مسلسل خلف هذه الجدران الحلقة العاشرة (الجزء الثالث)

الحلقــــ(10) ــــة ” من مسلسل “خلف هذه الجدران ” (الجزء االثالث)

**********
**********

هههههههههه السلاام عليكم يا امي

ههه ازيك طنط

اميرررررررررر ابني حبيبيييييييييييييييي تعالى في حضني يا حبيبي اهئ اهئ اهئئئئئئئئئئئ وحشتني يا اميررررررررررر

امييييييييييييييييييييييي ي حبيبتي يا امي وحشتييييييييييييييييني وحشتيني اووووووووووووووووي

وانت اكتر يا نور عيني , مراتك ؟ هههههه

ههههه ايوة , ايه رأيك بقى في القمر دي يا امي ؟

يا حبيبتي ! ههههه تعالي في حضني يا غالية يا مرات الغالي اموووووووووووووووه اموووووووووووووووووووه هههههه قمر الله اكبر

هههه شكرا ماما , انا اسمي لينة

هههههه اهلا يا لينة , اهلا يا قلبي , اتفضلي يا حبيبتي , على مهلك يختي على مهلك , ماشاء الله , شوفتي يا لبنة , من فرحتي بيكِ نسينا نباركولك على الجواز وعلى الحمل , الف مبروك يا حبيبتي ربنا يتملك على خير

ههه شكرا ماما , انا حبيتك كتير

هههه واني حبيتك اكتر , تعالي اقعدي يا حبيبتي , تعالي جنبي هنا

احم احم احممممممممم هههههه على فكرة يا امي اني العريس الغلبان اللي ما باركتلوش هههههه

هههههه انت يا حبيبي هنباركولك على رواقة لما نبقى لوحدناااااااااااااا , منورة يا لييييييينة اموووووووه يختي عليها يختي ههههه

ههههه انتِ لطيفة كتير ماما , مممم انتِ تشبهي امير

ههههه كان زمان يختي , كنت شبه امير في شبابي , كبرت بقى يا لينة , الحمدلله يا بنتي

هههه لالالالالا ماما , انتِ لسة صغيرة وجميلة كمان , بسسس مممم لازم تفقدي كتير من وزنك ماما , زيادة الوزن خطر على صحة

هههه خليها على الله يا مرات ابني , ضحىىىىىىىىى يا ضحىىىىىىىىىى , هي البت دي راحت فين

هههههههه اني جيت اهو , اصل كنت جايبة هدية صغيرة للينة عشان نقابلوها بيها , بوكيه ورد جميل عشان امير قال انها تحب الورد هههه السلام عليكم ازيك يا لينة نورتيناااااااااا ههههه امووووووووه امووووووووووووه

ههههه ازيك انتِ ضحى , مممممم الورد ده علشان انا ؟

ايوة طبعا هههه يارب يكون ذوقي عجبك

ههه عجبني كتير , شكرا ضحى شكرا كتير

اميررررررررررررررر اخوياااااااااااااااااااا ههههههه

ههههه لا يا شيخة ! الظاهر ان لينة جت لوحدها واني مجرد هوا يعني ماحدش شايفني هههههههه

ههههههههه انت حبيبي يا اميررررررررر وطي عشان ابوسك هههه

امووووووووووووووووه اموووووووووووه هههههه وحشتيني يا ضحى

مبروك الجواز يا حبيبي الف مبرووووووووووووك

هههه الله يبارك فيكِ وعقبالك يااااااااااااارب , عايزين نفرحوا بيكِ بقى يا ضحىىىىىىىى ونشوفوكِ عروسة منورة جنب عريسك هههههه

هااااااااا مممممممم عن اذنكو

هههههههههه اتكسفت برضو يا امي

اختك بتتكسف من سيرة الجواز من زمان ههههه , ازيك يا ليييييييييينة

ههههه ازيك ماما

يا ضحىىىىىىىى تعالي خدي مرات اخوكِ عشان تغير هدومها وترتااااااااااااح

حاضر يا ماماااااااا

******************

حمدالله ع السلامة يا سي اميررررررررر ههههههه

اهلاااااااااا هههههه ازيك يا دادة اعتماد

ان شالله تسلم يارب , اللهم صل ع النبي ههههههه ايه العروسة الحلوة دي ! ههههه مبروك يا حبيبتي

هههه شكرا دادة , انا اسمي لينة ههههه

ههههه اهلا يا ست العرايس , نورتي يا ست لينة ., انا جهزت الاكل خلاص يا ست سميرة

طيب يا اعتماد , اول ما يوصل الحاج حامد حطي الاكل ع السفرا

حاضر يا حاجة

ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

الو

ايوة يا اعتماد , السلام عليكم انا كريمة , فين سميرة اختي ؟

هههه وعليكم السلام , اهلا يا ست كريمة , لحظة واحدة خليكِ معاياااااااا , يا ست سميرررررررة الست كريمة عايزاكِ

كريمة ! هههههه تلاقيها بتسأل عليك يا امير , عن اذنكو هنروحوا نردوا عليها من اوضتي

اتفضلي ماما

سلميلي عليها يا امي

الوووووووو ايوة يا كريييييييييييمة هههههه

ههههه اهلا يا سميرة , صوتك فرحان ومنعنش , يبقى اكيد امير ومراته وصلوا

هههههه ايوة يختي وصلوا بالسلامة الحمدلله , اسكتي يا سميرة اني كنت ناوية على نية سووووووووووودة كنت ناوية ناكلوه بسناني هو ومراااااااااااته , روحنا نفتحوا الباب واني ناري قايدة في صدري , بس اول ما شوفت الولا بعد الغيبة دي كأن مية ونزلت على ناري طفتها , ههههه ولا مراااااااااااته قمر قمرررررر ههههه هي قصيرة بس مش مهم , مش محصلة كتف امير هههه هههههه بس شربات , اول يختي ما فتحت الباب لقيتها بتبصلي ومبتسمة ابتسامة هاااااااادية تدوب قلب الحجر ما حسيتش بنفسي الا واني واخداها في حضني وبنبوسوا فيها هههههههههه البت حلوة حلووووووة شكلها مقطقط زي القطة السيامي هههههه ولا صوتها اللي زي العصفوة ههههه اني حبيتها اوي والله يا سميرة , زي ما تكون بنتي ودخلت عليا

هههههههه اني عارفة ان طول عمر قلبك طيب وعمرك ما عرفتي القساوة يا سميرة , ربنا يختي يفرح قلبك بيهم ويتم لمرات امير على خير وتشيلي حفيدك وتفرحي بيه

ان شالله يختي ان شالله , ويتم لرحاب على خير ويرزق فاتن بللي يستاهلها آمين يارب

آمين يا حبيبتي

لكن عريس رحاب ما اتصلش ؟ اصله اكيد وصل مع امير

هههههه يعني هو اول ما هيوصل هيتصل بينا ! مش يسلم على اهله ويرتاح وبعدين يحددوا معاد يجي يشوف البت ! هههههههه

ههههههه اصل اني مستعجلة ونفسي نفرحوا برحاب يا كريمة

ههه اني عارفة يختي , طيب اني بكرة ان شاء الله هنيجي نبارك لامير ومرات امير الحلوة ههههه

هههههه تسلمي يا حبيبتي , واحنا مستنيينك

******************

ههههههه منورة يا لينة يا حبيبتي , انتِ هنا بين اهلك وناسك , واني تعتبريني زي ماما , واي حاجة تعوزيها اطلبيها مني واني عيوني ليكِ

ههه شكرا ماما , جزاكِ الله خيرا

هههههه شوفتي يا لينة امي راضية عليكِ ازاي ! هههه

هههه انا حبيت ماما كتير ومش حاسة اني غريبة هنا وكمان ضحى كتير طيبة , انا فرحانة كتير اني معاكو

ههههههه عسل يختي عسسسسسل , هو ابوك اتأخر كدة ليه ؟

زمانه جاي يا امي

مممممم امير من فضلك عايزة اكلم مامي في لندن , ماما قالت مجرد وصول انا اكلمها

قومي حبيبتي , التليفون في الريسبشن اهو

اوكيه , عن اذنك ماما

اتفضلي يا حبيبتي , هي هتكلم امها يا امير ؟

ايوة يا امي , عشان تطمنها

………………………………………………………..

ههههههه يعني انتِ حقيقي سعيدة لينة مع امير واهل امير ؟

يس مامي , سعيدة كتيرررررر هههه بس كنت اتمنى تكوني معايا مامي

معلش حبيبتي , انتي عارفة ان عندي شغل , لكن طمنيني اخبار الحمل معاكِ ايه

ممممم متعب

هههه يا روح مامي هههه معلش يا قلبي , عشان تحسي وتعرفي انا تعبت قد ايه في حملك لحد ما جنابك شرفتي ههههه

حقيقي انتِ تعبتي معايا مامي , مش بس في حملك ليا , لكن في كل سنين عمري , اتحملتي متاعب كتير بسببي مامي

ههه لا يا حبيبتي , وجودك في حياتي بيسببلي سعادة , مش بيسبب متاعب , تيتة ليز نفسها اوي تكلمك , كانت في اوضتك امبارح وبتبكي وتقول لينة وحشتني

حبيبتي تيتة ليز ! هي في محل ورد دلوقتي ؟

ايوة يا حبيبتي

اوكيه , هكلمها هناك بس ارتاح شوية , انا حبيت اطمنك عليا وعلى امير

طيب يا حبيبتي , اديني امير

اوكيه مامي

اميررررررر

نعم يا لينة

مامي عايزة انت

ههههه حاضر

…………………

السلام عليكم , ازيك يا طنط

هههه وعليكم السلام يا حبيبي , ازيك يا جناب القبطان

هههه انا بخير والله , الحمدلله

مش هوصيك على لينة يا امير , خلي بالك منها

لينة في عنيا والله , ما تقلقيش عليها

اديني ماما يا حبيبي عشان اسلم عليها

بس كدة ؟ هههههه حاضر , يا اميييييييييي امييييييييي

نعم يا امير

تعالي كلمي الدكتورة اروى والدة لينة

ههههه والله ! اني جاية اهو نكلموها

السلام عليكم يا ام لينة ههههه

هههه وعليكم السلام ورحمة الله وبركاته , اهلا يا ام امير ههههه تعرفي انتِ الوحيدة اللي ناديتيني بأم لينة ههههه كل الناس تقولي دكتور اروى هههه فرحتيني والله لما قولتي كدة

ههههه ربنا يفرح قلبك دايما يا حبيبتي , كان نفسنا نشوفك والله , ما جتيش مع الولاد ليه ؟

مرة تانية ان شاء الله , اكيد هنتقابل بإذن الله , , حقيقي انا من قبل ما اكلمك وانا عارفة انك ست عظيمة , اللي تربي شاب ملتزم وخلوق وناجح زي أمير اكيد انسانة عظيمة , وانا سعيدة بجواز ابنك من بنتي والله

ههه الله يخليكِ يا ام لينة , متشكرة يا حبيبتي على كلامك الحلو عني وعن امير , رغم اننا والله ما نستحقوش المدح ده كله

بالعكس يا أم أمير , انتو ناس هايلين والله وربنا أكرمني وأكرم بنتي بالنسب الجميل ده

ههههه تسلمي يا حبيبتي , احنا اللي اتشرفنا بنسبكو يا دكتورة اروى , انا اسمي سميرة على فكرة

ههه اهلا يا مدام سميرة , ربنا يكتبلنا لقاء قريب ان شاء الله

ان شاء الله يا حبيبتي , لازم تشرفينا وتيجي تشوفي الشقة اللي هتعيش فيها بنتك وتنورها ههههه

ان شاء الله , بالله عليكِ خلي بالك من بنتي , اعتبريها بنتك , لينة بنت لطيفة كتير

ههههه والله هي طيبة وانتِ كمان باين عليكِ اطيب منها يا دكتورة , ما تقلقيش على لينة يا أم لينة , دي بنتي والله , طب داني فرحانة فرحة ما تتوصفش انها جت زارتنا , لينة بين اهلها وناسها ومعاها جوزها حبيبها , ربنا يهنيهم يارب ويتم حملها على خير اللهم آمين

اللهم آمين , انا سعيدة بالحديث اللطيف ده وان شاء الله نتقابل قريب , تحياتي للأسرة الكريمة , السلام عليكم

وعليكم السلام ورحمة الله وبركاته يا دكتورة , هههههه والله الولا امير عرف ينقي بصحيح , امها ست محترمة اوي الحمدلله , اني حبيتها من غير مانشوفوها , بركة دعايا للولا أمير

************

ترررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررن

دا اكيد بابا يا لينة , هنقوموا نفتحوا

ههههه عايزة اشوف بابا بتاعك اميررررررر

بابااااااااااااااااااااااااااا ههههههه وحشتنيييييييييييييييي

اميررررررررررررررررر بالحضن يا ولااااااااااااااااااااا ههههههه

ههههههههه بالحضن يا حااااااااااااااج ههههههههههههههههه وحشتني اوي يا بابااااااااا

يااااااااااااااااااااااااااه , بتوحشني يا ولا , بتوحشنننننننننني , لكن هنعملوا ايه بقى ! المهم حمدالله ع السلامة يا ابني

الله يسلمك يا بابا ههههههه

اومال فين مراتك ؟؟؟؟؟؟؟؟؟؟

هههههه ليييييييييييييييينة

انا جاية امير , ممممممم ازيك بابا هههه

بسم الله ماشاء الله , اهلا يا بنتي اهلا وسهلا , نورتي مصر يا ست العرايس , الف مبروووووووك هههه

هههه شكرا بابا

ايه رأيك في ذوقي بقى يا حاج ؟ ههههههه عرفت انقي , مش كدة ؟

ههههه ماشاء الله , ربنا يسعدك بيها ويسعدها بيك يا ابني , اومال امك فين

اهلا يا حاااااامد هههههههه شوفت امير ومراته العسل دي

ههههههههه الله يهديكِ يا سمووووووووووورة , شوفتهم يا ام قلب دهب يا ام العيال يا غالية هههه , اومال فين ضحى

ضحى في اوضتها بتقرا الورد بتاعها , كلها عشر دقايق وتيجي

تعالى يا لينة يا بنتي اقعدي جنبي ههههه انا زي بابا , ولا انتِ مكسوفة مني ؟ هههههه

بابا !!!!!!! ممممم

أأأأ تعالي يا لينة اقعدي جنب بابا , عايز يرحب بيكِ هههههه تعالي يا حبيبتي وفكيهاااا

ايه فكيها دي !

ههههههه افرديهاااااااا اضحكي يعني , فرفشي , مش كل ما تيجي سيرة ابوكِ تكشري في وشنا وتنكدي علينا ههههههههه

ههههههههه اوكيه حبيبي مممممممم ازيك بابا , انا جاية اقعد جنبك

هههههه اهلا يا حبيبتي , نورتينا وشرفتينا , هاااااا واخبار الست والدتك ايه ؟

مامي كويسة كتير , تسلم عليكو , انا جبت هدية عشانك بابا وهدية عشان ماما وكمان هدية عشان ضحى

هههههه كتر خيرك يا بنتي , والله احنا اهم حاجة عندنا اننا نشوفكو, ووجودكم بينا دي اكبر هدية

هههه انت طيب كتير بابا , ممممم تعرف , انا اتمنى تكون بابا بتاعي انا

ههههههههه ما ينفعش , لو انا بابا بتاعك يبقى جوازك من امير باطل عشان انتو كدة تبقوا اخوات هههههههه

هههه انت كتير لطيف بابا , طيب اوكيه , اعتبرني زي بنتك , انا مش عندي بابا

يا حبيبتي يا بنتي ! يا ستي اعتبريني انا بابا وهتبرا من الولا امير ده عشان خاطرك هههههه

ههههههه

هههههههه ايه يا حاج ! انت بعتني ولا ايه ؟

ابيعك ! ده ولا كنوز الارض تساوي ضفرك يا امير يا ابني

ههه ربنا يخليك لينا يا حاج ويديك الصحة

ويخليك يا ابني ويسعدك بمراتك وابنك اللي جاي ويتمم فرحتكو على خير , ونفرح بضحى ان شاء الله

اللهم آمين يا حاج
**********
**********
بقالنا عشر دقايق مستنين امك ع السفرة يا امير , منورانا يا لينة يا بنتي ههههه

هههه شكرا بابا

ههههه اني فرحانة اوي بيكِ يا لينة , والله اني حبيتك من اول ما شوفتك وربنا يعلم

انا كمان حبيتك ضحى , انتِ حقيقي طيبة زي ما قال امير عنك

ههههههه انت قولت عليا طيبة يا امير ؟

ههههههه بنجاملوكِ بكلمتين ما فيهاش حاجة ههههه

ههههه اني بنقولوا كدة برضو

يلا يا اميييييييي , كل مرة الاكل يتحط ع السفرة وانتِ تختفي ما نعرفوش بتروحي فين ههههههه

هههههه اني جيت اهو , عملتلك كفتة بالبقدونس من اللي بتحبها من ايدي يا امير ههههه وقولت ندوقوا لينة عمايل ايديا , لسة عاملة الكفتة من شوية صغيرة لما لقيت ابوك اتأخر , اوعى يا ولا خليني نقعدوا جنب لينة نأكلوها

ممممممممم ماشي يا امي , اني راحت عليا خالص ههههههه

هههههه ازيك يا لينة , ما بتاكليش ليه يا حبيبتي ؟

انا اكل ماما هههه الاكل طعمه حلو كتير

طب خدي صدر البطة ده من ايدي

نووووووو مش احب بط

لالالالالا ما فيش حاجة اسمها ما بتحبهوش , كلي يا حبيبتي , انتي حامل وعايزة تغذية , يلا يا حلوة افتحي بقك زي الشاطرة ههههه

ههه اوكيه , عشان مش ازعلك ماما

هااااااا ايه رأيك في البط بقى ؟

ههه حلو ماما

جوزك يحب البط زي عنيه ههههههه

ممممممم يا عيني على جوزها اللي امه باعته وبتأكل مراته وبطلت تهتم بيه وتأكله زي زماااااااااااااان , فاكر زمان يا جميل ولا نفكروك ؟ هههههه الله يرحم لما كنتي تقومي ضحى من جنبي وتقعدي مكانها عشان تأكليني بإيدك

ههههه هو اني يعني بنأكلوا حد غريب يا ولا ! اني بنأكلوا مراتك وابنك اللي جاي ان شاء الله بالسلامة هههههه خدي يا لينة , افتحي بقك الصغنن ده عشان نأكلوكِ حتة الكفتة دي

ههههه ممممممممم جمييييييييييل طعمها جمييييييييييل

ههههههه عمايل ايديا يا مرات ابني , خدي دوقي الملوخية , قربلها المحشي يا امير

ههههه يا امي بالراحة على لينة , لينة مش واخدة على الاكل بتاعنا , دول اكلهم كله مسلوق ووجبات سريعة , كدة هتتخنيها واني مش عايزها تتخن ههههههه

بس يا ولا , سيبني نأكلوا البت الحامل الغلبانة دي , اني وعدت امها اني هنشيلوها في عنيا , ايه رأيك في الملوخية يا لينة

ههههه حلوة اوي ولونها جميل كمان

هههههههههههههههههههههههههههههههههه حلوة لونها جميل دي , نجيبولك لون تاني يا حبيبتي ؟

هههه انت تضحك عليا امير !

هاتي يا ضحى يا بنتي المخلل اللي قدامك ده , منورانا يا لينة يا بنتي هههه

هههه شكرا بابا

اتفضل يا بابا المخلل اهو , بس ما تكترش منه عشان المخللات دي غلط

اهو الواحد بياخد حاجة بسيطة على نِفسه يا ضحى يا بنتي , مافيهاش حاجة يعني

خد يا حامد ورك البطة من ايدي ههههههه

ههههههه والله كويس انك لسة فاكرة اسمي ههههههههه

ههههههههه لا وفاكرة اسم امك كمان يا حامد , الله يرحمها خالتي زينب

الله يرحمها ويرحم الجميع , يا سلام على اللمة الحلوة يا ولاد , فكرتوني برمضان هههههه

ههههه ربنا يكتر الايام الحلوة يا حامد , خد يا امير دكر البط بتاعك اهو

ماليش دعوة , فصصيهولي , اني مش هناكلوه كدة هههههههه

هههههههه ايوة ياخويا اتدلع اتدلع , وماله يا امير , نفصصهولك يا عريس هههههههه

هههههه تسلم ايدك يا ام العريسسسسسسسس

**************

هههههههههه يااااااااااااه وحشتني القعدة في البلاكونة والسهر معاكو والله

والله يا ابني اني وامك وضحى كل ما ندخلوا نسهروا في البلكونة نقولوا فينك يا امير القعدة ناقصاك

هههههه ربنا يخليك يا حاج , ايه رأيك في القعدة الظريفة دي يا لينة ؟

حلوة حلووووووووووة هههههه عندي احاسيس جميلة مش عارفة اعبر عنها , اول مرة احس اني عضوة في اسرة وفيها كم الحنان ده , اب , ام , اخت , حقيقي اجمل حاجة في دنيا

هههه والله احنا فرحانين بيكِ اوي يا لينة يا مرات اخويا والسهرة كمان ليها طعم مختلف واجمل بكتير وانتِ معانا انتِ وامير

ههههه انتِ رقيقة كتير ضحى

ههههه اشربي العصير يا لينة يا مرات ابني يا عسل انتِ

هههه انا اشرب ماما , عصير جميل وكل حاجة هنا جميل

شايفة يا سميرة مرات ابنك زي النسمة ازاي ؟ ههههه

ههههه ربنا عالم بيا يا حامد وجابلي مرات ابن نحبوها , بعد اذنكو عايزة امير في كلمتين على انفراد , حصلني على اوضتي يا امير

مممممممم استر يارب هههههههه

****************************

هههههههههه ماما

اهلا يا روح ماما , اهلا يا عريس , ادخل واقفل الباااااااااااااااب

لييييييييييه !!!!!!! اني كدة ابتديت نخاف هههههههههه ايه ده انتِ بتشمري كمامك ومضيقالي عنيكِ ليه ؟؟؟؟؟؟؟؟ ههههههههه ناوية تتضربيني ولا ايييييييييه لالالالالالالا اني هنجرررررري هههههههه

تعالالي هناااااااااااااااااااا هتجري تروح مني فيييييييييييين , داني متغاظة منك غيظظظظظظظظظ اني تعمل فيا كدة وتتجوز من ورايا يا ولااااااااااااااااا

ههههههههههه لالالالالالالا اني هنطلعوا فوق السريررررررررررر

انزل يا ولا من فوق السرير وتعالالي هناااااااااااااااا

يا امي طب خلاص سامحيني هههههههه انتِ مش لقيتي لينة كويسة وبنت حلال ؟

ايوة , لكن دي حاجة ودي حااااااااااجة , اني قولت لازم نأدبك يعني لازم نأدبكككككككككك هات دراااااااااااااااعك والله لنعضوك عضة تتفتكرني بيها طول العمررررررررر

ااااااااااااااااااااااااااااااااااااااااااه دراااااااااااااااااااااااعي هههههههه دراعي يا امي بجد حرااااااااااااااااااااااااااااام اااااااااااااااااااه

اني كدة استريحت , دلوقتي نقدر نقولك مبروك يا حبيبي على جوازك والف مبروك على اللي جاي في السكة ان شاء الله هههههههههههههه

اااااااه كدة برضو يا امي ! هونت عليكِ تعضيني العضة دي ؟؟؟؟؟؟؟؟؟ تووووووووووء والله دراعي بيوجعني

هههههه سلامتك , اني ما بنسيبوش تاااااااااااري , احكيلي يا ولا ازاي اتجوزت بالسرعة دي وكمان ما قولتليشششششش

هههه هنحكولك يا جميل , صلي ع النبي عشان الحكايات ما بتحلاش الا بذكر الحبيب

عليه الصلاة والسلام يا ابني , هااااااا احكي بقى

*****

شوفتي بقى يا ستي حكاية لينة وليه اتجوزتها بسرعة ؟

يا حبيبتي يا بنتي ! والله البنية صعبت عليا اوي , الدنيا مليانة هموم , بس الحمدلله ان ربنا عوضها بيك يا حبيبي , انت فيك حنية الدنيا يا امير والله , بس برضو زعلانة منك وواخدة على خاطري , فيها ايه يعني لو اتصلت وقولتلي يا امي اني هنتجوز بنت كويسة وبنت حلال ؟

معلش يا امي اعذريني , والله العظيم زي ما حكيتلك كدة , انا ماكانش عندي وقت قبل العقد عشان ابلغك

اهئ اهئ اهئ كان نفسي يا امير نكونوا معاك في اللحظة دي يا ابني اهئ اهئ اني طول عمري بنحلموا باليوم ده اهئ اهئ اليوم اللي هنشوفوك عريس لابس بدلتك ووشك مبتسم زي القمر ودراعك في دراع عروستك اهئ اهئ طول عمري نقولوا ان الفرحة مش هتساعني يوم ما نشوفوا أمير وهو بيتزف على عروسته اهئ اهئ صعبان عليا نتحرموا من اليوم ده اهئ اهئئئئئئئئ

ممممممم وبعدين بقى يا امي , انتِ كدة حسستيني بالذنب وربنا توووووء , اني كدة مش هنسامح نفسي

لالالالالا اوعى تكشر وتزعل كدة يا أمير , حصل خير يا حبيبي , اني خلاص نسيت اللي حصل , بس لو عايزني نصفى خالص , يبقى مراتك تولد هنا عشان اني ابقى اول واحدة نشيلوا ابنك بين ايديا

مممممممم والله يا امي صعبببببببب , متهيألي مامتها مش هترضى

نعمممممممممممم ! طب والله يا امير ليكون بزعل , والله لتكون دي القاطعة المانعة اللي بيني وبيييييييينك

لالالالالالا هههههههه اني ما نقدروش على زعلك يا ست الكل , خلاص , اني هناخدوها بعد الاجازة دي ونسافروا على لندن عشان عندها دراسة وهنجيبوهالك قبل الولادة بشهر يا ستي , مبسوطة كدة ؟ هههههه

ههههه ايوة طبعا مبسوطة , ربنا يبسطك ويفرح قلبك يا امير , وان كان على امها تبقى تيجي هي كمان معاها عشان تبقى جنب بنتها وهي بتولد

ان شاء الله يا امي

وطبعا يا امير بعد ما لينة تخلص دراستها هتستقروا هنا في اسكندرية , مش كدة ؟

ايوة طبعا يا امي , اني هنسيبوها هناك بس عشان خاطر الدراسة , لكن طبعا مش هتعيش هناك على طول

مممممممم طب وامها ؟ مش هترجع بلدها بقى ؟

والله يا امي مش عارف هي مخططة حياتها ازاي , جايز لما لينة ترجع مصر هي كمان ترجع

مسيرها ترجع يا حبيبي , برضو الواحد مهما يلف ما لوش الا بلده وأهله وناسه

طبعا يا امي . يلا بقى نروح نكمل سهرة معاهم في البلكونة هههههه

يلا يا حبيبي هههههههه

بس لسة انتقامي ما خلصش

هتعملي ايه تاااااااني

هههههههههه هتشوف يا حبيبي

*****

يلا يا ضحى قومي اتوضي وصلي ركعتين ونامي , واني هنصحوكي قبل الفجر زي كل يوم

حاضر يا ماما , تصبحوا على خير كلكو , تصبحي على خير يا لينة ههههه

ههههه وانتِ من اهله ضحى

وانتِ من اهله يا بنتي

ممممممممم بنقولولك ايه يا حامد

نعم يا سميرة

خد ابنك ينام في حضنك عشان اني هناخدوا لينة حبيبتي تنام في حضني في اوضة امير

هااااااااااااااا , اميييييييييي ! ايه اللي بتقوليه ددددددددده !

جرا ايه يا سميررررررررررررة ! خلي الواد ياخد مراته ويدخلوا ينامو في اوضتهم

لالالالالالالالا , لينة هتنام جنبي , مش كدة يا لينة ؟ ههههه ولا مش عايزة تنامي جنب ماما سميرة حبيبتك ؟

هههه انا انام جنبك ماما

ليييييييينة ! كدة يا لينة ؟

طب اعمل ايه امير ؟

مممممممم ولا حاجة , ماشي يا امي , متشكر

هههههه لا شكر على واجب يا حبيبي , يلا يا لينة هاتي ايدك يلا قومي

ههههههههههههه تعالى يا امير ندخلوا نناموا , امك عملتها فيك معلش

مممممممم ماشي يا حاج , خليها على راحتها واذا كان كدة يريحها خلاص

اتغطى يا امير , الجو بيسقع بالليل , اني عارف انت متغاظ وهتولع من الغيظ بس برضو هتبرد في الجو ده ههههههه

مممممم اديني هنتغطى اهو
**********
**********

اني جبتلك كوباية لبن يا لينة عشان تشربيها قبل ما تنامي يا حبيبتي ههههه

ههه اشكرك ماما

ههههههههه يلا نامي يا لينة عشان نغطوكِ يا حبيبتي

هههه انتِ كتير حنونة ماما

الله يكرمك يا حبيبتي , يلا يا حبيبتي ايوووووووة على مهلك , اديني غطيتك اهو , تصبحي على خير بقى

ممممم وانتِ رايحة فين ماما

هههههه هنجيبولك جوزك يا ستي عشان ما تقلقيش عليه

ههههههههههه انا احبك ماما امووووووووه

هههههههه شوف يا خويا البت فرحت ازاي ! ربنا يهنيكو يارب وتفضلوا تحبوا بعض طول العمر وما تفترقوش ابدا اللهم آمين

آمييييييييييييين آمييييييييييييييييين يااااااااااااارب يارب مش تفرق بيني وبين جوزي ابدا يااااااااااااااارب آمين انا احبه احبببببببببببببببه

****************************************

تن تن تن يللي هناااااااااا

امك بتخبط هههههههه ادخلي يا سميرة

ههههههههههههه الله ! دا امير متغطي وعنيه مبحلقة في السقف وما نامش يعني !

مش جايلي نوم يا امي

ههههه يا عيني ! طب يا خويا قوم يلا روح لمراتك

بجدددددددددددددد ؟

اومال يعني اني هيهون عليا نفرقوا بينكو ! يلا يا سيدي مراتك مستنياك

هههههههههههههههههههههههه تصبحوا على خيررررررررررررررررررر

هههههه شوف الولا نط من السرير وجري على اوضته ازاي

ههههههه بيحب مراته يا سميرة , انتي ايه اللي مزعلك ؟

واني ايه اللي يزعلني لما ابني يحب مراته ! ربنا يسعد قلوبهم ويخليهم لبعض يارب , وطالما هي بتحب ابني يبقى اني كمان بنحبوها وهنشيلوها في عنية

هههههه عين العقل يا سمورة , طول عمرك عاقلة يا ست الستات وقلبك حنين

هو اني تاعبني في دنيتي اللي حنية قلبي يا حامد ههههههه

ههههههه تسلميلي ويسلم قلبك الحنين يا ام الولاد , تصبحي على خير يا سمورة

وانت من اهله يا حبيبي

******************************************

انت رايح فين امير حبيبي ؟؟؟؟؟؟؟؟

هههه حبيبتي هننزلوا نشوفوا اصحابي القدام بتوع ثانوي , كذا مرة نيجي اسكندرية وما نلحقوش نشوفوهم , وبعد صلاة العشا إن شاء الله هنيجي ناخدوكِ عشان نفرجوكِ على شقتنا

شقتنا ! هو احنا لينا شقة حبيبي ؟

ههههههههههههه اومال يعني هنعيشوا في خيمة ع البحر ؟

ههههه لالالالالالالالا جزيرة في وسط البحر

هههه حبيبتي انا وعدتك اني هناخدوكِ الجزيرة اللي في وسط البحر تاني ان شاء الله , بس خلينا دلوقتي في شقتنا اللي في وسط البر ههههههه

هههه , كنت فاكرة ان احنا نعيش هنا , مع بابا وماما وضحى على طول

هههه لا طبعا , انا احب الاسقلاااااااااال , عايزين كمان نشوفوا محلات الموبيليا عشان نفرشوا شقتنا يا لينة , ولا هنناموا ع البلاط ! هههههه

هههه ننام على البلاط , على الرمال , او حتى حت الاشجار , اهم حاجة اني اكون معاك حبيبي

ههههه يا حياتي انتِ , بنموتوا فيكِ يا لييييييييييينة , بوسة على جبينك بقى عشان نازل امووووووووووه , السلام عليكم حبيبتي

وعليكم السلام حبيبي , مممممممم حبيبي هيوحشني كتيررررررر

******************************************************

ترررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررن

افتحي يا ضحى الباب عشان اعتماد مشغولة , دي اكيد خالتك كريمة وفاتن

حاضر يا ماماااااا

ههههههه السلام عليكم يا ضحى

اهلاااااا خالتو كريمة حبيبتي امووووووووه وعليكم السلام ورحمة الله وحشتيييييييييني هههههه اهلاااااااااا ازيك يا تونة يا حبيبتي هههههههه امووووووووووووه وحشتيني والله يا بنت خالتي ههههههه

ههههه وانتي اكتر والله يا ضحى يا بنت خالتي

اومال فين سميرة ؟

اني هنا اهو , تعالي يا كريمة , تعالي يا فاتن اتفضلوا , ايه النور ده ههههه

هههههه نورك يا ام العريس امووووووووه امووووووووووه الف مبروك يا حبيبتي وصول امير وعروسته بالسلامة

هههه الله يبارك فيكِ ويسلمك يارب يا كريمة , ازيك يا فاتن هههههه والله وليكِ وحشة يا حبيبتي امووووووه امووووووووه

ههههه وانتِ كمان والله يا خالتو , مبروك لامير ههههه

الله يبارك فيكِ يا حبيبتي , يارب عقبالك يارب , تهل علينا السنة الجديدة كدة وانتي معاكِ عريسك اللي يستاهلك اللهم آمين

هههههه بس بقى يا خالتو بتكسف

هههههههه يختي وش كسوف اوي , دي البت على طول تقولي ادعيلي بقى يا ماما , عايزة اتجوز يا ماما هههههههه

كدة يا ماما تكسفيني قدام خالتو سميرة ! هههه طب مخاصماكِ ههههههه

هههههه وماله يا كريمة لما تقولك ادعيلي , ادعيلها يختي بالزوج الصالح اللي يكرمها وما يهينها ابدا

والله بندعولها يا سميرة , واني يعني عايزة ايه غير اني نشوفوها متهنية هي واختها , اومال فين العروسة عايزة نشوفوها , اني جاية عشانها وعشان امير هههههههه

هههههه روحي بلغي مرات اخوكِ ان خالتك كريمة وفاتن عايزين يشوفوها يا ضحى

هههه حاضر يا ماما

اومال امير مش هنا ولا ايه ؟

أمير نَزَل يشوف اصحابه , بس قالي انه هيزورك ويتغدا عندك كمان هو والعروسة هههههههه

يختي يا الف اهلا ,يا مليون سهلا , ينوروا والله ههههه هو اني عندي اغلى من امير !

ههههه تعيشي يا كريمة , ماهو ابنك برضو , اهي لينة جت اهيه ههههه تعالي يا لييييييينة

السلام عليكم ههههه ازيك طنط

ههههه وعليكم السلام يا اهلا يا اهلا بالعروسة الحلوة , ماشاء الله عليكِ هههههههه اموووورة انا بقى خالة جوزك , ابقى اخت حماتك لزم هههههههه

هههه اهلا طنط , يعني ايه لزم دي ؟

ههههههههه يا كريمة بالراحة ع البنية , دي يختي ما تعرفش لغوتنا , قصدها يا لينة انها اختي يعني بحق وحقيقي ههههههه , سيبك من لزم دي هههههه

ههههه أهااااا , فرصة سعيدة طنط

هههه انا اسعد يا حبيبتي , دي فاتن بنتي وتبقى بنت خالة امير هههه

هههه ازيك يا عروسة , خالتي قالتلي ان اسمك لينة

هههه ايوة انا لينة , انتِ اسمك فاتن ؟

ايوة فاتن ههههه حلو ولا نغيروه ؟ هههههه

ههههه حلوة كتير فاتن , وانتِ كمان حلوة كتير , مممممم غريبة اوي طنط كريمة انتِ شبه ضحى كتيررررررررر , رغم انتي مش مامتها , وفاتن مش شبهك خااااااااالص رغم انك مامتها ههههههههههههههههههه

ههههههههههههههههههههههههه ما هو ده الإعجاز يا حبيبتي , اني هنقولولك , اصل ضحى طالعالي وطالعة لامها , حماتك برضو حلوة اوي , بس بعيد عنك التخن ضيع كتير من معالمها ههههههه والله لو شوفتيها وهي رفيعة كانت احلى مني ومن البت ضحى هههههههه ربنا يسامحك يا تخن هههههه لكن رحاب وفاتن بناتي طالعين شبه ابوهم وعماتهم , حلوين برضو زي القمر بس احنا شعرنا اصفر وهما شعرهم اسود ومنيل ههههههههههههه

بس ماما سميرة شكلها حلو كتير , شبه امير ههههههه

ههههههه الله يجبر بخاطرك يا مرات ابني

هههههه حلوة يختي وزي القمر , هتطلع وحشة لمين ! ههههههههه اني بس بنقول انها قبل التخن كانت احلى من كدة بكتير والله , الله يكون في عونك يا حاج حامد ههههههههههههه

ههههههههه جاتك ايه يا كريمة , مالك رايقة اوي كدة النهاردة وعمالة تهزري ؟

فرحانة والله بمرات امير هههههه منورة اسكندرية بحالها

اه والله منورة يا مرات ابن خالتي , لازم تجيبي امير وتيجي تزورينا , احنا اسكندرانية وعشريين ونحبوا الناس ههههههه

هههه انا كمان مامي من اسكندرية

والله ! دي طَلَلعت اسكندرانية زينا يا ماما هههههههه

هههههه يا مرحب يا حبيبتي يا مرحب

ماتدي الهدية للينة يا ماماااااا

ما اني بنطلعوها يا بت من الشنطة اهو , صبرك علية

اني بقى جبتلك خاتم بفص فيروز ويارب يعجبك , اتفضلي يا حبيبتي ههههه

وااااااااااااااو ههههه جميل , رقيق , ده ليا انا طنط ؟

هههه ايوة يا حبيبتي , هدية جوازك انتِ وامير

شكرا طنط هههه

طب اوعي اما البسهولك كدة ونشوفوا جماله في صباعك , الله ! حلو اوووووووي هياكل من صباعك الحلو ده حتة ههههههه

هههه انتِ كتير مرحة طنط كريمة , زي ماما سميرة

ربنا يخليكِ يا حبيبتي هههه , انتِ مش هتجيبولي حاجة نشربوها ولا ناخد بنتي ونمشي ولا ايه ؟ هههه والبت ضحى راحت فين , سلمت علينا واختفت ليه ؟

ههههههه انا جيت اهو يا خالتو , كنت برتب دولاب لينة عشان ما نتعبوهاش

هههه شكرا ضحى

العفو يا حبيبتي , هو اني عملت ايه يعني !

روحي يا ضحى هاتي حاجة لخالتك تشربها بدل ما تفضحنا ههههههههه

هههه حاضر يا ماما

انتِ ما جبتيش رحاب معاكِ ليه يا كريمة ؟

هو اني همشي اجرجر في البنتين ! ههههه قولت اخد واحدة معايا والتانية تقعد تطبخ وتشوف شغل البيت

هو انتِ مش في شغالة طنط كريمة ؟

ههههههه لا انا مش في شغالة يا عسل , بنعموا كل حاجة بنفسي

اهاااااا , بس شغالة تريحك كتير

والله يا لينة اني اول ما اتجوزت جوزي جابلي شغالة , لكن عقدتني من كل الشغالات اللي في الدنيا

ليه طنط ؟

طلعت حرامية وايدها طويلة يا لينة , كانت الاول تسرق بواكي الشاي والسكر , تاخد قالب زبدة وهي ماشية , واني كنت بنلاحظ , ونقولوا مش مشكلة , غلبانة وصاحبة عيال , رغم اني والله ما كنت حارماها من حاجة , والحلو كله بديهولها , لكن نقولوا ايه بقى في طمع الناس , قعدت عندي شهرين واخرة المتمة سرقت اسورتي اللي حاطاها في درج التسريحة في اوضة نومي , قولت لالالالالا كدة ما ينفعش بقى , المرة دي سرقت اسورة , المرة الجاية تقتلني وتاخد باقي الصيغة هههه جوزي راح بهدلها وجاب الاسورة وقالها ما تجيش عندنا تاني , ومن ساعتها واني نخاف من الشغالين موووووووت

اهاااااا , كدة فهمت هههه

لا بس مش كل الشغالين يا خالتو , عندك دادة اعتماد اهيه , بصراحة امينة وكويسة اوي وبتصلي كمان ماشاء الله

اني عارفة يا ضحى والله , وفي ناس كويسين كتير , لكن اني يا بنتي جاتلي عقدة وما نحبوش ندخلوا الشغالين البيت , بس بصراحة فعلا اعتماد امينة وسميرة بتشكر فيها , فكرتني بأم الخير اللي كانت بتشتغل عندنا زمان , فاكرة خالتي ام الخير يا سميرة ؟

ههه ايوة , الله يرحمها , كانت ست طيبة وعمرها ما عينها اترفعت ولا اتمدت لحاجة في ايدينا , كانت امي تتحايل عليها والله عشان تاخد اكل لولادها وهي ماشية , كانت تاخده بالعاااااااافية وبعد الحاح من امي , كان عندها عزة نفس والله , وكنا نحبوها اوي

ايوة يا سميرة , كانت بشوشة وكانت طيبة , اني ما ننساش بكاها عليا لما جوازتي الاولانية ما تمتش والعريس سابني بعد ما استعديت واشتريت فستان الفرح وابويا عزم الناس

مممممم ايه ده يا خالتو ! هو انتي كنتِ هتتجوزي حد تاني قبل عمو صفوت ؟ اول مرة اعرف

عارفة كانت هتتجوز مين يا ضحى ؟

مين يا ماما ؟ حد من قرايبنا

لا , عادل سليم صاحب ابوكِ

والله !!!!!!!! ههه طب الحمد لله ان الجوازة باظت

هههههههه شوف البت !

والله يا ماما انا مش قصدي اهانة لعمو عادل , ده مهما كان صاحب بابا , لكن بصراحة مش متدين ومش بيطبق الدين في تعاملاته وتصرفاته

عندك حق والله يا ضحى , كل واحد بياخد نصيبه , وخالتك كان نصيبها مع عمك صفوت الراجل الطيب اللي عاملها بما يرضي الله

ايوة والله يا سميرة يا اختي , اني بنحمد ربنا في كل لحظة انه عوضني بصفوت , سبحان الله , ربنا يعلم واحنا ما نعلمش , هو سبحانه اللي عارف مصلحة البني ادم والخير فين , عشان الواحد ما يزعلش ويتقهر لما ربنا يبعد عنه شخص بعينه , جايز يكون بعده في كل الخير والسعادة , وقربه فيه الهلاك

ونعم بالله يا كريمة , انتِ نمتي يا لينة ؟ هههههه

هههه لا ماما , انا اسمع كلام جميل , مستمتعة بكلام عن حكمة ربنا سبحانه وتعالى في معالجة امور البشر وإبعاد الشر عنهم

ربنا يا بنتي ينجينا من كل سوء ويكفينا شر خلقه آمين يارب

******************************************************************

مش الولا أمير ابني جه امبارح يا ولا يا خالد ؟ هههههههه

والله ! ههههههه الف حمدالله على سلامته يا حاج , وعلى كدة جاب معاه العروسة ؟

ايوة طبعا جابها , اني هنتصلوا بيه يجي يتعشى هنا هو وعروسته وبالمرة اعرفك عليه

ههههه يبقى ليا الشرف يا حاج

الله يحفظك يا ابني , طب روح انت المشوار اللي قولتلك عليه وما تتأخرش , قول للحاج عبد الرحيم باقي حساب طلبية السمك هيوصلك بعد بكرة وما تأخرش الطلبية الجديدة

حاضر يا حاج , السلام عليكم

وعليكم السلام يا ابني

************************************************************

تررررررررررررررررررررررررررررن تررررررررررررررررررررررررررررررررررررررررررررررررررررررن

السلام عليكم

ايوة يا سمورة

ههههه اهلا يا عيون سمورة , ازيك يا حامد

هههه بخير طول ما انتِ بخير يا حبيبتي , الولا امير عندك ؟

ايوة , لسة راجع من شوية , بس دخل ياخد دوش وهينزل تاني هو ومراته عشان يوريها الشقة وياخدها يفسحها , اهو خرج من الحمام اهو , تعالى يا امير كلم , ابوك عايزك

الحاج ههههههه هاتي يا امي , السلام عليكم يا حاج

وعليكم السلام يا حبيبي , اني في فرع جليم , بعد ما تفرج مراتك على الشقة هاتها وتعالوا اتعشوا هنا , اني مستنيكو

هههههه ماشي يا حاج , عزومة مقبولة

اني قولت انها عزومة يا ولا !

ههههههه اومال يعني هتدفعني حق العشوة يا حاج ؟

ههههه ايوة , هناخدوا منك الطاق تلاتة كمان هههههه

هههه واني عنيا ليك يا حاج

تسلم عنيك يا حبيبي , مستنيكو , اول ما تيجي تدخلي المكتب , السلام عليكم

وعليكم السلام يا حاج

***************************************************************

ادينا وصلنا لفرع جليم , استني حبيبتي ما تنزليش

ليه أمير ؟

هننزلوا اني الأول نفتحولك الباب يا قمر

كتير جنتل مان امير

لا يا شيخة ! هههههههه ان شاء الله دايما راضية يا لينة هانم ههههههه

ههههههه انا احب الشاي الاخضر هههههههههههههههههههه

ههههههههه واني نحبوا الكافيه يا بتاعة الكافيه انتِ

يعني هو انتِ بتخليني اشرب كافيه خالص يا وحش انت !

بنخافوا عليكِ يا لينة

مممممم خايف عليا انا ولا على ابنك ؟ قول صرااااااااااحة

مممممم بلاش المكر اللي شايفه في عنيكِ ده يا لييييينة ههههه هو اني خايف على ابني طبعا , بس نخافوا على امه اكتر وربنا

احبك حبيبي

واني نموتوا فيكِ يا عقلي انتِ , يلا انزلي بقى عشان ندخلوا للحاج , هيعشينا سمك وجمبري النهاردة

إن شاء الله حبيبي

اهلا اهلا يا ولاد , شرفتوا المحل

ههههه الله يخليك يا حاج

منورة يا لينة يا بنتي

ههه شكرا بابا

يا لينة , لما حد يقولك منورة قوليله بوجودك ههههه او النور نورك

هههه اوكيه , النور نورك بابا ههههههههه

هههههههههههههههه ايوة كدة , اتعلمي المجاملات الاجتماعية على الطريقة المصرية , البركة في جوزك يعلمك بقى

ههه وكمان بتعلم من ماما سميرة , بتقول الولا امير ههههه وحشتني يا ولا يا امير هههههه

يعني يوم ما تتعلمي من امي حاجة ما تتعلميش غير كلمة يا ولا ! ههههههه

هههههههههههههههههه ما تخليهاش تقعد مع امك كتير

ههههههههههههه امي دي الخير والبركة بتاعتنا والله

اه والله يا ابني صدقت

……….

تن تن تن يا حااااااااج

ادخل يا خالد يا ابني , ده خالد مراجع الحسابات عندنا اللي هيدخل ده

السلام عليكم ورحمة الله وبركاته , هههه حمدالله ع السلامة يا كابتن امير

ههههه وعليكم السلام ورحمة الله وبركاته , الله يسلمك يا استاذ خالد , مش خالد برضو ؟ ههههه

هههه ايوة اني خالد , والله اني كان نفسي نتعرف عليك من زمان يا كابتن امير , بس انت بقى كل مرة بتبقى مستعجل وما بتقعدش في اسكندرية كتير

والله غصب عني , ظروف شغلي يا استاذ خالد , بس اهي جت الفرصة اللي نقابلوك ونتعرفوا عليك هههه فرصة سعيدة اوي يا استاذ خالد

اني اسعد يا كابتن امير والله

على فكرة خالد في كلية الهندسة يا امير , سنة رابعة السنة دي وفاضله سنه ان شاء الله

ماشاء الله , ربنا يوفقك يا باشمهندس , شيء رائع جدا ان الواحد يشتغل جنب الدراسة

لا وكمان مش مقصر في دراسته وكل سنة بيجيب امتياز

ماشاء الله , ربنا يوفقك يا باشمهندس خالد , انا سعيد جدا اني اتعرف عليك , حقيقي انت نموذج مشرف

ههههه الله يكرمك يا كابتن , طب اني هنستأذن بقى عشان يادوب امشي

هتقابل احمد يا خالد ؟

ايوة , ان شاء الله , اني بنروح نذاكروا معاه في البيت , بس كل واحد في اوضة ههههه

ههههه ربنا يوفقكو يا ابني , ابقى بلغه ان امير وصل عشان كان عايز يشوفه

من عنيا يا حاج , السلام عليكم

وعليكم السلام

…………………………………….

احمد مين دي يا حاج اللي عايز يشوفني

احمد ابن عمك عادل سليم

يااااااااااااااااه ههههههه احمد , هو عامل ايه ؟

الحمدلله يا ابني , اهو اخر سنة في كلية التجارة السنة دي , قالي لما يجي امير لازم تقولي عشان نقوموا معاه بالواجب , فرح اوي لما عرف انك اتجوزت , فرق على العتالين تلات صناديق ازوزة وكان فرحان والله زي ما يكون اخوه اللي اتجوز

والله ! ههههه , والله فعلا هو انسان طيب , رغم اني شوفته في حياتي مرتين تلاتة بس , لكن الحقيقة بحبه في الله

, طيب وايه رأيك في خالد

باين عليه شاب طيب اوي ومكافح كمان , مممم واضح من مظهره انه من اسرة متواضعة

هو فعلا كدة يا ابني , وماشاء الله عليه , الفرض بفرضه , يسمع الادان يسيب كل اللي في ايده ويجري ع الجامع

ماشاء الله , والله فعلا اني اول ما شوفته حسيت اني مرتاحله اوي , هو بيشتغل هنا من امتى يا حاج ؟

اني هنحكولك حكايته , ولا انت ومراتك جوعتوا وعايزين تاكلوا ؟

ههه لا بابا , انا عايزة اسمه حكاية

هههههههه اصل لينة تحب الحكايات , بس دي حكاية واقعية يا لينة

ايوة , انا احب اسمع مممممم ولا هو سر واطلع برا بابا ؟

لالالالالا , ولا سر حاجة يا بنتي , دي حكاية مشرفة لشاب مكافح اتربى في ظروف صعبة
**********
**********

ياااااااااه ! تعرف ان امه صعبت عليا اوي يا حاج ! حقيقي ست عظيمة وتعبت عشان تربي ولادها من الحلال , رغم العمل البسيط اللي كتير من الناس بيستقلوا بصاحبه

ايه رأيك لو خالد اتقدم عشان يتجوز ضحى اختك يا امير ؟

يتقدم لضحى ! هو كلمك في حاجة زي كدة ولا انت بتفترض يا حاج ؟

لالالالالا هو يا سيدي عنده رغبة وما قدرش يقول , لكن انا وعدته اني هجوزه البنت لما يخلص دراسته

ورأي ضحى ايه يا حاج ؟

ههههه انت عارف اختك بتتكسف من خيالها ومش هتقول رأيها بصراحة , لكن هي عرفت وسكتت

هههههه يبقى السكوت علامة الرضا يا حاج

ههه يعني انت موافق؟

وما نوافقوش ليه ! الفقر لا عيب ولا حرام , اهم حاجة البني ادم ومعدنه الطيب وتدينه والتزامه

على خيرة الله يا ابني

هههههههه انتوا حلوين كتيررررر , مش يهمكو فلوس مش يهمكو مستوى اجتماعي , انتو تحكموا على ناس من خلال قلوبهم وتدينهم , انا احبك بابا

هههه الله يكرمك يا بنتي , يلا يا امير خد مراتك بدل ما انت بتبصلها ومبتسم كدة وروحوا عشان تتعشوا

يلا يا ليننننننننننة يلا عشان ننقض على السمك والجمبري والاستاكوزا في المحل كله ونخلص عليهممممممممممممممم

هههههه يلا اميرررررررررررررر

*
*
*
*
*
*

بقى امير جه هو وعروسته يا خالد ههههه

ايوة يا احمد

ايه رأيك يا امير بقى ؟

طيب طيب وذوق جداااااااااا , بيحترم الناس اوي , اول ما دخلت ورغم انه عارف اني بشتغل عندهم في فرع من سلسلة فروعهم , لكن قام وقف وابتسم وسلم عليا بحرارة , ما عندوش كبر

مش اني قولتلك ؟ هههه , امير نفس اخلاقيات عم حامد , هنيالك يا عم بالنسب الحلو ده

مممممم والله يا احمد كل ما الايام تعدي كل ما خوفي بيزيد

ايّوووووووووووووووه , ايّووووووووه عليك يا جدددددددددع , انتي يا ابني غاوي شدة اعصاب وتوتر من غير دااااااااااعي , اذا كانت البنت موافقة واهلها موافقين , يبقى تخاف ليه بسسسسسسسس !

مممممم مش عارف , يمكن من كتر حبي لضحى خايف عليها لتضيع من ايدي

خليها على الله يا خالد , وكل واحد بياخد نصيبه , لو ضحى من نصيبك مش هتروح لواحد تاني , ادعي ربنا ان يجمع بينكو عن قريب

اني بندعي والله , بندعي ليل ونهار , بندعي كل صلاة ربنا يجعلها من نصيبي

اللهم آمين , طب يلا روح اوضتك عشان تذاكر واني هنقوموا نعملوا كوبايتين شيّ

حلوة روح اوضتك دي ههههههه محسسني انها اوضتي بصحيح

هههههههه تحب نتنازلولك عن الشقة بحالها بيع وشرا ؟

هههههههههههههه لا يا عم متشكرين , هنذاكروا فيها ونسيبوهالك عشان تتجوز فيها

ممممممم عروستي عاملة ايه ؟

ههههههه لما امها توافق ابقى قول عليها عروستك زي ما انت عايز

ان شاء الله هتوافق ههههه هنروحوا نعملوا الشيّ

*
*
*
*
*
*

رايحة على فين يا دراهم ؟

هروح عند طنط ام عصام يا ماما , اقعد معاها شوية واقولها حمدالله على سلامة سيادة المقدم

طيب استني بكرة وانا اروح معاكِ , اصل دلوقتي يادوب انزل وسط البلد عشان اجيب قماش الستاير الجديدة

لا يا ماما , انا هروح دلوقتي بعد اذنك , وبكرة ابقي روحي حضرتك

خلاص يا ستي , على راحتك , بس ما تتأخريش عشان تفتحي لاختك , اصلها نسيت مفاتيحها هنا

ممممم هي راحت فين ؟

عندها درس انجليزي

الدرس بتاع الانجليزي بيخلص الساعة ستة ودلوقتي الساعة سبعة ونص يا ماما

يوووووووووووووو , يا بنتي شيلي اختك من دماااااااااااغك , بقولك عندها درسسسسس , افرضي يعني خرجت من الدرس قعدت مع صاحباتها شوية , فيها ايه دي ! اذنبت ولا اجرمت !!!!!!!!

اسفة يا ماما , عن اذنك

اتفضلي يختي , اووووووووووف , اعوذ بالله , بنت فظييييييعة

*
*
*
*

تررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

ميييييييييييين

انا دراهم يا طنط ام عصام

دراهم !!!!!! غريبة , اما اروح افتح اشوف في ايه

السلام عليكم يا طنط ام عصام ههههه

هههه وعليكم السلام ورحمة الله وبركاته حبيبتي , يا اهلا يا اهلا بدراهم , ازيك يا حبيبتي

كويسة يا طنط , يا ترى ممكن اقعد مع حضرتك شوية , ولا حضرتك مش فاضية

هههه اهلا يا حبيبتي , اتفضلي يا دراهم , اهلا بيكِ يا بنتي , انا فاضية يا حبيبتي , اتفضلي في الصالون

شكرا يا طنط , هو عمو هاني عامل ايه دلوقتي

الحمدلله بخير يا حبيبتي

والله يا طنط كان نفسي اجي المستشفى , بس ماما ماكانتش فاضية توديني , هي هتيجي لحضرتك بكرة

اهلا بيها يا حبيبتي , ومتشكرة والله على السؤال والزيارة اللطيفة دي , نورتيني يا دراهم , تشربي ايه يا حبيبتي

ولا حاجة يا طنط , انا محتاجة اتكلم معاكِ

يعني هو الكلام ممنوع واحنا بنشرب اتنين عصير مثلا ! ههههههه

ههههه لا يا طنط , مش ممنوع طبعا

ههه طيب يا حبيبتي عن اذنك اجيب العصير

اتفضلي يا طنط

*
*
*

اتفضلي العصير يا دراهم

متشكرة يا طنط

اخبار ماما واختك ايه ؟

كويسين الحمدلله

وبابا بيتصل بيكو ؟

الحمدلله بيتصل كل اسبوع مرة يطمن علينا

ربنا يرجعه بالسلامة يا حبيبتي , نسيت اباركلك على الحجاب هههه ماشاء الله منور وشك

هههه الله يبارك فيكِ يا طنط

بس انا زعلانة عشان دنانير لبست الحجاب كام يوم وقلعته , وفي مرة قابلتها على باب العمارة وعاتبتها بلطف على خلع الحجاب , بس لقيتها اتضايقت ونفخت وقالتلي قلعته عشان مش مقتنعة بيه , وقالت عن اذنك يا طنط وسابتني ومشيت

ما تزعليش يا طنط , اختي مش بتقبل النصيحة حتى لو كانت بلطف , انا جربت معاها كتير

ربنا يهديها يا بنتي , ها يا حبيبة قلبي , كنتِ عايزة تتكلمي معايا في ايه

مممممم والله يا طنط انا لبست الحجاب بمحض ارادتي , ومن وقتها وانا سعيدة بيه اوي , لكن للأسف حاسة اني تايهة لوحدي , حتى صاحباتي مش كلهم محجبات , وحتى المحجبات منهم مش بيعملوا بالحجاب ولا بيلتزموا بتعاليم الدين , يعني لابسين الحجاب وممكن يصاحبوا ولاد ويخرجوا معاهم ويعملوا كل حاجة وحشة , وانا مش عايزة اكون كدة , انا نفسي اتعلم القرآن ونفسي اتعلم كل حاجة عن ديني , بس مش عارفة اعمل ايه

جميل اوي يا حبيبتي انك تفكري بالطريقة دي , انا سعيدة بيكِ اوي يا دراهم , لو عايزة الثبات على تعاليم الدين يبقى لازم الجو المحيط بيكِ يشجعك على كدة , اولا استعيني بالله واطلبي منه الثبات , وادعي بالدعاء ده , يا مقلب القلوب ثبت قلبي على دينك , استبدلي كل صاحباتك السيئين بصحبة صالحة

ايوة يا طنط , بس الاقي الصحبة الصالحة فين ؟

في المسجد , او في دور تحفيظ القرآن , هتلاقي بنات طيبين زيك كدة , كلهم على درب الإيمان , روحي يا حبيبتي وهتلاقي اللي انتِ عايزاه من صحبة صالحة تعينك على الطاعة , وانا كمان تحت امرك في أي حاجة تحتاجيها , اوعي تترددي انك تلجأيلي في أي وقت

طبعا يا طنط , انا فعلا اول ما حسيت اني تايهة ومحتاجة نصيحة فكرت في حضرتك على طول , والحمدلله حضرتك نصحتيني وانا ان شاء الله هعمل بالنصيحة

الله يهديكِ ويثبتك على الطريق المستقيم يا بنتي اللهم آمين

*
*
*
*
*
*

المسجد اهو مممممم انا هخلع الحذاء وادخل , اول مرة ادخل اصلي في مسجد

ياااااااااااااااااه , المسجد ليه هيبة في النفس , وفي نفس الوقت الواحد بيحس براحة نفسية عجيبة لما بيدخله زي ما انا حاسة دلوقتي

المسجد شبه فاضي , في راجل داخل يصلي , من فضضضضضضضلك

تحت امرك

فين مصلى النساء ؟

في الدور اللي فوق

شكرا

*
*

اديني طلعت الدور التاني مممممممم في بنات مجتمعين مع بعض وبيقرأوا القرآن ممممممم اروح اقولهم علموني معاكو ؟ مممممم لالالالالا انا مكسوفة , انا هاخد مصحف من اللي هناك دول واقعد هنا اقرأ فيه

فاطمة

نعم يا خديجة

في بنت جديدة اول مرة اشوفها في المسجد , قاعدة لوحدها وبتقرأ في المصحف , ما تيجي نتعرف عليها ونخليها تتعلم معانا القرآن

ياريت يا خديجة , طيب انا هروحلها عشان اجيبها , عن اذنك

اتفضلي

السلام عليكم ورحمة الله وبركاته يا اختي

وعليكم السلام ورحمة الله وبركاته , اهلا

اهلا بيكِ , انا اختك فاطمة باجي المسجد اصلي وبنجتمع انا والاخوات وبعلمهم التجويد

ماشاء الله , حضرتك بتعرفي تجويد كويس

ههه بفضل الله . يا ليت تيجي تتعلمي معانا

هههه ياليت والله , انا جاية المسجد عشان كدة

اسمك ايه حبيبتي

اسمي دراهم

اسم غريب شوية , اهلا بيكِ يا دراهم

اهلا بيكِ يا فاطمة

تعالي يا حبيبتي اعرفك على اخواتك

يلا بينا

السلام عليكم يا اخوات , دي اختكم دراهم , عايزينها تستفيد معانا بالعلم الشرعي والقرآن

وعليكم السلام ورحمة الله هههه انا اختك خديجة كلية هندسة

هههه اهلا خديجة , انا لسة في اولى ثانوي

ماشاء الله , ربنا معاكِ حبيبتي , ودي اختك اميمة كلية علوم

اهلا اميمة هههه

هههه اهلا بيكِ حبيبتي , سعداء بيكِ جدا , رغم انك اصغر مننا شوية , بس دي بقى اختك رفيدة في تانية ثانوي , يعني قريبة ليكِ في السن هههه

ههه اهلا رفيدة

ههه اهلا بيكِ دراهم , يلا بقى عشان فاطمة تبدأ بالقراءة وتعلمنا الاحكام , اتفضلي يا فاطمة

*
*

ياااااااااااااااه كأني كنت في عالم تاااااااااااااااااااني , يااااااااااااااااااه , في ناس جميلة كدة في الدنيا واحنا ما نعرفهومش !!!!! غريبة اوي اننا نصاحب ناس في قربهم هلاكنا ونبعد عن ناس ربنا سخرهم عشان يكونوا سبب نجاتنا , الحمدلله اني اتعرفت على الصحبة الصالحة دي , قالولي انهم بيتجمعوا مرتين في الاسبوع , الاتنين والخميس , انا كل اتنين وخميس هروح عشان اقابلهم واتعلم منهم , ياااااااااااه انا حبيت فاطمة اوي , بتعلمنا بطريقة سلسة وجمييييييييييييييلة , ووجهها مضييييييييييييء , كلهم وجوههم مضيئئئئئئئئئئئئئة , نور الإيمان باين على وشهم , يارب ابقى زيهم يااااااااااااااااارب

*
*
*
*
*
*
*
*

ست سميررررررة

ايوة يا اعتماد

في واحد عايز سي أمير ومعاه علبة شيكولاتة كبيرة اووووووووي

مين يا اعتماد ؟

واحد اسمه احمد عادل سليم

هههه ايوة ايوة صحيح , ده قال لامير انه جاي النهاردة , دخليه الصالون وروحي هاتي جاتوه وحاجة سقعة وادي خبر لامير

حاضر يا ست سميرة

*
*

ههههه السلام عليكمممممممم ازيك يا احمد , منوررررررررر بالحضن بقى عشان ليك وحشة والله ههههههههه

ههههه اهلا يا عريس , وعليكم السلام ورحمة الله ههههه الف الف مبروك يا امير , والله كلنا فرحنا بالخبر الحلو ده

ههههه الله يبارك فيك يا ابو حميد وعقبالك ان شاء الله

الله يخليك يا امير

وانت مافيش عروسة بنت حلال كدة عشان نفرحوا فيك عن قريب ولا ايه ؟ ههههههه

هههههه كله بأوانه

والله شكلك كدة بيقول في عروسة ومخبي هههههه على العموم ماشي يا عم , ربنا ييسرلك امورك يارب

اللهم آمين يا امير , وازي خالتي سميرة عاملة ايه

الحمدلله بخير والله , هتيجي تسلم عليك , يا دادة اعتمااااااااااد , جرا ايه يا دادددددددة , فين واجب الضيافة للضيف الغالي اللي مشرفنا ده ههههه

ههههه والله من غير ما تقول , اني جاية اهو , اتفضل يا استاذ احمد

ههه جزاكِ الله خيرا

السلام عليكم ههههههه

اهي امي جت اهيه ههههه وعليكم السلام يا امي

ازيك يا احمد يا ابني ههههه نورتنا والله

هههه الله يخليكِ ازيك انتِ يا خالتي سميرة , الف مبروك لامير

الله يبارك فيك يا ابني , وعقبال ما نفرحوا بيك يا رب , كل الجاتوه واشرب الحاجة الساقعة يا احمد

ههه هاكل ان شاء الله

ممممم وامك عاملة ايه , ايّوووووووووه , داني نسيت انك مش عايش معاها

هههه ايوة صحيح مش عايش معاها لكن بنروحوا نزوروها كل اسبوعين تلاتة عشان نطمنوا عليها

والله انت ونعم الإبن البار يا احمد , والله يا ابني طول عمري نقول احمد طيب وابن حلال , ربنا يا ابني يصلحلك حالك ويكفيك شر ولاد الحرام اللهم آمين

آمين يا خالتي , ربنا يخليكِ يارب

طيب اني هنقوموا بقى ونسيبوك مع امير

هههه اني اتفقت مع ابويا وعم حامد اني هنيجي ناخد امير وعروسته عشان عازمهم على العشا برا

وليه يا ابني بس تكلف نفسك كدة ! كفاية مجيتك يا احمد

لالالالالا اني مستني امير عشان نقوموا معاه بالواجب , امير غالي عليا والله

هههه والله وانت كمان يا ابو حميد غالي عليا , وطالما عازمني اني والعروسة , خلاص مش هنكسفوك , خلينا نغرموك غرامة كبيرة عشان تحرم تعملها تاني ههههههههههههههههه

ههههههههههههههه طب تعالى انت كل يوم ومالاكش دعوة

ههههه الله يخليك يا احمد , كلك ذوق والله , عن اذنك هنستعد اني والمدام

ماشي واني هنستناكو في عربيتي

يا ابني اقعد كمل طبق الجاتوه واشرب باقي الازوزة , ما يصحش كدة

هههه معلش يا خالتي , عشان بس ما نتأخروش على ابويا وعم حامد

طيب يا ابني , عقبال يا رب ما نجامولك يوم فرحك يا احمد

الله يخليكِ يا خالتي , السلام عليكم

وعليكم السلام يا ابني , سبحان الله , ولا طيييييييييب , خسارة في سعاد والله

*
*
*
*

اقعد انت والعروسة على طرابيزة لوحدكو , واني وابويا وعمي حامد هنقعدوا لوحدنا

ههه ماشي يا سيدي , نحبوا الالتزام وتطبيق الشرع

ربنا يجعلنا ما نحيدش عنه اللهم آمين

*
*

اقعدي يا لينة يا حبيبتي

مممممم هما ليه مش يقعدوا معانا حبيبي ؟

حبيبتي ما ينفعش تقعدي مع رجالة اغراب , واحمد ماشاء الله عشان ملتزم دينيا فاهم كدة كويس , عشان كدة يا ستي قالنا نقعد انا وانتِ لوحدنا وهما هيقعدوا لوحدهم

مممممم بس بابا مش اغراب , ليه مش يقعد معانا ؟

هههه يا حبيبتي يعني هيسيب صاحبه ويجي يقعد معانا ! ما ينفعش طبعا , دول ناس عازمينا ولازم ابويا يقعد معاهم

اهااااااا , كدة فهمت ممممممممم هما ليه مش جابوا اكل ؟

ههههههههه جعانة يا حبيبتي ؟

هههه اهااااااا والبيبي كمان جعان كتيرررررررر

لالالالالالا الا البيبي ههههههه , على العموم انا شوفت احمد بيكلم الجرسون وبيطلب الاكل , طمني البيبي هههههه

ههههه خلاص , هو سمعك

*
*
*
*

ههههههههههههههه كدة برضو يا احمد يا ابني ! يعني بدل ما تيجي عندي في مطعم من بتوعي وتنفعني بقرشين , تقوم تعزمنا في مطعم ناس اغراب برضو ؟ هههههههههههه

ههههههه شوف الراجل اللي عايز يكوش على كل حاجة ومش هاين عليه يخلي المطاعم التانية تاكل عيش ههههههههه

ههههه يا سيدي ربنا يرزقك عبيده ويوسع ع الكل , اني بس بنهزروا مع احمد

ههههه معلش يا عم حامد , اني بقى لما نتجوز هنجيبوا عروستي وناكلوا عندك في أي فرع من فروعك

عروستك ! انت خطبت يا احمد من ورا ابوك ولا ايه ! ما هي بقت شوطة هههههههههههه

ههههه لا والله لسة يا عم حامد , لكن قريب ان شاء الله

قريب ! الولا باين عليه حاطط عينه على واحدة وما قاليش ! استنى عليا يا ابن سعاد , ليك روووووووقة

الجرسونات جايين اهو ههههه

*
*

ليييييييييينة , الاكل جاي يا حبيبتي هههههههههههه

هيييييييييييييه هييييييييييييه هناااااااااااااااكل هههههههههه

ههههههههه انتي اتسعرتي من ساعة ما بقيتي تاكلي من الاكل بتاعنا هههههههههههههههههه

هههه انا حبيبت اكل مصري كتيررررررر , انا احب كل حاجة انت تحبه حبيبي هههههه

*
*

هههههه متشكرين يا احمد يا ابني على العزومة الحلوة دي

هههه دي حاجة بسيطة ما تليقش بمقامكو يا عم حامد والله

الله يعزك يا ابني

طيب يلا يا حامد عشان نوصلوك في سكتي ,واحمد هيوصل العرسان , بس هنستنوا امير برا عشان عايزه

ماشي يا عادل , يلا بينا

*
*

ههههه مبروك يا امير يا ابني ع الجواز

الله يبارك فيك يا عم عادل ههههه

طب خد بقى الالف جِنِي دول نقطتك

لالالالالا مالوش لزوم والله , كفاية العزومة بتاعة احمد اللي دفع فيها دم قلبه ههههههه

واني مالي ومال احمممممممممد ! العزومة دي هدية من احمد , الألف جني دول هدية مني انااااااا , ما تقول حاجة لابنك يا حاااااااامد

ههههه خد من عمك عادل يا امير , ما تزعلوش مننا , احنا مش قد زعله

ههههه ماشي يا عمي عادل , متشكر جدا , عقبال احمد ان شاء الله

ان شاء الله يا ابني , يلا يا حامد عشان نتوكل على الله , وانت خد عروستك وروحوا على عربية احمد , البت واقفة لوحدها على جنب وزمانها نشفت من السقعة هههههه

ههههه اني رايحلها اهو , السلام عليكم

وعليكم السلام يا ابني

*
*
*

ههههههه ادينا وصلنا عند بيت عم حامد , هنركنوا العربية على جنب

هههههه متشكرين يا احمد على العزومة الحلوة والسهرة اللطيفة دي

ده اقل واجب يا امير , انت اخويا والله

والله يا اخي اني احبك في الله

احبك الذي احببتني فيه , واني كمان بنحبوك والله يا امير , ربنا يحبك يارب

اللهم آمين , يلا يا لينة انزلي , السلام عليكم يا احمد

وعليكم السلام يا امير , خلينا نشوفك ههههه

ضروري ان شاء الله هههه , في أمان الله

*
*
*
*

ولا يا ادهم , انت خارج ؟

ايوة يا امّا , عايزة حاجة ؟

مش الولا اخو البت اللي انت عايز تخطبها ابن حامد مندور جه من السفر ويا عروسته ؟

طب واني مالي !!!!!!!!!

هههه اني قولت يمكن تحب تقوم معاه بالواجب وتجامله بمناسبة فرحه , الولا احمد اخوك عزمه برا هو وعروسته وخد ابوك وحامد مندور ودفع دم قلبه في العزومة

ايييييييييييييييييييه ! واحمد يعزمهم لييييييييييييييه ! عايز منهم ايييييييييييييييه ! يكون بيتمحلس عشان عايز يتجوز ضححححححححححححححححححى ؟ والله لو قرب من ضحى ما يكفيني مووووووووووووووووته , اني المرة دي هسيحلك دممممممممممممممممممه , خليه يبعد عن سكة ضحىىىىىىىىى

ضحى ايه يا ولا ! لالالالالالا اخوك اني مرتباله جوازة تانية خااااااااااالص , اني هنجوزوه بنت رمزي الكيلاني , اشبع انت بالست ضحى ههههههه

اومال بيعزمهم لييييييييييييه ؟ ايه المصلحة اللي هتعود عليه من العزومة دي يا امّااااااااا

يا ولا لا مصلحة ولا حاجة , احمد اخوك يحب يجامل الناس ع الفاضية والمليانة , لكن سكة ضحى مش سكته ,

ايوة كدة , خليه يبعد عن سكتي , هو او غيررررررررررررره , لان ضحى دي ليا , والكلام انتهى بعد كدة

هههه طب مش هتروح تجامل حامد مندور حماك يا ولا ؟

اني لا ليا دعوة بحامد مندور , ولا يلزمني حد من عيلته , اني ماليش عندهم الا ضحى وهناخدوهااااااااااا , لكن المحلسة والشغل الناعم ده , مش سكتي يا امّاااااااااااا , سلااااااااااااااااام

الله يسلمك يا ولا يا ادهم , اني عارفة البت دي عاملاله ايه !!!!! كإن اللي خلقها ما خلقش غيرها , عجااااااااايب

—————————————————–

ونكمل في الحلقة الحادية عشر متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة الحادية عشر (الجزء الثالث)

بقلم الكاتبة: هبة نور

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *