أخرىأخرىمعجناتوصفات الطبخ

أكلات خفيفة للصيف

 

 

 

 

سلطة التونة بالخرشوف
المقادير:

اخلطي كل المكونات مع بعض وقدّميها

  • 2 علبة تونة
  • 1/ 2 كوب زيتون
  • 1/ 3 كوب مايونيز
  • 2 ملعقة صغيرة ليمون
  • كوب خرشوف مسلوق ومفروم
  • 1 1/ 2 ملعقة صغيرة ريحان مفروم

الطريقة:
اخلطي كل المكونات مع بعض وقدّميها.. بالهنا والشفا.

*******************

قدّمي شرائح السمك مع الصوص

فيليه البلطي بالصويا صوص
المقادير:

  • كيلو فيليه بلطي
  • ملعقة صغيرة كبابة صيني (هتلاقيها عند العطار)
  • 1/ 4 كوب صويا صوص
  • 3 ملاعق كبيرة سكر بني
  • ملعقة كبيرة زيت

الطريقة:
1- تبّلي السمك بالكبابة الصيني وسيبيه لمدة 10 دقائق.

2- اخلطي الصويا صوص مع السكر في طبق وقلبيهم كويس.

3- سخّني الزيت في طاسة وشوّحي السمك فيه لمدة دقيقتين.

4- قلّلي الحرارة وقلّبي السمك، على النار لمدة دقيقتين، وبعدين صبّي عليه خليط الصويا والسكر.

5- خلّي الخليط يغلي وسيبي السمك فيه لحد ما يستوي والصوص يبقى غليظ لمدة دقيقتين أو أكتر.

6- قدّمي شرائح السمك مع الصوص، وبالهنا والشفا.

*******************

حطّي الصوص على المكرونة وزيّنيها بالريحان

مكرونة بالتونة
المقادير:

  • علبة تونة
  • كيس مكرونة إسباجتي مسلوقة
  • 2 ملعقة كبيرة زيت
  • ملعقة كبيرة ثوم مفروم
  • كوب طماطم مقطّعة قطع صغيرة
  • 1/ 4 ملعقة صغيرة فلفل أحمر مفروم
  • ملح وفلفل أسود

الطريقة:
1- حطّي زيت في الطاسة، وشوّحي فيه الثوم لمدة دقيقة وبعدين حطّي الفلفل وشوّحيهم شوية كمان.

2- بعد كده حطّي الطماطم وقلّبيها شوية، وسيبيها لمدة 8 دقائق مع التقليب، وبعد كده تبّليها بالملح والفلفل، وقلّلي درجة الحرارة.

3- حطّي التونة وقلّبيها وسيبيها لمدة دقيقتين لحد ما تتجانس مع الصوص.

4- حطّي الصوص على المكرونة وممكن تحطّي على الوش شوية جينة بارميزان وزيّنيها بالريحان، وقدّميها.. وبالهنا والشفا.

*******************

حطّي الصودا وقلّبي الكوكتيل وصبّيه في الكاسات وقدّميه

كوكتيل فواكه
المقادير:

  • كوب فراولة
  • 1 1/ 2 كوب عصير برتقال
  • 2 ثمرة كيوى متوسطة مقطّعة مكعبات
  • ثمرة مانجو متوسطة مقطّعة مكعبات
  • 1/ 2 كوب صودا
  • ملعقة عسل
  • ثلج

الطريقة:
1- اخلطي عصير البرتقال والفراولة ومكعبات المانجو ومكعبات الكيوي والعسل، واضربيهم في الخلاط.

2- حطّي مكعبات الثلج، واضربيهم مرة كمان لحد ما الثلج يبقى مجروش.

3- حطّي الصودا وقلّبي الكوكتيل، وصبّيه في الكاسات، وقدّميه.. بالهنا والشفا.

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى