ترفيهمسلسل عشق بلا قيود

مسلسل عشق بلا قيود الحلقة الثالثة والرابعة عشر

الحلقة 13


وصلت لوجين النادى وقعدت تدور بعنيها ع ريان وملقتهوش قررت تتصل بيه
…….
فى النادى
ريان كل شوية يبص ف الموبايل
بسمة : انت مستنى حد ؟؟!
ريان : اه مستنى حد
بسمة : اها انا اسفة انى عطلتك
ريان : لا مفيش اسف عادى جدا … حتى المفروض اشكرك ع العصير
بسمة : لا مفيش شكر بنا صح ولا ايه
ريان بهزار : I think so
ريان موبايله بيرن فيرد بسرعة جدا وهو ملهوف
ريان : الوو لوجين
لوجين : انا وصلت النادى انت مشيت ولا ايه ؟
ريان وهو بيدور عليها بعينة : لا انا قاعد فالكافتيريا
بسمة : اوك دقتين وتلاقينى ادامك
وخلصت المكالمة
ريان : انا اسف مضطر امشى بقا
بسمة : ليه لسه بدرى
ريان وهو قايم وبياخد الموبايل من ع التربيزة : معلش بقا مرة تانية
لحقتة بسمة قبل ما يمشى ومسكت ايدة
ريان بصلها بأستغراب وهو بيبعد ايدة بس كانت ماسكها جامد
بسمة بتوسل : عشان خاطرى خليك شوية
ريان بأرتباك : م … ممعلش لازم امشى عشان هقابل ناس
بسمة بدلع : بليييييززززز
وهنا وصلت لوجين وبتدور بعنيها وشافتة واقف مع بسمة وهى ماسكة ايدة لوجين حست انها مخنوقة شوية وراحت عندهم ومشيت ببطئ لحد ماوصلت
لوجين : رياان
ريان بحلق اول ماشافها وبسرعة شد ايدة وسلم ع لوجين
لوجين : انا كويسة
وبصت لبسمة بضيق : مش تعرفنا
ريان : ااه اه بسمة دى لوجين صديقتى … لوجين دى بسمة
لوجين بأقتضاب : اهلا وسهلا
بسمة : اه اه اهلا .. سلام بقا يا رينو
وباستة من خدة ومشيت
ريان مش مستوعب اللى بيحصل ومبقاش عارف يتكلم يقول ايه
ريان : اتفضلى اقعدى
لوجين بعد ما قعدت : عامل ايه ؟
ريان : تمام الحمدلله
لوجين بضيق : لو اعرف ان معاك حببتك مكنتش جيت ادايقكم
ريان بانفعال : لا لا لا دى مش حببتى دى كانت مريضة عندى بس مش اكتر واقابلنا صدفة وحبت تعزمنى ع عصير بس
لوجين : وهم المرضى بتوعك بيبوسوك عادى كدة
ريان ابتسم : لا والله بس اول مرة اتحط فى الموقف دة او تانى مرة الصراحة
لوجين قلبتها بهزار : كمان تانى مرة ايه الحكاية يا رينو ها ها ها
ريان بضحك : ههههه والله ولا ف حكاية ولا رواية ربنا يهديهم
……….
اسما بتتصل بامير وهى مش مصدقة
اسما : امير انت فين ؟
امير : بتسالى ليه
اسما : ياعم انجز بابا بيسال عليك
امير : وايه الجديد يعنى ماعلى طول بيسال عليه
اسما بفرحة : لا المرادى عشان اسلام جاى يتقدملى انهاااردة
امير : والله مبروك يا حببتى
اسما : هيييح الله يبارك فيك هاتيجى صح
امير : طبعا يابت بس لو بابا اتصل قوليله موبايله فصل شحن
اسما : اشطة
………
فى شقة امير
امير : حببتى انت فين ؟
شيماء وهى خارجة من الحمام وباين عليها التعب : ايه ياحبيبى انا اهو
امير : مالك ياحببتى
شيماء : مفيش يا امير بس حاسة بدوخة وبطنى وجعانى شوية
امير : تحبى نروح الدكتور
شيماء : لالا دة برد بسيط وهيروح لحاله يلا همشى انا بقا عشان الشركة
امير : مش هنخلص من ام الشركة دى بقا يا حببتى ثولتلك سيبى شركتةة جوز خالتك وتعالى اشتغلى معايا عشان ابقى مطمن عليكى
شيماء : متخافش يا ميرو انا مبسوطة بشغلى هناك يلا همشى انا باى
امير : باى
……..
فى الصيدليه
شيماء : لو سمحت يا دكتور عايزة اختبار حمل السريع
الدكتور : اتفضلى يابنتى وان شاء الله تكونى حامل
شيماء بضيق : السعر لو سمحت
الدكتور : ب…. جنية
شيماء : اتفضل … عن اذنك
………
سميحة : بص البدله دى هتبقى عليك احلى
اسلام بزعل : اى واحدة وخلاص يا تيتة
سميحة : يا واد انت مش فرحان ولا ايه
اسلام بانفعال : تيتة انت عارفة كويس اوى انى رايح اتقدملها عشان خاطرك انت لكن لو عشانى انا ولا همانى ف حاجة
سميحة : يابنى يابنى والله انت مش بتحب لوجين غير زى اختك بالظبط والى انا شايفاه فى عينك واللى ف قلبك هى اسما
اسلام : طيب يا تيتة خليكى انت بااللى شايفاه وحساه وادينى بقولك حاضر وماشى ولما نشوف اخرتها ايه
سميحة : اخرتها حلوة ان شاء الله
……….
امير دخل الفيلا
امير : ايه دة قلبتو الفيلا كدة ليه
اسما : بنضف يا ميرو
امير بخضة : بسم الله انت مين ؟!
اسما : انا اسما يااض
امير : اسما ؟! وايه الجلبية اللى انت لابساها دى وايه الطرحة اللى ع دماغك دى
اسما : الجلبية عشان بنضف والطرحة عشان شعرى مش يبوظ
امير بتريقة : وهو اللى بينضف بيحط وشة فى 7 كيلو تراب ههههههه مسخرة شكلك مسخرة
اسما : طب اطلع برة ياااض
…….
فى النادى
موبايل لوجين بيرن بتبص فى الموبايل لقت شيماء
لوجين فى نفسها : شيماء ؟؟! مش غريبة شوية عايزة منى ايه دى
لوجين : الوووو
شيماء بحذر : لوجين ارجوكى تعالى انا عايزاكى ضرورى
لوجين : ف ايه مالك ؟
شيماء بعياط : انا ف مصيبة يا لوجين فى مصيبة الحقينى والنبى انا مستنياكى
لوجين بخضة : مصيبة ايه كفلا الشر
شيماء : لما تيجى هتعرفى … بس امانة عليكى متقوليش لماما حاجة قوللها انى واحشتك وجاية تشوفيها
لوجين : حاضر حاضر انا جايلك
ريان باستفهام : فى حاجة ؟!
لوجين باستغراب : مش عارفة اظهار ف مشكله مع شيماء ومشكله كبيرة كمان اعمل ايه يا ريان ؟
ريان : روحلها يا لوجين دى برضو مهما كانت بنت خالتك ومهما كان الكرهة اللى بينكو لازم تقفى معاها
لوجين : صححح انا هروحلها
ريان : تحبى اوصلك
لوجين : لا لا انا عروح لوحدى … عن اذنك
ريان : سلاام …. هيييييح عندها طيبة وحسن نية مش عند حد
……….
وصلت لوجين لبيت خالتها وسلمت عليها ودخلت اوضة شيماء
شيماء اول ماشفتها قفلت الباب وحضنتها بعياط
لوجين : اهدى مالك فيكى ايه
شيماء : وطى صوتك بليززز
لوجين بهمس : حاضر حاضر بس مالك اتخانقتى مع امير
شيماء بعياط : ياااريت
لوجين : امال ايه حد عرف انك عارفة امير
شيماء : لاااااا
لوجين : امال فى ايه يابنتى ؟
شيماء : انا حامل
لطمت لوجين ع بوقها من سماع الكلمة الاخيرة
لوجين : ااييييه ؟ حححاااامل
شيماء : امانة عليكى وطى صوتك
لوجين بدموع : من ميين الحمل دة من مين يا شيماء
شيماء : من امييير
لوجين غمضت عنيها لما سمعت اسمة وقامت وقفت وضربت ايديها بالحطية
شيماء : لوووجين قوليلى اعمل ايه
لوجين مسكت دماغها وحست بدوخة ووقعت ع السرير
لوجين بألم : ااااه اااه دماغى
شيماء بخضة ودموع : ماااللك ؟
لوجين تمساكت : انت اتجننتى
شيماء : فعلا اتجننت
لوجين بزعيق : انت … انت عايزة مننا ايه ها قولى عاايزة مننا ايه انت مجنونة ومش طبيعية
شيماء : ابوس ايدك وطى صوتك
لوجين بدموع كتير : هو دة اللى همك ها هو دة اللى انت عايزة اوطى صوتى ؟! ااميييير طب ليه
شيماء : انا مش جيباكى عشان تفضحينى
لوجين مسكت دماغها جامد ووقعت ع الارض
شيماء بصويت عالى : لووووووووججججييييين
دخلت مامتها ع الصوت دة ولقتها وقاقعة ع الارض
صباح : يانهاار اسود ايه اللى حصل ؟!
شيماء : معرفش ياماما اغمى عليها
صباح : لا لا دى شكلها مش مغمى عليها احنا لازم نوديها المستشفى حالا
……….
خلصت اسما والدادة تنضيف الفيلا وجهزت الفستان اللى هتحضر بية المقابله وجهزت بدله باباها وامير ومسكت فونها وبتتصل بلوجين كذا مرة بس مبترودش
اسما : ربنا يستر اكيد مش سامعاه
……..
فى المستشفى
شيماء : خير يا دكتور مالها لوجين
الدكتور : جالها انهيار عصبى مع صدمة عصبية انا اول مرة اشوف حاله بالشكل دة
شيماء حاطة ايديها ع بوقها ومبرقة
صباح : يعنى هى عامله ايه دلوقتى
الدكتور : انا ادتها حقنة مهدئة ولما تفوق نشوف الحل … عن اذنكم
صباح وموجهة كلامها لشيماء : انت يابت ايه اللى حصل وانتو جوة
شيماء بخوف : معرفش ياماما معرفش
صباح : امال هيجيلها صدمة عصبية كدة لوحدها
شيماء : وانا مالى ياماما هى لحقت سلمت عليه لما اغمى عليها
صباح : لالا اكيد فى حاجة كبيرة انا لازم اتصل بخالتك اقولها وربنا يستر
صباح ماسكة موبايل لوجين ومن لغبطتها اتصلت باخر اسم تم الاتصال بة وهو رياان
……….
فى العيادة
ريان خلص المحادثة مع المريضة
ريان : انت مفيكيش حاجة صدقينى انت بس محتاجة تحسى بالامان وتلاقى حد يحتويكى بس للاسف مفيش حد بيحب دلوقتى زى الاول انا مش بحبطتك والله هو اكيد فى بس 10% والباقى بيتسلى
المريضة : والعمل يا دكتور
ريان بابتسامة : قربى من ربنا هو الوحيد اللى عندة الحل
المريضة : ونعم بالله يا دكتور … انا متشكرة اوى بجد بستريح لما بتكلم مع حضرتك
ريان بابتسامة : اشكرى ربنا متشكريش انسان مع السلامة واشوفك الاسبوع الجاى ان شاء الله
المريضة : ان شاء الله
وخرجت المريضة وقعد ريان ع المكتب وفجأة جاله احساس بالخوف وحاجة قالتله اتصل اطمن ع لوجين مسك موبايله بسرعة ولسه هيتصل لقى رقمها بيرنله فتح بسرعة ورد بلهفة بس قاطعتة صباح
صباح : سوزان الحقى لوجين جالها انهيار عصبى وصدمة عصبية واحنا فى المستشفى تعالى بسرعة مستشفى ………..
