الحلقه الثانيه والثلاثوون من مسلسل العروس الهاربة للكاتبة سما عمر
فى احدى البنايات العاليه بمدينه دبى … كان يقطن يوسف باحدى الشقق بها … نجده جالس بحجره نومه ومعه الحاسوب الخاص به وكان يحدث ياسمينا من خلاله طوال مده سفره
ها وايه اخر اخبار نبيله عرفتوا نوع البيبى ولا لسه
اما هى فكانت ايضا تحدثه من خلال حاسبوها الشخص الذى جلبهولها قبل سفره لكى تراسله عليه
مش هتصدق مره الدكتوره تقولها ولد ومره تقولها بنت … واحنا كلنا محتارين نشترى هدوم لمين بالظبط
ههههههههههه ممكن تجيبوا الوان تنفع ولاد او بنات
انا قلتهم كده والله واصلاا الايام دى الولاد بتلبس نفس الوان البنات يعنى عادى
سيبك بقى منهم وخليكى فينا شويه … عجبك فستان ولا ايه
مش عارفه محتاره جدا برده فيهم
بصى يا سمسمتى انا عاوزك تختارى اللى نفسك فيه وملكيش دعوه باى حاجه
منا فاهمه بس محتاره فى حاجه
حاجه ايه
مدام مش هنعمل فرح ليه لزمته الفستان ما اختار مكانه طقم شيك كده وخلاص
لا طبعا وهتبقى عروسه ازاى العروسه ما تبقاش عروسه غير بالفستان والميك اب بتاعكم ده
انت اللى بتقول كده يا يوسف
وما اقولش ليه … يابنتى ده يومك انتى ابدعى فيه
ااممممم تمام .. انا بقى عجبنى واحد كب تحفه جدا هاااا اشتريه
كب يعنى عريان ولا ايه
ايوه زى اللى شوفتنى بيه اول مره
يوسف :ـــــــــــــــــــــــــ
روحت فين
مش قلنا مش عاوزين نفتكر الايام دى
وانت قلت انه ده واقع واكيد مش هننساه بس بنتعلم منه ولا نسيت اللى قلته يا دكتور
تمام … طيب خلاص اشتريه
نعم اشترى ايه
الفستان اللى عجبك
بقولك كب وعريان
مش عجبك
بصراحه هو تحفه يجنن
طيب خلاص جيبه
يوسف انت بتتكلم بجد ولا بتهزر
والله ابدا حاجه وعجباكى اشتريها
بص ثوانى انا مصوراه هوريك صوره احسن وبعد كده قول رايك وبلاش هزار
طيب معاكى ورينى يا ستى
اهو هاا ايه رايك
يهبل ياخد العقل
يوسف قولنا بلاش هزار
والله بتكلم بجد فيها ايه يعنى لما تجيبه مدام عجبك
يعنى عاوزنى البسه يوم فرحنا
اه ما تلبسهوش ليه مش اختيارك
ايوه بس
ما بسش الوقت دلوقتى متاخر عندكم … بكره ان شاء الله روحى وخدى معاكى اى حد واشتريه وشوفى لزمك ايه تانى وجيبه … قوليلى بقى لسه مصممه نقعد معاهم فى الفيلا ولا نشوف شقه بره
وليه نعيش بره لوحدنا…. يوسف انا ما صدقت بقى ليه عيله بجد
براحتك يا حبيبتى انا قلت مش عاوز اجبرك على اى حاجه اللى انتى عاوزاه انا هعملهولك
ربنا يخليك ليا يااااااااارب
طيب هقفل انا بقى دلوقتى لان معاد الفتره المسائيه فى المركز قربت هكلمك وانا هناك
ماشى هستناك ان شاء الله
يلا اشوف وشك على خير وسلمى عليهم كلهم
يوصل ان شاء الله
… وبعد ما انهت معه الحديث اغلقت الحاسوب ثم غادرت المكتب واتجهت نحوهم بخارج الحديقه وجلست بجوارهم
ها سلمتنا عليه
ايوه
مالك فيه ايه يا سمسمه
مش هتصدقوا قالى ايه
تتجه نحوها نبيله : قالك ايه هه قولى قولى
بيقولى اشترى الفستان اللى عجبك
انهو ده اوعى يكون قصدك على الكب
هو ده
ازاى يعنى عاوزك تشتريه انتى ورتيلو الصور بتاعته
ايوه وعجبه اوى وقالى اكيد هيجنن عليكى
