ترفيهمسلسل تالين

مسلسل تالين الحلقة 4و5و6 للكاتبة:سلمى الزهيري

الحلقة 4

توته بتفكير:نخليها بسبوسة يلا خلوني اساعدكم في الاكل ..
بروج:خلصنا حولي الاطباق للسفرة
توته:احم ريري يا حبيبتي انا بتوه في البيت ده
بسنت بضحك:بس السفرة قدام المطبخ والباقي هتعرفيه مع الوقت ..توته:طيب ربنا يستر وقامت بأخذ الاطباق الي السفرة والتفو حولها كان وسام لا يفكر الا في امنيته التي حبها و شاهد طفولتها
تناولو الطعام وجلسو في غرفة الجلوس يتحدثون
انوربقلق:اتأخر اوي ماتكلمه يا وسام
وسام:دلوقتي يجي متقلقش
بروج:في ايه يا بسنت ؟
بسنت:كنا طالبين كيك عشانكم
قاطعتها توته:لاكدا مش هينفع انا ممكن اخد علي كدا ..ضحكت بسنت و دق الباب معلن عن قدوم احدهم
توته بتسرع:خليكم انا هفتح
بروج بغضب:بنت اقعدي هنا عيب كدا
بسنت:سبيها يا ريري ده بيتها
توته بأسف:انا اسفة انا قصدي بس..
قاطعها انور:مش مهم تقصدي ايه روحي افتحي يلا
توفيق:دلعها ياخويا..وسام يتابع بصمت واعجاب
ذهبت لتفتح الباب وجدته واقف امامها اجل هو وكان يحمل علبة الحلوي ويرتدي بنطال جينز وعليه تيشرت اسود وبه بقع العصير الذي سكبته عليه بالصباح وكاب اسود ونظارته الشمسية كانت مصدومة لرؤيته بشدة قالت :ايه ده…انت
تفاجئ هو الاخر برؤيتها :انتي ..بتعملي ايه هنا!
توته بدهشة :انت ايه جابك هنا ونظرت للعلبة اه انت الدليفري من شكلك.. خلع نور نظارته لتري نظرة نارية من عيناه الرمادية ثم قام بدفعها ودخل المنزل …
وقال بغضب:وسعي من قدامي مش ناقصاكي
توته بصوت عالي:تعالا هنا يا افندي رايح فين هنا
نور بعصبية:بت انتي اقصري شري احسن لك
كان صوتهم كافي بأن يسمعهم الجميع وخرجو لهم
صاح نور :ايه ده يا امي انتو جيبتو شغالة عشان عزومة اليوم استنضفي مش كدا ..صعقت توته من كلامه وهمت بالرد ولكن كلمة امي الجمت لسانها ..
قال انور:ولد عيب كدا دي الضيفة ومش بس كدا ..
قال بأستهزاء:دي ضيفة دي بتتصرف علي انو بيتها
همت بسنت بالشرح ولكن قالت توته بأسف:انا اسفة كنت فاكراك الدليفري بتاع الكيك
نور بغضب:وبالنسبة للي حصل الصبح ..
توته بقلق:اسمع انت الي اتغبيت
وسام بتعجب:ثانية انتو تعرفو بعض!وايه حصل الصبح؟
ذهبت توته لتقف بجانب والدها فهو يعلم بما حدث
عن توفيق (مازال هناك حلقة مفقودة لم ينتبه لكلمة امي الذي قالها )
قال مستفهما:مين ده يا انور !
انور: ده نور ابني الكبير ..
سمعو صوت ارتطام بالارض وجدو توته في الارض هرع اليها وسام وجمعيهم الا هو ظل واقف مكانه حملها وسام لاقرب مقعد وقال لنور:هات ميه بسرعة ..نور وقد لمع في عقله الانتقام قال بخبث :حاضر
جلب الماء وقام بسكبه عليها دفعة واحدة فأفقت بسرعة
بروج بقلق:بنتي حبيبتي مالك ايه حصل؟!
توفيق بحيرة:مالك بس يا توته! …نظر وسام بضيق لأخيه واقترب منه قال:ايه الي هببته ده؟
نور بغضب:شايف الي في التيشرت بسببها
انور:سلامتك يا توته
بسنت:ايه حصل يا حبيبتي ما كنتي كويسة !
توته بتعب:مش عارفة انا فاجئة دخت
وسام بأهتمام:طيب نوديكي للدكتور
نور بسخرية : ياحنين
وسام بغضب :احترم نفسك شوية يا باشمهندس
توته بعد ان فاقت:احنا لازم نمشي
نور:والله عندك زوق
توفيق بعدم رضا:فعلا لازم نمشي
انوربغضب: اخرس يانورسامع اتفضل علي اوضتك
نور بغضب:انا مش عيل عشان اروح اوضتي
انور : تصرفاتك بتقول انك عيل اتفضل من هنا
نور :انا ماشي انا بس كنت جاي اجيب الكيك ..ودخل غرفته وتبعه اخيه
وسام:ايه حصل يا نور؟
نوربعصبية وهويبدل ملابسه:الضيفة المحترمة خبطت فيا الصبح وكبت عليا عصير انا ماشي لحد ما يمشو سلام وخرج وعاد وسام لهم
انور:مافيش مرواح سامعين
توته:ياعمو مينفعش لازم نمشي مش هينفع نقعد
توفيق:توته عندها حق انا اصلا مكنتش عاوز
بروج بحزن:مش هينفع يابو وسام دي سنة واكلمت واديك شايف حصل ايه اول يوم
بسنت:اهدي يا ريري محصلش حاجة
وسام بأستغراب :سنة ايه!ممكن افهم
انور:توفيق هتقعد معايا السنة دي نور مش بيبقي في البيت كتير ..سمع وسام كلامهم وفرح بشدة
(يإلهي مالذي سمعته اذنى!هل ستجلس معنا لسنة كاملة !هل سوف ننام تحت سقف منزل واحد !هل هذا احد احلامي!)
اتجه لامه قال بهمس:بوسي ايه الي انا سمعته ده ؟
بسنت:اصل عمك توفيق بيته اتهد وهيقعد معانا سنة عقبال ما يأخد معاشه معلش حبيبي ظروفه وصاحب ابوك كان لازم يساعده و…قاطعها وسام:انا فاهم يا امي ربنا يصبرهم
بسنت بفرح:حبيبي كنت عارفة انك هتفهم بس ربنا يستر من اخوك ده
وسام بفرحة مخفية:سيبك منه
انور:اعقل يا توفيق بقي خلاص نقلتو الحاجة يأخي يلا يا بسنت وريهم اوضتهم
بسنت:خلاص يا جماعةهو بس سوء تفاهم
كان توفيق به كم كثير من الحزن والقلق ويشعر بالعجز
قطع انور تفكيره مطمئناً:متنساش ياصاحبي ده حقك …
بروج بحيرة:ها يا توفيق؟!
كانت توته بعالم اخر هو التي هي معجبة به انه ابن الرجل الذي سوف يقميون عنده لمدة عام كامل انه غريب ونظرت لملابسها وجدت الماء علمت انه منه فغضبت من حبيبها القاسي..فكر توفيق مالياً في الامر وعقد امره علي انه اذاحدث اي شئ يزعج عائلته الصغيرة انه راحل مهما كلفه الامر..وقال :طيب خلاص خلينا نقعد
انوربفرحة:حبيبي يابو توته يلا معاهم يابسنت
في مكان اخر في مطعم يبدو عليه الرقي حيث ذهب نور ودخل المكان بحث عنها بعينه وجدها جالسة علي احدي الطاولات تحتسي قهوتها اقترب ورأته ورأي ملابسها فانزعج منها اماهي لم تبالي ودار بينهم الحديث التالي …
(سهيلةهي فتاة في بداية عقدها الثاني تتميز بالشعر الاشقر الطويل الناعم والعيون الزرقاء والبشرة البيضاء وطويلة في تجارة انجلش )عودة
سهيلة بدلع:بيبي اتأخرت ليه؟

الحلقة 5
نور بغضب:سهيلة مش قولت بلاش اللبس ده
سهيلة:بيبي اهدي انت ايه جاي من عند باباك ومامتك
نوربنفس النبرة:ايوا متغيريش الموضوع مش بتسمعي الكلام ليه؟!
سهيلة بضجر:نور فكك من جو سي سيد ده انا كدا انت عرفتني كدا ف بليز متحاولش تغيرني صعب
نور:المشكلةاني بحبك بس اللبس ده مفتوح و صعب
سهيلة:واناكمان بحبك قولي بقي اتأخرت ليه؟
نور:مافيش روحت الشغل مانتي عارفة قاطعته قائلة:روحت المحل وتابعته؟!
نور بتسأل:انامش عارف انتي ليه مهتمية بيه!
سهيلة:يابيبي ماهو بتاعك لازم اهتم
نور:لا بس بابا لسة موجود وبتاع وسام بردو
سهيلةبملل:ايوا ايوا عارفة كل حاجة وليها حل
نوربعدم فهم:تقصدي ايه؟
سهيلة:ولاحاجةكمل ايه اخرك عليا انت وحشتني
نوربحب:وانتي اكتر بس اصلوـــــوروي لهاماحدث
سهيلة بعصبية:ازاي تسيبها تعمل كدا فيك!
نور:ماهو هي متعرفنيش يا حبيبتي معذورة
سهيلة:ازاي بس ازاي سكتلها انا حبيبي ميحصلش فيه كل ده ويسكت
نور:لا مانا مسكتش بهدلتها
سهيلة:برافو يابيبي خليك كاريزما كدا بحبك
نوربحب:وانا بموت فيكي…
هكذا هي تأثره بكلامها المعسول وحديثها عن الحب المزيف لم يكذبو حين قالو الحب اعمي فهو اعمي..
عودةللمنزل اوصلت بسنت توفيق وزوجته في غرفتهم وكانت غرفة توته مقابلة لهم ومن ثم ممر يوصل للجزء الخاص بأل انور كانت غرفة نور في بداية الممر بجانب غرفة توته ومن ثم غرفة وسام يقابلها غرفة الجلوس بجانبها غرفة انور بجانبهم المطبخ يطل علي السفرة والصالون وكان في نهاية مكان أل توفيق الحديقة بالاضافة الحمام الذي يجمع بين كل غرفتين هذا وصف بيت انور
انتهت توته من توضيب اشيائها وابدلت ملابسهاوجلست علي السرير لم تسطتع النوم هي تفتقد غرفتها كما انها حزينة علي ماحدث مع نور لم تكن تتمني ان تصل الاموربينهم لهذا الحد
شعرت ببعض التوتر وحين تتوترتشرب ماء اتجهت الي الباب لكنها تراجعت فهي حرجة ليس منزلها والوقت متأخر لكنها تشعر بالظمأ فذهبت أملة الا تصنع مشاكل الي المطبخ واخذت زجاجة الماء في حذر استدارت وجدت وسام واقف عند الباب فزعت بشدة وكادت تسقط زجاجة الماء الا ان وسام التقطها وقال:انااسف جدا مقصدش اخوفك انا بس مش متعود ان حد يبقي صاحي لحد دلوقتي ولما سمعت صوت جيت اشوف.. محتاجة مساعدة!
توته بتوتر:لالالا انا الي اسفةعلي الدوشةبس عطشت ..
ابتسم وقال:لامافيش دوشة ده بيتك
توته وقدسرحت قالت في نفسها(كيف لهم ان يكونو اخوة)افاقت علي صوت وسام :توته معايا!
توته:هاه اه في حاجة؟
وسام بضحك:واضح انك معايا بقولك منمتيش ليه!
توته بطفولة:مش جايلي نوم
وسام:تحبي افرجك الجنينه؟
توته برفض:لامرةتاني الوقت متأخرمعلش ميصحش…وسام بأعجاب:اسف متفهميش غلط
توته:لالا مقصدش بس خليها بكرة
وسام بسعادة:طيب تمام تصبحي علي خير
توته:وانت من اهل الجنةورحلت لكن وقفت لندائه
وسام:توته
توته التفت:نعم !

وسام:اشربي لبن علمياً هيساعدك تنامي
ابتسمت بطفوله:نفسياً مش بحبو هحاول عن اذنك
ذهب وجلس في الحديقةوظل ينظر للسماءيستنشق الهواء وحديثه معها وصورتها لا تفارق ذهنه ثم قطع تفكيره وصول نور فكر في امر توته ونور لايعرف حتي الان فقرر اخباره تجنباً للمشاكل اتجه اليه لحقه عند غرفته
وسام:نور عاوزاتكلم معاك
نوربتعب:مش وقته يا وسام عايز انام
وسام بأصرار:بس دي حاجة مهمة
نوربعصبيةخفيفة:مافيش اهم من النوم دلوقتي
وسام:بس…قاطعه نور:تصبح علي خير
تذكرجملتها ابتسم وقال:وانت من اهل الجنة وذهب يدعي ربه الا تشتعل حريقة في بيتهم غداً
لم تنم كثيراً واستيقظت باكراً علمت ان لا احد مستيقظ غيرها فهي الثامنة لم تتحمل الجلوس فاليوم الجمعةابدلت ملابسها وقررت ان تخرج لتجري قليلاًخرجت بهدوءشديد لتركض علي البحرالذي لايبعدعن البيت بكثيروبعد ساعتين قررت العودة عسي ان يكونو استيقظو وعندما عادت لم تستيقظ عائلتها فقداتصلت بهم ولكنها سمعت صوت بالداخل فعزمت علي دق الباب دقته بخفة ففتح نور الباب وتفاجئ من وجودها قال:نعم
احرجت توته قالت:صباح الخير
ردمقتضباً:اهو صباح ..خير !
غضبت من رده قالت بغضب مكتوب:ممكن ادخل ؟
تعجب نور منها:تدخلي فين معلش!
توته بضجر:ادخل البيت معلش
نوربتعجب اكثر:بس محدش صاحي غيري
توته بأحراج:اسفة اني صحيتك بس هدخل استناهم
نوربسخرية:لامحترمة بقولك محدش صاحي غيري
غضبت من كلامه:وحد قالك هقعد معاك يا محترم هدخل اوضتي
نوربصوت عالي نسبياً:نعم ياختي اوضتك!
توته بغضب ظاهر:صوتك ميصحش وانا محترمة غصب عنك وسع كدا دفعته وقررت ان تدخل لكنه جذبها من ذراعها
قال بصوت عالي:بت انتي شاربة ايه ع الصبح؟
نظرت له نظرة ناريةقالت بهدوء ينافي مافي داخلها
سيب ايدي يا محترم
قال ببرود:مش قبل ما تطلعي برة
قالت بضجر:لاده جنان رسمى
صاح بها:بت انتي احترمي نفسك…خرج وسام من غرفته علي صوت عالي وحين اتضحت الرؤيةهرع اليهم قائلاً لنور:سيبها يانور
نور:اسيب ايه ؟انتي حرامية ولا ايه نظامك؟
نفضت يدها منه وقالت بسخرية:اذكي اخواتك يا استاذنور انور في حرامية بتخبط علي الباب وكانت ستذهب …
صاح بغضب:استني هنا وانا اوريكي الذكاء
وسام:سيبها تدخل يأخي
نور:انا مش فاهم تدخل فين وبتعمل ايه هنا؟
وسام:بايته من امبارح
قال بصياح :ليه ان شاء الله..فهمت انه لم يعرف بعد فصمتت
اكمل وسام:ماهوده الي كنت عاوزة اقوله امبارح
نور :الي هو ..؟!روي له عن الوضع وما ان انتهي حتي صاح بصوت ايقظ البيت كله وافزعها
يعني ايه الكلام ده سنة ودي في بيتنا ..
خرج الجميع واتجه نور لأبيه :بابا ايه الي بيقوله ده؟
انور بنعاس:في ايه يا نور ع الصبح؟ ايه الي بيحصل؟

الحلقة 6
نوربغضب:الكلام ده صح البت دي في بيتنا سنة
انوربنفاذ صبر:مسمهاش بت اسمها توته واه صح
نوربعصبيةمفرطة:يعني ايه بيتك بقي اوتيل يا استاذ انور..كاديصفعه ولكن وسام امسك ابيه
انوربغضب:شكلي معرفتش اربيك كويس اسمع توته وعيلتها هيقعدوهنا والي عندك اعمله والتقط انفاسه وكان سيخبرهم بالحقيقة ولكن..
قاطعته توته:عموانوركفايا زعيق صحتك واعطته ماءواكملت لوسمحت عاوزة اتكلم مع حضرتك
لم ينظر الي ابنه الواقف يستوعب ماحدث اوصله وسام الي غرفته وجاءت العائلة كلها في غرفة انور ومن ثم سمعو صوت الباب العالي معلناً عن رحيل نور…
انورلتوته:بنتي انا اسف ع..
قاطعته قائلة
توته:لا ياعمو متتأسفش انا مش مضايقة منه معذورمكنش يعرف بيته لقي حصله احتلال بس ليه حضرتك مقولتش ليهم
انوربعصبية:ولا احتلال ولاحاجة ده بيتي انا لاوكمان اسمع يا وسام وتبلغه ان ده مش قاطعته توته:عمو انور اهدي العصبيةمش حلوة عشان حضرتك واكملت حديثها لوسام احم استاذ وسام ممكن تجيب ميه؟
وسام:اه طبعا لحظة وذهب
توفيق:انوراحنالازم نمشي
بروج بضيق:ايوة صح
بسنت بأسف:محدش يزعل من نور انا اسفةبالنيابة عنه..
انوربغضب:لالالامحدش هيمشي
تدخلت توته:ممكن تسمعوني بابا مامابتثقو فيا صح
توفيق وبروج:ايواطبعا
اكملت:طيب انا هتصرف عمو انور احنالازم نمشي
قاطعهابزعل:لاياتوته ده حقكم اناهعرفهم وهيسكتو غصب عنهم
قالت :اكمل كلامي قبل ماوسام يجي لانو مينفعش يسمع ..فأنتبه لها الجميع
توته:بس احناهنقعدفرح انور وبسنت ولكن علي النقيض عائلتها …
(بالرغم انها تكن له بعض المشاعر لكنها كانت سوف ترحل لامحالة ولكنها مدركة الوضع المادي لابويها وهذا افضل الحلول)
توته لعائلتها:متقلقوش ده الانسب
انوربسعادة:ده اكيييد
توته:بس بشرط
انور:قولي اي حاجة؟
توته:اولادحضرتك ميعرفوش انو لينا نص البيت
انوربذهول:لكن لازم يعرفو
توته:لامش لازم لو عرفو هنمشي
بسنت وقدفهمت:حبيبتي انا فاهمة بس نور مش هيسكت
توته:في المقابل انا مش هسكت له
انوروقداعجبته الفكرة:طيب مش هقولهم
توته:خلاص ياعمو اتفقنا
دخل وسام بالماء :معلش كنت بجيب الدوا
ابتسم الجميع وتناول انور دوائه
وقالت بسنت في همة:يلا ياوسام الموضوع اتحل يلا ياريري ع المطبخ وانت هتجيب طلبات الفطار يلا
توته:وانا هاخد شاور واجي اغلس اقصد اساعد
فهمت العائلتين ما تريده توته وقد ذادت قيمتها عند انوروبسنت..تناولو الفطار معاً وذهبت توته لتذاكر وكذالك وسام اما العواجيز جلسو معاً
كانت تدرس تارة وتفكر به تارة احست بالضيق من عدم تركيزهاعزمت علي استكمال ابحاثها الخاصة بسراج فهي كفيلة بجعلها تنسي العالم..وسام كان يذاكربنصف عقل علي غير عادة فقرر شرب القهوةحتي تزيد تركيزه خرج من غرفته الي غرفةالجلوس عندما سمع ضحكهم قرر الايقطع ضحك امه واتجه الي المطبخ لصنع القهوة واخذ كتبه وقرر ان يذاكر في الحديقة وبينماهو مار بجانب غرفتها سمع صوتها العالي تقول:حسبي الله حسبي الله فيك ياسراج يا معقدني يا مكرهني في المادة والكليةقال علوم قال كنت دخلت زراعة بقي اعمل ايه ياربي!
لم يتمالك نفسه فضحك بصوت عالي حتي سكتت هي وسمعته وفتحت الباب و وجدته
توته بحرج:انت..انا كنت بذاكر
وسام ومازال يضحك:ماناعرفت
توته بأحراج شديد:بس الظاهر انفعلت شوية
وسام بضحك:شوية كتير وانا كنت رايح اذاكر
توته بهمس :منك الله يا سراج
وسام وقدسمعها:انتي كنتي بتذاكري ولابتدعي !
ضحكت وقالت:اصلها مادةغلسة والدوك بتاعها اغلس بس جامد..
وسام تصنع عدم الفهم:ازاي يعني؟
توته:افهمك اصل …قاطعها تعالي نقعدفي الجنينه هتعجبك
توته:لا مش عاوزة اعطلك
وسام بمزاح:دي تاني مرة تحرجيني فيها والله دي جنينه مش حاجة تاني متخافيش
توته:لامقصدش..هاه لا لوسمحت مش توته الي تخاف انا جاية اهو افصل شوية
جلسو في الحديقة وقد اعجبتها كانت كتبه امامه ويحتسي قهوته ..
وقال:بصي هو سراج غلس بس شرحه ممتاز …
قالت:ايوا هو خطيرياريت ابقي زيه.. هاه بس انت تعرفه ازاي ؟!
ضحك وسام:ماهوسعادتك متعرفيش حاجة عني علي عكسي …
توته بتعجب:لاكدا لازم اعرف ده انت تعرف سراج
ابتسم وقال بثقة:وبيحبني كمان اناوسام انور معيد في كلية العلوم وسراج هو السبب وقريباً هبقي دكتور وسام انا دراعه اليمين
فغرت شفاهامن الدهشه:ياخبر..بس تعرفني ازاي
ضحك وقال:اعرف انك ذكيةالمهم انا دخلت ليكو مرةمحاضرةبدل منه بس انتي مكنتيش مركزة
توته تحاول التذكر:لامش فاكرة اصلي مش بفهم الامنه فأكيد منتبهتش معاك …اكتفي بالابتسام
قالت بثقة:مش لوحدك انا كمان بيحبني بس بطريقته الخاصة
قال:لازم يحبك مش الاولة ع دفعتك
قالت بتعجب:عرفت منين؟!
توتربشدة(ماذاهل يخبرها انه يتبع اخبارها)انقذه ذكائه وقال بثبات:مش قولتي بيحبك يبقي لازم تكوني من الاؤائل هو بيحبهم وبيحب يساعدهم فتوقع بس …
توته:ايوا فعلاً وكمان فيروز التانية بس مش مهتم بيها زيي بس ده صعب جداً
وسام:معرفهاش فيروز بس معلش مافيش حاجة ببلاش انا كمان طلع عيني عشان اوصل ل الي انا فيه
توته بأعجاب:ايوا يابختك ومعيد في مادته يا جبار
ضحك وسام علي اسلوبها اما هي خجلت من طريقتها قالت بأحراج:اسفة انا بس بنفعل بسرعة
قال:يابنتي مافيش مشكلة خليكي علي طبيعتك احنا عيلة وبلاش حسد هاه
توته بضحك:مقدرش محسدكش بجدانت جدع ادعيلي بقي والاهحسدك
وسام بضحك:لا مقدرش علي الحسد انتي كمان جدعة لو عوزتي مساعدة تحت امرك
توته بتلقائية:مايؤمر عليك ظالم انت طيب جداً معرفش ازاي نور اخوك لاشبهك شكل او صفات!
ابتسم وقال:نورطيب هوبس يمكن مضايق عشان موقف العصير
احرجت وقالت:هو حكالك؟!
ضحك وقال:ايوا يامفترية حديعمل كدا عشان خبط فيكي تكبي عليه العصير نورانور اتكب عليه عصير

الحلقة7
ضحكت وقالت :حلوة اوي نور انور..ثانية مقلكش انو…..
وروت له الموقف بالتفصيل ليس كما رواه نور هو روى ما فعلته فقط ليس مافعله هو ايضا
ضحك وسام:يخربيتك يانور ده مصيبة
توته:عشان تعرف بس ..لابلاش بيته ماحنا قاعدين في نفس البيت
وسام بمزاح:لاماحنا قاعدين في الجنينة
توته بضحك:عندك حق
في مكان آخر في كافيه(___)
سهيلةبعصبية:ايه ؟؟ازاي الكلام ده يحصل!
نوربغيظ:شوفتي الي انا فيه
سهيلةبغضب:ازاي اونكل يعمل حاجة كدا؟
نوربضيق:مش عارف بيحطني قدام الامر الواقع
سهيلة:وهتعمل ايه يابيبي في المصيبة دي؟
نور:هسيب لهم البيت
سهيلةبمكر:غلط يابيبي ده بيتك هي الي تسيبه
نور: مش فاهمك
سهيلةوهي ترتشف قهوتها:طفشها
نوربتعجب:ازاي اطفشها؟!
سهيلةبمكر:تطفشها تزاولها عشان تتخنق وتطلب يمشو
نور:يابنت ال ايه فكرة هايلة
سهيلة:بس بالاحترام متنساش انها بنت مقالب بس
نوربحب:عيب عليكي ميملاش عيني غيرك
سهيلةبغرور:مانا عارفة المهم تصالح اونكل عشان مينفعش يزعل منك بسببهم وتعاملها كويس بس قدامهم عشان تبقي ماشي صح
نوربأعجاب:حبيبتي ياسو بعشق ذكائك و كل حاجة فيكي
سهيلةبدلع:وانا بعشقك واكملت لنفسها(بس بعشق فلوسك اكتر)..
عودة للبيت ظلو يتحدثون كثيرا وكان وسام ينظر لها نظرة لاتفهمها الي ان همت الي مذاكرتها اوقفها قال:توته
قالت:نعم
قال:متنيسيش لو احتاجتي مساعدة انا موجود
توته بأبتسامة:بعد ده كلو لازم استغلك يا استاذ وسام …
وسام:وانا موافق بس اسمي وسام بس
احرجت منه وقالت:انا بهزر
وسام:لا انتي بتقوليلي استاذ وسام والمفروض الكلام ده واقف في العيلة سمعتك لما طلبتي الميه…
توته:طيب انا مبسوطة بمعرفتك يا وسام عن اذنك
وسام بأرتياح:اتفضلي نظر الي الكتب انهي قهوته وبدأ يذاكر كانت تخطر علي باله لم يكن يذاكر بتركيز اغلق الكتب وعاد بها لغرفته وخرج ليجلس معهم
بسنت:خير يا وسام في حاجة ؟!
وسام:لايابوسي ممكن اقعد معاكو ؟
انور:مين بيتكلم؟وسام!
وسام بأحراج:ليه كدا يابووسام بس
بسنت بتعجب:اصلك مش بتخرج من اوضتك الا للأكل او خارج
وسام بأبتسام:اصلي مجاليش مزاج ازاكر مش مركز وانا مش بحب كدا
توفيق بضحك:توته شبهك كدا ..قطعت كلامهم
توته:مين بيجيب في سيرتي؟..ضحكو جميعهم
اكملت قائلة :ممكن اقعد؟
توفيق:ايه مش مركزة انتي كمان في المذاكرة والله يا انور مش لوحدك الي عندك وسام انا عندي منه بس علي توته
توته بنبرة ممزوجة بين الحرج والمرح:ليه كدايابوتوته وبعدين اكل عيشي ده
بسنت بضحك:وبتتكلمو زي بعض كمان ..ابتسم كلاهما …
بروج:تخيلي يجيلها وقت تعسكر في الاوضة ومش بتساعدني في اي حاجة
توته:بس يا ريري فترة ضغط وكمان بساعدك ده انا اكلي جمييل تنكري ؟
بسنت:احنا فيها الغدا عليكي اليوم طبعالوفاضية
توته بضحك :انا شكلي بتدبس وشكلي موافقة
وسام بمزاح:لابلاش مش مستغني عن حياتي
توته بغيظ:بلاش انتا يا زومل
انوربضحك:ايه زومل دي كنتو محبوسين قبل كدا
وسام:اه يابووسام في كلية العلوم ماطلعت زيي
توفيق:علوم بردو انت في سنة كام ؟
توته:لايابوتوته ده معيد عقبال توته كدا
وسام بضحك:كفايا نفسنة بقي مانتي الاولة ع السنة الي فاتت
توته:بلافخر اديك قولت يبقي انفسن منك ليه! قوليلي يا بسبوسة الغدا امتي عندكم؟
وسام:بلاش مش عاوزين نروح المستشفي
توته بغيظ :لا تقلق المستشفي هتكون ليك انت واخوك الغلس بس وعاد نور البيت ودخل غرفة الجلوس فور انتهاء جملتها فقالت:ياريتنا افتكرنا مليون جنيه ..ضحك الجميع اما هو كاد ان يفتك بها لكنه تذكر حديث سهيلة وذهب لأبيه..
نور:بابا انا اسف علي الي حصل انا كنت مضايق بس…
انوربسعادة:حبيبي يابني حصل خير انا مش زعلان بس اعتذر لتوته …كتم غضبه وذهب لها وقال:انا اسف ع الي حصل وعلي معاملتي
تعجبت منه بشدة ولم تشعر بصدق كلامه ومد يده مصافحاً اياها فسلمت عليه فعصر يدها الصغيرة بيده وقال بهمس :هتبقي سنة سودة علي دماغك..تألمت بشدة فنذعت بيدها الاخري دبوس شعرها وشكت به يده فترك يدها وقالت بنفس النبرة مستفزة اياه :بحب الاسود وخصوصاً لما يبقي عصير مانجه
غضب منها بشدة…انها بداية المعركة بينهم
انور:كدا حلو ملكش حق تزعل يا توفيق
توفيق قد تعجب من التغير المفاجئ وكذالك بروج قال:حصل خير يا انور
بسنت:ربنا يهديك يأبني… اما وسام علم ان اخوه ينوي علي امر ما ! نظر لها ببرود وذهب ليجلس اما هي نظرت ليدها وجدت علامات يده اخفتها وكانت غاضبة منه ومن كرهه لها وقررت ان العين بالعين قالت محاولة تجاوز الامر بلهجة مسرحية:عليكم ان تحددو ما تريدون تناوله ايهاالسادة …ضحك الجميع عدا هو
وقالت بسنت :عندك كل حاجة علي زوقك بقي
وسام بضحك:ربنا يستر وميحصلش كوارث
توته بزعل طفولي:كدا هو طب خلاص متكلش منه
وسام:انتي زعلتي لالالا خلاص بهزر معاكي
اما نور كان يحادث نفسه محال ان يأكل من يدها
همت الي المطبخ كانت بسنت ستساعدها لكنها رفضت ذهبت لاستكمال حديثها مع بروج وكذالك انور وتوفيق جلسو يتحدثون في امور الحياة
وسام قرر ان يدرس حتي تنتهي اما نور قرر مضايقتها قليلاً …في المطبخ كان واقف علي بابه
قال بسخرية :انا حقيقي اسف ..
قاطعته بأستهزاء:نقول كلاكيت تاني مرة كفاية تمثيل
قال بنفس النبرة:اسف علي الاعتذار الي برة بصراحة مينفعش نور انور يعتذر لواحدة زيك
قاطعتعته بضحك :نور انور اممم حاسس ب ايه وانت بتقول اسمك اراهن انك سبب ازمة الكهربة اممم نورانور والله اسم عسل اسود شبه صاحبه ده مش اعتزارده تمثيل لااهنيك طلعت ممثل بارع
استشاط منها غضباًوقال:يابنتي احترمي نفسك احسن لك
توته بسخرية: انا مبتهددتش وبعدين مين الي بيتكلم علي الاحترام البادي اظلم يااانور انور غضب نور واخذ يقترب منها

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى