مسلسل أحبك أبي … ولكن “الحلقة الأولى”

2015-09-27_141614

أحبك أبى ………….ولكن

كل يوم الساعة الواحدة ظهراً حلقة جديدة

الحلقة الأولى

فى احدى نوادى مدينه الاسكندريه

كانت شلة شباب قاعدين بيضحكو ويهزرو وشويه وقرب عليه شاب وسيم جدا وشيك جدا جدا

حازم : السلام عليكم يا شباب

( حازم عبد السلام 34  سنه دكتور قلب عايش فى امريكا من 8 سنين عشان كان بيحضر 

الدكتوراه هناك باباه دكتور كبير فالاسكندريه وعنده مستشفى خاص )

اسامه : حزوووم انا مش مصدق عينى بجد انت جيت امتى

وقام خده بالحضن وهو مبسوط اوى

(اسامه مجدى 34 سنه مهندس وصاحب حازم من ايام الدراسه وتقريبا صاحبه الوحيد فى مصر )

حازم : لسه بقالى يومين بس

اسامه : وحشتنى اوى ياصاحبى 8 سنين يا واطى مشوفكش بجد وحشنى اوى

حازم : وانت كمان وحشتنى اوى بس اعمل ايه مكنشى عندى وقت خالص انزل اجازات عشان اخلص الماجيستير والدكتوراه بسرعه

اسامه : ولا يهمك ومبروك عليك الدكتوراه

حازم : الله يبارك فيك

اسامه : انت هتفضل واقف كده اقعد اعرفك على الشباب ……………. محمد وابراهيم ومعتز مهندسين وزمايلى فالشركه …..وده بقى صاحب

عمرى اللى زهقته بيه حازم دكتور قلب

الشباب اتعرفو على بعض وقاعدو يحكو ويتكلمو عن امريكا واحوال مصر وهكذا

شويه واسامه بص فى ساعته وبابتسامه عريضه : ظبطو ساعاتكم يا شباب الساعه7:30

محمد وابراهيم ومعتز بصو على باب النادى بسرعه

محمد : عمرها متاخرت مره ………البنت دى مشكله

ابراهيم : ههههههههههه فاكر دور البرد

محمد : اسكت بقى متفكرنيش

اسامه : متسكت انت مش فاكر هى عملت فيك ايه انت كمان

حازم باستغراب : فى ايه متفهمونى ؟؟

اسامه : انا هقولك ………….شايف البنت اللى جايه علينا دى

حازم وهو بيبصلها بعدم اهتمام : مالها

اسامه : اسمها ياسيدى تغريد هى دكتوره وده عرفناه بالصدفه البحته لما عم اسماعيل  تعب وهى كشفت عليه

حازم : مين عم اسماعيل اصلا …؟؟

اسامه : ده فراش هنا فالنادى بص اللى واقفلها عند التربيزه ده

حازم وهو بيبص عليهم : هااااااااااا وبعدين

اسامه : البنت دى بقى غامضه جدا محدش عارف عنها اى حاجه ولا حتى عارفين نعرف ومبتكلمشى

اى حد فالنادى خالص بتيجى كل يوم النادى ماعدا بعض الايام اللى تقريبا بيقى عندها شغل وكلنا بنظبط

عليها الساعه الساعه 7:30 تيجى وتقعد على التربيزه البعيده دى عم اسماعيل حجزهالها على طول وتشرب

النسكافيه بتاعها وتعمل حاجات على الاب بتاعها والساعه 9 تلم حاجاتها وتروح

حازم : طب محد يروح يكلمها مش ازمه يعنى

محمد : هههههههههههههههههههه حاولنا ويارتنا ما حاولنا

اسامه وهو بيشاور لمحمد :هههههههه الاستاذ راح يكلمها مره وكنا فى عز البرد دلقت عليه

كباية المايه وقعد اسبوع فالسرير من دورالبرد اللى خده …………..وابراهيم بقى عمل

فالح وراح قاعد على التربيزه معاها وبيقولها ممكن اعزمك على حاجه ……….بصتله

وضحكت وطلبت من عم اسماعيل اكل كتير جدا

حازم باستغراب : وكالته كله ؟؟؟؟؟

ابراهيم : ههههه انا وقتها قولت فى سرى ايه المفجوعه دى ……..وبعدين طلبت من عم اسماعيل

انه يلف الاكل واداتهوله عشانه وعشان عياله وقالتله الحساب عند الاستاذ وسابتنى ومشت

حازم : ههههههههههه تستاهل حد يدخل على وحده يقولها هعزمك

ابراهيم : مش عارف بقى اهو اللى حصل

حازم وهو بيبصلها : مش عارف بس شكلها مش غريب عليه ……..انتم قولتو اسمها ايه

اسامه : تغريد محمود ……….

حازم : ايوه صح انا عارفها بنت انكل محمود صادق بس دى عايشه فالقاهره

اسامه : يمكن تهيؤات ومش هي

حازم : هروح اكلمها

اسامه : بلاش احسن ………..ممكن تبقى مش هى وتحرجك

حازم وهو قايم : استنى بس

وراح نحيتها والشباب كلهم بيبصو عليه………………………………………………………………………….تغريد كانت قاعده

بتقرى بحث على الاب وشويه وقرب عليها عم اسماعيل

(تغريد 28 سنه دكتوره وبتتخصص فى جراحة القلب عايشه فالاسكندريه مع خالتها

وبنت خالتها بعد وفات مامتها واتغيرت شخصية تغريد 180 درجه من سنتين لظروف هنعرفها من خلال اليوميات )

عم اسماعيل : احلى نسكافيه لاحلى دكتور فالدنيا

تغريد بابتسامه :ربنا يخليك ياعم اسماعيل اخبار صحتك ايه واخبار ولادك ايه

عم اسماعيل : الحمد لله ماشى على الدواء اللى حضرتك جبتهولى …….والولاد كلهم بيسلمو

عليكى اوى ونور بتقولى عاوزه ابقى دكتوره زى ابله تغريد

تغريد : ربنا يخليهوملك يارب

عم اسماعيل : يارب هسيبك بقى واروح اشوف شغلى لو احتاجتى حاجه قوليلى

تغريد : ماشى ربنا يعينك

ومشى عم اسماعيل وتغريد ركزت تانى فالبحث

شويه وقرب عليها حازم

حازم : السلام عليكم

تغريد بصتله : وعليكم السلام

وبصت تانى فالاب ولا كان حازم واقف

حازم : حضرتك ……..تغريد محمود صادق مش كده

تغريد بصتله باستغراب : حضرتك تعرفنى

حازم بابتسامه بعد ماتاكد انه صح وقاعد معاها

حازم : ايه يابنتى مش فاكرانى  انا حازم عبد السلام ابن الدكتور عبد السلام ……..

فاكره لما كنت باجى عندكم وبتقعدى تغلسى عليا وعمو عامل ايه وطنط وحشتنى اوى ووحشنى اكلها

تغريد بتبصله من غير ما ترد عليه

حازم : بس انتى اتغيرتى خالص وكبرتى اخر مره شوفتك كنتى فالثانويه ………وتامر عامل ايه بقى ايه دلوقتى

تغريد بضيق : بعد اذنك انا لازم امشى دلوقتى

حازم باستغراب : هو انا ضايقتك ..؟؟

تغريد والدموع فعنيها : لا ابدا بس عندى مشوار مهم فرصه سعيده

ولمت حاجاتها بسرعه ومشت من غير ماتبص على حازم

حازم وهو بيبصلها وبيكلم نفسه ” هى البنت دى مجنونه ولا ايه “

———–———-———————-————

ونكمل في الحلقة الثانية .. الى اللقاء في الحلقة الثانية

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *