مسلسل العروس الهاربة

الحلقه الرابعة عشر من مسلسل العروس الهاربة للكاتبة سما عمر

الحلقه الرابعة عشر من مسلسل العروس الهاربة للكاتبة سما عمر

لا تزال بحجره ياسمينا داخل المشفى … ضماها فى احضانها مع دفء قلبها واطمئنانه ذهبت فى سبات عميق … حاولت ان تضعها فى فرأشها لكنها فشلت لان ياسمينا تشبثت بها وكأنها تخشى أن تتركها .. كالغريق الذى يتعلق بطوق نجاته … سمعت نبيله صوت طرق خفيف على الباب وكانت من كريم

مررت يداها بين خصلات شعرها بحنان : سمسمه سمسمه

ياسمينا بنبره تعب شديده: هه

نبيله : الواد كريم بره الاوضه وبيخبط … شكله عاوز يدخل

ياسمينا تضع يداها ع شعرها : لا بلاش عشان انا بشعرى

نبيله باستفهام : يعنى ايه بشعرك ؟؟

يعنى شعرى باين

مهو بيشوفك عادى بشعرك ايه اللى فرق دلوقتى

اللى فرق انى خلاص ….اول واخر مره حد يشوفنى بشعرى تانى

سمسمه انتى تقصدى انك

انا هتحجب يا نبيله وعاوزه منك كتب كتير اوى عن الدين

بجد يا سمسمه انا مش مصدقه

لا صدقى انا بعد اللى حصلى فكرت كتير جدا انى اتقرب من ربنا فكره لما قولتيلى انى ما أخرش توبتى لما قلتلك لما هطلق من سليم ده هتوب الى الله

اه طبعا فاكره يومها قلتلك انك ما تسوقهاش ولا تاخريها لان تأخير التوبة ذنب يستوجب التوبة فمن فعل الذنب وسوق التوبة …. او تأجليها لبعد حين فقد أساءتى مرتين مرة بفعل الذنب او بتأخيرها

عشان كده انا ناويت ان اتوب على اللى كنت بعمله فى حياتى زمان واولها انى عاوزه اتحجب عشان اكفر عن خطىء ده …

وده شى جميل اوى وان شاء الله ربنا هيتقبل منك يا حبيبتى

طيب ممكن بقى تجبيلى طرحه عشان ادارى بيها شعرى

نبيبله تقف من فرحتها وتطبع قبلات حانيه كثيره على وجنتيها بفرحه كبيره : ياااااااه يا متتصوريش اد ايه انا فرحانه ليكى دلوقتى

طب انا محتاجه طرحه دلوقتى

طرحه بس انا هخلى كريم يودينى البيت اجبلك لبس وطرحه عشان ما ينفعش تلبسى طرحه بالهدوم دى مدام نويتى انك تلبسى الحجاب يبقى لازم يكون لبسك حشمه وفضفاض

بس كده انا اتعبكم معايا

ياستى تعبك راحه هروح دلوقتى هوا اجبلك الحاجه ومش هتاخر

طيب وانا هستناكى يا نبيله بس بسرعه الله يخليكى

حاضر بسرعه

صحيح

التفتت اليها : فيه حاجه تانيه

ايوه كنت عاوزه اكلم فيفيان واقولها ع اللى حصلى

هو انتى ما قلتلهاش

لا انا لسه فايقه دلوقتى والموبايل بتاع مدام كاميليا نسيته ف الشقه المنيله دى

اسكتى بقى ما تفكرنيش اهو شوفتى عشان تبقى تسمعى الكلام انا مفروسه منك فرسه بس مش دلوقتى هتنقاش معاكى

معلش انا عارفه انى غلطت كتير ونويت انى اتوب عن كل غلطاتى

اه واول درس ليكى اياكى تامنى لحد مهما كااااااان واديكى قولتى بلسانك اقرب الناس ليكى هما اللى أذوكى

فعلا يالا كله عندك يارب

ما تقلقيش مدام مظلومه ربنا هيجبلك حقك بس اصبرى ان بعد العسر يسرا

ان شاء الله …

لحظت نبيله احمرار وجنتيها بخجل : مالك وشك قلب احمر كده ليه

مش عارفه اخوكى بيقول عليا ايه دلوقتى

يوسف ؟؟ هيقول ايه مش فاهمه

يعنى لما شفنى فى الوضع المخجل ده بصراحه مش عارفه ازاى هبص فى وشه بعد كده

تبتسم نبيله وتتجه نحوها وتربت على كتفيها بحب : انسى بقى اللى فات وصدقينى اخويا غير ما انتى فكره خالص يوسف جدع اوى وطيب او وحنين اوى اوى اوى … فــ ما تقلقيش منه ابدا

ربنا يسترها

امين يارب … الحق انا بقى اطلع للواد كريم واروح اجبلك الحاجه

ربنا ما يحرمنى منك يا بلبله

تسلمى يا حبيبتى خلى بالك من نفسك بقى

حاضر انا هنام لحد ما تيجى

يكون افضل برده

تترك نبيله ياسمينا بمفردها فى الحجره … بينما هى تخرج لترى كريم لا يزال منتظرها بخارج الغرفه

كريم : ايه يا ست هانم التاخير ده كله

نبيله بابتسامه مشرقه : اسكت يا كريم لانى فرحانه اوى اوى اوى

طب ما تفرحينا معاكى

ياسمينا

مالها

هتتحجب

ايه ده بجد

اه وربنا طلبت منى اجيب ليها طرحه دلوقتى

انتى اللى طلبتى منها كده

والله ابدا هى لوحدها اللى طلبت

اوبا يعنى الصاروخ هيدارى شعره

نغزته بكتفيه بقوه : صاروخ ف عينك يا ابن خالتى

ايه ابن خالتك دى كمان هه

اه ابن خالتى هفضل اقولها ليك لحد ما تتعدل يا كريم

والله ع اساس انى مقلوب يعنى

شوف انت بقى انا اقصد ايه

يابنتى انا لا يمكن هتغير خااااااااالص هو اللى ف داء عمره بيشفى منه

مدام فيك داء ليك دواء ياسى كريم كما قال رسول الله صل الله عليه وسلم مَا أَنْزَلَ اللَّهُ دَاءً إِلا أَنْزَلَ لَهُ شِفَاءً

صدق رسول الله … طيب ادعيلى بقى ربنا يشفينى من الداء بتاعى

ان شاء الله ربنا هيجعلنى سبب فى الدواء ده لان كله هيطلع عليك ف الاخر يابن خالتى هه

تقولها نبيله وتتركه وتتجه نحو الممر الاخر لتذهب الى حجره اخيها يوسف

بجد يا نبيله اللى بتقوليه ده

اه والله يا عمتو قالتلى انها عاوزه تتحجب

ماشاء الله ولا حول ولا قوة الا بالله … ربنا يتقبل منها يارب

امين يا عمتو يارب … هروح انا بقى اجيب لها حاجات من البيت ماشى

طيب يا حبيبتى كريم طبعا هيوصلك

تنظر الى كريم بحده : هشوف عماد يجى هو يوصلنى

كريم : ليه ان شاء الله والمحروس اللى واقف جمبك ده مش مالى عينك ولا ايه حضرتك

انا اصلا ما وجهتش ليك اى كلام

والله طب قدامى يا نبيله لما نشوف اخرتها معاكى

كريم اتكلم كويس ووطى صوتك

لالالا يا ماما ده كان ف الاول انما دلوقتى انتى مراتى وانا جوزك يعنى اعمل اللى انا عاوزه فاهمه ولا منتيش فاهمه

يوسف بنبره تعب : حرام عليكم احنا ف مستشفى وانا واحد مريض اخرجو اتناقر بره

كاميليا : وانا قلت انى لما اجوزكم هتبطلو نقار اتارى اللى ف داء عمره ما هيبطله

كريم بسخريه لها : شوفتى اهو عمتك بنفسها قالت ايه اللى ف داء عمره ما هيبطله عشان تبقى تصدقى بقى

بقى كده

اه كده ويلا قدامى احسن ما اخدك بالعافيه

اوكيه يلا بس افتكر انك اللى بدأت والبادى اظلم هه

بعد ما ذهبت نبيله : ناس مابتجيش غير بالعين البنى صحيح

كاميليا : كريم : هدى اللعب شويه نبيله مش ادك

ما تقلقيش يا خالتى علينا يلا سلام مؤقت

عماد يتوجه اليهم بعد ما رأى اخاه ونبيله يركضون مسرعين : هما رايحين فين يا يوسف

يوسف بتعب : اسال خالتك

كاميليا تنظر الى يوسف الذى كان سعيد بما سمعه عن نيه ياسمينا بارتداء الحجاب : رايحين يجيبو حاجات من البيت وراجعين

فى حجره مكتبه وامامه بعض اوراق كثيره يقوم بتوقيعها … تدخل اليه لانا بابتسامتها المايعه دائما : ها يا بيبى خلصت الورق

ثوانى اهو … بصحيح اخبار اللى اسمه مسعد ده ايه

اهو لسه مرمى فى المخزن من ساعتها

طيب عاوزكم تضيفوه ع الاخر

ما تقلقش يا كبير

ها عرفت من الولد اللى انت ضربته بالنار ده

لسه اللواء جابر منصور قالى يومين وهيعرف

ممتااااااااز

يغلق الملف امامه ويسترجع الى المقعد ويمسك القلم بيده : الا قوليلى اخبار الواد اللى اسمه ماندو ده ايه

لانا : كنت من شويه مع الراجل بتاعنا هناك وقالى انه عايش حياته بالطول والعرض

هههههههههههههههه خليه يعيش الايام اللى فضلاله هو كمان

ههههههههههههههههه ها اعملك فنجان قهوه تانى

لالالا خليها بالليل يا روحى

اوكيييييييييه انا هخرج بقى هروح اسلم الاوراق للمحامى عشان منتظرها ف مكتبه بره

خديها وشويه وتعالى عاوزك ف موضوع مهم جدااااا

تضحك بدلال لمعرفتها بهذا الموضوع المهم

. كان داخل مكان كبير جالس على الارض حزيناً موثوق يداه بالحبال
ياناااااس يللى هنا

ايه عاوز ايه صوتك عالى ليه

حرام عليكم انا عاوز امشى بقى انتو مش قلتولى انى همشى امبارح ليه ما ممشتش

الباشا لسه ما ادناش اؤامر بانك تمشى اسكت بقى

طيب ممكن ميه عطشان

هنجبلك دلوقتى ميه وطفح اصبر

اصبر ايه بس ربنا ينتقم منكم كلكم

محمود فين يا صباح

جوه ليه عاوزه منه حاجه تانى

ايوه اندهى عليه خليه يجيلى الاوضه جوه

وبعد قليل يأتى اليهم ابن اختها وبنره شاحبه : خير يا خالتى

تعالى يا محمود اقعد غاوزه منك خدمه

ممكن طيب يوم تانى لان انهارده مش هينفع اخد اذن تانى

لازم يا حوده انهارده معلش انا هعوضك عن تاخيرك ده

مش موضوع فلوس يا خالتى موضوع انى ممكن اتجازه بتاخيرى كل شويه ده عن الورديه وانا ما صدقت اتثبت هناك

ما تقلقش بس ومش هتتاخر وزى المره اللى فاتت

طيب خير

طبعا انت فاكر المكان اللى روحته من يومين

اه الشقه اللى كانت فيها بنت حضرتك

ايوه عليك نور

مالها

عاوزك تروح هناك واسال عليه ياسمينا اذ كانت لسه هناك ولا مشيت

وده هعرفه ازاى يعنى

منا هديك فلوس تديها للبواب هناك وارره واكيد هيقولك طول ما فى ايده فلوس

وعاوزه تعرفى ايه يا خالتى

عاوزه اعرف ياسمين هناك ولا لا وايه موضوع الشرطه اللى كانت هناك دى بخصوصا ولا تخص ناس تانيه

ايوه خليها بقى تعلمك تلفيها ازاى
تقولها كاميليا لياسمينا التى كانت جالسه على الفراش ونبيله تلف لها حجابها على رأسها

ياسمينا شعرت باختناق بسيط : ثوانى يا نبيله

نبيله تنظر اليها باندهاش : فيه حاجه

حاسه انى مخنوقه

كاميليا بهدوء : ده ف الاول بس هتحسى بكده مع التعود هيروح الشعور ده وهتبقى عاديه ….

هااااا ايه رايك يا عمتو مش بالله عليكى تهبل

ماشاء الله جميله اوى بحجابك يا سيمو

بجد حلوه

انا ع فكره ما بعرفش اجامل بجد ماشاء الله عليكى ملاك جميل

تكتفى بابتسامتها الجميله

نبيله : ها وناويه تعمل ايه تانى غير الحجاب يا ست سمسمه

هروح لبابا ان شاء الله 

زر الذهاب إلى الأعلى