بطاطس مقلية بالتتبيلة المصرية

المكونات

3 حبه بطاطس
1 معلقه كبيره ثوم مفروم
1 قرن فلفل حامى مقطع قطع صغيره
1 فلفل رومى مقطع قطع صغيره
1 حبه طماطم مقطعه مكعبات
1 بصله مفرومه
1 ربطه كزبره خضرا مفرومه
ربع فنجان خل ابيض
1 معلقه كبيره كمون
1 معلقه صغيره شطه بودره
1 معلقه كبيره كزبره ناشفه
عصير 2 ليمونه
ملح وفلفل اسود

الطريقة
هنجيب البطاطس ونقشرها ونغسلها كويس ونقطعها مكعبات وبعدين نقليها فى الزيت لحد ماتاخد اللون الدهبى الجميل بعد كده هحطها على ورق زبده او ورق مطبخ لحد متصفى الزيت اللى فيها وبعدين هحط عليها البصل المفروم والفلفل الرومى والكزبره الخضرا والطماطم والفلفل الحامى والخل وعصير الليمون وكل التوابل اللى قلت عليها وهقلبها كويس اوى وبعدين هقدمها مع عيش بلدى بتكون هايله لو سندوتشات فى العيش البلدى