طريقة عمل الكرواسون الهش بالصور

tasawhala

 

 

طريقة عمل الكرواسون الهش بالصور

 

 

 

المقادير: نص كيلو دقيق كوب ماء دافيء نص كوب لبن دافيء 200 جم زبده صفراء

 

بدرجه حراره الغرفه بيضه ملعقه صغيره خميره فوريه او ملعقه اكل خميره بيره 4 ملاعق سكر خشن

 

 

الطريقه : هنعجن كل المكونات ماعدا الزبده بنستخدمها في رق االعجين انا بحط

 

الخميره والسكر واللبن والبيضة وبعدين الدقيق وابدا ازود الميه واحده واحده لغايه

 

ماتتكون عجينه متماسكه بتلزق فاليد شويه متقلقوش من كده

 

 

بعد كده نسيبها تتخمر في مكان دافي او لفيها بكيس نايلون وبعدين غطيها

 

بفوطه علشان الدنيا بدات تبرد لمده 3 ساعات وده شكلها بعد ما اتخمرت

 

 

نحطها بعد كده لمده نص ساعه فالتلاجه بس انا استغنيت عنها المره دي

 

علشان كنت مستعجله وبعد كده نقسم العجينه الي 8 اقسام متساويه

 

 

وبعد كده نفرد كل قسم بحجم طبق الاكل الصغير ونرش دقيق واحنا بنفرد العجين علشان يسهل فرد

 

 

واول مننتهي من الفرد نرجع لاول واحده فردناها وننفض من عليها الدقيق ونبدا بوضع قطع الزبد عليها

 

 

وبعد كده نضع القطعه التانيه ونوزع عليها الزبده بردو ونفضل كده لحد منوصل للقطعه القبل الاخيره

 

 

وبعدين نضع القطعه الاخيره من غير منحط عليها زبده ونبدا في فرد العجين واحده واحده

ومن المنتصف الي الخارج وكل شويه كنت بقلب العجينه علشان تتفرد مت تحت ومن

 

فوق لحد متبقي رقيقه وتلاقي فقاعات ظهرت فيها دليل علي وجود الطبقات الهشه

 

نبدا بتقسيم العجينه الي اربع ثم 8 ثم 16 علشان نحصل علي مثلثات بالشكل ده

 

 

نيجي عند طرف كل مثلث ونعمل فتحه صغيره فالمنتصف بالسكينه زي كده

 

 

نبدا نحشي كل جزء بالحشوه اللي نحبها شيكولاته مربي جبنه

 

وبعد كده نلفها ونخلي اخر الطرف لتحت علشان متفكش مننا وهي فالفرن بالشكل ده

 

 

بعد كده بندهن الصنيه زيت خفيف ونرصهم ونسيبهم يرتاحو كمان ساع او نص

 

ساعه حسب الجو ونكون مجهزين بيضه وملعقه زبده وملعق لب ونضربهم وندهن بيهم وش الكرواسون

 

 

وبعد كده نسخن الفرن علي 190 وندخل الصنيه فالمنتصف ونخلي بالنا كويس

لان الكرواسون مبياخدش وقت يعني ربع ساعه بالكتير

 

 

 

 

منقول

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *