أسهل وأفضل طريقة لتخليل الزيتون الاخضر بالصور

أسهل وأفضل طريقة لتخليل الزيتون الاخضر بالصور

في انواع كتيره اوي من الزيتون الاخضر ، لو هاتاكلي الزيتون علي طول ومش حابة تخزنيه لطول السنه فاممكن تجيبي نوع اسمه الزيتون التفاحي  وهو الزيتونه
مدورة وكبيره في الحجم وتحسيها طريه من كتر اللحم تاعها لكن مش بيستمر فتره
طويله وبيتهري ومابيبقاش جميل  لو اتخزن فتره طويله
نوع تاني اسمه الزيتون العزيزي وهاذا الزيتونه تاعه صغيره في الحجم وانشف
شويه من التفاحي وميزته انه ممكن يستمر معاكي طول السنه ومش
بيتهري بسرعه ( عندي منه زيتون من موسم السنه اللي
قبل اللي فاتت ولسه ماشاء الله جميل جدا)

ندخل علي المهم طريقة التخليل ( وهي واحده للنوعين )

نحتاج :

1256312136

طبعا الزيتون
ملح خشن ( تقريبا 5 كيلو زيتون بياخدوا نص كيلو ملح خشن او اكتر شويه ) كان فيه كيس لشركة النصر كيلو ب 50 قرش ( اللي في الصوره)لكن السنه هادي لقيتهم نزلوا اكياس الكيس نص كيلو خلطه باجيبها من العطار عباره عن( حبة البركه وعُصفر او العقده الصفراء وشطه  ( ينفع يتشال في التلاجه للسنه الجايه )
خل
عصير ليمون
قشر الليمون اللي عصرناه
فليفلة خضراء حامية
وبرطمان فاضي بحجم مناسب
ملعقتين من اي زيت نباتي وممكن زيت زيتون

الطريقه :

يغسل الزيتون جيدا ويشق من كل جانب علي شكل علامة x
ينقع في الماء لمده 3 او 4 ايام مع تغيير الماء اكثر من مره يوميا للتخلص من
المراره الموجوده فيه وماتقلقيش لو الشقوق لونها اغمق شويه لما يتخلل كلها هاتبقي
لونها اصفر
بعد فترة النقع يصفي من الماء ، ونحضر كل المكونات الاخري والبرطمان الفارغ

يرص الزيتون بالتبادل مع الفليفلة وقشر الليمون وخلطة العصفر وقليل من الملح
وملعقة عصير ليمون وملعقة خل

1256312236

وهكذا ترص طبقات الزيتون وفوقها باقي المكونات بالتبادل حتي
نملأ البرطمان مع الضغط جيدا عليه حتي لا نترك اي فراغات هواء بين الزيتون
نراعي ان تكون الطبقه الاخيره من الفليفله و قشر الليمون

1256312188

نضيف الماء حتي يملأ البرطمان ثم نرجه جيدا حتي يذوب الملح
وبعدين ندوقه ونظبط الملح واذا حسيتي انه محتاج ممكن تضيفي
شويه ملح كمان وترجي البرطمان
وبعد كده نحط الملعقتين الزيت علي وجه البرطمان عشان نمنع
دخول الهواء لطبقات الزيتون ونمنع تعفن الطبقه السطحيه
( وعموما احنا حاطين قشر الليمون عشان لو حصل لا قدر الله عفن نرمي الطبقه اللي فوق )

ثم احكمي غطاء البرطمان كويس اوي وحطيه في اي حته عندك في
المطبخ لمده 10 ايام او اسبوعين علي الاكثر وبعدها ذوقي الذ زيتون مخلل

ولاحظي عدم فتح البرطمان عليه كل شويه لان ده بيدخل هواء وممكن يفسد الزيتون

ملحوظة :
ياريت تحطي البرطمان علي طبق او كميه من ورقة الجرايد او قطعة قماش سميكه لانه في اول يومين بيفور شويه وبينزل شوية ميه صغيرين

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *