ترفيهمسلسل خلف هذه الجدران

مسلسل خلف هذه الجدران الحلقة السابعة (الجزء الثالث)

الحلقــــ(7) ــــة ” من مسلسل “خلف هذه الجدران ” (الجزء االثالث)
**********
**********

عبد الرحمن انت هتقعد انت ومنة هنا على ما نيجي , عمكو مستنيني تحت في العربية هو ومعاذ ومريم عشان نروح لأبوكو نطمن عليه , وابلة رانيا هتيجي دلوقتي تقعد معاكو على ما نيجي

طيب ليه مش نروح انا ومنة معاكو ؟

يا حبيبي انتو روحتوا امبارح , وكمان ما ينفعش كلكو تيجو , عشان ما نعملش ازعاج للمرضى

خلاص يا طنط , بس مش تتأخري عشان تحكيلنا حكاية جديدة

هههه حاضر يا حبيبي , ان شاء الله

وانا يا طنط هاتيلي حاجة حلوة

عيب يا منة , ماما قالت عيب لما نطلب حاجة من حد

هههه يا ولد هنا بيت عمكو , يعني زي بيتكو وانا زي امكو , وهجيب لمنة وليك انت كمان حاجة حلوة وانا جاية ان شاء الله

هيييييييه هيييييييييييييه , انتِ حلوة يا طنط

ههههه وانتِ حلوة يا منة

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررن

اهي ابلة رانيا جت اهيه ههههههههه اكيد هي اللي بترن الجرس

السلام عليكم ازيك يا ابلة هههههه

اهلا يا حبيبتي وعليكم السلام , انا هنزل بقى عشان ماجد مستنيني في العربية هو والولاد , اقعدي انتِ بقى مع عبد الرحمن ومنة , مش هوصيكِ عليهم يا رانيا

هههه ما تخافيش يا ابلة , هخلي بالي منهم واسليهم لحد ما تيجي , بس بالله عليكِ ما تتأخريش عشان عندي مذاكرة والله

حاضر يا حبيبتي , السلام عليكم

عليكم السلام , اهلا بالحلوين الكتاكييييييييييييييت انا جييييييييييييييييييت ههههههههههههههه

****************************
ماجد , خد الولاد وادخل لعمهم وانا هنتظر هنا في الاستراحة

طيب يا منال

احنا هندخل عند عمي هاني يا ابي ؟

ايوة يا معاذ

احنا كايين هنا ليه يا ابي ؟

عشان نزور عمك يا مريم , عمك مريض , زيارة المريض واجبة ؟ وده كمان مش أي مريض , ده عمكو , يعني كمان زيارة لصلة الرحم اللي ربنا وصانا بيها , مش كدة يا مريوم ؟

ايوة يا ابي

اول ما تدخلوا تقولوا السلام عليكم

حاضر
*********************

هااااااااني السلام عليكم ورحمة الله

اهلالالا ماجد ههه عليكم السلام ورحمة الله وبركاته , كمان الاستاذ معاذ والاستاذة مريم ؟ هههههه

السلام عليكم يا عمي

السلام حليكم

هههه عليكم السلام ورحمة الله وبركاته اهلا حبايب عمو , ازيكو يا ولاد

الحمدلله , شفاك الله وعافاك يا عمي

الله يكرمك يا معاذ , اقعدوا يا ولاد

لا , يخرجوا عند امهم بقى عشان نقعد على راحتنا هههههه يلا يا معاذ خد مريم واطلعوا اقعدوا مع امكو برا

حاضر , يلا يا مريم , السلام عليكم

وعليكم السلام يا حلوين , ماشاء الله , عاجبني جدا اسلوب تربيتكم للولاد , ربنا يبارك فيهم يارب

يارب , اللهم آمين , ياريت تعلم ولادك القرآن واخلاقيات إسلامنا يا هاني

المشكلة اني مش قاعد معاهم , انا اغلب وقتي برا البيت , لكن والله بحاول لما بكون موجود , بس طبعا مش بيبقى في تأثير واضح عشان قلة التواجد والمتابعة

ممممممم وامهم ؟

ههه امهم شايفة ان انا كدة بثقل على الولاد , عندها انهم يقعدوا قدام فيلم عربي احسن ما يقعدوا يسمعوا قصة اسلامية , عندها انهم يسمعوا اغاني رقص وتنطيط افضل من انهم يسمعوا قرآن , شايفة ان ده الدين الوسطي هههههه يعني الواحد يصلي ويصوم رمضان وخلااااااااااااص كدة عمل اللي عليه وبعدها يتفرغ بقى للموسيقى اللي هي غذاء الروح والأفلام والمسلسلات اللي هي غذاء العقل ههههههه

لا حول ولا قوة الا بالله , عشان كدة بيسمونا احنا متشددين , يعني ياإما نرقص على كل الحبال معاهم يا إما نبقى متشددين

بالعكس يا ماجد , اللي بيتهموا دينا بالتشدد ناس من اجهل ما يكون , الإسلام دين رحمة ودين تسامى , دين بيحث على مكارم الأخلاق والفضائل , مش عارف ليه بيبعدوا ولادنا بكل قوتهم عن الدين

عشان المجتمع يوصل للصورة اللي انت شايفها دي , ولسسسسسسسة , المجتمعات العربية في تدهور وانحدار , هيفضلوا ياخدوا الناس سِنة سِنة لحد ما يكرهوهم في دينهم , هيتبعوا كل وسائل الخسة وبث السموم وتشويه كل ما هو إسلامي , اعلام يهودي موجه , هيجي اليوم اللي يخلوهم لما يشوفوا أي مظهر ديني يكرهوه ويتهموه بالعنف والتطرف , لو شافوا لحية او نقاب تبقى الطامة الكبرى بالنسبة لهم , ولو شافوا رقاصة ولا عاهرة ولا واحد ماجن ما بيسيبش الخمور من ايده هيبقى قدوة بالنسبة لهم ومثل يحتذى بيه

يبقى هي دي السنوات الخداعات اللي اخبرنا بيها الرسول قبل 1400 سنة , قال رسول الله صل الله عليه وسلم (سيأتي على الناس سنوات خداعات يصدق فيها الكاذب ويكذّب فيها الصادق ويؤتمن فيها الخائن ويخوّن فيها الآمين وينطق فيها الرويبضة ) قالوا ومن الرويبضة يا رسول الله , قال الرجل التافه يتكلم في أمر العامة , صدق رسول الله صل الله عليه وسلم

مهما حصل انا مش هربي معاذ ومريم الا على نهج محمد بن عبد الله عليه الصلاة والسلام , حتى لو كل الدنيا وقفت في وشهم واتهمتهم بالجمود والرجعية والتخلف

والله اللي بيقول على نهج الإسلام تخلف , هو اللي متخلف ودنئ كمان , لان من الآخر مفهوم التحضر اللي هما يفهموه كويس اوي , هو التحرر من القيم والمبادئ وشرب الخمور اللي بتحققلهم لذة تحدي الخالق والزنا اللي بيغمسهم في شهوات الجسد الدنيئة من غير قيود والربا اللي بيضاعف مالهم بالحرام ومن غير وجه حق , عشان كدة هما بيكرهوا الإسلام ومش عايزينه , لانه بيكشفهم قدام نفسهم وبيوريهم عوراتهم وبيوضحلهم قد ايه هما قذرين , يبقى الإسلام اللي فرض العفاف على الناس والرقي والسمو عن كل الدناءات هو اللي تخلف برضو ؟ على رأي الشاعر , رمتني بدائها وانسلت ههههههههه

هههههههه الله المستعان يا هاني , كفاية كلام بقى , خايف يكون الكلام بيتعبك

لا والله , انا مستمتع بالحديث معاك يا ماجد

تعرف ان عصام وحشني اوي ونفسي اشوفه ؟

وانا كمان والله , مممممم اكيد ما عرفش بللي حصلي

ربنا يجيبه بالسلامة

**********************************************************

سلوووووووووووى ههههههههه اختك منى جابت ولد اخيراااااااااااااااا هههههههه

ههههه حقيقي يا ماما ! الف مبروووووووووووك , انا رجعت من الشغل ما لقتكوش كلكو قولت يبقى اكيد منى بتولد وراحوا المستشفى معاها

ايوة , اطمنت عليها لما فاقت وجيت اخد شوية طلبات وراجعة المستشفى تاني , انتِ مش هتيجي معايا ؟

مافيش داعي يا ماما , لما تيجي البيت هي والنونو تقعد عندنا ابقى اباركلها

تقعد عندنا فييييييييييين ! دي بقالها اكتر من شهر ونصصصصصص وهي قاعدة عندنا هي والكتيبة بتاعتها وطول النهار خبط ورزع وصويت وعياط من العيال لما دماغي خلاااااااااااااص كانت قربت تنفجررررررررر

ههههههه سلامة دماغك يا ماما , اومال هي هتروح بيتها ؟

ايوة يا حبيبتي , هبقى اروح اقعد معاها يومين تلاتة لحد ما تشد حيلها وانتِ هنا تخلي بالك من بابا

خلاص يا ماما , اطمني خالص , وبكرة ان شاء الله وانا راجعة من الشغل هعدي عليكو في المستشفى

لالالالالالا عدي علينا في بيت منى , اصلها هتخرج الصبح من المستشفى , ممممم مش عايز اقول عقبال ما افرح بيكِ عشان ما اقلبش على نفسي المواجع

أأأأأأ قوليلي يا ماما , اكيد منى طبعا هتطير من الفرح بالولد , مش كدة ؟ ههههه

ههههه ايوة , فرحانة فرحة الدنيا , كأنها أول مرة تخلف , عمالة تبوس في الواد وتقوله اتأخرت اوي يا حبيبي

ههههههه ربنا يخليهولها , هي هتسميه ايه ؟

ابوه عايز يسميه عمر وهي وافقت والعيال وافقوا

ههههه طيب يا ماما , بوسيلي الاستاذ عمر وقوليله خالتو سلوى بتقولك نورت الدنيا كلها وهتيجي تشوفك بكرة هههه

ههههه ماشي يا حبيبتي , يااااااااااااااااه , الفرحة حلوة والله , ربنا ما يحرمك من الفرح يا بنتي , اسمع مني يااااااااارب

ممممم ماما مش عايزة تشيل موضوع جوازي من دماغها , رغم ان اجمل سنين عمري عدت ممممم الله اعلم ايه اللي مكتوبلي

**************************************************

تن تن تن

حد بيخبط ع الباب يا عصومة

ده العامل بتاع الفندق , كنت طلبت الجرايد

جرايد ! مالنا احنا ومال الجرايد ! انا عايزة انزل اقعد على البلاااااااااااااج

ههههههه منعزلين عن العالم بقالنا كتير يا اماني , نشوف الدنيا بيحصل فيها ايه وبعدين ننزل , عن اذنك

الدنيا بيحصل فيها ايه ! يا خويا ما يحصل اللي يحصل واحنا مااااااااالنا خلينا في اللي احنا فيه ههههه

هههههه طيب لحظة هروح افتح

صباح الخير يا فندم

صباح النور

اتفضل الجرايد اللي حضرتك طلبتها

اشكرك , هات اتنين شاي من فضلك

حاضر , هجيب الشاي لحضرتك

*********************************************

اووووووووووووووف عصاااااااااااااااام اوووووووووووووووف عصوووووووووووووووووومة

نعم يا اماني

اوووووووووووووف انت هتسيبني وتقعد تقرا الجورنااااااااااااااال

هههههه انتِ ما زهقتيش مني يا اماني

هههه لا يا حبيبي , انا ما ازهقش من عصومة حبيبي ابداااااااااااااااااااا

ههه ولا انا يا روحي , بس من فضلك هتصفح الجرايد عشان مش متعود اقعد مدة كبيرة كدة من غير ما اعرف الاحداث الجارية

جارية !!!!!!!!!!! طيب يا سيدي , بس ما تطولش يعني عشان بتخنق بسررررررررررررررعة , انا هلبس واستعد عشان ننززززززززززل , هتغديني فين النهاردة ؟ هههههههه

يا اماني صبرك بالله , مش عارف اركزززززززز

طيب انا عايزة اكل النهاردة في مطعم السمك الشيك اللي شاورتلك عليه المرة اللي فاتت وقولتلي هغديكِ فيه يا حبيبتي

حاضر , حاضر يا اماني حااااضر , ايه دددددددددددددددددده معقووووووووووووووووول ! كارثثثثثثثثثثثثثثة مصيييييييييييييييييييبة

ايه ده ايه ده ! استر يارب مالك في اييييييييييييييييييه !

اخوياااااااااااااا اخويا هااااااااااااااااااني اخويا هاني اتضرب بالرصاااااااااااااص

يا لهوووووووي ! وجراله حاجة ؟

خبر قديم بيقول انه في المستشفففففففففففففى بيقولوا في غيبووووووووووووبة , انا لازم انزل القاهرة حالااااااااااااااااااااااا

تنزل فييييييييييييييييين ! هو هزاااااااااااااااااار ! احنا لسة في شهر العسسسسسسسسسسسسسسل

عسل ايه انتِ كمااااااااااااااااااااان , بقولك اخويا بيمووووووووووووووووووت , يلا حضري الشننننننننننننننننط

يييييييييييييييييييي , جت الحزينة تفرح مالقتلهاش مطررررررررررررررررررح , يا قلة بختك يا اماااااااااااااااااااااااني اووووووووووووووووووووووف , كنت ناقصة اخوه ده كمااااااااااااان , ياريتنا ما جيبنا جرايد ولا عرفنا البلاوي دي ع الصبببببببببببببببح
**********

يلا يا اماااااااااااااني يلاااااااااااااااا

اووووووووووووف طيب يا عصام طيييييييييييييييييييب ’ اديني برمي الهدوم في الشنط من غير نظام عشان نمشيييييييييييييييييي

**

يا عصام سوق بالراااااااااااااااااااااحة

مش قاااااااااااادر عايز اطوي الطريق بسرررررررررررررررعة

انت كدة مش هتطوي الطريق , انت كدة هتطوي عمرنااااااااااااااا , يا اخي حااااااااااسب , حاسب , انا حاسة ان اخوك هيخف وهيقوم يعزي فينااااااااااااااااااا حاااااااااااسب

يوووووووووووووووووه , اسكتي بقى شووووووووووووووووية , ده هاااااااااني عارفة يعني ايه هاااااااااااااني

طب بالراااااااااااااااحة بالراحة عشان ربنا يكتبلنا نشووووووووووووووووفه , استر يااااااااارب استر , حاسة اننا هنلبس في مقطوررررررررررررررررررررة

يااااااااااااارب ياااااااااااااارب ياااااااااااااااارب , نجي اخويا ياااااااااااااارب ياااااااااااااااااارب , ياترى امي عاملة اييييييييييييييه

***********************************************************

مممممم ده حازم زميل هاني جاي في اول الطرقة اهو يا طنط

ايوة ¸فاكراه , جه مرة قبل كدة لما كان هاني لسة في العناية المركزة والزيارة ممنوعة

مساء الخير يا هوانم

اهلا يا ابني , مساء النور

يا ترى ممكن ادخل لهاني ؟

ايوة طبعا , اتفضل , مافيش حد عنده جوا

عن اذنكو

تن تن تن هاااااااااااني

حازم !!!!!!! ههه اهلا , لسة فاكر تيجي تزورني !!!!!!!

لا بقولك اييييييييييه ! انا جيت وانت في العناية المركزة , حتى اسأل المدام بتاعتك ووالدتك , ههههه المهم حمدالله ع السلااااااااااااااااااااامة

ههههههه الله يسلمك , نفدت انت من الرصاص اللي زي المطر ده هههههههههه طول عمرك محظوظ يا حازم هههههه

ههههههههه يا عم انت في حد يعمل عمايلك دي !!!!!!!!!!! اللي يضرب رصاص على مجرم المفروض يقف ورا ساتر , مش يروح ورا المجرم وهو فاتح صدره هههههههههه اديك خدت رصاصة يا عم هاني , الحمدلله انها جت على قد كدة وما روحتش فيهاااااااااا

اعمل ايه بس ! لقيتكو مشغولين مع افراد العصابة والمنزلاوي بيجري عشان يركب عربيته ويهرب , ما كانش في حل غير المواجهة

طول عمرك شجاع يا هاني هههههه يلا يا سيدي عشان الغول الكبير لسة ما اتقبضش عليه

ااااااااااخ المغازززززززززززي , انا عارف انه هيحاول بشتى الطرق انه ينفد , وحاسس انه هيقف جنب المنزلاوي ويقومله محامين كبار , عشان يتقي شر المنزلاوي ويضمن ولاؤه

هههههه يا ابني انت دماغك دي مالهاش حل , طيب و هتعمل ايه بقى بين اتنين حبايب يا عزول انت ههههههههه

ههههه عندي اللي يفرقهم عن بعض , الله المستعان , اَخرج بس من هنا , وربنا يحلها , لكن قولي يا حازم , داخل ايد ورا وايد قدام يعني ! هههههههه مش اللي جاي يزور مريض يجيب أي حاجة في ايده ولا لقيت المحلات قافلة ههههههه

هههه ايه يا عم ! جبتلك علبة شيكولاتة المرة اللي فاتت , هو انا كل ما اجي المستشفى هجيب هدية ! هو انا قاعدلك على بنك ! هههههههه

هههههه متشكرين يا سيدي , طول عمرك صاحب واجب , نردههالك في مناسبة سعيدة إن شاء الله

ان شاء الله يا سيدي , امشي انا بقى عشان ورايا حملة

ربنا يوفقك , مع السلامة يا حازم

الله يسلمك يا هاني

*********************************************************************

هاااااااااااااااااااااااني يا هااااااااااااااااااني اخوياااااااااااااااااا , اخويا فين فييييييييييييين , فين هاني يا ماااااااااااجد

عصام !!!!! هههه حمدالله ع السلامة , ما تتخضش كدة , هاني في الغرفة دي , حمدالله على سلامتك يا عصاااااااااااام

****************************

هاااااااااااااااني

عصااااااااااااااام عاش من شافك ههههههه

انت عامل ايه ؟ انت كويسسسسسسسس ؟

الحمدلله , اللهم لك الحمد , حمدالله على سلامتك انت

اوعى وريني الجرح

يا اخي ما تكشفوش تاني , لسة الممرضة مغيرالي عليه من شوية

معلش , عايز اطمن

ماشي يا سيدي , اطمن براحتك هههه

مممممممم تمام , الحمدلله العملية اللي اتعملتلك رغم انها صعبة لكن الجراح ماهر وتقفيل الجرح ممتاز

طيب يا سيدي الحمدلله

**

تن تن تن السلام عليكم , دكتور محمد شاكر

وعليكم السلام ورحمة الله , دكتور عصام زاهر , اخو سيادة المقدم , حضرتك اللي عملت الجراحة البارعة دي

هههه العفو يا فندم , ايوة انا

اشكرك يا دكتور واهنيك على دقتك ومهارتك

اشكرك يا دكتور عصام , حضرتك تخصص ايه ؟

جراحة عامة , انا كشفت الجرح عشان اطمن على اخويا والله مش اكتر , اسف على التطفل

لا يا دكتور عصام , ده حقك بصفتك متخصص بالطبع , ها يا سيادة المقدم , اخبارنا ايه

انا اللي اخباري ايه معاكو , انا عايز امشي من هنا , مش واخد على قعدة المستشفيات

هههه معلش , اصبر معانا شوية , وبعدين حتى لما تخرج من هنا مش هتنزل شغلك بالبساطة دي , على الاقل هترتاح اسبوعين تلاتة في البيت

ربنا ييسر الاحوال , شكرا يا دكتور محمد

الشكر لله وحده , عن اذنكو

اتفضل

هي امي فين يا هاني ؟

انا هنا يا سي عصااااااااام , في البلاكونة , لسة فاكر تسأل على امك !

اميييييييييييي ! ههه معلش يا حبيبتي , والله جاي ملهوف على هاني , اللي قريته في الجرايد خلاني جاي جري مش شايف قدامي

مممممم جاي جري من باريس ! ماشاء الله عليك يا حبيبي

أأأأأأأ لالالا اصل ممممممم انا

وفر كدبة جديدة على نفسك يا دكتور , انا متأكدة انك ما كنتش في باريس , وسبحان الله الكدب مالوش رجلين , حتى مش عارف تسبك الكدبة , حمدالله ع السلامة من أي مكان كنت فيه , عن اذنك سيبني عشان اكمل قراءة الورد القرآني بتاعي

مممممممممم طيب يا امي , عن اذنك

ههههههههههههههههههههههه امك دي مشكلة , اكدب ع الدنيا كلها الا هي يا عصام , ازي العروسة

يا اخي عروسة ايه انت كمااااااااان , وطي صوتك هتودينا في داهية

ههههه اول مرة اشوف واحد متجوز وكأنه عامل عملة وخايف حد يعرف

توووء , المهم اني اطمنت عليك دلوقتي الحمدلله , هي نسرين ما جاتش تزورك ؟

في الحقيقة لا , لكن والدها بعت بوكيه ورد

مممممم , ده المتوقع منهم

طيب يلا روح انت عشان تجيب مراتك وولادك

مش النهاردة , انا مرهق وتعبان وعايز اروح انام , هبقى اجيبهم بكرة ولا بعده , انا هعدي عليك بكرة يا هاني

ان شاء الله , وانا هستناك يا عصام

***************************************

الحمدلله خلصت الورد بتاعي , هاني يا حبيبيييييييي

افندم يا امي

طيب انا هروح البيت عشان ارتاح شوية وهجيلك بالليل ان شاء الله

لالالالا بالله عليكِ يا امي ما تتعبيش نفسك , انا الحمدلله بخير , ارتاحي انتِ , تعبتي كتير اوي الكام اليوم اللي فاتو

يا حبيبي يعني لو ما كنتش اتعب عشانك وعشان اخوانك هتعب عشان مين !

هههه ربنا يخليكِ لينا يا امي , بس بالله عليكِ بلاش تيجي النهاردة , كدة مجهود زيادة عليكِ

خلاص يا حبيبي , هجيلك الصبح ان شاء الله

ان شاء الله يا امي

ا
عايزة حاجة يا رشا يا بنتي قبل ما امشي

شكرا يا طنط , ربنا يخليكِ

السلام عليكم

وعليكم السلام يا امي , اعدليلي المخدة اللي ورا ضهري دي يا رشا

حاضر يا حبيبي , طيب انا هخرج برا شوية في الاستراحة

هههه انا عارف اني زهقتي من جو المستشفى , تعبتك معايا يارشا

حبيبي ما تقولش كددددددة , والله ازعل منك , انتِ جوزي وحبيبي هههه عن اذنك بقى

اتفضلي

*****************************************************

هاني حبيبي , ماما برا جت تشووووووووووووووفك ههههههههه

حماااااااااااااااتي هههههههه خليها تدخل , وشيلي كراتين الفاكهة اللي دخلت بيها على جنب ههههههههههههههه

مممممممم بطل تريئة يا هاااااااني , انت عارف ان ماما مالهاش في المجاملات التافهة دددددددددي

ههههههههههههههههههههههههه انتِ هتقوليلي !

اتفضلي يا مامتي يا حبيبتي , يللي جاية تزوري جوزي يا أمووووووووووورة

هههههه ياربي ع الفشررررررررر , مش عارف امها امورة ازاي يعني ! هههههههه

شكرا يا رشا يا حبيبتي , اطلعي برا عشان اقول لجوزك كلمتين على انفرااااااد , ما يصحش تسمعي اللي هقوووووووووله

ههههههه حاضر يا ماما , بس بالراحة عليه عشان يا حرام لسة تعبان

اهلا يا حماتي هههههه اتفضلي اقعدي

ما عنديش وقت اضيعه , كنت جاية اقولك شوفت اللي يزعل حماته ربنا بيعمل فيه اييييييييييييه ! اديك خدت رصاصة كانت هتجيب اجلككككككككككككككككككككك

هههههههههه انتِ شمتانة فيا يا حماتي !!!!!!!!!

لا , اللهم لا شمااااااااااااااتة , انا ما اشمتش في راجل مسكين طريح الفراااااااااش , بس كنت عايزة اقولك ان ربنا نجاك عشان انا سامحتك بس , عارف لو ما كنتش سامحتك , كان زمانك في عداد الاموااااااااااااااااااات

ههههههههه ربنا ما يحرمني منك يا حماتي , طول عمرك طيبة

ايوة طيبة غصب عنككككككككككك , يا شراني يا بتاع البوليسسسسسسسس , يا خبيث يللي بتتنكر عشان تقبض ع افراد العصابة الغلبانيييييييييين , يلا , اديك خدت جزاءك , وبقيت عبرة لاي واحد يزعل حماته السكررررررررة , انا ماشيييييييييييييية

ههههههه مع السلامة يا حماتي ههههههه والله العظيم ست غريبة

***********************************************************

اما اتصل اشوف سي عصام بسلامته اللي رماني ومش سائل فيااااااااااااااااا
ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررن

الو

ايوة يا عصام يا حبيبي انا امااااااااااااااني

اهلا يا اماني

طمني اخوك عامل ايه

الحمدلله كويس اوي , قرب يخرج من المستشفى

طيب الحمدلله مممممممم اومال ما بتتصلش بيا تطمني ليه ؟

معلش يا اماني , بجد اعصابي تعبانة من ساعة اللي حصل لهاني

طيب ما انت بتقول انه كويس اهو

الحمدلله

مممممممم هنروح شقتنا امتى ؟ انا من ساعة ما جيت قاعدة عند ماما وما شوفتكش

معلش , اديني فرصة كام يوم كدة , النهاردة هروح اجيب الولاد من عند جدهم

ممممممممممم ايوة , كفاية عليك الولاد وام الولاد , عيني عليا انا , لما تفضالي بقى ابقى تعالى خدني

ان شاء الله يا اماني

************************************************************************

رايحة فين يا مامييييييييييييييييييي

رايحة النادي يا رامي , هكون رايحة فين يعني !!!!!!!

مممممممم خديني معاكِ

نووووووووووووووووووو رامي نووووووووووووووو انت نوووووووووووتي نوتي يا رامي

اهئ اهئ اهئئئئئئ عايز اجي معااااااااااااااااكِ اهئ اهئئئئئئئئئ

مممممممم اخدك معايا ومش تعمل حاجة نوتي ؟؟؟؟؟؟؟

ممممممم

اوكيه , تيتييييييييييييييي

تحت امرك مدام

لبسي رامي عشان هاخده معايا النادي هو وروكي

حاضر يا مدام

واناااااااااااااا انا مامييييييييييييييييي

أووووووووووووو نوووووووووووووو , انتِ كمان عايزة تيجي النادي ايتين ؟

اهاااااااا , عايزة اجي

اوكيه , بس عارفة انتي ولا هو لو عملتو شقاوووووووووووووة , هنتقم منكو واقص شعركو واخليكو من غير شعر خااااااااااااااااالص , اوكيه ؟؟؟؟؟؟؟

اوكيه مامي , يلا يا دادة لبسيني انا وراااااااااااااااامي , هنروح النادي مع ماميييييييييي هههههههه انا فرحانة رامي

ههههههههه وانا كمان ايتين

*************************************************************************

اهلا يا دكتور عصام نورت الفيلا

اهلا يا دادة , فين نسرين

نسرين هانم اخدت الولاد وراحت النادي

مممم طيب مامتها فين ؟

سرفيناز هانم عندها اجتماع في جمعية معا نحو تفكك الاسرة

ممممم هي لسة هتتفكك ! طيب انا هروح النادي لنسرين , بس من فضلك هاتي شنطها وشنط الولاد عشان اخدها معايا

هي نسرين هانم مش هتيجي على هنا يا دكتور ؟

لا , هاخدها هي والولاد ونروح البيت

طيب يا دكتور , على ما تشرب القهوة اللي هطلبهالك هكون جيبت الشنط

اوكيه , ياريت قهوة مظبوط

حاضر , هديهم اوردر في المطبخ , عن اذنك

******************************************************************

مش ممكن يا باكينااااااااااااام , حقيقي لون الأكلادور في ضوافرينك يجنن مووووووووووووووت , عاجباني اوي فكرة اللون احمر وعليه نقط ابيضة , عملتيها ازاي دي يا مجرمة ؟ هههههههه

ههههههه انا ما عملتش حاجة , دي البنت بتاعة المانيكير والباديكير , بنت شاطرة اووووووووي وبتجيلي البيت مخصوص تعملي كل اللي انا عايزاه

وااااااااااااااو , طيب ما تبعتيهالي

اوكيه , نو بروبلم , هما ولادك فين ؟

قولتليهم رحوا العبوا بعيد بعييييييييد ابعدوا عن وداناتي بدوشتكو

تعرفي انتِ كمان لون شعرك خرافي ! اول مرة اشوف لون شعر ازرق وفيه خصلات حمرا , حقيقي نيو فاشووووووووووووووون ههههههه

حياتي انا دايما بتاعة النيو فاشون ههههههههههه

تعرفي بجد لون شعرك مع لون حواجبينك مدينك منظر غريب خالص , اُوووووووو لالالالالالالا عاملة زي الساحرة الشريرة , اكيد جوزك لما يشوفك هيتخض أأأأ قصدي هيتجنن هههههههه

ههههههه هي فعلا الموضة دي اسمها موضة الشيطان الازرق في احمر

هو مسيو شيطان لونه ازرق في احمر

ممممممم حقيقي مش شوفته , بس ممكن يكون تريكواز , يا باكي , مممممم هما باقي الشلة اتأخروا ليه

زمانهم جايين , ساندرا اكدت عليا هي وميريت وهايدي انهم جايين , تعرفي لون شعرك الازرق في احمر ده , شجعني اصبغ شعري اخضر

نوووووووووو باكي نووووووووووو , اخضر مش هيليق عليكِ وبعدين ممكن العصافير يفتكروكي شجرة ويقفوا عليكِ

ممممم عندك حق , طب تفتكري اصبغه ايه ؟ انا عايزة لون غير تقليدي ابهر بيه الشلة

ممممممم اقولك , ممكن تصبغيه بنفسجي أوووووووو ممممممممم او رمادي

رمادي ايه بس يا نسرينو ! توووووء , ممكن كدة يفتكروني ست عجوزة

ممممم لالالالا ممكن عشان مش في حد يقول عليكِ عجوزة تمسكي بلونة , أو تقومي تتنططي وتقولي هييييييييه انا صغيورة , او ممكن تعلقي البطاقة بتاعتك على صدرك وبكدة كل الناس هتعرف سنك الحقيقي

نوووووووووو , دي تبقى فضيحة يا نسرين , انا قايلة لكل الناس ان عندي عشرين سنة , ماحدش يعرف ان عندي خمسة وتلاتين الا الشلة بتاعتنا , اقولك , انا مش هصبغ شعري , انا اتعقدت , ايه الراجل اللي ما عندوش شعر اللي جاي على هنا وماسك رامي في ايده ومجرجره ده

رامي ابنييييييييي ! وات هابنددددددددد , اكيد عمل مصيباااااااااااات

مامتك دي يا ولد اللي صابغة شعرها لون ما يعلم بيه الا ربناااااااااااااا؟

هههههه لا , مش مامتي هههههههههه

اعوذ بالله من الشيطان الرجييييييييييييييييم , الولد ده ابنك يا مدااااااااااااام

يس , في ايه يا انت

عايز ايه يا انت من نسرين هانم ورامي الظريف المؤدب ده

اسكتي انتِ يا مداااااااااااااااااام انا بكلم الهانم ام شعر ازرررررررررق

عايز ايه يا عديم الشعر يا حقودي انت من ابنيييييييييييييييييييييييييي

قوليله يجيب الجزمة بتاعتييييييييييييي

ومال ابني ومال جزمتك يا انت !!!!!!!!

رجلي وجعتني من الجزمة , قولت اقلعها شوية , راح المفعوص ابنك خدها وجري بيهااااااااا وقعدت انادي يا ولددددددد انت يا ولد , لكن ما ردش عليا , وبعد خمس دقايق رجع من غيرهااااااااااا , قوليله يجيب الجزمة بتاعتي من فضلكككككككككك انا راجل مركزي مش شوية عشان امشي حااااااااااافي

اوووووووووووووو نوووووووووووووو , حقيقي منظر رجل حضرتك وانت حفيان مش لطيف خااااااااااالص , ياريت تهتم بغسيل رجليك عشان شكلها زي الطيناااااااااات , ولد يا راااااااااااااااامي

يس مااااااااااامي

فين جزمة عمو يا قليل الاددددددددددب يا نوووووووووووووتي يا نوتي يا نووووووووووووووتي

مش اعرف جزمة عمو فين ههههههههههه باي باااااااااااااي رايح العب على المرجيحة مع ايتينننننننننن

اووووووووووووووف شايفة يا مدااااااااااااااام

طب وانا اعمل ايه يعني ! روح اشتري جزمة تانية , الحياة ايزي يعني , انت ليه مصعبها !

يا سلااااااااااااااام ! ده بدل ما تربي ابنككككككككككك , انما هتربيه ازاااااااااااااي كفاية عليكِ قاعدة تبردي ضوافرك

انت ما تجيبش سيرة ضوافريني يا جربوع انتتتتتتتتت , روح شوف رجليك اللي عايزة تتنقع في المية بتاعة النار عشان تنضف , انا عارفة انك متغاظ من ابني عشان فضحك انت ورجليييييييييييك , راجل مش نضيففففففففف, امشي من هنا امشييييييييي , انا هقدم شكوى لادارة النادي وهخليهم يفتشوا على رجلين الاعضاء قبل الدخول , والعضو اللي رجليه مش نضيفة ومش حالق دقنه ومش حاطط كلون افتر شيف هخليهم يشنقووووووووووووه , يلا يا مش نضيف انت من هنااااااااااااااااا

انا مش نضييييييييييييييف ! طب والله لوريكي ! انا هسجنك وهدخل ابنك الاحدااااااااث , شيطانة ومخلفة ابالسسسسسسسسسسسسسة

ايه اللي نسرين مراتي عاملاه في شعرها ده , والله ما عرفتها ! ازرررررررررق وخصل حمرااااااااا ! هو انا ناقص مورستاااااااااااااااان , ومين الراجل اللي بيزعقلها ده !!!!!!!!!!!! اما اروح اشوف ايه الحكاية

نسريييييييييييين , في ايييييييييه

واوووووووووووووو جوزك جه يا نسرين هههههههه

صاصوووووووووووووو هههههههه هههههاي ههههههاي ههههههههاي صاصو وصل من باغي , ازيك يا غووووووووحي , ايه اخباغ الشنازليزيه ؟؟؟؟؟؟؟؟

هاي دكتوووووووووووووووغ , انا باكينام , ممكن تقول باكي

اهلا يا مدام باكينام , فيه ايه يا نسرييييييييين ! الاستاذ ده يبزعقلك لييييييييييييه ! في ايه يا استااااااااااذ , بتزعق للمدام بتاعتي ليييييييييه في اييييييييه

في ان ابنك مش متربيييييييي في ان المدام بتاعتك مش حاسة بالمسؤولية , ابنك سرق الجزمة بتاعتيييييييي ومراتك مش هاين عليها تقوله عيييييييييييب

سرق الجزمة يعني اييييييييييه !

صدقه يا صاصو , الولد ده يبعمل حاجات غريبة غربنة مش طبيعية , الاسبوع اللي فات برضو سرق النضارة بتاعة دادي وخباها في مكان ما يخطرش على بال حد اصلاااااااااا , تخيل يا صاصو يحفر حفرات في الجنينة ويخبي النضارة ويغطي الحفرة تاني ! لولا ان الجنايني اكتشف الحفرة دي بالصدفة ونبشها بإيده وجاب النضارة ماكناش عرفنا طريقها لحد دلوووووقتي

معقووووووووووول ! رامي يعمل كدة !!!!!!!!!!! ايه الولد دددددددددده !

يا استاذ انت وهي انا ماليش دعوة بحكاياتكو عن امجاد ابنكوووووووو , انا في الجزمة اللي ضااااااااااعت , اوووووووووف يعني انا اسيب مراتي في البيت واجي اريح اعصابي في النادي شوية تطلعلي مراتك وابنك ينكدوا علياااااااا ! يعني الواحد لما يحب يريح اعصابه يروح فييييييييييييين , المرييييييييييييييخ !!!!!!!!!!!

اغسل رجليك قبل ما تطلع المريخ عشان مش تطينه هو كمان برجليك القذرة ددددددددددددي

بس يا نسرييييييييييييين , اسف جدا يا فندم , انا عارف ان ابني مش هيقول على مكان الجزمة , هي الجزمة تمنها كام ؟

200 جنيييييييييييييييه

طيب يا فندم اتفضل 200 جنيه وروح هات جزمة جديدة

متشكر يا استاذ , ياريت تربوا عيالكووووووووووووووووو

امشي يا راجل انت يا حفيان يا جربوووووووووع , شوفت تصرفات رامي وشقاوة راااااااااااامي !

والله ! وانتِ ما بتعلميهوش الادب ليييييييييييييه

نوووووووووووووو اومال انا جايباله دادة لييييييييييييه ! عشان اشغل دماغي بيه ! جبتلي برفانات من باغي ؟؟؟؟؟ هههههههه

اووووووووووف , هاتي الولاد وحصليني بعربيتك عشان نرووووووووووح

طيب وحاجاتي اللي في فيلا دادي !

خليت الشغالة حطيتهالك في الشنط , يلا حصلينييييييييي

**************************************************************

اتفضلي ادخلي يا نسرين هااااااااااااانم , راااااااامي , ايتن , على اوضكووووووووو

اوكيه دادي , باي باااااااااي يلا ايتين

مممممم عايز تقول ايه صاصووووووو

انتِ ازاي ما تروحيش لاخويا المستشفى ! ازاااااااااااي ! يعني ايه ما تروحيش تقولي لمراته حمدالله على سلامة جوزززززززززك

اوفتي بقى !!!!!! انا مالي انا ومال اخوك ومرات اخووووووووووك ! اسمع يا صاصوووووو , عيلتك دي خاصة بيك لوحدكككككككككك , انا مش لية دعوة بيهمممممممممم , كفاية انك خليتني اروح لمامتك المستشفى وهي عيانة وخرجت في عز الحر وروكي كان هياخد ضربة شمسسسسسسسس

اووووووووووووف , انتِ الكلام خسارة معاكِ , انا داخل انااااااااااااااااام

وانا مالي انا ! تنام ولا مش تنام ! راجل شديد المللان حقيقي , شديد المللااااااااااااااااااان

**********************************************************************************

جيتي يا دنانير ؟

ههههه ازيك يا مامااااااااا

اهلا يا حبيبتي , اتأخرتي ليه

هههههه شريف صمم يعزمني على السينما

اهاااااااا ههههههه شوفتوا فيلم ايه بقى ؟

ههههه شوفنا فيلم يجنن كله حب في حب في حب واحاسيس جمييييييييييلة

ههههه انبسطي يعني ؟

اوي اوي اووووووووي يا مامااااااااااا , جاية طايرة من الفرررررررررح , عايزة اغني , ارقصصصصص , اتنطططططططططططط

ههههههههه كل ده من الفرحة ؟

هههههه لالالالالالا من الحب يا ماماااااااااا

تعرفي اني لما بشوفك سعيدة كدة ببقى انا كمان سعيدة , اصل انا اتحرمت من اني احب واختار , عشان كدة فرحت لما حبيتي واخترتي شريك حياتك بنفسك

ممممممم بس مامته رخمة اووووووووي اووووووووووف دمها يلطش يا ماماااااا , ما فيش مرة واحدة ردت عليا في التليفون بأسلوب كويس , على طول بتتكلم بأسلوب مؤررررررف

ههههههههه كل الحماوات كدة , المهم هو يا عبيطة , امه دي اركنيها على جنب

هانت يا مامااااااا هانت , شريف قالي كلها سنتين ويخطبني رسمي

طيب ما انتو في حكم المخطوبين يا حبيبتي هههههه

ههههه اه صحيح , نسيت اوريكي الاسورة اللي جابهالي شريف

اسورة دهب ؟

دهب ايه يا ماماااااااا ! دي اسورة من محل اكسسورات بس شيك اوي , حتى شووووووفي , اهيه

ههههه الله ! لطيفة خالص , بكرة يجيبلك بدالها دهب والماظ

هههههه دعواتك يا ماما , ممممممم اومال فين دراهم ؟

دخلت نامت وقالتلي صحيني كمان ساعتين عشان عندي مذاكرة

ههههههه البت دي ايه اللي جرالها ! صلاة وحجاب وقولنا ماشي , كمان مذاكرة ! هههههههههههههههه

خليها تحط همها في حاجة بدل ما هي طول النهار تقولنا ده يصح وده ما يصحش

على رأيك يا ماما , بقت بت خنيييييييييقة , حتى اصحابها بيقولوا انها اتغيرت وما بقتش تعبرهم

هي حرة مع اصحابها

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررن

ردي ع التليفون شوفي مين يا دنانير

حاضر , الوووووووووووو

السلام عليكم , ازيك يا دنانير

اوووووف , ماماااااااااا ماما , دي تيتة مامت باباااااااااااا

هشششششششش قوليلها اني نااااااااايمة

حاااااااضر , ايوة يا تيتة , ازيك

ازيك انت يا دنانير , ازي ماما واختك دراهم

كويسين يا تيتة

بقى كدة يا دنانير , اقعد عيانة اسبوعين بحالهم , ماحدش فيكو يسأل عليا !

ممممم سلامتك يا تيتة , سوري ما كناش نعرف

طيب اديني ماما

ماما نايمة

يا بنتي هو انا كل ما اسأل عليها تقولولي نايمة !!!!!!!!

يعني اعمل ايه يعني يا تيتة , بقولك نايمة , يعني اصحيها مخصوص عشان ترد ع التليفون !

لا , ما يصحش , سلميلي عليها وعلى دراهم

اوكيه , باي باي يا تيتة , اووووووووووووووف

عايزة ايه دي ؟

انا اعررررررررررف ! عمالة بتعاتبني ال عشان ما سألناش عليها وهي عيانة

يا شيخة ربنا ياخدها ويريحناااااااااااا , حتى ابوكِ يوفر الألافات اللي بيصرفها عليها من غير مناسبة

يارب يا مامااااااا , احنا بصراحة اولى بالفلوس اللي بيديها لتيتة , اصل بابا ده ناسي ان عنده بنات قمرات على وش جواز وعايزين فلوس للجهاز قد كددددددددددة

هو ابوكِ بيحس بحاجة ولا عايش في الدنيا من اساسه ! انا لولا زني عليه ما كان سافر ولا حاله اتعدل

احسن حاجة عملتيها يا ماما , انك خلتيه يسافر ويجيبلنا الفلوس الكتير دي هههه بمناسبة الفلوس بقى , ايدك على 150 جنيه

بتوع ايييييييييه

عايزة اجيب لشريف ازازة برفان عجبتني اوي

ههههه ماشي يا حبيبتي , عنينا لشريف

*************************************************************************************

ههههههه حمدالله ع السلامة يا منى يا اختي امووووووووووووه

هههههه الله يسلمك يا سلوى , شوفتي عمر وجماله ؟ يختي على جماله يختي اموووووووووه , سلم على خالتو سلوى يا حبيبي

هههههه ده نااااااايم , اموووووووووه , نورت يا عمر يا حبيبي , خدي شيليه في سريره بقى

هاتي يا سلوى , بسم الله الرحمن الرحيم , عقبالك يارب يا سلوى , يا سلاااااااااااام , يوم المنى والله يا اختي لما تتجوزي وتتهني واروح ازورك وانتِ شايلة البيبي بتاعك وفرحانة بيه زي ما انا فرحانة بعمر كدة ههههه

مممم كل واحد بياخد نصيبه يا منى , المهم خدي هدية عمر , انا جبتله شوية هدوم حلوة اوي هتعجبك هههههه

هههههه الله ! اصحى يا عمر شوف خالته جايبالك ايييييييييه

خالتووووووووو ازيك يا خالتو سلوى هههههههه

ههههه اهلا يا لميس ازيك يا حبيبتي

خالتو سلوى حبيبتي ههههههه وحشتيني يا خالتو

ههههههه هو انا لحقت اوحشك يا هاميس !!!!!!! دانت بنت بكاشة بشككككككككككككل هههههههه

ههههههه والله وحشتيني يا خالتو , شوفتي عمر اخويا امور ازاااااااااي ؟ هههههه شبههي مش كدة ؟

ههههه ايوة شبهك يا هاميس

طيب قولي للميس بقى عشان بتقول انه شبهها هههههههه

ايوة شبهي اناااااااااا , مش كدة يا خالتو ؟

ههههه شبهكو انتو الاتنين

واااااااااااااااء وااااااااااااااااااااااااااااااااااااء وااااااااااااااااااااااااااااااااااء

شوفتوا , اهو الواد زعل لما سمع انه شبهكوووووووووو , اطلعوا برا الاوووووووضة , عايزة اقعد مع خالتكووووووو

هههههه حاضر يا ماما , ابوس عمر الاوووووووووووول اموووووووووووه حبيب اخته يا ناااااااااااااس ههههههه يلا يا لميس

اومال فين ماما يا منى ؟ هي كل ده بتعمل الغدا ؟

ههههه كتر خيرها والله , بتتعب معانا اوي ماما , ربنا يخليهالنا

يااااااااااااارب

*************************************************************************************

هههههههه مبروك لاختك يا سلوى

ههههه الله يخليكِ يا ايمان , ربنا يبارك فيكِ يارب

مممممم نفسنا نفرح بيكِ والله

ههههههه بقولك ايه يا ست ايماااااااااان ! هو انا اسيب ماما في البيت الاقيكي انتِ هنا !

ههههههه ما انا كمان زي مامتك هههههه , قوليلي صحيح , مافيش حاجة كدة ولا كدة ولا اخبار حلوة تفرحنا ؟

مممممم لا , انتِ عاملة ايه واخبار الولاد ايه

هههههه عفارييييييييييييت مطلعين عيييييييييييييني

هههههه ربنا يخليهوملك

هههه يارب , رمضان قرب كل سنة وانتي طيبة يا سلوى

وانتِ طيبة يا ايمان يا حبيبتي , احنا بقالنا قد ايه زمايل واصحاب ؟

هههه ياااااااااااااه حوالي عشر سنين , من ساعة ما اشتغلنا مع بعض في الشركة هنا , فاكرة اول يوم لينا مع بعض ؟ ههههههههههه فاكرة لما كنتي بتقوليلي يا انسة ايمان وانا اقولك نعم يا انسة سلوى ؟ ههههههههههه كنا بنحترم بعض اوي

ههههههه اه والله , ما كناش لسة خدنا على بعض

انا فاكرة ساعتها كان مصطفى اخويا نزل اجازة وزعل اوووووووووي وعمل ثورة كبيرة في البيت لما عرف اني اشتغلت , وقالي هو انا منقصك حاجة ولا بابا منقصك حاجة عشان تشتغلي ! وانا قولتله انا عايزة احقق ذاتي وطموحاتي , انا فاكرة انه اتعصب وقالي يا شيخة بلا ذاتك وبلا طموحاتك جاتك الارررررررررررف هههههههههه وانا ساعتها زعلت ودخلت اوضتي وقعدت اعيط وهو ما هانش عليه وجه ورايا يصالحني وقعد يطبطب عليا , ويقولي حقك عليا يا ايمي , انا بس مش عايزك تشتغلي وتتعبي طول ما انا موجود وقالي قومي البسي وخدني فسحني وعشاني برا كمان ههههه اصل مصطفى حنين , حنين اوووووووي

ممممم اكيد مراته بتحبه اوي بسبب حنانه ؟

دينا ,ههههههه دينا روحها فيه , وهو كمان بيحبها اوي , قالي انه صحيح جوازه من دينا كان جواز صالونات لكن دينا قدرت تخليه يحبها اوي ويتعلق بيها , اقولك سر ؟ هههههه ماما بتغير من دينا مووووووووت وخصوصا لما مصطفى يقولها يا حبيبتي قدامها ههههههههه

مممم هو بيقول لمراته يا حبيبتي ؟

هههههه بيقولها يا حبيبتي وياروحي ويا عقلي ومدلعها اخر دلع , بقعد اقول لجوزي اتعلم يا ابني اتعلمممممممممم الرومانسية من اخويا مصطفى هههههههه

ممممم هي بنته اسمها ايه , انا نسيت ؟

اسمها نوران , رايحة المدرسة السنة الجاية وربنا رزقهم بعبد الله كمان , استني اما اوريكِ صور ولاده وهما في البحر بيصيفوا السنة اللي فاتت ههههههه

بصي يا سلوى مقعد نوران وعبد الله على حجره على الشط وشكلهم يجنننننننن هههههههه

ممممم نوران شبهه اوي

هههه ايوة فعلا , نوران شبهه جدااااااااااا امورة خالص مش كدة ؟ هههههه

ايوة , امورة , ماشاء الله عليها , وضحكتها جميلة اوي

عبد الله بقى شبه دينا خااااااااااالص هههههه امور برضو بس مش ابيضاني زي مصطفى , خمري زي دينا

ممممم صور جميلة , ربنا يخليهومله

مالك يا سلوى ؟ شكلك اتغير ليه وبان عليه الضيق كدة ؟
**********

مالك يا سلوى ؟ شكلك اتغير ليه وبان عليه الضيق كدة ؟

ابدا يا ايمان , مرهقة شوية , شكلي مش هقدر اكمل الشغل اللي ورايا , عايزة امشي

لالالالالالا تمشي فين ؟ ههههه خليكي قاعدة معايا واذا كان على الشغل يا ستي , اعمله بدالك , مانا طول عمري مدلعاكِ يا ست سلوى ههههههههههه

ههه ربنا يخليكِ ليا يا ايمان , انتِ نعم الاخت والصديقة والله , بجد بحبك اوي

وانا بحبك والله يا سلوى ونفسي اشوفك سعيدة , تشربي حاجة ساقعة ؟

ياريت

طيب انا هروح البوفيه اطلب اتنين حاجة ساقعة واجي

ماشي يا حبيبتي

اتفضلي يا سلوى

شكرا يا ايمان

ايه ده ايه ده ايه دددددددددده ! ههههههه الاتنين الحاجة الساقعة دول لميييييييين

ههههه طب قولي السلام عليكم يا ندى

ههههههه ماشي يا ست سلوى السلام عليكممممممممم

وعليكم السلام يا ندى ههههه اتفضلي اشربي معايا انا وسلوى

لا ياستي انا هاخد شفطة من عندك وشفطة من عندها , اصل انا قنوعة هههههه

ههههههه دانتِ رزلة مش قنوعة , ما تدلهاش يا سلوى هههههه

هههههه عاملة ايه ياندى

هههههههه عاملة زي القمر , كتب كتابي الاسبوع الجاااااااااااااي هههههه عشان كدة جيت اعزمكو هههههه

هههه مبروك يا ندى , ربنا يتمم بخير

هههههههه الف مبروك يا ندى , ممممم عقبالك يا سلوى

الله يبارك فيكو يا جماعة ههههه, على فكرة يا سلوى , العريس عنده اخ اكبر منه وعنده حوالي تلاتة وتلاتين سنة وقالي ما تعرفيش عروسة لاخويا , قولتله عليكِ وان عندك حوالي اتنين وتلاتين سنة وشوية راح قالي يااااااااااااااااااه لالالالالالا دي تبقى كبيرة اوي , هههههه قولتله يا ابني كبيرة ايييييييه , ماهي اصغر من اخوك اهيه , قالي لالالالا ما تنفعش , اخويا عايز واحدة ما تزيدش عن خمسة وعشرين سنة هههههه قولتله خلاص اصرف نظر على سلوى بقى هههههههههههه

…………………………………………….. عن اذنكو , انا تعبانة وعايزة امشي

سلوى سلوووووووووووووى استني يا سلوى , اووووووووووووووووف , ايه يا ندى العك ده يا ندددددددددددددددى , حد في الدنيا كلها يقول كددددددددددددددددة !

هو في ايه ! هو انا قولت حاجة غلط !!!!!!!

اووووووووووووف , لا العفو يا ستي , جرحتيها بقلة ذوقك وكلامك عن سنها بس , مالنا احنا ومال اخو عريسك عايز عروسة ولا عايز قرررررررردة , طالما انتِ كلمتيهم وقالولك سلوى مش مناسبة بتقوليلها لييييييييييييه ! عايزة تضايقيها وخلااااااااااااص !!!!!!!!!!

ياااااااااااااااااه ! انا فعلا قليلة الذوق اوي , بس والله انا كنت واخدة الكلام بهزار وكنت فاكراها هتضحك مش هتزعل كدة

اووووووووووووف , عن اذنك انا كمان هروح اخد إذن وامشي , المكان لا يطااااااااااااق اوووووووووووووووف

ممممممممم لما اروح البيت هتصل بسلوى اصالحها , انا فعلا غلطااااااااااااانة , ربنا يسامحني بقى , والله ما كان قصدي اجرحها بالشكل ده

*********************************************************

خلاص بقى يا ندى , انتي هتنكدي علينا لييييييييه ! النهاردة كتب كتابنا , وما صدقنا اهلك سابونا نخرج لوحدنا من ساعة ما اتخطبنا هههههه فرفشي بقى

توووووووووء متضايقة من نفسي اوي , رغم ان سلوى قالتلي انها مش زعلانة , لكن انا مش قادرة اسامح نفسي يا ناجي

مممممممم طب بقولك ايه , انا عندي ابن خالة امي , لسة مطلق مراته من حوالي شهر كدة , وكلم امي واخواتي البنات يشوفوله عروسة , ايه رأيك نجيبوا لزميلتك سلوى ؟

بجدددددددددد ! هههههه والله فكرة , بس قولي , هو طلق مراته لييييييييه ؟

ابدا يا ستي , ما ارتاحوش مع بعض , كل حياتهم مشاكل في مشااااااااكل

مممممم هو عنده ولاد ؟

عنده ولد وبنت لكن هيعيشوا مع مامتهم وهو متكفل بمصاريفهم

ايوة , لكن اكيد يعني حياتهم مع بعض انتهت ومافيش مساعي للصلح ؟

هههههه صلح ؟ ههههههه يا بنتي دول كانوا مبهدلين بعض واخر مرة كانوا هيروحوا القسم لولا تدخل الاهل وقالوا خلاص يتفارقوا بالمعروف احسن

هههههههه اوعى يكون ابن خالة مامتك ده عصبي وعشان كدة مراته اتخنقت منه وحصل الطلاق ؟

لالالالالا هو طيب وعصبيته زي عصبية أي راجل , المعدل المعقول للعصبية يعني , زيي كدة ههههههههه

ههههههههه لالالالالالالا اوعى يا حبيبي , ما احبكش وانت عصبي

ههههههههه انتِ وشطارتك يا زوجتي العزيزة , وريني ازي هتمتصي غضبي في اصعب الاوقات

طيب خلينا في ابن خالة مامتك ده , هو عنده كام سنة ؟

عنده اربعين سنة , اظن انه مناسب

اعتقد مناسب جدا , وظروفه كمان مناسبة , هقول لسلوى واحددله معاد عشان يروح يشوفها ويتقدملها

مممممم طب بقولك ايه , ماتخليه يشوفها في الشغل احسن ؟

والله فكرة هههههه خلاص , هتصل بيها وخليه يجي الشغل بكرة

ههههه ماشي

********************

عروسة ليا انا ؟ ومين جايبها يا ناجي ؟

خطيبتي ندى , اصلها زميلتها في الشغل

ممممم ودي مواصفاتها ايه ؟

ندى بتقول انها من عيلة كويسة ووالدها مدير ادارة على المعاش وكمان حلوة اوووووووووي هههه وعندها حوالي 32 وشوية او يمكن 33 , مش عارف بالظبط

ايييييييييييييه ! ولما هي حلوة اوي يا خويا , ايه اللي مقعدها لما وصلت للسن ددددددددده !

ههههههه يا اخي ما حدش مالي عينها ولا عاجيبها , رفضت كل اللي اتقدمولها , واثقة من نفسها ومن جمالها هههههه

ممممم هنشوف , على العموم هروح بكرة في المعاد واشوف ست الحسن , بس يارب ما تطلع زي لبنى لسانها طويل والواحد كان يقولها كلمة ترد بعشررررررررة , دي كرهتني في صنف الحريييييييم

هههههههه لا , ان شاء الله هتعجبك يا كارم

اديني رايح بكرة والمية تكدب الغطاس يا سيدي

****************************************************

هههههه استعدي يا سلوى , العريس زمانه جاي يشوفك

والله يا ندى انا متلخبطة خالص , متهيألي كان احسن يجي البيت

لالالالا انا شايفة ان هنا احسن , وبعدين ما تخافيش , احنا موجودين معاكِ انا وايمان في المكتب

الموقف عادي يا سلوى , ما تتوتريش كدة , يارب بس يا ست ندى يطلع عريس كويسسسسسس

هههههه يا بنتي عيييييب , انا اللي جايبااااااااااااه

هههههه ماهو ده اللي مخوفني هههههههههههههههه

*******************************************************

السلام عليكم

اهلا اهلا اهلا يا استاذ كارم ههههه

هههه ازيك يا انسة ندى

الحمدلله بخير , اعرفك على زميلاتي , دي مدام ايمان زميلتنا

ههه تشرفنا مدام ايمان

اهلا وسهلا يا فندم

ودي سلوى العروسة ههه

والله ! هههه اهلا انسة سلوى , حقيقي زي ما وصفوكي واجمل

هااااااااا

هههه فرصة سعيدة

اشكرك

انا كارم ابراهيم , مدير علاقات عامة بأحد شركات البترول

اهلا وسهلا

طيب ده لقاء عابر وطبعا هاجي البيت عشان اتعرف على الأسرة , ولا عندك مانع يا انسة سلوى ؟

لا ابدا , مافيش مانع يا استاذ كارم

ههه اتفقنا , اكتبيلي رقم التليفون والعنوان عشان اتصل بالوالد واحدد معاه معاد

ممممم حاضر , لحظة واحدة ………………………………………….. اتفضل العنوان والتليفون , بابا اسمه الاستاذ لطفي

هههه ان شاء الله هتصل واحدد معاك , السلام عليكم

وعليكم السلام

هههههههه ها يا سلوى , ايه رأيك في الاستاذ كاااااااارم

ههه لطيف يا ندى

هههههه طيب يبقى بشرة خير ههههههههه شكلنا هنفرح بسلوى قريب يا ايمان

يارب يا ندى يااااااااااااااارب , ان شاء الله قريب جوزك ده يطلع كويس وابن حلال والموضوع يتم على خير يااااااااااارب
**********

يعني هو اتصل بيك يا لطفي وقالك عايز يخطب سلوى ؟

لا يا هدى , قالي عايز اجي اتعرف عليك وعلى العيلة الكريمة

العيلة الكريمة اللي هي احنا يعني ؟

اومال يعني عيلة الجيران !

طيب وايه رأيك فيه يا لطفي

لا اله الا ااااااااااااالله , انا ما سمعتش غير صووووووووووووووته

يعني هو صوته شوية يا لطفي ! الواحد برضو بيبان من صوته

اووووووووووووووف , باين على صوته انه ابن ناس وبار بأمه وبيغسل رجليه قبل ما يناااااام

يا خويا بطل تريئة عليااااااااااا , خد وادي معايا في الكلام يا لطفييييييييي , انت عارف بنتك ودماغها الناشفففففففففة , خايفة العريس ده كمان تطلع فيه القطط الفاطسة وتفضل قاعدة في ارابيزنا طول العمررررررررر

هي ونصيبها يا هدددددددددددى , انا نازل اقعد على القهوة شووووووووووووية الواحد اتخنق

الله يهديكِ يا سلوى يا بنتي ويجعل العريس ده من قسمتك ومن نصيبببببببببببك , سلوووووووووووووووووووووى

نعم يا ماماااااااااااا

تعالي يا حبيبتي اقولك حاجة

نعم يا ماما , انا جيت اهو

هو العريس ده صاحبتك قالتلك عنه ايه ؟

بتقول انه كويس وابن ناس ومحترم

امه عايشة ؟

مممممممم مش عارفة والله يا ماما , اصل ماجاش في بالي اسأل سؤال زي ده

وانتِ لما شوفتيه ارتحتي يعني

ههههه يا ماما انتي سألتيني السؤال ده خمستلاف مررررررررررررة

ما انا خايفة منك بصرااااااااااااحة

لا يا ماما , اطمني , لو بابا وافق عليه انا كمان مش همانع

ههههه والله صحيح ؟

ان شاء الله يا ماما

ههههههه الله يطمن قلبك يا بنتي , وافرح بيكِ قريب واشوفك في بيت عدلك زي اخوااااااااتك , طيب عن اذنك , هدخل لام عصام اسألها عن هاني , سمعت باب الشقة بيتقفل من شوية , اكيد جت من المستشفى

طيب يا ماما , سلميلي عليها كتير

الله يسلمك يا سلوى

**************************************

اهلا وسهلا يا هدى , انستي وشرفتي

الله يخليكِ يا امينة , يعني هاني دلوقتي احسن ؟

الحمدلله والله , احنا كنا فين يا هدددددددى , ربنا كريم اوي , دلوقتي بيتكلم وبيضحك زي عوايده , الحمدلله

اومال هيخرج امتى

قريب ان شاء الله , ازيك وازي البنات واجوازهم واولادهم وازي الاستاذ لطفي

كلنا كويسين , لطفي راح لهاني , بس انتِ ما كنتيش هناك

ايوة , هاني قالي , جزاه الله خيرا على الزيارة

اسكتيييييييييي , هفرررررررررررحك , مش سلوى بنتي جالها عريس تبع زميلتها في الشغل وهتوافق عليه المرة دي هههههههههه

ماشاء الله , اهم حاجة يكون كويس ومتدين عشان يصون البنت ويكرمها وما يهينهاش

يختي يهينها ولا تهينه ولا ياكلوا بعض حتى , المهم تتجوززززززززز , انا تعبت والله تعبت من قعدتها جنبيييييييييي

لا حول ولا قوة الا بالله , يعني عشان تجوزيها يا هدى يبقى ترميها لاي راجل والسلام !!!!!!! دا اسمه كلام برضو !!!!!!!!

اعمل ايه بس يا امينة , نفسي افرح بيها قبل ما امووووووووووت , كل ما افكر اني هموت واسيبها من غير بيت وراجل يراعيها , عقلي بيشت منيييييييي

يا حبيبتي ما تفكريش بالطريقة دي , طيب ما هو ممكن يا ستي تسيبيها مع راجل يبهدلها ويهينها وكل يوم يبقوا في مشاكل وفي الآخر لا قدر الله ينتهي الأمر بالطلاق

والله يا امينة انا ما عايزة كدة , انا عايزة اللي يهنيها ويسعدها والله , انا عايزاها متعززة في بيت جوزها زي ماهي طول عمرها متعززة في بيت ابوها

يبقى اطلبي من ربنا يكرمها بالزوج الصالح

يعني هو ما كانش فيه صالحين في طوابير العرسان اللي اتقدمتلها قبل كدة !

يا هدى كل واحد بياخد نصيبه , المهم ما نتسرعش في الأمور دي , ده جواز مش لعبة , اشربي القهوة بتاعتك

تسلم ايدك يا حبيبتي , بالله عليكِ تدعيلها ان العريس ده يكون من حظها ومن نصيبها

لا , انا هدعيلها بالزوج الصالح , سواء كان ده أو غيره

**************************************************************

يلا يا ولاد على الفصصصصصصل يلا يا حلوين , الله ! البنت اللي اسمها رحمة هههههه يختي عليها بموت فيها , ياريتها كانت عندي في الفصل , اما اشدها وهي ماشية من قدام فصلي كدة اديها بوسسسسسسسسة

انتي يا حلوووووووووووووة تعالي يا جمييييييييلة هههههه صباح الخير يا رحمة امووووووووه

ههههه صباح النور يا مس منى

تعرفي يا رحمة , انا بحبك خالص وبتفائل بيكِ لما بشوفك الصبح ههههه

هههه شكرا يا مس وانا بحبك خالص , عن اذنك بقى عشان مس ميرفت جاية هناك اهيه ولو لقيتني برا الفصل هتزعقققققققق بااااااااااااااي

ههههههههه باي يا حلوة , صباح الخير يا ميرفت

صباح النور يا منى , كنتِ واقفة مع البت اللي اسمها رحمة ليه ؟ عملتلك حاجة ؟ قوليلي وانا ادخل اقطعها حتتتتتتتتتت

هههه يا شيخة حرام عليكِ , تقطعي القمرة الجميلة دي ! يا الله , اموووووورة امورة , حتة سكررررررررر عاملة زي الاجانب بالظبط ههههههه تفتكري انها مصرية ولا يكون اهلها انجليز ؟

وانا مالي انا اهلها انجليز ولا هكسوووووووووس , انا ما بقبلهااااااااااااش

ليه بس كدة يا مرفت ؟؟؟؟؟؟؟؟؟؟

اول يوم دراسة يا اختي , احمد جوزي عدا عليا بالعربية عشان يروحني , والبت دي خرجت من المدرسة هي والواد ياسر وراحوا يركبوا الباص , احمد جوزي اول ما شافها تنح ومش راضي يتحرك خطوة بالعربية , قولتله احممممممد ايييييه صح النوم مااااااااالك ؟ قالي , يا الله ! شايفة البنت الجميلة دي يا مرفتتتتتتتتت , ايه العيال دي , معمولين من ايه يا مرفت ! ما تتوحمي عليها بدل القرود اللي انتِ مخلفاهوملي

استغفر الله العظيم , حد يقول على ولاده كدة !

شوفتي بقى يا منى ان من حقي اكرها وما اطيقهاش !

ههههه يا حبيبتي طيب البنت ذنبها ايه !!!!!!!!

ذنبها انها حلوة بزياااااااااااااادة بزيادة اووووووووووووي , زيادة عن اللزززززززززززوم حاجة تفلقققققققققق , عن اذنكككككككككككك

هههه اتفضلي يا حبيبتي , بس رحمة دي شربااااااااااااااات هههههه والله انا اللي عايزة اتوحم عليها يمكن اجيب بنت في ربع جمالها حتى , يا خلاسي ع الطعاااااااامة هههههههههه

************************

هاتي الاستيكة بتاعتي يا مي

خدي يا رحمة

بس يا بنت يللي اسمك رحممممممممممممممممة

انا باخد الاستيكة بتاعتي من مي يا مس

اوووووووووووف خلاص , اخرسي واسكتي هنبدأ الدرسسسسسسسسسس

حاااااااااااااضر , اما اشاور لياسر بالكراسة واعمله باي باي , ياسييررررررر هشششششش باي بااااااي

ههههه باي باي يا رحمة

…….

بس يا ولددددددددددددددددد بس يا بنت , الدرس بتاعنا النهاردة بنتكلم عن شجاعة لاعبين الكرة وسحقهم الفرق المنافسة في الملااااااااااااااعب

شجاعة مين يا ولالالالالالالالالالالالالالالااد ؟

لاعبين الكرررررررررررررررررررررة

في سحقهم لمييييييييييييين ؟؟؟؟؟؟؟؟؟؟؟؟

للفرق المناسفة

اسمها الفرق المناااااااااااافسة , ركزوا معايا شوييييييييييييية , هكتب الدرس وإياك حمار فيكو ينقله غلطططططططططط

حمار ! هي المس بتشتم ليه يا مي !

مش عارفة يا رحمة , هي بتشتمنا على طول , يارب وديها النار يااااااااااااارب

يارب يا مي , ربنا يوديها النار عشان هي بتشتمنا , أنا هقول لماما عليها

وانا كمان هقول لماما , عشان تيجي تقولها الشتيمة عيب , اللي بيشتم الملايكة بتزعل منه وربنا بيوديه النار عشان لسانه قليل الادب , ماما قالتلي كدة لما شتمت هيثم اخويا

يلا , هقرا الجملة وتقروها ورايااااااااااااا

انتصر لاعبونا البواسل على الأعداء في الملعب نصرا مؤزرا يلا قولوااااااااااااااااااا

انتصر لابعونا السواسل على الاعداء نصرا مزرزراااااااااااااااااااااااا

ايه الارف اللي انتو بتقولوله ده يا فشششششششششششششششلة , انتو عمركوا ما هتفلحوا اصلااااااااااااااااا , مالكو انتو ومال التعليم يا جججججججججججججججججججججججججججججهلة , حد يعرف مفرد بواسل يعني ايه ؟؟؟؟؟؟؟؟؟؟؟

ايوة يا ابلة انااااااااااااااااا

قولي يا ست رحمة

مفرد بواسل يبقى بسلة

بسسسسسسسسسسسسسسسسسسسسسسلة ! البسلة دي يا حبيبتي اللي ماما عملاهالك ع الغدااااااااااااااا , ماشي يا بتاعة البسلة , انا هسميكي بعد كدة رحمة بتاعة البسلة ههههههههههههههه ال مفرد بواسل بسلة ال هههههههههههههههههههههههه

ههههههههههههههههههههههههههههههههههههههههههههههه يا بتاعة البسلة

رحمة بتاعة البسلة هههههههههههههه المس بتقول على رحمة بتاعة البسلة

يا بتاعة البسلة ههههههههههههههههههههههههه

اهئ اهئ اهئئئئئئئئئئئئئئئئئئئئئئئئئئئئئ والله لاقول لماما عليكو وعلى المس هاااااااا اهئ اهئئئئئئئئئئئئئئئئئئئئئئئ

بس ما تقولوش على رحمة كدددددددددددددة , ما تزعليش يا رحمة , قولي لطنط اشجان على المس

اهئ اهئ انا هقولها يا ياسر , روح اضرب الواد مروان ده عشان بيقول علية بتاعة البسلة

هضربه في الفسحة , انا هقطعه يا رحمممممممممممممممة

هههههه شكرا يا ياسر

—————————————————–

ونكمل في الحلقة الثامنة متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة الثامنة (الجزء الثالث)

بقلم الكاتبة: هبة نور

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى