرفى ف اى وقت

ميرسى لزوقك

تحبى تشربى ايه

اى حاجه فريش من فضلك

تشرد كاميليا فيما قالته لها ياسمينا عن هذه الام …. التى لا تستحق مثل هذه الكلمه

خير (تقولها كاميليا وهى تنظر الى الفت باهتمام)

الفت تخرج منديلاً من حقيبتها لانها ستبدأ التمثيل مجدداً
وبدموع خادعه : بصراحه كنت جايه اشوف ياسو بنتى … فيفى قالتى انها هنا فقلت اجاى اطمن عليها

لم تكن تدرى لماذا لم تصدق هذه الدموع المزيفه : بنتك !!

تمسح بعض عبراتها : اه بنتى ياسمينا مش هيا عندكم برده

للاسف مشيت من يومين

تنهض بذعر : ايه مشيت راحت فين

ما اعرفش راحت فين اللى اعرفه انها قالتلنا ان صحبتها رجعت من السفر وهتروح عندها

ازاى وفيفى قالتلى انها هنا

ما قلتلك اهو من يومين لما عرفت ان صحبتها جت من رحلتها طلبت منا انها تروح تقعد معاها

طيب ممكن فونها

للاسف ما اعرفهوش

يعنى ايه

يعنى زى ما قلت لحضرتك كده ما نعرفش عنها حاجه بنتك كانت ضيفه استقبلناها لمده يومين وخلاص مشيت

يعنى ما حدش خد رقمها

وناخده ليا حضرتك

طيب طيب يعنى حتى ما تعرفوش ازاى اوصلها

قلت لحضرتك لا

جأءت اليهم نبيله مهلله ومعها كريم

يا كريم سيب ايدى

مش هسيبها ازاى يا ست هانم تخرجى من غير ما تقوليلى

انت مالك اخرج واروح ف اى حته براحتى مدام واخده اذن عمتو واذن اخويا

وانا ايه بالنسبه لسيادتك كرسى مثلا ولا حيطه

طيب سيب ايدى بقى

مش هسبها يا زفته الا لما تعاملينى كويس وكمان تعرفينى باى مكان هتتزفتى فيه بعد كده

خلاص ماشى سيب ايدى بقى

سيب دراعها يا كريم خلاص تقولها كاميليا وهى لا تزال جالسه مع والده ياسمينا فى حجره الصالون

ماشى يا خالتو عشان خاطرك انتى بس

تعرفى يا زفته لو خرجتى تانى من غير ما تعرفينى هعمل فيكى ايه

مش هتقدر تهوب نحيتى اصلا طول ما يوسف هنا

هاهاهاها واهو يوسف كلها يومين وهيسافر تانى دبى

تأتى الى مسمعها كلمه دبى ويوسف …. فتشرد دقائق لتهمس لنفسها
يبقى ده اللى جبها من هناك لهنا بس ما قلتليش قبل كده عليه …. صحيح وهى من امتى اصلا بتقولى على حاجه خاصه بيها

اسفه يا مدام على اللى حصل دلوقتى اتنين مخطوبين وبيتنقرو مع بعض كده دايما

هه لا ابدا ربنا يتمملهم على خير …. استأذن انا دلوقتى وياريت لو عرفتى مكانها او حتى فونها تكلمينى فورا على رقمى ده (وتعطى لها كارت به ارقام هواتف)

ان شاء الله

ناديه ناديه مع المدام

ميرسى انا عارفه الطريق كويس سلام

نبيله تركض الى عمتها كاميليا : عمتو مين دى

بصوت شاحب : مامت ياسمينا

ايه ومين اللى قالها على مكانا

صحبتها يا نبيله صحبتها

ياخبر لو يوسف عرف دلوقتى

ربنا يستر عليها وعلينا … فين الواد كريم

طلع فوق بعد ما وجعلى ايدى

انا لازم اشوفلى حل فيكم انتو الجوز لانى زهقت منكم بجد

حل لينا مش فاهمه هتعملى ايه يا عمتو فينا

هجوزكم عشان اخلص من الهبل والعبط بتاعكم ده

تجوزينا

مين اللى هيتجوز ده

انت والبت دى

كريم ينظر الى نبيله وبخبث مع وضع يداه ف جيب بنطاله : اهو ده الشغل بصحيح

لكنها تفر هاربا الى حجرتها

ههههههههههه اهربى يختى بكره ولا هتعرفى تعمليها تانى

كريم هات فونك

ليه هتكلمى المأذون ولا ايه

يا واد هات مالك متسربع كده ليه على الجواز

ايه يا كوكى انتى رجعتى بكلامك ولا ايه

يا وله هات تليفونك وبطل غلبه

خدى اهو لما نشوف بس بقولك انا هتجوزها خلال الشهر ده
تقوليلى يوسف تقوليلى مش عارف ايه هتجوزها برده

سبنى بقى عشان اعمل المكالمه دى وحل عنى

طيب يا كوكى هحل اهو

كانت هى الاخرى معها اتصال هاتفى مع ماندو

وهات كمان جبنه يا مادنو لانها خلصت ولو لقيت سوسيس ياريت تجبلى معاك … سورى انى بطلب منك الطلبات دى كلها انت عارف بقى معنديش فلوس حاليا اوك يا حبى هستناك بيبااااى

كادت تضع الهاتف جانبا الى انه جاءها اتصال اخر

الو ازيك يا طنط وانتى كمان اوى اوى … خير ماما مالها ايه جت عندك ومين اللى قالها على عنوان حضرتك ايه
فيفيــــــــــان

يقذف كأس النبيذ مره واحده ف فمه

ههههههههههههههههه شوفت الحظ بتاع اهلك بقى كنت طمعان فيها عشان فلوسها … دلوقتى بقت انت اللى بتصرف عليها

اه يا جدع هاتلى سوسيس هاتى جبنه هالتى مش عارف ايه تقولش اتجوزتها وبصرف عليها

هههههههههههههههههههههه والله ضحكتنى

اسكت طب بقى لانى خلاص قرفت منها

والعمل هتفضل تصرف عليها كده لامتى

لا خلاص مبقتش صابر انا عاوز اخلع من ام البلد دى بقى

طب وهتجيب فلوس منين عشان السفر يا خفيف مش بتقول ان زيكو طالب منك ربع مليون عشان يسفرك ايطاليا

اه كان طالب نص وانا قلته كفايه ربع

وهتجيب منين وخلاص السمكه اللى كنت ناوى انك تصطادها وتديك خيرها بقت انت اللى بتديها

مش عارف افكر ولا عارف اعمل اى حاجه دلوقتى سبنى بقى

الحق فونك بيرن تانى

يخربيت ابو كده تلاقيها نسيت حاجه ناقصه اصلى خلفتها ونستها بنت الـــ …… دى

ايوه …. مين اه انا ماندو مين اللى بيتكلم طنط الفت اهلا يا طنط لا انا ف اليكس خير فيه حاجه … عاوزه تقابلينى انا طيب طيب انا جايلك حالا ثوانى مسافه السكه

خير مين اللى كانت بتكلمك

بعد ما سكب كأس النبيذ الى فمه وضعه على الطاوله : امها شكلها عاوزاها فرصه اطلب فلوس وتاخدها عشان اخلص بقى من ام البلد دى

طيب انت هترجع تانى عاوز اعرف هتعمل ايه

هرجعلك اه وهو انا ليا مين هنا غيرك

هههههههههههههههه وغيرها ياخويا وما تنساش تجبلها السوسيس

ليا بس كده يا فيفى تقوليها على مكانى

يابنتى والله ما قصدت صعبت عليا وهى بتعيط

بتعيط ؟!! وانتى صدقتى تمثيلها

وانا ايه عرفنى بقى انها بتمثل دى كانت بتعيط بجد ودموع وليله

عملتى دلوقتى مشكله جامده هناك بقى الناس استضفونى عندهم كام يوم سببتلهم ف مشاكل

مين قال بس ان شاء الله سليمه ومش هيحصل حاجه

بتمنى يا فيفى بتمنى

قوليلى هتفضلى قاعده عند الواد الزباله ده لحد امتى

مليش مكان امان غير هنا ف الوقت الحالى

انا بصراحه خايفه عليكى منه ده لو امك وصلته ممكن يقولها عليكى

تؤ ما افتكرش ماندو هيقول حاجه عاليا ده بيحبنى يا بنتى وبتمنالى الرضا ارضى كده

رضا ترضى والله انتى هبله وعبيطه جاتك خيبه

ليه بقى

اهو مش مطمنه للواد ده وخلاص ….. بس لو سليم ده مكنش جالى هنا هو ورجالته وهددنى كنت قلتلك تعالى

كفايه عليكى تعب ابوكى هو عامل ايه دلوقتى

ادعيله يا ياسو انه يقوم منها على خير

ان شاء الله ربنا يطمنكم عليه

يارب …

بتقولى ايه يا عمتى

ايوه مامتها لسه ماشيه من شويه

اهلا اهلا وبعدين

ما تقلقش يا يوسف

ازاى يا عمتى ما اقلقش انا كان فين عقلى ساعتها ياريتنى مكنت ساعدتها ولا كلمتها من اصله

بلاش تقول كده يا يوسف قدر الله وماشاء فعل وانت عملت عمل كبير هتاخد عليه ثواب ان شاء الله … وما تنساش حديث الرسول الكريم عندما قال من فرج عن مسلم كربة فرج الله عنه كربة من كربات يوم القيامة، ومن ستر مسلماً ستره الله يوم القيامة

صل الله عليه وسلم

ايوه كده استهدى بالله

لا اله الا الله ماشى …. ايه بقى الموضوع التانى اللى كنتى عاوزانى فيه

نبيله وكريم

اشمعنى

واد يا جو بلاش تتريق على كلام عمتك لاحسن اقوم اقرصك من ودانك ولا انت نسيت

هههههههههه وهو انا اقدر انسى برده ده لسه حتى حاسس بيها

ايوه كده اتعدل … عاوزه افرح بيهم مدام حضرتك مش عاوز تفرحنى بيك

والله نفسى يا عمتى افرحك انا كمان بس زى ما انتى شايفه مش عجبنى حد من اللى انتو قلتى عليهم

طب وانجى الواد عماد قالك عليها

اه يا ستى قالى وورهانى مش هى اللى ف دماغى يا عمتى

خلاص طيب قولى دلوقتى موافق اننا نجوز العيال دول ولا ايه

اللى تشوفيه يا عمتى

انا شايفه اننا نخلص منهم بقى انا زهقت من منقافتهم مع بعض كل شويه

خلاص تمام

يبقى على خيره الله روح بقى قولها انت بنفسك لانها من ساعتها مكسوفه وقاعده ف اوضتها فوق

هههههههههه حاضر … امال فين هدى

راحت مشوار يلا بقى اطلع لنبيله وبشرها

حااااضر

ممكن ادخل يا استاذه نبيله

بعد ما دخلت اتفضل يا جو تعالى

عمتك بتقولى انك ما نزلتيش من بدرى فيه حاجه حابسه نفسك ليه

احم ابدا وانا هحبس نفسى ليه

طيب ايه اللى بتشوفيه ع اللاب ده

تقوم بغلق اللاب بخجل : احم لا ابدا دى هدوم عاديه

بس ده مكنش هدوم وعاديه دى كانت صور لفساتين افراح ايه كنتى بتختارى موديل فستان ولا ايه

هه لا عادى اهو بتفرج عليها

ههههههه طب تعالى ف حضنى شويه

تتجه ف احضانه وبحب : انا فرحان اوى اوى يا بلبله انى هفرحج بيكى انتى كمان

هى عمتو قالت ليك

ايوه قالتلى

وانت ايه رايك

انا

اه انت

راىء مهم عندك يعنى

تبعد رأسها عن احضانه وتنظر اليه : اه طبعا رايك يهمنى امال فاكر ايه

امممممممم يبقى مش موافق

بنبره عاليه : ايـــــــــه

خلاص خلاص ههههههههه رجعت ف كلامى

لا اصلى احم احم عادى لو مش موافق عادى

يعنى لو مش موافق على جوازك من الواد كريم انتى كمان مش هتوافقى

احم اه اه مش هوافق

خلاص مدام كده بقى يبقى مش موافق ويلا اقوم عشان هروح انا وهو مشوار مهم

مشوار فين ده

يوم حفله عيد ميلاد نيللى كان قالى على بنت عجباه ف الحفله هروح معاه هنتقدملها

نـــــــــــــعم … وبنت مين دى كمان اه تلارقيها البت المايعه اللى اسمها نهله

ينظر اليها وهو كاتم ضحكته

ما تتكلم هى اكيد صح

وهنا لم يقدر ان يمنع ضحكاته ليطلقها عاليا

انت بتضحك يا يوسف

ايوه بضحك عليكى وعلى هبلك كريم بيحبك يا عبيطه واللى متاكد واللى اتاكدت منه دلوقتى حالا انك كمان مجنونه بيه يبقى ليه بقى مش موافقه وحوارات

افهم من كده انك كنت بترخم عليا

ايوه ومفيش من اللى انا قلته ده حاجه صح

بقى كده

ايوه هو كده عشان تبطلى تتلامى عليا

طيـــــــــــــب

وتمسك احدى الوسادات وتقذفها عليه

ايوه يا واد يا سيكا انت فين

انا مطرح ما سبتنى يا معلم

طيب انا داخل عليك اهو

يتجه نحو صديقه الذى لا يزال داخل المهلى الليلى وكانت بجواره احدى الفتيات

لا بقولك ايه يا عم سيكا عاوزك فايقلى كده

هق منا فايق اهو

فايق ايه انت سكرت ولا ايه

لا انا فايق هق قول بقى عاوز ايه

ينظر الى تلك الفتاه التى كانت تحت ذراعي صديقه : من فضلك بس ممكن تسبينا دلوقتى

تنظر اليه بغضب : هو اللى ندانى على فكره يعنى مش بتلزق فيه حكم رجاله اخر زمن

مالها دى

كده برده ضيعت الموزه

ياسيدى فوق بس ابوس رجل امك

اهو معاك خير وعملت ايه مع ام البت اللى عندك

كل خير يا ريس تعرف لو اتحقق اللى بفكر فيه هكون ملك البلد دى يا واد يا سيكا

قولى طيب ايه اللى حصل هق

الوليه جايه بتدور على بنتها وسالت عليا ناس كتير … المهم انها قالتلى ان ياسو اتجوزت واحد غنى جدا ملط ملياردير يا معلم وبعد ما اتقفل عليهم باب البيت هربت منه وجت على هنا … بنت الــ ….. مكنتش قالتلى موضوع انها اتجوزت ده نهائى قالتى بس انها هربت من امها وجوز امها

اه وبعدين

انا بقى فكرت انى اطلب منها فلوس وطبعا هى ما هتصدق تعرف مكان بنتها هتقول للراجل ده وهو طبعا عاوز المحروسه ياسو فهيدفع يا معلم كل اللى انا هطلبه منه

طب افرض قالك امك ف العش ولا طارت

لالالا ولا هيقدر البت ف ايدى وخلاص فكرت فيها والمره دى هلعبها صح يا واد يا سيكا

ياابن اللعيبه

عيب عليك صحبك صايع

طيب اطلبلنا بقى كاسين نشربهم فى صحه السنيوره بتاعتك

تقصد فى فكره الــ 2 مليون جنيه يا صحبى اللى هتطلهم من البقف جوزها
يتبــــــــــــــــــع 

زر الذهاب إلى الأعلى