تجهيزات رمضان
تجهيزات رمضان
1.صلصه الطماطم
نجيب الطماطم الحمراء ونغسلها كويس ونقطعها اربع
ونحطها في حله مع شويه ملح علي النار ونهدي عليها
وهي تنزل ميتها وتستوي فيها ونسيبها لحد ما تقصر علي النار
نسيبها تبرد شويه ونضربها في الخلاط ونصفيها
ونعبيها في اكياس وعلي الفريزر
2.الثوم
بجيب كميه من التوم وبقشره وافرمه في الكبه
واحط عليه شويه ملح وشويه زيت
واحطه في برطمان وعلي الوش شويه زيت
بس انا بفضل اني احطه في اكياس عشان يبقي سهل نكسر حته من التوم
في بتاعه كده مش عارفه اسمها اشتريتها بتستخدم في تقشير التوم
والصور اللي جايه هتوضح بتستخدم ازاي
3.البسله
انا خزنتها من فتره في الموسم بتاعها
جبت البسله وقطعت عليها شويه جزر مكعبات
حطيتها في ميه بتغلي ومعاها شويه ملح لمده 3 دقايق وطلعتها
صفيتها وحطيتها في ميه متلجه
وبعدين وزعتها في اكياس
4. الباميه
بقمعها واعملها زي البسله بالظبط
5. الملوخيه
بقطف الملوخيه واغسلها واسيبها تنشف كويس جدا وبعدين اخرطها ومعاها فصين توم ودي طريقه ماما
او لو عايزه تعمليها في الكبه بس انا بحب اخرطها
وبيكون عندي شوربه بس مش سخنه بسيبها تبرد
وكل نص كيلو ملوخيه بضيف عليه حوالي مغرفه من الشوربه
واعبيها في اكياس
6. الكرنب
بسلق الكرنب في ميه مغليه فيها شويه ملح وكمون
وبعدين احطه في ميه ساقعه
واقطعه واحطه في طبق فل وعلي الفريزر
7. ورق العنب
انا بخزن ورق العنب وهو اخضر
بحط شويه ورق فوق بعضه والفهم رول واحطهم في بلاستيك فيلم واخرج منه الهواء كويس جدا واخزنه
ولما احتاجه اطلعه من الفريزر واسلقه عادي
بقطع البطاطس صوابع تكون محمله شويه
واغلي ميه فيها ملح وشويه خل
وانزل فيها البطاطس حوالي 4 او 5 دقايق واشيلها احطها في ميه متلجه عشان يوقف السوي بتاعها
وبعدين احطها في اطباق فوم ولما احتاجها اطلعها واحمرها في الزيت
بتبقي جميله و مقرمشه
9. الفول
انقي الفول وانقعه لمده 12 ساعه واغير الميه بتاعته
واحط معاه جزر مقطع وطماطم مقشره ومقطعه
وكام فص توم وقرن شطه وشويه عدس اصفر
واحطهم علي النار لما يغلوا اهدي النار
واحط معاهم معلقه صغيره بيكنج بودر
بس حاسبوا عشان بيفور
والبودر بيخليه ياخد وقت اقل في السوي
10.الطعميه
11.الجوافه
طبعا هي موجوده عندي من السنه اللي فاتت
بشتريها واغسلها كويس ويدوب اشيل الجزء الاسمر الصغير اللي في الناحيتين واسيبها زي ماهي مش بقطعها
واحط علي كل كيس معلقه كبيره سكر وعصير نص ليمونه
12 الفراوله
بغسلها كويس عشان الرمل اللي بيبقي فيها
واشيل الجزء الاخضر واعبيها في اكياس واحط في كل كيس معلقه كبيره سكر
13. المانجا
مش بحب اقطع المانجا بخزنها زي ماهي ولما احتاجها بسيبها تفك شويه واقشرها واقطعها بتكون اسهل في تقطيعها وهي مجمده نص ونص
بس لو مش عندك ديب فريزر ممكن تقطعيها مكعبات
14. الكانتلوب
بقشرهه واقطعه مكعبات واحطه في اكياس ومعاه شويه سكر
وبيبقي جميل في العصير
15.قمر الدين
اغسل المشمش كويس
اغلي ميه علي النار واحط فيه المشمش بالنوي لمده 5 دقايق
ونصفيه ونحطه في ميه ساقعه وبعدين نفصصه ونشيل منه النوي
ونضره في الخلاط ونصفيه ونرجعه تاني علي النار وعلي كل كيلو مشمش بضيف نص كوب سكر ونص معلقه ملح ليمون ودي ماده حافظه
ونسيبهم علي النار لحد ما يقصر
نعبيه في برطمانات ودي ممكن تحطيها في التلاجه لمده 3 شهور وبتفضل زي الفل ولو عايزه في الفريزر ماشي
16.كمبوت الخوخ
ذرة فانيليا
وانا ضاعفت الكمية
هتضيفى الماء وعصير الليمون
هتضيفى الخوخ المقطع وتقلبى
واما تيجى تطلعية سيبية على الرف اللى تحت داخل التلاجة يفك براحته خالص وممكن تعمليه عصير خوخ بيبقى روعة وهينفعك جدا
17.عصير البرتقال
انا خزنته من الشتا اللي فات
بعصره واحطه في اكياس وكمان البشر بتاعه بخزنه
وبينفعوا في الكيكات والبسكوت
18.البفتيك
بتبله ببصل مبشور وعصير ليمون وخل وشويه زيت زيتون
ومعلقه مسطرده ومعلقه صويا صوص
وملح وفلفل وبهار لحمه وقرفه ناعمه وزعتر وورق لوري وحبهان
واسيبه في التتبيله يوم في التلاجه وبعدين احطه في دقيق وبعدين بيض ولبن وبعدين بقسماط
واحفظه في الفريزر
19. الكبيبه
ودي صوره ليها
بتبقي حلوه في السحور وكمان للفطار تطلعيها وتقليها علي طول
22.كفته مشويهبجيب 3/4 كيلو لحمه حمراء وعليها 1/4 كيلو ليه او سمين
ببشر بصل وارش عليه شويه ملح وفلفل واسيبه شويه واعصره واحط علي اللحم تفل البصل وما ارميش الميه بتاعه البصل هاستخدمها
واضيف كمان علي اللحمه قرن شطه وفصين توم وشويه برغل منقوعين شويه ومعصورين واضيف ملح وفلفل وبهار لحمه وزعتر وقرفه وافرمهم وبعدين نبل ايدينا في ميه البصل اللي عليها معلقه صلصه
ونصبع الكفته علي ايد معلقه خشب ونرصهم في طبق فويل ونفرزها
23. انتركوت للشوي
بتبله بميه بصل وليمون وخل بلسمك وزيت زيتون وصويا
صوص وملح وفلفل وبهار وزعتر وقرفه وورق لوري وحبهان
وافرزه ويكون جاهز علي الشوي
24.لحمه بارده
بجيب العرق التريبيانكو واعمل فيه فتحات بالسكينه واغرز فيه فصوص توم
وادهنه من بره بشويه مسطرده واتبله بملح وفلفل وبهار وقرفه وزعتر واربطه كويس بدوباره
اجهز ورقه فويل وافرش عليها ورقه زبده عشان الفويل غلط لما يلمس الاكل
واحط فيها بصله مقطعه وطماطم مقطعه وفصين توم وجزره طرنشات وقرن شطه وورق لوري وحبهان وروز ماري واحط فوقهم عرق اللحمه واقفله كويس وافرزه ولما احتاج اسويه احطه في صينيه فيها ميه مغليه وادخله الفرن يستوي
اسيبه يبرد واقطعه طرنشات
وممكن الصوص اللي بينزل من سوي اللحمه بضربه مع البصل والطماطم والجزر والتوم في الخلاط واصفيه واقدمه معاه بيكون صوص طعمه روووووعه
25.السمبوسه
بجيب السمبوسه واحشيها لحمه مفرومه معصجه وعليها شويه كزبره خضراء
او بحشيها جبنه كيري او بطاطس مهروسه
وارصها في صينيه في الفريزر لحد ماتجمد وبعدين نحطها في كيس ونطلعها نقليها وهي مجمده
26.اللحمه المفرومه
بعصج اللحمه المفرومه عادي واقسمها في اكياس
للمكرونه بالبشاميل واللازانيا والكانيلوني والرقاق والمسقعه
27. الممبار
بجيب الممبار واقلبه وانقعه ساعه في ميه فيها ملح وخل وبعدين انضفه كويس جدا وارجع انقعه في ميه وملح ودقيق وبعدين اشطفه واحفظه في الفريزر
وممكن تشيليه وهو محشي ومستوي
والخلطه بتاعته عباره عن رز مغسول وبصل مقطع وندعكه بملح وفلفل وطماطم مقطعه ومعلقتين صلصه وشطه خضرا مقطعه وكزبره وشبت وملح وفلفل وكمون وبحب احط معاه شويه لحمه مفرومه نيه مش مستويه
واحشيه واسلقه في ميه مغليه فيها ملح وبصل وطماطم وورق لوري وحبهان
28.كوردون بلو
بجيب صدور الفراح وافردها واتبلها بملح وفلفل وبهار فراخ وميه بصل وعصير ليمونه
واحشيها بجبنه فلمنك ولانشون او بسطرمه او رومي مدخن
والفها رول واحطها في دقيق وبعدين بيض ولبن وبعدين بقسماط
وافرزها ولما احتاجها اطلعها واقليها في الزيت
30.شيش طاووق
بجيب وراك فراخ مخليه واقطعها واتبلها بزبادي وميه بصل وتوم مفروم ومسطرده ومعلقه هريسه الشطه وعصير ليمون وزيت زيتون
وملح وفلفل وكاري وزعتر وكزبره ناشفه وورق لوري وحبهان وجنزبيل مفروم او بودره
واشيلها في اطباق فوم في الفريزر
ولما احتاجها اطلعها تفك واحطها في اسياخ خشب مع طماطم وبصل وفلفل الوان واسويها
