المرأةطفلك

الكحل ..هل هو نافع أم ضار للأطفال؟

الكحل ..هل هو نافع أم ضار للأطفال؟ 
الكحل ..هل هو نافع أم ضار للأطفال؟
السلام عليكم..
د.يوسف قضا


( الكحل ..هل هو نافع أم ضار..؟)
النهاردة كل الاطفال اللي داخلين العيادة شكلهم زي العسل..
معظمهم متكحلين …فيه أم قالت لي ..انهم في الشارع بيمسكوا أي طفل معدي في الشارع يكحلوه….
انا الصراحة مبسوط بشكلهم الجميل في الكحل..
قلت هاعمل بحث عن موضوع الكحل ده ..
و احاول اجيب اصله و فصله…
لأني تمنيت ان الاطفال كلهم يتكحلوا ..
رغم اعتراضي علي الكحل في الاطفال حديثي الولادة..
وده لأن الكحل أكيد موش أصلي ومغشوش بالرصاص ..

فيه كحل اسمه (الأثمد)..و ده ورد فيه حديث شريف ..هاذكره بعد شوية..
– أول ما استعمل الكحل هما قدماء المصريين ..وطبعا دا ظاهر علي وش الكهنة و الملوك و حتي طبعا عامة الشعب اللي كان حريص علي وضع الكحل في العيون ..عشان تبدوا واسعة و جميلة ..وكمان كان فيه اعتقاد انها بتكبر الرموش و بالتالي بتحمي العين من أشعة الشمس..
– في العصر البرونزي يعني اللي هو قبل 3500 سنة قبل الميلاد ..زاد ولع الناس بالكحل و خصوصا كحل الأثمد..
– و كحل الأثمد ..مستخلص من حجر بيجي من اصفهان و دول المغرب العربي..
– و بيعتبر من أنقي انواع الكحل..
– العرب حرصوا علي التكحل ..
– الرسول صلي الله عليه وسلم قال ” إنّ مِنْ خَيْرِ أَكْحَالِكُمُ الاِثْمِدَ إنّهُ يَجُلُو الْبَصَرَ وَيُنْبِتُ الشّعَرَ ” .. عن ابن عباس أيضاً قال رسول الله : ” اكتحلوا بالإثمد فإنه يجلو البصر وينبت الشعر ” [رواه الترمذي وحسنه وابن ماجة، وصححه ابن حيان].و طبعا موش اللي مغشوش بالرصاص..
-عشان كده الكحل انتشر في منطقة الشرق الاوسط و شمال أفريقيا .
– و فوايده كتير زي ما هي واضحة في الحديث الشريف:
1. له تأثير قاتل لبعض الانواع من البكتيريا و الطفيليات..وكمان البلهارسيا..
2. يحمي العين من الامراض..لانه بيحافظ علي انسياب الدموع بطريقة طبيعية..
3. يعمل علي ازالة الزوائد و الافرازت الغير مرغوب فيها..
4. يعمل علي انبات الرموش بسبب تأثيره علي الجلد و لذلك يؤدي الي اطالة الرموش..
5. يحمي العين من الاشعة الضارة..
6. يزيل اللحوم الزائدة في العين و الجفون.
و له فوائد تانية كتيرة..
و قدماء المصريين وضعوا الكحل للمولودين عشان يحميهم من الحسد ..وكمان عشان يرسم عيونهم و تظهر جميلة..
و ورث المصريين عادة تكحيل العيون يوم (سبت النور) و شارك المسلمون الاقباط في اعيادهم بالتكحل يوم سبت النور..
المشكلة الوحيدة دلوقتي :
هل كحل الأثمد ده موجود بدون غش ..؟؟ يعني موش مضاف ليه الرصاص..؟؟
لو موجود ..يبقي ياريت الكل يتكحل..لانه في الحديث الشريف فوايدة كتيرة..

   

مقالة مخصوصة عن التسمم بالرصاص..

2016-05-08_204554

 

2016-05-08_204540

2016-05-08_204644

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى