مسلسل “يوميات بنت عنيدة” الحلقة الثانية عشر
الحلقة الثانية عشر
طبعا احمد كان نفسه يعرف ايه اللى بين وليد وملك
وفالعربيه احمد كان ساكت خالص كان فاكر ان ملك هى اللى هتحكيله لوحدها واخير ملك كسرت السكات ده
ملك : اه صحيح يا بشمهندس انا احتمال اجى بكره بعربيتى
احمد: خير فى حاجه ولا ايه
ملك: لا ابدا بس احتمال اروح بدرى شويه ومش عاوزه اقلق معايا
احمد بفضول : ليه هو فى حاجه هتروحى بدرى ليه
ملك: لا ابدا اصل جايلى عريس
وفجاه احمد ضرب فرامل العربيه وهو مصدوم
وطبعا ملك اتخضت ومسكت جامد فالكرسى
ملك وهى مخضوضه : احمد فى ايه؟
احمد : انا اسف اصلى اتخيلت بحاجه ماشيه قدام ففرملت
طبعا احمد قال كده عشان ميبينشى لملك السبب الحقيقى لصدمته
احمد: المهم انتى كويسه
ملك: اه …….خير محصلشى حاجه
ومشى احمد تانى بالعربيه وفضل ساكت وهو عمال يفكر
عشان كده وليد كان عاوزها
ودلوقتى بقى بقت موافقه تقابله عادى
هو ده بقى العريس اللى كانت بتتمناه
بس انا مقدرشى اعيب فوليد هو صاحبى من زمان وانا عارف قد ايه هو محترم وكويس
اكيد مش هخسره عشان ملك انا لازم استسلم للامر الوقع واتمنالهم الخير والسعاده مع بعض
اه مهو اللى بيحب حد بيتمناله السعاده
بيحب ليه هو انا بحب ملك
وبعدين بص عليها وهو كانت مشغوله فالورق اللى فاديها
اه يااحمد متضحكشى على نفسك انت بتحب ملك ومشدودلها من اول يوم شوفتها فيه
بس هى مش بتحبنى ولا حسه بيه اصلا
وكمان هتتخطب لاعز صاحب ليه
انا لازم انسى الموضوع ده
وحاول احمد انه يبعد الموضوع ده عن تفكيره بس مقدرشى وفضل طول اليوم فالشغل سرحان
وملك لحظت ده
ملك: مالك يا بشمهندس انت مش طبيعى انهارده
احمد: ليه مالى مش طبيعى ازاى يعنى
ملك: مفيش بس سرحان ومش مركز خالص
احمد بنرفزه: وانتى مركزه معايا ليه متشغليش بالك بيه ركزى فشغلك احسن
وسبها ومشى بعيد
بصتله ملك باستغراب ” ماله ده هو انا عملتله حاجه”
وكملو اليوم وهم مش بيكلمو بعض
واول مروحت ملك البيت لقت مامتها مبسوطه اوى وعماله تروق فالشقه
منال : ملك حبيبتى انتى جيتى
ملك: اه يا ماما
منال :انا كلمت الناس وهيجو بكره ان شاء الله
ملك: ماشى يا ماما ربنا يسهل انا هدخل بقى عشان تعبانه من الشغل
ودخلت ملك اوضاتها واول حاجه عملتها كلمت ايمان طبعا
ملك : ايمو حبيبتى وحشانى بجد
ايمان : وانتى كمان يا لوكه ………اخبارك ايه
ملك: الحمد لله تمام ………عاوزاكى فموضوع مهم
ايمان بقلق: خير قولى فى ايه
ملك : جايلك عريس يا مززززه
ايمان : بلاش هزار اتكلمى بجد
ملك : انا بتكلم بجد
وحكت ملك كلام وليد وقالتلها الطلب اللى هو عاوزه
وكانت ايمان ساكته
ملك: ها يا ايمو بقى اعمل ايه
ايمان : مش عارفه سبينى كام يوم افكر
ملك:يومين ايه ده عاوز الرد بكره
ايمان: بكره بسرعه كده
ملك: ده كان عاوزنى ارد عليه انهارده
ملك وهى بتتضحك :شكله كده مستعجل يا ايموووو
ايمان: مش عارفه………. مش عارفه افكر بجد
ملك: طيب الاول كده انتى ايه رايك فى وليد
ايمان: انا معرفهوش اوى بس بسمع من بابا انه محترم وكويس وعنده طموح وبابا بيعزه اوى هو واحمد
ملك :طيب مهو عاوز يقبلك عشان تعرفو بعض اكتر
ايمان :بس مش هينفع مقولشى لبابا
ملك: مهو خايف ميبقاش فى نصيب ويبقى فى حساسيه بعد كده بينه وبين عمو حسن وبعدين قولى لطنط وانا كمان هاجى معاكى يعنى مش هتبقو
لوحدكو
ايمان: طيب انا هقول لماما وهكلمك تانى
ملك: ماشى بس انهارده عشان ارد عليه الصبح
ايمان: ماشى يا لوكه سلامه دلوقتى
ملك: سلام
وبعد كام ساعه
ايمان كلمت ملك
ايمان : ماشى يا لوكه انا موافقه وقولت لماما ووافقت بس انتى هتكونى معايا
ملك : خلاص ماشى انا هقوله ونتقابل على بعد بكره بليل فالنادى عشان بكره مش هينفع
ايمان : ليه مش هينفع بكره
ملك وهى بتضحك: انتى مستعجله كده ليه
ايمان بكسوف: مش قصدى انا بس بطمن عليكى
ملك : ماشى يا ستى هحاول اصدقك
ايمان : لا بجد فى ايه بكره
ملك ببرود: عادى يعنى جايلى عريس
ايمان : لا بجد مبروك
ملك: مبروك ايه هو انا بقولك خطوبتى بكره
ايمان : ماشى يا ستى ربنا معاكى والله يكون فعونه
ملك : ليه يعنى
ايمان :لا ولا حاجه ياله بقى سلام وابقى قوليلى عملتى ايه
ملك : ان شاء الله………. سلام
وتانى يوم فالمكتب وليد كان واقف قلقان وكل شويه يبص فساعته واحمد طبعا كان مركز معاه
واول مدخلت ايمان فرح وليد وجرى عليها وكل ده واحمد هيتجنن
وليد : ملك اخيرا جيتى انتى اتاخرتى كده ليه
ملك بصت فساعتهاك انا متاخرتش انا جايه فميعادى
وليد: ماشى ها بقى عملتى ايه
ملك : مش هينفع نتكلم هنا
وليد: طيب تعالى نقعد فالكافتريا
ومشيو هم الاتنين واحمد كان مش طايق نفسه
———–———-———————-————
ونكمل في الحلقة الثالثة عشر.. الى اللقاء في الحلقة الثالثة عشر
بقلم الكاتبة :ريم أحمد
