ترفيهمسلسل خلف هذه الجدران

مسلسل خلف هذه الجدران الحلقة الثالثة والعشرون (الجزء الأول)

 

” الحلقــــ (23) ــــة ” من مسلسل “خلف هذه الجدران ” (الجزء الأول)
**********
**********

يا دعاء يا اختي يا حبيبتي , الجواز مش هزاااااااااار , مش لعبة , وكمان ما ينفعش يقوم ع التعاااااااااااطف

ومين قالك انه تعاطف ! ليه ما تقوليش انه اقتناع , شاب ناجح في دراسته واتخرج ومالاقاش الفرصة المناسبة للتفوق وإثبات الذات , انا لقيت ان بامكاني اقدمله الفرصة دي , ما اتأخرتش عنه

يا سلام ! طيب ما هو كان ممكن تقدميله الفرصة دي من غير جواز

يا سلامين ! وفيها ايه بقى لو اتجوزته وشاركته كفاحه وجهاده في معركة الحياة

كفاح ايه وجهاد ايه ومعركة اييييييييييه , انتو هتتجوزا ولا هتحاربووووووووووا , يا بنتِ الجواز ده يعني تلاقي راجل يدلعك ويسعدك ويحسسك انك ليدي ولازم يكون غني وعنده استعداد يجيبلك ككككككل اللي نفسك فيه , تخرجوا , تسهروا , تتفسحوا , تعيشي الحياة الحياااااااااااااة تتمتعي بيهااااااا, مش تتجوزي واحد مكتئب ورايح يكاااااااااااافح , دا ايه الكآبة ددددددددددددي

مالكيش دعوة يا رشا , كل واحد يعيش حياته بالشكل اللي هو عايزه واللي يريحه

هتندمي يا دعااااااااااااااااء

لما اندم واجي اعيطلك ابقي اقفلي بابك في وشي . ومن فضلك كفاية بقى يا رشا عشان ما عنديش استعداد للكلام اكتر من كدة , عن اذنك عشان عايزة اوضب شعري واشوف هلبس ايه بكرة عشان طارق ومامته جايين

ههه والله العظيم بت مجنونة , وان شاء الله جوازة فاشلة مقدما , هارد لك ع الطلاق , هههههه معلش يا روحي ادي اخرة الكفاح هههههههههههه

اوووووووووووف , انتِ بتفولي علية بالطلاق من قبل ما اتجوز ! على العموم ميرسي يارشا يا اختي الوحيدة يللي ما توقعتش منك الموقف الهجومي ده , عن اذنك

*****************************
******************************************

يلا يا امي عشان نلحق نركب تورماي مصر الجديييييييدة

هي دي محطة التورماي اللي بيروح مصر الجديدة يا طارق؟

ايوة هو , يلا عشان زمانه جاي

طب يا ابني واحنا هنروح كدة , من غير ما ناخد معانا حاجة !!!!!!!!

يا امي احنا حيلتنا حاجة !!!!!!!! هما عارفين الظروف

يا ابني انت محسسني انهم اول ما يشفونا هيدولنا بطانية وجزمتين قدام , هو احنا رايحين نخطب ولا رايحين نشحت يا ابني ! برضو لازم ندخل بكيس فاكهة ولا حاجة عشان ما يقولوش علينا ما عندناش ذوق

فاكهةةةةةةةةةةةةةةةةةةة !!!!!!!!!!!!! ما معيش فلوس

طب دور في جيبك على أي حاجة تكون تايهة كدة ولا كدة وانا هدور في شنطتي يمكن اعتر على جنيه ولا اتنين غير اجرة المواصلات

اهووووووو مع اني عارف ان ما فيش حاجة بتتوه جوا , ممممممممم اهو , ادي خمسين قرش ممممم وادي بريزة يبقوا ستين قرش , ممممممممم ماشاء الله , ربع جنيه كمان اهو , اللهم صل ع النبي , لقيت كمان خمسين قرش مقفولة يا امّاااااااااا

ماشاء الله , معاك كل الخير ده وناكره يا طارق ! يا حلاوة , لقيت جنيه بحاله , استني كدة لالالالالالا مش مصدقة عنيا جنيه كمااااااااااان , العروسة دي باين عليها رزقها واسع والخير هيجي على اديها , الله الله الله لقيت خمسة وسبعين قرش كماااااااااااااان اللهم لك الحمد

يعني كدة معانا كام يا امي

مممممممم نحسب اللي معاك الأول , خمسين قرش وبريزة وربع جنيه ونضيف عليهم خمسين قرش مقفولة يبقى المجموع كام يا ولاااااااااااااااد ؟؟؟؟؟؟؟؟؟؟؟

يا امي انتِ قاعدة في الفصل ! وبعدين انتِ بتاعة عربي مش بتاعة حساب , سيبيني اجمع انا , انا كدة معايا 135 قرش وهنضيفهم على التلاتة جنيه الاربع اللي معاكِ يبقوا اربعة جنيه وبريزة , ممممممم ممكن نجيب اتنين كيلو موز ونشيل الباقي مصاريف سفر

عين العقل يا حبيبي , الفكهاني اهو , يلا عشان نلحق نشتري الموز ونتوكل على الله

*******************************
**********************************************

يلا يا احسان قومي البسي الناس زمانهم جايين

ناس !!!!!!! هو انت بتسمي اللي جايين دول ناااااااااااااس !!!!!!!!!

لا حول ولا قوة الا بالله , قومي البسي يا احسااااااااااان

اووووووووف , انا فعلا هقوم البس عشان اروح ابلغ عنهمممممممم , انا بقى هقابلهم مقابلة زي وشهممممممم

طيب انا جبت جاتوه وحاجة ساقعة عشان تقدمي للضيوف

افندمممممممممم , على جثتي انهم يطولوا حتة جاتوه وااااااااحدة , وكمان حاجة ساقعة اااااااااااال , وقعتهم سودة ان شاء الله

تررررررررررررررررررررررررررررن ترررررررررررررررررررررررررررررررررررررن

اهو الجرس بيرن اهو , الجماعة وصلوا , روحي البسي على ما افتح

طيب يا عبد المجيد طيييييييييييييييييييب , صبركو بالله

اهلا اهلا اهلا يا استاذ طاااااااارق

اهلا بيك يا عمي , أمي , ابلة عطية مدرسة اللغة العربية

اهلا اهلا اهلا يا استاذة عطية , شرفتينا يا استاذة

اهلا بيك , اديله الموز يا طارق عشان يعرف قيمتنا

اتفضل , اتنين كيلو موز

اشكرك يا ابني اتفضلوا

اتفضلي يا امي

ماشاء الله , باين عليهم مستريحين

ايوة , باين طبعا من الموبيليا , الجماعة الاغنيا بيتعرفوا من الموبيليا

شرفتونا يا جماعة , لحظة هدي خبر للعروسة ووالدتها

اوعى يا عبد المجييييد , انا جيييييييييت , انا مش مستنية تديني خبررررررررررررر ,

ايه ده ! مييييييييييييين ! إحساااااااااااااااان , البخيلة الجلدددددددددة ده صحيح بقى الدنيا صغيرة اوووووووووي , زميلتي في مدرسة المنيرة الثانوية

ايه ده ! ميييييييين , يا خبر اسود , عطيييييييييية , أأأأأأ ازيك يا عطية

اهلا يا حرامية يا نصااااااااااااااابة , ما لقيتش الا بنت احسان النصابة رايح تخطبها يا ابنيييييييي

بس بس بسسسسسس , ههههه ايه الهزار ده يا عطعوطة هههههههه تعالي جوا نتفاهم

ايه ده ! انتو طلعتوا تعرفوا بعض

ايوووووووووووووة , واخدني عشان تساومني عشان اسكتتتتتتتتتت

طب تعالي بقى , بطلي هزار يا وحشة

ازيك يا احسان يا نصابة , فين الفلوس اللي لمتيها من البنات في اخر يوم امتحانات وقولتي انها عشان الفقرا وفي الآخر استخسرتي وخدتيها انتِ , وفين الخاتم الدهب اللي استلفتيه من بنت الناظرة وفي الآخر قولتي وقع مني وبعدها بكام يوم قابلتك في الشارع لقيتك لابساااااااه
وفين الفستان اللي خدتيه من مديحة وقولتي هحضر بيه فرح وفي الآخر قولتليها امك في العش ولا طااااااااااارت , اقول تاني ولا كفاية كدةةةةةةةةةة

يا شيخة اسكتي بقى فضحتييييييييييني , انتِ عايزة جوزي يسمعككككككككككك ! انا مظلووووووووووووومة مظلومة انتِ فاهمة كل حاجة غلط

ولما انتِ مظلومة خايفة حد يسمعنا لييييييييييه , خليني احكي قدامهم عشان نحكمهم في عمايللك السووووووووودة

كدة برضو يا عطعوطة ! دااحنا هنبقى نسايب

, والله جوزك باين عليه راجل طيب وبنتك على ما بسمع طيبة وغلبانة , انا مش عارفة لو عرفوا حقيقتك هيعملوا ايييييييه

اخص عليكِ , كدة برضو , دا ماضي وراح لحاله , خلينا في فرحتنا بالولاد هههههههه ربنا يتمم بخير يا حبيبتي

مممممم طيب يختي , ربنا ستار حليييييييييييم , انا خارجة اشوف ابني

اوووووووووووف , طلعتيلي منين يا عطية انتي كماااااااااااااان

ازيك يا عريس بنتي هههه جاتك نيلة

اهلا يا طنط , ولكِ بمثل ان شاء الله , الحمدلله دعاء مش شبهها , اللهم لك الحمد , ربنا عالم بحالي , انا مش ناقص عذاب في دنيتي

مامتك من اعز اصدقائي يا طارق ههه اصحاب الروح بالروح , طلعت روحك انت وامك اووووووووف

شكرا يا حبيبتي , اهو انتِ ان شاء الله

*
*

مساء الخير

العروسة اهيه يا امي , ازيك يا دعاء هههه

ههه اهلا يا استاذ طارق , ازيك يا طنط
يختي عليها ههههه ازيك يا روح طنط ,

دعااااااااااااااء

نعم يا استاذ طارق

فين الحجاب بتاعك ؟

حجاب ! بس انت عارف اني مش محجبة

الكلام ده قبل ما اخطبك , انا بقولك اهو قدام ابوكِ , المرة الجاية اجي الاقيكِ بالحجاااااااااااااب , لبس واسع وما فيش بناطيييييييل

ههه حاضر , ان شاء الله

ههههههههه مبروك يا طارق يا ابني , مبروك يا دعاء

الله يبارك فيك يا عمي

الله يبارك فيك يا بابا ههه , عن اذنكو

الجاتوه فين يا ام العروووووووووسة

حاااااااااضر اخ ياني , ما اقدرش اقول لللللللا

**************************
*****************************************

يلا يا امي اتأخرنااااااااااااااااااا , لسة هنعدي على منال واخواتها ناخدهم ونروح لمحل المجوهرات

حاضر يا ماجد يا حبيبي جاية اهو , ههههه , مستعجل اوي كدة ليه , لسة بدري , يلا يا سيدي نتوكل على الله

ترررررررررررررررررررررررررررررررررررررن ترررررررررررررررررررررررررررررررررررررررررررررررررررررن

ييييييييييي , دا مين اللي جايلنا في وقت زي دددددددده , تووووووووء

طب افتح ليكون حد من اخواتك ولا حاجة يا ماجد

اهلا ههه دا هاني يا امي

السلاااااااااااام عليكم ايه ده , لابسين ورايحين فين كدة ؟

وعليكم السلام اهلا يا هاني ازيك يا حبيبي , رايحين نجيب شبكة عروسة ماجد هههههههه

مممممم الله الله الله ! ناس ليها حظ وناس ليها ترتر يا ست ماما

ايه حظ وترتر دي ! ايه الالفلظ دي يا ولد

ايوة يا ست ماما , ماجد تنزلي معاه عشان تجيبي شبكة عروسته , وانا وعصام ما اتدخلتيلناش في حاجة وحتى افراحنا غضبتي عليها وما حضرتيهاش

هههههههه يعني حضرتك مش فاهم ولا عامل نفسك مش فاهم , على العموم ماجد الوحيد اللي اختياره عجبني وماحدش يلومني بقى , اذا كنت انا مبسوطة وبتصرف بطبيعتي كأم فرحانة بعروسة ابنها , ومافيش داعي للكلام الكتير , انت واخوك نفذتوا اللي في دماغكو , واظن ان انتو سعدا , مش كدة ؟

ايوة طبعا , انا عن نفسي سعيد جدا

ههه طيب يا سيدي , سيبنا بقى عشان عايزين ننزل

طيب يا ست ماما , على راحتك , انا طالع لمراتي

*********************************
********************************************

ها يا منال يا حبيبتي , اختاري اللي يعجبك

ههه كلهم كويسين يا طنط

يا حبيبتي ما تتكسفيش كدة , انا عايزاكِ تعتبريني انا مامتك مش مامت ماجد ههههه بصي بقى عايزين نتفق على الولد ده وندفعه دم قلبه في الشبكة

هههه

ايه يا امي !!!!!! ههههه انتي معايا ولا علية !!!!!!!!!!

ههههههه انا مع منال حبيبتي , بس هي مكسوفة كدة ليه يا باشمهندس عمر

هههه منال طول عمرها خجولة , ساعديها يا رانيا

حاضر يا عمر , بصي يا ابلة منال الطقم دددددده ؟ حقيقي تحفة

كويس يا رانيا

لالالالالالا بقى يا ابلة , دا يجنن مش كويس هههههه خلاص انا هناخد الطقم ده

ها يا منال يا حبيبتي موافقة ولا ايه ! لو مش عاجبك ننقي حاجة تانية يا حبيبتي

ههه والله حلو يا طنط , مممم اصل بصراحة الدهب والمجوهرات مش بيستهوني خالص

هههههه انا عارفة ان الحاجات دي ما تفرقش معاكِ , بس دي هدية العريس وليها طعم تاني , على العموم اختيار رانيا لطيف جدا , خلاص احنا هناخد الطقم ده

خلاص يعني يا امي , ولا هترجعوا في كلامكو تاني

هههههه لا يا سيدي , خلاص ,مش كدة برضو يامنال يا حبيبتي ؟

ههه هو عجب حضرتك يا طنط ؟

ايوة عجبني جداااااااا

خلاص , يبقى عجبني انا كمان

ههه متشكرة لذوقك يا حبيبتي , خلاص يا ماجد , خلص تمنه , على ما اشوف طقم تاني

طقم ايه تاني يا امي !!!!! انا كدة فلستتتتتتتتت ههههههههه

هههه ما تخافش يا مفلس انت , الطقم التاني هديتي لمنال حبيبة قلبي

لالالا يا طنط , كفاية ده اوي والله , متشكرة لحضرتك جدا

بس يا بنت ! لما ماما امينة تجيبلك حاجة تاخديها وانتِ ساكتة , فاهمة ولا لأ هههه ؟

هههه متشكرة يا طنط

مممممم هختار انا على ذوقي المرة دي , بصي كدة يا منال , الطقم ده حلو اوي اوي , مش كدة ولا ذوقي وحش وعواجيزي ؟ هههه

ههههه العفو يا طنط , جميل جدا والله , مش عارفة اشكر حضرتك ازاي

تشكريني على ايه يا حبيبتي ! خد يا ماجد الطقم ده كمان , اعمل فاتورته بإسم منال

حاضر يا امي , امي راضية عنك اوي يا منال هههه

هههه الحمدلله

*************************
*******************************************

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررن

ردي ع التليفون يا بهيييييييييرة , بهيييييييييييييييييرة , انتِ يا بهيييييييييييييييرة , يا بهيرة ردي يا بهيييييييييييييييرة

ايوة ايوة ايوووووووووووة يا نينة جاية جااااااية

بقالي ساعة بنادي عليكِ عشان تردي ع التليفوووووووووووووون , ايييييييييييييه نايمة علة ودانك

نايمة ايه بسسسسسسس , انا في المطبخ , الوووووووووووووووووووووووووووووووووووووووووومييييييييييييين

ايه ده !!!!!!!! سورتي ودني يا بهيرة , انا ماما

ماماااااااااااااا اهئ اهئئئئئئئئئئئ حبيبتي يا ماما وحشتيني اهئ اهئئئئئئئئئئئئ

انتِ اكتر يا حبيبتي , ازي ياسمين واسم ايه ده جوزك

جوزي اسمه حسين يا ماما , سونسون يا ماما , سونسوووووووون هههههه احفظيه بقى يا ماما

وانا مالي ومال اسمه , هحفظه اعمل بيه ايه , انتِ مش جاية ولا ايه يا بهيرة , انتي مش قولتي هتجيلي يوم في وسط الاسبوع ؟ النهاردة الاتنين , هتيجي امتىىىىىىىى

لا يا ماما معلش ,تعالي انتِ بقى عشان خاطري

اجي ! توء , بصراحة بقى يا بهيرة , انا بقيت اخاف اخرج لوحدي ,

ليه يا ماما , قلقتيني , بعد الشر حصل ايه ؟؟؟؟؟؟؟؟

ابدا يا بهيرة .الشبان بقوا حاجة فظيعة والواحدة بقت تخاف على نفسها , مرة كنت بعدي الشارع لقيت شاب قرب مني , وقالي استني لما اعديكِ شكل نظرك ضعيف ومش شايفة العربيات , فخوفت منه وجريت بعيد وقولته احترم نفسك يا قليل الأدب , هو ما فيش بنت تعرف تنزل الشارع من غير ما تضايقوها وتعاكسوها !!!!! وخليت العسكري بتاع المرور يعديني , وعديت ع الرصيف التاني , ووطيت جبت طوبة وحدفته بيها وجريت , بس يا خسارة ما جاتش فيه

يا ماما ايه يا مامااااااااااااا ! دا كتر خيره , لقاكِ ست كبيرة ومش عارفة تعدي ونظرك ضعيف , راح قرب منك عشان يعديكِ , ما فيهاش حاجة دي يا ماما

هي مين دي اللي ست كبيرة ونظرها ضعيف يا بنت انتتتتتتتتتتتتتتتتتتتتتِ

لالالالا يا ماما , ما تزعليش , انا اقصد , انا انااااااا انا اللي ست كبيرة ونظري ضعيف , وانت لسة صغيرة وحلوة والشبان بيعاكسوكي

ايوة كدة , اعترفي انك اكبر مني يا بهيرة , طيب خلاص هاجي عشان خاطرك انتِ وياسمين

طب بالله عليكِ يا ماما , كنت عايزة منك خدمة

خدمة ايه يا حبيبتي , عنيا ليكِ

عارفة يا ماما المحل بتاع الشباشب الحريمي اللي بعد عمارتك بكام عمارة كدة ؟

ايوة ايوة عارفاه , كل الشباشب بتاعتي بجيبها من عنده , ماله ده ؟

اصل شوفت شبشب عنده حلو اوي وعجبني , بس ما لقيتش مقاسي , فقالي بعد اسبوع هجيب المقاس اللي انتي عايزاه , هاتيلي منه اتنين , واحد لبني وواحد فوشيا

انتِ هتجيبي واحد ليكِ وواحد لحسين ؟

يا ماما يعني معقول حسين هيلبس شبشب حريميييييييييي !!!!!!!!!

ومالهم الحريم , مالهم الحريييييييييييييم , انتي مستقلية بينا لييييييييييه !

يا ماما ما اقصدش , اقصد انه هيطلع صغير على رجله هههه انا عايزة الشبشب التاني لاشجان جارتي , اصل بصراحة جمايلها كتير وعايزة اجيبلها هدية

ما لقتيش غير الشبشب تهاديه بيه ! باين عليها مقامها كبير اوي عندك

يا ماما , الشبشب شيك وعجبني وقولت بدل ما اجيب واحد , اجيب اتنين وادي التاني لاشجان , وما تخافيش , كله بتمنه يا قمر هههههه

اخص عليكِ يا بهيرة , هو انا بخيلة يا بنتي ؟ انا عنيا ليكِ يا بهيرة

ههههه تسلم عنيكي يا مامتي يا صغيورة انتِ ههههههه

طب بس انا هعرف الشبشب اللي تقصديه ازااااااااي ؟ وكمان الراجل تلاقيه نسيكِ ومش هيفتكر انك سألتيه اصلا

لالالالالالا مش ممكن ينساني , قوليله الشبشب اللي عجب المدام اللي بنتها فتحت الفاترينا ورميتلك الشباشب في الشارع , لو نسيني عمره ما هينسى ياسمين يا ماما , بنتي بتترك بصمة وذكرى اليمة في أي مكان نروحه

ربنا يخليها

قوليلي صحيح , هو محمود اخويا ما اتصلش من ايطاليا

اتصل وبيسلم عليكِ اوي , وبيقول هيتجنن ويشوف ياسمين

هههه والله انا اللي نفسي اشوفه , ربنا يجيبه بالسلامة

آمين يارب , ويصلحله حاله هو وكل المتغربين عن ديارهم , طيب انا هعدي اجيب الشباشب واخد تاكسي واجيلك على طول

مستنياكِ يا ماما يا قمررررررررر

*****************************
*******************************************

انتِ يا بهيييييييييرة

نعم يا نينة نعمممممم نعمين تلات نعمااااااااااااااااات

بتكلمي مين ده كله وعمالة تلتي وتعجني مع ميييييييييييين

دي ماما

ماما ! ايوة يختي سيبي شغل البيت واللي وراكِ وسيبيني اتفلق من غير غدا واقعدي كلمي اممممممممممك

يا نينة الطبيخ خلاص قرب يستوي

والله يختي انا اللي استويت من عمااااااااااايلك , اعوذ بالله يا شيخة من الرغي والرغاييييييييين , دانا ما اطيقش اتكلم في التليفون تلات دقايق على بعض , ما اعرفش انتو بتجيبو الرغي ده منييييييييييييين

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررن

التليفون بيرن تاني يا مرات ابني , روحي يختي , تلاقيها واحدة صاحبتك فاضية زيك ومش لاقية حاجة تعملها , اكل ومرعة وقلة صنععععععععععععععة
ترررررررررررررررررررررررررررررررررررررررررررررررررررررررررن ترررررررررررررررررررررررررررررررررررررن

استغفر الله العظيم ! معلش يا نينة , اهو بنتسلى بدل ما نقعد ع القهوة , يا مرارتي ياااااااااني , الووووووووووو

ايوة يا بهيرة يا مرات اخويا , ازيك

اهلا يا عايدة يا اخت جوزي , الله يسلمك

ماما عندك ؟

ايوة , ابعتهالك ؟؟؟؟؟؟؟؟؟؟؟؟؟؟؟؟؟؟؟

لالالالالالالالالا ههههههه انا جوزي زي الفريك ما يحبش شريك هههههههههههههه

يا صباح الروقان يا حبيبتي , هديكِ ماما يا روح ماما , يا نيييييييييييييينة

ايوة يا بهيرة عايزة ايه

عايدة ع التليفون

بنتي ! حبيبتي , حتة من كبدي , شيلي التليفون و هاتيهااااااااااااالي , بس شيليه بحنية عشان المتصلة غالية عليااااا

خدي اهيه , شيلتها بحنية يا نينة , استني اما اطبطب ع السماعة الأول وابوسها عشان عايدة جواها , امووه امووووه امووووووووووووه

هاتي يختي هاتي . الو . ازيك يا عايدة يا حبيبتي وازي جوزك وولادك

ههههه كويسين يا ماما , نزل راح عند امه قولت اكلمك على رواقة

راح عند امه ! احسن برضو , يروح عندها احسن ما يجيبهالك يا حبيبتي تطلع عنيكِ

لالالالالالا يجيب مين يا ماما هههه انا قولتله انا تعبانة والعيال مدوخيني , دا غير الحمل اللي تاعبني

يا حبيبتي يا بنتي ! والله انتِ لو قريبة كنت بعتلك بهيرة تنضفلك الشقة وتشوف طلباتك انت والعيال , دانتي حامل وتعبانة وعايزة اللي يخدمك

معلش يا ماما , انا عارفة انك اد القول , يا خسارة بهيرة بعيدة , حتى ع الأقل كنت بعتيلها العيال وارتحت من ارفهم

طب ما تبعتيهم , هي يعني وراها ايه ولا بتعمل ايه !

لا ما فيش داعي , بلاش نتقل ع الناس برضو ,

ماشاء الله ,طول عمرك حساسة زي امك , ياريت كل الناس زينا يا حبيبتي

اه والله يا ماما , طب دي بهيرة مرات اخويا محظوظة بيكِ , ياريت كان ليا حما زيك حنينة وطيبة

اهو الواحد بيعمل المعروف ويرميه البحر يا بنتي , بهيرررررررررررررررررة ,. خلصي اللي في ايدك وتعالي ادعكيلي رجلييييييييييييييي

حاضر يا نينة , يا وردة من جوا جنينة , بقالها ساعة بتددشش مع بنتها , وتقولي ما بتكلمش غير تلات دقايق !

قوليلي يا عايدة , جوزك عامل حسابه ع الولادة بتاعتك ولا ايه ؟

ايوة طبعا يا ماما

اوعي يا حبيبتي يوديكِ مستشفى حكومة , لالالالالالا اوعي توافقيه , انت بتولدي قيصري والمستشفيات الحكومية ما بيهتموش بالناس غير ان مافيش نضافة والجرح ممكن يتلوث الف بعد الشر عليكِ

مستشفى حكومة ايه بس يا ماما !!!!!!!! دانا شارطة عليه يوديني احسن واغلى وانضف مستشفى

ايوة يا حبيبتي , سلامتك بالدنيااااااااا , ربنا يقومك بالسلامة ياااااااااارب , آمين يارب آميييييين

ربنا يخليكِ يا ماما وتعيشي وتدعيلي , اسيبك انا بقى دلوقتي عشان اشوف العيال

روحي يا حبيبتي , ابقي كلميني تاني بالليل

ان شاء الله يا ماما

*
*

انا جيبت المرهم وجيت اهو يا نينة

ايوة تعالي , اااااااه يا رجلي رجلي ياااااااااااااني , اقعدي في الأرض كدة , وادعكيهوملي بشويش

حاضر يا نينة , وادي قعدة

ابقي اسلقيلي بيضتين قبل الغدا يا بهيرة عشان البيض مفيد ليا لوي

والله معلش يا نينة , البيض خلص والله , هبقى اخلي حسين يجيب

, انتي اللي فقرية وايدك ما فيهاش بررررررررركة , اصل انا بقى عكسك , الحاجة عندي فيها البركة على طول , احط ايدي على الحاجة تتملي خير , انما انتِ الحاجة عندك تقل ما تزيدشششششش , دانا كانوا بيقولوا علية ام ايد مبروكة

ماشاء الله يا نينة , ياريت كل الستات زيك , ماكانش حد غلب

ايوة اومال ايه , طب دا كان ابو حسين الله يرحمه يجيبلي بيضتين , يقولي اعمليهم ع الفطار , اقعد طول الليل اقول , طب اعمل ايه واسوي ايه , البيضتين دول مش هيكفوا , اقوم حاطة ايدي عليهم واسيبهم في التلاجة , اصحى الاقيهم عشر بيضات

يا سلام وسلم يا نينة !!!!!!!!!!! دانتي مبروكة بقى بصحييييح , البيض في تلاجتك بيولد بيض

اومال ايه , طب دا ابو حسين , كان غاوي صيد العصاري , كان ياخد السنارة ويروح يصطاد , كان زي ما يروح زي ما يرجع , ايد ورا وايد قدام , والدمعة مالية عنية , بالراحة على رجلي يللي تنقرصي انتتتتتتتِ

اااااااااااه , بلاش العنف ده يا نينة , وبعدين كملي الحدوتة

ولا قبلين يا مرات ابني , كان يفعد مهموم وزعلان وحاطط ايده على خده , والزاد مخاصم جوفه واقوله ما تزعلش يا ابو حسين , بكرة خدني معاك وانت بتصطاد وهيحصل المراد

مراد مين يا نينة

مراد ابن الست رتيبة اللي اتجوز اعتماد بنت الست زينات , وخلف منها اربع صبيان وست بنات , واتغرب عنها في بلاد الهند والسند وقعدت تبص عليه وتدور في البنورة المسحورة وما لقتلوش اثر

طب خليني في حدوتة الصياد والسنارة عشان عاجباني اوي يا نينة وبعدين احكيلي حكاية البنورة المسحورة

اكملك يا ستي ما انتي , اروح انا تاني يوم لابسة وواخدة اكبر شنطة خضار عندي واروح معاه

يقولي انتِ جايبة الشنطة دي ليه يا محروسة

اقوله هنحط فيها السمك يا ابو حسين

يقولي هو فين السمك بس يا محروسة

اقوله ارمي السنارة وانت تشوف يا ابو حسين , واخده ونروح وهو بوزه مكشر , اقوم اقعد جنبه وهو يرمي السنارة وشوية تتقل في ايده ويقول فرجك يارررررررررررب وهو يشد وانا اشددددددد , يشد وانا اشدددددددددددد

يا خبر ! دي باين عليها سمكة كبيرة اوي

لالالالالالا سمكة ايه يا بهيرة , احنا بنبص في السنارة لقينا عروسة البحور طلعلتلنا

يا سلااممممم !!!!!!!!!! يا سلام وسلم , عروسة البحور ! ودي عملتوا بيها ايه يا نينة

ولا حاجة , كانت ماسكة كبشة في ايدها وحطت ايدها في وسطها وقعدت تزعقلنا و قالتلنا انا كنت واقفة في المطبخ بعمل الأكل لعريس البحر وانتو جرحرتوني من قدام البوتجاز بالسنارة بتاعتكو دي , اعمل فيكو ايه دلوقتييييييييييييييي


قولنالها ما تزعليش , حقك علينا , احنا ما نقصدكيش انتِ , وابو حسين قالها بقالنا سنين وسنين مش عارفين نصطاد ولا بسريايا
راحت معيطة وقالت انتو صعبتوا علية , انا هديكو هدية

قولنالها هاتي الهدية يا عروسة البحور

راحت مدت ايدها تحت المية وطلعت شوال كبير وحدفته علينا

شوال كبير , وده كان في ايه يا نينة

كان فيه قشر بصل وقشر توم وقشر بتنجان

ايه يا نينة ! هي اديتلكو هدية ولا لمت زبالة المطبخ بتاعها وحدفتها في وشكو !!!!!!!!!!!!!

يا بت يا عبيطة , اسكتي انتي مش عارفة حاجة , احنا خدنا الشوال ده ولما روحنا البيت بنفتحه لقينا قشر التوم وقشر البصل والبتنجان اتحول لدهب وياقوت ومرجان

يا حلاااااااااااااوة هههههههه صحيح يا نينة ؟؟؟؟؟؟؟؟؟؟؟ وبعدين حصل ايه يا نينة

حصل اني صحيت على صوت ابو حسين بيقولي قومي اقلي البيضتين يا ولية خليني افطر واروح الشغل

يا خساااااااااااارة ! هو طلع حلم يا نينة !!!!!!!! دانا كنت لسة هقولك اديني عنوان البحر اللي هي ساكنة فيه عشان اخد حسين ونروحلها عشان تحدفلنا شوال زبالة وبعدين يتحول لدهب وياقوت , يقوم في الآخر يطلع حلم ! اهئ اهئ

اومال يعني يا هبلة انتِ بحق وحقيقي !!!!!!!!!! انا قولت لحسين من اول ما شوفتك ان عندك عرق عبط ما صدقنيششششششششش , قومي يختي قومي شوفي شغلك , انتي هتصاحبيني ولا اييييييييييييه

تررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررن

روحي شوفي مين الاول

حاضر يا نينة يا عروسة البحور

مييييييييين

اني اشجان يا بهيرة

اهلا اهلا شجونة حبيبتي , تعالي ادخلي

بتعملي ايه

ابدا , كنت قاعدة مع نينة بتحكيلي حواديت الف ليلة وليلة , تعالي اسمعي

الله ! اني بنحب الحواديت يَامَا هههههههه

طب تعالي ادخلي

مين يا بهيررررررررررررررة

دي اشجان جارتي يا نينننننننننننننننة

ازيك يا حاجة هههههه

اهلا يا حبيبتي , اتفضلي

جيت اقعد معاكو شوية

ايوة ما احنا فاتحينها ملجأ , اهلا يا حبيبتي بيتك ومطرحك

ههههه تعيشي يا حاجة

لا وكمان ماما جاية كمان شوية هههههه

امك جاية !!!!!!!!! جاية تعمل اييييييييييه , تلاقيها جاية تتغدا , ما هو حسين فاتح تكية , حرام عليكو ارحموا الواد وشقااااااااااااه , مش كفاية انتي بتاكلي على حسااااااااااابه , كمان هتجبيلوه امك تااااااااااااااااااااكل

يا نينة في ايه يا نينة ! دي ماما فين وفين على ما بتيجي تزورني , طب دي حتى اشجان عمرها ما شافتها من قلة ما بتيجي عندي

قصدك انا اللي باجي كتير ولا اييييه ! لا يا حبيبتي , دا بيت ابني وابني هو اللي بيصرف , يبقى انا اجي عشان امه اولى بخيره منك ومن اهلك , سامعة ولا لاااااااااااااااأ دانا اجي واجي واجي واروح واجي تاني لحد ما اخيلك واعملك روشة في نفوووووووووووووووخك

هو انا قولت حاجة يا نينة دلوقتي ! انا برد على كلامك واتهامك لامي انا جاية تتغدا بعد الشر , واحب اقولك ان ماما اصلا مش جاية تتغدا ما تخافيش , دي جاية تزورني ع السريع وتشوفني وتشوف ياسمين وتمشي على طول

ايوة اذا كان كدة ماشي , انما بتستقطعي ابني وتجيبله اهلك عشان ياكلوا يبقى انا اللي هقفففففففففففففلك , ما حدش ياكل عند ابني الا اناااااااااااااااا , انا اللي تعبت وانا اللي سهرت وعلمت وربيت , يبقى انا بس اللي اكل من خيرررررررررره , هي كانت امك سهرت جنب ابني ولا خيطتله زرار بنطلون مقطوع ولا عملتله كمدات مية ساقعة وهو سخن زي انا ما عملت عشان تيجي تاكل ع الجاهززززززززز !!!!!!!!

لا اله الا الله , حد جاب سيرة اكل ولا شرب دلوقتي ! , تشربي ايه يا اشجااااااااااااااااااان

هههههههه بتزعقلي ليه يختي

بزعق من غلببببببببببببببي , تشربي اييييييييييييييييييييييييييييييييييه

هههههههه مش عايزة نشربوا حاجة

طب والله لانتوا شاربين يا اشجاااااااااااااااااان , ما يصحش تيجو عندي وما تشربوش حاجة يا اشجااااااااااان , دانتو زي اختي يا اشجاااااااااان , فاهمين ولا لأ يا اشجاااااااااااااااااان

ههههههه خلاص يا بهيرة , هنشربوا ومش هنزعلوكِ ههههههههههه

عن اذنك يا نينة رايحة المطبخ

روحي يختي وما تغطسيش جواااااااااا , اياك انادي عليكِ ما ترديششششششش

حاضر يا نينة يا مالية البيت علينا

اني جاية وراكِ يا بهيرة , عن اذنك يا حاجة

روحي يختي ونسيها , خبتين واتلموا على بعض , اتلم تنتون على تنتنِ

 

*

*


**********
**********
جوزك عامل ايه يا اشجان

زي الفل الحمدلله يا بهيرة

ومراته شالتك من دماغها ولا بتفكرلك في مصيبة جديدة ؟ هههههههه

يختي ربنا يكفني شرها وشر دماغها , هي مامتك جاية امتي , اني نفسي نشوفوها اوي والله

هتشوفوها وتحبوها يا اشجان ان شاء الله ههههه

الله ! انتِ عندك جبنة قديمة يا بهيرة ومخبية علية يا وحشة ؟

هههههههه يختي هخبي عليكِ الأملة , خدي البرطمان بحاله ما يغلاش عليكِ والله

لا , كفاية بس اديني حتة في طبق واني ماشية

عيني يا حبيبتي , قوليلي يا بت يا اشجان , بتحبي الفسيخ والرنجة يا بت ؟

ايّووووووووووه هههههههه بنحبوهم اوي اوي

هو ايه حكايتك يا اشجان يا حبيبتي ! مش ملاحظة اني عمري ما سألتك على حاجة إلا وطلعتي بتحبيها ؟ اومال بتكرهي ايه يا اختي ؟؟؟؟؟؟؟؟؟؟؟

هههههههه بنكرهوا سعاد ههههههههه اني بنحبوا كل الأكل الحمدلله ونفسي حلوة , مااقولش على حاجة لأ

سبحان الله ! مع انك رفيعة ومش باين عليكِ حب الأكل , شكلك من الجماعة السُوس اللي بياكلوا وما يبانش عليهم

هههه فين الرفيعة دي , طب داني زيدت ع الحمل اوي اوي , هي نوال عاملة ايه صحيح ؟ بقالي كتير ما شوفتهاش

نوال ما تتشافش , نوال تتسمع هههههههه , بقالي كتير ما شوفتهاش بس بطمن عليها لما بسمعها بتتخانق مع جوزها , بعرف ان صحتها كويسة الحمدلله , مرة قعدت تلات تيام ما اسمعهاش بتتخانق , قلقت عليها اوي والله وروحت واخدة ياسمين وطلعت لقيتها عيانة يا عيني ونايمة في السرير سطيحة وجوزها كان خارج من الشقة يغني وهو بيضحك وفرحان , انا اقولها سلامتك وهو يقولها ان شالله دايما

هههه هي مش هتبطل خناق مع جوزها ! طب داني اتمنى عادل يبقى معايا على طول عشان اسعده واهنيه , وهي جوزها معاها وداخل خارج عليها وتنكد عليه كدة ! اما مالهاش حق والله

********************************

ترررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررن

يا بهيييييييييييييييييييييييييرة انتِ يا بهيييييييييييييييييييييرة جرس الباب بيرررررررررررررررررررررررن

سامعاه يا نينة سامعاااااااااااااااااااه , جاية اهوووووووووووو , تعالي يا اشجان , دي ماما جت هههههه

ههههه والله ! اني جاية وراكِ اهو , داني نفسي نشوفوها بشكككككككككل

السلام عليكمممممممم ازيك يا بهيرة يا روح قلبي

مامااااااااا هههههه وعليكم السلام يا حبيبتي اتفضلي هاتي بوووووووووسة امووووووووووه امووووووووووووه , دي اشجان جارتي ونفسها اوي تشوفك والله

اهلا يا اشجان , ازيك يا حبيبتي , انا مامت بهيرة , يعني تقدري تعتبريني اختك الصغيرة هاتي بوسة

ههههه ازيك يا اختي يا صغيرة يا عسل انتِ ههههههه امووووووه امووووووووه

اهلا يا اختي يا كبيرة , انتي كمان حامل زي بهيرة ؟؟؟؟؟؟؟؟

هههه ايوة , دعواتك بقى

ربنا يقومكو بالسلامة انتو الأتنين , خدي الشباشب اهيه يا بهيرة يا حبيبتي بالالوان اللي انتِ عايزاها , وخدي كمان جبتلك موز عشان بتحبيه وتفاح امريكاني عشان حسين بيحبه

مامتي حبيبتي ربنا يخليكِ لياااااااااااا امووووووووه , تعيشي وتجبيللي يا ماماااااااا

تعيشي يا بهيرة اومال فين ياسمين عشان اديها علب البسكوت الشيكولاتة اللي جبتهالها

والله مليكِ حق يا ماما , علب بسكوت وشيكولاتة كاملة !!!! كان كفاية الفاكهة والله

وانتِ مالك انتِ , دول لياسمين , هو انا جيباهم ليكِ

هههههه تعيشي وتجيبي يا ماما , اشجاااااااااااان تعالي في الخباثة اوريكي الهدية اللي جبتهالك

هدية ! جبتيلي ايه يا حبيبتي

بصي دول شبشبين واحد روز وواحد تريكواز اختاريلك واحد

يختي عليهم ههههه حلوين اوي , الاتنين احلى من بعض والله

لا بقولك ايه , بلاش طمع ههههههه اختاري واحد بس

خلاص , انا بنحبوا الروز , هاخد الروز ده

خلاص ماشي , خديه بالشنطة بتاعته اهو

شكرا يا بهيرة , كتر خيرك يا حبيبتي

على ايه يا اشجان , والله دي حاجة بسيطة ما تليقش بيكِ , كان نفسي اجيبلك صندل بس الفلوس ما كفيتش ههههه

ههههه يختي ده حلو اوي , تسلميلي يارب

انتي هتوقفيني كدة ليه يا بهيرة , ياسمين فين بقولك

معلش يا ماما , انشغلت مع اشجان بنفرجوها الشبشب هههه ياسمين قاعدة في الصالون جوا , تعالي يا ماما , في ضيفة عندي بقالك كتير ما شوفتيهااااااااش

ضيفة ! ضيفة مين دي , اما ادخل اشوف

بصي يا ماما شوفي الهنا اللي منور عندناااااااا هههههههههههههه

ايه ده , يا كسوفي ! هي طنط ام حسين هنا يا بهيرة ! ازيك يا طنط ام حسين

طنط ام حسييييييييييييييين !!!!!!!!! طنط مين يا شايبة انتتتتتتتتتتتتِ ال طنط اااااااااااال

ايه ده يا طنط ! انا متعودة احترم اللي اكبر مني واقولهم يا طنط

هي مين دي اللي اكبر مننننننننننننك !!!!!!!!!! دانتي تخلفي اكبر من اميييييييييييييي , مابقاش الا مرضعة قلوون دي اللي تقولي يا طنطططططططط , ال حماة ابني تقولي يا طنططططططط , حوشي امك عني يا بهيرة ليكون اخر يوم ليكو هنااااااااااااااا

بس يا ماماااااااا بس يا حبيبتي مالكيش دعوة بيها

خلاص انا هقعد هنا على جنب , ماليش دعوة بيها , ازيك يا ياسمين يا حبيبتي ياروح قلببببببببببي هههههه

هيييييييييه تيتة تيتة تيييييييييييييتة هييييييييييييييييييييييييييييييييه

اموووووووووووه خدي يا حبيبتي جبتلك بسكوت وشيكولاتة ونبوت الغفير كمان

هيييييييه فرافيررررر فرافيررررررررررررررر

فرافير ايه يا ياسمين !!!!!!! اسمه نبوت الغفير مش فرافير , ههههههه وبعدين يا ماما ايه نبوت الغفير ده كمان ! اسمه اتغيرررررررررررررررر

اسمه اتغير ليييييييه , بقى نبوت العمدة ولا نبوت شيخ الغفر

هههه لا يا ماما اسمه عسلية , ما بقاش فيه غفر الا احنا ههههههههه , تعالي اقعدي يا اشجان

اديني قعدت اهو

على فكرة يا ماما , اشجان من اسكندرية

من اسكندرية ! ايوة ايوة عارفاها اسكندرية دي , بيقولوا العفش والموبيليا عندكو حلوة اوي في اسكندرية

يا ماما بقولك من اسكندرية مش من دمياط , العفش الحلو من دمياط يا ماما , دمياط هي اللي مشهورة بالموبيليا

هههههه ايوة يا حاجة , مش احنا اللي عندنا الموبيليا

اومال انتو عندكو ايه ؟؟؟؟؟؟؟؟؟

عندنا سمك وجمبري وبحر هواه يرد الروح هههههه

ربنا يخلي

انا هقوم اعملكو حاجة تشربوها , تعالي معايا يا اشجان

لالالا اني هقوم اروح شقتي , عادل هيتصل بيا كمان شوية , اشوفك يوم السبت بقى يا بهيرة ان شاء الله

هههههه اه والله دانا ناسية , بكرة الخميس بكرة ههههه ابقي حصني الشقة وشغلي سورة البقرة لحسن يكون جايلك بكام عفريت من اسكندرية ينططوكي ههههههههههههههههههه

هههههههههههه لا يختي ما تخافيش , من ساعتها بشغل سورة البقرة والله عشان ربنا يحفظنا

عن اذنكو يا جماعة , اني ماشية , اني مبسوطة اني شوفتك يا اختي يا صغيرة ههههه

ربنا يخليكِ يا حبيبتي , ابقي تعالي العبي معايا

مع السلامة يا اشجان

الله يسلمك يا بهيرة

انا داخلة المطبخ اعملكو حاجة تشربوهاااااااا

خديني معاكِ يا بهيرة

تعالي يا ماما , احسن برضو بدل ما تتخانقي مع حماتي

بت يا ياسمين

نحم

هاتي يا بت وريني بتاكلي ايه , دوقيني البسكوت اللي ستك ام امك جايباه

لأ

يا بت عيب يا بتتتتتتتت , ما تبقيش فجعانة ودنية زي امممممممممممك

لأ , انتِ وحسسسسسسسسسسسسسسة , مس بحببببببببببك

سامعة بنتك يا بهييييييييييييييييييرة

في ايه يا نينننننننننننننننننة , جاية اهو خيرررررررررررررررررر

بنتك بتقولي ما بحبكيشششششششششششششش , مين بقى اللي مسلطها تقول الكلام ددددددددده ؟؟؟؟؟؟؟؟؟؟؟؟؟

ياسممممممممين , يا بنتي هتجبيلي الطلاق من ابووووووووووووكِ حرام عليييييييكِ , حد في الدنيا يشوفك وما يحبكيش برضو يا نينة !!!!!!! معلش يا نينة , عيلة وما تاخديش على كلامها

كلامها ولا كلاااااااااااااامك , انتِ اللي بتكرهي البت فيا اهئ اهئئئئئئئئئئئئئئئئئئئ يا عيني عليا وعلى بختي من دون الحموات ياااااااااني اهئ اهئئئئئئئئئئئ يللي مرات ابني مبهدلاني ياااااااااااااني اهئ اهئئئئئئئئئئئئئئئئئئئئئئئئئئئئئئئ انا هلم هدومي وامشي وان ماكانش حسين يجيبلي حقي لا هيكون ابني ولا اعرفه اهئ اهئئئئئئئئئئئئئئئئئئئئ

لالالالالالالالا يا نينة , تمشي تروحي فين بسسسسسسسس , معلش حقك عليا , راسك ابوسها , امممممممممممموه , بوسة من اعماق القلب يا نينة , ياسمين عيلة ما تفهمش حاجة

هقعد عشان خاطر حسين ابني حبيبي , هاتيلي كام باكو بسكوت على كام باكو شيكولاتة من اللي امك جايباهم لياسمين

حاضر يا نينة ااااااااه ياني يا مورستاااااااااااااااااني , هاتي يا ياسمين العلب اللي معاكي دي

لااااااااااااااااااااااااااااااااااااااااااء

يا بنت تعالي هنااااااااااا , عيب كدة يا ياسمييييييييين , طب تعالي بس اقولك حاجة يا حبيبتي

نحم

بصي ,مش انتِ بتحبي بابااااااااا ؟؟؟؟؟؟؟؟؟

مممممممممم

طيب , دي بقى تيتة حبيبتك اللي جابتلنا بابا الحلو ده , يبقى تستاهل باكو بسكوت ولا لأ ؟؟؟؟؟؟؟؟؟؟

لااااااااااااااااااااء

طب معلش عشان خاطري , انا عارفة انك واخدة منها موقف عشان عمرها ما دخلت عليكِ بباكو لبان حتى , بس برضو معلش , اللي يعمل الخير ويدي الناس من الحاجات الحلوة اللي معاه ربنا يحبه ويديله حاجات اكتر , مش انتي عايزة ربنا يحبك يا ياسمينتي ؟؟؟؟؟؟؟؟؟؟

ممممممممم

طيب شاطرة , يبقى روحي ادي تيتة باكو بسكوت وباكو شيكولاتة , قوليلها اتفضلي يا تيتة

ماسي مامااااااا

ايوة كدة بنتي حبيبتي الحلووووووووووة امووووووووووه

خوتي يا تيتة

اخيرا يختي حنيتي ! اعوذ بالله من الدناوة اللي انتِ فيهاااااااااا , انا عارفة طالعة لمييييييييييين , الغدا يا بهيررررررررررررررررررة

حاضر يا نيننننننننننننة

طب همشي انا بقى يا بهيرة

تمشي تروحي فين يا ماما !!!!!!!! اقعدي اتغدي معانا

لالالالالا انا عايزة اعمل ريجيم عشان رشاقتي

ههههههههههه يا ماما عايزة تحافظي على رشاقتك لمين بس !!!!!!!

لنفسي يختي , وانا ايه يخليني اكل واتخن وما اقدرش اقوم من مكاني واحتاج اللي يخدمني !!!!!!!!!! انا عايزة افضل رشيقة كدة عشان اعرف اعتمد على نفسي وما اقولش لحد ناولني حاجة

ههههه والله عندك حق يا ماما , ربنا يديكِ الصحة وما يحوجكيش لحد ابدا يا ست الحبااااااااااااايب

ولا يحوجك يا حبيبتي , اللهم آمين , ابقي سلمي على حسين , مع السلامة يا طنط ام حسيييييييييييين

الله يسلمك يا نوغّاااااااااا , الله يسلمك يللي لسة ما تطلعتيش من البيييييييييييييييييضة , الله يسلمك يا ام فيونكاااااااا الحمدلله هتمشي قبل ما نتغدا , كنت هزعل اوي واشيل في نفسي لو قعدت اتغدت

, تعالي يا ياسمين هاتي بوووووووسة عشان ماشية يا حبيبتي

تيتة عايزة تمشي يا ياسمين

اهئ اهئ لا , مس تمسي اهئ اهئئئئئئئئئئئئئئئئئئئئئئئئئئئئئئ تيتة تيتتتتتتتتتتتتة اهئ اهئئئئئئئئئئئئ

هههههههه شوفتي يا ماما , ياسمين بتعيط وبتشدك من هدومك اهيه مش عايزاكِ تمشي

معلش يا ياسمين , ابقي هاتي ماما وتعالي يا حبيبتي

ترررررررررررررررررررررررررررررررررن تررررررررررررررررررررررررررررررررررررررررررررررررررررن

دا باين حسين جه يا ماما , ليكِ نصيب تشوفيه قبل ما تمشي

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

انا جاية يا سونسوووووووووووووووووووون هههههههه سونة يا سونسون جيتلك اهوووووووووووووو هههههههههههه

السلام عليكم

وعليكم السلام يا حبيبييييييييييي

الله الله الله هههههههه حمااااااااااااتي , ايه النور ده , اشرقت الانوار يا حماتي ههههههه

النور نورك يا جوز بنتي , كويس اني شوفتك قبل ما امشي

تمشي ! تمشي تروحي فين بس يا حماتي , لا ما يصحش كدة , لازم تتغدي معانا

سيبها تمشي يا واد يا حسيييييييييييييييييييييييييييين

يا امي تمشي فين بس يا امي !!!!!!! دي لازم تتغدا ما يصحش كدة

انت هتسكت ولا اقوممممممملك , هي مش جعانة , مع السلامة يا ام محموووووووووووود

الله يسلمك يا ملكة الغابة , معلش بقى ابقوا هاتوا ياسمين وتعالوا اتغدوا عندي

يعني انتِ مصرة تمشي يا حماتي ؟

معلش يا جوز بنتي , معلش بس هغلس عليك , ممكن من فضلك تنزل توصلني وتوقفلي تاكسي وتاخد نمرته لحسن يكون هيخطفني ولا حاجة ؟ انت عارف الدنيا مافيهاش امان , والبنات اللي زيي ما حدش بيسيبهم في حالهم , ولاد الحرام كتير

ههههههه حاضر يا حماتي , انا نازل وراجع على طول يا بهيرة

مامتي امانة في ايدك يا سونسون , اللي يعاكسها قطعووووووووووووه هههههههههههههه

*
^

كلي يا امي , اتفضلي حتة اللحمة دي

هات يا حبيبي , من ايد ما اعدمهاش ياااااااااااارب

كلي يا ياسمين يا حبيبة بابا اموووووه خدي يا حبيبتي حتة الكوكو دي

كل يا حسين , كل يا ابني انت شقيان , سيبك من البت , اومال لو واد كنت عملت اييييييييييه

ههههه ما انا باكل اهو يا امي , خدي يا بهيرة حتة اللحمة دي

هههه تسلم ايدك يا سونسون

اخص عليك يا حسسسسسسسسسسسين , قلبي على ابني انفطر وقلب ابني عليا حجررررررررر

في ايه بس يا امي !!!!!!!!!

انت يا ابني عايز تموتني ! بتأكل مراتك قدااااااااااامي!!!!!!!!!!!!

يا امي معلش , دي برضو حامل وعايزة تغذية

يا سلااااااااااااااام ! حامل ال , حاااااااااامل , اسم الله يا حامل , حامل في الزناتي خليفة اسم الله

ما كانتش حتة لحمة دي , سونسون غلطان يا نينة معلش

ايوة غلطان من ساسه لراسسسسسسسسسسسه

معلش يا نينة قلبك ابيض , خدي مني حتة اللحمة دي بالهنا والشفا

هااااااااااااااااااتي , انا اولى

*
^

عجبك الغدا يا نينة

اهو الجعان بياكل الطوب

بالهنا والشفا يا نينة ههههههه عن اذنكو هلم الاطباق , تعالي يا ياسمين اغسلي ايدك وبقك

حاطل مامااااااااا

استني يا ياسمين هاجي اغسلك ايدك وبقك , سيبي انتِ يا بهيرة الاطباق هلمهم انا , انتِ مش قادرة تمشي

ربنا يخليك لينا يا سونسوووووووووون

حسسسسسسسسسسسسسسسسسسين

نعم يا امي , سيب الاطباق ددددددددددددي , عندك واحدة ست تشيلهممممممممم , انت راااااااااااجل , دانت ابوك لو شافك شايل الاطباق كدة وداخل بيهم المطبخ كان زمان طب ماااااااااااااات

يا امي انتِ عارفة اني عمري ما بساعد بهيرة ولكن هي زي ما انتِ شايفة , قربت تولد وتعبانة , مافيش حاجة لما اساعدها , عن اذنك

اووووووووووووف , الله يسامحك يا حسسسسسسسسسسين , حارق دمي على طوووووووول

*
*

انا جيبت الشاي وجيت اهو يا جماعة

اهلا يختي

شكرا يا بهيرة , تعالي اقعدي , اومال ياسمين فين

نامت يا حبيبي

يا شيخة حبك بررررررررص , ال حبيبي اااااااااااال , وجع بطنك قليلة الأدبببببببب

عارفة يا بهيرة سألتلك على مستشفى كويسة اوي عشان الولادة

والله ! ربنا يخليك يا سونسون

والمستشفى دي ايه يا حسين , حكومي مش كدة ؟

لا طبعا , انا سألت على مستشفى خاص كويسة

اييييييييييييييييه !!!!!!!! يا ابني حرام عليييييييييييك , عايز تدفع دم قلبك عشان المحروسة تولد تحت التكيييييييييييييف

يا امي انا مش هبهدل مراتي , انا عملت حسابي وطول فترة حملها وانا بركن مبلغ على جنب كل شهر عشان مصاريف الولادة في مستشفى خاص

كدة ! هو انت غاوي تنكد عليا يعنيييييييي , يا ابني حرام عليك فلوووووووسك , هما يعني الستات اللي بيولدوا في المستشفيات الحكومي دول مش بني ادمين ؟؟؟؟؟؟؟؟؟؟؟

معلش يا امي , انا مش هقصر مع مراتي

اووووووووووووووف , انا قايمة ماشية عشان ضغطي علييييييييي

استني بس يا امي , رايحة فيييييييين , لا حول ولا قوة الا بالله

—————————————————–

ونكمل في الحلقة الرابعة والعشرون  .. إلى اللقاء في الحلقة الرابعة والعشرون

بقلم الكاتبة: هبة نور

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى