مسلسل “يوميات بنت عنيدة” الحلقة الثامنة

2015-10-29_031259

الحلقة الثامنة

فات حوالى اسبوعين وملك واحمد بقو متفاهمين جدا ولقو ان افكارهم قريبه من بعض وملك كانت مبسوطه من شغلها

وفي يوم كانت ملك مع احمد فالعربيه مهما خلاص اتفقو ان ملك تسيب عرابيتها فالشركه وتروح مع احمد الموقع وترجع معاه

رن تليفون ملك

ملك السلام عليكم…..مين معايا

ملك باستغراب :محمود ..انت جبت رقمى منين…..اه نورهان ماشى خير فى حاجه …الكليه .اااه ماشى …هحاول اجى بكره …..لا مش عارفه

امتى بالظبط…..عاوز تشوفنى ليه …….خلاص لما هاجى هكلم نورهان…….انا مش فاهمه حاجه …..طيب خلاص هكلمك على الرقم ده مش ده

رقمك ……خلاص ماشى ربنا يسهل……سلاام

وقفلت ملك وهى مستغربه وبتكلم نفسها

احمد بفضول : مالك بتكلمى نفسك ليه

ملك: معلشى يا بشمهندس هو انا ممكن استاذن بكره شويه واروح الكليه

احمد: اه عادى بس هو فى حاجه شكلك قلقانه كده ليه

ملك: لا ابدا اصل ده واحد زميلى والمفروض انه بيحب نورهان صاحبتى بس فى حاجه غلط بيقول عاوز يشوفنى ضرورى ومش عاوز نورهان

تعرف ممكن يكون زعلانين من بعض

وهى بتفكر مع نفسها : ان شاء الله خير

احمد: بس انتى هتساذنى بكره عشان تحلى مشاكل اصحابك

ملك :لا بس انا اصلا كنت عاوزه اروح الكليه عشان اشوف الجديد من ساعة مشتغلة مروحتش خالص

احمد: خلاص ولا يهمك ممكن تروحى بعض متمضى وانا هستناكى لما تيجى فالمكتب عشان نروح الموقع مع بعض

ملك: لا انا ممكن اجى على الموقع على طول انا معايا العربيه

احمد: لا هستناكى احنا مش اتفقنا خلاص

ملك :خلاص ماشى وانا مش هحاول اتاخر

وتانى يوم فالكليه اتصلت ملك بمحمود وقلتله انها فالكليه

محمود : ملك ازيك اخبارك ايه

ملك :الحمد لله تمام ايه اخر الاخبارهى فين نورهان انا كنت قيلالها انها تكتبلى المحضرات والحاجات المطلوبه منى عشان انا مش هعرف اجى كتير

اليومين دول

محمود: اه صحيح مبروك على الشغل انا جبتلك اللى انتى عايزاه

ملك: هو فى ايه ونورهان فين

محمود :انا ونورهان سبنا بعض وهى مش بتيجى اليومين دول

ملك بزعل: ليه كده انتو بتحبو بعض

محمود: لا يا ملك انا مش بحبها ولا عمرى حبيت ولا هحب نورهان

ملك باستغراب : ازاى يعنى طيب ليه علقتها بيك وكنت طول الفتره دى معاه وقيلها انك هتخطبها

محمود: عشان انا بحبك انتى

ملك وهو مصدومه: انت بتقول ايه

محمود: ايوه يا ملك انا بحبك انتى من اول يوم شوفتك فيه بس انتى مكنتشى بتدينى الفرصه وحاولت اتقرب من نورهان عشانك انا عارف انى غلط

وهى ملهاش ذنب بس انا مكنتش عارف انها هتحبنى كده بس انا خلاص مابقتشى قادر امثل اكتر من كده

ملك كانت وقفه مصدومه مش مصدقه اللى بتسمعه

محمود : ملك ردى عليا انا بحبك بجد

ملك: بتحبنى ….. انت مبتحبش غير نفسك انت ازاى تعمل كده ولما انت مش بتحبها ليه عملت فيها كده انت واحد مجنون وانا اصلا غلطانه انى

واقفه بتكلم مع واحد زيك

ومشت ملك وهى مضايقه جدا وراحت على الشركه

ودخلت المكتب وهى سرحانه وقعدت على مكتبها من غير متكلم اى حد

واحمد لاحظ انها مش طبيعيه ووقتها وليد كان بيكلم عماد

وليد :انت يا بنى مش هتتهد بقى كل يوم اشوفك مع بنت شكل

عماد :عادى بقى مهم اللى بيجرو ورايا وبعضين انا خسران ايه

وليد : انت كده بتستعبط حرام عليك بنات الناس

عماد : انا مضربتش حد على ايده

ملك سمعت كلام عماد ومبقتشى عارفه هى بتقول ايه

———–———-———————-————

ونكمل في الحلقة التاسعة .. الى اللقاء في الحلقة التاسعة

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *