مسلسل العروس الهاربة

الحلقه العاشرة من مسلسل العروس الهاربة للكاتبة سما عمر

الحلقه العاشرة من مسلسل العروس الهاربة للكاتبة سما عمر

فى صباح يوم جديد مشرق مفعم بـ الأمل
منعش ومليئ بنسمآت الهواء البآردة والأزهآر المبللة بقطرآت الـندى
وتلك السماء الصافية … نجدها بداخل مطبخ شقتها تحضر وجبه الافطار لها … وكان تتحدث عبر هاتفها المحمول مع ….

والله فرحتلك اوى اوى يا بلبله من كل قلبى … يعنى اتفقتو على امتى كده بجد الف مبروح يا حبيبتى اه طبعا ودى محتاجه كلام هاجاى ومن بدرى كمان عشان اكون معاكى ان شاء الله… اه يا حبيبتى بصلى الحمدلله الوقت بوقته زى ما علمتينى ايوه لا والله ما بنام بعد ما بتكلمينى الفجر انا بقوم واصلى وافضل اقرا كام سوره كده وبعدين انام … منا جميعا يارب يا بلبله … طيب خلاص اول ما تنزلى تشوفى الفستان كلمينى وهخلى الواد ماندو يجبنى لحد عندك … انا مش عارفه انتو ليه مش مطمنين منه والله ده بيحبنى اوى اوى كمـــــــــــــان

ها يا معلم كلمت الوليه دى ولا لسه

وليه مين

ام البت اللى عندك انت نسيت ولا ايه

لا انسى ايه بس (كان مضطجعا على الأريكة يلف التبغ فى سيجارته وبه كميه خفيفه من الحشيش)

امال ايه بقى

منا بتكتك يا واد يا سيكا

عشان اجيب الجون على طول لسه همرر وارقص

يلتقط منه السيجاره بعد ما اشعالها الاخر وأخذ منها نفساً : مش قلتلك لعيب يا كابتن ماندو

ههههههههههههههههه

والله يا سليم بيه انا عملت كل حاجه وهو قالى اول ما يعرف مكانها هيقولى … المهم دلوقتى مسعد ايه اخباره

مستني بنت مراته ع نار عشان يرجعلك تانى يا الفت

يعنى هو كويس

هيكون احسن لما يرجعلك اكيد وتشوفيه بنفسك همتك معانا بقى

حاضر صدقنى اول ما هعرف مكانها هقولك على طول بس ما تنساش وعدك ليا انك مش هضرها

ههههههههههههه ال يعنى خايفه عليها

(واغلق معها الخط قبل ما يسمع منها ردها)

فيه اخبار جديده

لا لسه الواد بيماطل

كنت عملت بالفكره بتاعتى زمانها كانت تحت ايدك

هديها يومين لو ما عرفتش بنتها فين … هعمل بفكرتك على طووووووول
هما لسه رجالتك هناك

ايوه لسه لو عدت نمله بيقولولى

اكسلنت

طب يلا بقى ولا ايه

يلا ايه انت ما بتزهقش ابدا كده نهار اسود انا قربت ابوش من الميه

وحد قالك تخدى شاور ع طول كده

سولى ورانا مواعيد مهمه ما تنساش الناس اللى جايه تاخد شحنه الكوك

طيب يا بيبى اسبقينى لحد ما اجهز وهحصلك

كان يقف بين يد الله تعالى فى خشوع تام يؤدى ركعتين لله… وبعد انتهائه اخرج سبحته وبدأ يسبح فى خشوع … الى ان سمع دقات باب منزله فقام والتقط معه سجاده صلواته ووضعها جانبا وذهب باتجاه الباب ليرى من الطارق

عندما فتح باب منزله اتفاجىء بها تقف تنظر اليه بسخريه على مظهره الغير لائق … وعلى لحيته الطويله التى لم تحلق يوماًً … وعلى الجلباب الابيض الذى يرتديه فى الفتره الاخيره … ابعدته عن طريقها ثم دلفت المنزل لتنظر اليه

لسه زى مهو البيت

ينظر اليها ولم ينبت بشفه ولا يزال يقف بجانب باب منزله المفتوح

ايه هتفضل واقف كتير كده عندك ما تخش واقفل الباب …. عاوزاك فى موضوع مهم

بصوت خافت مرهق : قولى من هنا عاوزه ايه وايه اللى جابك مش خلاص اخترتى البعد وقلتى مش هتعتبى المنصوره تانى

انا مش جايه ليك انا جايه ادور ع يا سمينا

وايه اللى هيجيب ياسمينا هنا عندى مش اخدتيها وهربتو سوا زمان

ياسمينا هربت من جوزها يا ابراهيم وقلت يمكن تكون جتلك هنا

ما جتش يلا بقى عشان عاوز ادخل واريح جسمى شويه قبل صلاه المغرب

راكضت لتجلس على اريكه متهالكه

ادخل يا ابراهيم واقفل الباب مش هتفضل واقف كده شكلك باين انه تعبان ايه لسه بتشتكى من قلبك برده

بسخريه وبصوت خافت : ايه يهمك تعرفى يعنى

مش مهم المهم ياسمينا ما حاولتش تيجيلك او تتصل بيك

ما قلتلك ما جتش هى روايه ولا ايه

طيب على العموم انا هفضل كام يوم هنا عند صباح لو كلمتك او جتلك ياريت تعرفنى

وهى هربت ليه مدام مش عاوزاه اتجوزته ليه من الاول ولا هى وراثه يعنى يقولها وهو ينظر اليها نظرات سخريه

نهضت وتحركت من امامه : لو جتلك عرفنى مش هقولك تانى سلام

وبعد ما غادرت المنزل اغلق بابه وجلس على تلك الاريكه وظل يستغفر ربه 99 مره

اقعدى يا الفت والله زمان يا اختى
( تقولها اختها صباح وهى حامله صنيه بها طعام )

وانا اقول المنصوره نورت ليه انهارده

ازيك يا صباح وازى احوالك وابنك محمود

الحمدلله فى نعمه ياختى

هو فينه زمانه كبر دلوقتى اوعى تقوليلى انك جوزتيه

هههههههههه اجوزه منين بس ما انتى عارفه البير وغطاء ياختى ده معاش ابوه على الكام جنيه اللى بياخدهم من المستشفى ما بيكفوناش ولوحدنا

تخرج من حقيبتها بعض الاوراق الماليه الكثيره : طب خدى دول خليهم معاكى مشى بيهم نفسك

تمسك الفلوس وتعدهم : ودول لايه ياختى

ليكى خديهم اشترى بيهم لبس ليكى او اى حاجه تحتاجيها

انشاله تسلمى ياختى بس قوليلى ايه الاخبار عطرتم فى ياسمينا

لا لسه ما بنتش خالص انا لسه جايه من عند ابراهيم

اه مهى ما جتلوش لو جتله كنت عرفت وقلتلك

اه مهو قالى يا صباح

طيب ما تاكلى ولا الاكل مش اد المقام

تنظر الى طاوله الطعام باشتمزاز : ايه نوع الاكل ده

ههههههههه انتى لحقتى تنسى البصاره يا الفت طبعا مهو اللى على على بقى

لالالالا اصلى بيجينى حموضه منها المهم ابنك فينه دلوقتى

فى المستشفى عنده ورديه وهيجى بكره ان شاء الله

طيب انا هدخل اريح شويه جوه

مش هتاكلى طيب

لالالا مليش نفس انا كلت قبل ما اجيلك

طيب ماشى روحى نامى ولما تقومى هكون محضره ليكى اكله حلوه بفلوسك عشان تاكلى بارتياح وما تقرفيش

طيب … طيب

جاء اليوم الذى سيعقد فيه كريم قرآنه على نبيله ابنه خاله …. الكل منتظر حضور المأذون داخل االقصر

كريم وعاقد حاجيبه : قلتلكم بلاش ام المأذون ده قولتولى مأذون العيله وما ينفعش حد غريب يكتبلك اهو مجاش اهو

ههههههههههههه

انتى بتضحكى يا خالتى

شكلك يهلك وانت متنرفز كده هو قالكم هيجى امتى يا يوسف

ينظر يوسف الى ساعته ويقول بجديه : هو قالى على العشا بس ما ححدش امتى بالظبط

شوفت يا كريم اهو بيقولك على العشا ولسه المغرب مأدن من ربع ساعه يعنى لسه شويه اصبر ان الله مع الصابرين

ونعم بالله … ونعم بالله … بس لو مجاش فى ظرف نص ساعه كمان انا هشوفلى مأذون غيره اوكيه

ماشى اعملى اللى يريحك … يوسف روح شوف البنات ما نزلوش ليه

حاضر يا عمتى

كان يجلس بجوارهم عماد ومعه طفلته نيللى
ياابنى بلاش تتسرع والله بكره هتندم على السربعه دى

بقولك ايه يا عمده فوكك منى خالصانهارده … وكمان احب اعرفك يا خفيف صوابعك مش زى بعضهم

يعنى ايه ياض

يعنى بلبله غير تربل اتش بتاعك

لفت نظره بعيداًً الى الفتاه التى تنزل الدرج ووضعه يداها حول ذراعيه اخاها فى جمال ورقه وخجل واضح وبين زوجته التى تتمشى بجانبهم وهى مرتديه تونك وحجاب طويل جدااااااا …هامس بصوت خااافت :

فعلا بلبله غير تربل اتش بتاعتى …. يلا اهو قدرى ونصيبى الحمدلله على كل حال

يتجه نحوهم كريم ويقوم بمد يداه اليها فى حب

ايدك يا كابتن كريم

ايه ياعم يوسف مش مراتى همسك ادها

لالالا لسه لما تبقى بقى

والله هى بقت كده

ايوه لما تبقى حلالك انا بنفسى هقدمهالك بنفسى

هى الساعه بقت كاااااااااام

كان عدد بسيط لا باس به حاضر عقد القرآن لانهم اتفقوا على ذلك بينما سيدعو المدعوين فى ليله الزفاف التى تقام بعد غدا بمشئيه الرحمن

هدى انا خايفه اوى

بلاش الخوف ده واهدى ايه ما كنتى من شويه متسربعه مالك دلوقتى

مش عارفه ايه حصلى وايدى متلجه اوى

اهدى بس ان شاء الله الامور هتهدا دلوقتى

يااااارب … صحيح سمسمه اتاخرت ليه كده

كلمتها وقالتى جايه فى السكه

مش عارفه اتاخرت ليه دى موعدانى انها هتكون معايا من بدايه اليوم

ما تنسيش برده ظروفها الغايب حجته معاه

وقبل ما يكملو حديثهم كانت طاله عليهم بابتسامتها الجميله الصافيه مرتديه فستان رقيق جدا وبدون حجاب …

مساء الخير ( تقولها ياسمينا لــ كاميليا التى عندما رآتها علت ابتسامتها الجميله )

ازيك يا سيمو

انحنت وقامت باحضانها بحب : الحمدلله ازى حضرتك انتى

مبسوطه جدا لانى شوفتك من تانى

وانا والله حضرتك وحشانى جدا

تسلمى حبيبتى

واقفت لتبحث عن العروس وعندما وجدتها استأذنت من كاميليا بانها ستذهب اليها لتباركها

الف الف مبروك يا بلبله

اوعى كده عشان زعلانه منك
وانا مش هقدر والله … غصب عنى انى اتاخرت معلش سامحينى

بقى ده الوعد يا ياسمينا وجيالك بدرى ومش عارفه ايه

صدقينى غصب عنى ان شاء الله هعوضهالك بعد بكره يا جميل انت يا قمر

هههههههههه بس قوليلى بصراحه انا حلوه

انتى قمره مش حلوه بس

ياتى اليهم كريم : ايه ده وانا اقول القصر منور ليه اتارى ياسمينا هانم شرفتنا انهارده

هههههههههه لسه زى ما انت يا كريم مش هتتغير ابدا

والله يا سمسم نفسى كمان ارجع بكلامى وما اتجوزش البت دى

نعم نعم ما تتجوزش مين يا بابا

هه لا انا بهزر بس يا قلبى انتى صدقتى ولا ايه

ولا اه يا حبيبى مفيش مانع عادى اوى بلاها جواز واسافر مع جو دبى واشوفلى واحد من هناك اتجوزه مش انتى قلتيلى يا سمسمه ان شباب دبى قمامير ( تقولها وتغمز لياسمينا بخفى)

بصراحه عساسيل مش قمامير بس يا بلبله

نعم ياختى مين اللى قمامير دول بت اتعدلى بدل وربنا اموتك دلوقتى حالا

والله ما تقدرش اصلا تعملها

لا هقدر يا خفه

هاهاهاا لسه ما بقتش فى عصمتك يا روحى لما ابقى بقى

وهنا جأء ت اليهم نيللى الصغيره لتبشرهم بقدوم المأذون

كريم بسخريه لنبيله : ثوانى وهرجلعك عشان اعدلك واموتك يا زوجتى الحبيبه المستقبليه

ياسمينا تطلق احدى ضحكاتها : والله انتو الاتنين عسل اوى ربنا يتمملكم على خير

بس خايفه اوى يا سمسمه

ابعدى الخوف والقلق ده واقرى المعوذتين وان شاء الله هتلاقى نفسك هاديه

حاضر

تأتى اليهم هدى : ازيك يا سمسمه عامله ايه

ازيك انتى يا هدى ايه اخبارك

الحمدلله يا حبيبتى … يلا يا بلبله بيسالو عليكى هناك

برهبه وخجل : حااضر

كان لا يزال فى سيارته ينتظر ياسمينا من داخل القصر لكى يعاود بها الى شقته التى تقطن بها هذه الفتره …
جاءه اتصال هاتفى وقد انشغل باشعال واحده من سجائره المفلوفه ثم رفع الاتصال الذى عاود مره اخرى

الو ايوه انا ماندو مين اللى بيتكلم سليم ؟؟!! سليم مين اها اه اهلا اهلا باالباشا الكبير سورى يا باشا لا طبعا مع معاليك وتحت امرك بس انت كمان حس بيا وبظروفى مش طالب كتير مهو عشان خاطر عيون المدام بقى وانا عارف انك مشتاقلها اد ايه … يعنى سيادتك هتيجى بكره وبنفسك ليا عظيم الشرف اكيييييد تمام لا انا بكون دايما فى كازينو اسمه (….) هستنى معاليك سلام يا باشا… وبعد ما اغلق الاتصال معه يردد بصوت عالى نسبيا
سلام يا بشبوشتى ههههههههه

و بالداخل يهنو العروسين بعقد القرآن وكانت ابتسامتهم عاليه بفرحه

استنى بس يا يوسف هتسيب الناس وهتروح فين

يا عمتى انا استحملت كتير ومش عاوز ازعل نبيله فى يومها ده فاسبينى ارجوكى

ياابنى الناس هيقولو ايه بس وكمان البنت غلبانه وطيبه

والله محد طيب وغلبان غيركم انتو

طيب عشان خاطرى انا… خليك هى هتمشى دلوقتى اكيد

تاتى اليهم بعد ما سمعت اخر حديثهم
ودلوقتى حالا يا دكتور يوسف انا ماشيه ولا تقلق جنابك خاالص بعد اذنك يا طنط كاميليا

ياسمينا استنى ياسمينا

يوسف وراها واعتذرلها

ايه لا يمكن طبعا

عشان خاطرى والله حاسه انها طيبه زى اخواتك روح وراها يا حبيبى وحياتى عندك البت لوحدها فى بلدنا ومقصوره روحلها يا يوسف

يترك عمته ويركض مسرعا لكى يلحق بياسمينا التى غادرت حفله عقد القرآن وهى حزينا لما سمعته من قبل يوسف لعمته بانه لا يريدها بالقصر

بينما تقف نبيله بين اصدقائها وعدد لا باس به من الجيران يهنوها على عقد قرآنها …

أتى اليهم وسحبها من جانبهم : ايه مالك بتسحبنى زى البقره ليه كده

ايه مين بقره ايه يا نبيله الكلام ده خبى يا امى احنا لسه ف البدايه لاحسن اروح للراجل اللى كتبلنا الكتاب ده وارجع بكلامى

تنكزه بكتفيها بقوه : ولا تقدر تعملها

بصراحه عمرى ما اقدر يابت انا بحبك وربنا

مدام بتحبنى اوى كده ليه عينك زايغة وبتكلم بنات وتعاكسهم

نكلم بالمنطق ولا هنتغابي

تنكزه مره اخرى بخفه : لا بالمنطق يا خفه

لو انتى بتحبي المانجة وفضلتي تاكلي مانجة طول الوقت مش هتزهقي منها

أكيد طبعا

هتعملي ايه ساعتها

– هاكل هاكل حاجه تانيه طبعا

بس اكيد مش هتكرهى المانجه دى

لا طبعا هاكلها تانى على طول

بس هو ده اللي أنا بعمله يا حباية مانجة ما مجننه امى

والله انت رخم وغلس كمان

وانا بموووووووت فى اللى جابوكى يا بنت خالى يا قمر انتى

بنت خالك بس

اممممممممم ووو

وووو ايه ما تنطق

ومراتى حبيبتى

ايوه كده

ها وانتى بقى ايه النظام

بغباء : نظام ايه مش فاهمه

هه لا ابدا … يا عماد دقيقه من فضلك عاوزك

هههههههههههههههههههههههه والله مجنون لكن بعشقه اعمل ايه

مدام ياسمينا … مدام ياسمينا (يقولها يوسف وهو يركض ورائها مسرعا )

تركض ياسمينا مبتعده عنه بقليل لكنه اوقفها ليكون امامها مباشره … لاحظ عبراتها المتساقطه على وجنتيها بغزاره

ممكن تبطلى عياط

بنبره باكيا : من فضلك عدينى انا اصلا اللى غلطانه انى جيت انهارده وغلطت كمان انى قربت من اخواتك وعمتك بس اهى غلطه والواحد بيتعلم من اخطاءه طول مهو عايش فى الدنيا دى

يبتسم ثم يقول لها : ويتعلم من اخطاء الاخرين كمان

تنظر اليه باندهاش عندما رآت لمحه ابتسامته الجذابه
طب بليزعدينى

بعتذر منك لو كلامى مع عمتى ضايقك … بس كان المفروض تفهمى انا مضايق ليه وعشان ايه

حضرتك ما غلطتش انا اللى غلطت والله … لما سمحت لنفسى اركب عربيه مع ناس اغراب عنى وانى اجاى بيتهم كمان واتعرف عليهم دى غلطه وان شاء الله مش هتتكرر تانى …. وصدقنى يا دكتور يوسف انا مش قاصده انى اتسبب ليكو فى أذى بالعكس انا ممكن ارمى نفسى للنار ولا اكون السبب فى اى حاجه تحصل ليكو

اتمنى ذلك يا مدام ياسمينا

ايه مدام دى اللى بتقولهالى

بحزن وألم : مش دى الحقيقه مش حضرتك مدام برده

لا مش مدام انا انسه

بصوت شاحب : تمام … ياريت تتقبلى اعتذارى مره تانيه بعد اذنك

استنى

يلتفت اليها ولكنه كان يغض بصره عنها : نعم

تخرج من حقيبتها علبه مغلفه : ممكن تدى دى لنبيله نسيت اديهالها جوه

اسف مش هينفع ادخلى حضرتك واديهلها بنفسك

لا انا كده هتاخر من فضلك خدها واديهلها

وانا قلت اسف بعد أذنك

عنيد ومغرور ومكابر

يلتفت اليها وبنظرات شر تخرج من عيناه

كنت من شويه مديون باعتذار عن كلامى الغير مقصود … دلوقتى انتى اللى مدينه ليا باعتذار لا وكمان اتنين

اعتذارين ؟؟!!

ايوه اول يوم جيتى فيه هنا قلت ليا وفى وشى انى راجعى ومتخلف ودلوقتى بتقولى عليا انى عنيد ومغرور ومكابر …

طب وانا بقى مش هعتذر ايه رايك

تمام جدا وانا كمان بـــ اسحب اعتذارى منك واتفضلى دلوقتى حالا اطلعى بره الفيلا وما شوفش وشك هنا تاااااااانى

يتبـــــــــــــــــــــع

زر الذهاب إلى الأعلى