ده هو اللى اكيد اتجنن …
بينما ظلت كاميليا ترتشف المشروب الدافىء لها بصمت لكن لاحظنا عليها ابتسامه فى الخفىء من حديثهم
ساكته يعنى يا عمتو
عاوزنى اقول ايه يعنى
قولى رايك فى كلام ابن اخوكى … يوسف عاوز ياسمينا تلبس فستان عريان
هو حر
نعم ازاى يعنى بنقولك عريان فستان كب
ياستى وانتى وانا مالنا هما احرار وهو حر معاها شغلين بالكم ليه عاوزه افهم
لتعاود تاخذ رشفه اخرى من مشروبها الساخن
مش عارفه ليه حاسه بمؤأمره كبيره واللى ترأسها عمتكم
نظرو اليها جميعا فلاحظوا عيناها وابتسامتها تفضحها
قولى بقى يا عمتو هو فيه ايه
بت يا نبيله حلى عنى
كده برده انا بلبله حبيبتك اخر العنقود
يووه اسبلك يعنى الجنينه واروح اوضتى احسن
خلاص خلاص … خلاص بقى يا سمسم بكره ننزل ونروح نشتريه بس انتى فاكره المحل اللى شفتيه عنده
بصراحه لا بس فيفى اكيد فكراه لانها هى اللى عرفتنى يومها عليه
اه صحيح خلاص بكره كلميها ونروح نشوفه وبالمره نشترى شويه حاجات تانيه
ان شاء الله
هدى : الا بصحيح يا عمتى اشمعنى يوسف اللى وافقتى وبسرعه انه ياخد دور لوحده
مفيهاش حاجه يا هدى وبطلى زن كتير
ياسلام ماانتى كمان يا ست هدى واخده دور بحاله … الدور والباقى عليا انا وكيمو حبيبى واخدين اوضه عاديه
بعد ما يوسف وياسمينا يتجوزا ان شاء الله هيبقى الدور كله بتاعكم يا نبيله وعشان ميكونش حد احسن من حد
ايه ده بجد الكلام ده يا عمتو
ايوه بجد ده اتفاقى كان مع يوسف قبل ما يسافر
هيييييييييييييه الله عليكو هروح اقول لكيمو بقى
هههههههه مش هتعقل ابدا البت دى
مالك يا سيمو بتفكرى فى ايه
اكيد بتفكر فى اليوم الموعود
هدى روحى هاتيلى الدوا بتاعى من الاوضه
حاضر يا عمتى
لتسترد حديثها اليها مره اخرى : مش هتقولى بقى مالك
ماما
مامتك مالها
حلمت بيها من كام يوم انها فى بير كبير غويط وكل ما تحاول تخرج منه بتقع تانى فيه …
اه وبعدين
بحاول انا ارفعها منه بس كانت الحبل صعب اوى اوى فناديت على جوزها انكل مسعد
اها
ولما جالى قلتله تعالى نشد ماما ونطلعها … راح بعدنى عن البير وفضل يهد فيه لحد بقى كوم تراب وماما ملهاش اى أثر
تربت على كتفيها : ما تقلقيش ان شاء الله خير وما تنسيش انها هى اللى اختارت ولا ايه
مش ناسيه بس بجد وحشتنى
طب ايه رايك لو دورنا عليها
محمود ابن خالتى
ماله
شافها من فتره كبير اوى وكانت مع جوزها فى فندق بالقاهره
بسيطه اكيد هيكون فاكر اسم الفندق نروح ونسال عليهم
طب وليه هى ما تسألش عليا وتشوفنى عامله ايه
يمكن ما تكونش عارفه باللى حصلك
وحتى يا ماما كاميليا لو عرفت هتعمل ايه يعنى … كفايه انها بعتنى لسليم كتير وعرفته مكانى اكتر من مره … دى صحبتى اللى مش من دياتنى ولا تربطنى بيها اى صله غير الصداقه ما عملتهاش … مع انها كانت فى خطر بسببى دى جت وحذرتنى منه وانى ما اروحلهاش بيتها عشان محدش من رجالته يشوفونى وانا خارجه من عندها … وهى بمنتهى الانانيه اللى فى الدنيا تدله على بنتها عشان خاطر ايه تبيع بنتها عشان خاطر الفلوس وقبل منها جوزها
خلاص بقى هدى روحك احنا اتفقنا على ايه كل اللى فات نحاول ننساه ونبعده عنا
ترتمى بين احضانها : مش هقدر يا ماما مش هقدر … قلبى لسه بيحن ليها بعد كل اللى حصل منها ليا
يبقى خلاص بكره تكلمى محمود وخليه يعرفك مكان الفندق فين بالظبط وانا هقول لكريم يروح هناك ويعرفلنا الاخبار ها قولتى ايه
حاااااضر … حاااضر
وبالفعل بعد ايام قليله وجدنا كريم بداخل ذالك الفندق الذى قال عليه محمود بانه رأى فيها خالته ومعها زوجها مسعد … كان كريم فى طريقه الى موظف الاستقبال
مساء الخير
اهلا يا فندم مساء النور
كنت من فضلك عاوز اسال عن نزيل هنا عندكم
اسمه ايه حضرتك
اسمه مسعد
مسعد ايه
مسعد رمضان
وبعد ما تصفح احدى الاجهزه لديه : محدش عندنا يا فندم بالاسم ده
متاكد
ايوه يا فندم
طيب ممكن تشوف اسم تانى
اسم مين يا فندم
اسم ألفت عبد الحميد ناصر
دقيقه يا فندم
ويتصفح مره اخرى ولكنه هذه المره ايضا لا يجد الاسم
برده الاسم مش موجود حضرتك
ازاى اللى شافوهم قالوا انهم كانوا هنا
الكلام ده كان من امتى
من حوالى شهرين ونص
نادر ابحثلى عندك كده من خلال شهرين ونص على اسم مسعد رمضان او ألفت عبد الحميد ناصر
ظلوا يبحثوا طيله دقائق … وبالفعل توصلو اليه
فعلا يا فندم كان فيه نازيل باسم مسعد رمضان بس ده ساب الفندق من فتره كبيره
ايـــــه ؟؟ طب وما تعرفش راح فين
والله معنديش علم يا فندم
طيب والمدام بتاعته راحت يعنى معاه
مدام ألفت
ايوه
لا دى بذات انا افتكرتها دلوقتى
اه راحت وياه بقى
لا هو عمل شيك أب قبلها بيوم وكان سيبلها جواب وبعد ما قرأت الجواب اغم عليها
ايه اغم عليها
ايوه ووديناها مستشفى ……. انا فاكر اليوم ده كويس
والمستشفى دى من فضلك فين بالظبط
مستشفى (….) فى (…..)
يخرج هاتفه المحمول وقبل ما يجرى اتصاله بكاميليا ليخبرها بكل ما حدثه اليه الموظف شكره وابتعد عنه قليلاً
ايوه يا خالتى بقولك نقالوها مستشفى هنا بالقاهره ها اروح ادور عليها هناك ولا اعمل ايه
طبعا يا كريم بقولك ايه ما تقولش حاجه من دى لاى حد لحد ما نطمن الاول فاهم
حاضر يا خالتو اطمنى
ولا حتى لمراتك انت عارفها وعارف لسانها
انتى هتقوليلى منا مجرب لسانها ده
طيب روح وخالى بالك من نفسك وعرفنى اول باول يا حبيبى فى رعايه الله
وبالفعل وصل كريم الى هذه المشفى ودلف بها الى مكتب الاستقبال
السلام عليكم
وعليكم السلام نعم افندم
كنت عاوز اسال عن مريضه عندكم هى جت هنا من حوالى شهرين ونص تلاته كده
حضرتك شايف المكتب اللى هناك ده
اه ماله
روح هناك واسال على المريضه دى جوه
طيب … ركض كريم وتوجه نحو المكتب ليجد رجل مسن جالس على مقعده يتصفح الجريده
السلام عليكم
وعليكم السلام
من فضلك كنت عاوز اسأل عن مريضه كانت هنا من حوالى شهرين تلاته كده
الموظف لم ينبت بشفه وظل يقرأ ما بالجريده
يطرق بيده على المكتب الخشبى : من فضلك
نعم يا استاذ خير
خير ايه بقولك عاوزه اعرف المريضه دى خرجت ولا لسه موجوده
اسمها ايه يا استاذ
اسمها الفت عبد الحميد
بدأ بتكاسل الموظف ينهض من مقعده ويتجه نحو احدى الادراج ويتناول احدى الملفات بيده ثم يعاود مره اخرى الى مقعده
حضرتك بتعمل ايه
هدورلك على اللى بتسال عنها
بتدور في ورق مش المفروض اسامى المرضى دول يكونوا على الكمبيوتر ولا لسه الاختراع ده موصلش هنا
لا وصل يا استاذ بس الموظف المسئول عنه غايب بقاله يومين …
وحضرتك
لا انا مليش فيه … قلتلى بقى اسمها ايه
الفت عبد الحميد
وبعد فتره كبيره وجد الموظف اسم المريضه
اه يا استاذ كانت موجوده
منا عارف انها كانت موجوده لسه هنا ولا مشيت
لا اتنقلت
اتنقلت ؟؟ على فين
على مستشفى الامراض العقليه
نـــــــــــعم
ايه يا حضره بقولك مستشفى الامراض العقليه والعصبيه
حلوتك
افندم
لالالا مفيش بعد أذنك ومتشكر جدا
يخرج كريم مسرعا من هذه المشفى ليوصل الى سيارته وستند عليها
يخربيتها دى شكلها عملت بلاوى فى دنيتها وربنا غضب عليها … ينظر الى السماء ثم نسمع منه ادعيه هامسه
يارب سامحنى واغفرلى انا والله ما عملتش حاجه تغضبك والحمدلله انا ماشى مستقيم اه عرفت بنات كتير وخرجت معاهم بس عمرى ما غلطت اه وربنا يارب سامحنى .. يارب اغفرلى … ثم يخرج هاتفه المحمول ويجرى اتصالا بخالته لكى يبلغها بما حدثه فيه هذا الموظف
اما هما فكانوا عائدين من الخارج ومعهم بعض الحقائب بها بعض ثياب كثيره جلبوها لياسمينا … ثم اتفاجئوا بكاميليا تحدث احد بالهاتف بصوت عالى وحاد
فيه ايه ياعمتو مالك صوتك عالى ليه
هه ابدا يا بنات انا كويسه
كويسه ازاى يعنى يا عمتى صوتك كان عالى فيه حاجه … مين اللى كان بيكلمك
قلت مفيش يا هدى … ها اشتريتو كل حاجه
ايوه جبنا الفستان واشترينا شويه حاجات تحفه
طيب طيب روحو بقى ارتاحوا
وقبل ما يتركوها تعادو اليها نبيله لتقول : صحيح يا عمتو كريم هيقعد فى مصر كتير ولا ايه
ياسمينا باندهاش : ايه ده هو كريم راح يدورعلى ماما
تقاكع نبيله قبل ما تتكلم : لا يا حبيبتى ده رايح فى مشوار شغل تبع المكتب
هدى تلاحظ ارتباك عمتها فتقول لياسمينا : يلا احنا نطلع فوق نشوف اللى جبناه وكمان عشان تقيسى الفستان لو محتاج تظبط ولا حاجه
حاضر يلا … مش هتيجى معانا يا نبيله
هه اه جايه
هخلى نبيله تجبلى الدوا من اوضتى وبعدين هتحصلكم
ماشى
وبعد ما ابتعدو عنهم . نكزتها كاميليا : انتى هتفضلى عيله كده لحد امتى بقى احنا مخبين على ياسمينا وانتى تروحى تقول وكمان تعالى هنا مين اللى عرفك انه فى القاهره
كريم وربنا هو اللى قالى انه فى مصر بيدور على ام ياسمينا
ااااه بس لما يجيلى الزفت ده
بس انتو ليه مدارين عليها مهى كده او كده هتعرف
لا مش دلوقتى لما نبقى نعرف مكان مامتها الاول يلا اطلعلهم وتعرفى لو قلتى ليها حاجه بجد يا نبيله هزعل منك اوى
لا ما تقلقيش مش هقول والله حاجه … ايه ده يوسف بيرن عليكى
طيب ملكيش دعوه وامشى انتى دلوقتى
وبعد ما تركتها نبيله رفعت الاتصال
الو ايوه يا يوسف الحمدلله يا حبيبى … لسه لسه مش هتصدق كريم قالى ايه … ياريت يا يوسف دى عندها صدمه عصبيه حاده ونقالوها مستشفى للامراض العصبيه … اه والله
بقولك ايه ما تعرفش حد فى المطار …يعنى نسال عن جوزها ممكن يكون سافر عشان كده اتصدمت بغيابه عنها … مهو كريم قالى انه سبلها جواب وبعد ما قراته وقعت من طولها ياريت يا حبيبى واول ما تعرف حاجه جديده عرفنى يلا سلام
اما كريم فكان امام المشفى وينظر من حوله وهو مرتبك بداخله
يارب يجعل كلامى خفيف عليهم يارب … بقى انا اجاى وكمان ادخل مستشفى زى دى يارب قوينا ياااااااارب … توجه ببطىء فيها بالداخل الى ان اوقفه حارس الامن بالخارج
على فين يا استاذ
بنبره مرتبكه : ععععلى جوه
ايوه يعنى اسم المريض ايه واسم حضرتك ايه
بص والله انا جاى اسال على حد قالولى انها هنا واطمن عليها وخلاص
لازم بيانات حضرتك واسم المريض
لازم يعنى
دى الاؤامر حضرتك
يخرج بطاقته من طيات بنطاله ويعطيها للموظف : اتفضل دى بطاقتى
يدون ما بها فى كشف امامه : واسم المريض
اسمها الفت عبد الحميد
اتفضل يا استاذ
هات البطاقه طيب
لا هتفضل هنا لحد ما تخرج بالسلامه وبعدين اديهالك
ادعيلى طيب الله يباركلك اخرج من هنا على رجلى
نعم يا استاذ
مفيش … مفيش
يارب ارحمنى برحمتك يارب خليك معايا انا غلبان والله .. ويدلف بداخل المشفى لكنه ارتطم وكاد ان يسقط ارضا الى انه سيطر على قوته
مش تحاسب ايه ياختى ده
هو انا برده اللى هحاسب انتى كنتى هتوقعينى
حكم
بقولك ايه يا بتاعه الحكم انتى
يا نعم
ما تعرفيش فين اسال عن مريضه هنا
عندك هناك فى المبنى ده
ده
ايوه يا خويا … هو ماله ده
توحه يا توحه
ايوه يا اعتماد فيه ايه
مدام جيهان عاوزاكى عشان تقبضى الجميعه
اخيرا هقبضها
ايوه لسه بتقولى دلوقتى
طيب هعدى عليها
واتجهت توحه الى نفس المبنى الذى دلف به كريم منذ دقائق ووجدته مع مدام جيهان ليتسالا عن الفت
يعنى ايه محدش هنا بالاسم ده … مستشفى( … ) قالولى انها هنا
وانا بقولك لحضرتك محدش عندنا بالوقت الحالى باسم الفت عبد الحميد
ايه ايه الفت
يلتفت الى الممرضه الاخرى التى تحدث اليها منذ قليل : ايوه الفت عبد الحميد
تقصد المدام اللى جت من المستشفى (…) دى كان شعرها بنى كده وعيونها ملونه
انا اعرف انها حلوه بس ما اعرفش شكلها ايه
ايوه ايوه دى خرجت من هنا
نـــــــعم
اه الدكتور مشاها
ازاى يعنى
اصلها مكنش معاها فلوس واحنا اضطرينا نبيع الدهب اللى كانت لبساه ساعتها واتعالجت بتمنه ولما الفلوس خلصت الدكتور امر بانها تمشى
لا حول ولا قوة الا بالله هى حياه البنى ادم دلوقتى بقت رخيصه للدرجادى
وانا مالى يا استاذ هو انا السبب فى طردها … والله حتى كانت صعبانه عليا اوى
طيب ما تعرفيش تكون راحت فين
لا والله انا جيت فى يوم اسال عنها قالولى انها مشيت والله ولا ليك عليا حلفان لو كنت اقدر كنت خدتها عندى اصلها شكلها طيبه وبنت ناس اوى كان باين من لبسها والدهب بتاعها
طيب ادى فونى لو عرفتى عنها حاجه او لمحتيها لو ممكن يعنى تكلمينى وتعرفينى
بس كده انت تؤمر يا استاذ
تسلمى … بعد أذنك
استاذ استاذ
نعم فيه حاجه
انت تقرب لكريم عبد العزيز
نعم
اصلك تشبهو اوى
اه مهى مراتى قالتى كده برده … سلام ياختى
ال كريم عبد العزيز قال … انا مليش فى الكلام ده … ولاحظ فتاه بزى تمريض ايضا تتجه نحو توحه فنظر اليها نظره اعجاب ثم غض بصره مسرعا وقال هامسا لنفسه
توبنا الى الله