ريان اتصدم من المكالمة وقفل المكالمة وجرى بالعربية يسال ع المستشفى زى المجنون لغاية ماوصل لهناك وجرى بسرعة وبيسال عليها المساعدة وعرف رقم اوضتها بس منعوة من الدخول
وقف قدام زجاج الاوضة وباصص منها وعنية كلها دمووع وبيخبط دماغة فى الازاز

الحلقة 14
شيماء : رياان انت عرفت منين اللى حصل
ريان بدموع : شيمااء ارجوكى قوليلى حصلها ايه
شيماء بكذب : اغمى عليها فجاة لوحدها والدكاترة بيقولوا جالها انهيار وصدمة عصبية
ريان بانفعال : ليه ارجوكى قوليلى هى كانت معاكى قولتلها ايه اكيد انت اللى عملتى فيها كدة
صباح باستغراب : عملت فيها ايه ياباشمهندس ها ؟
شيماء خاافت
ريان مسح دموعة : ولا حاجة يا طنط حضرتك مين ؟
صباح : انا والدة شيماء وخالة لوجين
ريان : تشرفت بحضرتك
صباح : شكرا …. انت مين ؟
ريان : انا زميلها المقرب عرفت اللى حصلها جيت اشوفها
صباح منتبهتش لكلمة لما عرفت اللى حصل
ف الوقت دة عامر بداء يزن ويتصل كل شوية بشيماء وشيماء بداءت تكنسل كل مايتصل لغاية مازهقت قفلت الموبايل خالص
صباح : مش عارفة اتاخرو كدة ليه انا هتصل بيهم استعجلهم شوية
صباح اتصلت بسوزان المرادى بجد
صباح : كل دة ومجتيش
سوزان : اجى فين ؟
صباح : يابنتى انت مجنونة انا اتصلت بيكى وقولتلك لوجين فى المستشفى وتعبانة جدا
سوزان وهى قايمة من مكتبها : اييه بنتىىىى انتو فى مستشفى ايه
صباح باستغراب : مستشفى …..
………..

الساعة بقت 7 بليل واسما وامير ووالدهم مستعدين للمقابله واخيرا وصلوا وبعد الترحيب والكلام اللى انتو عارفينة دة بداءو يتكلموا ف الموضوع والتشكيلات
وبعد دقايق قروا الفاتحة واتفقوا يشتروا الشبكة اول الاسبوع الجاى
اسما كانت فرحانة جدا بس اسلام مكنش مبسوط خالص وعمل كل دة عشان يرضى ستة
………
وصلو الجميع للمستشفى بعد ان عرف ادهم من سوزان وعرف امير بالموضوع وكلهم راحوا والدكتور سمحلهم بالدخول بس ممنوع الكلام الكتير
دخلوا كلهم مرة واحدة واطمنو عليها وريان كان واقف بعيييد اوى اخر واحد واقف باصص عليها وحزين ع حالها
لوجين مبتتكلمش خالص كل اللى بتعمله بتبص لامير وشيماء بوحشية وتبعد نظراها عنهم
حس امير بنظراتها فطلب الاستئذان ومشى كمان شيماء طلبت من والدتها تروح وبالفعل روحت شيماء بس مش لوحدها خالتها كمان كانت معاها ادهم سابهم وراح يتكلم مع الدكتور عن تفاصيل المرض كدة مفيش غير ريان وسوزان بس اللى ف الاوضة
سوزان : انت مين يابنى
ريان وهو باصص ع لوجين بحزن : انا زميل لوجين جيت اطمن عليها
سوزان بابتسامة : ربنا يخليك وشكرا ع اهتمامك ليها
ريان : الشكرلله يا فندم
كل دة ولوجين سامعة الحوار اللى دار بينهم ومبتتكلمش خالص
سوزان : مش هتقولى مالك بقا ؟
لوجين بصت لوالدتها وهزت دماغها بلاء
ريان : سبيها حضرتك هى هتبقى تمام فجاة افتكرت اللى حصل وبداءت تبكى اتخض ريان عليها وقام من مكانة وجرى قعد جمبها ع السرير ومسك ايديها بيطمنها
ريان : اهدى اهدى يا لوجين انت مفكيش حاجة نهائى انت بخير سمعانى انت كويسة جدا غمضى عينك .. ايوووة كدة متفكريش فأى حاجة حاجة خالص نامى وغطاها وكان عابز يقوم بس هى فضلت ماسكة ايدة ريان حاول ميبينش لوالدتها وقعد جمبها
سوزان شايفة اللى بيحصل وابتسمت
سوزان فى نفسها : اكيد مش زميلها اكيظ حاجة اكبر منك كدة مش معقول هيعرف يسكتها كدة دة الدكتور مكنش مسيطر عليها
دخل ادهم ساله ريان : الدكتور قال ايه ؟
ادهم : الحمدلله حالتها مبقتش خطر والدكتور طمنى وسمحلنا نخدها البيت بشرط متتعرضش لاى صدمات خلال الاسبوع دة
سوزان وريان : الحمدلله
ريان : بس انا بفضل تبقى موجودة فى المستشفى ع الاقل لبكرة
ادهم : مش هقدر اشوفها كدة لازم اخدها معايا
سوزان : احنا متشكرين اوى يا ريان انت وقفت جمبنا انهاردة كتير
ريان : لا شكر ع واجب
بعد 10 دقايق كانت جهزت وركبوا العربية وصمم ريان هو اللى يسوق ويوصلهم وبعد دقايق قليله وصلوا للفيلا واضطر ريان يمشى لان والدة والدتة عمالين يتصلوا بية وهو مش عارف يرود عليهم
……..
بليل ف اوضة اسما حاولت تتصل تانى بلوجين بس المرادى لقت الموبايل فصل خالص
اسما : وبعدين بقا تؤتؤ خلاص انا هروحلها بكرة وان شاء الله خير
ونامت اسما وهى مبسووووطةةة خالص
……….
فى شقة اسلام
نايم ع السرير وعمال يفكر فى اللى حصل وازاى بسرعة كدة اتقرت فتحتهم وقريب هتبقى خطبتة بس ف نفس الوقت حس بفرحة بسيطة وابتسم ونام
……….
وصل ريان البيت وهو تعباان جدا وقلع قميصة ورامه ع السرير ومسك موبايله واتصل بأهله
Khaled : Aloo Ryan
الو ريان
Ryan : Aloo Dad …. How are you ?
الو بابا … كيف حالك ؟
Khaled : Im fine …. what do you do ?
انا بخير … ماذا تفعل
Ryan : Nothing
لا شئ
Khaled : we have tried to contact you several times , but did not answer
لقد حاولنا بك الاتصال عدة مرات ولكن لم تجيب
Ryan : Oh really sorry
اوة حقا معذرا
Khaled : Ok , you should come to England as soon as possible
يجب عليك ان تأتى الى انجلترا فى اسرع وقت ممكن
Ryan : So why ?
ذلك لماذا ؟
Khalid : When Tani us will learn of everything
عندما تأتى سوف تعلم بكل شى
Ryan : Do nothing happened
هل حدث شيئا
Khalid : There is no such thing happened … will contact you at some time later
لا لم يحدث شيئا … سوف اتصل بك فى وقتا لاحقا
Ryan : ok
اوك
………
دخلت لوجين اوضتها وسابتها سوزان تنام وتستريك ولكن لوجين معرفتش تنام وقامت شالت الستارة ولقت وراها صورة امير بصتلها بحزن وبداء تشيل الصورة من ع الحيطة لغاية ماشالتها كلها بالرغم من ان الصورة كانت كبيرة جدا وواخدة مساحة من الحيطة كبيرة الا انها مردتش تيبها غير لمل تشلها وفتحت الدرج وطلعت منها كل الصور القديمة والجديدة الثانوى والجامعة والابتدائى وجمعتهم كلهم وحطتهم فى حوض صغير المونيا شبة الطبق بس ع اكبر وبصتلهم بحزن وبكت شوية وقالت فى نفسها
لوجين : خلاص امير معدش هفكر فية تانى انا بكرهك يا امير بكرهك بكرهك ومسكت الصورة الكبيرة وقطعتها بشراسة وضيق وقالت
لوجين : هنساك يا امير هنساك وهبداء حياتى من جديد عارف انا كان عندى امل ولو بسيط انك ترجعلى وتقولى بحبك زى ماانا بحبك بالظبط لغاية الصبح بس ومن بعد اللى عرفتة مبقاش عندى امل حتى ولو انت جيت فعلا وقولتلى بحبك انا مش هوافق بيك ابداا
وجابت جاز ودلقتوا ع الصور وولعت فيهم لدرجة ريحة النار وصلت لاهلها برة اتخضوا واول حاجة فكروا فيها هى لوجين دخلوا بسرعة لقوها بتحرق صورر كتيرة اوووى وعنيها حمرا والدموع محبوسة فى عينيها اتخض ادهم وجرى ع بنتة وحضنها اما سوزان قالت بزعيق
سوزان : يخربيتك انت بتحرقى ايه ؟!
لكن من حسن حظها مشفتش الصور ومين اللى فيها من النار
واخيرا اتكلمت لوجين واكنها طلعت كل اللى جواها فى الصور وارتاحت
لوجين : انا اللى بحرقهم سبيهم
سوزان : ليه كدة وصور ايه دة
لوجين : ورق قديم ومش محتاجاه قولت اتخلص منهم
ادهم بخوف : انت تغبانة دلوقتى يا حببتى روحى لرتاحى وبكرة اعملى اللى انت عايزاه
لوجين : معلش يابابا مكنتش هعرف انام غير لما احرقهم
تانى يوم
ابطالنا كلهم صحيو
عند ريان
صحى من النوم اصدى قام من ع السرير هو منمش اصلا من التفكير وخوفة ع لوجين ودخل خد شاور ولبس واتصل بلوجين
لوجين بصوت ضعيف : الوو
ريان حس ان قلبه وقع لما سمع صوتها ضعيف : عامله ايه ؟
لوجين بصوت ضعيف : الحمدلله
ريان : مممممممم
صمت تام ومحدش بيتكلم لغاية ماقطع الصمت دة ريان
ريان : انت ف البيت ؟!
لوجين : اه
ريان بأرتباك : هو هو هو انا ممكن اجى
لوجين : اكيد طبعا دة بيتك
ريان : شكرا لو سمحت اقولى لادهم بيه انى جاى
لوجين : حاضر
………..
اسما صحيت من النوم وهى مبسوطة خدت شاور ومسكت فونها واتصلت باسلام
………
عند اسلام
سميحة : يابنى رود عليها دى ولا تالت مرة تتصل
اسلام : مش رادد
سميحة : حرام عليك يا اسلام البت بتحبك وفالزمن دة مش هتلاقى حد يحبك كدة
اسلام بحزن : حاضر هرود …. الوو
اسما بلهفة : اسلام خضتنى عليك مش بترود ليه
اسلام : معلش كنت نايم
اسما : يالهووى انا اسفة خلاص اقفل وكمل نوم
اسلام بأبتسامة : لا لا انا صحيت خلاص كنتى عايزة حاجة ؟!
اسما : كنت عايزة اسمع صوتك واطمن عليك
اسلام : والحمدلله اطمنتى
اسما : اه الحمدلله
اسلام : ماشى هقفل انا عايزة حاجة
اسما : لا شكرا … سلام
اسما ف نفسها : ياااه تقيييل اوى وانا بعشق والواد التقيل هييييييح
……….
امير : الو يا حببتى ف حاجة ولا اية ؟
شيماء : عايزة اقولك حاجة مهمة
امير : طب قولى
شيماء : لا مينفعش ف التليفون هقابلك انهاردة فى مطعم …… الساعة 3 تمام
امير بأستغراب : خلاص ماشى قربنا ع الميعاد
………
ريان وصل فيلا لوجين ودخل سلم عليهم واستأذن يدخل للوجين اوضتها ووصلته الدادة للاوضة
ريان بعد مادخل : لوجين
لوجين : ازيك يا ريان
ريان : تمام … هى شيماء قالتلك ايه لكل دة ؟
لوجين بصوت واطى : مش عارفة اقولك ايه ؟
ريان : قولى يا لوجين الموضوع شكله كبير
لوجين بدموع محبوسة : شيماء حامل من ….
ومعرفتش تنطق اسمه

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

 

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى