الحلقه الحادي والعشرون من مسلسل صحوة حب بقلم امونة

الحلقه الحادي والعشرون من مسلسل صحوة حب بقلم امونة

*&* الفصل الحادى والعشرون *&*
واخيرا تلاقى احمد ومنى … وجمع بين قلبيهما وبدأ حبهما فـ الظهور … واعترف احمد بـ كل مايبوح بصدره … وكـ ذلك منى … تحدثت عما اخفته كثيرا فـ الماضى … وها هما الان بجوار بعضهما البعض

احمد بـ اعلى صوت لديه
: بــــــــــــ حــــــــــــــــ بــــــــــــــــ كـــــــــــــــ
منى : يامجنون … العاملين بيتفرجو علينا
احمد : وايه يعنى … احنا مش بنعمل حاجة غلط ياحبيبتى … يااااااااااااا … ياااااااا يامنى لو تعرفى كان نفسى انطق الكلمه دى بصوت عالى قد ايه … كان نفسى اسمعهالك انتى وبس … كانت نفسى اسمعاها فـ الحقيقه منك
منى : فـ الحقيقه … انت كنت بتسمعها فين ؟؟؟
احمد : ع طول كنت بسمعها منك فـ خيالى ياحبيبتى … ونفسى اسمعها فى الحقيقه … قوليها يامنى قوليها
منى بخجل : احنا مش هنقوم بقى ولا ايه … يلا عايزة اروح اشوف الشغل
احمد : ممم … الشغل ؟؟؟ … بصى ياستى … انا مش عايزك تشتغلى … ليه ؟؟؟ … قولتيلى ليه … لأنى بغير عليكى … ومن فترة كده وقبل ماهاله وايمن يرجعو لـ بعض … كان فيه عميل بيتردد ع المكتب بصفه مستمرة … عشان هاله وبعد كده قال انه معجب بيها وعايز يتقدملها … والمصيبه الاكبر بقى انه قال الكلام ده لـ ايمن … والحمد لله انه عرف يمسك اعصابه
منى : ماتقلقش يااحمد … وبعدين انا هشتغل معاك وتحت عنيك … ومحدش هيقدر يتكلم معايا
احمد : منى انتى توهتينى عشان ماتقوليليش بحبك … بس انا عايز رقم عمى حالا عشان اكلمه
منى : طيب استنى لما يجييى
احمد : لو سمحتى عايز الرقم دلوقتى
اعطت منى رقم والدها لـ احمد … وبعد ان ضغط ع زر الحفظ … ضغط ع زر الاتصال ورفع الهاتف بـ اذنيه …
منى : بتعمل ايه ؟؟؟؟
احمد واضعا اصبعه ع فمه : هشششش … الو سلام عليكم ورحمه الله وبركاته … استاذ شريف مراد معايا ؟؟؟
والد منى : عليكم السلام ورحمه الله وبركاته … ايوه انا … مين حضرتك ؟؟؟
احمد : مع حضرتك احمد سراج الدين … بكالورويس تجارة … وعندى مكتب محاسبه شراكه انا وصديق عمرى … والحمد لله المكتب ماشى كويس … وعندى شقه عايش فيها لوحدى بعد وافاه والدى ووالدتى وجواز اختى الوحيده … بس ان شاء الله هشترى واحده جديد … وطالب القرب من حضرتك فـ الانسه منى … واتمنى اتشرف بـ موافقه حضرتك
والد منى بـ ذهول : منى !!! … منى بنتى ؟؟؟ … انت تعرفها ؟؟؟
احمد : كنا زمايل ايام الجامعه … ومدام هاله صحبتها بتشتغل معانا … وكانت طلبت ان منى تشتغل معانا
شريف : انت كنت متجوز قبل كده
احمد بـ ثقه : لأ ياعمى … دى اول سبقه … لم يسبق لى الزواج قبل ذلك
ضحك شريف ع مزاح احمد : طيب يابنى … لما ننزل مصر هنستناك ونشوف الموضوع ده
احمد : لأ ياعمى الله يخليك … احنا لسه هنشوف … انا بكلم حضرتك دلوقتى عشان نقرى الفاتحه … ولما توصلو بـ السلامه ان شاء الله … نكون محددين ميعاد الفرح
شريف : انت مستعجل كده ليه … الدنيا مش هتطير
احمد : فعلا ياعمى الدنيا مش هتطير … بس منى اللى هتطير … عمى لو سمحت … حضرتك اكيد لك معارف كتير هنا … تقدر تسأل عليا … بس مش هقدر اصبر اكتر من كده ع الفرح
ضحك شريف من قلبه : ايه يابنى ده شكلك وااااقع
احمد مؤكدا : جدا جدا جدا ياعمى … مش قادر اوصفلك … ومش من دلوقتى لأ ده من سنين
شريف : سنين !!! … وايه اللى صبرك كل ده ؟؟؟
احمد : اكيد هقول لحضرتك ع كل حاجة … بس رجاءا … اسأل عليا براحتك جدا … ونقرى فاتحه ع الفون … ونجهز كل حاجة انا ومنى هنا … ونحدد فرحنا بعد ميعاد وصولكم بـ اسبوع … عشان ااقدر اقعد معاكم
شريف : خلاص يابنى ادينى اسبوع وارد عليك … اديك الموافقه اه … لكن قرايه الفاتحه لما نيجى
فرح احمد كثيرا بموافقه والد حبيبته … واحس انه انهى نصف الطريق … ولم يبق سوى شراء الشقه والعفش … ثم الاستعداد لترتيبات الفرح
………………………………
بينما احمد يستعد للزواج من محبوبته … كان ايمن ايضا يستعد لخطبه هاله … وجاء يوم الخطبه … وكانت احلام لـ اول مرة ترى ايمن … (ياالهى اين رأيتك من قبل … نعم تذكرتك … انت من كنت تأتى لى فـ منامى وتتوسل الي ان اساعدك لـ استرداد مستحقاتك)
دخل ايمن شقه هاله اخيرا … وهناك سيده اعلنت
: العريس جه
نظر لها ايمن وكانت عينيه تحمل الكثير من السعاده … كان سعيد جدا … فـ حلم حياتى يتحقق الان … سترتدى محبسى ياهالتى الجميله … سيعلم كل العالم انك ملكا لى وحدى … سأخفيك داخل عيني وداخل قلبى
حسن : اهلا وسهلا … اتفضل ياايمن ياابنى … اتفضلى ياحاجة … منورين والله
منيرة : شكرا يااستاذ … ده نوركم ياحاج
احلام : اهلا وسهلا منورين ياجماعه والله … اتفضلو اتفضلو
وجاءت رقيه بـ اطلاق الزغاريط … حتى انقطعت انفاسها كما يقال …
ثم صعد ابراهيم بعد ان ركن السيارة … طرق الباب
ايمن : ده اكيد بابا … كان بيركن العربيه … شوفه لو سمحت يااحمد
قام حسن مع احمد ووجد مفاجأه لم يتوقعها كلا من حسن وابراهيم
حسن : استاذ ابراهيم !!! … مش معقول … اتفضل اتفضل
ابراهيم : باشمهندس حسن !!! … انت تعرف العروسه ؟؟؟
حسن : دى تبقى بنتى !!!
ابراهيم : مش معقول … يعنى هاله تبقى بنتك وانا معرفش
وكان يسيرا سويا داخل الغرفه التى يجلس بها الجميع
ايمن : انتو تعرفو بعض ولا ايه
ابراهيم : عز المعرفه يابنى … حسن اللى مصمملى المبنى الجديد فـ المصنع … ولأننا كنا بنروح الموقع سوا كتير … نشأت بينا صداقه حلوة قوى … بجد سعدت جدا بـ معرفتك ياابوعلى
حسن : انا اسعد ياهيما
ايمن : وانا اسعد انكم تعرفو بعض … بس تعيس لأنكم نستونى … يسعدنى ويشرفنى ياعمى اطلب ايد بنتك الاستاذه هاله
حسن : وانا يسعدنى يابنى انى اوافق عليك
ايمن : طيب ايه طلبات حضرتك ؟؟؟
حسن : اللى هتقدر عليه يابنى !!!
ايمن : تمام … ربنا يخليك ياعمى … يبقى ان شاء الله هجيب لـ هاله فستان الفرح والطقم اللى هتخرج بيه من هنا للكوافير … وتيجى ع الفيلا ع طول
احلام : انت كنت متجوز قبل كده … صح ؟؟؟
ايمن : ايوه ياامى … وانفصلنا !!!
احلام : وياترى الفيلا دى
ايمن مقاطعا : الفيلا اللى اقصدها … اللى هتختارها هاله … لأن الاولانيه بعتها وحاليا عايش فـ شقه صغيرة ع قدى … وان شاء الله الفيلا الجديده هنفرشها انا وهاله سوا …
احلام : معلش يابنى اه بنتى كانت متجوزه قبل كده … بس كل اللى هنجيبهولها جديد ومش هنرضى انها تدخل ع حاجة قديمه
ايمن : مبدئيا كده … انا مش عايزكم تجيبو اي حاجة … انا وهاله هنختار وانا اللى هشترى كل حاجة … وده بعد اذنك ياعمى … وان شاء الله هنبتدى نلف بعد شهر … لأن الدكتور قالى بلاش مجهود جامد … يعنى يادوب هنزل المكتب … واول مانخلصها نحدد ميعاد الفرح
منيرة : امال فين العروسه ؟؟؟
احلام : ثوانى هندهالك
توجهت احلام لـ غرفه هاله … وكان معها رقيه التى تزينها ومنى …
احلام : يلا يالولو … مامت ايمن عايزة تشوفك
نظرت هاله لـ رقيه مشفقه عليها
ضحكت رقيه بصوت عالى : ايه يابت مالك خايفه كده ليه … دى لسه قرايه فاتحه … امال هتعملى ايه فـ الفرح
قامت هاله من مجلسها واحتضنت رقيه
: شكرا ياماما انك جيتى
رقيه : انا وعدتك
فلاش باك
بعد اتفاق حسن وايمن وتحديد موعد قراءه الفاتحه … قررت هاله الذهاب لـ اسرة زوجها المتوفى لتخبرهم بخبر خطبتها … واصرت احلام ع الذهاب معاها … حتى لا يؤثر عليها احد وترفض الزواج مرة اخرى
وبعد السلام والترحيب
هاله : بابا ماما … انتو عارفين انا بحبكم قد ايه … وكمان عارفين مدى حبى لـ ادهم … زي مـ انا عارفه حبكم ليه … وفى حاجة جايه اقول لكم عليها … بس لو هتزعلكم منى مش هعملها !!!
رقيه : فـ ايه يالولو … ماتتكلمى ع طول خضتينى عليكى يابنتى
احلام : اصل هاله جالها عريس !!!
نبيل : بجد ؟؟؟ … بس دى مش اول مرة يجيلها عريس … بردو ماعرفناش فى ايه !!!
هاله : الجديد انى وافقت ع العريس المرة دى !!!
نظرت لها رقيه نظرة حزن وحسرة … وبدأت عينيها فـ الدموع … اما نبيل الذى تعجب من موقف زوجته … وهاله واحلام صدمتا ايضا من رقيه
وذهب هاله وجلست بجانب رقيه : ماما حبيبتى … ماتزعليش ولو الموضوع ده هيضايقك … انسيه خالص ولا كأنى قولت حاجة
ظلت رقيه معلقه نظرها بـ هاله ولم تتكلم … لكنها اطلقت زغروطه مدويه … وحمدت الله كثيرا … وقبلت هاله ع وجنتيها وهى تبكى … ثم قالت وهى تكفكف دموعها : اخيرا … اخيرا يالولو ربنا هداكى ووافقتى تتجوزى … يابنتى انا وبابا نبيل كنا كل يوم بندعيلك ان ربنا يهديكى وتلاقى اللى يعوضك عن العذاب اللى شوفتيه … وتقوليلى انسى … انتى عايزانى انسى افرح ولا ايه يابت
احلام بـ ارتياح : انا بردو قولتلها اكيد روكا هتباركلك ومن قلبها
رقيه : طبعا يالوما … قد ايه اتحايلت عليكم عشان اجيبلها عريس … وكنتى تقوليلى هتكسفك فـ بلاش
احلام : النصيب بقى ياروكا
نبيل : طيب ايه اللى هيتم … وازاى حسن مايقوليش ؟؟؟
احلام : هاله اصرت انها اللى تقولكم … وان شاء الله لعريس هيجى بعد اسبوع عشان يقرو الفاتحه
رقيه : يبقى يالولو عايزيين نشترى فستان حلو كده عشان قرايه الفاتحه
هاله : مش عايزة اتعبك معايا ياماما
رقيه : تعب ايه يابت انتى عبيطه … داانتى بنتى … بس عارفه اللى مزعلنى بجد انك مش هتقوليلى ياماما تانى
هاله : ليه بتقولى كده ياماما ؟؟
رقيه : اكيد ام العريس هى اللى هتقوليلها ياماما … وكمان اكيد عريسك مش هيرضى انك تكلمينا اصلا عشان مانفكركيش بـ ادهم
هاله : لا طبعا … هاله مش هتتغير … ومهما حصل انتى امى وانت بابا … وايمن مش هيقول حاجة
رقيه : ماشى ياحبيبتى … يبقى هكون معاكى فـ كل تحركات انا عايزة بنتى احلى من القمر فـ عيون عريسها
قبلت هاله رأس رقيه … ورأس نبيل … واستأذنتهم فـ الرحيل
بااااااااااااااااااااااااك
هاله : ووفيتى بـ اكتر من اللى وعدتينى بيه ياامى
منى : بقولكم ايه … انا هعيط كده … يلا عشان الميكب مايبوظش لو سمحتم
وخرج كل من بـ غرفه هاله … وتبقت هاله واحلام
احلام : لولو حبيبتى
هاله : مالك ياماما … فـ حاجة ضايقتك … حد زعلك ؟؟؟
احلام : ابدا يابنتى … بـ العكس … ايمن ذوق قوى … وشكله بيحبك قوى ده غير ان شكله حلو … بس فرحتى المرة دى اكتر من المره اللى فاتت مش عارفه ليه
احتضنتها هاله بشده … وارادت ان تقول لها … (انا كمان عندى نفس الاحساس … حاسه انى لـ اول مرة بتخطب وهتجوز … حاسه بشعور غريب جدا مش عارفه اوصفه) … لكن ابى لسانها عن التحدث … ودخلت منى وجدتهن ع حالتهن هذه
منى : ايه ياجماعه … وقت الحب والحنان الجارف ده … يلا عايزة اشوف احمد(فـ نفسها)
هاله : ممم … انتى بتفكرى فـ نفسك … يلا ياستى قدامى
وذهبا بـ الفعل لمكان جلوس والاهل … وكانت هاله جميله للغايه … وكانت تشعر بـ الخجل … الذى اكسبها جمالا ع جمالها … وكان يراها ابراهيم لأول مرة … فـ وقف عندما وقع بصره عليها
ابراهيم : بسم الله ما شاء الله … القمر دى بنتك ياحسن
حسن : هى ياابراهيم
ابراهيم : ربنا يحميها … لو مالكوش طلبات تانيه … نقرى الفاتحه
ايمن : عمى لو اللى قولتو مش عاجب حضرتك … قولى من دلوقتى … وهعمل لـ حضرتك اللى عايزة
حسن : طلبات ايه يابنى … انت شايل كل حاجه … وكمان هيبقى ليا طلبات
ايمن : اكيد ياعمى … دى هاله تتاقل بـ الذهب
حسن : ربنا يخليك يابنى
ايمن : يبقى نقرى الفاتحه ياعمى
حسن : نقراها يابنى
وتم قراءه الفاتحه … وطلب ايمن من حسن الجلوس مع هاله بمفردهم … وسمح لهم حسن الجلوس بـ الصاله بـ مقابلهم
ايمن : هالتى حبيبتى … اخير بقيتى بتاعتى … مبروك ياحبيبتى
هاله بكسوف : الله يبارك فيك
ايمن : عايز اشوف عنيكى يالولو واحشتينى قوى قوى
لم تنظر له هاله واكتفت بـ الابتسامه
ايمن : يالهوي ياناس ع الكسوف … عموما هانت … كلها شهرين ونعمل الفرح … ونكتب الكتاب ونعلى الجواب
هاله : فرح !!! … فرح ايه ياايمن ؟؟؟ … احنا عملنا افراحنا قبل كده … نعمل كتب كتاب وبس ياايمن
ايمن : لالالالا … هنعمل فرح … وهتشترى فستان وهنتصور … وهنرقص فـ الفرح للصبح … ونعمل شهر عسل ماشى يالولو
هاله : لأ طبعا … فستان وفرح ورقص … انت اكيد بتهزر … ايمن انت عملت فرح قبل كده … وانا بردو اتعملى فرح ورقصنا … ممكن البس اي فستان … او فستان سهرة ابيض … وخلاص … بس بلاش موضوع الفرح والكلام ده
ايمن : بصى ياهاله … اه اتعملى فرح … بس ربنا يعلم كنت قد ايه كنت مخنوق حصلت حاجات كتير ضايقتنى … ولا رقصت ولا عملت … ده غير ان الفرح كنت انا عريس فيه … لكن مش انتى العروسه ياحبيبتى … وبردو انتى اتعملك فرح … واكيد فرحتى ورقصتى … بس انتى كنتى بعيده عنى وماشوفتش الفرحه دى فـ عنيكى … عشان خاطرى ياهاله نفسى افرح وانتى جانبى … عايز ارقص معاكى سلو … لو ماكنتش هعمل فرح كنا حددنا ميعاد كتب الكتاب … واتجوزنا … بس نفسى افرح معاكى يالولو … لو ليا خاطر عندك ياحبيبتى ده اول طلب اطلبه منك
هاله : ماشى ياايمن … نعمل فرح بس ع الضيق
ايمن : نبقى ننظر فـ امرك بعدين
وانتهى يوم الخطبه ع ذلك … وكان الكل سعيد … وهاله لم تصدق انها خطبت لـ ايمن … حبيبها الذى تمنته من قبل … ونسيت هذا الحلم وها هو عاد من جديد … وتحقق والان هى ترتدى دبله ايمن ابراهيم
………………………………………….. ..
وبـ اليوم التالى ذهب ايمن لمنزل هاله … واصطحبها للمكتب … وكان معهم علبه شيكولاته … وقامت هاله بتوزيعها ع العاملين معهم بـ المكتب … وهنأهم الكل وبارك لهم … وبعد الانتهاء من توزيع الشيكولاته … طلب ايمن من رؤوف وهاله الحضور لـ مراجعه ما تم انجازه من اعمال
رؤوف : ايمن انت جاي سخن علينا كده ليه ؟؟؟
ايمن : عايز اشتغل … لأنى بعد الفرح هاخد اجازة شهر … وهاله مش هتنزل المكتب تانى … ولا عندك رأي تانى يالولو
هاله : اللى تحبه ياايمن
رؤوف : طيب كويس … والفرح امتى ان شاء الله
ايمن : بعد شهرين ان شاء الله
رؤوف : طيب كويس … عشان اول امبارح كنت عند اهل خطيبتى … واتفقنا ان فرحى بعد شهر
ايمن : الف مبروك يارؤرؤ … وعقبال الذريه الصالحه ان شاء الله … وعقبالنا احنا كمان يالولو
ثم انهمكا فـ العمل … ووجد ايمن هاله اتقنت العمل جيدا … وقامت بكل ما كلفت به ع اتم وجه …
ايمن : لولو حبيبتى … انتى بقيتى بريمو
هاله : طبعا … مش قولتلك انى بقيت تمام التمام
رؤوف : بقولكم ايه بقى … انا عايز امشى … لسه ناقص حاجات كتير … ولازم اخلصها … معلش ياايمن استحملنى الوقت ده … عشان اكمل بقيت الحاجة وبعدها اجازة الفرح … وبعد كده هفوقلك … يعنى شهر كده
ايمن : التجهيزات واجازة الفرح مع بعض شهر … لأ ياصاحبي … معاك الشهرين دول … براحتك خالص … ومرتبك ماشى زي ماهو … بس بعد الشهرين تيجى تستلم مكانى عشان اتجوز انا كمان يارؤرؤ
رؤوف : حاضر ياحبيب رؤرؤ … ربنا مايحرمنيش منك ياايمن
وذهب رؤوف وترك ايمن وهاله بمفردهم
ايمن : واحشتينى يالولو
هاله : ايمن بس … انا بتكسف
ايمن : تتكسفى منى يالولتى … تتكسفى من جوزو
هاله : ههههه … جوزو !!! … انت لسه مابقيتش جوزو … انت خطيبو بس
ايمن : كلها شهرين وهبقى جوزو ياحبيبتى … ونشيل الكسوف بقى
هاله : ان شاء الله
ايمن : فرحانه يالولو ؟؟؟
هاله ناظرة امامها للفراغ : فرحانه دى كلمه قليله للى حاساه … انا حاسه انى طايرة من ع الارض … حاسه انى فراشه بطير من الورده دى للورده دى …(نظرت له) ايمن من امبارح وانا مش مصدقه نفسى نهائى … وخايفه اكون بحلم
ايمن : ده مش حلم ياحبيبتى … دى حقيقه … وربنا يقدرنى واسعدك طول حياتى (امسك يدها وقبلها)
هاله : ربنا يخليك ليا ياحبيبى ومايحرمنيش منك ابدا
ايمن : ولا يحرمنى منك ياحبيبتى
………………………………………….. …
ومرت الايام … ومر الاسبوع الذى ينتظره احمد … وينتظر معه اجابه شريف ابو منى معه … ولم يستطيع احمد الانتظار … واتصل هو بـ شريف
شريف : السلام عليكم ورحمه الله وبركاته
احمد : عليكم السلام ورحمه الله وبركاته … ازيك ياعمى
شريف : الحمد لله بخير … واخبار حضرتك ايه
احمد : حضرتك !!! ؟؟؟ … بخير الحمد لله ياعمى … انا اتصلت دلوقتى حسب الميعاد زي مااتفقنا … بعد اسبوع
شريف : مواعيدك مظبوطه
احمد : اتمنى اكون عند حسن ظن حضرتك ياعمى … ممكن اعرف الاجابه ع طلبى
شريف : معارفى لما سألو عنك … قالولى كل خير … بس اللى مخوفنى تسرعك يابنى … انت مستعجل قوى قوى
احمد : ياعمى حضرتك ماتعرفش اللى مريت بيه … من ايام الجامعه وانا متعلق بـ الانسه منى … بس الحادث اللى حصل لوالدى ووالدتى اللى كان مانعنى … وسرد احمد لـ شريف تفاصيل حياته … وطلب منه الموافقه ع طلبه … وبـ الفعل وافق شريف … لأنه سأل ابنته وعلم بـ موافقتها … وتم الاتفاق ع كل شيء …
………………………………………….. .
وبعد سماع احمد موافقه شريف ع زواجه من منى … ذهب لـ مكتبها وامام زملائها
احمد : مش تباركولى ياجماعه
احد العاملين : الف مبروك يا مستر احمد … بس ع ايه ؟؟؟
احمد وهو ينظر لـ منى : خطبت
منى بفزع : خطبت ؟؟؟ !!!!!!! … خطبت مين ؟؟؟
احمد : من اسبوع اتقدمت لـ ارق واجمل واحن واحده فـ الدنيا كلها … وباباها طلب اسبوع مهله وهيرد عليا … كلمته من شويه … وقالى انه موافق … وان شاء الله الفرح بعد 3 شهور … طبعا كلكم معزومين … ماتنسيش تعزميهم يامنى
الموظف : الف مبروك ياانسه منى … مبروك يامستر احمد
احمد : الله يبارك فيكم … وعقبالكم جميعا … يلا بقى يامنمن نروح لـ ايمن وهاله
وذهبا لهم بـ المكتب … وطرق احمد الباب … ودخل عندما سمع ايمن يأذن بـ الدخول
احمد ممسكا بيد منى : باركولنا حالا
ايمن ناظرا لأيديهم المتشابكه : انا مش فاهم حاجة ؟؟؟
هاله : ايه اللى حصل من ورا ضهرى يامنمن ؟؟؟
منى : اسفه جدا يالولو … بس ده كان طلب احمد … لأن ايمن لو عرف منك هيزعل منه … ولو قولتلك وماقولتيش له … يبقى هيزعل منك … فـ سمعت كلام احمد وسكت
ايمن : اقعدو كده بقى وفهمونى !!!
جلس احمد ومنى … وقص احمد ماحدث بـ التفصل لـ ايمن … وباركا لهما ايمن وهاله …
ايمن : بس ده مايمنعش انى زعلان منك … ياراجل دانت مخزن اسرارى … وتخبى عليا سر زى ده بردو يااحمد ؟؟؟
احمد : غصب عنى ياايمن … ماكنتش متخيل حياتى من غيرها … وكنت خايف اقول لحد … حبها يزيد فـ قلبى اكتر … ومش قادر اوصف احساسى خلال الاسبوع اللى فات ده كان عامل ازاي … كنت هموت من القلق … خفت باباها مايوافقش عليا … وقتها كان هيجرالى حاجة بجد
منى : بعد الشر عليك ياميدو
هاله : ميدو !!!!!! … ماشى يامنى هانم … كل ده بيتم من ورايا … بس ولا يهمك … المهم انى هفرح بيكى ياحبيبتى
ايمن : بس ليه 3شهور … خلوها شهرين ونعمل فرحنا سوا
احمد : معلش ياايمن … بس انا عايز اعمل فرحى لوحدى … ده غير ان والد منى ووالدتها هينزلو بعد شهر ونص … ومش عايز اخليكم تأجلو فرحكم …
هاله : سيبهم ع راحتهم ياايمن … ربنا يتمملكم بخير
احمد : نستأذن احنا بقى عشان نحتفل بـ الخبر السعيد ده
وانصرف احمد ومنى للأحتفال … وواصل ايمن وهاله عملهم … ومازال رؤوف ينهى تجهيزات شقه الزوجيه …

لكن هل تأتى الرياح بما تشتهى الانفس … ام سيمر ع ابطالنا اياما صعاب حتى الفرح