مشكلات

مشكلة من شاب أعزب في العشرينات

ممكن تنزل مشكلتي

أنا محتاج رأيك و نصيحتك بصراحة.
ذكر اعزب في العشرينات

انا مشكلتي ممكن تبان غريبة… بس عمرك فكرت إنك كل الناس اللي فاكرها صحابك هما مش صحابك ؟… انا مليش أصدقاء كتير اد اتنين تلاته وبعتبرهم اخواتي خاصة إن مليش أخوات..

بس مؤخرا بدأت ألاحظ إن صحابي دول مش بيحبوني زي ما بحبهم وبدأت اشك إن كان هما فعلا صحابي ولا مصلحة… خلوني احكي موقفين
من يومين واحد صديق ليا من أيام المدرسة واكتر من 15 سنة عشرة.. بقالي كام أسبوع أكلمه فينك وبتاع يا اما ميردش… يا اما يرد ودايما يتشكى والحياة صعبه ومهببة ويحكي في مشاكل واعمل إيه والدنيا مهببة وكله زي الزفت…
وانا أقف معاه وفي ضهره…
و اتفاجئ بيه من يومين باعتلي رساله بيقولي خطوبته بكره.. (معرفني بخطوبته قبلها ب24 ساعة زي الاغراب ولا كأننا عشرة.. هل ده طبيعي ؟ وإنه يخبي ده خباثة ولا ده الطبيعي أنا مش فاهم بس الموضوع ضايقني رحت خطوبته سلمت ومشيت في ساعتها بس شايل منه جدا
و واحد تاني من أيام الكلية من محافظة تانية كل ما اكلمه يتشكى وبرضه مشاكل ونيله وإنه شغال موظف في مكان تعبان بملاليم و بالصدفة ألاقي على انستجرام انه برقم موبايله فاتح صفحة لمكتب تشطيبات وربنا يباركله شغله تمام ومتصور جمب الشغل بتاعه وحاجه محترمة وربنا فاتحها عليه…
هل طبيعي إن حد عشرة ييجي 10 سنين يتخابث كده ولا هو لا صحبي ولا حاجه وأنا اللي كنت فاهم غلط.
للأسف كل صحابي بقيت شايفهم خبثا ومش بيعاملوني بحب ومودة زي ما أنا بحبهم…
وشايفين ان على اد الخروج والقهوة والضحك بس مفيش حد خامته فعلا صديق إن لو وقعت في مطب ألاقي ناس في ضهري..

ده طبيعي ولا ايه ؟ مع معلومة كده اني بقالي فتره بمر بضغوط في شغلي وده مأثر على نفسيتي وضاغطني ومزود من قفلتي من صحابي دول وبفكر جديا أقطع معاهم كلهم… ولوحدي لوحدي أحسن ما يكون ليا صحاب فالصو ومنظر وخلاص.

ايه رايكو وايه الصح ؟

زر الذهاب إلى الأعلى