ترفيهمسلسل متخافيش

مسلسل متخافيش الحلقة الثالثة والرابعة

الحلقة الثالثة

كريمه بصت للشاب : تسلم يا ابوحميد……… وعشان نفذت اللى قولتلك عليه ……….الحلوه دى
ورجعت بصت لهنا بشماته وغيظ
كريمه : الحلوه دى ليك الليله دى …………..مبروك يا عريس …….وهجيلك الصبح وتكون شرفتنى
وبعدين بصتله بشك : ولا اشوف حد تانى ؟؟؟
احمد بصلها بابتسامه بانه موافق
ومشت كريمه وهى عماله تضحك بصوت عالى وهنا الخوف هيموتها واحمد رجع قعد تانى على الكرسى وهو بيبص لهنا من غير ما ينطق بكلمه
……………………………………………………
الام قاعده قلقانه وتبص فالساعه وتتصل بهنا التليفون مقفول
الام : يارب خير ……….اتاخرتى كده ليه يا هنا ………….يارب احفظهالى يارب
وبداءت تعيط وهى مش عارفه تعمل ايه
وكل شويه من الشباك للاوضه لباب الشقه وهى محتره وقلقانه
………………………………………………………..
احمد لسه قاعد يبص على هنا وهى عمال تعيط وخايفه وفجاءه قام احمد من مكانه وقرب عليها
هنا بخوف : انت عارف لو قربت منى ………..عشان خاطرى انا ماذتكشى فى حاجه ………….انا معملتش غير الصح ………..عشان خاطرى وبداءت دموعها تزيد
قرب احمد منها واخير اتكلم وقالها
احمد : ما تخافيش …………..
هنا بخوف : انت هتعمل فيا ايه
احمد : قولتلك ماتخافيش ………….اعملى اللى هقولك عليه وماتخافيش
هنا بقلق : اعمل ايه ؟؟؟؟
احمد: بصى الست دى مفتريه ولو انا معملتش كده هتجيب حد تانى
هنا وهى بتبعد عنه : هتعمل ايه ……… انت معندكشى اخوات بنات حرام عليك
احمد : صدقينى مش هلمسك حاولى تثقى فيه .
هنا : اثق فيك ازاى يعنى وانت السبب انى هنا
احمد : اسمعينى بس انا عملت كده غصب عنى انتى متعرفيش الست دى مفتريه ازاى ………….المهم دلوقتى اعملى اللى هقولك عليه
هنا بصتله وهى بتحاول تصدق كلامه وتطمن
قرب منها احمد : بصى انا هقطع هدومك وبهدلى فى وشك شويه كده ………..و هنمثل انى عملت فيكى حاجه ماشى هشان بس تسيبك
هنا بشك : ازاى يعنى ………….
قرب منها احمد بس المرادى كان خوفها منه بداء يروح شد كم الجاكت بتاعها قطعه وجاب تراب من الارض وبهدل وشها بيه وهدومها كلها
وبعدين بصلها بحيره : فى لسه حاجه مهمه …….الدم
هنا باستغراب : دم ايه………هو انت هتموتنى
احمد باحراج : لاء ……..بس مش انتى لسه بنت
هنا بكسوف بعد ما فهمت : هتعمل ايه
احمد طلع من جيبه سكينه صغيره وعور نفسه فدراعه ونزل دم على الارض وعلى هدوم هنا
هنا بصتله باستغراب بعد ماتحول خوفها منه لخوف عليه
هنا : انت مجنون ………..مش كفايه الجرح اللى فايدك
احمد بحزن : مش مهم انا……… انا اللى عملت فيكى كده واستاهل كل ده
رجع قعد على الكرسى تانى وفضل يبص على هنا بحزن
هنا باستغراب : هو انت مين ؟؟ ………وبتعمل كده ليه ؟؟
احمد بحزن : انا اسمى احمد …….. اخر سنه كلية هندسه
هنا : ايه بجد ………طيب انت ليه بضيع مستقبلك وليه عملت كده وانت تعرف الست المقرفه دى منين
احمد: هحكيلك ………..من حوالى شهر ونص

فلاش باك
احمد واقف فى شقه على قد حالها ومتوتر جدا وقلقان وبعد شويه يخرج دكتور من الاوضه اللى قدامه
احمد : خير يا دكتور
الدكتور : الحاله مطمنشى لازم ننقلها للمستشفى فى اقرب وقت …….انا هتصل بالاسعاف
جرت منى على احمد وهى بتعيط : ماما يا احمد
احمد : اهدى يا منى ان شاء الله هتبقى كويسه ………..ادخلى بس غيريلها هدومها عشان الاسعاف لما يجى
احمد: خير يا دكتور
الدكتور : بعد التحاليل ………للاسف عندها سرطن فى المعده وفى مرحله متاخره جدا حتى العلاج الكيماوى مش هينفع …….انا اسف
وقف احمد وهو مصدوم وبداءت الدموع تنزل من عينه

الحلقة الرابعة ” احمد كان عايش مع مامته واخته كان متفوق فالدراسه ودخل هندسه وكان بيشتغل بليل فى مصنع عشان يعرف يعيش ويصرف على اخته ومامته بعد وفات باباه فى حادث وهو فالثانويه “
وبعد حوالى اسبوع توفت الام وزادت الديون على احمد بسبب علاج مامته والمستشفى وفى يوم كان قاعد حزين على حاله وعلى مامته فى شقته لقى الباب بيخبطت وفتحت منى
منى من غير نفس : اهلا بحضرتك اتفضلى
كريمه : ازيك يامنى عامله ايه امال احمد فين
منى : ثوانى هنديهولك
ودخلت منى لاحمد الاوضه
منى : الزفتى اللى اسمها كريمه جارتنا عاوزاك
احمد : عيب كده يامنى ………..الست كل يوم بتسال علينا من يوم وفات ماما
منى : مش عارفه انا مش بطيقها ولا برتحلها
احمد : طيب اسكتى بقى
وخرج احمد لكريمه وهو باين عليه الهم والحزن
كريمه : ايه يا احمد مالك عامل كده ليه
احمد :ولا حاجه ……………… مفيش
كريمه بضحكه صفره : ايه محتاج فلوس
احمد : كفايه اللى اخدته منك …………. انا هحاول اتصرف
كريمه : هتتصرف منين احنا اخوات وجيران ………….شوف انت عاوز كام ومتقلقشى هتمضيلى على وصل امانه زى العاده …….اهو يحفظ حقى
احمد باستسلام : ماشى اللى انتى عاوزاه
وفعلا كريمه اداته الفلوس ومضته على الوصل

بعدها بحوالى اسبوع كان احمد نازل يجيب طلبات متاخر لقى كريمه طلعه على السلم وهى مضايقه وكلها حقد وغل
وبعدين بصت لاحمد : انا عاوزاك ضرورى
احمد : فى ايه …….انتى مالك
كريمه : تعالى بس ………….مش هينفع الكلام هنا
وفعلا دخلو شقة كريمه وحكلتله كريمه على هنا واللى عملته وخلت الدكتور يطردها
كريمه بغيظ : انا لازم انتقم منها
احمد : ازاى يعنى هتعملى ايه وانتى تعرفيها منين اصلا
كريمه : انا استنيت لما نزلت واخد رقم عربيتها
وبعدين بصت لاحمد : انا هخطفها وانت لازم تساعدنى
احمد : نعم ………اساعدك ازاى يعنى ………..بقولك ايه انسى الموضوع ده احسن
كريمه : لا طبعا انا منساش حقى ابدا ….وانت لازم تساعدنى ……..يا اما .؟؟؟؟
احمد بقلق : يا اما ايه ؟؟
كريمه بتحدى : ياما هوديك فى ستين دهيه وهبلغ عنك بوصلات الامانه اللى عندى
احمد بزعيق : انتى بتهددينى ؟؟
كريمه : افهم اللى تفهمه …………….انت لازم تساعدنى
احمد برجاء : عشان خاطرى انسى الموضوع ده ………انا عندى اخت بنت واخاف عليها ……..عشان خاطرى بلاش الاذيه
كريمه : لو فعلا خايف على اختك اسمع كلامى ………..ولا عاوز اختك تتشرد لما اخوها حبيبها يدخل السجن
احمد : انتى ايه شيطان ………..انتى معندكيش دم
كريمه بدلع : ها بقى يا حماده …..هتساعدنى مش كده
وفعلا احمد سمع كلامها خوفا على اخته وقدر يوصل لهنا عن طريق رقم العربيه وفضل يراقبها لحد ملقى الفرصه وخطفها

ويرجع احمد ويبص لهنا : بجد انا عملت كده غصب عنى كريمه دى مش بنى ادمه دى شيطانه
هنا بخوف : طيب وهى هتعمل فيه ايه دلوقتى
احمد : مش عارف ………….استنى لما نشوف هتعمل ايه الصبح
هنا بداءت تعيط : طيب وماما زمانها قلقانه عليه دى ملهاش غيرى ………….عشان خاطرى سابنى اروح
احمد : بالله عليكى انا مش ناقص ……..انا فيا اللى مكفينى
هنا وهى بتمسح دموعه : طيب ينفع تكلمها وطمنها عليا …….عشان خاطرى زمانها هتموت من قلق عليا ……….كلمها كمان عشان ممكن تكلم البوليس وتخلصنا من كل ده
احمد بخضه : ايه بوليس ………….لا انتى عاوزه تودينى فى داهيه
هنا : طيب خلاص بس طمنها بس
احمد بعد تفكير : طيب بصى انتى هتكلميها وتخليها متقولشى اى حاجه لحد ولا تبلغ لحد منشوف هنتصرف ازاى الصبح
هنا بفرحه : ماشى اللى انت عاوزه بس اكلمها

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى