مسلسل عشق بلا قيود الحلقة الثالثة والرابعة

الحلقة الثالثة

ريان لسه قاعد على البحر وبيفكر
بيبص جمبة لمح لوجين
ريان مش مصدق نفسة فرك فى عينة وفتحها تانى
ابتسم ابتسامة كبيرة وقام راح نحيتها
ريان : مش انت اللى كنتى معاانا فى البارتى امبارح ولا انا متهيالى ؟
بصتله لوجين
لوجين : ايوة انا مش انت بردو …….
قاطعها ريان : ايوة انا ريان
لوجين : اهلا وسهلا وانا لوجين
ريان : اهلا بيكى
لوجين : انت ايه اللى جابك هنا ؟؟
ريان قعد وقال
ريان : كنت قاعد مع البحر شوية بحب احكيله حكايتى
لوجين : وانا كمان
ريان : على فكرة انت ممكن تحكيلى انا بدل ماتكلمى نفسك ؟!!
لوجين : ياريت والله انا عايزة اتكلم واشتكى لحد غريب عنى يمكن يحللى مشاكلى البحر بيسمع بس لكن مش بيحل
ريان : فكرة بردو ع فكرة انا دكتور نفسى
لوجين : ايه دة بجد
ريان : ايوة
لوجين : تمام هنتكلم هنا ولا هنروح ع العيادة وتقعدنى ع الشازلونج وتقولى اشربى بق ماية وخدى نفس عميق
ريان : هههههههههه لا االافلام قصرت ع دماغك
لوجين : هههههههه حتى مش فاضية اتفرج ع التليفزيون
ريان : ليه كدة احكيلى اللى عندك
……….
فى السينيما
اسلام : بصى هيضربوا دلوقتى
اسما : انت اتفرجت علية قبل كدة
اسلام : لا بس هيضربوا
اسما : وانت ايه اللى مخليك متأكد كدة ؟
اسلام : هتشوفى
اسما : طب هات حبة فشار
اسلام : خدية كله
احد المتفرجين : ششششششش اسكتوا بقا مش عارفين نسمع
اسلام : خلاص يا عم احنا اسفين
شوية واسلام قال
اسلام بصوت عالى : هههههههههه شوفتى مش قولتلك هيضربوا مسمعتيش كلامى
احد المتفرجين : ماخلاص ياعم مش عارفين نسمع الزفت منك من الصبح
اسلام : انت بتكلمنى كدة ليه ماتيجى تضربنى احسن ؟
اسما : ماتحترم نفسك يا عم انت بتكلموا كدة ليه ؟
اسما طلعت شرشوحة يا جدعان هههههه
احد المتفرجين : اخرصى يابت انت لما الرجاله تتكلم العيال يسكتوا
اسلام : اخرصى ويابت وعيال ؟؟ لا تعالالى بقا
الشخص : تعالى يا حبيبى انا هخاف منك
احد المتفرجين2: لا لو سمحت عايزين نتفرج ع الفيلم لو هتتخانقوا اتخانقوا برة
اسلام : تعالالى برة
طلع اسلام واسما وراة والراجل
اسلام : امشى انت مينفعش تشوفية وهو بيضرب
اسما : لالالا اهدى يا اسلام متتهورش
الشخص : تعالى بقا يا حلو
وهووب مسكوا ف بعض
واسما واقفة ع جنب وعماله تعيط وتصوت
اسما : الحقونا يا جماعة
الناس اتفكرت اسما تقصد ع الراجل التانى يلحقوة من اسلام فمسكوة فى اسلام وفضلوا يضربوا واسما تصوت اكتر واسلام سايح فى دمة
جة الامن وفضوا المنازعة وقاموا اسلام ونقلوة ع المستشفى
……..
ع الشط
لوجين : اكيد االكلام الى هحيكية دلوقتى مش هيوصل لامير مش كدة ؟
ريان : اكيييد عيب عليكى
لوجين : تمام …. انا حاليا بحب امير وامير ميعرفش … كنت محضراله اغنية انا اللى مألفه كلماتها واسلام اللى كان معايا امبارح هو اللى ملحنها
…. لما لقيتة مهتم اوى بشيماء بنت خالتى بصراحة زعلت جدا ومردتش اقوله ع الى ف قلبى تجاهة
… دلوقتى انا مشاعرى متلغبطة من اللى حصل امبارح مش عارفة اعمل ايه ؟
ريان : ايه اللى حصل امبارح
لوجين : كنت بددور عليه لانة ساعتها كان مختفى وطلعت برة النادى لقيتة مع شيماء فى الجنية وسكرانين
ريان فى نفسة : امال لو عرفت انة رايح لشيماء عشان يرتبط بيها هتعمل ايه ؟؟
ريان : اه كملى
لوجين : بس مش عارفة بقا حاسة انى مش طايقاه وف نفس الوقت بحبة
ريان : انت بتحبية من امتى ؟؟
لوجين : من 1 اعدادى
ريان : اممممم احب اقولك ان حبك لامير دة حب مراهقة او حكاية تعود مش اكتر
لوجين : ازاى انا فعلا بحبة
ريان : تمام انا معاكى بس مش حب اتنين يتخطبوا ويتجوزوا وتفتحوا بيت واسرة دة حب عادى او اعجاب بس قعد مدة طويله
لوجين : ازاى دة انا بقالى 10 سنين
ريان : مش لازم بعدد الفترة جربى واقعدى مع نفسك هتلاقى نفسك مدايقة شوية وبعد كدة هتبقى تمام ولا هتهتمى باى حاجة
لوجين : يعنى انا مش مجنونة ودة طبيعى
ريان : ههههههههه اه طبعا طبيعي هو اى حد يتكلم مع دكتور نفسى يبقى مجنون
لوجين : هههه لا طبعا انا متشكرة جدا وهجرب الحكاية دى واكيد هجيلك تانى
ريان : اكييد طبعا
وطلع من الجاكت بتاعة كارت عنوان العيادة وارقام تليفوناتة
ريان : اتفضلى دة كارت فية عنوان العيادة وارقام تليفوناتى عشان لو حبيتى تيجى فى اى وقت هتلاقينى موجود
لوجين : تمام اكيد هجيلك
لوجين موبايلها رن
بصت لقت امير
لوجين : يالهوى
ريان : فى ايييييه ؟
لوجين : دة دة دة امير
ريان : طب ردى
بصتله بخوف بصلها وقالها
ريان : متخافيش ردى عادى جدا
لوجين : حاضر .. االووووو
امير : حببتى عامله ايه ؟
لوجين : اااالحمدلله تمام
امير : انا عايزك تتصلى باسلام واسما وتيجوا انتو الـ3 ع الفيلا بتاعتى محضرلكم مفاجاه
لوجين : خييييير
امير : متخافيش حاجة حلوة
لوجين : حااضر سلام
امير : سلام
ريان : قالك ايه ؟؟
لوجين : ربنا يستر عايزنا نتجمع كلنا فى الفيلا بيقولى عاملكم مفاجاه
ريان فى نفسة : اممممم عملت بردو اللى ف دماغك ربنا يسترها عليكى
ريااان : اه هو قايلى من الصبح
لوجين : طب متعرفش عايزنا فى ايه ؟
رياان : لا مش عارف
ريان فى نفسة : لو عرفتى اللى عمله هتروحى فيها
ريان : اااااه بقولك ايه فوكك من الموضوع دة وتعالى نتمشى شوية ولا اقولك عايزك تعرفينى ع اهلك
لوجين : اكييد طبعا دة شرف ليا بس ممكن بعد اللمة وكدة عايزة اعرف هيعملنا ايه ؟
ريان : تمام
……….
فى المستشفى
اسما واقفة بتعيط ومستنية الدكتور يخرج من الاوضة
واخيرا الدكتور خرج
اسما : لو سمحت يا دكتور اسلام عامل ايه ؟
الدكتور : متخافيش اوى كدة هو كويس لو عايزة تدخليلة عادى
اسما : ماشى شكرا ^^
الدكتور : على ايه دة واجبى … عن اذنك
اسما مسحت دموعها ودخلت الاوضة
شهقت اسما اول ماشافتة
اسما : ايه دة انت مجبس دراعك
اسلام : اه اتكسر وحيات امى ماانا سايبة
اسما : الف سلامة عليك
اسلام : الله يسلمك … وانت روحتى صوتى خليتى الناس هجمت عليا
اسما : والله مااقصد هم الناس فهمونى غلط وضربوك انت
اسلام : حصل خيير
اسما : ع فكرة بقا
اسلام : ايييييه ؟؟
اسما : انا اسفة
اسلام : ع ايه ؟!
اسما : عشان انا السبب فى كل اللى حصلك دة
اسلام : متقوليش كدة ولا انت عايزة الواد يشتمك وانا اسكت
اسما : لا طبعا
موبايل اسما رن
اسما : الووووو
لوجين : الفيلم خلص ؟
اسما : فيلم اسود
لوجين : لييه كدة انتو فين دلوقتى ؟
اسما : فى المستشفى
لوجين : ايييييييييه ؟!
اسما : اصل اسلام اتخانق مع عيال صايعة و…………….
وحكتلها ع كل ما حدث
لوجين : يالهووووووووى انا جايلكوا دلوقتى ف مستشفى ايه ؟؟
بصت اسما لاسلام وعادت الكلام
اسما : مستشفى ايييه
اسلام بصلها وشارولها انها متقولش وتطمنها عليه
اسما : اسلام بيقولك اصدى اسلام بخير واحنا مروحين ناو
اسلام شاورلها
لوجين : طيب
اسما : كنتى بتتصلى ليه ؟
لوجين : اصل امير عايزنا نجلكوا الفيلا بيقول محضرلنا مفاجاة وعايز اسلام بردو لو قدرتى تقنعية يجى هاتية
اسما : اكيد هقدر
……….
فى الفيلا
اتجمعوا كلهم فى الفيلا واول ما دخلوا لقوا الفيلا كلها زينة وبلالين
افتكرت ساعتها ان امير محضرلها مفاجاة وهيقولها انة بيحبها
الفرحة ماكنتش سايعاها راحوا وقعدوا وفضلوا مستنين امير
لوجين : ههههه الف سلامة عليك يا سومى
اسلام : فرحانة فيا
لوجين : اصل انت ع طول خناقات
اسلام : مش ع طول ياختى … بقا بالذمة انت روحتى عشان تعبانة
لوجين : الصراحة لا كنت عايزة اقعد مع نفسى شوية
اسلام : ااااااااه قولى بقا كدة ماااااشى يا لوجين
لوجين واسما : ههههههههههه
واول ماخرج امير كلهم وقفوا عشاان يسلموا عليه وساعتها
ظهرت شيماء وراة اختفت ابتسامة لوجين من ع وشها
وبدات تستوعب اللى حصل وبدا امير يتكلم
امير : اكيد كلكم عايزين تعرفوا انا مجمعكوا ليه
اسما : اخلص يا عم
ريان بص للوجين اللى كانت ع وشك ان تعيط
وبلع ريقة بصعووبة
امير : انا وشيماء بنحب بعض وهنرتبط
اسما : ايييييه ؟!
ريان : …….
اسلام : الف مبروك
اما لوجين
لوجين : ………
………

الحلقة الرابعة
لوجين وقعت اغمى عليها من الخبر
جرى كلهم عليها وكان اول واحد لحقها ريان
اسما : لوجين لوجين فووقى !
شيماء فى نفسها : اووووووووف دايما تبوظ فرحتى
شيماء بتمثيل: فوقى يا لوجى
اسلام مصدوم : ……..
ريان : هاااتو مايية بسرعة
جرى اسلام وجاب ماية واداها لريان
وريان رش على وشها ماية لحد ما فاقت
والحمدلله فاقت لوجين
لوجين : ايه اللى حصل ؟؟
ريان : متخافيش انت اغمى عليكى
لوجين افتكرت اللى حصل بصت لامير
وقامت واسما وريان ساعدوها
اسما : مالك يا قلبى ؟؟
لوجين : مفيش يا اسما تلاقينى مكلتش من الصبح
اسلام : اه ماانتى سبتينا ومشيتى
لوجين : معلش يا اسلام كنت تعبت شوية وكنت عايزة اقعد مع نفسى شوية .. صح الف سلامة عليك
اسلام : يابنتى هى الوقعة قصرت عليكى ماانت لسه قايلالى ع العموم الله يسلمك يلا عشان اروحك
ريان : لو تسمحلى اجى اوصلكم
اسلام : لا شكرا متتعبش نفسك
ريان : لا مفيش تعب ولا حاجة انت مش هتعرف تسوق اصلا
لوجين : خلاص يا اسلام متكسفهوش
اسلام : ماشى مقدرش اكسفة طبعا
قامت لوجين وهم ماشيين
لوجين : مع السلامة يا جماعة
امير : اي يا لوجى مش هتبركلنا ولا اييه .؟
نزلت الجمله دى عليها زى الصاعقة
لوجين وعنيها لكها دموع : الف مبروك
شيماء وهى بتمسك ايد امير
شيماء بغيظ : الله يبارك فيكى يا حببتى
لوجين ادايقت جامد وعنيها كلها دموووع
ريان خد باله
ريان : يلا يا لوجين نمشى انت تعبانة
………
شيماء : تعالوا نتكلم شوية انا زهقت
امير : اه عندك حق يلا يا اسما
اسما : لا انا هدخل اوضتى
شيماء : لييه كدة انت مش عايزة تقعدى معايا صح
اسما : بصراحة اه متخلنيش اقول كلام يدايق اكتر من كدة انت بتستفزينى اوى
شيماء : ليه كدة يا سوسو اخص عليكى والله زعلتينى
امير : اسما احترمى نفسك واتكلمى مع خطيبة اخوكى عدل
اسما : انا محترمة يا امير ومحدش يقدر يقول غير كدة ولما تبقى خطيبتك ابقى قولها براحتك …. (ومشيت اسما )
امير : خدى هنا لما اكون بكلمك ماتسبنيش وتمشى اسممممماااااا
شيماء عامله نفسها زعلانة
شيماء : خلاص يا حبيبى سيبها
امير : متزعليش منها يا قلبى هى بس مش عارف مالها
شيماء : عشان خاطرك انت مش هزعل منها ابدددددا
امير : ……..
……..
فى العربية
ريان بيسوق العربية واسلام قاعد فى االكرسى اللى جمبة ولوجين قاعدة ورا وعماله تعيط وتمسح دموعها كل شوية وريان كل شوية يبص عليها فى مرايا العربية وكل مايشوفها بتعيط يتدايق اكتر
لوجين : ……..
ريااان : ……..
اسلام خد باله ان ريان كل شوية يبص عليها اتدايق جدا وعمل نفسة مخدش باله
بأختصار فى العربية صممممتتت تاااام
……..
شوية ووصلوا البيت نزلت لوجين من غير كلام وطلعت ع فيلتها
واسلام : انا متشكر اوى يا…… انت قولتلى اسمك ايه ؟؟
ريان مبتسم : ريان اسمى ريان
اسلام : اه لا مؤاخذة يا ريان انا متشكر جدددا مش عارف اقولك ايه ؟
ريان : متقولش حاجة بس خالى بالك من لوجين شكلها تعبان اوى
اسلام بضيق : من غير ماتقول
……..
طلعت فيلتها ودخلت ع اوضتها وقفلت ع نفسها
سوزان : فى ايه مالها ؟؟
ادهم : مش عارف اول ماجت دخلت ع اوضتها
سوزان : انا مش عارفة البت دى مالها بقالها يومين متغيرة اوى
ادهم : ادخللها يا سوزان شوفيها مالها
سوزان : حاضر يارب تفتح
راحت ناحية اوضتها
تك تك تك تك
سوزان : افتحى يا لوجى
لوجين : لو سمحت يا ماما سيبينى مع نفسى شوية
سوزان : طيب قوليلى مالك
لوجين : مفيش انا تعبانة وعايزة انام
سوزان : ماشى يا بنتى ربنا يهديكى
……..
ريان ركن العربية وطلع العيادة
ودخل المكتب وقعد ورجع براسة لورا فضل يفكر
يفكر يفكر يفكر
ريان :
باب المكتب بيخبط
ريان اتخض
رياان : ادخل
لوجين : ريان ممكن اقعد معاك شوية انا مخنوقة
ريان مش مصدق
ريان : طبعا طبعا
لوجين : ياريت نتكلم عند البحر
ريان : اكيييييد ثوانى بس
خد موبايله وحطة فى جيبة وطلع معاها
راحو عند البحر وقعدة
ريان : احكيلى بقا مالك
لوجين مسك ايدة وفضلت تترجاه
لوجين : ريان انا محتاجة حد يحبنى واحبة انا نفسى احس الاحساس دة نفسى اجربة زى بقيت الناس انا مش عايزة احب من طرف واحد زهقت خالص
ريان بص على ع ايدها اللى ماسكة في ايدة وحس بشعور غريب اوى
فأكملت لوجين : ريان ممكن تساعدنى الاقى الشخص دة
ريان : هو موجود بس معندهوش الجراة خايف يقولك وتجرحية
لوجين : هوو فين صورتة مش واضحالى نفسى اعرفة واوعدك مش هجرحة ابدا
ريان وقف ومسك ايديها ووقفها
وبصلها وعنية كلها سعادة
ريان : الشخص دة يبقى …. اناااا
لوجين : انت ؟!
ريان : ايوة انا .. لوجين … انا بحبك
لوجين : بجددد
ريان : ايوة بحبك من اول يوم شوفتك فية
لوجين : وانااااا كماااااااان
موباايل ريان بيرن
رياان اتخض
صحى من النوم
رياااان : ايه دة انا كنت بحللللم لالالا اكيد مش حلم . اووووف انا زهقت
مسك موبايله ولقى اسمها مكنش مصدق وافتكر انة بيحلم تانى
ريان بينادى ع االسكرتارة
ريااان : يا ولاء ولالاء
ولاء : ايوة يا دكتور
ريان : هو انا فى حلم ولا علم
ولاء : افندم
ريان : طب ممكن تقرصينى
ولاء : فى حاجة يا فندم
رياان : اووو خلاص روحى انت
ساعتها كانت بتتصل تانى وفصل
فقد الامل ورمى القلم ع الارض
لقى الموبايل بيرن تانى
ريان رد بسررعة
ريان : الووووو
لوجين : ريان انا مخنوقة جدااا انا عايزة اجيلك العيادة
ريان فى نفسة هو الحلم بيتحقق ولا اييه
لوجين : ريان انت رحت فيين
ريان : ها انا معاكى انا فى العيادة تعالى مستنيكى
لوجين : انت فاضى ولا عندك شغل
ريان : لا معنديش حد انهاردة
لوجين : تمام نص ساعة واكون عندك
ريان : اوكية
……
اسما فى اوضتها
سمعت حد بينادى عليها
طلعت من اوضتها ونزلت
لقت باباها واقف متعصب اوى وواقف جمبة امير
اسما بخوف : نعم يا بااباا
عبدالرحمن : انت ايه اللى عملتية مع خطيبة امير دة
اسما : عملت ايه يعنى ثم مش لما تبقى خطبتة الاول
عبدالرحمن : ردى على ابوكى عدل لحسن اموتك فى ابدى .. انت فاكرة عشان امك ماتت هتصعبى علية وتتدلعى علينا
اسما : لا يابا انا عمرى ماادلعت ع حضرتك بس الظاهر شيماء لعبت فى دماغة وخلتة مدايق منى
امير : على فكرة هى قالتلى مش زعلانة منك عشان بتحبنى وانت اختى
اسما : ولا تزعل مش هتفرق معايا انا مش عاارفة انت بتحبها ع ايه ؟؟؟!
عبدالرحمن : كفاية بقا ماتضربوا فى ببعض وانا واقف احسن
امير : خلاص يا بابا انا هروحلها لحسن شكلها ماشية مدايقة اوى
عبد الرحمن : ماشى يا حبيبى
اسما بتقلد امير : انا هروحلها لحسن شكلها ماشية مدايقة اوى … يارب تموتى يا شيماء
عبدالرحمن : اسسسسسسسسسمممممممممممماااااااااااااا
اسما بخوووف طلعت اوضتها وقفلت ع نفسها الباب
………
فى العيادة
ريان واقف وبيتحرك شمال ويمين شمال ويمين
وبيدور فى الاوضة كلها بتوتر وهو بيقول
رياان : ياااارب خليك معايا اقولها ولا اعمل ايه ؟؟؟ ياارب الحلم ميتحققش
خبطت ع الباب جرى قعد ع الكرسى وظبط نفسة وقال
ريان : ادخخخلللل !!
فتحت الباب ودخلت وقفلته وراها
لوجين : كنت هطق لو مجتش هنا
ريان : اهدى .. اتفضلى اقعدى
لوجين بعد ماقعدت : معلش دخلت عليك بطريقة وحشة
ريان : حصل خير ولا يهمك
لوجين : هو احنا ممكن نقعد ع البحر واحكيلك ؟؟
ريان بصدمة : لالالالا
استغربت من رد فعلة
لوجين : نعم ؟؟
ريان : اصدى تعالى نغير المكان
لوجين : تمام هنروح فبين ؟؟؟
ريان بتوتر : الكافية اه كافية حلو جمبنا هنا
لوجين : ماشى موافقة
………
فى بيت لوجين
هدى : يالهوووى مالك يا اسلام الف سلامة عليك
اسلام : الله يسلمك
هدى : ايه اللى عمل فيك كدة ؟؟
اسلام : اتخانقت مع شباب
هدى : ليه يا اسلام مش هتبطل خناقات كل شوية
اسلام : عيال صايعة واتخانقنا المهم لوجين نايمة ؟
هدى : لوجين نزلت
اسلام : راحت فيين ؟؟
هدى : قالت لادهم رايحة لواحد اسمة بيان او حاجة فيها بان كدة
اسلام : تقصدى ريااان
هدى : ايوة عليك نور انت تعرفة
اسلام : عز المعرفة متعرفيش فين بالظبط
هدى : لا معرفش اتصل بيها واسالها
اسلام : ماشى
……..
فى الكافية
ريان : انت حاسة بأية ؟
لوجين : حاسة انى عايزة اعيش حياه جديدة وانساه …. انا عايزة اعتبرة زى اخويا مش اكتر وانساه خالص وادور ع اللى بيحبنى بجد بس هو فيين نفسى اجرب الاحساس دة زى بقيت الناس
ريان مصدوم وبيكلم نفسة : ازاى يعنى ايه الحلم هيتحقق دة يعتبر نفس الكلام اللى فى حلمى ياااارب ساعدنى
ريان من التوتر شرب الماية كلها وخلصها وطلب تانى
لوجين بدات تلاحظ وتستغرب وتسال لنفسها اسأله غريبة
لوجين فى نفسها : هو فى بقا دة خلص 3 ازايز ماية لغاية دلوقتى هو متوتر كدة ليه ؟
فجأة موبايلها رن
لوجين : الووو
اسلام : الو انت فين ؟؟
لوجين : لييه ؟
اسلام : انا هجيلك دلوقتى
لوجين : ايوة بس انا مع ريان
اسلام : ياادى ريان اخلصى انت فين ؟
لوجين : فى كافية ……
اسلام : سلام
……….