مسلسل “يوميات بنت عنيدة” الحلقة السابعة عشر

الحلقة السابعة عشر

وفى مكتب المهندس حسن

 

حسن : ازيكو يا بشمهندسين

 

احمد :الحمد لله تمام

 

ملك: الحمد لله

 

حسن: اولا احب اهنيكو على شغلكو بجد انتم شرفتونى وبجد يا ملك انتى رفعتى راسى وتاكدت ان ثقتى كانت فمحلها

 

ملك: رينا يخليك يا بشمهندس انا معملتش حاجه غير شغلى

 

حسن: ثانيا بقى فى واحد صاحبى عاوز يعمل فيلا جديده وهو معجب جدا بشغلكم وبنته هى اللى هتبقى معاكو دايما عشان هو مسافر دلوقتى وهى

كمان شويه وهتيجى

 

وحسن لسه بيتكلم دخلت السكرتيره

 

السكرتيره : انسه ساره وصلت يا بشمهندس

 

حسن : دخليها

 

ودخلت ساره وهى بنت شيك جدا ورقيقه وعلى رائى احمد تحس كده انها بنوته من طريقة لبسها والميك اب والكعب العالى

 

حسن : اهلا يا انسه ساره اتفضلى ….اقدملك البشمهند س احمد والبشمهندسه ملك

 

ساره اول مشافت احمد مشت نحيته

 

ساره : احمد …. اخبارك ايه من زمان مشوفتكشى بجد وحشتنى

 

احمد بارتباك : انتى عرفينى

 

ساره: كده برده والله زعلانه منك انت مش فاكرنى انا ساره عزت صاحبة ريهام من ايام الثانوى كنت دايما عندكم

 

احمد وهو بيحاول يفتكر : ساره …اه افتكرتك انا اسف بجد …..اصلك اتغيرتى خالص

 

ساره:للاحلى ولا للاوحش

 

احمد : لا طبعا احلى بكتير…..وانتى اخبارك ايه

 

طبعا ملك كانت عمال تبص عليهم وهى مضايقه جدا

 

حسن : انتو تعرفو بعض ؟؟

 

ساره: اه انا احنا اصحاب من زمان بس بقالنا فتره كبيره مشوفناش بعض انا اسفه بجد انى مسلمتش الاول……. ازى حضرتك يا بشمهندس

 

حسن: الحمد لله ……واخبار بابا ايه

 

ساره: الحمد لله…….هيرجع ان شاء الله كمان شهرين

 

وبعدين بصت لملك

 

ساره: انا اسفه يا بشمهندسه اصلى فرحت لما شوفت احمد ….اعذرينى انى مسلمتش عليكى

 

ملك وهى مخنوقه : لا عادى ولا يهمك……مش نتكلم فالشغل بقى

 

ساره: اها احنا عندنا ارض وكنا عاوزين نعملها فيلا

 

والتفاصل هقولها لما تشوفو الارض والموقع انا اللى هبقا متابعه معاكو عشان بابا وماما مسافرين اليومين دول

 

ملك :خلاص احنا ممكن نروح دلوقتى نشوف الارض

 

ساره: واضح ان البشمهندسه بتحب شغلها اوى

 

احمد: بصراحه اه ملك بتحب شغلها وشاطره اوى كمان

 

ساره : اه وانا عجبنى اوى شغلكم واختياركم للالوان بس معلشى يا بشمهندس مش هينفع انهارده ممكن بكره لو تحبو

 

احمد :خلاص مفيش مشكله بكره ان شاء الله … اتفقنا

 

ساره :بس انا مبسوطه اوى انى شفتك انهارده يا احمد وسلملى على ريهام كتير

 

احمد: الله يسلمك وانا كمان مبسوط

 

ومشيت ساره واحمد وملك رجعو مكتبهم وملك كانت مضايقه اوى

 

وفالمكتب فضلت ملك تكلم نفسها

“و كمان بتقوله وحشتنى ومبسوطه اوى انها شافته

 

طيب وانتى مالك

 

اه صحيح انا مالى هو حر

 

طيب هى كانت بس صاحبة اخته ولا فى حاجه تانيه

 

طيب وانا مالى هو حر فتصرفاته

 

ايه ياملك انتى ايه اللى مضايقك كده اوعى تكونى بتحبى احمد يا ملك

 

بحبه….. لا طبعا مش بحبه ايه الهبل ده….. طبعا لاء مش بحبه….. انا اركز فشغلى احسن

 

وفاقت ملك على صوت احمد

 

احمد: ملك ايه مالك بقالى ساعه بكلمك وانتى مش هنا خالص

 

ملك: لا ابدا كنت بفكر فالشغل

 

احمد :انتى بقالك فتره بتسرحى كتير ….اوعى تكونى بتحبى

 

احمد طبعا كان بيقولها بهزار بس ملك اتخضت

 

ملك : بحب …. لا طبعا بحب مين يعنى … انت ليه بتقول كده

 

احمد : انا بهزر انتى اتخضيتى كده ليه انا مش قصدى

 

ملك: ياله نروح نشوف شغلنا احسن

 

ومشيت ملك واحمد وراها عشان يروحو الموقع

 

وبرده ملك حاولت تتجنب احمد طول الوقت

 

وتانى يوم ملك واحمد قابلو ساره فالارض زى متافقو

 

وساره بداءت توصف هى عاوزه ايه وملك واحمد كانو بيقولو افكارهم بس اللى ضايق ملك ان ساره كانت دايما بتوافق على افكار احمد وبتفه من

 

افكار ملك حتى احمد لاحظ كده عشان كده احمد بداء بيوافق ملك على افكارها وياكدها بس ده ضايق ملك اكتر

 

ملك بخنقه: بس يا انسه ساره هى الرايى هنا رايك انتى وبس ولا بعد شهرين لما مامتك وبابكى يجو ممكن يغيرو حاجه

 

ساره بغرور: لا طبعا اللى انا بقول عليه هو اللى هيتعمل اصل الفيلا دى بتاعتى اللى هتجوز فيها

 

ملك بفرحه: هو انتى مخطوبه مبروووك

 

ساره: لامش مخطوبه بس اللى انا هحبه وهقول لبابا عليه هو اللى هتجوزه ومش محتاجه منه اى حاجه بابا هيساعد وهيقدمله كل الامكانيات

 

ملك وهى بتبص لاحمد: وهى هيرضى بكده

 

ساره: اكيد مش بيحبنى وبعدين انا مش محتاجه وبابا بيحبنى وهيعملى اللى انا عاوزاه

 

احمد: عموما ربنا يوفقك…………..مش ياله بقى يا ملك عشان نخلص شغلنا

 

ملك كانت على اخرها ومش طايقه ساره ولا حتى احمد

 

وفالعربيه

 

ملك : انا حسه ان ساره دى مغروره ومدلعه

 

احمد : ليه بتقولى كده

 

ملك: مشوفتش كلامها

 

احمد : انا شايف انه عادى ………انا شايف انها واضحه وجريئه وبتعمل اللى هى عاوزاه

 

ملك بضيق : قصدق باباها وفلوسه هم اللى بيعملو اللى عاوزاه

 

احمد: مش عيب انها تعتمد على باباها ………مش احسن من اللى وخده الدنيا عافيه ومش راضيه تدخل اى حد فحياتها

 

ملك بخنقه : قصدك مين

 

احمد: ولا حاجه وحده صاحبتنا كده

 

ملك والدموع فعنيها: عشان صاحبتنا دى فجاءه صحت الصبح ملقتشى باباها اللى بتعتمد عليه فحياتها جانبها ولقت الدنيا فاضيه من حوليها صحيح

 

كان فى ناس حوليها بيحبوها بس مقدروش يملو الفراغ اللى باباها سابه وخافت تعتمد على حد تانى لتصحى الصبح متلقهوش وتوه من تانى فالدنيا

 

فقرارات انها تعتمد على نفسها ومتبقاش تافهه ولا دلوعه ومستنيه اللى يعملها اللى هى عاوزاه

 

احمد حس انه غلط

 

احمد : انا اسف يا ملك والله مش قصدى……..عشان خاطرى متعيطيش

 

ملك : خلاص مفيش حاجه غير الموضوع ده احسن

 

وفضلو ساكتين طول الطريق

———–———-———————-————

ونكمل في الحلقة الثامنة عشر.. الى اللقاء في الحلقة الثامنة عشر

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *