مسلسل “الحب فى زمن الـــ لا حب” الحلقة العشرون

2015-10-19_125742

الحلقة العشرون

 

الام قالت الكلام اللى نور حساه بس مش فهماه فعلا نور قربت من على عشان صعبان عليها وكانت خايفه تجرحه تانى وكانت شيفاه جدع بس مش

لدرجة انها تحبه وترتبط بيه وده اللى كان مش مريحها طول الوقت

 

قامت الام وسابت نور سرحانه وعماله تفكر وهى محتاره

وفاقت نور من سرحانه على رنت موبيلها ولقته على

نور : السلام عليكم

على : وعليكم السلام ……….فينك يانور طلبتك اكتر من مره

نور : معلشى ياعلى مخدتش بالى من الموبيل

على : كلمتى طنط انتى عارفه انى مسافر بكره

نور : اه ياعلى كلمتها

على بعدم اطمئنان : وايه الاخبار

نور : ممكن اطلب طلب

على : اتفضلى

نور : سبنى ياعلى افكر شويه وباذن لله الاجازه الجايه هقولك قرارى النهائى

على : تفكرة فى ايه …………..هى طنط رافضه

نور : لاء بالعكس هى لو لقتنى موافقه مش هترفض

على بضيق : يعنى انتى رافضانى يانور

نور : لاء مش قصدى بس مفيش داعى للتسرع سبنى شويه افكر ونتكلم الاجازه الجايه

على بزعل : انتى شايفه كده ………….ماشى يانور

نور : عشان خاطرى متزعلشى عشان مضحكشى عليك واضحك على نفسى بوهم سيبنى وسيب نفسك فتره نفكر

على : ماشى يانور ………..اشوف وشك بخير ……….سلام

نور : سلام

 

………………………………………………………………………………

 

نور كانت حسه براحه اكبر وقرارت انها تحكى لاصحبها عشان

وفعلا فى يوم كانو قاعدين عند مريم

نور : انا عاوزه اقولكم حاجه كنت مخبياها بس متزعلوش منى

ساره : قولى انا اصلا حساه ان فى حاجه غلط

مريم : اسكتى يا بت انتى هتعملى فيها المفتش كرمبو

ساره : ههههههههههههههه ايوه بقى يا بنتى ده انا احساسى عالى

مريم : طب بطلى غلاسه بقى ……………قولى يا نور

نور بداءت تحكى كل حاجه حصله بينها وبين على

والبنتين متنحين مش مصدقين اللى بتقول الكلام ده نور

نور : ساكتين ليه؟

ساره بصدمه : انا مش مصدقه ……………انتى ازاى تعملى كده …..وعامله نفسك عاقله ومبتغلطيش ومش فالحه غير بس تحسبينا وتحسسينى اننا اغبيه وانتى الذكيه

مريم : اهدى يا ساره فى ايه

ساره : مش عارفه فى ايه …….فكرين عملتو فيه ايه لما عرفت كريم …..فاكره هاجمتنى ازاى ……….على الاقل يا ست نور انا فعلا كنت بحبه مش بضحك عليه

نور بدموع : بضحك عليه ؟؟

ساره : نور مش هسمحلك تجرحى على تانى ……….انتى فاهمه بجد مش هسمحلك

وخدت شنطتها ونزلت جرى

نور انهارت فالعياط ومريم اخدتها فى حضنها وطبطب عليها

نور بعياط : والله يامريم مش بضحك عليه ولا عشمته بحاجه والله انا مش عاوزه اجرحه

مريم : خلاص يانور اهدى بس وهنتكلم بعدين

ونور فضلت تعيط

 

…………………………………………………………………………

 

بعد يومين

نور فى اوضتها ولقت باب الاوضه بيخبط

نور : مين ؟؟

مريم : انا يا نور

نور : ادخلى

مريم وهى بتبص ومن وراء الباب : معايا حد كمان

نور بابتسامه : ساره

ساره وهى بتزوق الباب: يابنتى متافتحى هيكون مين يعنى هو حد بيعبرها غيرنا

ضحكو البنات ونور كانت فرحانه ان ساره مبقتشى زعلانه منها

نور : ساره صدقينى انا بعز على اوى وبحترمه بس مش قادره اشوفه اكتر من اخ وصديق جدع عشان كده كان صعبان عليه وعشان كمان انا عارفه موضوع نورهان وعارفه هو انجرح قد ايه وكنت خايفه اجراحه انا كمان عشان كده بجد انا حاولت بس مقدرتش ……….ززززصدقينى كده احسن ليه عشان مضحكشى ليه او احسسه احساس انا مش حساه

ساره : خلاص يانور وانا كمان اسفه وان شاء الله الموضوع هيتحل ………..بس عشان خاطرى حاولى متصدمهوش

نور بابتسامه : متقلقيش هتصرف بعقل

ساره : وانا واثقه فيكى وفى تفكيرك

ويقعدو البنات يضحكو مع بعض ويهزرو زى العادى

 

……………………………………………………………………………..

 

وتعدى الايام وينشغلو البنات فى الكليه والدراسه

ويعدى اكتر من شهر وعلى مفيش اى اتصال ولا اخبار انه هينزل

وفى الكليه

نور : برده مفيش اى اخبار عن على

ساره : لاء بقاله 10 ايام متصلشى وكانت المفروض الاجازه بتاعه من اسبوع

نور : يارب طمنى عليه

ساره : ينفع اقولك حاجه

نور : قولى

ساره : انتى قلقانه اوى كده ليه انتى حبتيه

نور : صدقينى يانور مش بحبه حب حبيب انا بحبه حب اخ وقلقانه عليه كاخ مش اكتر

ساره : متاكده

نور : متاكده جدا بجد

ساره : ماشى ربنا يطمنا عليه

 

………………………………………………………………..

بعد اسبوع نور قاعده فى اوضتها بتذاكر عشان الامتحانات قربت لقت موبايلها بيرن

نور بفرحه : السلام عليكم ………. ازيك ياعلى اخبارك ايه

على : الحمد لله تمام ………….وحشتينى اوى

نور ساكته ومش بترد

———–———-———————-————

ونكمل في الحلقة الحادية والعشرون .. الى اللقاء في الحلقة الحادية والعشرون

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *