مسلسل “يوميات بنت عنيدة” الحلقة السادسة

الحلقة السادسة

ملك واحمد فضلو يبصو لبعض وكل واحد بيفكر

ملك” مش معقول الصدفه دى طيب وبعدين هشتغل معاه ازاى ده اكيد مش طايقنى بعد اللى عملته فيه”

احمد “يعنى مفيش غير دى تشتغل معايا دى مش طيقانى من ساعه الموقف اللى حصل فالنادى هتصرف ازاى دلوقتى انا هتصرف عادى وانا هعمل

ايه يعنى”

احمد : اهلا وسهلا تشرفت بمعرفتك يا بشمهندسه وان شاء الله نشتغل مع بعض كويس

ملك : اهلا … ان شاء الله ” هو عامل مش عارفنى ولا ايه ده شكله فعلا مش طايقنى”

حسن : ملك امانه معاك انا بعتبرها زى بنتى وعلى فكره دى مش وسطه ولا حاجه بس انا عارف قدرتها وانها هتبقى كويسه بس انا عاوزك

تساعدها شويه فالاول وتفهمها اساس الشغل

احمد : ان شاء الله يا بشمهندس متقلقشى

حسن : انا هسبكو بقى واروح اشوف شغلى وانتم كمان تشوفو شغلكم

ومشى حسن على مكتبه وفضلت ملك واقفه محتاره تعمل ايه

احمد : اتفضلى يا بشمهندسه ده مكتبك

راحت ملك على المكتب وقعدت وهى قلقانه من اللى هيحصل

احمد:احنا بنيجى هنا الساعه 9 نمضى ولو فى رسم او شغل ادارى بنعمله وبعد كده بنزل الموقع على الساعه 12 والرسم لو عاوزه تخديه تكمليه

فالبيت مفيش مانع …..وانتى حظك حلو المشروع الجديد لسه فاوله هننزل انهارده نشوف الموقع وتشوفى رسمى وتبدائى تكونى تصورك للديكور

الداخلى والخارجى للمكان …..احنا هنا الشغل بيعتمد على التيم ورك يعنى انا وانتى لازم نكون متفقين على اللى هنعمله

ملك كل ده عماله تسمع وتقول فنفسها هتتفق معاه ازاى بعد اللى حصل

وبعدين بصلها احمد كانه عارف ملك بتفكر فايه : وان شاء الله نقدر نتفق

وبعدين بص تانى على الرسم اللى قدامه وكمل كلامه

احمد: عشان الشغل ده بيتنسب ليه زى مبيتنسب ليكى وانا مبحبش اعمل حاجه وحشه او اقصر فشغلى

وليد بص لاحمد باستغراب كان حاسس ان احمد عنيف مع ملك وانه مضايق وبص لملك لقاها قلقانه

وليد : فى ايه يا هندسه انت هتخوفها من الاول ليه براحه كده عليها

ملك وبضيق: لا يا بشمهندس ولا خوف ولا حاجه البشمهندس عنده حق برده احنا فعلا لازم نتفق ده شغل

احمد بصلها باستغراب “اد ايه البنت دى عنيده”

وبعد حوالى نص ساعه بص احمد لساعتهوبعدين بص لملك

احمد : ياله يا بشمهندسه عشان افرجك الموقع

وقام اتحرك من المكتب وملك كانت وراه لحد البارك احمد راح على عربيته وبيبص وراه ملقاش ملك ولقاها واقفه عند عربيتها

بصلها باستغراب

احمد :انتى بتعملى ايه

ملك :هركب عربيتى

احمد :انتى هتيجى معايا فعربيتى

ملك وبعند: لا انا معايا عربيتى وهروح بيها

احمد: بس دلوقتى الدنيا زحمه ومش لازم احنا الاتنين رايحين نفس المكان

ملك: مش مشكله همشى وراك بعربيتى

احمد :بلاش عند الدنيا زحمه وممكن تتوهى منى والموقع بره البلد على الطريق

بس ملك راحت وركبت عربيتها ومسمعتشى كلامه واحمد كان متنرفز على الاخر

وبعد حوالى ساعه وصل احمد على الموقع وعدت حوالى ربع ساعه وملك كانت لسه موصلتشى ياترى بقى حصل ايه ده اللى هنعرفه الحلقه اللى

جايه

———–———-———————-————

ونكمل في الحلقة السابعة .. الى اللقاء في الحلقة السابعة

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *