الحلقه السابعه من مسلسل العروس الهاربة للكاتبة سما عمر 

الحلقه السابعه من مسلسل العروس الهاربة للكاتبة سما عمر 
 

جذبته بعيداًً عن عناقها بغضب قائلاً
قلتلك الف مره انا ما بحبش طريقتك دى

فيه ايه يا ياسو ده بدل ما تقوليلى وحشتنى يا ماندو يا حبيبى 

انت فعلا وحشتنى بس مش تحضنى كده يا ماندو انت عارف انى بدايق من الحركه دى

خلاص خلاص اسفين يا ستى … ها ايه بقى الموضوع الخطير اللى خالكى ما تروحيش عند فيفى 

تذكرت حديث كاميليا بانها لا تقول له : ابدا منا قلتلك حرارتى عليت شويه وحبيت انى ما اخرجش

طيب ودلوقتى بقيتى احسن

الحمدلله تمام 

طيب انتى هتفضلى هنا لحد امتى

مش عارفه لسه …. بقولك ايه انت مش قلتلى انك عندك شقه هنا تقريبا ف سيدى جابر ع ما اعتقد

اه ليه

طبعا انت مش قاعد فيها

ما انتى عارفه انا قاعد دلوقتى فى القاهره عشان الشغل بتاعى

ايوه منا عارفه لو ممكن يعنى تخلينى اروح اقعد هناك

هتقعدى هناك لوحدك

اه انا بقيت اتحرج من هنا وقلت اسالك الاول لو ينفع انزل ف شقتك لحد ما امورى تتعدل شويه

ابتسم لما جاءه بفكره : بس كده من عينا يا ياسو 

بجد يعنى موافق

الا موافق وما وافقش ليه واهى هتكون شقتنا انا وانتى سوا سوا ) ويقول هذا ويقترب منها اكثر )

مااااااااندو قلت ايه

ياستى منا بعيد اهو

لا ابعد كمان حبه

بمداعبه : اقولك اروح اركب فوق العربيه عشان يريحك

تطلق ضحكه ساحره 

ويقترب منها ثانيا : ايوه بقى ع الضحكه اللى بطلع روحى دى

تزداد ف الابتسامه

يدخل لهم يوسف وقد اشع وجه باللون الاحمر غضبا على ما رأئه بعيناه …

كاميليا تتجه اليه بعد ما رأته : ايه يا يوسف مالك

بنبره غاضبا : البت دى ملهاش قاعده هنا تانى

بت مين ومالك كده متعصب

اللى اسمها ياسمينا دى

ياسمينا ؟؟ مالها عملت ايه

عملها اسود ان شاء الله

اهدى بس وفهمنى ايه اللى حصل

الهانم بره ف احضان راجل

ايــــــــه

زى ما سمعتى كده

راجل مين ده

اللى كان بيسال عليها … خلاص يا عمتى بكده جابت اخرها معانا من بكره لازم تشوفلها مكان تانى انا مش مأمنها ع اخواتى

خلاص يا يوسف اهدى بس انت دلوقتى وانا هعرف ايه الحكايه

ولا حكايه ولا روايه البت دى اخر ليله ليها هنا سمعه يا عمتى

خلاص طيب اهدى ويلا عشان هيطفو الشمع

يتجه بها الى المدعوين جميعا وكانوا يقفون حول مائده طويله وكان عليها تورته عيد بها ثلاث شمعات وحولها عدد لا باس به من الجاتوه وحلويات كثيره وايضا مياه غازيه …. 

جأءت اليهم سريعا ترسم ابتسامه ع شفتاها لاحظها وشرد فيما حدث بالخارج منذ دقائق استغفر ربه وعاود نظره الى ابنه اخته التى كانت تطفىء الشموع الخاصه بها لاتمامها الــ ثلاث سنوات من عمرها

بدأت تساعد نبيله وهدى ف اعطاء المدعوين اطباق الحلوى … ثم اخذت طبقين وذهبت بهما الى ….

ياسمينا الى يوسف بابتسامه : اتفضل

يوسف بنره حاده : مش عايز

مندهشاً : برحتك

كريم يأخذ منها الطبقين : انا بقى عاوز وهاكلهم هما الاتنين مدام من ايدك يا سمسم 

لا تزال ناظره الى يوسف الذى كان شاحب الوجه : ميرسى ليك ولزوقك يا كريم

فيه ايه بس يا عماد

فيه انك مش واخده بالك منى خالص ايه يا هدى انا جوزك يعنى شويه اهتمام ليا انا بدات احس انى بقيت ع الهامش

ياسلام وايه اللى حصل خالك تفتكر كده

عدم اهتمامك بيا انتى من ساعه بدايه الحلفه رايحه جايه مع الناس وانا ولا كانى هنا 

منا واقفه معاك اهو 

فين ده انتى لسه جايه دلوقتى عشان تدينى طبق جاتوه

منا برده لازم ارحب بالضيوف ما تنساش انهم جاين عشان بنتنا

والله !! المفروض انتى اللى تفتكرى انها بنتنا …. مش عارف ازاى وامتى جبناها

عماااااااد بلاش كلامك ده

لا والله عاوزانى كمان ما اتكلمش اتخرس يعنى اوكيه يا ستى هتخرس بس قبل ما اكتم خاالص عاوز اشكر ربنا انه رزقنى ببنت زى نيللى دى قبل ما اموت من القهره … بعد اذنك

لا اله الا الله الراجل اتجنن خلاص

يأتى اليها يوسف : امال فين جوزك

بسم الله الرحمن الرحيم خضتنى يا جو

فين جوزك بقولك

اهو هناك واقف مع نبيله هو فيه ايه

رمقها بنظراته الغاضبه واتجه نحو عماد الذى كان يقف ويتحدث مع نبيله وكريم … 

عماد عاوزك

خير يا جو مالك

هتعرف دلوقتى …. ايه ده هدى بتشاورلك

بتشاورلى ياعم تلاقيها بتشاور لحد غيرى ما بقيت ع الهامش خلاص

وبالفعل رأئها تلوح له بالذهاب اليها … همس لنفسه قائلا : اه والله دى بتشاورلى انا لما اروح اشوفها

وبعد انتهاء الحفل كان جالس بحجره مكتبه شارد يفكر فيما حدث منذ ساعات …. وانها تحتضن رجل غريب وهى ع ذمه رجلاً اخر همس لنفسه : كلهم شكل بعض كلهم صنف واحد صنف لعين نمرود خااااين

الى ان دخل اليه عماد ووجده جالس بدون اضاءه
ايه ياابنى اللى مقعدك ف الضلمه كده

مليش مزاج افتح النور

طب انا ليا بقى وقام باضاءه الضوء

في ايه وايه جو الكأبه ده

اقعد يا عماد

اقعد يا عماااد … مالك ياابنى فيك ايه

ابدا مخنوق شويه

من ايه 

الست ياسمينا هاانم

ياسمينا هانم مين

ينظر اليه بغضب ويفهم عماد ما عليه

خلاص خلاص مالها 

طلعت زيهم كلهم زى بعض

زى مين ؟؟

زى مى ونهال طلعت خاينه 

ايه اللى خلالك تقول كده ايه اللى حصل

شوفتها مع واحد دلوقتى بره وبيحضنو بعض

طيب وده اللى يخليك تقول عليها خاينه افرض قريبها او جوزها اللى قالت عنه او 

قاطعته بسخريه : ههههههه جوزها اللى قالت عليه انه وحشى وحيوان هتجرى عليه وتحضنه لا حلوه دى

ياعم واحنا مالنا دع الخلق للخالق

تمام ونعم بالله يبقى ملهاش انها تكون معانا هنا

ازاى يعنى هتطردها

عندك حل تانى … انا عندى اخوات وبخاف عليهم 

اخواتك محترمين جدا ومتربين يا يوسف 

اه بس هى مش كويسه وعشان كده لازم ابعدها عنهم

ياابنى هى مالها ومالهم كل واحد ف حاله

ازاى يعنى دى ف يوم وليله بقت صاحبه نبيله تقولى مالها ومالهم

يا يوسف احنا واثقين ف نبيله اختك اكيد هتاخد احتياطتها معاها 

ازاى يعنى بقولك انت ساعه ما جبتها هنا وهما مع بعض دايما وسرهم مع بعض 

انت عاوز توصل لايه ف الاخر

تمشى من هنا بالزوق

وترضى انها تمشى وما تلقيش حته تروحها وانت اللى قلت بلسانك ان صحبتها بتوصيك عليها عاوز تطرد بنت ضعيفه مكسوره زى دى 

مهى لازم تمشى قبل ما تعملنا هنا مشكله انا مش ضامن روحى ممكن اعمل ايه لو حد فكر بس انه يقرب من اخواتى او من اهل بيتى انا هاكله اكل يا عماد

ياعم وحد ربك ايه اللى بتقولو ده بس … واللى اسمه سليم ده هيعرف مكانها هنا ازاى

من الزفت اللى كانت ف حضنه بره

زفت مين

مش عارف واحد كده مسبسب شعره واول ما شافته جريت ياخويا ع حضنه 

هههههههههههههههههههه

انت بتضحك يا عماد

بصراحه هم يبكى وهم يضحك … انت مدايق من الموقف نفسه ولا مدايق انها حضنته

لم يرد عليه ويكتفى بالصمت

ما ترد يا زينه الشباب

عاوز ايه 

انت بجد زعلان ولااااا

ولا ايه

غيران يا سى جو

غيران ههههههههههههههه انت اهبل يا عماد

اه اهبل لانى حسيت بده من اول ما شوفتك معاها واتحمقت فيها وركبتها معانا العربيه وانت ما تعرفهاش

عشان انا عندى اخوات وممكن يتحطو ف امر مشابه

مهى كل الناس عندها اخوات بنات اشمعنى انت يعنى وكمان مهو كان ممكن تخليها تروح اى فندق وتستنى لحد ما صحبيتها تيجى ايه اللى خالك تجبها هنا وتكون تحت عيونك هه ما تنكرش بقى

اسكت يا عماد انت مش فاهم حاجه

لا فاهم ياصحبى وحاسس بيك وبقلبك انت غيرت لما قابلت الواد ده وحضنته

ياابنى اغير ازاى بس دى واحده متجوزه

ما انت مكنتش تعرف ف الاول انها متجوزه وارهنك لو كنت تعرف مكنش حصل اللى حصل ده كله بس قدر الله وماشاء فعل

عماد اخرج بره انا غلطان انى بتكلم معاك 

انت فعلا غلطان ومش بس كده لا وكمان مكاابر 

تأتى اليهم هدى بعد ما طرقت باب المكتب : انتو هنا وانا قابله عليكم الفيلا

فيه ايه مالكو بوزكم مقلوب كده ليه

ههههههههههههههه بقى بذمتك يا سى يوسف فيه واحده بنت رقيقه تقول بوزكم يخربيت ابو اللى علمك يا شيخه

طب قدامى يا خفيف عشان نيللى نامت

والله !!!! طب ما شلتهاش ليه انتى مش الكابتن تربل اتش برده

عماااااااااااااد

خلاص خلاص بعد اذنك يا يوسف وابقى فكر بكلامى كويس

كانت تجلس بمقربه من كاميليا ونبيله وظلو يتحدثو عن امور عديده …. لكنها ظلت تبحث بعيناها عن يوسف الى ان وكزتها نبيله ف كتفيها بخفه

شوفتى الزفت كريم ولا كأنى قاعده شغال ضحك مع نهله

ياسمينا : يابنتى انتى هتشلينى ع فكره مهو كان واقف معاكى وبيهزر وانتى ولا عبرتيه

بس برده يا سمسمه المفروض ما يغظنيش بالشكل ده

ههههههههه فعلا والله انتو مجانين

صحيح قوليلى مين اللى كان عاوزك بره

ده ماندو

هو جالك هنا ؟؟

ايوه

انتى اللى قلتيلو يعنى يجيلك

لا طبعا انا لقيته فجاه لما كان بيكلمنى قالى عاوز يشوفنى ضرورى روحت قلتله ع العنوان بس ما تصورتش انه هيجى انهارده ع طول كده

اه لو عمتو عرفت هتبهدلك

ليه يعنى ايه اللى حصل 

انتى هبله ولا حماره افرضى راح قال للى اسمه سليم ده هيكون ايه العمل

وماندو مال سليم هو اصلا ما يعرفهوش ولا يعرف ايه اللى حصل لفيفيان وتهديداته ليها 

انتى عرفتى انها كلمت عمتو من تليفون ف المستشفى وقالتها انه راحلها وهددها بابوها

ايوه طنط كاميليا قالتلى دلوقتى

وبرده رايحه تقولى لماندو ع مكانك وبتزعلى لما بقولك هبله طب ايه رايك بقى انتى متخلفه كمان 

طب اسكتى بقى وقوليلى اخوكى قال ايه ع العروسه

اخويا مين

نكزتها ف كتفيها : هنهزر اخوكى يوسف

ما اعرفش وابعدى ايدك دى من عليا … وكمان انتى شغله بالك بالموضوع ده ليه هه ليه

أزاحت خصلة من شعرها خلف أذنها بإرتباك وخجل : بسال عادى

بقولك دى فرصه وجت لحد عندى

فرصه ايه مش فاهمه تقصد ايه يا مسعد

انا عرفت ان سليم مش هنا ومش هيجى انهارده 

هو راح فين اوعى يكون لقى ياسمينا

لالالا اطمنى لسه ما عرفش مكانها ده راح لصحبتها فيفى 

وانت عرفت ازاى الحكايات دى كلها

مش مهم المهم انى لازم اروح دلوقتى شركته

ليه

عشان اجيب الكمبيالات اللى كتبها ع نفسى

طب افرض حد شافك

ما تقلقيش انا عامل حسابى كويس المهم خلى بالك انتى من نفسك يلا سلام

مسعد استنى انا جايه معاك

هتعملى ايه يعنى انتى

اعمل اى حاجه بس مش هسيبك تروح لوحدك

ياستى ما تخافيش مش هتاخر يلا سلام

سلام ربنا يسترها

حطت الطائره الخاصه التى تقل سليم الرفاعى مطار دبى الدولى منذ قليل وكانت باستقباله عشقته لانا

حبى اشتقتلك كتير

هههههههههه انتى قلبتى تانى مغربى مكنتى حلوه

طيب ياحبيبى حلو كده

حلو اوى قوليلى ايه اخر اخبارك

ههههههههههههه عشان تعرف بس تفكيرى الجهنمى يا سولى هقولك ع مفاجاه هتتبسط كتيرمنها 

مفاجاه ايه

هقولك ف العربيه

وفى هذه اللحظات نجد مسعد قد دلف الشركه وتوجه نحو مكتب سليم الرفاعى وبعد ما اطمئن ان لا احد يراقبه اكمل سيره ودخل المكتب باحثا عن الخزينه التى بها الكمبيالات التى موقع عليها لسليم الرفاعى 

وهناك بعروس البحر المتوسط نجدهم همو الى النوم ف حجرتهم … بينما لا تزال ياسمينا مستيقظه ومعها نبيله داخل الحجره 

نبيله : يا خبر الوقت اتاخر هقوم بقى عشان اصلى قيام الليل قبل ما الفجر يأدن

اتعتدل ف فرشتها قائله : يون تعالى بقى ايه صلاة القيام دى انا سمعت عنها كتير بس مش عارفه هى زى الــ 5 صلوات ولا غيرهم

لا طبعا دى بعيدا عنهم دى لوحدها والمفروض تصليها من بين صلاة العشا الى صلاه الفجر بس الاحسن والاحب الى الله في الثلث الأخير من الليل لأن الرب تبارك وتعالى ينزل فيه إلى السماء الدنيا فيقول: هل من سائل يُعطى؟ هل من داعٍ يُستجاب له؟ هل من مستغفر يُغفر له؟ حتى يطلع الفجر

اممممم سبحان الله وهى كام ركعه 

تبدأ من ركعتين الى 12 ركعة
كان الرسول صل الله عليه وسلم يصلي 13 ركعة
ركعات قيام ليل و2 شفع و1 وتر10

عليه افضل الصلاة والسلام …. وايه فايدتها يا بلبله

بصى يا سمسمه انا قريت قبل كده حديث عن فوائدها وهى انك بأذن الله صلاتك لقيام الليل هيكون سبب في دخولك الجنة

بجد

اه والله وفى 
حديث عن عبد الله بن سلام رضي الله عنه قال ان رسول الله صل الله عليه وسلم قال: (أيها الناس أفشوا السلام وأطعموا الطعام وصلوا بالليل والناس نيام تدخلوا الجنه بسلام

سبحان الله وصل الله عليه وسلم

طيب انا عاوزه اصليها معاكى ممكن

اه طبعا ممكن يلا بينا نتوضا وبعدين نصلى سوا 

بينما مسعد لا يزال بداخل المكتب يحاول ان يفتح خزينه مكتب سليم الرفاعى لكن كل محاولاته بتفشل الى ان اتفاجىء باضاءه الضوء بالمكتب ليظهر امامه سليم الرفاعى بابتسامه سخريه

ديل الكلب يا مسعد

بذعر : سليـــــــــم بيـــه .. ونكمل الحلقة الجاية


مقالات ذات صله