ترفيهمسلسل يوميات بنت عنيدة

مسلسل “يوميات بنت عنيدة” الحلقة الثامنة عشر

الحلقة الثامنة عشر

وفات اسبوعين واحمد وملك مش بيتكلمو مع بعض الا فالضرورى وفالشغل وكل واحد فيهم كان مشغول بالرسم الجديد وساره كانت كل يوم

والتانى تيجى بحجه انها تتفرج على الرسم وكانت بتهزر مع احمد كتير وتضحك وكانت جريئه زياده عن اللزوم وده كان بيضايق ملك اوى حتى

احمد بداء يضايق من تصرفاتها

 

وفى يوم احمد مكنشى فالمكتب وملك كانت عاوزه تساله على حاجه فالرسم

 

ملك : بشمهندس وليد هو البشمهندس احمد فين

 

وليد: تقريبا فالكافتريا مع ساره

 

ملك بضيق: ساره ……. هى جات تانى

 

وليد: انا مش فاهم البنت دى عاوزه ايه بصراحه انا مش برتحلها………….وتصرفاتها جريئه اوى

 

ملك : بس احمد ليه رائى تانى

 

وليد : احمد …..بس انا حاسس ان احمد بيضايق هو كمان من تصرفاتها

 

ملك وهى بتتنهد:ممكن برده……. انا هروح اشوفه عشان عاوزه اساله على حاجه

 

ومشيت ملك وراحت على الكافتريا لقت احمد وساره قاعدين بيتكلمو ولسه بتقرب عليهم سمعت سارهبتقول

 

ساره : احمد انا معجبه بيك من زمان وعمرى مقدرت انساك ….. احمد انت حبى الاول ولاخير

 

احمد : بس

 

ساره : عشان خاطرى متقولشى بس انا بحبك بجد وهعمل اى حاجه عشان نكون مع بعض وهقنع بابا وهو مش هيزعلنى لما يعرف انى بحبك

 

وبعدين مسكت ايد احمد

 

ساره : انا بحبك بجد

 

ملك مقدرتشى تسمع ولا تشوف اكتر من كده ومشت بسرعه قبل محد يشوفها وهى مش واعيه لنفسها ودخلت على المكتب وهى مصدومه

 

وليد: ملك مالك شكلك مش طبيعى………..انت ملقتيش احمد ولا ايه

 

ملك بصوت مخنوق : احمد ….. لا ملقتهوش …. اصل وانا ماشيه دوخت فرجعت تانى ومشوفتهوش

 

وليد: انتى شكلك تعبان اوى

 

ملك: انا هستأذن وهروح عشان انا حسه انى تعبانه ولو سالك البشمهندس احمد عليا ابقى قوله انى تعبت شويه وروحت وهصبله الرسمات هنا

 

عشان لو احتاجها

 

وليد :ماشى ياملك والف سلامه عليكى

 

ملك: الله يسلمك

 

ومشيت ملك وهى مخنوقه جدا ومضايقه

 

وروحت على البيت ودخلت اوضيتها على طول وفجاءه انفجرات فالعيط وحست ان قلبها بيوجعها اوى وتليفونها عمال يرن بس هى مش قدره ترد

 

على حد من كتر العياط

 

وبعد شويه هديت ملك وتليفونها رن تانى

 

ملك : الو ………ازيك يا ايمان

 

ايمان : الحمد لله تمام …….. مش بتردى على تليفونك ليه

 

ملك : مخدشى بالى منه

 

ايمان :مالك يا لوكه وليد كلمنى وقالى انك تعبانه مالك يا حبيبتى

ملك : مفيش تعبانه شويه

 

ايمان :فى ايه يا ملك انتى هتخبى عليا انا حسه انك مش طبيعيه

 

ملك بداءت تعيط تانى

 

ايمان بقلق : مالك يا ملك متخضنيش عليكى

 

 

ملك: ايمان انا مخنوقه اوى

 

ايمان : ملك انا هلبس وهجيلك سلام دلوقتى

 

ملك: سلام

 

وبعد شويه كانت ايمان عند ملك

 

ايمان : ملك فى ايه انا اول مره اشوفك كده فى ايه يا حبيبتى احكيلى

 

ملك :انا حسه انى مخنوقه اوى وقلبى بيوجعنى………..ايمان انا شكلى كده بحب احمد وكمان بغير عليه مبقتشى عارفه افكر فحاجه غير فيه

 

ومبقتشى عارفه اشتغل ولا اذاكر ولا اعمل اى حاجه فحياتى

 

ايمان : اهدى بس وايه المشكله انك تحبى احمد ليه مخنوقه مش انتى طول عمرك نفسك تحبى وتتحبى وكنتى بترفضى العرسان

 

ملك : معدشى ينفع خلاص احمد بيحب وحده تانيه وهى كمان بتحبه

 

ايمان : ايه ……..مين قالك كده يمكن انتى فاهمه الموضوع غلط

 

ملك لا انا سمعتهم انهارده………… انا لازم افوق لنفسى وارجع ملك بتاع زمان لازم اهتم بشغلى ودرستى وبس ……… بس المشكله انى مش

عارفه اعمل كده

 

ملك وهى بتعيط: اعمل ايه يا ايمان انا حتى مش عارفه انا بعيط ليه والدموع بتنزل من عينى غصب عنى

 

ايمان خدتها فحضنها : اهدى يا ملك قومى اغسلى وشك وصلى وادعى ربنا يقدملك الخير ويبعدك عن الشر

 

ملك : انا هاخد اسبوعين اجازه عشان الامتحانات وهحاول ابعد شويه

 

ايمان : ماشى يا ملك حاولى تركزى فامتحاناتك اليومين دول وانسى اى حاجه تانيه

 

ملك: ان شاء الله ربنا يسهل

 

وفالوقت ده فالمكتب

 

دخل احمد وبص على مكتب ملك لقاه فاضى

 

احمد : وليد ………..هى ملك فين

 

وليد: ملك روحت عشان تعبانه شويه

 

احمد وهومخضوض : تعبانه مالها

 

وليد: مش عارف كانت بدور عليك وبعدين رجعت وشكلها مش طبيعى وشكلها تعبان وقالتلى انها هتروح…………. هى اللى اسمها ساره دى

 

هتفضل تنطلنا كل شويه كده

 

احمد: اشمعنا

 

وليد: بصراحه انا مش بحب البنت دى ولا بستريحلها وبعدين جريئه ولزقالك طول النهار

 

احمد :لا متقلقشى انا خلاص خلصت الموضوع ده انهارده

 

وليد باستغراب : ازاى ؟؟؟؟؟؟؟؟؟؟؟؟؟؟؟

———–———-———————-————

ونكمل في الحلقة التاسعة عشر.. الى اللقاء في الحلقة التاسعة عشر

بقلم الكاتبة :ريم أحمد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى