مسلسل خلف هذه الجدران الحلقة الثامنة (الجزء الأول)

2015-09-20_070029

 

” الحلقــــ (8) ــــة ” من مسلسل “خلف هذه الجدران ” (الجزء الأول)

**********
**********

اطلعي يا شوقية صحي أوسا عشان تتغدا

حاضر يا ست سعاد , مالقتيش الا اني ! سبحان الله ما نحبوش نصحوها البت دي , هي واخوها ادهم عجينة واحدة , امري لله

ست أوسااااااا ست اوسااااااااااااا

يوووووووووووووووووووو , بتصحيني ليييييييييييييه , اني ما نحبوش حد يصحيني يا بتاعة انتييييييييييييي

بتاعة !!!!!!! الله يسامحك , ماما بتقولك اصحي عشان تتغدي

يييييييييييييي قوليلها ما ليش نفس , وسيبوني ننام ببقى , انزلي واياك تيجي تصحيني تاني يا شوقية

واني مالي اني , اني هننزلوا نقولولهم مش راضية تصحى , ما نابني الا طولة لسانها اللي عايز قصه

*
*
*

مش راضية تصحى يا ست سعاد

بنتك مش راضية تصحى يا عادل

كدة ! طب اني هنطلعوا نصحوها غصب عنها

*
*
*

بت يا اوسااااااااااااااااااااااااااااا

بابااااا !!!!!!!!! نعم يا بابا

مش بعتنالك شوقية عشان تصحوكي عشان تتغدي معانا ؟

اصل اني عايزة ننام اهئ اهئئئئئئئئ

ههههه طب تعالي كلي وبعدين اطلعي نامي تاني يا حبيبتي

اني مش جعانة ومش عايزة ناكل

كدة برضو يا اوسا ! يا بت داني هغيب عنكو يومين بحالهم وقولت ناكلوا لقمة مع بعض قبل ما نسافروا

وانت هتسافر ليه يا بابا ؟؟؟؟؟؟؟؟؟؟؟

يا بت ما انتي عارفة اني هروح لخالتك اشجان

اني ما نحبوهاش , اني بنكرهوها الست دي

يا بت عيييييييييييييب عيب كدة , دي مرات ابوكي وهتجيبلك اخ ولا اخت زي احمد وادهم

اني مش عايزة منها اخوات , كفاية عليا اخواتي

اوووووووووووووووف استغفر الله العظيم , هي امك مشرباكي كرهها ! طيب يا ستي يلا انزلي معايا

لا يا بابا , اني عايزة ننام عشان نصحوا فايقة عشان في فيلم حلو اوي هيجي في السهرة واني عايزة نبقى فايقة واني بنتفرجوا وما نامش في نصه ويضيع عليه

يا سلااااااااااااااااام , واني اللي فاكرك عايزة تنامي عشان تصحي فايقة للمذاكرة بدل الكحك الاحمر اللي مغرق الشهادة بتاعتك ! يا بت دانتي في سنة ستة يا بتتتتتتتتت لازم تذاكرررررررري

مااني بنذاكر يا بابا بنذاكر

انتي عارفة لو سَقَطَتي يا أوسا , اني هنقعدوكي من المدرسة

ايييييييييييييييييه !!!!!!!!! اني عايزة نتعلم يا بابا عشان نبقى دكتورة

هههههههههه دكتورة !!!!!! هو في دكتورة بتجيب كحك في الشهادة !!!!!!!!!! قومي يا بنتي قومي دانتي لو طلعتي تمرجية يبقى فضل من عند ربنا , قووووووووووووووووومي , اني هنزل وخمس دقايق الاقيكي قدامي ع الطرابيزة يلاااااااااااااااااااااااااا

اهئ اهئئئئئئئ حاضر حااااااااااااااضر , الواحد ما يعرفش ينام في البيت ده , وادي قومة

*
*
*
*

يلا يا ولاد كلوا , اوسا زمانها نازلة

قدرت عليها وصحيتها يا عادل ؟

بت متعبة يا شييييييييخة , البت دي تشدي عليها يا سعاد

ما تشد عليها انت يا خويا ولا مش فاضيلها

ههههههههههه ابويا فاضي للكتكوتة الجديدة وبس

اخرس يا ولاااااااااااااااااااا , ازاي تتكلم معايا بالشكل ده

هههههههههه ايه يا بابا انت زعلت هههههه حقك عليا اني غلطان , بننكشوك يا عم الحاج هههههههه

عيل قليل الرباية بصحييييييييييييييح

مالك طلعت في الولا لهيته كدة يا عادل ؟ الولا حاسس بابوه اللي قلبه دايب من ناحية الجديدة

بقولك ايه يا سعاااااااااااااااد ما تسمموش علينا اللقمة اللي هناكلوها , وربنا المعبود اسيبلكو البيت من دلوقتي وناخدوا العربية ونطلعوا ع القاهرة

حقك عليا انا يا بابا , ادهم ما يقصدش

ما عينتكش عني محامي يا سي احمد , اني ليا لسان ونعرفوا نرد

مالاكش دعوة باخوك يا احممممممممممد , ادهم ابني ما بيغلطش , ادهم بيحبني وما بيرضاش علية الشوكة تشكني

واني ما بنحبكيش يامّا ؟؟؟؟؟؟؟؟؟؟

شوف عمايلك يا سي احمد وانت تعرف بتحبني ولا مابتحبنيش , ادهم واوسا لما ابوهم اتجوز علية زعلوا على زعلي وانت اترميت في حضن ابوك تباركله وكأنك مش ابني وحتة مني

اني يا مّا ما عملتش حاجة غلط لما باركت لابويا , اومال يعني عايزاني نخاصم ابويا ولا نزعل منه ! وبعدين ما تزعليش يامّا , اني قايم طالع اوضتي عشان عارف انك ما بتحبيش تشوفيني , عن اذنكو

عاجبك كدة يا سعاااااااااد , احممممممممممد اقعد اقعد يا ابني اقعد الله يرضى عليك , اقعد كمل اكلك

اني شبعت يا بابا

لو ما كلتش اني كمان مش هاكل , اقعد يا حبيبي وما تتكلمش معاهم

ههههههههههههههههه ايوة اصل احنا الكلام معانا يسد النفس , كلي يامّا كلي هههههههههه مالناش الا بعض يا جميل

ههههههههههههه جاتك ايه يا ولا يا أدهم , ما حدش بيقدر يضحكني ويبرد ناري الا انت يا ولا

البت أوسا ما نزلتش ليه , بت يا أوساااااااااااااااااااا , والله لو طلعتلك تاني لاضربك علقة موووووووووووووووت

اني نزلت اهو يا بابا , كنا بنسرحوا شعري ولا ننزل منكوشة يعني !

هههههههههه قمر يا بت طالعالي , طول عمرك عايقة زيي

هههههه ربنا يخليكي يا ماما

كل يا احمد يا حبيبي , كل الورك ده , اني عارفك تحب الورك

ربنا يخليك ليا يا بابا

شا يفة يا امّا ! ابويا بيأكل أحمد وما بيأكلنيش انا وأوسا

اأكلك انا يا حبيبي هههههه خد يا حبيبي كل يا ادهم كل , اصل ابوك شايف احمد غلبان ومغلوب على امره وانا وانت واوسا تعابين هههههههههههه

ما تقوميش العيال عليا يا سعاااااااااااااااااد ولادي كلهم غلاوة واحدة , اني براضي احمد عشان انتي زعلتيه , اني لو ولادي ما يهمونيش مش هطلع اجيب اوسا واصحيها غصب عنها , ولمي الدور يا سعاااااااااااااااد اووووووووووووف استغفر الله العظييييييييييييييييم اني قااااااااااايم

ما تكمل اكلك يا بابا عشان تعرف تلاغي اليمامة بكرة ههههههههههههههههههههههههه

كدة !!!!!!!!!!!! طب والله لهتترزع علقة تحلف بيها عمرك كله يا قليل الأدببببببببببببببب تعالى هناااااااااااااااااااااااا

الحقيني يا مامااااااااا هيضربني يامّاااااااااااااااااااااا اااااااااااااااااااااااااه ااااااااااااااااااااااااااااااه خلاص حررررررررررررررررمت

يووووووووووه ما تسيب الولا يا عااااااااااااادل الولا هيموت في ايدك

اطلع اوضتك وما نشفوش وشك لحد ما نمشوا يا قليل الرباااااااااااااااااااااية

اني طالع اهوووووووووووو , اني مش عارف عملنا ايه عشان نتضربوا الضرب دا كله , عيشة تطهققققققققق

ايوة يا عادل ايوة اتشطر ع الولا اووووووووووي نكد علية وعلى عيالي وروح فرفش السنيووووووووووووورة ياكشي تروح تلاقيها ماتت وماحدش دريان بيها , ولو اني عارفة انك كل يوم بتكلمها وبتتطمن عليها يا حنين

اعوووووووووذ بالله يا شيخة دا الواحد هيرتاح من الارف ده يومين , ست هم وعيال تحرق الدمممممممم

*
*
*

عادل بيه

عايزة ايه يا شوقية انتي كمان

الست ثريا اخت الست اشجان مستنياك برا في الجنينة

ثريا !!!!!!! ودي ايه اللي جابها , طب خليها تدخل

هي مين دي اللي تدخل يا عاااااااااااااااااادل , وايه اللي جاب البت دي هنااااااااااااااا , اني هخرجلها نبعتروا بكرامتها الأرررررررررررض

استني هناااااااااااااااااااااا , قلة ادب وشغل جنان مش عاااااااااااااااايز , اني هنخرجلها نشوفوها عايزة ايه

منها لله هي واختهااااااااااااااااا الشحاتين الجعانين اللي ما بيتمر فيهم المعروووووووووووووف

هدي خلقك يا ست سعاد مش كدة , اللي حصل حصل والجوازة تمت , ما تقعديش تقهري في روحك وتنكدي على سي عادل كل شوية , دا كل الحكاية بيروحلها يومين وبقيت الايام معاكي ومع عيالك فبلاش تخسريه يختي , اني قلبي عليكي والله

اتكتمي انتي يا شوقية وروحي شوفي اللي وراكي في المطبخ , اني مش طايقة روووووووووووووحي

خلاص يا ست سعاد , حقك عليا , لا حول ولا قوة الا بالله

*
*
*
*
*

اهلا يا ثريا

اهلا بيك يا عادل يا ابن خالتي , ما تستغربش الزيارة , يمين بالله بيتك ما بحب اخطيه بس اللي جابني اني عايزة اوصيك على اختي الغلبانة اللي رميتها في القاهرة رميت الكلاب وانت هنا متهني وسط مراتك وولادك

هههههههه اني متهني ! صحيح الناس ليها الظاهر , نورتي يا ثريا , ازيك يا أم علي وازي ابو علي والعيال

كلنا كويسين يا عادل ,تشربي ساقع ولا سخن يا ثريا

لا ساقع ولا سخن اني جاية عشان نوصيك على اختي

اختك في الحفظ والصون ما تخافيش يا ثريا

يعني هي مرتاحة يا عادل ؟

انتي مش بتكلميها ؟

ايوة بنكلموها بس مش عاجبني حالها ولا قعدتها لوحدها

يا ثريا اني مقعدها في شقة زي القصر , معيشها احلى عيشة ومسيرك تزوريها وتشوفي بعنيكي

اني كل ده ما يهمنيش , اني اختي قاعدة لوحدها , يرضي مين ده يا ناااااااس تاخدها من وسط اهلها وترميها في شقة في بلد ما نعرفهااااااش , افرض حد آذاها نعملوا ايه ونسوا ايه وقتهااااااااااا

ههههه يا ستي ما تقلقيش العمارة ليها بواب وماحدش غريب بيدخل , غير ان ليها جيران بتحبهم وواخدين بحسها , ما تشليش الهم انتي

لا حول ولا قوة الا بالله , طب ولما تولد مين هيكون جنبها يا عاااااااااااادل

اني يا ستي هنقعدوا جنبها

لا يا شيخ ! اظن سعاد هتسيبك تقعد في القاهرة جنب ضرتها !!!!!!!!!! دا كانت قلبت الدنيا عاليها واطيها

بقولك ايه يا ثريا , رسالتك وصلت وما فبش حد احن على اشجان مني , واشجان لو كانت قعدت هنا ما كنتيش هتلاقي وقت تزوريها عشان ولادك وجوزك واخدين وقتك , فماتجيش تديني درس انتي مش فاهماه اصلا , نورتي يا ام علي

انت بتطردني من بيتك يا عااااااادل

اني ما طردتكيش , اني شايف ان الكلام مامنوش فايدة فقولت انهيه بالادب والاحترام

سلملي على اختي وقولها ربنا معاكِ

يوصل ان شاء الله يا ثريا

*
*
*
*
*

هي سعاد راحت فين يا شوقية

الست سعاد طلعت اوضتها يا عادل بيه

طيب اديني التليفون اشوف حامد مندور ما بعتش السمك والجمبري ليه لحد دلوقتيييييييي

اهو التليفون اتفضل

ترررررررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررن

الو

ايوة يا سيدي ما بعتش السمك ليه

هههههههههههههههه والله بعت واحد مخصوص بالسمك وزمانه على وصول

يا اخي امتى بس اني عايز نطلع ننام عشان نعرفوا نسوقوا

انت هتتوكل على الله امتى

بعد الفجر ان شاء الله

هههههههههه انت مستعجل اوي بقى واشجان وحشتك

يا اخي ارحموني بقىىىىىىىى مش كفاية سايبها الاسبوع كله لوحدها وبروحلها يومين في الاسبوع

ايه يا عادل انت زعلت مني ولا ايه ! اني بنهزورا معاك يا جدع

معلش يا حامد , اني محقوقلك , الواحد مخنوق والله

مالك بس انت عمرك ما كنت عصبي كدة

إييييييييييه , هو اني كدة ظلمت اشجان لما سيبتها في القاهرة لوحدها ؟

ههههه يا سيدي ظلمتها في ايه بس ! طالما هي موافقة وراضية وانت واخد بالك منها ومراعيها يبقى خلاص ما فيش ظلم ولا حاجة ان شاء الله

ربنا يصلح الحال , اني هنستنى شوية لحد الراجل اللي بعته ما يجي بالسمك , اتوصيت بالطحينة والسلطات ؟

ههههههه كله مية مية ما تقلقلش . اني خليت احسن صنايعية عندي في المطعم يجهزولك الطلبية كلها

تلاتة كيلو من كل نوع زي ما اتفقنا ؟

ايوة والله حتى اوزن برا ههههههههههههه

ههههههههه لا يا سيدي اني واثق فيك

عادل بيييييييييييه بتاع السمك جه

ههههههههه طيب يا حامد هقفل معاك , الراجل وصل

طيب يا سيدي الحمدلله .لما تيجي من القاهرة ابقى بلغني عشان نتقابل

ان شاء الله يا حامد

شوقيييييييييييية دخلي بتاع السمك

حاااااااااااااااااضر , اتفضل

السلام عليكم انا جاي من طرف الاستاذ حامد

وعليكم السلام اهلا وسهلا هات يا سيدي

اتفضل يا بيه

خد دول علشانك

متشكر , كتر الف خيرك السلام عليكم

وعليكم السلام يا سيدي

*
*
*
*
*
*
*
*
*
*

اووووووووووووووووووف كدة برضو يااناهد تسيبي البييييييييييييييييت , بس والله لربيكي واعرفك ازاي تاخدي الولاد وتنزلي من البيت في نص الليل وتروحي لامك , ماشي يا ناااااااااااااااااهد ماشي , اوووووووووووف , انزل من البيت الكئيب ده اروح اشوف حد من اصحابي افضفضله

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررن

الوو

ايوة يا رؤوف انا نبييييييييييييييييييييييييل

ههههههههه وبتتخانق ليه ! ازيك يا نبيل

وراك حاجة دلوقتي؟

لا يا سيدي قاعد متستت جنب المدام مش عارف انزل , من ساعة ما جيت من الشغل وهي حاطاني تحت الحراسة المشددة ,حتى وانا بكلمك دلوقتي وموطي صوتي عنيها ما نزلتش من عليا زي المخبرين

طب انزل انا هستناك في الكافيتريا اللي متعودين نروحها

يا عم بقولك مش عارف اتنفس تقولي انزل !!!!!!!!!!

بقولك ايه اتصرف يا رؤوووووووووف انا مخنوق وعايز اتكلم معاك شوية

طب ما تجيلي البيت

بقولك اييييييييييه بقولك مخنوق وعايز اقعد في الهوا في الهواااااااااااااااااا

طيب طيب , هحاول , بس ما اوعدكش , سلام دلوقتي

احم احمممم هههههه ازيك يا زوزو يا حبيبتي

ههههه اهلا يا رؤوف

عاملة ايه ؟

عاملة ايه في ايه !!!!!!! سؤال غريب

ههههه غريب ان اطمن عليكِ يا حياتي هههه !!!!!! اصلك وحشتيني

وحشتك !!!!!!!!!!!! هو انا اتحركت من قدامك عشان اوحشك !!!!!!!!!!!

هههههههههههه واحشني وانت قصاد عيني يا قمررررررررر . ايه الحلاوة والطعامة دييييييييييييييييييييي

…………………… الراجل ده شارب حاجة ولا ايه !!!!!!!!!

تصوري يا زوزو يا حياتي ال ايه واحد صاحبي كان عايزني اسيب القمر ده وانزل اقعد معاه ال ههههه الناس اتجننت يا حبيبتي , مش عارفين انا قاعد قصاد مين

ههه ميرسي ياروحي , مبسوطة اوي انك رفضت تنزل تقابل صاحبك عشان تقعد معايا

هههههه طبعا يا حبيبتي لازم ارفض هههه ال صاحبي ال هههه ال صاحبي , صاحبي داايييييييه صاحبي دا ايه اللي هسيب الحلاوة دي عشان انزل اقعد معاااااااااه ! تعرفي يا حبيبتي , سر سعادتي في الدنيا اني اقعد قدام الوش اللي زي القمر ده , اتغزل في احلى عنين , احلى بق , اكبر مناخير أأأأأ قصدي احلى مناخير , ايه الحلاوة والرقة دي يا حبيبتي

هههههه ميرسي يا رؤوف يا حبيبي

احم احمممممممممممممم ياااااااااااااااااااااااااااه يا خبررررررررررررررررررر مش ممكنننننننننننننننننننننن

في ايه يا رؤوف خضتنييييييييييييييييييي

يا شيخة الواحد بيقعد معاكي ينسى الدنيااااااااااااااااا , في مبلغ مستحق على الشركة ولازم اروح ادفعه حالااااااااااااااااااااااااا هتسجن هتسجن يا نااااااااااااااس , يخرب بيت حبك يا شيخة اللي هيوديني في داهيييييييييييييييييية , استغفر الله العظيم يااااااااااااااارب انا داخل البس عشان الحق البنك قبل ما يقففففففففففففل

استنى بس يا رؤوف يا حبيبي رايح فيييييييييييييين ههههه يا حبيبي يا رؤوف من حبه فيا بينسى شغله

*
*
*
*
*

لالالالالالالا انت غلطان يا نبيل , دا كلام برضو يا راجل !!!!!!! حد برضو يقول لمراته الحقيقة ويودي نفسه في داهية !!!!!!!!! الستات عقلهم بايظ اصلا وما بيفهموش في الاغراض السامية والاهداف النبيلة بتاعتنا

يعني انا غلطان يا رؤوف عشان قولتيلها اني وصلت بنت خالتي ؟

غلطان طبعا والغلط راكبك من ساسك لراسك ووقعت نفسك في مشاكل انت في غنى عنها . هقول ايييييييه , بقالك حداشر سنة متجوز ولسة غشيم برضو , المفروض كنت قولتليها واحد صاحبي تعبان وروحت معاه المستشفى شالوله اللوز , او تقولها واحد صاحبي قتل مراته روحت اشهد معاه ضدها واقول هي اللي دفعته للجريمة , كدة يعني , لكن تقع بخيبتك وتقولها كنت بوصل بنت خالتي لالالالالالالا , اديها سابتلك البيت ومشيت وحلني بقى على ما تعرف ترجعها , لسة بقى هتقدم فروض الطاعة والولاء وغير هدايا للصلح اد كدة

هداياااااااااااااا ! هي هدية واحدة ليها

لا يا عم وهدية لحماتك كمااااااااان

هدية لحماتي !!!!! ليه ان شاء الله

عشان تسيبكو في حالكو وترضى ترجعهالك وما تقفش زي الشوكة في طريقكو

طب ايه رأيك لا هجيب هدية ليها ولا لامها وخليها قاعدة هناك جنب الست الوالدة وتخبط راسها في احلى حيطة

ههههههههه انت اعلنت الحرب ولا ايه يا نبيل

يا اخي حاجة تجنننننننن الواحد يقول الحقيقة يزعلوا , يغشهم يفرحواااااااااااااا , ستات غريبة

*

*

*


**********
**********

تررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن
افتح يا حسين يا بني باين اخواتك البنات جم هما وعيالهم عشان يسلموا ع الجمااااااااااعة

حاضر , تعالي يا بهيرة جنبي عشان نرحب بيهم

حاضر يا سونسون , استنى اما اجيب ياسمسن وامسكها بوكيه ورد , خسارة ما لحقتش افرش السجادة الحمرا بتاعة كبار الزوار , تعالي يا ياسمييييييييييييييين

نحم يا ماما

تعالي عشان جاييلنا وفد اجنبي من عيلة ابوكي عايزين نكون في شرف استقبالهم , نزلي ايدك جنبك وافردي ضهرك كدة وابتسمي , فين التليفزيون يصور يا ناااااااااااس

اهلاااااااااا اهلا يا سامية ازيك يا عايدة اهلا يا ولاااااااد

هههههههههههه ازيك يا حسين يا خويا , سلموا على خالو ياولاد

ازيك يا خالووووووووووو

هههههههه ازيك يا شادي ازيك يا حسااااااااام استنوا يا ولاد سلموا علية قبل ما تدخلواااااااااااااااااا

هييييييييييييييييييييييييه هييييييييييييييييييييييييييييييييه هيييييييييييييييييييييييييييييه هيييييييييييييييييييييييييييييييييييييييييييييييييييييييييييييييييييييييييييييييييييييييييييييه

العيال دخلوا يجروا ع الشقة . اوعي ياياسمين من وش الهكسوس دووووووووول , بالراحة يا حبيبي , انزل يا بابا من على الكرسي وبطل تنطيييييييط , الانتريه عليه اقساااااااااااااااااط حاسب الطرابيزة يا ابنيييييييييييييي يا ولد الفازة هتتكسررررررررر, حوشهم يا حسييييييييييييييين

احوشهم اعملهم ايه بس , انت يا ولددددددددددددد ولدددددددددددددددددددددددد

ازيك يا حسين يا خويا

اهلا بيكِ يا عايدة ازي جوزك

كويس , ازيك يا بهيرة يا مرات اخويا

اهلا يا عايدة يا اخت جوزي هاتي بوسة مفعمة بالاشواق الحااااااااارة الملهلبة اموووووووووووووووووووووووووووووووه ازيك يا ساااااااااامية ههههههه عيني عليكي باردة مالك ابيضيتي واحلويتي كدة ؟ ماشاء الله

اصل حماتي هاجرت السويس عند اخوها وجايز ما تجيش تاني , عشان كدة الفرحة ظهرت على وشي وابيضيت , عقبالك يا بهيرة يا مرات اخويا لما تبيضي

اللهم آمين , ادخلي يا حبيبتي , يا وووووووووووووووووولد انزل من ع الطرابيززززززززززززززة

يووووووووه يا تسيبيهم يلعبوا يا مرات اخوياااااااااااا

يا عايدة يلعبوا ما قولناش حاجة بس ينزلوا من ع الكراسي والطرابيزاااااااااااااااااااات , العفش هيتكسر يا اختي

الله !!!!! ما يتكسر يا حبيبتي , بيت خالهم وهما حرين فيه

نعمممممممممممممم , اللهم طولك يا رووووووووووووووح يا وووووووووووووووولد , يا ابني سيب الفاااااااااااااااااااازة اهئ اهئئئئئئئئئ

دششششششششششششششششششش دششششششششششششششششششششششششششش

يا حبيبتي يا فاااااااااااااااااااااازتي اهئ اهئئئئئئئئئئئئئئئئئئ الله يرحمها كانت كريستال اهئ اهئئئئئئئئئئئئئئئئئئئئئئئئئئئئئ

خدت الشر وراحت يا بهيرة يا مرات اخويااااااااااااااا

طنط بهيرة يا طنطططططططططط

عايز ايه يا حسام يا ابن سامية

ياسمين حلوة اوي يا طنط , هتجوزيهالي لما اكبر ؟

يا شيخ اجري استحمى جاتك نيلة , يتجوز ياسمين ال ! مش كفاية اللي انتوا عملينه فيا ! كمان هديكو بنتي تكملوا عليها !!!!!!!!!! منورين يا جماعة منوريييييييييييييين

ازيك يا جمالات ازيك ناصرة

ازيكو يا جمالات انتي وناصرة وحشتونا ووحشتنا الحاجات الحلوة اللي بتجيبوها من البلد هههههههه

ههههههه وانتو وحشتونا يا بنات خالتي

ازيك يا عايدة كيفيك يا سااااااااااامية اتوحشتكو يا بنات اختي

والله انتي اللي وحشاني يا خالتي فريحة ههههههه جبتيلي ايه انا وسامية اختي وعيالنا معاكي من البلد

هههههه جبتيلكو كل واحدة بلاص مش

الله !!!!!!!! بدوده ولا من غير دوده يا خالتي

من غير دود يا سامية يا بتي , الدود دلوجتي هج من المش وطلع ع الغيطان كل المحصول يا بتي

من غير دود ! خسااااااااااارة كنت عايزاه بالدود

كفاية انتي شبه دودة الجطن يابتي , مش عارفة ليه يا سامية يابتي كل ما اطّلع في وشك افتكر جرص الجلة

الله يخليكي يا خالتي , وانتي هتتجوزي امتى يا جمالات ؟

عن جريب يا سامية بت خالتي وهنبجوا نعزموكو , بس ياريت ما تجوش

ازيكو يا بنات اختي وازي رجالتكو ؟

الله يخليكي يا خالتي كلنا كويسين هههههه فين الغدا يا بهييييييييييييييييييييييييييييرة اندهي عليها يا سامية

يا بهيييييييييييييييييييييييييييييرة الغدا يا مرات اخوياااااااااااااااااااا

حااااااااااااااااضر حاضر اهوووووووووووووووو , انا لما يجي عريس يتقدم لياسمين بنتي لازم اتأكد انه ما عندوش اخوات بنات عشان ما تشوفش الا بشوفه على ايد عماتهاااااااااااااااااا

ما تجومي انتي يابت يا سامية تساعدي مرت اخوكي بدل ما انتي جاعدة زي الخيبة التاجيلة كديه

هههههههه لالالالالالالالالا انا باجي عند بهيرة استريح واستجم , يلا يا بهييييييييييييييييرة , قلقاسك الحلو يا حبيبتييييييييييي , بهيرة عليها قلقاس ما تعدمووووووش مش كدة يا عايدة ؟

اه والله ولا الفتة ام لحمة يا سامية يلا يا بهيييييييييييييييييرة جوعنا والعيال جاعوااااااااااااااااااااااااا ما تنادي عليها يا مامااااااااااااااا

يلا يا بهيييييييييييييرة يلا اعمليلك همة بناتي جاعووووووووووووووووووا

جومي انتي يا جمالات انتي وناصرة واغرفوا الوكل خليهم يطفحوا وسيبوا بهيرة ترتاح

حاضر يامّاي

*
*
*
*
*

سلمتي على شيماء وشهندا بناتي يا خالتي هههههه ؟

سلمت عليهم وكفانا من السلامات عاد , اديكو سلمتوا وكلتوا وجعدتو بما فيه فوج الكفاية , خدي بلاص المش انتي واختك وبالسلامة اسحبوا عيالكو وروحوا عاد

ايييييييييييييه !!!!!!!! احنا واخدين إذن من اجوازنا وهنبات هنا

اهئ اهئئئئئئئ هيباتوا !!!!!!!!!!!! اروح فين واجي منين انا دلوقتي اهئ اهئئئئئئئئ اه يا عفشي ياني اهئ اهئئئئئئئئئئ

ادخلوا يا عيال اوضة خالكو عشان نغير هدومناااااااااااااااا يلا هجووووووووووووووووووووووم

ايوة يا حبيبتي قوموا غيروا هدومكو , منورين بيت اخوكو يا بناتي يا حبايبي انتو وولادكو , اعتبروا البيت بيتكو وبهدلوه براحة راحتكو

ههههههههه ميرسي يا ماما

لععععععععع لععععععععع ما عيحصُولش , انتوا جايين من سفر ولا بيتكو وجع وجايين ومش لاجين متووووووووووووووى جومي يا بت فزي منك ليهااااااااا جوم يا وِلد انت وهوووووووووو جوموااااااااااااااا , بندجيتي ويييييييييييييييييين ؟؟؟؟؟؟؟

يا ماماااااااااااااااااااا

يا ماماااااااااااااااااااا

يلا نجري على برا يلاااااااااااااااااااااا

انتي طردتي بناتي من بيت اخوهم يا فريحة يختي !!!!!!!!!!!

طالما انتي ما بتجوليش عيييييييييب ولا تعرفي الاصول يبجى نتصرف احنا يا محروسة يا اختي

ايه يختي اللي جايين يعلمونا الأدب دوووووووووووول , افرحي يا بهيرة افرحي , اهم عيالي مشيوا وسابوهالك مخضرة

ههههههههههههههه ليه يا نينة مشيوا , دول كانوا منورينا , يا حبيبتي يا خالتي فريحة هاتي بووووووووووووسة امووووووووووووووووووه

باستك العافية يابتي , اني ما يرضنيش الحال المايل والعالم اللي غاوية استنطاع

ههههههههه ياريت كل الناس زيك والله , بس هنقول ايه

*
*
*
*
*
*
*
*
*

انا طالعة يا عواد عند الست هدى اديها الورقة بتاعة طلبات الأسياد

اطلعي يختي

*
*
*

ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررن

افتح يا ميزززززززززززززززززززو

مش فاضي يا ماما , باااااااااااااااااااكل

تيتة رايحة تفتح

ايوة هروح انا , كل كللللللل كل يا ابن ناهد كككككككككككككل , زي ما يكون محروم وجاي يعوض الحرمان عندي , ايووووووووووووة جاية مييييييييين

انا فهيمة يا ست هدى

اهلا يا فهيمة اهلا , خير

دي الورقة اللي فيها طلبات الاسياد , ادييتهالي الشيخة مباركة وبتقولك حضريهم قبل ما يجوا , هما هيجو على المغربية كدة

مممممممم طلبات الاسياد , هاتي يختي اما اشوف ايه طلباتهم

ايه ددددددددددده , عشرين فرخة شمورت ومعاهم ديك ما سبقلوش الجواز !!!!!!! طب وانا هعرف الديك مجوز ولا لأ ازاي !!!!!!!! ايه ده كمان ! ريشة عصفورة صفرا منقطة ببني ! وريشة عصفورة بني منقطة بأصفر ! وضوافر برغوت اهبل وقرن جاموسة متجوزة جديد !!!!!!!!! قرن جاموسة ايه اللي هجيبه ! واحيبه منيييييييييين ! وهعرف منين ان الجاموسة متجوزة جديد ؟ يبقى اكيد لازم اشوف اخر فرح اتعمل لجاموسة كان امتى وكمان ما عنديش براغيت في الشقة عشان اخلّع ضوافيرهم ايه الطلبات العفاريتي دي !!!!!!!! لالالالالالالالالا انا ما اعرفش اجيب الحاجات ولا اعرف طريقها فين

يا ست هدى في طلبات سهلة , زي طلب العشرين فرخة شمورت والديك العازب ده

لا اله الا الله ! يا فهيمة يا بنتي وانا هعرف منين اذا كان الديك متجوز ولا عازب ولا مطلق حتى !!!!!!!!!!

اسألي الفرارجي يا ست هدى

يا بنتي هو الفرارجي هيدبح الفراخ والديوك ولا هيعلهم بحث اجتماعي !!!!!!!! بقولك ايه انا ما اعرفش اجيب الطلبات دي

الشيخة مباركة قالتلي لو هي مش هتعرف تجيب الطلبات دي خليها تبعت الف ومتين جنيه ويخلوا الاسياد يجيبوهم

ايوة اذا كان كدة ماشي , استني هدخل اجيبهوملك من جوا , يارب يجعله بفااااااااااااااايدة , يفك عقدتك يا سلوى يا بنتي يااااااااااااااااااارب

*
*

خدي يا فهيمة الفلوس اهيه روحي وديها وقوليلهم ما يتأخروش

حاضر , من عنيا يا ست هدى

*
*
*
*

اهئ اهئئئئئئئئئئئئ اهئئئئئئئئئ اخص عليك يا نبيل يا وحش اهئ اهئئئئئئئئئئئئئئ

بنت يا ناااااااااهد سيبك من نبيل دلوقتي وتعالي نوضب نفسنا عشان هنعمل زار

زاااااااااااار !!!!!!!!!! ليه يامامااااااا , هو حضرتك عليكي عفريت

بعد الشررررررررر برا وبعيد الله أكبر , لا يا حبيبتي , العفريت على اختك سلوى مكرهها في العرسان

اهاااااا فهمت عشان كدة هي بترفض العرسان بقى

ايوة ايوة

هييييييييييييييييييييه هيييييييييييييييييييييييييييييه هيييييييييييييييييييييه تيتة اعمليلي سندوتش حلاوة طحينية

لا اله الا الله , يا ابني ما انت لسة واكل تلات اطباق مكرونة وسبع حتت فراخ , لحقت جوعت يا ميزو يا كلابيظوا ؟؟؟؟؟؟؟؟

يوووووووووووووووووه ما تقوليليش كلابيظوووووووووووا يا ماما قولي لتيتة ما تقوليش ميزو كلابيظوا تااااااااااااااااااني

يا ماما حرام عليكو عقدتولي الولد , كلمة كلابيظوا دي هتطلع عليه والناس هيفضلوا يقولوهالو بسببكو

يا بنتي ماهو ابنك اللي مكلبظ زيادة عن اللزوم , بياكل اكل عشرين نفر , يا بنتي دي المكرونة اللي عملاها في اكبر حلة عندي وقولت تكفينا يومين , ابنك خلصهالنا في غدوة , دا غير فرخة واكلها لوحده

بالهنا والشفا يا مامااااااااااااا

ايوة يختي وانتو دافعين حاجة

طيب خلينا في موضوع الزار

اعمليلي سندوتش حلاوة طحينية يا تيتتتتتتتتتتتتتة

ما عنديش يا حبيبي , تعالي كلني يمكن تشببببببببببببببع

روح يا ميزو العب مع اخواتك في اوضتنا

اوضتكو ! انتو خلاص احتليتوا الاوضة واعتبرتوها بتاعتكو !!!!!!!! ما علينا خلينا في الزار دلوقتي , يلا عشان تساعديني مع ما اشوف لابوكي توزيعة

وهي سلوى تعرف يا ماما انك عاملالها زار ؟

لالالالالالالالا , هو انا عبيطة عشان اقولها ! انا هفاجأها وخليها تلاقيهم فوق راسها عشان ما تعرفش تروح شرق ولا غرب

ربنا يستر يا ماما والموضوع ما يبوظش , بس انا بخاف من الحاجات دي , انا هدخل اوضتي اقفل عليا لحد ما تخلصوا

ماشي يا بنتي . اما اروح اشوف ابوكي

وانا هاخد طبق فاكهة للولاد عشان باين عليهم جاعوا

ايوة عند حق , بقالهم نص ساعة ما كلوش , ارحمني يارب من الغيلان دووووووووووول

*
*

وبعدين بقى في لطفي ده ! الجماعة بتوع الزار زمانهم جايين وهو مش عايز ينزل ولا يخرج زي كل يوم , اوديه فيه بقى الراجل ده ! لو بتوع الزار جم وهو قاعد هيبهدلني ويفضح الدنيا ويقولي يا جاهلة ومش يا جاهلة والبنت تبور وتقعد جنبي , اوديك فين يا لطفي اوديك فييييييييييين

يا هدىىىىىىى اعمليلي كوباية ينسون

ينسون !!!!!!! بقولك ايه ما تنزل تشربها تحت يا لطفي , بدل قعدتك في وسطينا كدة واحنا كلنا ولاية

لا اله الا الله . يعني انتو غرب عني ! انا قاعد وسط مراتي وبناتي

ما يصحش برضو , روح اقعد مع الرجالة اللي زيك اتفقوا علينا ولا دبرولنا خطة تتخلصوا بيها مننا , قوم يا حبيبي قووووووم

اقوم اروح فييييييييييين ؟ اصحابي كلهم مش ع القهوة النهاردة

روح عدي عليهم في بيوتهم ولموهم ورروحوا القهوة

يا ستي انتي عايزاني انزل بأي طريقة لييييييييييييه

بصراحة بقى اصل في جماعة اصحابي جايين وهيتكسفوا اوي لو جم لقوا راجل في البيت

وش كسوف اوي انتي واصحابك , طيب يا ستي هنزل عشان اريحك

*
*
*

انت واقفة كدة ليه يا فهيمة

مستنية بتوع الزار يا عواد

زااااااااااااااار ! هي الست هدى لسة متمسكة بحكاية الزار دي ؟

هتعمل ايه بس , غلبانة ونفسها تجوز بنتها أهم جم اهووووووووو , اما اخدهم واطلع بقى

انتي هتحضري الزار يا فهيمة ؟

وما احضروش ليه ! احضر عشان اتفرج هههههههههه

الله يهديكي انت والست هدى

اهلا يا جماعة اتفضلوووووووا الست هدى ساكنة فوق تعالوا
دستوووووووووووووووووووووور

*
*
*
*

ترررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررن

مييييييييييييييييييين

افتحي يا ست هدى بتوع الزار جم ومعاهم الطبل والزمر

هههههههههه يا اهلا وسهلا يا مرحب يا مررررررحب اتفضلوا , ربنا يجعل فك النحس على ايديكو

دستوووووووووووووووووووووووووور انا الشيخة مباركة ودول المساعدين بتوعي

ايه الراجل ابو شعر طويل ده اللي لابس حاجات غريبة

ما تتخضيش دا ابو الغيط والزار ما يحلوش الا بيه , الاسياد بيحبوه اوي يا ست

وده يتحب من انهي اتجاه !!!!!!! وانا مالي هو انا هناسبه , يادي الخيبة ليشوف سلوى تعجبه ويقول مش همشي الا بيها ولو رفضنا يعفرتنا كلنا , استر يارب استررررررررر ادخل يا استاذ ابو الغيط

متشكرين يا ست

لا دا مش اسمه دي وظيفته

ربنا يكرمه ونعم الوظيفة

فين الملبوسة يا ستي خلصينا ورانا كذا زار غير ده

الملبوسة مين ! انا ما عنديش , اكيد قصدهم سلوى , حاااااااااااضر اتفضلوا وهجيبها حالا

*
*

باين عليهم مريشين اوي يا شيخة مباركة وهنطلع منهم ببلاوي متلتلة

أي والله , الست ام الملبوسة دي لابسة سلسلة طالعة من عيييييييني وهاخدها يعني هاخدهاااااااااااااااا

يلا يا اختي حضريلنا الملبوووووووووووووووسة

حاضر اهي هتيجي حالا

*
*

هيييييييييييييييه هييييييييييييييييييه مين دول يا تيتة ومين عمو ابو شعر طويل ده ؟؟؟؟؟؟؟؟؟

مالكيش دعوة يا هديل روحي العبي مع اخواتك

لا انا هروح العب مع عمو ابو شعر طويل واقوله ليه مش مسرح شعره وسايبه منعكش كدة , ولا اروح اجيب مشط من جوا احسن واسرحوله , هيييييييييييييييييه هيييييييييييييييييه

*
*

فين المشط بتاع ماما يا مازن

اهو , عايزاه ليه يا هديل ؟

تعالى شوف عمو ابو شعر طويل ومنكوش ده هههههههه هروح اسرحله شعره

وانا كماااااااااااااااان تعالى معانا يا ميزو

*
*

ازيك يا عمو اقعد عشان اسرحلك شعرك

بس يا بتتتتتتتتت امشي من هنا لاسخطك معزة

ههههههههههههه يعني ايه تخسطني دي ؟؟؟؟؟؟ انا مش بحب المعيز هاتلنا بقرة هههههههههههههههههههه

امشي يا حلوة امشي يا شاطر انت وهو

هههههههههههه لا مش هنمشي ايه اللي انت لابسه ده يا عموووووووووووووو

يا بني ارحمني انت والعيال دوووووووووووووول ما تحوشيهم يا شيخة مباركة انتي والستات اللي معاكي

ابعدي يا بت انتي وهي من هناااااااااااااااا

هههههههههههه يلا نروح نلعب في الطرقة ونيجي تاني يا ميزو انت ومازن

يلا يا هديييييييييييييل

*
*
*

يلا يا سلوووووووووووووى قومي البسي العباية التريكواز ام ترتر دي والايشارب الاصفر اللي بيرق ده يا حبيبتي

ايه ده يا ماماااااااااااا ايه اللبس العجيب ده وعشان ايييييييييييه

عشان من الآخر بقى عاملينلك زااااااااااااااااار والناس قاعدين برا مستنين

زاااااااااااااااااااااااااااار !!!!!!!!!!!!!!!!!!!

ايوة عشان عليكي عفريت مكرهك في العرسان

افندممممممممممممممممممممممممممممممممممممممممم ماما من فضلك سيبيني , من فضلك يا ماماااااااااااا انا مش عارفة حضرتك بتفكري كدة ازااااااااااااااااي !!!!!!!!!!!!!

من اللي بشوفه مننننننننننننننننننننننك , عرسان يشرحوا القلب الحزين وبترفضيهم من غير سبببببببببببب يبقى اكيد ملبووووووووووووووسة دستور دستور دستوووووووووووووور

يييييييييييييييي من فضلك يا ماما سيبيني سيبيييييييييني

والله ما هسيبك , اتفضلي البسي الهدوم دي وحصليني والا والله ما هيحصلك طييييييييييييييييييييب

يووووووووووووووووووو, اتصرف ازاي انا دلوقتييييييييييييييييييي اهئ اهئ اما افتح باب اوضتي ربع فاتحة كدة واشوف ايه اللي بيحصل برا

يا خبررررررررررررررر !!!!!!!! ايه ده !!!!!!!!!! ايه الستات اللي شكلهم غريب دوووووووول وايه الراجل ابو شعر طويل اللي لابس حاجات عجيبة دددددددددده !!!!!!!!!!! اهئ اهئ الله يسامحك يا مامااااا

هيييييييييييييييييه هيييييييييييييييييييه هيييييييييييييييييييييييييه

هديل اهيه بتلعب في الطرقة , هديييييييل هديل

نعم يا خالتو سلوى

تعالي يا حبيبتي ادخلي قبل ما حد يشوفك

حاضر يا خالتو , نعم عايزة حاجة

شايفة يا هديل العباية التريكواز ام ترتر دي والايشارب الاصفر ده؟

هههههه حلوين اوي وفيهم لاماميع

بصي يا حبيبتي ايه رأيك تلبسيهم وتغطي وشك بالشال ده وتخرجي ترقصي مع تيتة ومع الناس اللي جايين دووووووووول ؟

هههههههه ارقص انا وتيتة ؟ هو النهاردة فرحك يا خالتو ؟

اسمعي الكلام وخلاص يا هديل عشان احبك , بس لو حد سألك انتي مين تقولي انا سلوى

انا سلوى ! انتي سلوى يا خالتو

ايوة يا حبيبتي , انا عايزاهم يفتكروا ان انا انتي وانتي انا

مممممممم وتروحي المدرسة بدالي ؟

يووووووووووه بعدين نتكلم

ههههههههههه انا كبرت وبقيت خالتو سلوى , وخالتو سلوى بقت انا وهتروح المدرسة بدالي ههههههههههههه

يلا البسي البسي

لبست اهوووووووو بس الهدوم دي واسعة اوي وطويلة اوي وكمامها طويلة

معلش معلش تعالي البسك الطرحة واغطيلك وشك وبعدين وانتي ماشية ارفعي طرف العباية شوية عشان ما تتكعبليش

حاضر يا خالتو

ايووووووووووووووة كدة تمام اوي , تقدري تخرجي وقوليلهم يلا انا جيت انا سلووووووووووى

هتقولي ايه ؟؟؟؟؟؟؟؟؟؟

هقول يلا انا جيت انا سلووووووووووووووى

ههههههههه سكر يا هديل سكر حبيبة خالتو اموووووووووووووووووووووه

*

وانا بقى ههرب من غير ما حد يحسسسسسسسسس هروح عند طنط ام عصام حبيبتي عشان تنقذني

*
*
*

هههههههههههه يلا انا جيت انا سلووووووووووووووى

يا لهووووووووووووووي هي سلوى بنتي كشت كدة ليه يا فهيمة ؟؟؟؟؟؟؟؟؟؟؟؟؟؟؟

مش بقولك ملبوسة يا ست هدى

أي والله انا كدة اتأكدت , بس بس هي هترجع لطبيعتها ولا هتفضل كدة ؟ اهئ اهئئئئئئئئئ

لالالالالا هتتفرد تاني بعد العفاريت ما يخرجوا من جسمها

اهئ اهئ هاتي ايدك يا سلوى عشان اوريكي للشيخة مباركة

خدي ايدي اهيه

اهئ اهئئئئئئ لا حول ولا قوة الا بالله , حتى ايديها ياربي بقت زي ايد العيل الصغير اهئ اهئئئئئئ شيخة مباااااااااركة هي دي سلوى بنتي الملبوسة اهئ اهئ مجنناني وبترفض العرسان على طول من غير سبب

يلا يا شيخة مباركة ابتدي الزار وخلي الستات يطبلوا وابو الغيط يرقص

ايه ده ! هي دي الملبوسة صحيح ؟

ايوة هي

ومالها اوزعة اوي كدة !!!!! تلاقي العرسان هي اللي بتتطفش عشان قصيرة

تعالي يا ملبوسة يا عقلة الصباع انتي

نعم يا طنط ههههههه

انتي مش عايزة تتجوزي ليه ؟

انا !!!!!! لأ انا عايزة اتجوز وقولت لماما كذا مرة بس قالتلي لما تكبري

تكبري !!!!!! طيب قومي يختي خلينا نشوف شغلنا ونطفش العفاريت اللي عليكي اللي سخطوكي أوزعة دول

هههههههههههههههه هما فين العفاريت دول يا طنط

يلا يختي بلا فين بلا مش فين ابدأ الزار طبلوا يا ستااااااااااااااااااااااااات

تعالي يا بت يا ملبوسة انتي لفي ورا عمك ابو الغيط واتنططي وهزي رقبتك يمين وشمال

هههههههههههه حاضر يا طنط , هيييييييييييييه هيييييييييييييييييييييييييه هيييييييييييييييييييييه حاجة حلوة اوي ههههههههههههههههههههههههههههههههههه يلا ورايا يا تيتة أأأأأ قصدي يا ماما هههههههههه هيييييييييه هييييييييييييييييييه هيييييييييييييييه حلو الطبل ده

وراكي اهو يا سلوى يا بنتي اهئ اهئئئئئئئئئئ يا للي كشيتي واتسخطتي يا حبيبتي اهئ اهئئئئئئئئئئئئئئئئئئئئئئئئئ

يلا غنوا يا ستات على انغام الزاااااااااااار

يا عتريس يا عتريسسسسسسسسس حبب الشابة في العريسسسسسسسسسسس

يا فرهود يا فرهوووووووووووود ما تقلبش العرسان في عنيها قرووووووووووود

يا شيلشال يا شيلشال خلي العريس يشبوكها بخلخاااااااااااااااااااااااااااااااااااااال , اتنططي يختي اتنططي خليهم يخرجوا من جسمك ويفارقونااااااااااااااااااااااااااا

هههههههههه حاضر يا طنط هييييييييييييييه هييييييييييييييه انا عمالة اشد شعر عمو ابو الغيظ ده وهو مش حاسس هييييييييييه هيييييييييييييييييييه

يلا غني وردي وراياااااااااااااااااااااا يا ملبووووووووووسة يا عتريس يا عتريس حبب الشابة في العريسسسسسسسسسس

يا عمو عتريس يا عمو عتريس حبب المعزة في المعيزززززززززززززززززز هييييييييييييه هيييييييييييييييييه

يلا يا سلوى يا بنتي , نطي يمين وشمال خليهم يفارقوكي يا حبيبتي , بعيد بعيد بعييييييييييييييد بعيد عن البيت واصحابه بعيييييييييييييييييييد

*
*
*
*
*

ايووووووووووة دلوقتي اتسحب واخرج بقى من غير ما حد يحس بيا واسيبهم مشغولين في الرقص على نغمات الزار العفريتي دي , يا خبررررررر ايه اللي ماما بتعمله ده !!!!!!!! عمالة تفقر برقبتها وتلف معاهم , الله يسامحك يا ماماااااااااااااااا

*
*
*
*

ترررررررررررررررررررررررررررررررررررررررررن ترررررررررررررررررررررررررررررررررررررن افتحي يا طنط امينة اهئ اهئ افتحيييييييييييي

ميييييييييييييين

انا سلوى يا طنط الحقينيييييييييييييييي

سلووووووووووى ! اهلا يا سلوى مالك يا حبيبتي لونك مخطوف كدة

الاول في حد هنا يا طنط ؟

لا يا حبيبتي الولاد لسة ماجوش ادخلي

ااااااااه ياني ااااااااااااه قلبي بيدق بسرعة جداااااااااااااا , كوباية مية يا طنط ارجوكي

حاضر يا حبيبتي

اتفضلي يا سلوى

شكرا يا طنط

ايه صوت الخبط والرزع ده وجاي منين ؟

ماانا جيت عشان كدة يا طنط , الخبط والرزع ده جاي من عندنااااااااااا الست ماما عملالي زار

زاااااااااار !!!!!!!!! اتجننت هدى ولا ايه ؟ الحاجات دي شرك والعياذ بالله , ازاي تعمل حاجة زي دي !!!!!!!!!!!

اهئ اهئئئئئئئئئئئئ قوليلها يا طنط , انا هربت منهم بأعجوبة

طب والله لهروحلها واعرفها شغلها , طييييييييييب يا هدى يا بتاعة الزار انتي , تعالي ورايا يا سلوى

انا في حمايتك يا طنط

ما تخافيش , الحامي هو الله . تعالي

*
*
*
*
*
*

تررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررن

ايه ده , مين بيخبط . يا نهار مش فااااايت ليكون لطفي جه , ربنا يستررررررررر هيسود عيشتنا لو كان هو

ميييييييييين

افتحي يا هدى انا ام عصام

ام عصاااااااام ! هي عليها عفريت هي كمان ولما عرفت ان في زار جت عشان تطلعهم من جتتها ؟ اهلا يا ام عصام اتفضلي , تعالي فقّري معانا شوية يا نهاااااااااااااارك سلوووووووووووووووووووووى انتي خرجتي امتى ؟؟؟؟؟؟؟؟؟؟؟؟؟؟؟؟؟؟؟؟؟

الحقيني يا طنطططططططططططططططط

سيبيها يا هدىىىىىىى ادخلي اوضتك انتي يا سلوى

حاضر يا طنططططططططططططط جري جرررررررررررررري يا مامي

اومال مين اللي كانت بتنطط قدامي وتلف ورا ابو الغيط

هههههههههه انا يا تيتة

يا نهارك مش فايت يا هدييييييييييييييل , طيب والله لاكسرك , استني علية

هههههههه انا مالي انا , انا داخلة عند مامتي

هدى الاول وقبل أي حاجة الناس دي تمشي من هناااااااااااااااا

يمشوا يروحو فيييييييييييييين دول لسة ما اشتغلوش ده لسة هيدبحوا فرخة ويغرقوا سلوى بدمها عشان طلبات الاسياد

استغفر الله العظيييييييييييييم , اللي بتعملوه ده شرك شرررررررررررك , الجن ما بينفعش حد يا ستي ولا بيعرف الغيب , يلا امشوا حالا والا هطلب البوليسسسسسسسسسسسسس

بولييييييييييييييييييييييس !!!!!!!!!!!!! يلا نجري يا شيخة مبارررررررررررررررررررركة

اديهم مشيوا يا ام عصام

انتي بتعملي ايه هنا يا فهيمة ؟؟؟؟؟؟؟؟؟

أأأأأأ انا اناااااااااا

فهيمة هي اللي جابت بتوع الزار

ايييييييييييييييييييه , انتي يا فهيمة !!!!!!!!!!

سامحيني يا حاجة ام عصام والله كنت عايزة اخدم

طب اتفضلي انزلي وحسابي معاكي بعدين

بقى كدة برضو يا هدى , تعملي العمايل اللي ما ترضيش ربنا دي !!!!!!!!!!!!

اعمل ايه بس يا امينة ؟ اهئ اهئئئئئئ سلوى طيرت برج من دماغي برفضها للعرسان

تقومي تعملي كدة برضو وتغضبي ربنا !!!!!!! يا حبيبتي كل واحد بياخد نصيبه والبنت تكلميها بالعقل مش تلجأي للدجل والشعوذة والكلام الفاضي ده

خلاص يا امينة انا غلطانة بس كلمي انتي سلوى بقى واعديليلها دماغها

هحاول والله , انا كمان عايزة اطمن عليها وما بيعجبنيش رفضها للعرسان من غير سبب , ربنا ييسر , بس هقوم دلوقتي عشان ماجد زمانه جاي من صلاة العشا

اومال عصام وهاني هيتجوزوا امتى

الله اعلم

ههههههههههههههههههههه ام العريس ومش عارفة

يا ستي هو ام العريس بقى لها قيمة دلوقتي ! خليها على الله يا هدى , بعد ما امشي شغلي سورة البقرة عشان تصرف الشياطين اللي ملوا البيت بالله عليكِ

حاضر يا حبيبتي هشغلها على طول اهو

, طيب عن اذنك دلوقتي يا هدى وهجيلك تاني عشان اتكلم مع سلوى , السلام عليكم

وعليكم السلام ورحمة الله وبركاته

 

—————————————————–

ونكمل في الحلقة التاسعة .. إلى اللقاء في الحلقة التاسعة

بقلم الكاتبة: هبة نور


نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *