مسلسل “يوميات بنت عنيدة” الحلقة الحادية عشر

2015-10-30_121257

الحلقة الحادية عشر

ملك قفلت الكلام مع مامتها ودخلت على اوضاتها وهى عماله تكلم نفسها

 

“بعدين بقى انا مش هخلص من الموضوع ده انا لازم ادورعلى حل”

 

وبعد تفكير مع نفسها قرارت ملك انها تقابل العريس واى عريس مامتها تقولها عليه بعد كده من غير متعترض وتتخانق معاها وفالاخر تقولها مش

 

مرتاحه او تخترع اى سبب واكيد مامتها مش هتغصبها على حاجه مش مرتاحلها وشافت ان هى كده بتريح دماغها وبترضى مامتها ولو مؤقت

 

وتانى يوم الصبح ملك قامت ولبست عشان تزل شغلها

 

ملك: صباح الخير يا ماما

 

منال وهى زعلانه: صباح النور

 

ملك :ايه هتعملى ايه انهارده

 

منال: عادى

 

ملك :طيب هو العريس ده هيجى امتى

 

منال باستغراب :عريس ايه مش انتى مش عاوزه

 

ملك: لا خلاص هقبله وربنا يسهل

 

منال وهى فرحانه: بجد هتقابليه …….خلاص انا هكلمهم وهحدد معياد على بكره

 

ملك: بكره ماشى هحاول اجى بدرى شويه من الشغل عشان الحق اجهز

 

ونزلت ملك ومنال مستغربه ومش مصدقه انا ملك غيرت رايها ووافقت كده من غير خناقه زى العاده

 

وفالشغل اول ماوصلت ملك الشغل

 

وليد :ملك انا عاوزك فموضوع

 

ملك: خير يا بشمهندس طيب قول صباح الخير

 

وليد: انا اسف بس انا مستنيكى من فتره

 

ملك :خير فى ايه هو الموضوع كبير كده

 

وليد: ااااااااه هو ينفع نقعد فالكافتريا نتكلم شويه

 

ملك باستغراب: ماشى يا بشمهندس اتفضل

 

وطبعا احمد قاعد مضايق وهيموت ويعرف فى ايه

 

وفي الكافتيريا

 

وليد : انا كنت عاوز …….يعنى فى موضوع…… يعنى هو لو كان ينفع…..

ملك: فى ايه يا بشمهندس انت كده قلقتنى

 

وليد: بصراحه كده انا معجب بصاحبتك ايمان بجد من يوم ماشوفتها وانا مشدودلها بطريقه غريبه

 

ملك: وبعدين

 

وليد باستغراب: وبعدين ايه

 

ملك: يعنى يا بشمهندس انت معجب بيها وبعدين ايمان ملهاش فموضوع الصحبيه والحب والكلام ده

 

وليد: انا عارف انا عاوز اتقدملها

 

ملك وهى مبسوطه: طيب وايه المشكله

 

وليد :المشكله انها بنت البشمهندس حسن انا خايف يفتكر انى طمعان فيه وكده وخصوصا انى مستوايا المادى اقل من ومستواهم المادى

 

ملك: متخافشى انا عارفه ايمان وعمو حسن من زمان وعمره مهيفكر كده وخصوصا انه عارفك كويس وبيشكر فيك كتير وهو اكيد عارف اخلاقك

 

بجد متقلقشى

 

وليد: بجد ……… طيب انا عاوز اطلب منك طلب

 

ملك :خير

 

وليد: انا عاوز اقابل ايمان مره قبل مفاتح البشمهندس حسن فالموضوع ….. متفهمنيش غلط هو الموضوع انى عاوز بس اقعد معاها وشوف

 

هيبقى فى قبول من نحياتهاا ولا لاء واتكلم معاها فاساسيات لو اتفقنا عليها يبقى اتكلم مع المهندس حسن انتى عارفه موقفى حساس لو رفضاتنى

 

بعد كده انا مش هعرف اتعامل معاه زى الاول ………..وهى ممكن تقول لمامتها وانتى ممكن تيجى معاها عشان خاطرى يا ملك

 

ملك : طيب انا هقولها وهشوف هتوافق ولا لاء وهرد عليك بكره

 

وليد: لسه بكره مينفعشى دلوقتى

 

ملك وهى مبتسمه: شكلك مستعجل اوى ….صدقنى مش هينفع مش هعرف اتكلم معاها براحتى دلوقتى وهى كمان تعرف تفكر وتقول لمامتها وانا

 

كمان استاذن من ماما

 

وليد: خلاص ماشى هصبر لحد بكره وامرى لله

 

ورجعو على المكتب واحمد عمال يبص عليهم والفضول والغيره على ملك هتجننه

 

وبعد شويه احمد قام وقف

 

احمد : ملك ياله عشان نروح الموقع

 

ملك بصت في ساعاتها

 

ملك : بس لسه بدرى الساعه لسه 10

 

احمد : اصل عاوز اشوف حاجه وبعدين احنا مش ورانا حاجه هنا

 

ملك: خلاص ماشى مفيش مشكله

 

وهم مشين

 

وليد: ملك متنسيش بكره بقى

 

ملك وهى بتضحك : متقلقيشى يا بشمهندس

 

احمد بصلهم وهو مضايق جدا وهيموت ويعرف فى ايه بين ملك ووليد

 

وفالعربيه احمد كان ساكت خالص كان فاكر ان ملك هى اللى هتحكيله لوحدها واخير ملك كسرت السكات ده

 

ملك : اه صحيح يا بشمهندس انا احتمال اجى بكره بعربيتى

 

احمد: خير فى حاجه ولا ايه

 

ملك: لا ابدا بس احتمال اروح بدرى شويه ومش عاوزه اقلق معايا

 

احمد بفضول : ليه هو فى حاجه هتروحى بدرى ليه

 

ملك: لا ابدا اصل جايلى عريس

 

وفجاه احمد ضرب فرامل العربيه وهو مصدوم

———–———-———————-————

ونكمل في الحلقة الثانية عشر.. الى اللقاء في الحلقة الثانية عشر

بقلم الكاتبة :ريم أحمد

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *