مسلسل “الحب فى زمن الـــ لا حب” الحلقة الثالثة

2015-10-10_123930

الحلقة الثالثة

فاتت فتره وجات امتحانات الترم وكل واحد حاول يركز فمذاكرته

وفى اخر يوم امتحانات ساره خلصت بدرى وطلعت تستناهم فالكافتريا

وهى قاعده لقت كريم جى عليها وهو مبتسم ابتسامه غريبه

كريم : اخيرا لقيتك لوحدك

ساره : نعم ؟؟

كريم : اصلى عاوزك فموضوع وكويس انك لوحدك

ساره بستغراب : موضوع ……..موضوع ايه؟

كريم : بصراحه كده انا معجب بيكى

ساره بصتله وسكتت ومستنيه يكمل كلامه

كريم : انتى سكتى ليه

ساره بستهزاء: مستنيه بقيت الموضوع

كريم : ازاى يعنى ………هو كده خلاص

ساره بستهزاء : ليه مش لسه فى انا من اول ما شوفتك ما بنمشى الليل ومتلخبط وحياتى ظلمه وانتى النور اللى نورها وبقيت الاسطوانه اللى انتم حفظنها دى

كريم بنرفزه : انتم مين

ساره : الولاد ………اللى فكرين ممكن يضحكو على اى وحده بالكلام الهايف ده

كريم بعصبيه: انتى بتتريقى

 

ساره ضحكة بسخريه : بص يا كريم انا مش من البنات اللى تعرفهم و مش كلمتين زى دول هيوقعونى فيك فخلينا اصحاب وزمايل احسن وبعدين احترم انى قريبت على هو مش صاحبك برده

 

كريم بحنيه : بس انا فعلا معجب بيكى ………..وبعدين ما على بيحب نورهان ولا هو حلال ليه وحرام عليه عموما انا عارف كلام على عليه اثر عليكى بس انا هخلى الايام تثبتلك انى بحبك بجد

 

وقام مشى وهو زعلان وساره حست انها غلطت لما كلمته بسخريه كده وشويه مريم ونور خلصو الامتحان وجم عليها

 

نور : ايه يابنتى انتى خلصتى بدرى ليه كده ……..الامتحان كان مليان

ساره بنرفزه : انا مش دحيحه زيك انا كتبت اللى ينجحنى وخلاص

مريم : مالك يا ساره شكلك مضايق …..انتى محلتيش كويس

ساره : اصل كريم كان هنا وقعد معايا وضايقنى شويه

نور : ضايق ازاى يعنى

ساره حكتلهم اللى حصل

نور : انتى زعلانه ليه…………..انتى اتصرفتى صح

مريم : لا يا نور هى كانت قليلة الذوق كانت ممكن ترفضه بس متتريقشى عليه كده

ساره : انا برده حسه بكده

نور : انا شايفه انها كانت صح بذات مع واحد زى كريم ده انا اصلا مش بحبه

مريم: متخليش كرهك ليه ياثر على الصح والغلط مينفعشى كانت تعمل كده

ساره: عموما خلاص اللى حصل بقى انسو بقى الموضوع ده احنا اخدنا الاجازه عاوزين نخروج بقى

نور وهى بتضحك: ههههههه على اساس البت كانت مقطعه المذكره

ساره : اه طبعا بكره تشوفى هطلع الاولى بالغيظه فيك

نور : لما نشوف

وقعدو يهزرو ويرخمو على بعد زى العاده

………………………………………………………………………………..

 

وفالجهه التانيه كريم كان قاعد سرحان وبيكلم نفسه

“هى بتتعامل معايا كده ليه منك لله يا على كلامك الزفت عنى هو اللى خلاها تعمل كده”

“بس ولا يهمك يا كيمو بكره تقع زى غيرها هو فى حد يقدر يقف قدامك”

“بس فالنادى انا حسيت انها اضايقت لما قولت حبيبتى “

“اه يا كيمو وانت احساسك ميكدبشى ابدا هى بس بتتقل شويه”

“خليها تتقل وبكره نشوف مين اللى هيكسب….انا وراكى ياساره “

” ولا عاش ولا كان اللى يرفض كيمو ده انا كيمو برده”

وقعد وهو سرحان ومبتسم والغرور مالى عنيه وشويه وجه عليه على

على : ايه يابنى بتضحك زى الاهبل كده ليه

كريم بستغراب: انا بضحك ؟؟؟

على : اه والله شويه والناس كانت هتفتكرك مجنون……….اعترف ياكيمو مين الصيده المره دى

كريم : مفيش صيده ولا حاجه ………وبعدين بلاش الكلام الغلس بتاعك ده

على : عيب عليك ده انت صاحبى وحافظك……….فى صيده وشكلها معسلجه كمان

كريم : طيب اسكت بقى وخليك فى ست نورهان بتاعتك

على بعصبيه: ملكشى دعوه بنورهان ……….وبعدين انا بحبها بجد مش زيك كل يوم مع واحده ترسم عليها الحب لحد متزهق وترميها ودور على غيرها

كريم : طيب خلاص مش هجيب سرتها وانت كمان متجبشى سرتى والتسيح بتاعك ده قدام الناس

على : انا مش بتكلم عندك كده غير قدام ساره واصحابها بس

كريم : طيب وليه الغلاسه دى

على : علشان تبعد عن ساره واصحابها….. البنات دى محترمه وانا بعتبرهم اخواتى متحاولشى تلعب على حد فيهم يا كريم انا بقولك اهوه

كريم : طبعا مهم زى اخواتى انا كمان متخافشى

وهوبيتكلم فى سره

” متقلقشى انا مليش دعوه باصحابها انا هلعب على ساره على طول علشان تحرم تتكلم عنى تانى “

 

…………………………………………………………………………….

 

وفاتت ايام وخلصت الاجازه وبداء الترم التانى وكله بداء يلتزم فالكليه ويتقابلو تانى بس كريم الفتره دى كلها كان مختفى تقريبا و ساره مشفتهوش من اخر يوم امتحانات ولا فالكليه ولا فالنادى وموضوع غيابه ده بداء يشغلها وبداءت تفكر فيه كتير

 

وفيوم كانو قاعدين فالكافتريا بيتخنقو من اللى هيروح يجيب النتيجه كلهم كانو خايفين ومتوترين وشويه وجه على

على : فى ايه بتتخانقو على ايه

ساره بقلق : النتيجه ظهرت

على وهى بيضحك: وايه المشكله حد يروح يشوفها

نور : لا احنا خايفين …………على متروح تجبهالنا…..مش انت الراجل برده

على : ههههههههههه محسسانى انها نتيجه الثانويه العام معلشى هى اول سنه بتبقى كده ………..هتدفعو كام

ساره : مبلاش غلاس ….. روح هاتها وهنبسطك متقلقشى …….ياله بقى

ومشى على عشان يجبلهم النتيجه  


———–———-———————-————

ونكمل في الحلقة الرابعة  .. الى اللقاء في الحلقة الرابعة

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *